[0:00]اهلا بيك في حلقه جديده من كورس القواعد، زي ما انت عارف ان احنا واخدين القواعد كلها من الاول بالترتيب وماشيين فيها كقصه فالافضل انك تشاهد معنا بالترتيب. هنبدا من الحلقه دي اننا نتكلم عن الازمنه، وانا على يقين ان بعضكم مستعد يسمع لي كل الازمنه عن ظهر قلب من غير ما يشوفني. بس السؤال هنا، هل هو فاهم الزمن لدرجه انه منطقي في دماغه وبيكتب بيه بدون تفكير؟ هنا بقى تلاقي المشكله وتلاقي الناس تتفاوت. خليني افكرك ان انا قلت لك زمان، لما نتفرج على حلقات القواعد بالذات، حاول قدر الامكان انك تفرغ عقلك الاول، حاول تنسى القاعده اللي انت عارفها قبل ما تتفرج. وتفاعل معايا كانك اول مره تعرفها، لو اكتشفت في النهايه انك كنت عارفها اذا انت ما خسرتش حاجه، بالعكس هتكون كسبت زياده لمعلوماتك. لو اتضح انك كنت فاهم حاجه غلط او في نقط معينه غايبه عنك وده وارد، اذا هتكون كسبت كتير جدا انك ما شووشتش على نفسك اثناء المشاهده. اتفقنا؟ يلا بينا.
[0:59]السلام عليكم ورحمه الله وبركاته، انا ابراهيم عادل انت بتتفرج على كورس تعلم اللغه الانجليزيه على قناه ذا امريكان انجلش الجزء الخاص بحلقات القواعد. الزمن اللي معانا النهارده هو المضارع البسيط او الحاضر البسيط، بالانجليزي اسمه سمبل بريزنت، بعض الناس بتسميه بريزنت سمبل ودي ترجمه غير دقيقه. الافضل انك تقول سمبل بريزنت حتى ان كان كتاب الوزاره عندك ما بيستعملش الترجمه دي، طيب في كل حلقه من حلقات الازمنه هنشرح الزمن باستفاضه وناخذ عليه امثله كتير من الافلام وتمارين لحد ما اتاكد انه بقى منطقي في ذهنك. مش بس فاهمه لا منطقي، دي درجه اعلى. والحلقه اللي بعديها هيكون اختبار كامل على الزمن ده، وساعتها نشوف بقى هل كنت مركز؟ هل هتجيب الدرجه النهائيه؟ ولا هتكتشف ان في حاجه معينه كانت غايبه عنك فتراجعها قبل فوات الاوان؟ طيب خليني اختفيلك بقى من الشاشه علشان يكون تركيزك اكبر. قبل ما اقول لك الطريقه اياها بتاعه التكوين والاستعمال والكلمات الداله والكلام ده وهنشوف بعد شويه ايه اشاعه الكلمات الداله دي، الاول افهم يعني ايه زمن. زمن المضارع البسيط، يعني ايه زمن؟ الزمن في القواعد بنقصد بيه وقت حدوث الفعل، يعني الحاجه اللي حصلت دي، هل حصلت وخلصت فنسميها ماضي؟ ولا بتحصل حاليا فنسميها حاضر او مضارع؟ او لسه هتحصل فنسميها مستقبل؟ ممتاز متفقين، بما اننا بنقول ان الزمن اللي معانا النهارده اسمه الحاضر البسيط، اذا ما فيش ادنى شك ان الفعل اللي هنوصفه او الشيء اللي هنوصفه بيحصل في الحاضر. طيب، في تفريعه بقى لازم تاخد بالك منها، انت بالعربي لو عاوز تعبر عن حاجه بتحصل في الحاضر بتقول مثلا: صديقي يلعب الكره، ده حاضر مش ماضي ولا مستقبل، ولكن في بعض الغموض في الجمله دي. لان انا كمستمع دلوقتي ما فهمتش قوي قصدك، هل قصدك ان صديقك بيلعب الكره بمعنى انه بيعرف يلعب كوره، بيحب يلعب كوره يعني؟ ولا احيانا بيلعب كوره؟ ولا انت قصدك انه دلوقتي حاليا وانت بتتكلم معايا هو بيلعب كوره، يعني انت بتقول لي هو فين دلوقتي بيلعب كوره؟ انه بقى في الحاجات دي هو قصدك لما قلت صديقي يلعب الكره، تحتمل كل دول، تحتمل انه معناها انه عاده بيلعب كوره، صديقي يلعب الكره، في العاده يعني؟ وتحتمل برده معناها انه هو دلوقتي وانا بكلمك بوصف لك هو بيعمل ايه دلوقتي؟ بيلعب كوره، صح؟ طيب الانجليزي بقى مختلف، الزمن اللي معانا النهارده ما لوش اي دعوه خالص باللي بيحصل دلوقتي حالا، اللي بيحصل دلوقتي حالا ده زمن ثاني بنسميه الحاضر المستمر هندرس تفصيلا بعدين. الزمن اللي معانا النهارده الحاضر البسيط، بسطته لانه هو ما بيهتمش بالحاجات اللي بتحصل دلوقتي حالا، سمبل بريزنت مهتم بالحاجات اللي بتحصل عاده، كعاده او روتين يومي او حقائق وهكذا. اي حاجه حاضر ولكن مش دلوقتي حالا ده اسمه سمبل بريزنت، يعني لو قلت لك مثلا السماء تمطر في فصل الشتاء، الجمله دي بالعربي معناها انها بتحصل دلوقتي؟ لا، معناها ان هو في العاده بتمطر في فصل الشتاء، ممتاز، ما بتحصلش دلوقتي يبقى حاضر بسيط، سمبل بريزنت. الاتوبيس يمر في المساء، ده بيحصل دلوقتي؟ لا مش بيحصل دلوقتي، يبقى حاضر بسيط، سمبل بريزنت. اذا استنتج مما سبق اني لو بعبر عن حاجه عاده بتحصل حقيقه روتين، هو ده اللي بنسميه المضارع البسيط، سمبل بريزنت. طيب عاده زي ايه؟ عاده زي مثلا انا احب ان اذاكر في الصباح، دي عاده او روتين، فكده يبقى سمبل بريزنت لانه هو مش بيحصل دلوقتي. حقيقه زي ايه؟ مثلا زي الشمس حاره في فصل الصيف، ده حقيقي سمبل بريزنت لانه مش بيحصل دلوقتي، هو ده حقيقه، ممتاز جدا. يعني اللي مش بيحصل دلوقتي يبقى حاضر بسيط، اختبار مفاجئ، واحد من هذه الجمل الثلاثه اللي هعرضها لك دلوقتي ليست حاضر بسيط، اكتشفها. واحد اشرب القهوه كل صباح، اثنين احمد طويل، ثلاثه الماء يغلي عند 100 درجه. معاك ثلاث ثواني. الاجابه ولا واحده من دول، كلهم حاضر بسيط خدعتك، مع اني عارف انك افتكرت ان جمله احمد طويل دي مش حاضر بسيط، ولكن مش حقيقي. فكر ثاني، احمد طويل، هل ده بيحصل دلوقتي؟ لما بيحصلش دلوقتي دي حقيقه، طيب حقيقه حتى لو ده رايك الشخصي هو حقيقه على الاقل بالنسبه لك انت. يعني الاراء تحت بند الحقائق، افهم دي، رايك هو حقيقه بالنسبه لك انت، طيب احمد طويل ما بيحصلش دلوقتي دي حقيقه اذا ده مضارع بسيط، بس استنى استنى. ازاي مضارع بسيط؟ ما فيهوش فعل اصلا، احمد اسم طويل صفه، اسم وصفه ما فيش فعل، ازاي بيكون حاضر بسيط؟ الاجابه المضارع البسيط والماضي البسيط اللي هندرسه بعدين لا يشترط فيه وجود فعل اساسي اصلا، يعني الفعل المساعد كفايه، اتلخبطت؟ مش مشكله هتفهم جدا دلوقتي، ركز في اللي جاي. الاول احنا اتدربنا كتير على ازاي تقول مثلا انا دكتور، صح؟ تعرف تقولها؟ هل هي اي دكتور ولا اي ام دكتور ولا اي اي دكتور ولا اي ام اي دكتور؟ الاجابه اي ام ادكتور، واتدربنا على كل كلمه في دول كتير في الحلقات اللي فاتت صح؟ انت دلوقتي دكتور في انك تقول جمل زي دي المفروض. طيب اي ام ادكتور دي جمله في زمن الحاضر البسيط، انا دكتور دي حقيقه مش كده؟ وظيفتي هي حقيقه حاضر بسيط. هل بيحصل دلوقتي ان انا دكتور؟ لا ده مش فعل دي وظيفه حقيقه، طيب ده الاستعمال الاول للحاضر البسيط، بتتكلم عن حقيقه، اسم وصفه، اسم ووظيفه، وهكذا. انا مهندس، مضارع بسيط، هي مديره، مضارع بسيط، هم عمال، مضارع بسيط، نحن تلاميذ، مضارع بسيط. وكل الجمل دي انت بتعرف تقولها وبتعرف تسال عليها وبتعرف تجاوبها بالاثبات وبالنفي، كل ده اتدربنا عليه كتير جدا في الحلقات اللي فاتت. فقط انا ما قلت لكش ان اسمه زمن الحاضر البسيط علشان ما اتوهكش، فالاستخدام الاول في زمن الحاضر البسيط اللي هو زي ده كده الاراء والحقائق والحاجات اللي زي دي اللي ما فيهاش فعل اساسي ده انت عارفه كويس جدا، ولكن خد بالك بقى ان علشان في امتحان الحلقه اللي جايه هتلاقي اسئله زي دي. سؤال بتقدم فيه الفعل المساعد اجابه بالاثبات واجابه بالنفي وهكذا وكل ده انت بقيت بارع فيه، راجع الحلقات القديمه لو عندك فيه مشكله. طيب ده الاستخدام الاول ما شرحناهوش لان احنا بقينا اساتذه فيه، الاستخدام الثاني بقى فيه فعلا فعل في الجمله، فعل عاوزين نتكلم عنه مش صفه ولا وظيفه ولا راي ولا كده، في فعل بقى. فعل زي يشرب يلعب ياكل حاجات زي دي، في الاستخدام ده بقى تكوين الجمله بيكون بالشكل ده سبجكت بلس فيرب بلس اوبجكت. سبجكت يعني الفاعل فيرب يعني الفعل، ولكن في جنبه صوت ال ما بين قوسين هنتكلم عنها بعد شويه و اوبجكت يعني المفعول. زي ما قلنا مش شرط تحفظ الاسماء في المستوى ده، طيب سيبك من التركيبه الكيميائيه اللي انا قلتها لك دي وبص معايا على جمله زي نحن نحب بلدنا. درست في النحو ان نحن هتكون فاعل ونحب هي فعل وبلدنا هي مفعول، فاعل فعل مفعول، نحن نحب بلدنا، نفس الترتيب بالضبط هو بالانجليزي، نحن وي نحب لاف بلدنا اور كنتري. وي لاف اور كنتري جمله زي الفل، سهله؟ طيب قول لي انت بقى هم يلعبون شطرنج. كلمه شطرنج يعني تشاس، تشاس، قول لي بقى هم يلعبون شطرنج. الاجابه هم زي يلعبون بلاي شطرنج تشاس، زي بلاي تشاس، سهله؟ نفس الترتيب بالعربي بالضبط. طيب قول لي ثاني انتم تريدون ان تناموا، خلي بالك ان كلمه ان معناها تو، تي او، طيب سهله برده انتم يو تريدون ونت ان تو تناموا سليب، يو ونت تو سليب. ممتاز اذا بنحط الفاعل بعديه الفعل بعدين المفعول انتهينا، بسيطه جدا، طيب في التركيبه الكيميائيه اللي اديتها لك من شويه كان في موضوع ال اس اللي بين قوسين ده، وانا قلت لك ان هو صوت ال مش حرف الاس. ده يا سيدي بنسميه ال اس بتاع الطرف الثالث، يعني ايه؟ في طرف ثالث، انا لا بتكلم عن نفسي ولا بتكلم عنك انت، انا طرف اول، انت طرف ثاني. في طرف ثالث بقى انا بتكلم عنه، سواء موجود او مش موجود هو لا انا ولا انت، طرف ثالث. وخلي بالك ان انا بقول طرف مش اطراف يعني مفرد، طيب يعني لما بكون بتكلم عن واحد مش هو انا ولا هو انت دوت الفعل بتاعه بنزود له صوت ال اس. خلي بالك ان المقصود هو صوت ال س، سواء كان اس او اي اس او اي اي اس، زي ما درسنا قبل كده ازاي نضيفهم بالتفصيل. طيب المهم صوت ال س بيضاف للفعل اذا كنا بنتكلم عن طرف ثالث، طيب تعال ناخذ مثال علشان الموضوع يوضح النظري مش كويس قوي. انا احب القهوه، انا اي احب لايك القهوه كوفي، اي لايك كوفي، الفعل هنا بتاع الجمله هو لايك زي ما هو مش مضاف لي اي حاجه.
[10:02]ليه بقى؟ لسببين، الاول ان الضمير انا بيعامل معامله الجمع اصلا ودي هبقى اشرحها لك بعدين اما تيجي وقتها. طيب السبب الاهم بقى هنا هو ان كلمه انا ده انا بتكلم عن نفسي مش طرف ثالث، اذا مش هحتاج اضيف س للفعل لان انا طرف اول وانت طرف ثاني. طيب لو قلت لك بقى صديقي يحب القهوه، اذا وقف هنا بقى، صديقي ده مش انا ولا انت، ده طرف ثالث. اذا هقول صديقي ماي فرند يحب لايك ثواني محتاجين ال س فهقول لايكس بتاع الطرف الثالث كوفي، ماي فرند لايكس كوفي. اخذت بالك؟ الطرف الثالث بيحتاج س تضاف للفعل، مثال كمان قطتي تنام كثيرا. قطتي ماي كات تنام سليب، بس ثواني القطه لا هي انا ولا هي انت طرف ثالث يبقى نقول سليبس ماي كات سليبس كثيرا الله. لحد هنا متفقين؟ بيهيا لي اه ممتاز جدا، تعال بقى امتحنك من مقاطع الافلام بقى على النقطه دي تحديدا قبل ما انا اعديها. المقطع اللي جاي ده الممثل عاوز يقول كل شخص هي تلعب معه يموت. كل شخص يعني افريبادي، فكر خمس ثواني وشوف هتقول الجمله دي ازاي.
[11:23]Everybody she plays with dies طيب زي ما انت شايف افريبادي شي بلايز وذ دايز، في هنا اثنين س تم اضافتهم. اول واحد للفعل بلاي شي بلايز لان الفاعل شي ده لا انا ولا انت طرف ثالث، يعني مش بيتكلم عن نفسه ولا عن الشخص اللي قاعد قدامه. طيب فقلنا شي بلايز، ثاني فعل بقى اللي هو دايز باضافه برده س لان يموت تعود برده على طرف ثالث مفرد، وزي ما قلنا قبل كده كلمه افريبادي معناها كل واحد ودي مفرد مش جمع، كل واحد بيعمل كذا مش بيعمله كذا مفرد حتى بالعربي. طيب ممتاز، المقطع اللي جاي الست عاوزه تقول هذا الشخص يشتري زهور. شخص يعني جاي، طيب قول لي انت بقى هذا الشخص يشتري زهور، خمس ثواني.
[12:25]This guy buys flowers. طالما ان ذيس جاي مفرد طرف ثالث قلنا بايز باضافه اس، المقطع اللي بعد كده الممثل بيقول انا العب العاب الفيديو. العاب الفيديو اللي هي فيديو جيمز، قول لي بقى انا العب العاب الفيديو، ثلاث ثواني بس. I play video games. زي ما انت شايف مش محتاجين اس للفعل بلاي لاني بتكلم عن نفسي طرف اول مش ثالث. طيب المقطع اللي بعد كده الممثل بيقول نحن نريد ان نعقد صفقه، يعقد صفقه يعني ميك اديل، وكلمه ان قلنا اللي هي تو، فقول لي بقى نحن نريد ان نعقد صفقه، ثلاث ثواني.
[13:17]We want to make a deal. طيب طالما اني بقول نحن مش بتكلم عن طرف ثالث، ما فيش اي داعي لاضافه اس للفعل، فقلنا وونت، وونت، ممتاز جدا لحد كده انت تمام، الموضوع سهل جدا وبسيط. انت كده اتعلمت ازاي تكون جمله في زمن الحاضر البسيط سواء كان فيها فعل او ما فيهاش، ما فيهاش فعل زي اي ام اتيتشر او فيها فعل زي شي بلايز ذا بيانو. ممتاز جدا، دلوقتي بقى تعالى نشوف ازاي ننفي، طبعا الجانب الاول اللي هو الجمل اللي ما فيهاش فعل اتعلمنا نفيها قبل كده بنقول اي ام نوت اتيتشر. خلصنا الموضوع ده، نركز بقى على الجانب اللي فيه فعل، ازاي ننفيه؟ الاول خليني الفت انتباهك لحاجه، انت بالعربي مثلا زمان درست في النحو ان مثال زي العب الكره، ان العب فعل مضارع مرفوع وعلامه رفعه الضمه الظاهره لانه صحيح الاخر. والفاعل ضمير مستتر تقديره انا العب انا الكره، سيبك من كل اللي انا قلته ده بقى وركز لي في اني بقول الفاعل ضمير مستتر تقديره انا. يعني في كلمه مخفيه في الجمله دي ما قلناهاش وهي كلمه انا، اصل الجمله كان العب انا الكره، وحذفنا انا لانها واضحه وبناء الجمله بيدل عليها. انسى بقى كل اللي انا قلته ده وافتكر دي، في ساعات كلمات بتكون محذوفه من الجمله وما بنقولهاش لانها واضحه، ممتاز. نفس الموضوع ده بالضبط موجود في الانجليزي، معقول؟ معقول، الجمله دي مثلا اي لايك كوفي، لو افترضنا انها عربي وجئنا نعربها هيطلع في فاعل مستتر تقديره دو. والاصل ان الجمله بتكون اي دو لايك كوفي، ولو قلت مثلا زي لاف ذير كنتري وبرده جيت اعربها بالعربي هيطلع فيه فعل مستتر تقديره دز، فا هنقول هي دز، اذا في زمن الحاضر البسيط بعد الفاعل دايما في دو او دز في كل الجمل. في دو او دز بتكون محذوفه مستتره، بعد الفاعل الجمع فيه دايما دو محذوفه، وبعد الفاعل المفرد في دايما دز محذوفه، مهم قوي انك تفهم النقطه دي هتفك لك كل المشاكل اللي بتواجه الناس. لو النقطه دي ما وصلتش اعيد الجزء ده ثاني قبل ما تكمل، ولو فهمتها كويس يلا نكمل، عاوزين بقى ننفي، القاعده بتقول عند السؤال او النفي ما فيش حذف، ما فيش حاجه بتبقى مستتره. على رايي اللي بيقول المستخبي يبان، اي حاجه محذوفه تظهر في السؤال النفي او التاكيد، يعني ايه؟ يعني الجمله دي زي لاف مي هم يحبوني، لو مركز رد الجمله دي لاصلها بقى من غير حذف هتكون ايه؟ معاك ثلاث ثواني. هتكون زي دو لاف مي، صح؟ لان دو كانت محذوفه، ممتاز، عاوزين بقى ننفي، بسيطه جدا نفي دو هو دونت، خلصت هتقول زي دونت لاف مي. لو انت مش فاهم النقطه اللي فاتت دي، هتحفظ ان في النفي بنضيف دونت او دازنت، والحكايه اصلا انك ما ضفتش حاجه انت بس اظهرتها، مثال كمان انفي لي دي، اي لاف يو.
[16:41]الاجابه اي دونت لاف يو، ليه؟ لان كان في فعل مستتر تقديره دو فنفينا الفعل ده واظهرناه فقلنا دونت. طيب انفي لي دي، مايك لافز هير، ثواني قبل ما تبدا اصل الجمله كان ايه؟ الطرف الثالث تقديره دز، اصل الجمله كان مايك دز صح ممتاز انفي بقى.
[17:06]نفي دز هو دزنت، صح؟ يبقى هنقول مايك دازنت لاف هير، ثواني ثواني قصدك مايك دزنت لافز هير صح؟ لا ما فيش اس. طيب ليه علشان النفي؟ لا مش علشان النفي، علشان في اول الحلقه انا قلت لك ان احنا عاوزين للطرف الثالث صوت ال اس في الفعل، فاكر؟ طيب اول فعل فين في الجمله دي لما بنقول مايك دازنت لاف هير؟ فين اول فعل؟ اول فعل هو دزنت، صح؟ طيب مش دزنت فيها ال اس؟ اه فيها بنقول دازنت، طيب خلاص يبقى مره واحده كفايه ما فيش صوتين اس في فعلين ورا بعض.
[17:53]كفايه مره واحده، طيب مثال كمان علشان دي تثبت، انفي دي شي ويرز ا يونيفورم، هي ترتدي زي رسمي، انفيها لي، تعالى نعملها مع بعض خطوه خطوه. اصل الجمله كان ايه؟ الطرف الثالث تقديره دز شي دز وير ا يونيفورم، المستخبي هنا كان دز، ممتاز، طالما ان الدز موجوده وفيها اس، اذا وير مش محتاجه الصوت ده. اذا وجد الماء بطل التيمم، ممتاز، هننفيها ونقول شي دازنت وير ا يونيفورم، طيب انفي شي لافز مي، اصل الجمله شي داز لاف مي من غير اس لان دز اخذت ال اس. طيب نفيها هيكون شي دازنت لاف مي، ونفي اي لاف هير هيكون اي دونت لاف هير لان ده طرف اول اي دونت لاف هير صح كده؟ طيب زي الفل، قبل ما نتمرن بقى من الافلام هعرض لك ست جمل على الشاشه دلوقتي والمطلوب منك انك تكتب في ورقه عندك النفي بتاعهم، ما تنفهمش في دماغك وتكتفي بكده، اكتب بايدك لغرض معين. هوقف الفيديو 20 ثانيه وانت تقدر توقف اكثر، اتفقنا؟ الجمل هي ون اي ايت الوت اوف فود، تو زي هاف انترستنج بوكس، ثري يو ار ا فاست ريدر، فور وي ار جود ستودنتس، فايف هي دانسز اون ا ستيج، 6 شي سيلز هير رينج، 20 ثانيه ابدا. طيب المفروض الحل يكون كده، اي دونت ايت الوت اوف فود، طرف اول تقديره دونت، زي دونت هاف انترستنج بوكس، زي جمع مش طرف ثالث مفرد ده طرف ثالث جمع دونت زي دونت هاف انترستنج بوكس، يو ار نوت ا فاست ريدر، طالما ان الجمله يو ار كذا يبقى نفيها يو ار نوت كذا وده درسناه قبل كده. وي ار نوت جود ستودنتس، نفس الموضوع نفي وي ار، وي ار نوت ما فيش فعل هي دازنت دانس اون ا ستيج، ليه؟ لان الدونت فيها اس ما حطيناهاش في دانس ما قلناش دانسز، ممتاز. شي دازنت سيل هير رينج، ليه؟ لان دازنت موجوده، اذا وجد الماء بطل التيمم، سيل مش هتاخد اس، طيب لو اكتشفت خطا عندك في اي واحده من دول ما تكملش، رجع الجزء اللي انت ما كنتش منتبه فيه بالشكل الكافي واعيده ثاني. اما لو كان كله تمام تعالى بقى ترجم اللي هقوله لك ده من الافلام، المقطع الجاي الممثل بيقول هو لا يعرف، معاك خمس ثواني.
[20:43]He doesn't know. ممتاز، اللي بعده الممثل بيقول هي لا تتحدث كثيرا جدا، يتحدث يعني توك، كثيرا جدا يعني فيري ماتش، قول بقى هي لا تتحدث كثيرا، خمس ثواني. Well she doesn't talk very much but ممتاز، بعد كده بيقول هم لا يريدونني، يريد يعني وونت، هم لا يريدونني خمس ثواني. They don't want me. طيب المقطع اللي بعد كده نحن ليس لدينا وقت، لدي يعني هاف، لدي وقت يعني هاف تايم، قول بقى نحن ليس لدينا وقت، خمس ثواني. We don't have time. طيب اخر مقطع الممثله بتقول الشركه لا تهتم بذلك، يهتم به يعني كير اباوت، الشركه لا تهتم بذلك، خمس ثواني. The company doesn't care about that. ممتاز جدا، كده انت عرفت تكوين الجمله مثبته ومنفيه، في حاجه بقى انت اكيد سمعت عنها وهي الكلمات الداله على زمن معين، يعني مثلا يقول لك ان الكلمات الداله على الحاضر البسيط حاجات زي اولويز يعني دائما، اوفن او اوفن يعني في الغالب، سامتايمز يعني احيانا، يوزولي يعني عاده، نيفر يعني مطلقا، طيب وحاجات زي كده. الحقيقه ما فيش حاجه اسمها الكلام ده، ما فيش حاجه اسمها الكلمات الداله على زمن معين، عارف ان ده هيصدمك لان كل معاهد العالم والجهات الحكوميه درست لك وانت صغير ان كل زمن له كلمات داله عليه. وهيبقى صعب جدا انك تكتشف دلوقتي ان ما فيش حاجه اسمها كلمات داله على زمن معين، انا معاك متفق معاك جدا وحاسس بيك، يعني مثلا احنا بنقول اولويز دي كلمه داله على زمن المضارع البسيط، طالما في اولويز في الجمله اذا الجمله مضارع بسيط. طيب انا هصدقك وامشي معاك، فسر لي المقطع ده. I will always love you اخذت بالك؟ بتقول اي ويل اولويز لاف يو، زمن الجمله دي ايه؟ اي ويل ده زمن ايه؟ ده زمن مستقبل، سوف اظل دائما احبك، ازاي ويل تيجي معاها اولويز؟ طيب مثال كمان اسمع المقطع ده. We always did everything together. يا راجل دي بتقول وي اولويز ديد افريثنج توجذر، اولويز مع ديد، ده زمن ايه ده؟ دائما كنا نفعل كل شيء مع بعض، زمن ايه؟ حاضر ولا ماضي؟ ماضي. طيب ينفع اولويز مع الماضي؟ بالنسبه لكل متحدثي اللغه الانجليزيه في العالم كله اه ينفع، بالنسبه لطريقه تدريس القواعد اياها، لا ما ينفعش. هم بس فالحين في النهايه يجي يقول لك ان المتحدثين الاصليين لا يلتزموا بالقواعد يا سيدي افهم انت القاعده الاول، طيب ممكن اجيب لك امثله كتير بقى على كل كلمه بيتقال عليها انها بتدل على زمن معين ولكن بيتهيأ لي الصوره كده وضحت. كل كلمه من دول ليها معنى، استخدمها بالمعنى بتاعها وما لكش دعوه باسم الزمن، لو عاوز تقول في بعض الاحيان كنت بعمل كذا ماضي بعض الاحيان سامتايمز، استخدمها في الماضي لانها تنفع رغم انف اي حد. عاوز تقول هم في العاده سيفعلون كذا مستقبل في العاده يعني يوزولي، استخدمها في المستقبل عادي هتنفع اتفقنا؟ طيب عرفنا الاثبات وعرفنا النفي وعرفنا اكذوبه الكلمات الداله، فاضل بقى السؤال، ده بقى ما فيش اسهل منه. كل اللي عليك تعمله انك تجيب الفعل المساعد في الاول، يعني هتبدا يا اما بدو او بدز، وخلي بالك ان دز فيها صوت ال س اللي انت كنت عاوزه. فمش هتحتاج تحط للفعل س ممتاز، نطبق عملي بقى، جمله زي دي جاك بيلدز هاوسز، جاك بيبني منازل، اسال لي عليها بقى هل جاك بيبني بيوت؟ هتقول ايه؟ فاكر ان في فعل مستتر تقديره دز، ممتاز، هاتها في الاول هتقول دز جاك بيلد هاوسز، ما تنساش علامه الاستفهام وما تنساش ان الفعل ما لوش اس لان دز بتغنيك عن ده زي ما قلنا اذا وجد الماء بطل التيمم. طيب جمله زي دي يور فرندز لاف تو كم ليت، اصدقائك بيحبوا ان هم يجوا متاخرين، ممتاز، الفاعل جمع. اذا كان في فعل مستتر تقديره دو هابدا بيها واقول دو يور فرندز لاف تو كم ليت، مثال كمان الجمله دي هير دوج هاز ا شورت تيل، الكلب بتاعها عنده ديل قصير، اسال لي بقى على الموضوع ده، هل الكلب بتاعها عنده ديل قصير؟ ممتاز، في ضمير مستتر هنا تقديره دز، ابدا بيه، وافتكر ان مش هتحتاج صوت اس للفعل، فهنقول دز هير دوج هاز ا شورت تيل، غلط الفعل هنا هاز فيه صوت اس، كلمه يمتلك ليها كلمتين هاز فيها اس وهاف ما فيهاش اس. طالما دز موجوده هنستخدم اللي ما فيهاش اس هاف، فهنقول دز هير دوج هاف ا شورت تيل، ليه ما ينفعش نستخدم هاز لان فيها اس بتاعه المفرد ودز فيها اس برده، يبقى واحده بس كفايه. طيب اسال لي انت على دي توم هاز ا نايس كار، معاك خمس ثواني. الاجابه داز توم هاف ا نايس كار، وما قلناش هاز، طيب ممتاز اختبار بقى ليك اللي هو فقره الواجب، اسال لي على الست جمل اللي هعرضهم لك دول. في جمل هتضطر تبدا فيها بدو او دز في السؤال وفي جمل هتضطر تبدا فيها بام از ار في السؤال والصمت ده احنا درسناه كويس جدا قبل كده، الست جمل اهم، فكر شويه قبل ما تجاوب واكتب اجابتك في التعليقات ونصححها الحلقه اللي جايه ان شاء الله، واتمنى ان الكل يجيب فيه الدرجه النهائيه. شكرا للمشاهده اشوفك الحلقه اللي جايه ان شاء الله شكرا والسلام عليكم ورحمه الله وبركاته.
