هو إحنا ليه بنكسل؟ علاج الكسل و التسويف ⏳

[0:00]عارف انت احساس انك عارف ايه اللي وراك واللي المفروض تعمله بس مش قادر تقوم تعمله. عارف ان انا ورايا شغل ومسؤوليات بس انا مش قادر اقوم قاعد قدام اللاب ونفسي ابدا اكتب السكربت بتاع الحلقه دي. بس كل اللي انا بعمله ان انا مبحلق في الشاشه مش عارف بصراحه ايه اللي مانعني من ان انا اكتب. يمكن مستني السكربت يتكتب لوحده مش قادر افهم ليه حاسس ان الموضوع تقيل قوي على قلبي. وبعد دقائق من التفكير استخدمت الورقه اللي مستحيل حاجه تقدر تقف في طريقها. هبدا من بكره على نظافه وجي بكره فضلت قاعد نفس القعده بس المره دي وانا حاسس بتانيب ضمير علشان ضيعت امبارح كله على الفاضي. فبدات ادي لنفسي اعذار زي ان انا مش في المود ومفيش حاجه تشجعني. انا تعبان وعايز اخد بريك يمكن ده مش مكاني او الزمان ده مش زماني. واكيد الورقه اللي بتكسب في كل مره. هبدا من بكره على نظافه وقررت ان انا ابدا بكره. وادور دلوقتي على اي حاجه تفرحني علشان انا مش في المود. العب شويه وبعد كده اكل واتفرج على المسلسل اللي انا بحبه وبعد كده انام لي شويه. وبكره باذن الله هقوم وهبدا جامد قوي قوي. لسه مصدق ان لما بكره هيجي هتبدا بجد. ما عرفتكش انا كده

[1:08]كلنا بيجي لنا وقت بيبقى في ورانا حاجات لازم تخلص سواء انك تذاكر او تشتغل او تنزل الجيم او انك تصلي او حتى انك تنظف اوضتك. كلنا بنمر في فترات ما بيبقاش لينا اي نفس اننا نقوم ننجز اللي ورانا علما اننا ممكن نعمل حاجات اصعب من كده بكتير بس الحاجه دي بالذات هي بقى انا نونت في دماغي ومش هاعملها. وعلشان نفهم احنا ليه بيحصل معانا كده خلينا نفهم الاول هي البلحه اللي فوق لا بلاش بلح. هي البصله اللي فوق دي بتشتغل ازاي عقل الانسان متبرمج ان هو هيمشي بمبدا بسيط جدا. المتعه والالم يعني ببساطه الحاجه اللي هتخليك مبسوط زود منها يا بشمهندس طارق ما يهمكش. والحاجه اللي هتوجعك او هتحسسك بالالم قلل منها على قد ما تقدر او اجلها لبعدين. المشكله هنا انك هتلاقي دايما دماغك بتحاول تتجنب الالم او ان هي تكون مبسوطه ومش بس تكون مبسوطه هي عايزه تكون مبسوطه دلوقتي. يعني حاجه زي انك تذاكر علشان تجيب درجات عاليه وتنجح هتخليك مبسوط بعدين مش دلوقتي. بل بالعكس دي ممكن تحسسك بالالم دلوقتي لان مفيش حد بيحب ان هو يذاكر. لكن حاجه زي انك تلعب ببجي مثلا بص هتخليك مبسوط دلوقتي ورايق وتقريبا ما فيهاش قلم. فاي قرار تقريبا انت بتاخده في يومك بيعتمد على المبدا ده. يا اما عايز انك تكون مبسوط يا اما عايز انك تتجنب قلم. يعني مثلا انت بتنزل الشغل علشان تتجنب الم ان هم ما يقسموش من الراتب بتاعك. بتنزل الجيم مش علشان بتحب انك توجع نفسك بس علشان هكون مبسوط لما تبني عضلات او على الاقل هتتجنب الم ان وزنك يزيد. بتذاكر مش علشان بتحب المذاكره بتذاكر علشان تتجنب الم انك ممكن تجيب درجات وحشه او تسقط وتعيد السنه. المشكله بقى في عقل الشخص اللي بيكسل او اللي بيسوف ان هو دايما بيدور على ان هو يكون مبسوط حاله. يعني ببساطه ايه اقرب حاجه ممكن تخليني مبسوط دلوقتي ان انا اذاكر ولا ان انا العب ببجي. ايه اللي هيخليني مبسوط دلوقتي ان انا انزل الجيم واتمرن واقعد بالشهور وانا عامل دايت ولا ان انا انزل اجيب بيتزا لارج بقى وتحط عليها اكسترا تشيز والكلام ده كله. عقل الشخص اللي بيسوف او اللي بيكسل للاسف مش فارق معاه المتعه او الفرحه او السعاده اللي هتجيله بعد شهور. هو عايز يكون مبسوط هالحين اللي بيشرب السجاير بيشرب سجاير وعارف ان هي مضره. وعارف كل المشاكل اللي هتحصل له في المستقبل ومع ذلك بيشربها لانها بتخليه يحس بالمتعه الفوريه. هو مش فارق معاه ايه الالم اللي هيواجهه في المستقبل او ايه المتعه اللي هتكون في ان صحته تكون كويسه بعدين. كل اللي فارق معاه ان هو يكون مبسوط دلوقتي وما بيفكرش ان كل سيجاره من دول بتكون بمثابه خطوه بتقربه كل يوم لتاريخ وفاته. وهي دي المشكله الاساسيه المشكله بتاعت الشخص اللي بيسوف ان هو دايما مخلي العاطفه بتاعته تكسب المنطق. بيفكر بقشره الفص الجبهي ومش عايز اقولها بالعربي عشان حاسس ان هي اكله مش عارف ليه يعني بيفكر بالفرنتال كورتكس. عارف لما بيقول لك الشخص بيفكر بقلبه اه ده الشخص اللي بيفكر بقلبه. الشخص اللي بيسوف دايما دماغه متبرمجه على ان هو يدور على الانستنج كيشن او ان هو يكون مبسوط في الوقت الحالي اكتر من ان هو يكون مبسوط. في المستقبل او في الفتره اللي جايه حتى لو كانت قيمه الحاجه اللي هتجي له وهتخليه مبسوط في الفتره اللي جايه دي اكبر من الوقت الحالي. هو عايز يكون مبسوط دلوقتي مش فارق معاه اي حاجه ثانيه علشان كده خلينا نبص للموضوع من زاويه ثانيه. الحقيقه ان حياتنا دايما متقسمه لجزئين الحياه او الواقع اللي احنا عايشينه دلوقتي والحياه اللي احنا بنتمنى اننا نكون عايشينها. وعلشان نروح من الواقع اللي احنا عايشين له للحياه اللي احنا بنتمناها محتاجين اننا نشتغل او بمعنى اخر اننا ننجز الشغل اللي ورانا. واللي هو بمعنى ثاني يعني ان انا نختار الالم دلوقتي علشان نكون مبسوطين بكره. بس للاسف مفيش حد بيختار ان هو يتوجع دلوقتي على حساب بكره. لما انا كنت عمال ادي لنفسي اعذار ومبررات علشان ما اكتبش السكربت بتاع الفيديو ده كنت بختار ان انا اكون مبسوط دلوقتي او اتجنب الالم بتاع الشغل ومش فارق معاه ايه اللي هيحصل بكره. مع اني عارف من جوايا ان فيديو زي ده هيقربني خطوه لحلمي بس انا ما بعملش حاجه زي كده. اكيد بتسال نفسك طب ازاي انت شايف الفيديو دلوقتي قدامك يعني ما انت اكيد خلصته خلصته ازاي بقى. بكره هقول لك خلاص يا عم ما تقفش ما تزعلش كده كنت بهزر معاك. هقول لك على كام طريقه كده انا بتعامل بيها مع دماغي بما اني خلاص عرفت هي بتفكر ازاي. بما ان الانسان بيفكر من مبدا اللذه والقلم فانا لما باجي اشتغل على حاجه محتاجه قلم بشيل كل مصادر اللذه لدرجه ان اللذه الوحيده اللي بتبقى موجوده عندي هي ان انا اختار القلم انا حاسس انك اتلخبطت كده وماعدتش فاهم انا بقول ايه. فخلينا اوضح لك اكتر بدراسه اتعملت سنه 2014. في الدراسه دي جابوا 55 شخص واتفقوا معاهم ان هم يقعدهم في الاوضه لمده ربع ساعه بس. الفكره كلها هنا ان الاوضه دي ما كانش فيها ولا اي حاجه غير زرار واحد والزرار الواحد ده بيكهرب. تفتكر بقى في خلال الربع ساعه دي كم واحد من ال 55 شخص داسوا على الزرار ده اكتر من مره. 67% من الرجاله و25% من الستات اختاروا ان هم يدوسوا على الزرار ده اكتر من مره عن ان هم يحسوا بالملل. يعني قالوا لهم اقعدوا ربع ساعه بس في اوضه ما فيهاش اي حاجه غير زرار بيكهرب يعني ما تجوش جنبه. متخيل ان ثلاث ارباع الناس اللي في التجربه دي اختاروا ان هم يتوجعوا على ان هم يكونوا قاعدين من غير ما يعملوا اي حاجه. وده ببساطه يعتبر اول حل الملل لما تيجي تنجز شغلك او تيجي تخلص اي حاجه وراك. شيل من الاوضه بتاعتك اي مصدر ممكن يشتتك او يحسسك ان انت ممكن تكون مبسوط. يعني شيل الاكل شيل الموبايل بتاعك شيل اللاب توب بتاعك لو انت مش هتشتغل عليه. شيل القصفه وسلاكات الودان اللي انت بتقعد تشغل نفسك بيهم دول لان دول كلهم يعتبروا مصادر للتشتيت. لما تشيل كل مشتتات او الحاجات اللي بتحسسك ان انت مبسوط هتلاقي ان ما فيش اي حاجه في الاوضه ممكن تعملها. غير ان انت تذاكر او ان انت تشتغل او ان انت تعمل الحاجه اللي انت المفروض تعملها فبالشكل ده تقدر تقول انك برمجت دماغك ان المصدر الوحيد لللذه في الوقت الحالي هو ان هو يختار القلم. تاني حل هو انك تعمل مع نفسك ديل ببساطه اسال نفسك سؤال هو انت عايز تعمل ايه دلوقتي او ايه اللي هيخليك مبسوط في الوقت الحالي. هتقول لنفسك مثلا انا عايز العب ببجي او عايز اتفرج على حلقه من المسلسل الجديد اللي لسه نازل ده او عايز اتفرج على فيلم او عايز اكل او الكلام ده كله. فببساطه الديل اللي انت هتعمله مع نفسك هو انك هتاجل الحاجه اللي هتخليك مبسوط دي لحد بعد ما تخلص الحاجه اللي وراك. يعني هتقول لنفسك ببساطه ايه رايك لما نخلص المذاكره اللي ورانا وبعد كده نلعب ببجي لمده ساعتين يا عم ومفيش حد هيكلمنا. لان وقتها انت مش هتحس بتانيب الضمير اللي كنت هتحسه لما تلعب وانت وراك حاجات لازم تخلصها. فانت هنا بتبرمج دماغك ان هو يحس بالالم لفتره قصيره علشان يكون مبسوط في الفتره اللي بعدها ومن غير ما يحس بالندم. لازم تفهم هنا انك ما ينفعش تقفل الحنفيه او تمنع الالعاب والسوشيال ميديا والكلام ده كله. خلي بالك ان الهدف هنا مش انك تمنع المتعه الهدف هنا هو انك تختار القلم دلوقتي علشان تحس بالمتعه بعدين. ثالث حل هو انك تقسم اللي وراك لبيبي ستبس يعني ببساطه لو وراك مذاكره 100 صفحه من ماده معينه. قسم الصفحات دي ل 10 صفحات كل يوم لكن ما تسيبش ال 100 صفحه دول لحد يوم الامتحان وتزنق نفسك زنقه الكلاب. لان لو عندك القدره انك تخلص ال 100 صفحه دول في يوم يبقى كان عندك القدره انك تخلص ال 100 صفحه دول في اول يوم وكنت خلصت وقعدت بقيه الايام فاضي. الفرق هنا برده انك اخترت انك تحس بالمتعه الفوريه وتاجل الالم لبعدين بس اللي انت مش واخد بالك منه ان الالم كده كده جاي. لانك عمال بتاجله مش اكتر ده بالعكس الالم لما هيجيلك وانت مزنوق هتبقى متوتر اكتر وهتحس انك مضغوط اكتر فساعتها هياثر على الانتاجيه بتاعتك. واحده من اهم الطرق اللي بقسم بيها الشغل بتاعي هي بومودور تيكنيك. والفكره كلها منها انك تقسم الساعه بتاعتك ل 25 دقيقه شغل وخمس دقائق راحه. وبعد كده ترجع تشتغل 25 دقيقه وبعد كده تاخد خمس دقائق راحه وفي موقع جميل قوي اكتشفته من كام يوم اسمه برين دوت اف ام. والفكره من موقع ده ان هو بيقسم لك الوقت بتاعك او بيحط لك تايمر وفي نفس الوقت في موسيقى بتساعدك على ان انت تركز اكتر او ان انت تنتج بشكل اكتر. المهم انك لازم تكون عارف ان الحاجه اللي انت المفروض تشتغل عليها دي ما ينفعش تاجلها لانها كده كده جايه. وفي نفس الوقت لازم تعرف ان الحاجه اللي وراك دي بتاخد في الغالب وقت اكتر من اللي انت متوقعه علشان كده لازم تبدا وتبطل مرقعه. رابع حل انك تعاقب نفسك واحد الطرق اللي انا بستخدمها مع نفسي هو ان انا مثلا بقول لنفسي يا اما تخلص اللي وراك ده يا اما هتطلع 500 جنيه مثلا او مبلغ ممكن يكون مؤذي شويه بالنسبه لي لله. والفكره هنا انك بتدرب عقلك ان هو يتجنب قلم بالنسبه له ممكن يكون اكبر من الالم اللي هو يخلص الحاجه اللي وراه دلوقتي. الفكره مش انك تمنعه من ان هو يطلع صدقه لله انت ممكن تستخدم الموضوع مثلا زي انك تستحمى بميه سخنه في عز الحر او تستحمى بميه ساقعه في عز البرد فاهمني. يعني الفكره انك تعمل حاجه مؤذيه او تخلي الموضوع بالنسبه له مؤذي شويه لدرجه انك هتخليه يختار الحاجه اللي بالنسبه له قلم بسيط دلوقتي مقارنه بالالم اللي هيحسه دلوقتي. ولو انت اخترت انك تطلع مبلغ مؤذي شويه بالنسبه لك لله ما تجيش تقول لي هطلع جنيه او 10 جنيه لله لان ده مش مبلغ مؤذي انت كده بتستعبط. انا عارف ان انت عندك احلام وطموحات ومش عاجبك الواقع اللي انت عايشه دلوقتي ونفسك تروح للحياه اللي انت نفسك فيها. بس طول ما انت بتختار المتعه الفوريه والالم البعيد يبقى عمرك ما هتوصل للي انت عايزه. خلي بالك انت مشكلتك مش في الشغل انت مشكلتك ان انت بس عايز اللي يخليك تبدا الشغل. علشان كده دايما في اي حاجه زي دي اعمل ديل مع نفسك اخدع عقلك ولبس نفسك في الحاجه بشكل يجبره وان هو يعملها. مثلا ممكن تتفق مع نفسك انك هتبدا شغل لمده ثمان دقائق بس وهتخلص بعد كده ولو ماكسلت تنزل الجيم قول لنفسي انا هلبس هدوم الجيم وهلبس الكوتشي وهقلع تاني مش هاعمل حاجه. صدقني لو اتفقت مع دماغك ان انت تشتغل لمده ثمان دقائق بس هتلاقي انك بتكمل يمكن اكتر من ساعه. لان زي ما قلت لك انت مشكلتك مش في الشغل مشكلتك في انك تبدا الشغل. وقتها برده لما هتلبس الهدوم وهتلبس الكوتشي هتنزل الجيم لان مفيش حد بيحب يحس ان المجهود بتاعه راح على الفاضي حتى لو المجهود ده كان شويه دقائق. انزل ادفع اشتراك الجيم او اشتراك الكورس اللي انت نفسك تبداه ودلوقتي بعد الفيديو ده. لبس نفسك واجبر نفسك ان انت تبدا لو ما قمتش دلوقتي مفيش حد هيجي ياخد بايدك ويشدك لقدام ويقول لك يلا قوم. ما تستناش لما الساعه تيجي 12 او انك تخلص اكل او انك تبدا السبت على نظافه. النهارده ده هو بكره اللي انت قلت لما هيجي هبدا وادي بكره جه اهو وانت دلوقتي عمال بتقلب على السوشيال ميديا وعمال بتضيع في وقتك. وخلي بالك الفكره كلها مش انك كسول الفكره انك بتفضل دايما المتعه الفوريه عن انك تحس بالقلم دلوقتي علشان تاخد جائزه كبيره قوي بعدين. فالموضوع ببساطه هنا محتاج انك تغير التفكير بتاعك او الطريقه اللي انت بتتعامل بيها مع نفسك. لو انت مستني اللحظه المثاليه ان هي تيجي فانا عايز اقول لك ان هي عمرها ما تيجي لان ما فيش حاجه اصلا اسمها لحظه مثاليه. ولو في حاجه ممكن نقربها للحظه المثاليه فهي اللحظه اللي انت هتبدا فيها الحاجه اللي وراك او المفروض تخلصها بصرف النظر بقى عن مزاجك او عن ظروفك او عن الحاجات اللي ضغطاك او عن المشاكل اللي في حياتك. ابدا وصدقني والله العظيم لمجرد انك تبدا هتلاقي ان الدنيا بقت اسهل كتير. هتلاقي ان انت خلاص بدات تكون عاده وما عدتش بتسوف في الحاجه دي لانك فهمت ببساطه ان التسويف هيسهل حياتك النهارده بس هيصعبها عليك بكره. وانك تنتج حاجه او انك تخلص اللي وراك هيصعب حياتك يمكن النهارده بس هيسهلها بكره. فالسؤال اللي انا عايز اساله لك هنا انت ناوي تبدا امتى؟