النيكوتين في اقل من 8 دقايق !

[0:02]أول شيء لازم أوضح وش هي كلمة إدمان مع إنه الكل يعرف معناها ولكن في حال إنه كان في شخص ما يعرف معنى الإدمان فالإدمان بكل بساطة هو رغبة قهرية للاستمرار في تعاطي المادة المخدرة أو الحصول عليها بأي وسيلة مع الميل إلى زيادة الجرعة المتعاطاة مما يسبب اعتمادا نفسيا وجسميا وتأثيرا ضارًا في الفرد والمجتمع. أما بالنسبة للنيكوتين فهو مادة كيميائية إدمانية سامة موجودة في أوراق التبغ والتبغ هو الشيء اللي يصنع منه الدخان. وبحكم أنها مادة إدمانية فهو صعب إنك تتركها بسهولة ويرجع تاريخ النيكوتين لقبل 5000 سنة قبل الميلاد. ولكن في القرن الـ15 اكتشف الرحالة كريستوفر كولومبس التدخين عند قبائل أوراكس الكاريبية واللي كانوا يدخنوا بأنبوب شكله كان غريب واللي كانوا يسمونه التوباكو. واللي عندنا هنا نسميه مدواخ وفي القرن الـ15 وتحديدا في سنة 1559 ميلادي استورد البحار نيكوت. وركزوا على اسم نيكوت كويس التبغ دخلوه أوروبا وبحكم إنه التبغ يحتوي على مادة مخدرة والمادة المخدرة هذه جابها لأوروبا شخص اسمه نيكوت فسميت المادة المخدرة هذه نيكوتين نسبة لاسم نيكوت. ولكن السؤال الأهم هو وش يسوي النيكوتين أول ما يدخل الجسم؟ بعد أول شفطة من الدخان راح يدخل النيكوتين مباشرة إلى مجرى الدم وبعد 8 ثواني إلى 20 ثانية يتسلل النيكوتين إلى الدماغ. ويبدأ الدماغ يفرز هرمون الدوبامين واللي هو مسؤول عن السعادة والشعور بالرضا في جسم الإنسان وبعد ساعتين تقريبا تكون نصف كمية النيكوتين اللي دخلت الجسم خلاص راحت ولازم تطلع زقارة جديدة. وتيتي تيتي زي ما رحتِ جيتي وطبعًا تختلف كمية النيكوتين اللي تدخل للجسم تبعًا لعدة عوامل وأهمها نوع التبغ المستخدم وإذا كان الشخص يدخن فعليًا أو إنه يستنشق دخان الآخرين. زي لما تروح مقهى فيه شيشة وتلقى اللي جنبك يشيش واللي وراك مصلح زغلول وأنت ما أنت شخص مدخن فبالطريقة هذه النيكوتين يدخل جسمك. ولكن مع الوقت يبدأ مفعول الزقارة الواحدة ما يسبب إفراز في مادة الدوبامين بسبب إنه الجسم خلاص تعود على الجرعة البسيطة هذه من النيكوتين ويحتاج إنه يزيد من الجرعة. فعشان كذا نشوف ناس تدخن أكثر من 20 زقارة باليوم فهذول الناس هم أكثر الناس إدمانًا على النيكوتين فتلقاه حتى لو ما عنده فلوس إنه يشتري دخان عشان يتعاطى النيكوتين فممكن إنه يسوي حرام. ولو تلاحظ الأشخاص المدمنين على النيكوتين كيف في شهر رمضان وأثناء الصيام يكون مزاجهم جدًا متعكر وأخلاقهم قافلة ومستعدين يسووا أي شيء عشان يدخنوا. وأكثرهم يوصف الزقارة اللي بعد الفطور إنها شيء من وحي الخيال وهذا طبعا بسبب إدمانهم وإذا كنت تحسب إنه مادة النيكوتين ما تقدر تستخدمها إلا عن طريق التدخين فأنت غلطان. من بعد أول نوع عندنا واللي هو الدخان يجي عندنا لصق النيكوتين واللي بكل بساطة عبارة عن لصق ينحط بالجسم والجسم يبدأ يمتص النيكوتين عن طريق الجلد. وتعتبر مميزات اللصق إنه ما تحرق دخان يضر الرئة ولكن برضه ما ننسى أنك قاعد تضر الدماغ وبرضه في شيء ثاني زي ما أدري صراحة وش اسمه. ولكن عبارة عن ظروف نيكوتين صغيرة تنحط تحت الشفايف وبالطريقة هذه النيكوتين يخش الجسم وأيضًا عندنا حبوب النيكوتين الذواابة واللي هي عبارة عن حبوب تحطها بفمك وتخليها لين تذوب. وكذا أنت دخلت النيكوتين جسمك وعندنا كمان لبان النيكوتين واللي من اسمه يعني عبارة عن لبان تاكل اللبان هذا وتقعد تمضغ وبكذا النيكوتين يدخل جسمك. والقاسم المشترك بين جميع هذه البدائل هو نسبة النيكوتين المنخفض فيها وأكثر الأشخاص اللي يستخدمونها هم الأشخاص اللي قاعدين يبعدوا عن النيكوتين والتدخين بالتدريج. ولكن في شيء أخير راح يخليني أرجع لنقطة البداية واللي هو الفيب. الفيب والمعسل الإلكتروني أو السحبة ولها أسماء مرة كثيرة وهذه هي الأكثر انتشارًا بين الناس اليومين هذه والترويج لها قوي بشكل مو طبيعي. وأكثر شيء يخلي الناس أول المراهقين خصوصا يستخدموا الفيب عشانهم من دون ريحة فإذا كان يستخدم الفيب من وراء أهله ورجع البيت ما راح تمسك فيه الريحة لأن ريحة الفيب أساسًا حلوة. ما هي زي ريحة الدخان تكون الريحة ماسكة وقوية وبرضه الأشكال اللي تجي فيها أجهزة الفيب أشكال مرة رهيبة وتحسس الشخص إنه أحسن من المدخن العادي. لدرجة إنه الشركات تحط سلاسل تقدر تعلق فيها الفيب وتمشي فيه قدام الناس زي كأنك تقول للناس تشوفوني قد إيش أنا سبك وغير كذا سهل تخبيه لأنه أحجام الأجهزة صغيرة بشكل مو طبيعي عكس الدخان. وهذه عدة أشكال للفيب أو السحبات وأكثر من شركة وأسعارها تكون متفاوتة فيه الغالي وفيه الرخيص وهذا الشيء يدخلنا للنقطة اللي بعدها واللي هي سعر الفيب. يومين نقول إنه الفيب هذا سعره غالي فنحن نتكلم في حدود الـ250 ريال كحد أقصى والـ250 ريال هذه تجيب لك جهاز من أقوى الشركات العالمية. يعني بكل اختصار جهاز محترم ويوم نقول إنه رخيص نتكلم عن 35 ريال تقريبا يعني تقدر تقول إنه الشركة هذه شركة صينية أو شركة مشي حالك واحتمال إنه يصير لك مشاكل بالجهاز. ولكن في الأخير نفس الشيء ونفس الضرر زي كأنك قاعد تقارن بين أجهزة أبل وسامسونج ولكن في الأخير كلهم جوالات وكلهم يقدروا يتصلوا وفيهم إنترنت. نفس الشيء بين أنواع الفيب كلهم راح يمدوك بالنيكوتين وهذا الشيء بحد ذاته يخليه ينتشر بشكل مهول بين البزورة. وأخيرًا وليس آخرًا سالفة إنه الفيب يخليك تقطع الدخان وهذه فيها تفصيل شوية لأنه بكل بساطة مو أي شخص راح يترك الدخان راح يتوجه للفيب. وفي إحصائية نشرت على موقع سينجل كير تقول إنه في سنة 2020 كان في 68 مليون مستخدم للسجائر الإلكترونية حول العالم. وازداد العدد في سنة 2021 لـ82 مليون مستخدم للسجائر الإلكترونية يعني خلال سنة وحدة بس زادوا أكثر من 14 مليون مستخدم للسجائر الإلكترونية. وفي دراسة برضه سووها في سنة 2020 على طلاب المرحلة الثانوية وكانت عن استخدام المراهقين للفيب فاكتشفوا إنه من بين كل خمسة طلاب ليسوا مدخنين. يكون في منهم طالب واحد على الأقل يستخدم الفيب وبرضه في دراسة سووها على المراهقين اللي فيبوا واكتشفوا أنهم أكثر عرضة للدخان العادي بنسبة 3.6 من عشرة. يعني احتمال أنهم برضه يطيحوا بالتدخين العادي والفيب هذا خلاص يرمونه لأنه كان عبارة عن بوابة للدخان العادي ولكن السؤال الأهم هو وش الرابط المشترك بين الفيب والدخان بكل بساطة النيكوتين. النيكوتين في الدخان العادي بالمتوسط يكون 8 مليجرام نيكوتين وهذا طبعًا حسب الشركة المصنعة وجودة التصنيع وتوصل نسبة النيكوتين إلى 20 مليجرام نيكوتين واللي تعتبر نسبة جدًا كبيرة. وحط في بالك إنه مو كل النيكوتين هذا يقدر يمتص الجسم لأنه لما المدخن يخرج الدخان من فمه فهو برضه يخرج نسبة من النيكوتين. وأما بالنسبة للفيب فعبوات الليكويد الخاصة بالفيب تنقسم لقسمين عبوات شيشة وعبوات سولت. فنسب النيكوتين فيها بتكون مقسمة لثلاثة أقسام النيكوتين المنخفض والنيكوتين المتوسط والنيكوتين المرتفع. النيكوتين المنخفض بتكون نسبة النيكوتين فيه من 3 ملي جرام إلى 6 مليجرام وهذا الشيء يعتبر جدًا خفيف وأخف من بعض أنواع التبغ. وأما النيكوتين المتوسط بتكون نسبة النيكوتين فيه من 12 مليجرام إلى 18 مليجرام واللي تعتبر تقريبًا مساوية للدخان العادي. وأما النيكوتين المرتفع فبتكون نسبة النيكوتين فيه من 24 مليجرام إلى 50 مليجرام وأكثر وهذا الشيء أقوى من الدخان بـ 1000 مرة. وآخر شيء راح أتكلم عنه في المقطع هذا وهي طريقة التخلص من إدمان النيكوتين وفي طرق مرة كثيرة عشان تتخلص فيها من إدمان النيكوتين. وأشهر الطرق هذه هي التخلص منه بالتدريج أو بالاستعانة ببدائل التبغ اللي قد تكلمت عنها زي لصق النيكوتين والحبوب الذوابة وعلك النيكوتين وغيرها. وهذه الأشياء تستخدم بجرعات مضبوطة بحيث إنه تقدر تقلل من الأعراض الانسحابية وبنفس الوقت المفروض إنك تماشي ناس ما يدخنوا ولا يستخدموا أي نوع من أنواع النيكوتين. عشان تكون بعيد قدر المستطاع عن المثيرات والطريقة الثانية عندنا واللي هي عن طريق الأدوية الموصوفة وهذه أتوقع إنه واضح من اسمها أنها أدوية موصوفة وتحتاج وصفة طبية عشان تستخدمها. ومن أشهر الأدوية هذه البوبروبين والشانتكس وكلهم بيساعدوا في تقليل الرغبة الشديدة بالنيكوتين وبيساعدوا برضه في التقليل من الأعراض الانسحابية. وعشان تحصل أفضل استراتيجية للإقلاع عن النيكوتين لابد من أنك تروح عند اخصائي والاخصائي هذا راح يوصف لك أدوية ويسوي لك خطة علاجية تناسبك. والطريقة الثالثة والأخيرة واللي هي البيئة المحيطة فيك لابد إنه البيئة اللي حولك تكون بيئة سليمة وخصوصًا في فترة الإقلاع لابد أنك تمشي مع ناس بعيدين كل البعد عن النيكوتين بجميع أشكاله عشان يعينوك خلال فترتك العلاجية. أوكي وبس كذا يكون وصلنا لنهاية المقطع أتمنى المقطع أفادكم وأكون معكم صريح يا إخوان المقطع برضه أفادني لأنه خلال فترة بحثي على المعلومات هذه اكتشفت حاجات أنا ما كنت داريها أصلًا. وبنفس الوقت ظاهرة الفيب والتدخين والأشياء هذه صارت منتشرة بكثرة الفترة الأخيرة فحبيت أني أتكلم عن الموضوع هذا بشكل مختصر وما أطول فيه. والله يبعدنا وإياكم عن التدخين وكل مشتقات التبغ والنيكوتين ويعافي الناس اللي تعبوا بسببه. وبس لا تنسوا تضغطوا لايك وتنشروا المقطع هذا في كل مكان وتشتركوا إذا ما كنتم مشتركين وتتابعوني على الانستقرام يا إخوان أنا دائمًا موجود في الانستقرام في حال كان عندك فكرة مقطع كان عندك موضوع حاب نشتغل مع بعض أنا موجود دائمًا في الانستقرام تقدر تتواصل معي هناك على طول. وباقي مواقع التواصل الاجتماعي الروابط كلها راح تلقونها بالوصف وبرضه قناة الجيمنج راح تلقونها بالوصف لأنه في مقاطع كثيرة قاعدة تنزل هناك والناس تحسبني ساحب على القناة هذه وأنا فعلا ساحب عليها ولكن قاعد أنزل في قناة الجيمنج فيب ضروري تشتركوا في قناة الجيمنج. وجهزوا نفسكم يا إخوان بإذن الله الأيام الجاية راح يكون فيها مقاطع مرة كثير فلا تحرمونا من دعمكم وبس يلا سلام.