[0:00]حاولوا تتذكروا شو اخر شيء او كيف قضيتوا يومكم امبارح. على الاغلب كثير منكم يقعد يفكر وحتى ممكن تلاقوا حالكم نسيانين. ما قصدي شغل، ما قصدي مهمه عملتوها ورحتوا على الجيم. بدي اياكم تتذكروا انتم امبارح كيف كنتم؟ وين كنتم؟ شو عملتوا؟ واذا ما لقيتوا جواب فمرحبا. وانتم مو لحالكم بهذا الفيديو ومعكم هون مجموعه الناس المشتته اللي عم تمر حياتنا من قدامنا ونحن مو حاسين ونحن مو منتبهين، ونحن هيك مغمضين. بتعرفوا اللي كننا آلة عم بتمشي وراء بعض ونحن مو مستوعبين تبع عم تمضي حياتي، عم بمر كل شيء بس أنا حرفياً مو فهمانة شو اللي عم بيصير حواليا. لاحظتوا تكتشفوا إنه حياتنا كأنها صارت على سرعة ضرب 2. كل شي بيصير بسرعة، أول ما نفيق، نفيق صباح الخير، يلا منمسك التليفون، منمسك التليفون، منرد على الرسائل، بنشرب القهوة. طب سؤال تتذكروا طعم القهوة منيح ولا بتتذكروا إنكم رديتوا على الرسالة أكثر؟ نطلع، نركض، نسوي، نخلص شغل، يلا وراء بعض وراء بعض. بعدين فجأة بيصير تبع إنه أنا وين؟ أنا شو عم بسوي؟ ومننسى حالنا ومننسى نحن وين؟ مننسى نحن شو عم نسوي؟ بنحس بتعب وغالباً بنفكر إنه هو كسل بس بالحقيقة هو إنه نحن تعبنا. إنه نحن تشتتنا، إنه نحن ما عدنا نشوف قدامنا وإنه نحن حرفياً صرنا ضايعين وصار مخنا مليان، مليان قصص. صدقوني بدي أقول لكم هذا الحكي، من إنسانة والله والله أنا أي شيء بحكي عنه باليوتيوب هو أكثر شيء هو أشياء عن جد أنا عشتها. ماشي؟ أنا عشتها وبعدين إجاني إنه أنا لازم أحكي عن هذا الموضوع، لأني أنا طلعت منه الحمد لله وعادي جداً إني أرجع له لأنه نحن بعملية إنه نحن مرة بتاخدنا الحياة فبنطلع وإلى آخره. فبالفترة من فترات أنا صرت والله بدون مبالغة، غمض عيني فتح عيني يمر أسبوع تبع إنه أنا شو عملت بهذا الأسبوع؟ أنا فجأة مو موجودة بحياتي، أنا يعني ماني حاضرة. أنا وين؟ أنا شو عم بسوي؟ فإجاني التساؤل إنه أنا كيف ممكن أطلع من هالمهزلة اللي أنا عايشتها؟ لأنه هيك أنا ما عم بحس بالحياة، بتعرفوا اللي ما بتحسوا بتفقدوا الإحساس تماماً؟ بيصير إنه لا بتنبسطوا منيح ولا بتضحكوا منيح ودائماً مو راضيانين، دائماً زعلانين، دائماً في حالة مضايقة، بتعرفوا اللي منضايق، منمسك التليفون. بنحس حالنا بدنا ناكل وجبة، ما بنقدر إلا نحط شيء على التلفزيون أو مثلاً ممكن نكون بدنا ننزل نتمشى وبتعرفوا اللي لازم أحط السماعات أسمع أي شيء مشان مخي يوقف يفكر، مشان الضجيج يوقف، مشان التشتت يوقف، بضل حاطة السماعات طول الوقت. وصراحة أنا الفترة اللي لي كنت حتى حتى وأنا عم بكتب بشغل شيء بالخلفية مشان مخي يتشتت. ما بعرف ليش كنت عم بعمل هيك بس حرفياً لا إرادي. وبدي أقول لكم إنه هذا الشيء مو بس طبيعي، هذا الشيء أكثر من الطبيعي. إذا لاحظتوا أوك بحياتكم في كثير لحظات أنتم بتحسوا إنكم موجودين أو فترة فجأة لقيتوا حالكم بلحظة إنه أنا عم بتمر حياتي من بين إيدي وما عم بحس أو عم بقعد مع شخص كنت كثير أحب أقعد معه فجأة ما عم بحس. فجأة منصير نقعد مع أهلنا مع ناس بتعزنا حتى أحياناً بيكون في شخص عم بفضفض لنا، ما بعرف إذا صارت معكم أوك؟ بيكون شخص عم بفضفض لكم فجأة مثلاً بطلع هيك بيقول لكم إنه يا الله كأنه بلوزتك هيك. أو مثلاً بيكون هذا الشخص عم بيسوق وأنتم عم تحكوا فجأة بيقول لك إنه طلع اوه السيارة اللي جنبنا لونها أخضر. فأنت بيجيك تبع إنه هذا الإنسان ليش ما عم بيسمعني؟ وقد نكون نحن هذا الشخص. قد نكون نحن الإنسان اللي عم نعمل هيك بالناس حوالينا وبدون ما ننتبه. فاللي بدي أقول لكم ياه إنه هذا الشيء ما بيصير فجأة، هذا بيصير إنه حياتنا عم تنسحب شوي شوي، نحن عم نعمل تسجيل خروج من الحياة تبعيتنا ونخلي كل شيء حوالينا يقرر عنا كيف بدها تكون حياتنا. منخلي السوشيال ميديا، منخلي أي شيء يحركنا وكأنه نحن خلص، ما لنا حل. فمننسحب، بنصير لا بنقعد مع الناس، ما بنركز مع الناس، بدنا ناكل ما بنركز بأكلنا، صرنا ما بنستطعم بالأكل، ما بنستطعم اللحظات السعيدة، ما منعيش المشاعر مثل ما كنا نعيشها قبل. تتذكروا أيام زمان كانوا أهالينا يعيشوا كل شيء للماكسيموم؟ هلا بتحسونا إنه يعني مثلاً منضايق. مثلاً بيصير معنا مشكلة، منروح فورا بنمسك التليفون منقلب فيه مشان إنه يا رب بس يتشتت مخي بس أنسى أتجاهر شعوري. والمواجهة صارت صعبة لأنه بتعرفوا كأنه أنتم مراكمين هيك جبل من المشاعر اللي أنتم مخبايينها وفجأة صار لازم تتعاملوا مع هي المشاعر وتبدأوا وتطلعوا والمواجهة بدها هز أكتاف. طيب بدي أقول لكم شغلة إنه أنتم بتفكروا الحضور هو شغلة صعبة. بدي إياكم وأنتم عم تشوفوا هذا الفيديو أنتم بس هيك خذوا نفس عميق. ماشي؟ وطلعوا على حالكم أنتم عم تشوفوا هذا الفيديو، لأنه لمسكم شيء بهذا الفيديو لأنكم أنتم عن جد حاسين إنه أنتم مو مبسوطين. إنه الحياة ما عم بتشبهكم، إنه الحياة عم بتصير شيء مو أنتم، إنه أنتم عم تتجردوا من هويتكم، إنه أنتم عم بتصيروا أشخاص. مو مثل ما أنتم بتحلموا، مثل ما مو مثل ما أنتم بدكم تكونوا مو مثل كل هالقصص، فجأة صرتوا ناس ثانية.
[5:51]في حدا عم بيتحكم بحياتنا؟ في حدا عم بيقرر علينا حياتنا ونحن قاعدين هيك تبع إنه ماشي، ماشي هذا شايفينه صح أوك هذا ماشي. ما حيمشي الحال، هيك ما حيمشي الحال. فاليوم جايه أقول لكم كيف أنا بخفف على حالي أعراض التشتت لأنه كثير بتشتت أنا لأنه بطبع حياتي وبطبع إنه أنا بعمل 100 شغلة فبتشتت فجأة بلاقي حالي وقعت، بس لازم نفهم إنه عادي ولازم نفهم إنه نحن كيف نطلع من هذا كلياته. ماشي؟ شو بدنا نعمل؟ بدنا ناخد لحظة باليوم بالبداية أنا كيف أعيش اللحظة؟ طيب كيف؟ اختاروا لحظة باليوم لمدة عشر دقائق. واعملوا فيها شيء تستمتعوا فيه مثلاً الصبح إذا أنتم بتشربوا قهوة، اشربوا هذا الفنجان القهوة واقعدوا هيك تبع إنه امم واشربوا كل شفى، خصوصاً إذا كنتوا بتحبوا القهوة، حاولوا تنبسطوا فيها للقهوة وحاولوا تحسوا بالملل. وما تمسكوا تليفون أول ما تفيقوا، ما تمسكوا، بعرف إنه في شعور إنه بدنا نمسك التليفون، بس حاولوا إنه طفوا، إذا في حدا إذا قتلتوا خفوا ما بعرف تصرفوا. شيلوا التليفون من إيدكم لأنه إذا ضليتوا إذا فتحتوا عيونكم على الرسائل وصدقوني حتعيدوا كل شيء من يعني من الصفر. فامسكوا صفنوا شوي، أعملوا تأمل، تأمل مو مثل ما هو مصور إنه تقعدوا هيك وتغمضوا عيونكم لا، اقعدوا بس. اقعدوا بهدوء. واقعدوا فكروا باللاشيء. متوقعين أقول لكم فكروا بشيء صح؟ اقعدوا ما تفكروا. اقعدوا انبسطوا، اقعدوا قولوا إنه نحن موجودين الحمد لله، وإذا قدرتم تمتنو، وإذا قدرتوا تستشعروا اللحظة بيكون كثير حلو. ولحتى هي الشغلة جد تكون مثالية ابدأوا شوي شوي أكتبوا. أكتبوا الصبح، أكتبوا مشاعركم، أكتبوا الأشياء اللي بتمتنوا لها، أكتبوا الأحلام اللي نسيتوها، أكتبوا شو أنتم حاسين. أكتبوا ليش أنتم متضايقين وليش أنتم مبسوطين، أكتبوا كل شيء جواتكم وخلوها عادة. خلوها عادة إنه أنا كل يوم أكتب، كل يوم بدي أكتب الصبح حتى لو ما لي خلق حتى لو ما في شيء أكتبه. أول ما تفيقوا أطلعوا هيك الدفتر بتعرفوا اللي هيك أطلعوا، أكتبوا إنه والله اليوم مثلاً كان الجو هيك هيك هيك. بعدين شوي شوي شوي شوي حتلاقوا حالكم داخلين بالعمق. بس ما تجبروا حالكم وهي يعني مثل ما بيقولوا ثقوا بالوقت، يعني هذا الشيء ما بيجيب نتيجة من أول يوم، ثاني يوم، ثالث يوم، بدكم وقت فأعطوا حالكم فرصة حتى اعملوا تحدي 30 يوم بتصير عادة. حلو الحكي؟ حلو. بنجي للشغلة الثانية اللي فادتني كثير كثير. أنا أنا رسامة حلو؟ وبحب الرسم كثير كثير كثير. حلو؟ في فترة من الفترات كنت جداً شغوفة بالرسم وجد عندي لوحات وحالتي حاله. بس صار شيء وقفت الرسم، وقفت وصابني بلوك وخلص ما عد بدي أرجع وكل ما حاول يجيني إنه لا. بتعرفوا ليش صابني البلوك؟ بتعرفوا ليش أنا فقدت موهبتي؟ لأنه أنا أجيت فترة صرت أشاركها على السوشيال ميديا وبعدين مسحتها كلياتها لأنه صرت أرسم مشان العالم تقول رأيها بموهبتي. وصرت أحس إنه أنا ناطرة تقييم وصرت أحس إنه يا يعني صرت أشوف فنانين ثانيين وأقارن حالي طول الوقت تبع إنه هدول أحسن أنا كيف أنا بدي أنزل هيك لوحتي اللي أنا ما شايفها واو، وأنتم بتعرفوا إنه أغلب الفنانين شو ما عملوا بيشوفوا إنه رسمهم سيء. فصراحة أول شيء عملته خليتها موهبة سرية ورحت على مكان في رسامين وصرت أرسم معهم، ما حدا هنك والله بطلع تليفونه ليصور رسمه. فحتى أنا صرت أخجل أصور رسماتي لأنه هذا آخر همي إنه أنا أصور رسماتي، لأنه أنا وقت عم برسم عم برسم كرمالي. عم برسم كرمال أنا أكون مبسوطة، كرمال إلي إلي إلي مو للعالم، مشان أنا أنبسط، مشان أنا أشوف مشان أنا بالرحلة تبعت الرسم أحس حالي مرتاحة. شوفوا أنتم شو الموهبة يلي أنتم عن جد بتحسوا إنه هي لكم وكونوا شوي أنانيين وما تشاركوها مع العالم حولكم وما تورجوا العالم.
[10:21]إذا أنتم بتكتبوا أكتبوا لحالكم، إذا أنتم مثلاً بتحبوا تعملوا نوع تأمل بتحبوا تعملوا يوغا، بتحبوا تعملوا، خلاص ما تحكوا للعالم ولا تشاركوها، اعملوها لكم وانبسطوا فيكم. وانبسطوا بالنجاحات الصغيرة لحالكم. تبع إنه طورت بالرسم، طورت بالقراءة، طورت بالكتابة، طورت باليوغا، طورت بالطبخ. هذا الشيء بالأخير لكم. فنصيحتي والله شيلوا التليفون واعملوا الشيء اللي بتحبوه غصب. وتذكروا إنه ما في حدا يعطي رأيه وما في حدا تشاركوه وهي سرية أصلاً فهي لكم فاستمتعوا فيها على أخير واشكروني بعدين لأنه حتصير موهبة كثير كبيرة لأنه أنتم عم تعملوها لكم مو للعالم. اتفقنا؟ اتفقنا. بتعرفوا أغلب الناس يعني مو أغلبهم في كثير ناس شاطرين وناجحين بحياتهم لأنه خافيين حياتهم عن العالم ومو ناطرين تسقيف الناس حولهم. إذا بتلاحظوا الأعمال الفنية الكبيرة كلياتها ما بتتشارك مع العالم أو الواحد ما بيحاول يظهرها يحط الضوء عليها لأنه هو واثق بحاله هو بيعرف إنه شغله كبير هو مو مضطر يورجي العالم مشان يجي أتنشن من برا إنه واو أنت رائع. وهذا الشيء ما في أي عيب بس اللي بدي أوصل لكم ياه إنه أحياناً ممكن فجأة نوقع بفخ تبع أنا عم أقارن حالي تبع إنه أنا فجأة صار علي ضغط إنه صار لازم يعجب العالم، صار لازم العالم يقولوا واو، عدا لما أنا اعمله بيني وبين حالي على الضيق ما ما يكون في رأي مباشر. يعني مثلاً حتى لو نحن حاولنا نخفي الآراء بدي يوصلنا رسائل إنه مثلاً مثلاً في تعليق معين أو شيء، فالرأي جايه جايه. فالفكرة إنه شيء معين خلوه لكم، اتفقنا؟ بنجي للشغلة الثالثة يلي ساعدتني بهذا الشيء. الشغلة الشغلة الثالثة اللي ساعدتني كثير كثير كثير، إني صرت اعمل أشياء بتجبرني إنه إنه ما امسك التليفون أوك، وإنه اقعد ومثل ما بيقولوا استرخي، مثل ما بيقولوا استسلم. شو الأشياء اللي ممكن تساعد؟ أوك روحوا على أماكن معينة بتساعد على هذا الشيء، مثلاً روحوا اعملوا نشاط بخليكم تسترخوا وتقعدوا بدون ما تتحركوا وتحسوا إنه أنتم يعني خلص أنتم مجبرين تقعدوا. يعني أنتم ما عندكم حل غير إنكم هلا بدك تقعدي، هلا، فأنا صرت أجبر حالي إنه ريم اعدي. من الأشياء اللي هيك مثلاً أنا ماما بتزعل مني لما اقعد مع التليفون. فقعد معها وبحاول مو دائماً بتنجح بس بحاول ما أمسك التليفون، لأنه أنا بعرف إنه هي ممكن تزعل فبنحط بموقف إنه أنا لازم ما أمسك التليفون. لازم اقعد ركز معها، لازم أقدر أعطيها، لازم أقدر انبسط معها. وقعدت شوي شوي اطلع على الناس حوالي، على أشياء حولي وأعطيها قيمة وقدرها لأنه بتعرفوا هي هي الشغلة مو أحسن شغلة، بس لما تروح لما تختفي هي الأشياء من حياتنا رح نندم ورح نزعل ورح نشتاق لها. فالفكرة إنه نحن نقدر ولما قلت لكم أكتبوا الصبح، الفكرة إنه تكتبوا أشياء بتقدروها، أشياء بتمتنوا لها، أشياء بتحمدوا ربنا عليها. فأنتم فيكم تعملوا كل هي القصص مشان أنتم تستمتعوا بالحياة تستلذوا فيها، تحسوا بقيمتها أكثر. يعني بتعرفوا اللي مثل ما بيقولوا إنه تعيشوا جواتها، جواتها هيك. لأنه ال يعني صراحة لما نحن لما نحن نستسلم، والله بتروح حياتنا من إيدنا وفي مليون آليه وفي مليون برمجة مخصصة ومصممة إنه يخلوا تركيزنا أقل، إنه يخلونا مملين بطريقة سلبية أكثر، إنه يخلونا عندنا مشاكل بالتركيز، عندنا مشاكل بالتفكير، عندنا مشاكل من كل النواحي.
[14:21]فإذا أنا آخر فترة على فكرة صرت ما اقدر أتابع أفلام لأنه صار إنه الفيلم طويل. فأجبرت حالي وصرت أتابع أفلام وصرت أعمل نشاطات، والله كثير بحبها بس حرفياً لأنه صرت أنا ما لي خلق. ليش بدي أقوم اعمل هيك؟ خلص بأجل بأجل بأجل، أجلت تقريباً حياتي، أجلت أشياء كثير بحبها بس مشان شيء واحد. مشان أقلب على التليفون وضاعت حياتي على التليفون وهذا الشيء أنا ما بدي حدا يعيشه وصدقوني. كل ما ضيعنا حياتنا على التليفون وكبرنا حنستوعب إنه نحن ضيعنا كثير أشياء حلوة، ضيعنا كثير لحظات حلوة، ضيعنا مشاعر سعيدة بما فيه الكفاية. حاولوا جد تختاروا على الأقل يوم 48 ساعة ما تمسكوا الجوال أو تعملوا تسجيل خروج من كل مواقع التواصل الاجتماعي مشان تركزوا على حياتكم. طلعوا من شو بالشارع. بعرف إنه كثير عالم ممكن يقولوا إنه خلص خلصنا تعبنا من هذا الحكي بس هذا الحكي حقيقي. طلعوا من شو بالشارع وتأملوا حواليكم، الجو هلا كثير حلو ما في بلد ما في جو حلو فما عندكم عذر تقولوا لي حرارة وحر ومدري شو. اسمحوا لهوا يكون هيك بارد حلو لطيف. اشربوا قهوة مع الشخص بتعزوه ما في سواليف، حتكتشفوا أصلاً إنه الناس اللي بتحبوهم فجأة خلصت السواليف، فدوروا على ألعاب أسئلة هيك ارجعوا احكوا مع الناس حواليكم، ارجعوا جددوا الفضول اتجاه الناس حواليكم. اعملوا مع رفقاتكم، اعملوا مع أهلكم، اعملوا مع الناس حواليكم تحديات تبع إذا اللي بيمسك الجوال بيخسر، شجعوا حالكم، ما حدا رح يشجعكم، حياتكم رح تروح من إيدكم وصدقوني وقت تروح حياتكم من إيدكم. حيكون ال يعني حيكون الشعور حزين تبع أو ماي جاد أنا ليش بهذيك الطلعة كنت منكدة، ليش بهذيك الطلعة مسكت التليفون؟
[16:15]وأنا على فكرة مثلاً أنا بقرأ كتاب أوك بعد فترة يعني مثلاً بقرأ كتاب فبيجيني يا الله أنا ليش ما قرأت هذا الكتاب من زمان؟ ليش ما؟ لأنه كنت قاعدة مو فاضية عم بقلب على التليفون. فهذا الفيديو من قلبي لقلبكم بتمنى يساعدكم بتمنى يبسطكم بتمنى جد تكتشفوا إنه في كثير أشياء حلوة بالحياة وإنه أنتم مو مملين إنما الحياة أحياناً حلو تكون بطيئة حلو تكون بسيطة حلو تكون لطيفة. بعدين بس تعبوا هذا وهذا بيصير فجأة مليء، صدقوني مليء بمعنى الحرفي لكلمة مليء بيصير مليء بالأشياء الممتعة والإنجازات الكبيرة والإنجازات الصغيرة بتصيروا عن جد تقدروا تتعاملوا مع الناس. ومثل ما بيقولوا الموازنة وما بيقولوا هي حقيقة، يعني الموازنة هي أساس كل شيء فوازنوا وازنوا ولا بتخسروا حياتكم ماشي. يلا انتبهوا على حالكم ولا تنسوا تعملوا فولو وسبسكرايب وتشاركوا القناة مع ناس بتحبوها. وتكبر هالعائلة وترحبوا بعودتي على اليوتيوب بعد قطعة ونشجع بعض نكبر ونشجع دائماً على المحتوى الحقيقي على الشيء اللي بيشبهنا. نطلع من العالم اللي مرسوم ونضل عايشين بعالم بيشبهنا وواقعي. فبس والله انتبهوا على حالكم وشاركوا الفيديو مع ناس بتحبوها ونبسطوا باللحظة وعيشوا اللحظة وتابعوا هذا الفيديو وطلعوا على حالكم قد ايش أنتم عم شفتوا فيديو قد يكون لحظة إنه تبدأوا فيها تغيروا أشياء جد جد لازم تغيروها مشان ترجع لكم حياتكم. وبس والله.
