[0:00]السلام عليكم ورحمه الله وبركاته، انا ابراهيم عادل ودي حلقة جديدة هنتكلم فيها عن حاجة اسمها القوة الناعمة. ودي على عكس ما جه في دماغ كتير من الناس ما لهاش علاقة مباشرة بالستات. طيب ايه بقى حكاية القوة الناعمة دي؟ خد بالك من حاجة مهمة جدا، الطبيعي وسنة الله في الكون ان صاحب السيطرة الاقتصادية والعسكرية ثقافته هي اللي بتسود. كان في وقت ما مضى، العالم كله كان بيتكلم عربي، وكانت هي لغة العلم ولغة الحضارة، وكانت الكتب في اوروبا بتؤلف عن عظمة علمائنا واسهاماتهم في تطوير البشرية. مش زي ما فئة من الناس بتقاتل على تزوير التاريخ، ولا عمرنا كنا دراويش منغلقين على نفسنا، ولا الهبل اللي بقينا بنسمعه من الناس الاي كيو بتاعها لا يتعدى الاي كيو بتاع حبة بسلة. وفي عالم موازي لو الحرب العالمية كانت انتهت بفوز دول المحور، كان حضرتك دلوقتي زمانك بتتعلم الماني كلغة الزامية، وكانت هتبقى كفتي الميزان في العلاقات الدوليه هي المانيا وايطاليا، بدل امريكا وروسيا فيما مضى لحد انهيار الاتحاد السوفيتي. ولو فلته الصين من ال20 سنة الجايين دول، وما اظنهاش تفلت خصوصا بعد ما سيزين بين الرئيس الصيني نوه على انه على استعداد لدخول حرب نووية مع امريكا، لو الصين فلته ال20 سنه اللي جايين دول اولاد حضرتك هيتعلموا صيني كلغة ثانية وهتكون إلزامية في المدارس وهتحل محل الانجليزي بانتشاره دلوقتي وهتاكل بعصايتين. القوي ثقافته هي اللي بتسود وبتنتشر، وبتكون هي معيار الضمير العالمي. الضمير العالمي غير محايد. الضمير العالمي منحاز للقوي. ولذلك في الوقت الحالي الثقافة الامريكية هي اللي بتسود، من الاكل ماكدونالدز، كي اف سي، برجر كينج، فايف جايز، سبوي، ستارباكس، للبس ليفاي جينز، امريكان ايجل، نايكي، تومي هيلفيغر، كالفن كلاين، فيكتوريا سيكريت. لحد البني ادمين، المغني او الممثل عندك اسمه مغني محلي او ممثل محلي، نظيره الامريكي اسمه مغني عالمي او ممثل عالمي، حتى لو تافه وعمره ما خرج بره دولته، جاستن بيبر، مايلي سايروس، ليدي جاجا، بيونسي، الفكرة وصلت. اللي انا قلته ده كله حاجة صغيرة من جانب اسمه القوة الناعمة للدولة، وهي قوة لانها بتمحي ثقافتك انت تدريجيا وبتحل محلها ثقافتها هي، فبيخرج عندك جيل مسخ راس على السلم، لا هو انسلخ من جلده وبقى واحد منهم ولا هو بقى محتفظ بهويته وقيمه. فبينتج من كده صراع داخلي بيكون جواه وهو اصلا مش على دراية بيه، فتبدا تشوف الظواهر اللي قدامك من ناس بتحط قطة في مايكروويف، تعمل مقالب في الناس، لناس تانية بتفني عمرها انها تحرك شفايفها مع اغنية على تيك توك. او يعمل تحدي رقصة مش عارف ايه. وده كله الحقيقة مش هو المرض، ده هو العرض. المرض الحقيقي هو انك في وقت قريب جدا دول هيكونوا مكاني ومكانك وهم دول اللي المفروض اللي هينقلوا الرايه للجيل الجاي، طبعا بعد ما يمسحوا بيها بلاط الارض. ومش عاوزك في الوقت ده تكون متحامل عليهم، هم زي ما هم جناه ومكرهيننا في عيشتنا وانتشروا بحجم مخيف. هم برضه ضحايا في نفس الوقت. عارف ضحايا ايه؟
[3:04]ضحايا ان اللي منا يقدر يجابه القوة الناعمة دي. للاسف مش شايف الخطر. احنا المفروض نكون براند للدولة، وموضوع ان الدولة تكون براند خاص بها. ده هيحتاج حلقات كتير. احنا بنسافر دول كتير وعارفين الشعوب من جوه شكلها عامل ازاي. اتحدى اي حد في امريكا النهارده يقدر يطلع يقول لي ان امريكا هي هي بالضبط اللي بتشوفها في هوليود. ما يقدرش والا يكون بيكذب. هوليود حاجة والمفرمة بتاعت الحياة في امريكا حاجة تانية خالص. هوليود ما بتعملش زينا وتقول ان السينما هي مراه المجتمع. بالعكس هوليود هي اللي بتشكل الشعب الامريكي بالطريقة اللي مرسومه ويمشي عليها. وهي دي الغاية الحقيقية من الاعلام بشتى صوره، التطويع. ودي نظرية مهمة جدا لنام تشومسكي اسمها تصنيع الاجماع. هننبقى نتكلم عنها بعدين ان شاء الله. اذا هوليود هي اللي بتشكل قيم المجتمع الامريكي وبتحدد له طريقة تفكيره واولوياته. هوليود هي الفعل مش رد الفعل. موضوع القوى الناعمة ده هياخد منا حلقات كتير. عاوز افرد الحلقة الجايه فقط للحديث عن هوليود. لو انت موافق على الاقتراح ده عرفني في التعليقات ولو عندك سؤال قبل ما نبدا برضه عرفني. انتظر بقى الحلقه الجايه علشان نتكلم بشكل موسع وعلى رواق. دي فقط كانت مقدمة زي ما هو باين من العنوان. شكرا للمشاهدة والسلام عليكم ورحمه الله وبركاته.
