[0:00]كل الناس تعرف ان التدخين مضر جدا بالصحة، لكن مع ذلك مش كل الناس بتقدر انها تبطل تدخين. مرضى كتيرة جدا بيجولي العيادة و بتبقى عندهم دايما مشكلة انهم مش قادرين يبطلوا التدخين. خلينا في الفيديو دوت نحاول نتكلم مع بعض ونفهم ازاي ممكن ان احنا نبطل تدخين، ايه التغييرات اللي بتحصل في جسمنا اثناء هذه المرحلة، وازاي نوصل لافضل نتيجة ممكنة ونتوقف عن التدخين ان شاء الله مرة واحدة وللابد. فلو عايز تفهم الحاجات ديت كلها، خليك معايا. الاول خليني اعرفك بنفسي، لو ديت اول مرة ليك هنا انا حميد محمد عبد العزيز، مدرس واستشاري امراض الباطنة والروماتيزم والمناعة، الولايات المتحدة. ودي قناة الاستشاري، قناة هدفها ان احنا نشرح ونتكلم عن الصحة العامة وفي نفس الوقت نحارب المعلومات الطبية المغلوطة. وخليني ابتدي بان انا اقول لك ان يوميا بيجي لي عيانين روماتويد او ذئبة حمراء او صدفية. بيكون المرض بتاعهم مش قادرين نتحكم فيه كويس، مش قادرين نعالجهم كويس، وبيكون احد الحاجات المشتركة بينهم هي ان هم مازالوا عمالين يدخنوا ومش قادرين يبطلوا تدخين. على ذكر الروماتويد والصدفية والذئبة الحمراء احنا عندنا قناة تانية قناة اسمها الاستشاري لشرح الامراض، بنتكلم فيها حاليا الفترة ديت عن شرح الامراض الروماتيزمية وازاي بنعالجها والتحاليل وكل حاجة تخصها. ان شاء الله في المستقبل هنتكلم عن امراض تانية كتيرة مختلفة، فلو ديت حاجة تهمك ما تنساش تتابعنا في القناة اللي هناك وتشترك معانا ان شاء الله هتكون مفيدة ليكوا. مش بس الامراض الروماتيزمية، التدخين بيأثر على حاجات تانية كتيرة جدا. خلينا بقى نحاول نفهم ايه هي المراحل اللي احنا نبطل التدخين. في عندنا خمس مراحل، لازم تفهم انت بالظبط في انهي مرحلة بحيث ان انت تحط التوقعات بتاعتك. اول مرحلة هي مرحلة الشخص اللي هو اصلا مش مقتنع ان هو محتاج يبطل التدخين، الشخص ده ما ينفعش ان هو حد يجي يقول له ايه هنوقف التدخين في اليوم الفلاني ودي الخطة اللي هنبطل بيها التدخين وهو اصلا مش مقتنع. المرحلة التانية مرحلة اللي هو الشخص اللي هو فاهم ان هو محتاج يبطل تدخين وابتدا يفكر فعليا في ان هو يبطل تدخين. المرحلة التالتة هي مرحلة الشخص اللي ابتدى يخطط ان هو يبطل تدخين، المرحلة الرابعة هي مرحلة الشخص اللي بينفذ فعلا. المرحلة الخامسة هي مرحلة ما بعد الاقلاع عن التدخين او توقيف التدخين وازاي نحافظ على كده.

[2:26]يبقى لازم تفهم انت في انهي مرحلة عشان تبقى فاهم ايه الخطوة اللي هتاخدها بعد كده. يعني لو انت بتفكر في الاقلاع عن التدخين ما ينفعش تقرر ان انت بكرة على طول هتوقف التدخين، لا لازم الاول تحط الخطة بتاعتك، لازم تبقى عارف ايه الطرق اللي انت فيها هتبطل التدخين. وبعدين تبطل التدخين، اتمنى كده تكون الصورة واضحة. خلينا نتكلم عن الحاجات اللي هي ممكن تشجعنا ان احنا نبطل التدخين. التدخين تأثيره السلبي مش بس على امراض القلب بان هو بيقلل حدوث الجلطات اللي في القلب. ده كان بيقلل حدوث جلطات المخ وبيقلل كمان حدوث ضيق الشرايين الطرفية. يعني مثلا الشخص اللي هو بيمشي فترة طويلة احيانا بيحس بالم في رجليه، ده ممكن يكون بسبب ضيق شرايين ممكن يكون له علاقة بالتدخين. كمان بيقلل او بيحسن الامراض اللي بتحصل في الرئة، هيقلل الكحة هيقلل البلغم، وكمان هيقلل الامراض المعدية اللي بتحصل في الرئة. يعني الالتهابات الرئوية، التهابات الشعب الهوائية، كل ديت حاجات هتقل لما انت بتبطل تدخين. مش بس كده، الصحة الانجابية عند الراجل وعند المرأة هتزيد او هتتحسن لما هنبطل تدخين. في امراض كتيرة جدا بسبب التدخين بتحصل عند الطرفين الاتنين، كمان الحمل البيبي نفسه بالتاكيد البيبي بيكون افضل لو الام مش بتدخن. خلينا كمان ما ننساش مرض السكر، التدخين قد يكون له علاقة بحدوث مرض السكر، وكمان له علاقة بحدوث مضاعفات مرض السكر. يعني الناس مثلا اللي عندها قدم سكري لو بتدخن النتائج هتكون اسوأ بكتير جدا وغالبا ممكن يوصل للبت. حموضة المعدة وتقرحات المعدة والتهابات المعدة، كمان حاجة كمان بننساها وهي هشاشة العظام. هشاشة العظام لها علاقة كمان وثيقة بالتدخين. اخيرا السرطانات، سرطانات كتيرة جدا ابتداء من اول سرطانات الشفا، سرطانات الراس والرقبة، سرطانات الرئة، الكلى، البنكرياس، عنق الرحم، سرطانات الجلد. سرطانات حتى الاعضاء التناسلية، كل الحاجات ديت كلها بيقل حدوثها في الناس اللي هي بتبطل تدخين او الناس اللي هي مش بتدخن. دي بس كده تذكرة سريعة بالامراض اللي والحاجات اللي احنا ممكن نستفيدها لما نبطل التدخين من الناحية الصحية. طبعا من الناحية المادية ما تنساش انت ممكن تجيب ورقة وقلم وتحسب انت بتشرب قد ايه في اليوم تكلفتها قد ايه وتشوف انت ممكن توفر على مدار ال 10 سنين الجاية ال 15 السنة الجاية لو ربنا كتب لنا عمر ال 30 سنة الجاية تشوف انت ممكن توفر قد ايه فلوس. الفلوس ديت اكيد ممكن تعمل بيها حاجات تانية، مش بس كده كمان انت كمان بتساعد الناس اللي حواليك ان هم ما يجيلهمش اضرار التدخين. انا عندي عيانين سيدات بييجوا يشتكوا ان الروماتويد بتاعهم سيء، وبيلاحظوا احيانا ان مرضهم بيكون افضل لما بيبتعدوا عن الناس اللي بتدخن لفترة منهم للاسف ممكن يكونوا اهلهم. يعني ممكن يكون مثلا الزوج، الابن، الناس ديت لما بيبعدوا عن هذه السيدة المرض بتاعها بيتحسن. يبقى اتفقنا على فوائد مختلفة اهوت، خلينا بقى نقول حاجة اللي احيانا الدكاترة ما بتقولهاش للمرضى وده بيكون له تأثير سلبي على المدخنين في مرحلة ان هم يبطلوا التدخين. في حاجتين اتنين اساسيين بيحصلوا في الناس اللي هي بتيجي تبطل تدخين، الحاجة الاولانية هي الاحساس المتزايد بالجوع وزيادة الوزن. وديت حاجة فعلا بتضايق جدا وحاجة بتخلي ناس كتيرة جدا تبقى خايفة انها تبطل تدخين وحاجة بتخلي الناس احيانا بعد ما تبطل ترجع تاني تشرب سجاير. بصراحة الموضوع حقيقي، الناس اللي بتبطل تدخين ممكن يزيدوا كيلو او اتنين كيلو في اول شهر بس بعد ما يبطل تدخين. وممكن يزيد لحد اربعة او خمسة كيلو في الكام شهر اللي بعديها، بل انه في بعض الحالات كمان تقريبا 10% من الناس ممكن يوصل ان هم يزيدوا اكتر من 10 كيلو و 13 كيلو في الست شهور اللي بعد ما يبطلوا تدخين. دي نسبة قليلة لكن بشكل عام ايوه هتحصل زيادة في الوزن وهنتكلم بعد شوية ازاي الموضوع دوت ممكن نتعامل معاه. الحاجة التانية كمان اللي بتضايق او العرض الجانبي اللي بيحصل وقت ما احنا بنيجي نبطل تدخين هي الضيقة، احساس انك انت بتبقى متضايق، العصبية، الاكتئاب اللي بيحصل. كل ديت حاجات حقيقية، ومش المفروض اطلاقا ان الناس تقلل منها، لا دي بتحصل فعلا وفعلا بتتسبب في ان الناس ترجع تاني تشرب سجاير تاني. او ممكن يكون ليها عواقب او نتائج تانية يعني الناس فعلا ممكن تدخل في اكتئاب حقيقي وتحتاج علاجات للاكتئاب، ممكن ناس تبقى عندها اللي هو الانكزايتي او ان هو بقى عنده قلق او والتي اللي هي العصبية. وديت ممكن تنعكس على علاقاتهم بالناس اللي حواليهم، فدي حاجات حقيقية لازم الدكاترة توعي بيها المرضى. لو الشخص اللي بيبطل التدخين دوت ما هواش متوقع الحاجات ديت وما هواش فاهم التغيرات اللي بتحصل له ممكن فعلا دي تؤدي لنتائج سيئة. لكن لو هو فاهم وعارف ان هو هيبقى فيه شوية عصبية مثلا والناس اللي حواليه فاهمة كده اكيد النتائج هتكون افضل بكتير. في حاجات تانية كده صغيرة كده ممكن نتكلم عنها مثلا زي ان هو الناس اللي بتبطل تدخين الكحة والبلغم بيزيدوا عندهم. ايه يا دكتور ده انا كنت مفكر ان العكس يعني المفروض لما بتبطل تدخين يقل الكحة والبلغم. دي حقيقة فعلا وانا لسه قايل كده من ما فيش دقيقة لكن في اول شهر واول شهرين بعد ما تبطل التدخين على طول فعلا وجد ان الكحة بتزيد والبلغم بيزيد. ما عندناش تفسير كويس للموضوع دوت لكنها حاجة مؤقتة وان شاء الله بتختفي. ازاي تساعد نفسك او ازاي نساعد الناس اللي هم عايزين يبطلوا تدخين او الناس اللي لسه ما وصلتش لمرحلة انها تبطل التدخين؟ في اربع حاجات تدريجية كده عايزك دايما تفكر نفسك بيها، ممكن تكتبها يعني تكتب الجملة ديت لنفسك مثلا كل يوم، تكتبها على ورقة مثلا وتعلقها قدامك، حاجات كتيرة جدا. المهم ان انت تفكر نفسك بالحاجات ديت، اول حاجة هي الرغبة في انك انت عايز تبطل التدخين. يعني ممكن تكتب وتقول مثلا انا عايز ابطل تدخين، او انا بفكر اني انا ابطل التدخين. بعد كده جملة تانية كمان ممكن تساعدك او مرحلة تانية بعد كده هي انك انت تبتدي تقول لنفسك انا قادر ان انا ابطل التدخين. بعد كده الحاجة اللي دايما عايزك تفكر بيها نفسك او تكتبها في جملة ايه هي الاسباب اللي انت عشانها عايز تبطل التدخين؟ يعني اكتب كده ساتوقف عن التدخين لهذه الاسباب، وتكتب مثلا واحد عايز اعيش مثلا لحد ما ابني يكون عنده 30 سنة. طبعا الاعمار بيد الله بس توقف عن التدخين واحد من الاسباب، انا مثلا عايز اكون موجود يوم حفلة تخرج بنتي مثلا. انا عايز ما اضرش زوجتي اللي هي عندها مرض روماتويد. اكتب الاسباب ديت وخليها قدامك واضحة جدا لان ديت هتساعدك في انك انت توقف فعلا التدخين. اخر حاجة كمان بقى دي اللي عايزك تكتبها تكتب تقول انا هوقف التدخين. دي اخر حاجة بعد ما انت ابديت رغبتك وهيأت نفسك وفاهمت اسبابك اخر حاجة بقى هتاخد القرار انا هوقف التدخين. خلينا نتكلم بقى عن ايه هي الحاجات اللي ممكن نعملها اللي هي ممكن تساعدنا في ان احنا نتوقف عن التدخين. هي الحاجات اللي هي المهيئات النفسية، التوقف عن التدخين حاجتين اتنين حاجات نفسية اللي هي تشتغل عليها جواك انت وادوية. الشغل الاساسي في الحاجات النفسية مش في الادوية وهنتكلم وهنشرح الادوية كلها بس خلينا الاول نتكلم في الحاجات النفسية لان ديت فعلا اللي بتفرق جدا. انت لو خدت كل ادوية العالم وانت مش عارف تظبط نفسك داخليا ان انت توقف عن التدخين مش هتعملها معلش انا اسف بس هي دي الحقيقة. الادوية لوحدها ليست كفاية عشان كده طول الوقت كل الناس مع الناس اللي هي مرة واحدة قال لك انا هبطل التدخين او الناس اللي هي قررت انها تبطل تدخين وبطلت التدخين. يقول لك انا ما رحتش عند دكتور، صح الناس كتيرة جدا ممكن القادرة على انها تبطل التدخين من غير ما تروح على دكاترة. طبعا ده لا يقلل من الناس اللي هي محتاجة الدكاترة لانه برضه مش كل الناس هتنجح لوحدها في ناس هتحتاج الدواء. عشان كده خليني في الخمس دقايق الجاية ديت اشرح لك ايه اللي بنعمله في الحاجتين الاتنين. اول حاجة ازاي تهيئ نفسك، انت خلاص خدت القرار انك انت هتوقف التدخين، لازم تكون خدت هذا القرار وتكون جاد فيه. اول حاجة هتقول انا عايز هحط تاريخ يوم معين هذا اليوم هوقف فيه التدخين. مهمة جدا انك تحط يوم، اليوم ده ممكن يكون بعد اسبوعين، بعد تلات اسابيع، بعد شهر، بعد شهرين مش عايزين نطول قوي يعني مثلا كذا شهر دي فترة كويسة. اثناء هذه الفترة احنا هنبتدي نعمل حاجة زي صيام رمضان كده، هنبتدي نعمل حاجات تدريجية عشان نوصل في هذا اليوم ان احنا فعلا نتوقف عن التدخين. ايه هي الحاجات ديت؟ اول حاجة قلل كمية السجاير اللي بتشربها، حتى لو سيجارة واحدة بس في اليوم، ما تستهونش بيها، سيجارة واحدة بس في اليوم قللها. بمعنى ادق ممكن تعمل ايه؟ ممكن تعد السجاير اللي انت مسموح لك تشربها في اليوم. يعني ما تمشيش مثلا وانت في ايدك خمس علب سجاير، امشي مثلا انت علبة مثلا بتشرب علبة خلاص يبقى هو انت معاك علبة والعلبة ديت بتعد طبعا العلبة فيها 20 سيجارة مثلا فانت عارف انت في اليوم هتشرب كام سيجارة وتبتدي تقعد تقلل فيهم. حتى لو بتقلل سيجارة في الاسبوع ده معدل كويس. طبعا الشخص اللي جاي من علبتين سجاير غير الشخص اللي جاي من نص علبة سجاير، لازم نبقى فاهمين الفروقات دي. عايزك بعد كده تعرف ايه هي التريجرز بتاعتك؟ يعني ايه تريجرز؟ يعني الحاجات اللي هي بتخليك تشرب سجاير او الحاجات اللي بقت مرتبطة بشرب السجاير. يعني انا مثلا زي القهوة مثلا والله انا حمدي اهوت لما بصحى الصبح بحس ان انا عايز اشرب قهوة. انا ممكن ما اكونش محتاج ان انا اشربها لكن انا بقيت متعود على ان اللحظة ديت بشرب قهوة وبقيت مقنع نفسي اني انا مش هفوق ومش هعرف اشتغل غير لما اكون بشرب القهوة. يبقى ده اسمه تريجر لشرب القهوة بالنسبة لي، زيه بالظبط وانت بتشرب السجاير هتلاقي في حاجات زي كده. مثلا ايه؟ انا هخلص الغدا واشرب كوباية شاي ومعاها سيجارة، يبقى اذا ده تريجر. هنروح نتفرج على الماتش ومع اصحابي وهنشرب سجاير مع بعض، يبقى اذا انت تبتدي تحدد وتبقى عارف وتزود وعيك بنفسك ايه هي الحاجات اللي بتخليك تشرب السجاير. وتبتدي تشتغل عليها، كل ما تقدر تبطل هذه الاشياء كل ما تقدر تبتعد عنها كل ما هيكون كويس. يعني مثلا انا بشرب سجاير وانا في المكتب في وسط الشغل، ممكن احاول ان انا اغير المكان اللي انا بشتغل فيه. ممكن ما احاول ان انا ماخدش سجاير معايا المكتب، طفايات السجاير ممكن نبتدي نقللها نشيلها من حوالينا. اليوم اللي هنبطل فيه تدخين المفروض ما يبقاش في حوالينا ولا طفاية سيجارة خالص. الناس اصحابي اللي انا بخرج معاهم ونشرب مع بعض سجاير هحاول اقلل اللي اخرج معاهم، معلش هي الفترة ديت كده الموضوع هيبقى صعب. لكن معلش يا اصدقاء احنا عايزين المفروض الصديق الصح ان هو يساعدك انك انت تبعد عن الحاجات ديت. طبعا لو في واحد انت بتشرب معاه سجاير وتقدروا انتوا الاتنين انكم تعملوها مع بعض يبقى كويس جدا. في الغرب اكتر بتبقى منتشرة ان مثلا الراجل ومراته يكونوا هم الاتنين بيشربوا سجاير، تمشي كده ان احنا نقول البيت كله هيبطل سجاير مع بعض. انا شفت حالات احيانا الاب وابنه الاتنين يقولوا احنا الاتنين هنبطل شرب سجاير مع بعض. فلما يكون البيت او انت واصحابك كذا حد هتعملوها مع بعض ده بيكون حاجة مشجعة وحاجة كويسة جدا. برضه اختيار التوقيت هنا يفرق ليه؟ يعني مثلا ما تبقاش انت طالب بتشرب كل يوم سيجارتين وتيجي قبل امتحانات الكلية بتاعتك وتقول انا ايه هبطل. مش هتبطل امتحان في حد ذاته عامل عليك ضغط عصبي هتخلص ازاي من الضغط العصبي دوت؟ اكيد هترجع تاني تشرب سجاير. لازم نختار برضه التوقيت المناسب لينا عايزين فترة ما يبقاش فيها ضغط عصبي علينا. وطبعا اماكن ما بيبقاش فيها علينا فيها ايه ضغط عصبي. بعد كده هنحاول ان احنا نزود من الرياضة، ليه؟ الرياضة حاجة بتقلل الضغط العصبي اللي علينا. التنشن اللي بيحصل نتيجة ان احنا ابتدى النيكوتين يقل عندنا هنحاول ان احنا نعوضها بالرياضة. هنحاول ان احنا نعوض ب مثلا اكل صحي مثلا. بدل ما انا متعود ان انا بشيل في ايدي علبة السجاير ممكن مثلا ايه اخلي في ايدي ازازة مية مثلا. ماما بدل ما انا مثلا هشرب سيجارة لا يبقى معايا مثلا علبة لبان مثلا واخد لبان مثلا بدل السيجارة مثلا. قبل ما اقول لنفسي انا هشرب سيجارة فكر كده وقول لنفسي ايه طب خليها 10 دقايق كده طب خليها ربع ساعة كده. فال10 دقايق او الربع ساعة ديت انت ممكن تقدر ان انت تغلب نفسك في انك انت محتاج هذه السيجارة او تبعد عن المكان اللي انت فيه بقيت عايز ان انت فيه تشرب هذه السيجارة. خليك دايما في الاماكن اللي ما فيهاش تدخين يعني مثلا ايه بعض الهيئات الحكومية في بعض الدول يعني بيبقى ممنوع فيها شرب السجاير. وشرب السجاير يبقى في اماكن محدودة ابعد عن هذه الاماكن المحدودة. اخر حاجة انك دايما طول الوقت كله شايل الورقة اللي انت فيها كاتب الحاجات اللي احنا اتفقنا عليها في الاول. وفكر نفسك دايما انا ليه عايز ابطل اشرب سجاير ابطل اشرب سجاير وحطها قدامك وتخيل نفسك وانت ما بتشربش فعلا سجاير. تخيل نفسك كمان 20 سنة صحتك عاملة ازاي؟ بتجري ازاي؟ بتلعب رياضة ازاي؟ تخيل نفسك وانت ما عندكش المشاكل الصحية اللي هي عندك النهارده. كل ديت حاجات هتساعدك في انك انت تبتدي تهيأ نفسك انك انت هتوقف التدخين. خلونا بقى ندخل على العلاج الدوائي، بس قبل ما ندخل على العلاج الدوائي ما تنساش تدوس على علامة اللايك وتشترك في القناة لو عجبك الفيديو لحد دلوقتي ولو عايز تشوف محتوى تاني زي دوت. كل ديت حاجات بتساعدنا ان احنا نعرف اليوتيوب ان احنا بنقدم محتوى كويس. ايه بقى العلاج الدوائي؟ عندنا تلات حاجات اساسية، اول حاجة عندنا دواء اسمه الفارينيكلين ودواء تاني اسمه البوبروبيون او الويلبترين. والدوا التالت او المجموعة التالتة من الادوية وهي ديت اللي هي النيكوتين نفسه. اكتر دوائين اتنين فعالين فعلا هم فينكلين والنيكوتين، النيكوتين ده بيعتبر ده تقريبا ده اشهر حاجة. ايه هي بقى النيكوتين؟ في عندنا حاجتين اتنين حاجات اللي هي طويلة الامد ودي بتبقى زي اللزقة كده باتش بنسميها. بتروح حاططها مثلا على تلزقها على الجسم عندك، دي بتقعد تقريبا شغلها لمدة 24 ساعة كل شغلتها انها بتديك النيكوتين اللي انت محتاجه. وبالتالي انت ما ينفعش معاها انك انت تشرب سجاير لو انت قررت بقى انك انت هتبطل سجاير فانت بتبتدي تستخدم ديت اللصقة ديت عشان تقلل احتياجك للنيكوتين على مدار اليوم. طيب دي بتبقى بتديك حاجة اسمها كده بيز لاين اللي هي يعني طول اليوم كله عندك معدل معين كده من النيكوتين موجود طول اليوم. في بقى احيانا بيبقى عندك اللي هو ايه اللي هو انت مثلا كريفنج بقى اللي هو انت محتاج دلوقتي تاخد تشرب سيجارة دلوقتي. هنا بنعوضها بحاجات اسمها الشورت اكتينج اللي هي قصيرة المفعول يعني اللي هي زي مثلا اللبان زي مثلا زي البونبوني كده. حاجات زي الاسبريهات، كل ده بيبقى عبارة عن نيكوتين جرعة اللي هي شغلتها انها تشتغل لفترة صغيرة وشغلتها انها تساعدك في الاوقات ديت. وبالتالي انت ممكن تستخدمها كذا مرة على مدار اليوم. طبعا ميزة استخدام النيكوتين هو انها بتقلل احتياجك للنيكوتين وبالتالي بتقلل اعراض الانسحاب من عندك. لو انت الحاجات ديت لو مش متوفرة في السوق العادي او الصيدليات العادية اكيد هتبقى متوفرة في اماكن عيادات حكومية اللي هي مخصوصة للاقلاع عن التدخين فحاول ان انت توصلها. انا متاكد ما اعتقدش ان في مكان النهارده في العالم ما فيهوش هذه الاشياء. بعد كده خلينا نتكلم عن الدوا الاول والتاني اللي احنا اتكلمنا عنهم دولات الدواين الاتنين دولا بيتعاطوا اما لوحدهم او في بعض الاحيان القليلة بقى اللي هو لو حد بقى مثلا فشل مرة او فشل مرة تانية. ساعتها ممكن ندي الاتنين مع بعض اللي هم النيكوتين وواحد من هؤلاء الدواين الاتنين. طيب الادوية ديت للاسف ممكن بتيجي في بعض الاعراض الجانبية. بالذات البوبروبيون او البيوترين ده بيتعاطى له عرض جانبي مشهور ان هو ممكن يزود حدوث النوبات الصرع او التشنج اللي هي عند المرضى اللي عندهم صرع. وبالتالي مرضى الصرع ما بننصحهمش بدوا دوت اللي هو البوبروبيون او الولبيترين. انما الدوائين الاتنين فعالين في حالات كتيرة جدا وامنين بشكل كبير جدا. خد بالك هنا من حاجة بعض الدكاترة احيانا برضه للاسف عندها المعلومة ديت مش كاملة، لو انت بتقرا في مصادر قديمة شوية انا نفسي ده اللي انا اتعلمته ان الفارينيكلين والبروبيون كان لهم تأثير على الناس المرضى اللي هم يخليهم عندهم قابلية للافكار للانتحار مثلا او ان هم يخلوه يزودوا له مشاكلهم النفسية. وده كان ناتج عن بعض الدراسات اللي في الاول فالاف دي ايه خلتهم يكتبوا كده على علب الادوية بتاعتهم. لكن الكلام ده كان في 2009 تقريبا جم في 2016 والكلام دوت اتلغى بعد ما اتعملت دراسة كبيرة ضمت اكتر من 8000 عيان وكان فيهم مرضى نفسيين كتير جدا. ومع ذلك لاقوا ان المشاكل النفسية اللي حصلت من هذه الادوية تكاد تكون لا تذكر، وبالتالي رجع الاف دي ايه راح قال للشركات ان هم من حقهم يشيلوا العلامة اللي كانت موجودة قبل كده او التحذير اللي كان موجود قبل كده. وبالتالي حديثا بقت هذه الادوية اكثر امانا للمرضى النفسيين، بل على العكس البوبروبيون او البيوترين انا بستخدمه في حاجتين اتنين اساسيتين. للناس اللي بيجيلهم اكتئاب في لحظة ان هم ما بيبطلوا تدخين، العيانين دول بيستفيدوا جدا من هذا الدوا وكمان زيادة الوزن، ليه؟ لان والبيترون والبوبروبيون بيقلل بيقلل الابيتايت عندك بيقلل شعورك بالجوع فبيحسن حتة زيادة الوزن ديت عندك. وبالتالي دي الادوية ديت ممكن انها تكون مهمة جدا في انها تساعدك على انها انك انت توقف في التدخين. احيانا بنبتدي هذه الادوية مثلا في الفترة اللي هي اسبوعين او ثلاثة قبل ما ميعاد تبطيل التدخين، ليه؟ لان هم بياخدوا وقت على ما بيشتغلوا. فبيبتدوا نديهم شوية كده مهلة 10 ايام اسبوعين عشان يبتدوا يشتغلوا في اليوم اللي انت فيه هتبطل التدخين يكونوا اوريدي ان افكت وشغالين جواك. فبالتالي يساعدوك على انك انت تبطل السجاير، اليوم دوت ان شاء الله تنجح فيه مش هيكون معاك علب سجاير مش هيكون جنبك طفايات، مش هيكون في حاجات كتيرة جدا من اللي هي بتفكرك بالتدخين مش هتكون موجودة حواليك وان شاء الله تقدر انك انت تعملها. الناس اللي بيحصل لها ريلابس او الناس اللي بيحصل لها رجعة تاني ما تقلقش ده مش خطا ده عادي ده بيحصل بيحصل مع كل الحاجات اللي فيها زي نوع من انواع الادمان او نوع من انواع الاعتماد. ارجع للطبيب بتاعك وان شاء الله هتلاقوا طريقة يعني هيزود لك الحاجات اللي انت ممكن تستخدمها عشان تبطل التدخين. اخيرا ما تنسوش مهم جدا المواقع الاونلاين مهم جدا ارقام التليفونات اللي وزارات الصحة بتوفرها ليكوا. مهم جدا الابليكيشنز في ابليكيشنز كتيرة جدا ممكن انها تساعدك على انك انت تبطل تدخين استخدمها، استخدم العيادات، استخدم ارقام التليفونات، اتكلم مع الدكاترة. احيانا ممكن تروح تزور حد ممكن تسمع حد يسمعك كذا زيارة مثلا بحيث يفهم برضه ايه المشاكل ايه الحاجات اللي انت قلقان منها. يعني باختصار ما تسيبش حاجة الا وتستخدمها عشان يكون اقلاعك عن التدخين اقلاع ناجح. اتمنى يا رب تكونوا استفدتوا في هذا الفيديو وما تنسوش في عندنا فيديوهات تانية على القناة لو عايز تتعلم اكتر عن امراض ضعف المناعة. عن امراض التقرحات اللي ممكن تحصل في الفم او في المناطق الحساسة او لو عايز تتعلم عن بعض المعلومات المغلوطة عن الغدة الدرقية وعن امراض القلب. كل دي حاجات هتلاقوها في فيديوهات كتيرة جدا موجودة على القناة ان شاء الله تستفيدوا منها اشوفكم تاني قريب في فيديو جديد ما تنسوش تساعدونا عن طريق انكم تعملوا لايك وتنشروا الفيديو دوت مع اي حد تاني ممكن يستفيد منه. وانا متاكد انك تعرف حد او تعرفي حد ممكن يستفيد منه، سلام عليكم.