الفرق بين الباور بانك العادي ... وباور بانك الاغنياء!

[0:00]طيب، الحقيقة عالم الباور بانكس ده كبير قوي ومعقد ولما جيت أشتري أنا مش فاهم. يعني إيه باور بانك؟ سعته 20,000 مللي أمبير ولا 10,000 مللي أمبير؟ وبلاقي واحد أخوه بالظبط نفس كل حاجة بربع السعر مثلا، والاثنين أصلاً ما بيطلعوليش الساعة دي في الآخر سواء العادي أو الغالي، الاثنين في بحس إن ساعاتهم أقل كدة ما بيشحنوش الكم ده. فكرة الأرقام والسرعة والسعة والفولت وإيه المناسب لموبايلي وإيه اللي مش مناسب. وإزاي أتعامل مع الباور بانكس دي أصلاً عشان أحافظ عليها؟ ما تبوظ ما تبوظ. مش وقت غلطات خالص.

[0:40]شبابنا عاملين إيه يا رجالة؟ لا، الحلقة دي بقى أنا مبسوط أوي وبذاكر بقالي فترة وبجرب في حاجات متحمس أوي أشاركها معاكم عشان إحنا، إحنا بجد طلعنا فاهمين حاجات كتير أوي غلط. طيب، واحدة واحدة، واحدة واحدة خلينا بسم الله نفهم إيه الباور بانك ده وشغال إزاي؟ الباور بانك العادي بتاعنا حبايبنا، معظم الباور بانكات اللي من النوع ده بيستخدم بطاريات عاملة شبه البلاطة كدة. الحلو فيها إن هي سهلة التشكيل وخفيفة يعني أقدر يعمل لك باور بانكس بقى رفيعة، يعمل لك ماكسيف يتلزق في ظهر الموبايل. جامد وكل حاجة بس النوع ده من البطاريات مشكلته إنه سهل يتنفخ لو اتضغط قوي ووصله باور عالي أو اتركم فترة كبيرة. غالباً بيديك أرقام كدة تيجي تشحن بيها تلاقي الأرقام مختلفة أو أقل بكتير وده لأن كفاءة توصيله للطاقة قليلة. دي قصة هنتكلم عنها قدام شوية، خد بالك برضه النوع ده معظمه ما بيبقاش مغلف البطارية أو عامل عليها أي طبقات حماية. معنى كدة إن هي لو اتخبطت في أي حاجة خبطة صعبة لا قدر الله ممكن تنفجر أو تتنفخ على الأقل أو تبوظ. لو تاخد بالك فوق هتلاقي بقى العقل بتاع الباور بانك، اللي بيتفق مع البطاريات بقى إن في موبايل عاوز كذا فبيتفاوض ويطلعه له. ماشي، نعلب الليفل شوية شركات بقى محترمة وأسعار بقى بتجيب، الباور بانكات بتستخدم نوع من البطاريات الاسطوانية عاملة شبه الحجاير بتاعتنا كدة بس يعني حجاير غالية شوية. غالباً ما الباور بانك ده بيبقى مقسوم لبطاريتين من باب الأمان ومن باب توزيع الطاقة وقصة كدة هكلمكوا عنها قدام. المهم يعني بطاريتين في بطاريتين في بطاريتين سواء بقى 5,000, 10,000, 20,000 وهكذا. هنا بقى الوزن بيزيد شوية والفليكسبيليتي بيبقى أقل ما يعرفش يعمله لك رفيع أوي لأنه مربوط بحجم. لكن طبعاً البطاريات دي آمن ومش سهل تنفجر أو تتفتح لو اتخبطت بحاجة حادة. عمرها ودورات الشحن فيها أكبر وكفاءتها في توصيل الطاقة أعلى، بس الكلام ده لما بتروق على البطاريات دي. لإن خد بالك إحنا عندنا مستوى بطاريات بس ما فيش أي حاجة برضه مخ الجهاز نفسه زي التاني وما فيش أي عوامل أمان مش مغطيها بأي حاجة ومش عامل لها أي نظام تبريد. مستوى الاحترافي بقى من الباور بانكس هو اللي جامع بين الحاجتين. هو اللي مستخدم بطاريات الخلايا بتاعتها نظيفة جداً وعقل بقى أو نظام تشغيل متطور يقدر يطلع أقوى حاجة في البطاريات دي ونظام تبريد وحماية على البطاريات دي يخليها تعيش أطول فترة ممكنة. البطاريات دي بيبقى فيها كفاءة تفريغ أعلى بكتير أو فقد أقل بكتير، يعني إيه بقى الكلام ده عشان أنا برضه كنت عاوز أفهم؟ بيتضح إن إحنا فاهمين حاجة مغلوطة جداً يعني ما اعرفش إزاي، سعة الجهاز ده مش الـ20,000 مللي أمبير اللي مكتوبة أصلاً سواء من الشركة دي أو من الشركة دي. ده مجرد رقم تسويقي لكن حقيقة الأمر في حاجات كتير أوي يا أبويا مختلفة. النقطة اللي كلمتكوا فيها من شوية البطاريات المتطورة دي ما بتفقدش وكفاءتها عالية وبتاع. ده بسبب إن في حاجة اسمها فقد حراري بيحصل موجود في كل الباور بانكس اللي في الدنيا ولازم يحصل. موبايلك بطارية موبايلك مش نفس الفولتات اللي هنا فالباور بانك أو الماشين العقل ده بيضطر إن هو يعمل تحويلة. كل الطاقة اللي خارجة بتتحول من 3 و 7 لـ5 فولت أو 9 فولت أو حسب ما الجهاز اللي أنت مركبه فيه بياخد. التحويلة دي بقى يا معلم بتسقط طاقة في النص، يعني معظم الباور بانكس اللي موجودة بتهلك نسبة كبيرة جداً ممكن تبقى بتديك 60% بس. ما فيش حاجة اسمها باور بانك بيطلع كفاءة 100% مستحيل في أي باور بانك في الوقت اللي في العصر ده يقول لك إن هو 20,000 مللي أمبير ويديك 20,000 فعلاً. إزاي يا عم الكلام ده يا جدعان؟ ده حقيقي وده عادي متعارف عليه وما حدش بيشتكي ولا حد بيرفع قضايا لأن هو هنعمل إيه يا جماعة؟ هو ده فقدان اللي بيحصل كلنا عارفين فيزكس. فكده الباور بانك الشاطر مش اللي سعته كبيرة أو سرعته كبيرة، الباور بانك الشاطر هو اللي بيوصل طاقة بكفاءة أعلى. من 70 نقدر نقول لـ85 ده ليفل ممتاز، 85 فما فوق ده ليفل الوحش. لو وصلت للمستوى ده يبقى مبروك عليك تقدر الوقت تعمل لايك عادي وتشترك في القناة مجاناً، كل ده مجاناً و. مش قادر أصدق إن أنا شرحت البتاع أتمنى تكونوا انتوا فهمتوها أنا اتبسطت قوي لما عرفت المعلومة دي. طيب كل ده كلام جميل يا باشا على دماغنا بس أنا معلش في الكلمة يعني إيه القاعدة الأولى في النوع ده من الفيديوهات هو الاختبارات. أنا عاوز أحط الحاجات دي تحت الاختبار ونشوف، معلش عشان برضه أتأكد موضوع كفاءة التوصيل وفقد والكلام ده أنا عاوز أفهم. عشان بأمانة في كم حاجة اكتشفتها بتغير كتير في شكل اختياراتنا بعد كدة، رحت يا باشا جبت جهاز الجهاز ده بيتوصل بالموبايل بتاعك. السلك بدل ما يدخل في الموبايل بيدخل فيه لا مؤاخذة بتوصله بالباور بانك وأي حاجة بينهم الجهاز ده بيفشها ويحسبها. هنفهم طبعاً الوقت الأرقام دي هتترجم لإيه، حطينا الموبايل وهو 5% والباور بانكات الاثنين 100%. بعد ما شحنت الموبايل بالكامل من باور بانك وفضيته كله ورجعت شحنته تاني من الباور بانك التاني نفس الظروف نفس درجة الحرارة نفس الموبايل نفس كابل الشحن. طب الكلام ده معناه إيه يا معلم ركز أوي عشان في قصة كبيرة هنا. طيب ببساطة في فرق سرعة أكيد واحد شحن الموبايل في أربع ساعات وعشر دقائق والتاني شحن الموبايل في ساعة و25 دقيقة تقريباً. بس ماشي فرق سعر فرق سرعة عادي، الفكرة إن موضوع السرعة ده بيفرق في حاجات كتير. كل ما الباور بانك ياخد وقت في توصيل الطاقة كل ما يحصل هدر ليها وفقدان حراري اللي اتكلمنا عليه أكتر. فبالتالي الأرقام اللي طلعت بتقول إن الباور بانك العادي بتاعنا هلك كم مللي أمبيرز كتير في العملية دي لأنه عمال يهدر. التاني لا عشان هو يا باشا سالك وماشي بسرعة ما فيش حاجة بتسقط في الطريق. هو بناء عليه بسبب كم الوقت والطاقة المهدورين دول بيترجم لأن إجمالي بقى الطاقة المخزنة في الباور بانك حاجة بتتقاس بالوات أور آخره 40 لـ45 وات أور. لكن الباور بانك التاني مع كل العوامل اللي اتكلمنا فيها دي مخزون الطاقة فيه 72 وات أور من نفس 20,000 مللي أمبير. ال40 وات أور مخزون الطاقة ده بيترجم في النهاية إن ممكن يشحن موبايلك مثلاً مرة أو مرتين بالكتير. لكن الباور بانك التاني ما هيدرش حاجة ما ضيعش الطاقة في حاجة فكلها مخزنة لسة وموجودة يقدر يطلعها، بيترجم إنه يشحن موبايلك من ثلاث لأربع مرات. آه ده كلام خطير ده يا شباب، أعمل إيه أنا بقى في كمل الباور بانكات اللي جوه دي؟

[7:04]عاوز أقول لك ده معناه إن ممكن باور بانك 10,000 مللي أمبير كفاءة توصيله عالية يشحن موبايلك عدد مرات أكتر من باور بانك 20,000 مللي أمبير كفاءة توصيل قليلة والفقدان الحراري فيه عالي. طيب، كلام جميل بس في نقطة برضه مهمة جداً في العالم ده هو. وهو إن ماشي ما تكيش لي كل حاجة وخلي لي كل حاجة سريعة ومتطورة وكفاءة عالية وتدفق، كل الكلام ده جامد. بس عوامل الأمان يا معلم معلش أنا مش عاوز حاجة زي كدة تبقى زي قنبلة. أنا كان معايا على فكرة واحد من أقوى الباور بانكس اللي موجودة بتاع أنكر أول ما طلع رحت اشتريته وعاش معايا وقوي وجامد وكل حاجة. بس أنا بعدي في مطار الصين عادي في أمان الله معتمد عليه بيشحن بيشحن لي كل حاجة. وقف وقف التيار ليه يا جدعان؟ إزاي يعني إيه أكيد الشركة دي عاملة باور بانك غالي جداً. لا ما فيش، ده معدي 100 وات، 100 وات إيه بقى؟ 100 وات أور يا معلم اللي اتكلمنا فيه. مش 100 وات سرعة، الطيران أو السيفتي مش مشكلتها في الـ210 وات سرعة مشكلتها في الـ100 وات أور. ده مكتوب عليه أهو 210 وات سرعة معنى كدة ده لو شفت في المطار هيضرب بالنار. لو قلبت ده هتلاقي بيقول لك إيه إير لاين سيف إزاي يا جدعان؟ إزاي أقول؟ عشان في النهاية حسبة ده هتلاقيه بيطلع لك في النهاية 90 وات اللي هي عادي جداً تعدي من الطيارة وهو آمن جداً. خد بالك، أهم حاجة تعملها وأنت بتشتري هو إن أنت تعمل لايك تعمل اشتراك في القناة. ليه؟ بتأمن نفسك ضد المستقبل أي حاجة جديدة أي حاجة مش فاهمها أنا أنا. أيوه يعني أحسب بقى معلش أحسب موبايلي هيتشحن كم مرة بالباور بانك ده إزاي بعد القصة دي؟ الحسبة الصح اللي هي حسبة كدة حسابية معقدة عملناها بس يعني. الأسل منها إن أنت تقلب الباور بانك المفروض يبقى فيه عليه كلام لو ما فيش عليه كلام اقفل الفيديو وقوم ارميه البتاع ده في الزبالة. لما تقلب الباور بانك ده هتلاقي شوية ساعة بقى وفولتات وواططات ما لكش دعوة بالكلام ده خالص انزل تحت لحد ما تلاقي حاجة اسمها الريتد كباسيتي. هنا الباور بانك بيقول لك يا معلم ببساطة خالص أهو هي دي الساعة اللي أقدر اطلعها لك بعد التحويلة والفقد اللي بيحصل على حسب إمكانياتي. نفس الفكرة هنا بيقول لك الريتد كباسيتي كذا ولو نزلت تحت كمان ده موضحها لك خالص بقى بس طبعاً مكتوبة بالصيني اللي هو مش هناخد بالنا. وهو إن ده بيقول لك أه أنا أنا هديك 60% بس من الكباسيتي اللي عندي، ده ضحك عليك، لا يا عم ده تعالى جنبي بقى. تعالى جنب بعد كل الباور بانكات اللي عندي دي، اه فلما تيجي بعد كدة تقول خلاص 20,000 مللي أمبير دي هتشحن موبايلي قد إيه؟ أو هتشحن اللاب توب بتاعي قد إيه؟ لابد تستخدم الحسبة اللي اتكلمنا فيها عشان تعرف فعلاً لإن السعة اللي هي الـ20,000 دي ما هياش معيار. عمر بقى الجهاز ده وإزاي أحافظ عليه في النهاية لو يعني تمام اشتريته صح طلع بيوصل كويس طلع آمن طلع كل حاجة إن شاء الله يعني. خد بالك مش شرط الأجهزة اللي أنا بتكلم عليها دي، دي دي دي جزء المتطور منها، لو عرفت تجيبها طبعاً جامد لأن هي مش فرق السعر مش كبير أوي. بس خد المعطيات اللي أنا اتكلمت فيها وحاول تطبقها على أي جهاز عادي، الموضوع العمر ده. البطاريات اللي في الباور بانكس دي بكل بساطة ليها دورات حياة، كل ما خلايا البطاريات دي نضفت وزي ما قلنا كفاءتها في توصيل حاجة عالية. كل ما دورات البطارية دي بتكمل معاك خصوصاً الدورة الرمضانية كل سنة وأنتم طيبين يا رجالة. طب الدورة دي بتتحسب بناء على إيه؟ الدورة الحياة هي من 0 لـ100 في الباور بانك دي دورة. اللي هي بكل بساطة لما بتعمل إجهاد في الجهاز سواء بتشحن منه أو بتشحنه أو أياً كان ده بيستهلك من الدورات دي وبياكل منها. عشان كدة يقول لك اشحن البطارية من 20 لـ80 عشان ما تستهلكش دورة كاملة وده كلام صحيح عادي. دي من الحاجتين ثلاثة اللي إحنا إيه عارفينهم صح فعلاً، أنت بتحاول تاخد يعني جزء من دورة 60% مثلاً من دورة البطارية في الشحنة الواحدة بحيث تمشيك وفي نفس الوقت تطول من عمر الباور بانك. يعني لو جبت باور بانك نظيف نفس الساعة ونفس السعر تقريباً طبعاً الباور بانك بتاعنا يا حبايبنا ده كدة إيه على هادي ياخد دش كدة إيه، يعمل سندويتش. جبنا التاني يا باشا طلع على الـ30 في 10 دقائق تقريباً 30% ده اللي ممكن تشحن بيه الأيفون 16 مثلاً 70% ولا حاجة. هيبقى طبعاً أقل في السرعة عشان زي ما اتفقنا التكنولوجيا اللي هنا متطورة بتخليه يقدر يوصل لسرعات أعلى من غير ما يضغط على الباور بانك. والكلام ده طبعاً كله بيساعد في الآخر في إن عمر الباور بانك نفسه يطول معاك وإن كفاءة الطاقة اللي بتوصل لموبايلك في النهاية يديك من الـ10,000 دول نسبة محترمة. من الحاجات برضه المهمة إن أنت تعملها بقى هو موضوع الكابل يا معلم. الكابل النظيف مش معناه إن هو غالي ومش معناه إن هو أسرع حاجة معناه إن هو متوافق. خليك دايماً فاهم إن أي عمليات تحويل من الباور بانك بتستنفذ من طاقته وبتقلل من كفاءة العالية في توصيل الطاقة للموبايل. كل ما هتشد عليه طبعاً الكلام ده بنسب بسيطة أوي و يعني بيزيد مع الوقت بيشحن ببطء يفصل بسرعة القصة دي. فأنا بتكلم هنا بنسب بسيطة أوي بس خد خليها في دماغك يعني. بس يا شباب دي كانت كل حاجة بالنسبة أنا مبسوط قوي بأمانة إن أنا يعني فهمت القصة دي وأتمنى تكونوا أنتم كمان فهمتوها. مش عايزين حد يضحك علينا في القصة دي تاني عايزين نشتري حاجات اللي فعلاً مناسبة لينا وإن شاء الله ما فيش فقدان حراري ولا حاجة نفضل في كفاءة عالية دايماً إن شاء الله أنا كدة خلصت إزيك يا كابتن؟ قلنا هتضرب مللي أمبير في الفولتات هيطلع لك إيه؟ لا ما فيش فايدة خالص.