اكبر مختل في الأرض ومرعب ديدي...50 سنت

[0:02] كلكم سمعتوا قصة الدجال المزيت الاعظم الديدي وعارفين ايش سوى وايش ما سوى بس كثير منكم ما هم عارفين الشخص الوحيد اللي يخاف منه ديدي، الشخص الوحيد اللي كان مسبب له اكبر رعب في حياته من 20 سنه. الشخص ذا لو خيروك بين انه كل سكان الارض يكونوا اعدائك ولا هو يكون عدوك الوحيد انصحك تختار كل سكان الارض. لانه الادمي ذا مختل بشكل ما هو طبيعي، اكبر حاقد يمكن يمر على اي احد في التاريخ. وحاقد يضحك بشكل ما هو طبيعي، اليوم بنتكلم عن المختل 50 سنت. 50 سنت ولد في نيويورك في الثمانينات وعاش طفوله هاديه وجميله وبعيده عن المصايب. وعائلته كانت اكثر عائله محافظه في ذاك الوقت، امه مثلا كانت تاخذه معها للكنيسه ويعبد الجيسوس كرايسس. وامه كانت معروفه في الحي انها تاجر تعتمد على نفسها ويعتمدوا عليها كثير من سكان الحي في حياتهم اليوميه. المشكله البسيطه اللي ما هو ضروري اذكرها لانها شيء بسيط انها كانت تاجر الكوكايين فاهم؟ كانت اكبر تاجرة مخدرات في الحي. وكانت تروح الكنيسة عشان تبيع للقسيس نفسه لانه القسيس بنفسه كان يتعاطى. مرة ما كانت تروح هناك عشان تطلب المغفرة، وكان عمرها 15 سنة لما جابت 50 سنت. تسرعت شويه، وابوه ما حد يدري عنه لأنه قرر يطلع يشتري حليب وما رجع بعدها. ولما صار عمر 50 سنه 8 سنوات امه انقتلت من عصابة ثانية بسبب بيعه ما زبطت. فطفولته زي ما قلنا كانت هاديه وبعيده عن المصايب وكانت حياة يحلموا فيها اطفال كثير. ولما وصل عمر الطفل البريء 50 سنت ل 12 سنه قرر انه يفتح مشروع الخاص في المدرسة. وتعرفوا بعض الاطفال في المدرسة يجيبوا بطاطس ويبيعوه بسعر اكبر قال لك انهم تجار وما ادري ايش بريئين وحياتهم لطيفة ما شاء الله عليهم. فهنا الطفل البريء 50 سنت قرر انه يفتح المشروع الخاص في المدرسة. المشكلة البسيطة الخفيفه اللطيفة انه بدا يبيع الكوكايين ومسدسات على اطفال في المدرسة الابتدائيه اللي كان فيها. ومو كذا وبس بدا يبيع الكوكايين في الشارع ويطلع آلاف الدولارات اسبوعيا من تجارته دي. والكلام ده في نهاية الثمانينات ونصف التسعينات لما كانت ازمة الكراك اكبر ازمة في امريكا وقتها. في ذاك الوقت السي اي ايه كانت تهرب المخدرات لاحياء السود عشان يشغلوهم ببعض تكلمنا عن الشيء ده من اول. بس 50 سنت ما هو مارتن لوثر كينج ما يهمه انه الخوالي يتطوروا والمجتمع يصير افضل ولازم نحارب السي اي ايه ما يهمه. اللي يهمه انه تبغى تشتري ولا لا؟ عندي افضل الاسعار في المنطقة كاملة. كان يطلع 10 آلاف دولار اسبوعيا من تجارته دي لدرجة كانت عنده مرسيدس الشبح اول ما طلعت. المهم بعدها بكم سنه في عام 2000، 50 سنت كان قاعد عند بيت جدته ووقفت عنده سيارة كادلاك طلع منها واحد. قام طلق عليه 11 رصاصة، 9 منها دخلت فيه، خووز. كل الناس اللي شافوه بعد طلقة النار قالوا خلاص مات وبدا الخبر ينتشر انه 50 سنت مات. بس بقدرة قادر قدروا انه ينقذوه في المستشفى على بعد دقائق من موته. اللي طلق عليه نار كان واحد اسمه دارل هومو تمام رجل عصابات وبرضه يشتغل حارس شخصي لمايك تايسون. واطلق نار على 50 سنت بس لانه ذكر اسمه في اغنية ما عندهم تفاهم الله يهديهم. وبعد ما 50 سنت نجى من طلق النار ذا وبعد ثلاث اسابيع بس دارل هومو مات بظروف غامضه برصاصة في راسه وهو واقف في الشارع. وللحين ما حد يدري مين قتلوه، ما حد يدري نهائيا الشرطه ما قدرت تمسك متهم لين اليوم هذا. ظروف غامضة بشكل ما هو طبيعي مع انه 50 سنت سوى اغنية اسمها ميني وش مي. وفي الفيديو كليب قتل اللي طلق عليه النار بس هذا مجرد فن الشرطه ما تقدر تستخدمه. مجرد فن لا يعبر عن الواقع ولقطة ما هي من الناقل الرسمي ما نقدر نستخدمها كدليل. المهم بعد طلقة النار ذا 50 سنت طلع اشهر البوم في تاريخ الراب وبعدها صار اكبر رابر في العالم. ومن هنا بدينا نعرف قديش الادمي ذا مختل، مثلا في اول مشاكله مع الرابرز اتضارب مع رابر اسمه جارول تمام. وبدل ما يروح يضربه قام اشترى التذاكر في كل الصفوف الامامية في حفلة جارول بس عشان تكون فاضية وما حد يقعد فيها وقعد في النص يصفق. وذا غير انه اشترى بيت ام جارول وخلاه حضانه اطفال والف شيء ثاني. الناس يحسبوا انه مشكلة كلاش وسلومه مطولة، 50 سنت مضارب مع جارول من 1999. ولليوم ينزل عنه في الانستغرام احقد انسان في الارض، ذا البعير اللي اذا حقد ما يفكك وبتعرفوا ليش بعد شويه. واحدة من اشهر مشاكل 50 سنت واللي مستمرة من 20 سنه لين اليوم هي مع الدجال المزيت الاعظم الديدي. المشكلة ذي بدأت في بدايات الالفين لما ديدي كان في عز شهرته وقوته و 50 سنت كان برضه في عز شهرته وقوته. وقلت لكم زمان ديدي ما يوفر احد طفل مراهق شباب شايب ما عنده عنصرية نهائيا. فيه من الشهامه والكرم الشيء الكثير ما يرفض احد ما تطلع منه كلمة لا. ففي يوم من الايام قابل 50 سنت وقال له اسمع ايش رايك اوديك المول واشتري لك ملابس والحاجات دي كلها اقضي لك. 50 سنت انصدم الكلام ده ينقال للبنات، الكلام ده كيف قاعد تقوله لي كرجل كامل ايش كمان تشتري لي ورود. ايش اللي اوديك المول واقضي لك؟ اعطاه كف ومن ذاك اليوم لين اليوم ذا 50 سنت حاقد على ديدي. بس لانه قال له ليت مي تيك يو شوبين وما خلى مقابله ما طلع فيها وقال ان ديدي جاي. كان يطلع في كل البرامج وكل الاذاعات الموجوده في امريكا بس عشان يعلمهم ان ديدي جاي. قبل اي احد يعرف ان ديدي جاي وكل ما يطلع في مقابله يجيب معاه صور مطبوعه لديدي وهو يطالع في الرجال بطريقة غريبة كان يجيب الادله في كل مقابله. واول ما طلعت الاتهامات على ديدي خلاص 50 سنت لقى فرصة تاريخية مستحيل يلقى زيها في حياته. على طول بدا يسوي صور بالذكاء الاصطناعي لديدي وهو يشرب زيت اطفال وهو راكب مع ابستين. وسوى صورة يقول فيها ذولا الشهود اللي بيكونوا موجودين في المحكمة وكلهم 50 سنت. ومليون شيء ثاني ما اقدر اذكره بصراحة، المشكلة انه ما ينزل الحاجات دي ستوري ولا شيء زي كذا. لا ينزلها بوست في حسابه عشان لا ينحذف شيء ويشوفوه الناس اللي الابد، 50 سنت بدا يستخدم الذكاء الاصطناعي بشكل ما هو طبيعي. نص صوره صارت بالذكاء الاصطناعي لديدي بس عشان يطقطق عليه، المشكلة انه حتى انا اتورطت. قبل كم يوم الف واحد صاروا مسويين صور لي مركبين وجه ديدي على وجهي واللي مركب وجه كيم جو اون ما هو انا. في ناس كثير مصدقين الصورة دي وربي ما هو انا، هذا ديدي. بس اعطيتوني فكره مقطع بصراحه، احتاج كم شخص يصمموا صور، اللي مصممين الصور دي مستخدمين موقع جوجل جيمنج. مجاني وكل شيء ترفع صورة وتقول له مثلا غير وجه باري تيوب لوجه كريستيانو. بوم يسويها لك ولا تقول له مثلا خلي الخلفيه مطعم معصوب وقاعد جنبه ميسي وهو خايف ووراه ما ادري ما عندي افكار. بسوي مقطع اسمه ردة فعلي على مقاطعي في التيك توك اللي يصمم صورة ولا ذبه يحطها على هاشتاغ باري الحقيقي في التيك توك عشان اقدر اشوفها واستخدمها في المقطع الجاي. المهم ذا كله ولا شيء من اللي كان مخطط يسويه 50 سنت بعد سجن ديدي. من قبل ما ينسجن ديدي 50 سنت بدا يقول انه بيسوي وثائقي يفضح في ديدي ويبيعه للنتفليكس. يعني ما كفاه انه فضح فيه في نص اغانيه، ما كفاه انه طلع يفضح فيه في كل بودكاست في الحياة. ما كفاه انه طلع يفضح فيه في كل تغريده وكل صورة في الانستغرام برضه قال بيسوي وثائقي كامل عنه. ولما قال الكلام ذا الناس كلهم عرفوا انه ما يمزحوا وانه بيسويها من جد لانه 50 سنت حاليا منتج تلفزيوني. عنده ناطحة سحاب كاملة باسمه استوديو افلام عنده باور وبرامج كثير ناجحة. فالناس كلهم قالوا ذا بيسويها من جد وفعلا اول ما انسجن ديدي 50 سنت بدا يسوي الوثائقي في نفس اليوم. بس ما حد كان متوقع كثير لأنه كلنا نعرف قصة ديدي ونعرف ايش سوى وذا كله فايش ممكن يجيب شيء جديد. بس والله يا انه طلع حاجات في الوثائقي ده ابليس نفسه ما يقدر يطلعها. جاب اصدقاء طفولته جاب الرجال اللي سرقهم جاب البنات اللي اعتدى عليهم طلع كل حقيقة الناس كانوا شاكين فيها. يعني واحدة من الحاجات اللي طلعت في الوثائقي انه ديدي قتل توباك مو بس توباك برضه قتل بيقي اللي كان فنان اصلا وموقع لشركته بس لانه يحسده. بس ذي كلها انا عارفينها وتكلمت عنها في اخر مقطع عن ديدي الجديد انه ما قتله بس سوى بعدها اكبر عزاء في تاريخ نيويورك. وبدل ما يدفع قيمة العزاء ل خويه وصديق عمره، قام طلعها من راتب بيقي ومو كذا وبس. في يوم العزاء طلع في المسرح يرقص على اغنيه حزينه موجهه لبيقي ام بيقي كانت موجوده تتفرج. وبالمناسبه ام بيقي كانت المفروض تاخذ فلوس ولدها بعد موته بس ديدي بعد موت بيقي. سوى شيء غير شيء في العقد يخليه ياخذ كل فلوس بيقي بعد موته ومو كذا وبس. بيقي كان المفروض يطلع في مجله رولنج ستونز بعد موته بس ديدي سحب بيقي وحط نفسه في مكانه لانه كان يبغى كل الاضواء له. ما اتوقع ابليس بنفسه قدر يوصل للاختلال اللي وصله ديدي، المهم انه ادري انه اكثر شيء ديدي نادم عليه اليوم. انه قال ل 50 سنت خليني اوديك المول اقضي لك جاء اسوء عدو ممكن لانه انا كنت احسب اني كنت اعرف كل شيء عن القضيه دي. بس من بعد ما شفت الوثائقي عرفت اني ما كنت اعرف اي شيء كل شيء سمعت عن الوثائقي ما قد سمعته من قبل. الوثائقي انتشر لدرجه صار الاول في نتفليكس في 30 دوله الناس قاعدين يتابعوه اكثر من سترينجر ثينجز. يجي واحد يقول طيب خلاص بعد الوثائقي ده اكيد 50 سنت فاز في البين. شاف انه فاز وخلاص بيسحب على موضوع ديدي بعد كذا هذه حلوه هذه نكته حلوه تمام. لانه مستحيل تتوقعوا ايش سوى امس ديدي في السجن الفيدرالي تمام في نيويورك. والسجن الفيدرالي عندهم قناة اخباريه واحده يتفرجوها واللي هي اي بي سي نيوز. يعني ديدي ما يعرف عن الاخبار الا من اي بي سي نيوز ايش تتوقعوا سوى 50 سنت؟. طلع في مقابله في اي بي سي نيوز يتكلم فيها عن الوثائقي ويضحك بس لانه يدري ان ديدي بيشوف القناه ذي. المقابله ذي حرفيا قبل خمسة ايام شوفوا ابتسامته شاقه وجهه كيف. في المقابله كامله مبتسم وقاعد يضحك بشكل ما هو طبيعي يمين بالله مريض الادمي ذا الله لا يسلطه على مسلم. وفعلا ديدي شاف المقابله وردة فعله كانت انه ارسل ورود ل 50 سنت. والورود دي تهديد مبطن معناها بقتلك ولا شيء زي كذا ف 50 سنت كتب في تويتر ايش الحركات الجاي دي. الديدي ده ارسل لي ورود بطل لف ودوران وسوي اللي تقدر تسويه انا ما ادري ايش اقول بصراحه كل اللي اقدر اقوله. الله لا يسلط 50 سنت على مسلم وذي لسه برضه هذا الجزء الاول لانه اتوقع الموضوع ده بيستمر ويطول. اتوقع بتصير مشاكل اكبر بكثير عشان كذا ترقبوا التحديث على المقطع ذا في خلال اربع خمس شهور ان شاء الله.