[0:14]انا حبيت النهارده اصور جنب فانوس رمضان بتاعي. فانوس رمضان الكبير ده ما لقتش غيره فقلت عشان نعيش الحياه يعني منه فانوس رمضان. والله انا ما عرفتش انام قبل ما اصور الفيديو ده بسبب ان انا حاسس ان انا اتاخرت في توصيل الرساله دي عن رمضان للناس. انا كان نفسي اصور الفيديو ده قبل رمضان بس للاسف حصلت لي ظروف ان انا ما قدرتش اصور الفيديو قبل رمضان. وما كنتش عايز اتاخر فقلت لا انا لازم اصوره قبل يعني ما انام النهارده. انتم حاسين يا جماعه احنا فين او احنا امتى؟ احنا في شهر رمضان. انا النهارده مش هتكلم زي ما كل الناس بتتكلم عن شهر رمضان، مش يعني ان انا يعني ان انا بتكلم احسن منهم لا انا هتكلم عن نقطه واحده بس النهارده. مش هكلمك بقى عن الخير اللي في رمضان مش هكلمك عن عن الحسنات اللي هتاخدها في رمضان مش هكلمك عن كل ده لكن هتكلم عن حاجه واحده بس الدعاء في رمضان. انا مش عايز اقول لك ان الدعاء في رمضان ممكن يغير حياتك، لا مش ممكن لا الدعاء في رمضان هيغير حياتك. طبعا احنا كلنا عارفين ان ربنا لما جه ذكر الايه بتاعه الدعاء قالها قالها في وسط ايات الصيام واذا سالك عبادي عني فاني قريب اجيب دعوه الداعي اذا دعاني. انا بتكلم عن تجربه شخصيه بتكلم عن تجربه حصلت لناس كتير وبووصي بيها ناس كتير كل سنه كل سنه. يا جماعه جهزتوا ادعيه رمضان؟ خليني اشرح لك الموضوع الاول عن موضوع ادعيه رمضان ده قبل ما كان زمان من حوالي مثلا سبع سنين شفت شيخ في التلفزيون والله حتى مش فاكر اسمه كان بيقول حدد لنفسك اربع خمس دعوات كل رمضان واصر عليهم طول الشهر مش هيجي رمضان اللي بعده الا ويكون ربنا استجاب لك كل الدعوات دي لو ما كانش كلها اغلبها. هتقولي يعني الكلام ده صحيح؟ هقول لك فعلا انا جربت الكلام ده بنفسي. اقسم بالله العظيم سر نجاح اي حاجه في حياتي او سر ان ربنا وفقني في اي حاجه في حياتي هو رمضان. انا مش عارف اقول لك يعني انا عايز اقول لك النهارده انا بقوله لك سر. صدقني سر عجيب وعظيم جدا لو عايز تنجح في حياتك لو عايز ربنا يوفقك لو عندك مشروع عايز تنجح فيه لو عايز تخش الجنه لو عندك ولاد ونفسك تربيهم كويس لو فقير لو عندك مشاكل كتير جدا ومش عارف تحلها لو عندك حد مريض لو عندك مشاكل ضخمه انت مش عارف تطلع منها اقسم لك بالله العظيم ما هيطلعك منها غير رمضان. صدقني ما هيطلعك من المشاكل دي غير رمضان وعن تجربه شخصيه يا جماعه انا اعرف ناس والله كانت غرقانه في المشاكل. ما كانش في امل انه ممكن يطلع من المشاكل دي لكن بدعوه رمضان تطلعك تخلص على الموضوع. لكن انا النهارده هقول لك باختصار عشان مش عايز اطول عليكم ايه اللي تعمله؟ انت هتجيب ورقه وقلم ورقه وقلم ما تقولش كده ليه يعني ما تقولش الدعوات في دماغي ليه لما تكون كاتب الحاجه بايدك عمرك ما هتنساها. هتشوف الحاجه وهتروح تدعي بيها هتفضل ثابته في دماغك مش هتتحرك. هتجيب ورقه وقلم هتكتب فيها واحد اثنين ثلاثه اربعه خمسه اللي انت عايزه عايز فلوس عايز ربنا يوفقني في الكليه عايز اتجوز ان نفسي ربنا يحسن خلقي نفسي في اي حاجه اللي انت عايزه طبعا ما عدا انك تدعي بحاجه ربنا فيها معصيه. واكتب الحاجات دي وكل يوم اللي يريحك عندك طريقتين يا اما تدعي بالاربع خمس دعوات دول كل يوم في كل صلاه مثلا ساعه الفطار يا اما تركز على دعوه واحده كل يوم وانا رايي انك تركز على دعوه واحده كل يوم. بس ايه يعني يا ريت يا جماعه انا انا عايز منكم خدمه ارجوك بلاش وانت جاي تدعي يعني انت انت صايم طول اليوم وتيجي قبل المغرب كده وهي الناس قاعده على الفطار وبتاع و يا رب مليون جنيه لا ما ينفعش ما ينفعش تدعي ربنا كده انا هاقول لك على سر خطير جدا لو انت عملته صدقني ربنا هيستجيب دعائك. لو قدرت ان انت تروح اقرب مسجد ليك قبل ما المغرب ما ياذن بنص ساعه بتلت ساعه واقعد كده في المسجد على جنب وارفع ايدك واقعد اثني على الله واقعد قول له يا رب يا رب يا رب انا ماليش غيرك يا رب يا رب اللهم لك الحمد كله ولك الشكر واثني على الله باللي ربنا يفتح لك عليك بيه. قول اللي انت عايزه صلي على الرسول وابدا وادعي ربنا وغمض عينيك واقعد ادعي ربنا ادعي ربنا اول لما انت تبكي وتحس ان انت قريب من ربنا قوي صدقني دعاءك هيستجاب. اول لما اقسم لك بالله اول لما المغرب ياذن عليك وانت بتدعي يا رب يا رب الدعاء هيستجاب اقسم لك بالله العظيم عن تجربه شخصيه. والله ما في حد قلت له يعمل الموضوع ده غير لما ربنا استجاب له اقسم لك بالله العظيم. خلصت جيت جينا احنا في وقت المغرب طبعا الدعاء في ساعه الفطار لا يرد في حديث بيقول بالصائم عند فطره دعوه لا ترد مش هترد دعوته لا ترد لكن في في اربع شروط للدعاء اولا ان ما يكونش مالك من حرام لو مالك من حرام دعائك لن يستجاب. الشيء الوحيد اللي بيمنع الانسان ان دعاءه يستجاب ان يكون ماله حرام. يعني في صحابي لا حر راح لرسول الله صلى الله عليه وسلم انا لا اتذكر اسمه قال له يا رسول الله اريد ان اكون مستجاب الدعوه قال له اطب مطعمك تكن مستجاب الدعوه يعني لو فلوسك من حرام مش هتستجاب الدعوه في حديث ثاني برضه بيقول اكله من حرام وماله من حرام وشربه من حرام ولبسه من حرام ويقول يا رب يا رب والا يستجاب له مش هيستجاب لك ربنا مش هيستجيب لك لان اكلك من حرام. تاني حاجه ما تدعيش ربنا بحاجه فيها معصيه يعني يا رب اظبط بنت الجيران ما ينفعش ما تدعيش ربنا بحاجه فيها معصيه. تالت حاجه تدعي وانت جواك يقين ان ربنا هيستجيب لك الدعاء ادعي ربنا وانت جواك يقين ان ربنا ما تقولش دي مستحيله. اقسم بالله العظيم عن تجربه شخصيه انا كنت بدعي بدعوه وبعد ما خلصت قلت انا ايه اللي كنت الشيطان جالي طبعا ايه اللي كنت بدعي بيه ده معقوله ربنا هيحقق لي الدعوه دي ده انا بعيد عن انها تحقق وسبحان الله تلف الايام وتدور وخلال اربع خمس سنين الدعوه دي تحقق. بالرغم انها كانت يعني تكاد تكون مستحيله.
[8:29]سر سر على الدعاء يبقى خلاص عرفت هتعمل ايه؟ تجهز دعواتك اربع خمس دعوات تصر عليهم طول الشهر ارجوكم يا جماعه انا هطلب منكم طلب. انشر الفيديو ده ابعته لكل الناس اي حد تعرفه قول له عايز انا عندي ليك مبروك انت كسبت وقف الناس في الشارع قول له مبروك انت كسبت يقول لك كسبت ايه؟ قول له الدعاء قول له موضوع الدعاء اللي انا قلت لك عليه ده. يا جماعه ده في حديث بيقول ركعتي الليل خير من الدنيا وما فيها الركعتين بالليل خير من الدنيا وما فيها عمرك فكرت في الحديث ده ليه ركعتين بالليل خير من الدنيا وما فيها اصل انت لو عايز اي حاجه في الدنيا وصليت ركعتين بالليل ودعيت ربنا ربنا هيستجيب لك كل دعائك. صدقني ركعتين الليل دول هم اللي بيحلوا مشاكل طب تخيل ركعتين الليل دول بقى في رمضان طب تخيل ركعتين الليل دول في ليله القدر. رمضان ده هو اللي هيجيب من الاخر معاك. حط في دماغك انا انا مستعد السنه دي انا هفضل واقف على باب ربنا واخبط وادعي لغايه ما ربنا يستجيب لي انا مش ماشي. يا جماعه احنا لما بيكون فينا حد عايز حاجه من حد
[10:15]واحد عنده سلطه او واحد يقدر يخلص لي حاجه كل شويه تبعت له رساله وازاي حضرتك ومش عارف ايه تتصل بيه وانا عايز يعني يا ريت لو حضرتك تقدر تخلص لي الموضوع ده. وتقعد تخبط عليه وتحاول تحاول وبعد الاحيان تقول انا اقعد كل شويه ازن عليه عشان يديني ربنا عايزك تزن عليه. صدقني الباب الوحيد لو رحت خبطت على باب اي حد وانت عايز منه حاجه وفضلت تخبط تخبط تخبط تخبط هيفتح الباب يعني اقرب حاجه في ايده هيخبطك بيها. ده العبد ربنا لو فضلت تخبط على بابه صدقني رمضان مش هيخلص وهيسيبك تروح كده اصل انت هترفع ايدك لربنا وتقول له يا رب انا واقع في مشكله او انا محتاج حاجه وهيسيبك والله العظيم ما هيسيبك. انا بفكر نفسي وبفكركم ان احنا في رمضان الدعاء في رمضان ارجوكم يا جماعه جهز دعواتك وصر على الدعاء طول الشهر. انا يعني انا اصرت المره دي انا كل سنه بكتب ايميل. اصررت المره دي ان انا اعمله فيديو عشان افكر الناس السنه الجايه ان شاء الله. يا ناس يا جماعه كتبتوا الدعوات دعيتوا ربنا انا مش عايز الناس تقول لي انا دعيت بكذا انا عايز الناس تقول لي ربنا استجاب لي دعائي بكذا ان شاء الله عايزين نعملها سنه حسنه في الناس كلها سنه الناس غايبه عنها. صدقني رمضان هو اللي هيخلص على كل شيء وحش في حياتك عايز اي حاجه رمضان هو اللي هيحلها. وكل سنه وانتم طيبين ورمضان كريم ولو في حد عايش في ميه البطيخ ومش راضي يدعي ربنا قولوا له مبروك انت كسبت وخليه يدعي ربنا السلام عليكم.
