The Return Theory Of Your Life #shorts #inspiration #motivation #life

[0:00]Tumne kabhi is ‘Return Theory’ ko aazmaya hai? Ki jo diya is duniya ko kya wahi waapas paaya hai? Kyuki jo dard, jo pyaar, jo dua tum baatte ho ek din wahi sab kisi aur roop mein apne paas paate ho. Yaad hai jab tumne kisi ko chaha par wo kisi aur ka ho gaya, laga jaise us ek shakhs ke saath hi tumhara sab kuch kho gaya. Par phir koi aur aaya usi adhoori-si raah par jisne ishq se bhi zyada, ‘izzat’ rakh di tumhare dar par. Kyuki ye ‘Return Theory’ kehti hai tumhare saath kabhi kuch galat nahi hota. Koi bhi pal bina wajah tumhari in aankhon ko nahi bhigota. Waqt bas badal deta hai un logon, un rishton, un chehron ka roop. Taaki tumhare hisse ke andheron mein phir se aa sake ek nayi dhoop. Isliye jab khaali haath reh jaao toh aasmaan se mat roothna. Toote hue khwaabon ke darr se khud ko jeene se mat rokna. Bas ek khaamosh saans lo aur is ‘Return Theory’ par rakho ek atoot vishwaas. Kyuki jo waqt tumse door le ja raha hai badle mein lautayega kuch behad khaas.