[0:00]بسم الله الرحمن الرحيم ايه اللي الحياة علمهتولي النهاردة؟ الحياة علمتني النهاردة معنى مهم جدا سمعته كتير ااا لكن ما ركزتش فيه اوي اسمه احترام مناطق العجز، احترام مناطق العجز. الموضوع بيبتدي منين؟ يبتدي ببساطة إن كل واحد فينا كده عنده مشكلة ما نفسه يغيرها، عنده حاجة مزولاه، حاجة تعبانة. إدمان، عادة معينة مش عارف يبطلها، ذنب مش عارف يهندله، ومش عارف يسيطر عليه. وسر أحيانًا مش عارف يتحكم فيه. حاجة ليها كنترول على حياتك، حاجة ليها سيادة ما، ليها سلطة ما، وأنت حاسس إن الموضوع هرب من إيدك. ااا الحاجة دي قد تؤدي أحيانًا بسبب فقدان السيطرة عليها إلى إن أنت تحس بالزيف وتحس بالـ بمشاعر خزي ومشاعر عار ومشاعر نقص ودونية. أمثلة إدمان الإباحيات، أمثلة إدمان العلاقات الجنسية. أمثلة اا زي علاقة حب خلصت وانتهت ولحد دلوقتي مش قادرة تبطليه تتابعيه أو مش قادرة تبطلي تتبعي أخباره. أو علاقة أنت مرتبط فيها بحد وعندك مشكلة في إن أنت تحط حدود، وإن أنت ما تقعش في حاجات معينة قبل ميعادها. المهم إن المناطق بتاعة اللي اللي تعبانة في حياتنا واللي ليها سلطة فوق إرادتنا والمخلية إرادتنا شوية ضعيفة. قصادها مشكلتنا دايما إن إحنا بنقعد نعافر معاها. فاللي عنده مشكلة الإباحيات أو ممارسة العادة السرية وشايف إن ده حرام أو غلط في دينه. فدايما يقع وبعدين يتوب ويقع ويتوب وغيره. دايما في الصراع، والصراع ما بينتهيش ومفيش حاجة نافعة فيه. لدرجة إن بعضنا بييأس، بعضنا بيحس باليأس من كتر ما اتهزم في الـ في الصراع ده. الموضوع ببساطة بينقسم إلى مرحلتين. المرحلة الأولانية إن أنت عشان تعالج الموضوع دوت المرحلة الأولانية إن أنت لازم تعترف بقصورك، لازم تعترف بعجزك. لازم تعترف إن أنت حساس من ناحية ما قصاد الموضوع ده. يعني أنا عندي مشكلة مع الإباحيات إذن أنا حساس قصاد المشاهد الجنسية. قصاد المشاهد أو المقدمات اللي بتشتغل كتريجر أو كيو أو محفز عشان يدخلني للدوامة بتاعة إن أنا أخش أتفرج. تمام؟ أنا مش زي أي حد ثاني. فلازم أحط أعترف بده تماما، وأقبله تماما. أنا مش شبه صاحبي اللي بيتفرج وما بيحصالهوش حاجة. أنا مش شبه مش شبه صاحبي اللي اللي بيتفرج وما عندوش مشكلة وعارف يهندل الدنيا ومش مأزماه، مش مش شبه فلان اللي متجوز وما عندوش مشكلة مع زوجته رغم إن هو بيتفرج، أنا مش شبه ده.
[3:11]أنا عندي حساسية ما تجاه المادة دي. المادة دي لما بتخش جسمي بتتعبني، بتدخلني في مود غريب غيره. اثنين بياكلوا المانجا، واحد عنده حساسية جسمه يتفح جدا، واحد بياكل المانجا بالكميات وما بيحصالهوش أي مشكلة خالص. ما ينفعش تحكم على نفسك أو تقارنها بناس تانية. أنت مختلف أولا لازم تعرف إن أنت قصاد المنطقة اللي تعباك دي عندك حساسية زيادة منها. فلابد تتقبل هذه الحساسية عشان تعرف تعالجها، لازم الأول نقبلها. فعشان نقوم بنزع هذه الحساسية لازم الأول نقبلها وما نتعرضش للمادة المسببة لهذه الحساسية أو لمسببة للضعف أو للهزيمة قصادها.
[4:12]إزاي؟ أنا عندي أنا عاجز قصاد الشهوة. أنا عاجز قصاد فلان. أنا بحاول أطلع فلان من قلبي فـ إذن أنتي عاجزة قصاد صوره، عاجزة قصاد قصاد البروفايل بتاعه، عاجزة قصاد سماع صوته، عاجزة قصاد مقابلته. ما تقوليش أنا جدعة وهأروح أقابله وأعرف أحط حدود. ما تقوليش أنا جدعة وهأخش أطمن بس أخباره إيه.
[4:47]ما تقولش أنا جدع وتسيب الإنترنت مفتوح. لابد تحترم مناطق عجزك، تحترم إن المساحات ديت أنت عندك قصور فيها، مش هتعرف تهندلها. أنت عامل بالضبط شبه اا مدمن الهيروين اللي قرر ياخد شمة بس، وهأقلل الجرعة وهأعرف ما فيش حد بيعرف يهندل. لابد إن أنت تعترف إن أنا قاصر وعاجز على الدخول على مناطق معينة. إذن، الخطوة الأولى في التعامل مع مشكلة زي مشكلة الإباحيات وعشان تتعافى معاها منها. أو مشكلة زي مشكلة الإدمان الجنسي أو مشكلة مشكلة تعدد العلاقات. إنك تقوم بحصر مناطق العجز والمساحات اللي أنت فيها ضعيف. في البداية هتحس الموضوع صعب جدا، ليه؟ لأن يكاد يكون مساحات كتيرة جدا جدا جدا أنت ربطتها بالموضوع دوت. أنت جنست كل حاجة في الحياة فبقى المول منطقة عجز، بقت بقى وجود الإنترنت على الموبايل بقى منطقة عجز. بقى وجود سمارت فون أحيانا في جيبك سهل أنت تخش منه على على الإنترنت أو أو يعني تحصل على اكسس للمادة اللي أنت أصلا مدمنها وهي المواد الإباحية. بقى أصبح منطقة عجز، أحيانا بعض الأفلام الأجنبي، بعض الأفلام الغربية اللي فيها مشاهد ما قد تستثيرك. أنت حساس قصادها دي منطقة عجز. اا أحيانا بعض الأماكن اللي مربوطة في دماغك بالموضوع دوت، بعض الشخصيات، بعض الأصدقاء اللي مربوطة في دماغك، في رابط شرطي ما بينها وما بين إدمانك أصبحت منطقة عجز. طب إيه الحل عشان تبطل تتهزم إنك ما تخشش المعركة أصلا. مهم قوي بقى أنا عارف إن أنا كل ما بأقف قصاد الإباحيات أو قصاد الشهوة بتغلبني. الخطوة الأولى لحد ما تقوى عضلة الـ مش هأقول الإرادة، إحنا ما بنستخدمش إرادتنا قوي في الموضوع دوت. بس لحد ما تخش المرحلة بتاعة نزع الحساسية، الأول المرحلة الأولى عدم التعرض. بيسموها في الأديان سد الذرائع. إنك ما تتعرضش أصلا للمادة اللي أنت ضعيف قصادها. فلو في عندك مشكلة مع الإباحيات، إذن أنت لفترة مش قليلة هيكون عندك مشكلة مع الإنترنت. فأنت مش هينفع اللاب توب يبقى موجود عندك في أوضتك لوحدك. مش هينفع يبقى فيه اكسس للإنترنت وما فيش مراقبة فوقيك. فطب أنا مضطر له عشان شغلي، مضطر له عشان أتابع، يبقى في حد جنبك. هتطلع تقعد بيه في الصالة. هتنزل تعمل شغلك اللي أنت محتاج تعمله ده على القهوة، هتنزل تقعد في العربية، هتنزل تقعد على على البحر، هتنزل تقعد في مكتبة. المهم إن منطقة عجز بالنسبة لك وتعرفها كده وتكتبها لازم تتكتب، منطقة عجز بالنسبة لي إن أنت تقعد لوحدك لوحدك مع الإنترنت. مش كل مرة بيحصل كده، بس طالما بيحصل أحيانا وطالما حصل رابط شرطي بسبب طول التعرض للمادة ديت من خلال هذا الوسط ومن خلال هذا السياق. أنت محتاج السياق ده لحد ما تقوى فيه شوية ولحد ما ما تثقل شوية في التعافي، أنت محتاج تبطل تتعرض له. فقوم النهاردة اعمل حصر جاد ومحترم وبدون إنكار. حصر حقيقي وصادق وأمين بمناطق العجز، مناطق العجز ممكن تكون أشخاص ممكن تكون أشياء. ا ااا موبايل زي ما قلنا، ممكن بعض الناس اللي بتبطل إباحيات في الأول يتنازل عن سمارت فون بتاعه ويجيب الموبايل اللي هو حتة الحديدة اللي بتقول له دي بس. ففي أشخاص، في أشياء، في أماكن، أماكن معينة كنت بتروحها بتقابليه فيها أو بتقابلها فيه. ا ااا حد حد يعني بتحصل منه على على اا يعني الموارد بتاعتك أو عن الأخبار حولين اللي اللي أنت بتحاول تتعافى منه أو غيره. ااا دول الثلاث مساحات دي أنت محتاج إن أنت مش تهندلها وما تخشهاش، والباب اللي يجيلك منه الريح سده واستريح. سده محتاج لفترة ممكن توصل لثلاث شهور إنك تحصر مناطق العجز، أنك تتقبل إن أنت عاجز في هذه المنطقة. أنك تحترم قصورك وتحترم عجزك وتقول أنا مش قدها، أنا مش هتعرض لها، مش هتعرض لها سدًا للذريعة. اللي بيخش لي منها دايما الضربة اللي كل مرة بتقضي عليا وبرضه بأروح أجرب تاني وأقول أنا هأقدر المرة اللي جاية وأقول يا رب ساعدني وإن شاء الله دي آخر مرة. أنت ما بتقدرش، احترم ده جدا، تقبل ده تمامًا، مش عيب إن أنت عندك المشكلة ديت اا مع الوقت ممكن تتحل. بس عشان تتحل المرحلة الأولى مرحلة قبول العجز. ا ومنع التعرض، على فكرة المرحلة اللي بعديها اسمها التعرض ومنع الاستجابة. لكن في الأول أنت المفروض ما تتعرضش. فقوم النهاردة احصر كل المناطق، ومن النهاردة شيل كل حاجة ممكن يكون فيها اكسس للحاجة اللي أنت عايز تبطلها. ايا كانت هي إيه، الحتت اللي أنت ضعيف قصادها. أيا كانت، حتى لو هتبطل شهور تتفرج على أفلام أو تسمع أنواع معينة من الكليبات أو تقرا بعض القراءات معينة، تتعامل مع بعض الأشخاص، تتعامل مع مش مهم. الحاجات اللي هتبقى مضطر لها قوي هتجيب معايا رقيب، ما فيش رقيب هأنزل أنا أقعد في الشارع، ما حدش بيتفرج في الشارع. فا فا، احترم، ما تزعلش من من وجود هذه الأمور. ااه وأشوفك بكرة.
