المضارع المستمر في اللغة الإنجليزية : شرح قاعدة الحاضر المستمر من الأفلام

[0:00]اهلا بك في حلقه جديده من كورس القواعد. لو جديد معانا تابع الكورس من اوله بالترتيب. علشان في وسط الشرح ما تجيش في بالك اسئله وتظن ان احنا عديناها وما شرحناهاش ويكون احنا اصلا شارحينها قبل كده في حلقات ثانيه. لو انت معانا بقى لك فتره هتلاحظ ان احنا في الفتره اللي جايه دي هنشتغل كتير على القواعد وعلى الكتابه لاننا على حسب الجدول بتاع الكورس ده فاضل لنا حوالي خمس اسابيع وننتهي من المستوى الاول. في طبعا حلقات كثيره جدا موجوده في المستوى الثاني والمستوى الثالث بالفعل موجوده على القناه ولكن بعد خمس اسابيع من دلوقتي هيكون التركيز كله في المستوى الثاني بس. وفي كورسات جديده هتظهر في المستوى الثاني بس ودي هكلمك عنها في وقتها ان شاء الله وتحبها جدا. المهم تابع بانتظام الفتره اللي جايه دي علشان ما تكونش زي اللي عمل اكله كويسه جدا ونسي في النهايه يحط شويه ملح. اتفقنا؟ خليك معايا.

[0:50]السلام عليكم ورحمه الله وبركاته انا ابراهيم عادل وانت بتتفرج على كورس تعلم اللغه الانجليزيه على قناه زي امريكان انجلش الجزء الخاص بالقواعد. سؤال اتسال لي كتير هو انت ليه بتخلي الامتحانات مؤقته بوقت؟ مش الافضل انك تخلينا نوقف الفيديو ونفكر على مهلنا الوقت بيشتتني. الاجابه انا مش عاوز اقيس فهمك للقاعده، ده بنعمله اصلا اثناء الحلقه في التمارين اللي بقول لك فيها توقف الفيديو وتدي لنفسك فرصه علشان تجاوب. وبعد نهايه الحلقه بنعمله مره كمان في الجزء الخاص بالواجب. انما الامتحان على عكس امتحانات الدراسه مش غرضي اني اشوفك فاهم ولا لا. غرضي اقيس قد ايه القاعده اصبحت منطقيه وما بتحتاجش منك تفكير. قد ايه تحت تشتيت رهبه او ضغط تقدر برده تختار صح. لانك بعد كده لما تيجي تتكلم مع الناس مش هتطلب منهم ان هم يوقفوا الاول ويستنوك لغايه اما تفكر وبعد كده تصيغ الجمله. وزي ما قلت لك هدفنا هنا مش انك تحل كم سؤال في الامتحان. هدفنا ان اللغه الانجليزيه عندك تكون في قوه اللغه العربيه بالظبط. فطبيعي جدا انك تحس ان ادائك في الامتحان مش زي ما توقعت. لاننا في البدايه مع كتر التمارين اللي زي كده هتبدا تلاقي نفسك بقيت بتحل بتشتيت ورهبه. بنفس كفاءه الحل من غيرهم وساعتها هتبدا تلاقي نفسك بقيت تتكلم من غير تفكير ونبقى نقلنا القاعده من الواعي للاواعي. ده طبعا ما بيحصلش بين يوم وليله زي ما انت اكيد فاهم ولذلك احنا ماشيين في الاتجاه ده وبدربك عليه. ما تقلقش واحده واحده هتلاقي نفسك بقيت افضل ان شاء الله. ندخل بقى في القاعده اللي معانا النهارده. قبل ما اشغل بالك بتكوين واستخدام وكده خليني الفت نظرك لحقيقه مهمه وهي ان في نوعين من الافعال في اللغه الانجليزيه. في فعل ثابت وفي فعل متحرك. يعني ايه؟ يعني مثلا تخيل ان التوك توك اللي قدامك ده بيمثل الفعل ده فعل. اي فعل بقى وليكن مثلا سبيك. فالفعل في صورته الطبيعيه بيكون زي التوك توك ده. هل التوك توك ده يقدر يتحرك؟ لا ثابت. ليه؟ لانه لازمه على الاقل عجل علشان يتحرك التوك توك بيمشي بثلاث عجلات ممتاز جدا. العجل اللي بيحرك الفعل في اللغه الانجليزيه برده ثلاث حروف هو اي ان جي. لو موجودين في الفعل يبقى كان التوك توك بقى له عجل نقدر نحركه. طيب تعال نركب العجل على التوك توك وبرده نحط العجل على سبيك بقت سبيكنج. طيب بص للتوك توك تاني هل التوك توك كده يقدر يتحرك؟ هو يقدر بس مش هيتحرك ليه؟ لانه محتاج حد يساعده انه يتحرك تحريكه مش ذاتي من نفسه. محتاج حد يساعده يعني حد يقوده ممتاز لازم نجيب له سواق. السواق بتاع الفعل في اللغه الانجليزيه هو الفيرب تو بي. ده شغلته انه بيسوق الفعل التوك توك وده زي ما شرحت لك قبل كده في المضارع بيكون ام از ار. يعني واحد من الثلاثه دول يقدر يسوق الفعل ويحركه اذا دلوقتي التوك توك يقدر يتحرك وكمان الفعل سبيك اذا حطيت له العجل اي ان جي والمساعد ام از ار اقدر احركه واقول ام سبيكنج او از سبيكنج او ار سبيكنج. طيب اذا اللي نخرج بيه من كل ده ان سبيك ده ثابت علشان احركه لازم فعل مساعد وازود عليه اي ان جي فتكون التركيبه كالاتي. ام او از او ار بلس فيرب اللي هو الفعل بلس اي ان جي. كده التركيبه الكيميائيه دي بتقول ان الفعل ده متحرك. ممتاز انا بقى بقول لك كل ده ليه؟ لانك دلوقتي درست تركيب الزمن المضارع المستمر. المضارع المستمر بيتكون من الفاعل وبعديه التركيبه دي. طيب كده عرفنا ازاي نكون جمله بالحاضر المستمر بس هو ليه اصلا بنحتاج الزمن ده ايه فائدته يعني امتى بنستخدمه. طيب فاكر الزمن اللي قبل كده بتاع المضارع البسيط؟ قلنا ان مالهوش اي علاقه بحاجه بتحصل دلوقتي حالا صح؟ ممتاز. اللي بيحصل قدامك دلوقتي هنستخدم له المضارع المستمر. يعني مثلا محمد يزور صديقه كل مساء ده ما بيحصلش دلوقتي مش تبعنا ده مضارع بسيط درسناه قبل كده. محمد يشاهد التلفاز الان ممتاز ده بيحصل دلوقتي يبقى مضارع مستمر. اصدقائي يحبون المذاكره حبهم ده مش فعل بيحصل دلوقتي دي حقيقه مش مضارع مستمر درسناها قبل كده. اصدقائي يحاولون التركيز في الدرس انا شايفهم قدامي اهو بيحاولوا يركزوا ده بيحصل دلوقتي مضارع مستمر. وطالما مضارع مستمر يبقى عاوز فعل متحرك مش ثابت. بنحركه ازاي فاكر مثال التوك توك؟ طيب قبل ما اشغل بالك باي حاجه من الافلام خليني اختبرك في كام جمله كده على السريع. ترجم انا العب الكره الان. اختار الاجابه من دول اي بلاي ساكر ناو. اي ام بلاي ساكر ناو اي بلاي ساكر ناو اي ام بلاي ساكر ناو. الاجابه رقم اربعه لانها الوحيده اللي فيها السواق ام والعجل اي ان جي اذا دي بتاعه المضارع المستمر. ترجم اخوتي يتحدثون مع والدتي ده بيحصل حالا مثلا. My brothers are talking with mom my brothers are talk with mom my brothers talk with mom my brothers talking with mom. الاجابه رقم واحد الفعل المساعد بتاع الجمع ار وكلمه براذرز دول اكثر من واحد فجمع. اخر سؤال القطه نائمه في المطبخ ده حالا حاصل قدامي اهو. ذا كات سليب ان ذا كيشن ذا كات سليب ان ذا كيشن ذا كات از سليب ان ذا كيشن ذا كات از سليب ان ذا كيشن. الاجابه رقم ثلاثه الفعل المساعد الخاص بالطرف الثالث هو از المفرد القطه طرف ثالث مفرد. ولنا ولا انت طيب يبقى انت اذا اكيد عارف ان اي ام وهي از شي از ات از يو ار وي ار ذي ار ممتاز كل ده معروف تعال بقى نتدرب على تكوين الجمله من الافلام وبعد كده ننقل على حاجه ثانيه. المقطع اللي جاي ده الممثل بيقول بالمناسبه رجلي تقتلني. تقتلني هنا مصطلح معناه انها بتوجعني جدا بنقول تقتلني. طيب بيقول رجلي تقتلني رجلي يعني لاج معاك خمس ثواني.

[6:51]Because my leg is killing me. بما ان لاج مفرد رجل واحده الفعل المساعد بتاعها از والفعل كيل مضاف له اي ان جي علشان يتحرك. المقطع اللي بعد كده الممثل بيقول راس يرتدي بنطلون جلد. راس ده اسم شخص فهو بيبص على شخص اسمه راس وبيقول ان هو بيرتدي بنطلون جلد. بنطلون جلد يعني ليذر بانتس ليذر بانتس وطبعا يرتدي يعني وير. فكر هل هتحتاج هنا اداه ولا مش هتحتاج لو جاي بالقواعد بالترتيب فكر ترجم بقى معاك خمس ثواني.

[7:33]Ross is wearing leather pants. حطينا الفعل المساعد بتاع المفرد وضفنا اي ان جي وبما ان بانتس جمع وطبعا انت عارف ليه لاننا شرحناها قبل كده. بما انها جمع ما حطيناش اداه بعد كده الممثل بيقول انت تتصل بي في البيت. يتصل يعني كول وفي البيت يعني ات هوم دي سهله ثلاث ثواني بس. You are calling me at home. طيب بعد كده الممثل بيقول مستر جاكوبز انا اتوسل اليك. كلمه يتوسل الى معناها بج بج يعني يتوسل الى ما بتحتاجش تو. ماتدخل على الفعل او الضمير مباشره طيب قول لي بقى مستر جاكوبز انا اتوسل اليك خمس ثواني.

[8:28]Mr. Jacobs. I am begging you. ممتاز جدا حطينا الفعل المساعد بتاع اي اللي هو ام وضفنا اي ان جي للفعل علشان نحركه بس ثواني ثواني كلمه بج هنا لما ضفنا لها اي ان جي فجاه كده بقى في 2 جي في الكلمه ايه اللي حصل هنا؟ ده بيقودنا الى قاعده صغيره. الاول اعرف ان حرف في بيشير الى الحرف المتحرك اختصار فاول. يعني لو قلت لك في اعرف ان انا قصدي حرف متحرك وحرف سي بيشير الى الحرف الساكن اختصار كلمه كوننت. طبعا باكد عليك مش شرط تحفظ اي حاجه دلوقتي افتكر بس ان في متحرك زي اي اي اي او يو وحرف سي بيشير الى الحروف الساكنه. طيب القاعده بقى بتقول لك ايه؟ واحد اذا كانت الكلمه فيها حرف متحرك واحد بتضيف لها اي ان جي عادي جدا. مثال دو منتهيه بحرف متحرك واحد. بتضيف لها اي ان جي عادي جدا وبتقول دوينج طيب ده رقم واحد رقم اثنين اذا كانت الكلمه تنتهي بايه؟ واللي قبلها مش متحرك شيل الا لما تضيف اي ان جي. مثال ميك ميكينج هنا اخر حرف اي واللي قبليه مش متحرك كي. اذا نشيل الاي ونضيف اي ان جي ثلاثه اذا كانت الكلمه تنتهي ب في سي. يعني ايه في سي؟ يعني اخر حرف ساكن واللي قبله متحرك. هنا مش المقصود حرف سي وحرف في سي بترمز للحرف الساكن وفي بترمز للحرف المتحرك اذا في الكلمه اخر حرف ساكن واللي قبليه على طول متحرك. في الحاله دي اخر حرف لازم تضاعفه مرتين. كلمات بتنتهي ب في سي زي ايه؟ زي الكلمه اللي اخذناها من شويه بج اخر حرف ساكن واللي قبله متحرك. فلما نضيف اي ان جي بتبقى بج باتنين جي او مثلا كلمه ثانيه زي ست برده بتنتهي ب في سي. ساكن وقبله متحرك لما نضيف اي ان جي بنقول ايه؟ سيتنج باتنين تي. اربعه طيب افرض الجمله ما كانتش حرف متحرك واحد في النص كانت حرفين متحركين. زي مثلا الكلمه دي جين. دي مش منتهيه ب في سي لا دي اتنين متحرك في في سي. الاي متحرك والاي متحرك في الحاله دي بقى لا تنطبق عليها قاعده مضاعفه الحرف الاخير. ضيف اي ان جي من غير ما تضاعف اي حاجه قول جينج عادي جدا. خمسه اذا كان اخر حرف في الكلمه احد حروف واكس اللي هي دبليو واي اكس. اذا كان اخر حرف في الكلمه احد حروف واكس ما تطبقش عليه القاعده دي. يعني مثلا كلمه بلاي دي اخرها واي وهو احد الحروف الثلاثه اذا مش هتضاعف اي حاجه ولو ان اللي قبلها متحرك. هتقول بلاينج عادي جدا لان اخر حرف احد الحروف الثلاثه بتاع كلمه واكس دبليو واي اكس. طيب لو فاهم الجدول ده كويس حل الاختبار ده ثمان كلمات هيظهروا لك دلوقتي وعاوزك تزود عليهم اي ان جي. مستعد يلا نشوف ادي الثمان كلمات هاسيب لك 10 ثواني علشان انا عامل حسابي انك هتوقف وتدي نفسك مساحه اكبر.

[11:46]انتهى الوقت الاجابه 1 جوينج حرف متحرك واحد في النهايه في كلمه جو ضفنا له اي ان جي عادي جدا. تو ستاينج ما كررناش اخر حرف لان الكلمه منتهيه بواي وده احد حروف واكس ما بيتكررش. ستوبينج كلمه ستوب منتهيه ب في سي ساكن وقبله متحرك بيتضاعف. فور بيكينج منتهيه ب اي واللي قبله مش متحرك تحذف ونضيف اي ان جي. فايف رانينج دي منتهيه ب في سي ساكن وقبله متحرك اذا تتضاعف عند الاضافه. 6 سمايلينج دي منتهيه ب اي قبلها مش متحرك تحذف عند اضافه اي ان جي. 7 بوشينج منتهيه بحرف ساكن واللي قبله ساكن دي مش ضمن نطاق القاعده اصلا اذا لا يتم مضاعفتها. ايه فيكسينج كلمه فيكس منتهيه باحد حروف واكس حرف الاكس اذا لا يحدث مضاعفه. تمام لو كل اللي فات ده كويس فاعرف انك اساسا درست ازاي تنفي زمن المضارع المستمر. فاكر لما درست ان نفي ام هو ام نوت. ونفي از هو از نوت ونفي ار هو ار نوت بس كده خلاص هو ده كل اللي انت محتاج تعرفه. يعني لو قلت لك مثلا ماي فرند از بلاينج. انفيها لي هتقول ايه؟ نفي از هو از نوت فهتقول ماي فرند از نوت بلاينج وخلصت كده. طيب ايه نفي ذي ار درينكن كوفي؟ نفيها نفي ار ار نوت ذي ار نوت درينكن كوفي. طيب وايه نفي اي ام دوينج ماي هوم وورك؟ نفي ام هو ام نوت فهتقول اي ام نوت دوينج ماي هوم وورك. الموضوع سهل جدا صح؟ خلاص تعال ما نضيعش في وقت. طيب كده انت عرفت تكون الجمله وعرفت تنفي الجمله فاضل لك حاجتين. السؤال ومتفرع منه موضوع الكلمات الداله والحاجه الثانيه هي لخبطه الناس حوالين بعض الافعال اللي بيقولوا انها ما ينفعش يضاف ليها اي ان جي. طيب بالنسبه للسؤال فده برده انت اتدربت عليه كتير جدا وبقيت محترف فيه. لما بتكون واخد القواعد بالترتيب الصحيح زي ما قلت لك بتلاقي ان الموضوع بقى منطقي جدا في دماغك وبنقدر ننقل بسرعه. فاكر زمان لما قلنا احمد از تول وسالنا عليه باننا بنخرج الفعل المساعد بره. فاكر لما قلت لك ان في لغات معينه ما فيهاش كلمه هل وبيضروا تعويضا عن ذلك بيخرجو الفعل المساعد بره وقلنا ان احمد از طول يبقى السؤال عليها از احمد طول؟ فاكر كل الكلام ده هو هو ده بالظبط اللي بنعمله المره دي. في جمله زي دي ميري از درايفنج ا كار لما اجي اسال عنها هخرج الفعل المساعد بره وهقول از ميري درايفنج ا كار؟ جمله زي ذي ار كامينج هسال عليها باني اخرج الفعل المساعد ار بره وهقول ار ذي كامينج؟ طيب لو الجمله بتقول اي ام ليسنج تو يو مثلا هنا هسال عليها واقول ايه؟ هي هي بالضبط ام هخرجها بره وهقول ام اي ليسنج تو يو معظم الناس في السؤال اللي من نوع ده بيقول لك ثانيه واحده ايه ده هو انا ينفع اسال نفسي؟ وبينسى ان في 500,000 موقف بيسال نفسه فيهم بالعربي اصلا سؤاله ده اكبر دليل لما بتقول هو انا ينفع اسال نفسي اصلا ده سؤال لنفسك في حد ذاته. ولكن في مواقف ثانيه كتير برده بتضطر فيها تسال نفسك بتقول مثلا هل قلت لك ان تفعل كذا؟ هل اذنت لك ان تتكلم وحاجات ثانيه كتير خد بالك انك لازم تتعود على ام اي دي كتركيبه مع بعضها لانك هتحتاجها في حاجات ثانيه قدام لما تدرس السؤال المذيل وقواعد ثانيه بنستعمل فيها تركيبات زي دي. طيب بالنسبه لموضوع الكلمات الداله في كلمات لو استعملت بشكل معين. في الغالب زمن الجمله هيكون مضارع مستمر. زي مثلا كلمه لوك لو استعملتها على انها فعل امر بمعنى انظر وكانت في اسلوب خطاب انت بتقول لشخص انظر فلان بيعمل كذا اكيد طبعا لما بتقول له انظر فلان بيعمل كذا اكيد بديهي بيحصل دلوقتي. خلي بالك ان انا بقول ان هو بيكون فعل امر وبيكون في صيغه خطاب. يعني مش اي كلمه لوك يعني لو قلت لك مثلا اي و لوك ات كذا كذا سوف انظر الى كذا كذا ده مستقبل. او مثلا اقول لك شي لوكس اب تو فلان الفلاني كلمه لوك اب تو دي معناها بينظر بتقدير او بيجل فلان فهنا برده مش فعل امر. انما لو قلت لك لوك ذا بويز ار سوينج هنا بقول لك انظر الاطفال يسبحون. في السياق ده والسياقات المشابهه اه كلمه لوك بتدل على ان في حاجه بتحصل حاليا وده طبعا بديهي جدا. لما اقول لك انظر حاجه بتحصل يبقى بيدل على انها بتحصل من باب تعريف المعرف. يعني لما تكون عندك وقت فاضي ابقى اقعد عد الحاجات اللي زي دي. زيها برده كلمه ليسن اما اقول لك انصت المدرس يتحدث اكيد اكيد لما بقول لك انك تسكت علشان المدرس بيتحدث اكيد هو بيحصل دلوقتي. بصراحه موضوع الكلمات الداله ده في افضل صوره لما بيكون دقيق زي دي كده بيكون بديهي جدا ومش محتاج منك تضيع اي وقت فيه وفي معظم الاحيان بيكون خاطئ زي ما قلنا في حلقه المضارع البسيط. طيب نيجي بقى لحاجه مهمه في افعال بيقول لك انها ما ينفعش تيجي في زمن المضارع المستمر. يعني ما ينفعش تضيف لها اي ان جي ليه يا فندم؟ لانها يا اما بتكون موجوده يا اما بتكون مش موجوده. الفعل اللي من نوع ده بالانجليزي اسمه ستيف فيرب يعني فعل الحاله بيعبر عن حاله مش حدث بيحصل. زي ايه يعني؟ يعني مثلا كلمه زي يحب دي حدث ولا حاله؟ لو حدث يبقى نقدر نقول في خلال كذا في اثناء كذا يعني مثلا لما اقول لك فعل زي يلعب تقدر تقول لي في اثناء اللعب في خلال اللعب. انما يحب هتقول لي في خلال الحب لا ما ينفعش هو يا اما بيحب يا اما لا. يا اما الحاله دي موجوده يا اما لا ولذلك اسمه ستيف فيرب فعل حاله بيعبر عن حاله. ما ينفعش اقول بص هيحب اهو هيحب اهو اهو بقى بيحب لا دي حاله مالهاش اسماء مالهاش خلال. اذا المفروض تسيبها ثابته لانها مش حاجه بتحصل قدامك ما تحركهاش فاكر مثال التوك توك ما تحط لهاش العجل بقى اللي هو اي ان جي ولا تسوقها. طيب ايه ضد يحب؟ ضد يحب هيت يعني يكره نفس الموضوع ما تحركهاش دي ثابته ما فيش اي ان جي. كلمه زي يرى سي نفس الموضوع ما تحط لهاش اي ان جي يا اما انك شايف يا اما انك مش شايف ما ينفعش اكون في خلال ما انا بشوف اهو. صح وزي ما قلنا على كلمه لف نقول على كلمه لايك برده يا اما مثلا بتحب الايس كريم يا اما ما بتحبهوش انما مش في خلال ان انا بحب الايس كريم صح؟ منطقي صح؟ بديهي طيب الحقيقه هو كان صح. كان لحد حوالي 70 سنه فاتت كده وتقريبا المناهج ما اتغيرتش من وقتها. دي قاعده قديمه جدا وتم استبدالها وبقت محصوره في سياق معين ضئيل ونادر جدا. تقدر حاليا تستخدم كل دول مع اي ان جي زي ما هوريك دلوقتي. الاول علشان اخلي مسؤوليتي انت لو طالب وعملت كده في الامتحان هتاخد صفر اضمن لك الدرجه صفر. كتاب الوزاره ما زال على القاعده القديمه فلو انت طالب معلش حل الامتحان زي كتاب الوزاره ما يكون عاوز وبعد ما تخلص. لما تتكلم مع الناس بقى يبقى استعمل اي ان جي براحتك وليها ضوابط هندرسها في المستوى الثاني باذن الله مش على عمومها. طيب تعال بقى نشوف الدليل. Are you seeing this? Are you seeing this? Are you seeing this? Are you seeing this? طيب ده زمن ايه؟ انت لسه دلوقتي دارس تكوين سؤال بالمضارع المستمر. ار في الاول اهيت بعديها الفاعل والاهم ان الفعل سي مضاف له اي ان جي ده زمن مضارع مستمر قولا واحدا بتقول له هل ترى هذا دلوقتي يعني شايف. طيب مثال كمان. Because Jenkins is loving this. Because Jenkins is loving this. Because Jenkins is loving this. Because Jenkins is loving this. طيب طبقا لكتاب الوزاره الست دي الانجليزي بتاعها ضعيف ومحتاجه تاخذ درس. دي وضعت اي ان جي مع فعل لا يجوز معه وضع اي ان جي في زمن المضارع المستمر. ولكن طبعا الست بتتكلم صح. شايف الصوره دي دي ماكدونالدز مكتوب تحتها ايه؟ الابستروفي دي اختصار ليه الجي زي ما درسنا في الحلقه بتاعه الحكم. مكتوب اي ام لاف ات طيب هو ينفع؟ الراجل ده مغني اسمه جاستن تمبرليك له اغنيه برده اسمها اي ام لاف ات لا كده كتير. طيب وعكس كلمه لف هو ايه؟ هو هيت زي ما قلنا. Honey, I'm hating you a little bit right now. Honey, I'm hating you a little bit right now. Honey, I'm hating you a little bit right now. Honey, I'm hating you a little bit right now. المفروض ان هيت فعل من الافعال اللي هي ستيف فيربس افعال الحاله ما ينفعش يضاف ليها اي ان جي في زمن المضارع المستمر. ولكن الست دي اضافتها عادي واخيرا اسمع كده. I'm liking this less. I'm liking this less. I'm liking this less. I'm liking this less. برده طبقا للكتاب ما ينفعش تقول لايكينج بس اهو قالتها وده من ضمن الحاجات اللي لما حد بيدرس القواعد بالطريقه القديمه بيسمع كلام زي اللي فات ده كله فيقول لك ادي يا عم دليل اهو على ان الاجانب ما بيهتموش بالقواعد في الكلام مع انك اصلا بتاخد القواعد من كلامهم. موضوع ستير فيربس ده هندرسه لما ناخد المضارع المستمر بتفصيل اكبر في المستوى الثاني ان شاء الله. ايه ده هو في لسه كلام ماتقالش في المضارع المستمر؟ اه في كتير طبعا. طيب دلوقتي ميعاد الواجب بتاعك وانا واثق انك هتحله صح باذن الله. اكتب اجابتك في التعليقات ونصحهها الحلقه الجايه ان شاء الله شكرا للمشاهده والسلام عليكم ورحمه الله وبركاته.