كيف تتذكر كل ما تدرسه

[0:00]كيف تتذكر كل ما تدرسه ده كان فيديو لجيس بارك استفاد منه الاف الناس فحبيت اترجمه لكم عشان تستفيدوا منه ولكن قبل ما نبدا لو انت مش مشترك في القناه اشترك عشان يوصلك كل جديد بيقول جيس بارك انا وصاحبي لسه داخلين في رهان ثقيل جدا. الحكايه بدات لما مدرس اللاتيني بتاعنا قرر يدينا قائمه رعب عشان نحفظها للامتحان القائمه دي مش مجرد صفحه ولا اثنين ولا ثلاثه لا دي قائمه طويله عريضه فيها 450 مصطلح لاتيني مطلوب مننا نحفظهم صم والمشكله مش بس في العدد ده المصيبه انه كل كلمه من ال 450 دول ليها اربع تصريفات او اشكال مختلفه يعني لو جيت تحسبها بالورقه والقلم انا مطلوب مني احفظ حوالي 1800 كلمه ومصطلح جديد رقم يخض مش كده صاحبي لما شاف المنظر ده قال لي بقلب جامد مستحيل مستحيل تقدر تحفظ الكميه دي كلها في اسبوع واحد بس وطبعا هو كان فاكر انه كده بيعجزني بس اللي هو ما يعرفوش انه غلط غلطه عمره في التقدير ده ليه بقى لاني وبكل تواضع استاذ في الحفظ او زي ما بيقولوا كده هكر في موضوع الذاكره ده احنا كطلبه حياتنا كلها عباره عن حفظ في حفظ كميات مهوله بتترمي علينا كل يوم اسئله اجابات نموذجيه معادلات كيميائيه قوانين فيزياء نظريات هندسيه مفاهيم مجرده وتواريخ احداث ماتت وشبعت موت الموضوع فعلا حمل كبير جدا على دماغ اي حد بس بالنسبه لي الموضوع كان مختلف شويه انا من وانا طفل صغير وانا عندي هوس بموضوع الحفظ والذاكره ده مش عارف حد فيكم جرب يحل مكعب روبك قبل كده ولا لا المكعب ده كان ادمان بالنسبه لي وانا صغير ما كنتش بس عايز احله كنت عايز احله بسرعه خياليه وعلشان تحل المكعب ده بسرعه وتكون محترف في طريقه مشهوره جدا اسمها سي اف او بي الطريقه دي باختصار انك بتحل اول طبقتين وبعد كده بتدخل في مرحله الخوارزميات عشان تخلص المكعب للاخر عشان تخلص المكعب للاخر لازم تحفظ معادلات حركيه للخطوات اللي اسمها او ال ال وبي ال ال تخيلوا يا جماعه 57 خوارزميه للا ال ال و 21 خوارزميه للبي ال ال وكل خوارزميه فيهم عباره عن سطر طويل من الحروف والرموز اللي بتعبر عن حركات معينه مش بس كده الاصعب من الحفظ هو سرعه البديهه والتعرف على الشكل يعني لازم ابص على المكعب فجزء من الثانيه واشوف شكل الالوان اقول ايوه ده شكل الخطاف دي الحاله رقم 49 يبقى لازم اعمل الحركه دي عشان تتحل المهم انا قعدت احفظ كل الخوارزميات دي وفعلا خدت مني وقت ومجهود ذهني جبار بس في الاخر حفظتهم وبقيت سريع جدا ومن غير ما احس اكتشفت اني طورت سيستم او نظام في دماغي يخليني اقدر احفظ اي حاجه فقلت لنفسي ليه ما اطبقش الكلام ده على الدراسه وفعلا طبقت نفس التكتيكات دي في المدرسه وفجاه تحول كابوس الحفظ بتاع التواريخ والتعريفات للعبه مسليه وسهله جدا انا عارف ان كتير منكم بيشوف الحفظ ده هو البعبع بتاع المذاكره والحاجه الممله اللي بتخلينا نكره الكتاب وعشان كده اغلب الطلبه بيهربوا منه بس انا النهارده جاي عشان اعلمكم ازاي تخلوا الحفظ ده اسهل وامتع حاجه تعملوها انا بكلمكم كواحد كان بيقعد يلعب العاب الذاكره بتاعه جوجل عشان يتسلى وكنت بمسك منيو المطاعم واحفظ ارقام الدليفري وانا طفل يعني خلي عندكم ثقه فيا انا عارف انا بقول ايه خلونا نبدا باول سر واحد الانماط اللعبه الذكيه تعالوا نعمل اختبار بسيط لو قلت لك احفظ تسلسل الارقام ده 1 3 7 15 31 63 هل هتفتكرهم لو سالتك كمان دقيقه اغلب الناس هتحاول تحفظ السته ارقام دول زي ما هم كده زي ما بتحفظ رقم تليفون ده الشو خلاص ودول اللي بينسوا بسرعه لكن في نوع تاني من الناس النوع اللماح هيبص بتركيز وهيكتشف النمط او القاعده اللي ماشيه بيها الارقام دي النمط هنا بسيط جدا اضرب الرقم الاخير في اثنين وزود عليه واحد ف 1 × 2 = 2 + 1 يبقى 3 و3 × 2 ب 6 + 1 يبقى 7 وهكذا بمجرد ما عقلك يلقط القاعده دي انت مش محتاج تحفظ السته ارقام انت حفظت جمله واحده بس وبسببها بقيت عارف كل الارقام وممكن تكمل التسلسل ده للمليون الانماط د يا جماعه موجوده حوالينا في كل حته في المنهج خد عندك ماده الاحياء مثلا مليانه علاقات عكسيه لو حاجه زادت التانيه بتقل كتير من الطلبه بيحرقوا جاز ويحفظوا المعلومتين بشكل منفصل مع انك لو ذكي هتحفظ نص المنهج بس والنص الثاني هتستنتجه مثلا في العين لما تكون في ضوء خافت العضلات الشعاعيه بتنقبض والعضلات الدائريه بتنبسط او بترتخي طيب السؤال هنا في الضوء القوي اللي بيحصل اكيد العكس مش محتاج تحفظها بقى بديهيا كده الشعاعيه هتنبسط والدائريه هتنقبض اس ده على كل حاجه هرمون بيزيد في ثاني عضله تشد في الثاني ترخي اعرف ده ووفر مجهودك نفس الكلام ده نفعني جدا في مكعب روبك كنت بلاقي حالات معينه هي عكس حالات ثانيه بالظبط فبدل ما احفظ دي لوحدها ودي لوحدها كنت بحفظ الحركه وعكسها وكانهم حاجه واحده وحتى في مواد ادبيه زي التاريخ دور على النمط بص مثلا على احتلال منشوريا والحبشه في القرن العشرين هتلاقي السيناريو واحد بيتكرر دوله قويه بتهجم وعصبه الامم بتقف تتفرج وما بتعملش حاجه النتيجه فشل ذريع والاحتلال بيتم لما تربط الاحداث ببعض وتعملهم زي حدوته متكرره هتلاقي المذاكره بقت اسهل بكتير والمعلومه تلزق في دماغك لانك فهمت الرابط مش بس حفظت كلمات اثنين الاسئله ثاني سر لازم تعرفه الحفظ مش خط مستقيم بيبدا من انك مش عارف وينتهي بانك عارف الحفظ عمليه رايحه جايه لازم طول الوقت تعمل لنفسك فحص وتشوف انت فعلا حفظت ولا بيتهيا لك قاعده ذهبيه حطها حلقه في ودنك حفظ المعلومات بياخد وقت طويل لكن حفظ اخطائك سريع جدا يعني ايه الكلام الكبير ده وانا بحفظ كلمات اللاتيني ما كنتش بمسك الورقه وافضل اسمع لنفسي وخلاص كنت بستخدم موقع الموقع ده بيخليني اسمع وبعدين يطلع لي قيمه فيها الكلمات اللي انا غلطت فيها بس بدل ما ارجع اراجع ال 450 كلمه كلهم تاني وثالث ورابع كنت بركز بس على ال 20 او ال 30 كلمه اللي غلطت فيهم وافضل وراهم لحد ما القايمه تبقى صفر الطريقه دي بتوفر وقت خرافي تخيل لو قعدت تعيد القايمه دي كلها كل مره كنت هتحتاج تشوف الكلمات دي الاف المرات لكن بالتركيز على الاخطاء انت بتقلل الكميه جدا وبتركز مجهودك في المكان الصح ازاي تطبق ده في موادك العاديه بلاش طريقه القراءه السلبيه دي اعمل لنفسك فلاش كاردز او بطقات تعليميه بس الاهم خليها سؤال وجواب وبلاش تعمل كروت لتعريفات ومصطلحات تافهه عليها درجه واحده في الامتحان ركز على الاسئله الثقيله الاسئله المفاهيميه اللي بتيجي في الامتحان بجد يعني كروتي في الفيزياء ما كانتش ما هو القانون لا كانت مسائل واسئله بتيجي في الامتحان بالنص وممكن دلوقتي تستخدم الذكاء الصناعي عشان يسهل عليك الدنيا انسخ ملاحظاتك وقول له طلع لي اسئله واجابات مهمه من النص ده خد الاسئله دي واحفظها كده انت ضربت عصفورين بحجر ذاكرت وعرفت شكل اسئله الامتحان ووفرت وقت قراءه الكتاب الممل ثلاثه كل ما كانت اجن كل ما كان احسن نيجي بقى لامتع جزء كل ما كانت المعلومه غريبه شاذه او مضحكه مخك بيمسك فيها بايديه واسنانه عشان كده وانا بحفظ اللاتيني كنت بعمل رسومات كروكي عبيطه جدا ومضحكه وبربط الكلمات بحاجه مالهاش علاقه ببعض نرجع للمكعب تاني في سلسله حركات مشهوره اسمها الحركه المثيرة بنسميها في عالم الكيوبنج ار يو ار برايم يو برايم ليه اسمها كده ماحدش عارف يمكن عشان بتتعمل بسرعه وبشكل انسيابي وشكلها حلو بس الاسم ده خلى ما حدش ينساها ابدا اعمل كده في مذاكرتك مخك بينشط جدا لما تدي له حاجه بتضحك او حاجه فيها عنف او حاجه غريبه مش بتلاحظوا ان انا بنام في حصه التاريخ بس بنفتكر كويس قوي تفاصيل المذابح والخيانات وقصص الحب والفضائح اي حاجه مثيره بتثبت استغل النقطه دي لصالحك اربط المعلومه بصوره مضحكه في خيالك ارسم خريطه ذهنيه فيها رسومات كاريكاتيريه رسومات كرتونيه ظريفه لان المخ لغته الاساسيه هي الصور اربعه التوقيت هو كل شيء اخر نصيحه ودي اللي بتقفل الدائره صح المراجعه بعد ما تحفظ وتتعب لازم تراجع في وقتين مقدسين اول ما تصحى من النوم وقبل ما تنام مباشره ليه الوقتين دول بالذات اولا عشان تعمل حاجه اسمها تكرار متباعد ثانيا اول ما بتصحى من النوم مخك بيكون عامل زي الاسفنج الناشف لسه ما تزحمش بمشاكل اليوم ورسائل الموبايل والدوشه فبيكون في قمه استعداده لامتصاص المعلومه وتثبتها اما قبل النوم فده السحر كله الدراسات العلميه زي دراسه في جامعه نوتردام اثبتت ان المخ بيقوم بعمليه ترسيخ كونسليديشن للمعلومات وانت نايم يعني مخك بياخد اخر حاجه دخلت له قبل النوم ويفضل يعالجها ويحفظها طول الليل فلو ذاكرت قبل ما تنام انت حرفيا بتخلي مخك يذاكر لك وانت نايم وبتحلم بس كده ده كان فيديو النهارده اتمنى الفيديو يكون مفيد لو وصلت لحد هنا فانت اجدع واحد اكتب في التعليقات انا هبدا بجد عشان نعرف كم بطل هيبداوا بجد شكرا للمشاهده والسلام عليكم