[0:00]في صباح يوم 7 من شهر 4 عام 1994 وتحديدا فوق مطار ممفيس الدولي بولايه تنسي بامريكا. طائره شحن من نوع دي سي 10 كانت عم تقرب من مدرج المطار بشكل هادئ وطبيعي للهبوط. هذا المطار هو واحد من اكبر مطارات الشحن بالعالم ويعتبر مركز رئيسي لشركه فيدكس للشحن. المدرج كان جاهز وبيستنى الطائره تهبط لكن فجاه الطائره انحرف مسارها للاعلى. ارتفعت كثير وبعدها انعكس الاتجاه واتجهت للاسفل بشكل افقي تجاوزت سرعتها 860 كيلو متر بالساعه. هذا النوع من الطائرات مش مصمم انه يطير بهيك شكل وبهيك سرعه لكن اللي كان عم بيصير هو حاله طوارئ. برج المراقبه استقبل نداء مرعب ومثير للقلق النداء بقول الي المركز. طوارئ اكسبريس 705 تعرضنا للاصابه هناك في محاوله للسيطره على الطائره اعطونا مسار جديد.
[1:14]على متن الطائره كان في اربع موظفين من فيدرال اكسبريس ثلاثه منهم كانوا بيقاتلوا بكل قوتهم للحفاظ على حياتهم من تهديد غير متوقع من داخل الطائره. كانوا بيحاولوا انهم ما يموتوا بهيك طريقه لانه اكيد اصطدام طائره نازله بشكل افقي بهي السرعه الجنونيه بالارض معناه الموت الحتمي بابشع طريقه.
[1:42]للي عم بيشوفوني لاول مره انا ابو الصادق وبحكي عن كل شيء غريب وغامض على كوكب الارض وكالعاده قبل ما نبلش خلونا نتذكر انه احنا بعدنا مقاطعين ومكملين. ولا تخلي هذا الفيديو حتى لو عجبك ينسيك انه من النصر الا صبر ساعه. اما اليوم فراح نحكي عن قصه اختطاف الرحله رقم 705 التابعه لفيدرال اكسبريس. قصه رح تشوفها مجنونه كثير وراح تتفاجا مين الخاطف رح تعصب منه كثير لكن باكد لك انك بهي القصه كمان رح تحزن كثير. العقل والمنطق بقول انك ما تحزن لكن بالنهايه احنا بشر رح تحزن. للي طلع لهم هذا الفيديو بالصدفه احنا عائله مكونه من 4 مليون و500 الف بني ادم بنحب نعرف كل التفاصيل عن مواضيع غريبه جدا ونتعلم منها. اشتركوا معنا بالقناه وكونوا جزء من طريقنا لل 5 مليون مشترك واكيد ما راح تندموا لانه زي ما بنقول دائما كل القصص وان تشابهت مش زي لما احكي لك اياها انا. فيدرال اكسبريس شركه لنقل بضائع مش نقل الناس زي ما كلكم بتعرفوا.
[2:53]طاقم طائراتهم عاده بتكون من شخصين وكابتن ومساعد كابتن لكن بالتسعينات معظم الطائرات التجاريه كانت بتحتاج عضو ثالث وهو مهندس طيران. السبب هو تعقيد انظمه الطائرات في هذاك الوقت وعدم وجود انظمه متقدمه زي اللي موجوده اليوم. اوبورن كالواي كان مهندس طيران بيشتغل بشركه فيدكس زي اي شغل بالدنيا في شفتات. لكن بعالم الطيران في شيء اسمه ساعات طيران اذا الطاقم تجاوز عدد ساعات معين لازم انه يريح. الطاقم اللي كان شغال معه كالواي يوم 6/4 يعني قبل الحادث بيوم واحد تجاوزوا عدد ساعات الطيران المسموح لهم بدقيقه واحده. كالواي مع انه ما كان متجاوز عدد ساعات الطيران زي الطاقم اللي معه لكنه كان لازم انه يريح هيك القانون كان لازم انه يرتاح مع الطاقم تبعه. لكنه هو رجع طلع بالرحله اللي بعدها يوم 7/4 عام 1994 كيف طلع على الطائره.
[3:58]الشركه كانت تعطي الموظفين رحلات مجانيه يعني اذا الموظف عنده مشوار شخصي على ولايه معينه كان مسموح له يطلع كراكب. بسموه بعالم الطيران راكب ميت او ديد هيد كالواي كان لازم يطلع بهي الرحله مهما كلفوا الامر. فقال لهم انا عندي مشوار وبدي اطلع على هاي الطياره كراكب عاده الراكب الميت او الراكب من هذا النوع بقعد بهدوء برا قمره القياده. ما بتدخل بشي لانه مش من طاقم الطائره ولا هو مداوم بهذاك الوقت لكن كالواي ما كانت هاي خطته. يوم الرحله كان هو اول واحد بيركب على الطائره اجى ومعه شنطه سفر عاديه وشنطه جيتار بعده ركب مهندس الطيران البديل اندرو بيترسون. اندرو ما استغرب من وجود كالواي على الطائره هو بيعرف انه مش من الطاقم لكن هم بيشتغلوا بشركه واحده وبيشوفوا بعض دائما. وكان عارف انه كالواي جاي معهم بصفه مش رسميه جاي لانه عنده مشوار شخصي لكن اندرو لاحظ كمان شغله غريبه مسجل صوت الكابتن داخل قمره القياده. كان على وضعيه ايقاف التشغيل اللي هو يا اخوان جزء من الصندوق الاسود كان مطفي. الشيء غريب لكن هو بحسن نيه رجع شغله ورجعه لوضعيه التشغيل وما دقق بعد شوي وصل الكابتن ديفيد ساندرز. ووصل معه مساعده جيمس تاكر سلموا على كالواي وبرضه ما استغربوا من وجوده كانوا عارفين انه جاي معهم كركب. بلشوا يجهزوا قمره القياده لكنهم ما سكروا الباب الساعه 3:00 اقلعت الرحله واللي كان رقمها فيدكس 705.
[5:46]على ارتفاع 18,000 قدم بعد حوالي 26 دقيقه من الاقلاع كالواي فتح شنطه الجيتار.
[5:57]طلع منها مطرقه سكين صيد من نوع جريبر مارك 2 ومسدس قوس صيد. المحادثه اللي تسجلت بعدها كانت مشتته عبارات عن مناطق واماكن كانهم كانوا عم بيحكوا مع بعض عن التضاريس والطبيعه. على الاغلب كالواي كان فقط عم بفتعل حديث عشوائي ليغطي على نواياها. ب تعرفها؟ شايف كل هالاشجار؟ بس كنت أتساءل عنها. هل هي من ضمن النوفاكوليت؟ ولا هي أبعد غرب؟ أجهزة القياس 9 و 2 وبحد الإقلاع أنتو عايشين بأركنساس يا ديف؟ ولا بمكان تاني؟ فيشرفيل لا مستحيل فجاه كالواي ضرب بيترسون من وراء اكثر من مره وتاكر اول ما لف ليش و شو اللي عم بيصير انضرب بمطرقه على الجهه اليسار من راسه. وبعدها الضرب توجه على الكابتن ساندرز حاول يدافع عن حاله لكنه للاسف اكل ضربه تقريبا شلته. بيترسون اول واحد انضرب الشريان الصدغي عندهم انقطع وبلش ينزف وتاكر جمجمته انفتحت وشايا منها دخلت بالجهه اليسرى من دماغه. والكابتن ديفيد ساندرز صار عنده جروح عميقه براسه واذنه كانت على وشك انها تنفصل. الثلاثه عانوا من الام لا توصف كانوا دايخين وتفاجئوا ما فهموا شو اللي عم بيصير لكنهم كانوا بعدهم احياء. كالواي رجع للخلف راح على المطبخ الجانبي للطائره راح يجيب مسدس قوس الصيد وهو عم ياخذ السلاح. الطاقم اخذ شويه لحظات واستجمع قوه الكابتن ساندرز فك الحزام وبلش يزحف باتجاه قمره القياده. بيترسون وتكر بلشوا يسترجعوا وعيهم لكن اول ما رجع كالواي وجه سلاح السهم هذا اللي معه مباشره على الكابتن. اقعد اقعد بمكانك هاي سلاح حقيقي رح اقتل بيترسون انقض عليه مباشره وحاول يمسكه قبل ما يطخ ساندرز كمان ركض عليه وتاكر رغم اصابته العميقه واللي سببت له تقريبا شلل مؤقت في الذراع والساق اليمنى. فجاه استوعب انه ايده ماسكه عمود قياده الطائره قال لك ليش ما استخدم الطائره لادافع عن حالي راح عمل مناورات جويه عنيفه بهدف انه يوقعهم وبهدف انه يربك كالواي.
[8:27]تاكر شد عمود القياده فعلا ورفع مقدمه الطائره ب 15 درجه والنتيجه كالواي وبيترسون وساندرز وقعوا من باب القمره على المطبخ الخلفي للطائره. وهناك بلشت معركه حياه او موت تاكر كان عم بقود الطائره يدويا كان عنده خبره كمقاتل بحري سابق بالبحريه. تعامل مع الموقف كانه بمعركه جويه حقيقيه افضل خطه هي الهجوم المباشر على كالواي لانه لما يكون بوضعيه دفاعيه تصرفاته بتكون متوقعه. يعني على مبدا افضل طريقه للدفاع هي الهجوم بينما القتال شغال بالخلف تاكر لف الطائره بالكامل يعني قلبها تقريبا. المعركه اللي كانت صايره على الارض صارت على السقف لكن مناوره تاكر رغم انها ساعدت الا انها كمان سببت اذى لبيترسون وساندرز. كالواي مش لحاله اللي وقع كل اللي ورا وقعوا وسط كل هاي الفوضى كالواي قدر انه يرجع لقمره القياده كمان مره. ضرب الكابتن ساندرز مره ثانيه جمجمته انكسرت بشكل جزئي والجهه اليمنى من جسمه انشلت بالكامل. مع هاي المعمعه الكابتن غطس بالطائره بشكل عمودي قمره القياده واجهزه التحكم وكل شيء بالطائره كان عم يهتز بشكل قوي. عداد السرعه وصل ل 860 كيلو متر بالساعه الحقيقه انه السرعه الفعليه كانت اكثر من هيك بكثير. لانه ما في ولا طائره من نوع دي سي 10 طارت بسرعه زي هيك من قبل هاي الطائره مش مصممه لتتحمل مناورات معقده هيك. اجنحه التوازن الخلفيه اهتزت بشكل عنيف وكانوا على وشك انهم يخرجوا عن السيطره مشان هيك تاكر بطا السرعه وعدل وضعيه الطيران. كان ممكن انه هاي الاجنحه فعلا تنفك بالهواء المهم هاي المناوره خلت كالواي يوقع برا قمره القياده. رجع للخلف عند بيترسون وساندرز اللي كانوا عم بينزفوا لكنهم بيحاولوا يستعيدوا قواهم. اتقاتل معهم من جديد وكالواي كان عم بغلب الاثنين ضرب واحد بشاكوش على مقدمه راسه والثاني كان عم بينزف كميات دم هائله. لما الكابتن تاكر بلش يرجع الطياره لوضعها الطبيعي ساندرز قدر انه ياخذ واحده من المطارق من كالواي ويضربه فيها مرتين. بهي الاثناء تاكر على السلكي خاطب برج المراقبه بمطار ممفيس الدولي. سيدي سيدي، طوارئ طائرة بحالة طوارئ تابع عيد، طائرة طوارئ إكسبرس 705 أنا مصاب صاري في محاولة للسيطرة على الطيارة اعطوني اتجاه للعودة لممفيس، بسرعة استمر الموضوع على نفس الحال هم بيتقاتلوا بالخلف وهو سامع صوتهم من قمره القياده. نفس الاتجاه لممفيس إكسبريس 705 حالياً أنت باتجاه الشرق وراح توصل حوالي الساعة 12:31 بس... خليك تحكي معي، أوكي؟ نحتاج سيارة إسعاف ونحتاج تدخل مسلح كمان بلغوا منشأة المطار فورا طلب التدخل المسلح وهذا اخطر طلب ممكن انه يطلبه طيار المراقبين في مركز السيطره اطلقوا انذار للطوارئ. وجهوا فريق الاستجابه بالمطار وتواصلوا مع قسم الهبوط. اكسبريس 705 في حالة طوارئ الطائرة عم تلف وترجع مباشرة لممفيس ساري في محاولة السيطرة والاستيلاء عليها الطيار مصاب حالياً كرت ساري في محاولة سيطرة هو الآن شمال فورست سيتي بـ 8 أميال تقريباً وهو يتعامل مع الموضوع حالياً، تمام؟ تواصل مستمر مع كل هذا التوتر الا انه تاكر كان بعده بلف بالطياره يمين ويسار بكل قوته. كالواي ما كان راضي انه يترك القوس ولا يستسلم ساندرز واخيرا قدر انه يضربه على راسه مرتين بكل ما عنده من قوه. واخيرا قدروا انهم يثبتوه على الارض نادوا على الكابتن من غرفه القياده وقالوا له تعال عندنا على المطبخ. شغل الطيار الالي وتعال لعنا الان فعلا تاكر شغله لكن المشكله انه الطياره صارت بعيده عن مطار ممفيس وما كان حدا عم برد على الراديو. شكله عم يحاول يوجه الطيارة للمطار بس، سيطروا على المهاجم ولا لسه؟ مش متأكدين انا سمعت صوت بالخلفية يبدو إنه... أنصاب ما قال إنه انضرب رصاصة، بس قال مصاب وقال بده مساعدة رغم الشلل الجزئي قدر انه يزحف ويروح لعندهم على المطبخ واللي شافه كان صدمه. الغرفه كانت مدمره تماما وزملائه مغطيين بالدم كالواي مربوط بالارض. ساندرز رجع على القمره ليمسك الطائره ويرجعها لممفيس ساعدهم شوي بتثبيته. هم كانوا بينادوا عليه بدهم اياه يساعدهم باي شيء لكن لما شافوا حالته عرفوا انه هو مش قادر يساعد حاله. رجع على القمره ليمسك الطائره ويرجعها لمطار ممفيس اخذ معاه شويه من اسلحه كالواي اللي كانت مرميه هون وهون. ما كان قادر يحملها كلها لانه هو اصلا نصف مشلول رجع تواصل مع برج المراقبه في ممفيس. ممفيس، سامعني؟ هاي إكسبريس 705 الثقيل 705 الثقيلة، هون ممفيس، سامعينك تمام تقدر تتجه مباشرة إلى ممفيس إذا قادر توقع تهبط على المدرج 9 ضغط المقياس الجوي 30.29 افهم إنه إحنا معلنين حالة طوارئ ونحتاج قوات أمن تستقبل الطيارة رح نوقفها على المدرج إذا قدرنا بالمطار فرق سوات والاطفائيه والاسعاف كانوا واقفين جاهزين ليتعاملوا مع الطائره بمجرد ما تلمس الارض. لكن بالموضوع ما كان سهل الطائره كانت اثقل ب 16 طن من الوزن المسموح فيه للهبوط. معظم الوزن كان عباره عن وقود المفروض انه الطائره استخدمته اثناء طيرانها هي كانت رايحه على سان خوزيه. يعني المفروض خلال فتره الطيران راح تستخدم هذا الوقود لما توصل هناك بكون وزنها اقل لكن هون الوضع كان مختلف. ما كان الها بالهواء الا اقل من ساعه ما لحقت انها تصرف وقود ويخف وزنها. الكابتن ساندرز ما كان قدامه خيار الا انه يهبط والوضع اللي هم فيه كان كارثي. مع الوزن هذا كله اول ما تلامس الطائره الارض ممكن انها تنفجر العجلات مع السرعه الجنونيه وانفجار العجلات اكيد راح يكون في شرار وانفجار كبير. مع كل هذا الضغط اللي هم فيه كالواي كان بعده بيقاتل وصوت صراخه واصل لقمره القياده بوضوح. على ارتفاع 7,000 قدم الكابتن ساندرز اخذ قرار صعب عدل وضعيه الطائره. وشغل الطيار الالي ورجع للخلف عند الشباب عشان يقضي على كالواي تماما ويعرف يهبط. اول ما وصل هناك لقى تاكر مثبته مره ثانيه يعني القتل ما كان في له داعي هو كان رايح فعلا ليقتله. لكن الكم ثانيه هذول اللي رجع فيهم للخلف اخرت كل شيء وصعبت الهبوط اكثر.
[16:38]تخيلوا انه اثناء الهبوط كالواي كان بعده بيحاول يوصل لمطرقه كانت واقعه منه على الارض. لكن لحسن الحظ بيترسون سبقه واخذها وضرب كالواي فيها الضربه الاخيره خلته يدوخ ويسكت.
[16:55]اول شيء عملوه فرق الطوارئ اول ما قربوا على الطائره انهم قيدوا كالواي بالاسفاط. الطاقم الان صار بامان وكارثه جويه تم منعها باعجوبه كان وقتها بيترسون فقد كميه دم لدرجه انه نبضه كان شبه معدوم. كان اول واحد من الطاقم بيتم اخلاقه نقلوه فورا على المستشفى تاكر اللي جمجمته مكسره وشايا العظم داخله بدماغه. هو كمان اخذوه على نقاله ونزلوه على سياره اسعاف وساندرز اللي كان يدوب قادر يمشي ركبوه معاه بنفس السياره. كالواي نقلوه على نفس المستشفى معهم لكنه هو مكبل الان السؤال المهم بعد كل هذا الاكشن ليش كالواي عمل كل هالجنون.
[17:39]اوبورن كالواي بفتره من حياته كان وضعه منيح ما كان غني لكنه اشتغل على حاله وقدر انه يدخل على جامعه ستانفورد. درس تاريخ الافارقه الامريكيين دخل على الكليه العسكريه وصار طيار موهوب بنى عائله وكان كل شيء ماشي بطريق النجاح. لما خلصت مسيرته العسكريه قدم طلب توظيف بشركه فيدكس رغم انه مؤهل كطيار الشركه ما عينوه بهذا المنصب. عرضوا عليه وظيفه اقل كمهندس طيران وبراتب اقل كالواي كان مؤمن انه فيدكس عاملوه بشكل عنصري بسبب عرقه. لكنه ما اشتكى كان محتاج الشغل ورضخ للامر الواقع هون بدات حياته تنزل بانحدار حاد. ما كان مبسوط ولا راضي عن شغله بعد كم سنه طلق مرته ورغم انه راتبه ما كان يكفي انه يدرس اولاده بالجامعه. كان يضل يحاول انه يدعمهم ماديا سنه 94 شركه فيدكس اكتشفوا انه كالواي وقت ما قدم على الوظيفه. كان مكذب عليهم بعدد ساعات الطيران بسيرته الذاتيه لما تاكد انه راح يتم فصله وصار حاسس انه مش قادر يضمن مستقبل اولاده. وشعر انه عديم الفائده لاولاده قرر انه يموت لكن مش اي موته موته داخل واحده من طائرات فيدكس. كموظف بفيدكس كالواي عنده بوليس التامين على الحياه بقيمه 2.5 مليون دولار. اذا مات بحادث اثناء العمل مبلغ 2 مليون و500 الف دولار كان راح يروح لاولاده. وهو كان حاسبها بانه هذا المبلغ كافي بانه يضمن مستقبلهم بلش يخطط لخطته السوداويه. كالواي كان عنده جلسه تحقيق تاديبي بشركه فيدكس بتاريخ 8/4 قبلها بيوم يوم 7/4. نوى انه يموت بطائره من طائرات الشركه هرب اربع مطارق وسكين وسلاح صيد على متن الطائره. خطته كانت انه يهجم على الطاقم يسيطر على الطائره ويتحطم فيها وقال لك اكيد لما يتم العثور على الحطام. الضربات اللي انا سببتها ما راح تكون مبينه مستحيل اي بني ادم يميز اني قتلت حدا جوا الطياره بعد ما تتحطم.
[19:57]اكيد راح يكون في انفجار ضخم وحريق مستحيل انها تبين ضربات المطارق هيك كان حاسبها. لو مشت الامور على حسب خطته عائلته كانوا راح ياخذوا 2 مليون و500 الف دولار قبل الرحله بيوم. انجبر انه يطلع على الطائره مع طاقم جديد كركب زي ما حكيت لكم الطاقم اللي هو كان متعود عليه. واللي كان المفروض انه يطلع معه والمفروض انهم ما يريحوا كان طاقم ممكن انه خطته تتنفذ عليه. لكن سبحان الله هم تجاوزوا عدد ساعات الطيران المسموح لهم بدقيقه واحده واضطروا انهم يريحوا. الطاقم تبعه كان رجل واحد وامراه هو اضطر انه يطلع مع الطاقم الجديد كراكب. والطاقم الجديد كانوا ثلاث رجال يعني بدل ما يواجه رجل وامراه اضطر وانجبر انه يتعامل مع ثلاثه. الوضع كان اصعب واخطر لكنه كان هو مصمم يعني على مبدا اللي قاتل اثنين يقتل ثلاثه. صباح يوم 7/4 عام 1994 كالواي ترك وصيته فوق سريره جهز اسلحته وتوجه لمطار ممفيس الدولي. كان حامل رساله لطلقته مكتوب فيها كنت بفضل اني اختار الوقت والمكان والطريقه من زمان قررت انه اذا تم تهديد مستقبلي واماني راح ارحل وانا بقاتل. بيترسون وتكر وساندرز قدرتهم على المناوره والهبوط بسلام ورغم الاصابات المرعبه كانت انجاز اسطوري. تاكر احتاج ثلاث عمليات كبيره وسنتين ونص من العلاج الطبيعي عشان يتعلم من اول وجديد كيف يحكي وكيف يمشي. ولا واحد منهم بعد كل هاي العلاجات كان مؤهل صحيا انه يرجع يطير الجانب الوحيد المشرق بهي القصه. انه هذا الحادث خلى هذول الثلاثه اصدقاء للابد كرموهم بميداليه الشجاعه الذهبيه من رابط الطياري الخطوط الجويه وهذا اعلى وسام ممكن ياخذه طيار مدني. اما كالواي توجهت له تهمه محاوله قرصنه جويه وحاول انه يهرب منها بادعاء انه وقتها كان غير سليم عقليا. حكى لهم انا ما كنت بوعي ومش عارف شو كان مالي ومش عارف ليش هيك كنت بفكر لكن المحكمه ما اقتنعوا وحكموا عليه ب 209 سنوات سجن. داخل سجن فيدرالي وما في اي افراج مشروط يعني حكموه مؤبدين وراء بعض نيه كالواي ما كانت فقط حادث عادي. الشباب اللي كانوا معه بالطائره شهدوا عليه انه كان ناوي فعلا يسقط الطائره بمقر فيدكس الرئيسي في مطار ممفيس. ويعمل هناك دمار لا يوصف ويقتل عدد كبير من الناس ويضر بالشركه باكبر خساره ممكنه. كان ممكن فعلا انها تظبط مع كالواي كان المفروض انه يطير مع طاقمه المعتاد رجل وامراه واحده وهو كان حاسبها انه هو طوله 190 سم تقريبا. وغير هيك كالوي معه حزام اسود بفنون القتال وكان جايب معه اسلحه فمن المنطقي انه فكرته كان المفروض تنجح. لكن الطاقم البديل خرب عليه كل الخطه هاي كانت قصتنا لليوم بتمنى تكون عجبتكم. اذا بتحبوا هذا النوع من القصص احضروا هذا الفيديو اليوم الامور ما زبطت مع كالواي. كلنا بنعرف انه ما في جريمه كامله لكن بهذا الفيديو صارت الجريمه الكامله قصه راح تعجبكم كثير احضروها واعطوني رايكم انا ابو الصادق سلام وبشوفكم في فيديو جديد.
