[0:00]بسم الله الرحمن الرحيم، السلام عليكم ورحمه الله. ان شاء الله في الفيديو ده هنشوف مع بعض ازاي ان انا اقوم باخراج خريطه الدلتا.
[0:10]من حالتها الاوليه اللي هي كوره الى المخرج النهائي وهو خريطه، فهنعدي بكذا مرحله على البرنامج. في الفيديو ده انا مش بشرح خطوات.
[0:19]او مش بشرح التفاصيل لكن بطبق، فانا شارح النظم كلها في فيديوهات كثيره جدا على القناه عندي، لكن الفيديو ده هيبقى مخصص لازاي ان احنا نبدا نطبق الشغل ده.
[0:33]الناس اللي عندها امتحان او اللي عايز يخلص المشروع بتاعه. اول حاجه حضرتك طبعا هتعمل فولدر باسمك.
[0:41]هتعمل كليك يمين نيو في اي مكان ويفضل يبقى على الدي، هتسميه وليكن حاتم مشروع الدلتا.
[0:52]طيب عملت الفولدر اللي اسمه حاتم مشروع الدلتا، الفولدر ده هيحتوي على ايه؟ هيحتوي على ثلاث فولدرات داخليا.
[1:00]حاجه اسمها قواعد البيانات وحاجه اسمها خريطه الاساس.
[1:11]وفولدر اخير هيبقى الانتاج النهائي.
[1:17]يعني الثلاث فولدرات دول مهمين بالنسبه لي، طيب خريطه الاساس هيبقى موجود جواها الخريطه الورقيه بتاعه الدلتا.
[1:25]يبقى انا اول خطوه عملت فولدر عام وعملت جواه ثلاث فولدرات كل واحد هيبقى ليه وظيفته، ده هيحفظ قاعده البيانات، ده عليها الخريطه اللي انا هعمل لها جيو كراسنج، وده الانتاج النهائي بتاعي.
[1:36]بعد كده هروح اشغل البرنامج من ار جي اس، اقوم جاي مشغل ارك مان.
[1:41]اول ما بيفتح البرنامج، على طول هقوم جاي قايل له فايل واعمل ماب دوكيمنت بروبرتيز، والخطوه دي انا بعملها عشان لما انقل الشغل بتاعي من على الكمبيوتر او من على اللابتوب الاسطوانه ما يحصلش فيه مشكله.
[1:55]وعلم على ستور ريليف باس نيم واقول له ابلاي اوكي، بعد كده هقول له فايل سيف از احفظ لي المشروع ده.
[2:03]في تدريب نظم 2 مشروع الدلتا.
[2:10]وام قايل له سيف. يبقى انا دلوقتي عملت الفولدر والفولدرات جواه وعملت الملف بتاع المشروع بتاعي.
[2:17]نبدا بقى في الخطوه الثانيه، الخطوه الثانيه وهي ادخال نظام الاحداثيات، حاول تمشي معايا الخطوات ترتيبيا، ما تعملش خطوه قبل خطوه.
[2:24]ادخل للبرنامج نظام الاحداثيات ازاي، خريطه الدلتا بنستخدم لها اليو تي ام زون 36 ان.
[2:30]فاقول له فيو داتا فريم بروبرتيز عشان ادخل نظام الاحداثيات، ومنها الكوردينيت سيستم.
[2:37]بعد كده بروجيكتد كوردينيت سيستم. يو تي ام. دبليو جي اس 84 نورث عشان احنا في الشمال وادور على الزون 36 ان.
[2:47]لان مصر معظمها في الزون او الدلتا معظمها في الزون 36 واقول له ابلاي اوكي.
[2:53]طيب الخطوه اللي بعد كده هي ايه؟ هي ان انا ابدا اعمل ارجاع جغرافي للخريطه.
[2:57]ازاي؟ همسك خريطه الاساس دي واقوم جاي ساحبها كده راميها في البرنامج بدل ما اعمل لها داتا.
[3:04]اخذتها رميتها في البرنامج فبيقول لي انون سبيشيال ريفرنس، وزي ما قلت ودائما بقول ان تحت ده نظام الاحداثيات، ما دام في احداثي بالسالب يبقى انا مش موجود في مصر، ليه؟ لان اح احداثيات مصر كلها موجبه لان احنا بنقع في الربع الاول.
[3:20]احنا شرق خط جرينتش وشمال خط الاستواء فكل احداثياتنا بالموجب، تحت بالسالب يبقى الخريطه مش نازله في مكانها.
[3:28]طيب انا عايز اوديها مكانها يبقى انا عامل عمليه الارجاع جغرافي عن طريق ان انا اضيف شريط الجيورو كراسينج.
[3:35]وابدا اضغط على الاد كنترول بوينت، اتاكد ان انا مكتوب خريطه الدلتا، اضغط على الاد كنترول بوينت.
[3:41]اهم حاجه عندي هنا ان انا اضغط على منطقه معلومه الاحداثيات الاكس والواي او الاي والان.
[3:48]فين هم؟ ادي تقاطع خط الطول مع دائره العرض بيكون لي نقطه، النقطه دي معلومه الاحداثيه.
[3:55]طيب كلنا نركز ان الخط اللي بالطول هو ده الاي، اي خط في الخريطه بالطول مكتوب عليه رقم هو ده الاي، واي خط بالعرض هو ده الان.
[4:05]اقوم جاي عامل زوم ان كده، اقوم جاي ضاغط نقطه هنا.
[4:09]في التقاطع وابعد عشان اشوف شكل او الكتابه بتاعه الاحداثيات واقول له كليك يمين واختار انبوت دي ام اس.
[4:17]ما دام اخترت بروجيكتد كوردينيت سيستم لازم ادخل الاحداثيات بتاعتي انبوت دي ام اس.
[4:24]اتاكد ان هنا متعلم على الاي والان زي ما قلنا احنا شمال وشرق خط جرينتش فهنا اي ان هنا صفر صفر صفر صفر.
[4:36]وهنا القيمه كام؟ 32 وهنا القيمه 31 وام قايل له اوكي.
[4:41]الخريطه ما اختفتش، الخريطه راحت لاول مكان صحيح فاضغط كليك يمين على الخريطه.
[4:46]واقول له زوم تو لير، يعني قرب لي على الطبقه دي، وهو عامل زوم ان على نقطه التقاطع احط نقطه.
[4:53]واكمل بقيه الشغل بتاعي انبوت دي ام اس هنا 3 2 هنا 30 صفر صفر صفر صفر وام قايل له اوكي.
[5:04]كليك يمين زوم تو لير، ادخل احداثي النقطه الاخيره هنا 30 31 في الغالب.
[5:20]ادي 30 31 والباقي اصفار واتاكد ان اي ان قايل له اوكي، خلاص يبقى انا كده عملت الابديت او عملت الجيورو كراسي.
[5:39]يعني رج ارجعتها جغرافيا لمكانها الصحيح، هتضغط على الفيو لينك تيبل، الايكون دي في شريط الجيورو كراسينج، وادي مقدار الخطا بتاعك.
[5:49]مقدار الخطا مكتوب قدام التوتال ار ام اس ايرور اللي هو توتال روت مين سكوير ايرور هو ده مقدار الخطا الكلي بتاعك.
[5:58]طيب بعد كده عايز احفظ الارجاع الجغرافي لان انا لسه ما حفظتوش اقوم ضاغط على كلمه جيورو كراسينج واقول له ريكتيفايل.
[6:06]عايز تحفظه فين؟ فاضغط على البراوز دي عشان اختار الفولدر اللي انا هحفظ فيه الشغل بتاعي.
[6:14]طيب هجيبه ازاي؟ هضغط على كونكت تو فولدر.
[6:17]واعمل كونكت على درايفر الدي.
[6:20]ومن الدي هعمل كونكت على نظم جامعي تدريب 2.
[6:27]مشروع او حاتم مشروع الدلتا واقوم قايل له اوكي.
[6:33]هحفظ الشغل بتاعي ده في خريطه الاساس اقوم قايل له اد.
[6:37]بصيغه تي اي اف وادي اسم الخريطه وام قايل له سيف، يبقى انا الخطوه دي كنت بختار المكان اللي هحفظ فيه الخريطه.
[6:43]خلاص الخريطه دي قديمه مش محتاجاها فاعمل لها كليك يمين ريموف واقوم جاي ضايف الخريطه بقى الجديده اللي احنا شايفينها.
[6:50]اعلم عليها اللي هي باللون الاسود مع الملفات اللي جنبيها واسحبها ارميها في البرنامج.
[6:56]نزلت في مكان اهو ما طلعليش الرساله اللي بتقول لي ان الخريطه معموله غلط.
[7:00]طيب الخطوه اللي بعد كده هي ايه؟ هي انشاء قاعده البيانات الجغرافيه.
[7:05]قبل ما تنشئ قاعده البيانات الجغرافيه لازم تقرا الخريطه ايه الظاهرات الجغرافيه اللي موجوده فيها؟
[7:11]وكم طبقه هتعملها؟ يعني انا عايز اعمل طبقه للنقط هتتمثل في المدن اللي احنا شايفينها قدامنا.
[7:18]وطبقه خطيه هتمثل نهر النيل. وطبقه خطيه هتمثل خط الساحل، وطبقه خطيه هتمثل الحدود الاداريه بين المحافظات.
[7:27]وطبقه مساحيه هتمثل البحر، وطبقه مساحيه ثانيه هتمثل المحافظات نفسها.
[7:33]طيب ابدا اضغط على برنامج الارك كتالوج لان هو ده البرنامج اللي هينشئ لي قاعده البيانات الجغرافيه.
[7:40]بعد كده هلاقي ادي الفولدر بتاعي معمول عليه كونكشن لان انا عملت عليه كونكشن من اد داتا.
[7:46]وادي الفولدر بتاع قواعد البيانات، ما فيش اي حاجه جواه، هضغط عليه كليك يمين واقوم قايل له نيو واعمل قاعده بيانات جغرافيه شخصيه بيرسونال جيوداتا بيس.
[7:58]هسميها ايه؟ هسميها دلتا هي كمان واقوم قايل له نكست.
[8:18]طيب نظام احداثيات الدلتا اللي انت هتشتغل به بيها عباره عن ايه؟ فهدخل لها نفس نظام الاحداثيات اللي اديته للبرنامج.
[8:27]اللي هو اليو تي ام دبليو جي اس 84 نورث.
[8:31]زون 36 ان. وام قايل له نكست نكست نكست فينش.
[8:37]يبقى انا الخطوه الاولانيه كليك يمين على الفولدر.
[8:41]نيو بيرسونال جيوداتا بيس انشاء قاعده البيانات الشخصيه وجوه قاعده البيانات الشخصيه عملت قاعده بيانات فرعيه بتسمى بالدلتا.
[8:52]وليكن لو دي اسمها ايجيبت اهوه.
[8:55]عملت قاعده بيانات فرعيه تحتيها اسمها الدلتا نظام الاحداثيات بتاعها اللي هو اليو تي ام زون 36 ان.
[9:01]طيب فين الطبقات بتاعتي؟ هتضغط على اخر حاجه انت عملتها كليك يمين وتقول له نيو وتختار فيشر كلاس.
[9:09]اول حاجه عايز اعمل السكي اللي هي المدن هنا بنكتب انجليزي وما فيش مسافات يعني اكتب كلمه واحده بالانجليزي فقط وتحتيها اكتب اي حاجه انت عايزها بالعربي.
[9:22]يبقى هنا بالانجليزي مفيش مسافات ولا ارقام هنا بالعربي براحتك اللي هو التعريف وفي التايب اهم حاجه نوع الظاهره اللي انت بتشتغل بيها حاجه من الثلاثه دول يا اما بوليون يا اما لاين يا اما بوينت.
[9:33]طبعا دول مدن فهختار بوينت اقوم قايل له نكست فينش.
[9:40]طيب الخطوه اللي بعد كده هضغط كليك يمين نيو واعمل الطبقه الخاصه بالايه؟
[9:45]بالكوست لاين كتبتها كلمه على بعض على طول وهو خط الساحل، اعمل النقاط الاول بعد كده اعمل الخطوط.
[9:54]النوع بتاعه لاين وام قايل له نكست فينش.
[9:58]كليك يمين على الدلتا نيو فيشر كلاس.
[10:02]الحاجه الثانيه اللي هو النيل واقول له هنا نهر النيل.
[10:11]واختار هنا النوع بتاعه اللي هو اللاين واقول له نكست فينش.
[10:16]طيب في ايه عندي ثانيه؟ الحدود الاداريه كليك يمين نيو اقول له حدود وليكن بالفرانكو واكتب هنا حدود اداريه.
[10:28]واختار من هنا النوع بتاعه اللي هو اللاين واقول له نكست فينش، هعمل السي اللي هو البحر.
[10:38]او هكتبه المسطحات المائيه عشان يشمل البحيرات، نوعها بوليجون نكست فينش.
[10:45]واخيرا المحافظات ذات نفسها.
[10:52]بالفرانكو.
[10:56]النوع بتاعها بوليجون نكست فينش، يبقى انا كده عملت الطبقات بتاعتي زي ما حضراتكم شايفين.
[11:02]غير في الالوان بتاعها بحيث ان انت تبقى شايفهم، يعني المدن هدي لها شكل الايكون دي.
[11:07]اهو واصغرها كده شويه، الحدود الاداريه هدي لها شكل غريب، نهر النيل هتدي له الشكل ده، كل ده انا هغيره في الاخر.
[11:18]المحافظات خليها كده والمسطحات المائيه جميله جدا، طيب عملت قاعده البيانات الجغرافيه، الخطوه اللي جايه دلوقتي هي مرحله الرسم.
[11:27]ان انا ابدا ارسم الزهرات اللي موجوده عندي ازاي؟ عن طريق القلم اللي جنب مقياس الرسم ده اسمه الادتور.
[11:33]ده الخاص بعمليه الرسم، هضغط من على الادتور واضغط على الادتور واقول له ستارت اديتنج، لو تلاحظوا الشريط ده ما فيش اي حاجه متفاعله فيه لان انا لسه ما بداتش عمليه الرسم.
[11:43]عايز اقول للبرنامج انا عايز ابدا ارسم فاضغط على الادتور واقول له ستارت اديتنج.
[11:51]طيب بعد كده عايز اقول للبرنامج انا عايز ارسم النقاط مش عايز ارسم البحر، فعرف منين انا عايز ارسم ايه بالظبط؟ هضغط بعد لما اعمل ستارت على طول على كرييت فيتشر اخر ايكون موجوده عندي.
[12:03]من هنا حضرتك هتبدا تختار الحاجه اللي انت عايز ترسمها، لاحظ شكل الماوس والمؤشر، اول لما اضغط على المدن اللي هي النقاط هيتحول لسهم شايل النقطه.
[12:13]اقرب على النقط اللي انت عايز ترسمها ادي نقطه هنا نقطه هنا نقطه هنا نقطه هنا نقطه هنا.
[12:22]كل نقطه انت شايفها في البرنامج هتبدا تضغط عليها بحيث ان انت تنزلها.
[12:28]طيب نزلت النقاط بتاعتي، ايه الخطوه اللي بعد كده؟ ان انا اضغط على الادتور واقول له سيف عشان يحفظ الشغل اللي انا رسمته.
[12:35]بعد كده اقفل طبقه المدن.
[12:38]ابدا ارسم خط الساحل، هضغط على خط الساحل وخط الساحل بيترسم نقطه الثانيه الثالثه.
[12:45]طبعا حضرتك هتقرب وهتضغط في نص المسافه خلي شغلك يبقى دقيق.
[12:51]ما يبقاش شغل عام من بعيد، تقرب كده تبقى شايف الشغل بتاعك.
[13:00]وهتيجي عند الدلتا انا طبعا هعملها بشكل سريع عشان مده الفيديو.
[13:08]بعد ما وصلت في الاخر هنا اقوم جاي ضاغط اف 2، يبقى انا كده رسمت خط الايه؟ رسمت خط الساحل.
[13:14]طيب بعد كده هبدا ارسم نهر النيل، ان انا هضغط على نهر النيل، ادي بيبدا نقطه من هنا واتاكد ان انا لاقط خط الساحل، يعني بادي من عند خط الساحل اللي متاكد لي كاتب لي مد بوينت يعني لاقط نقطه في منتصف خط الساحل.
[13:28]اقوم جاي ضاغط عليها مفيش مشكله، اقوم جاي بادي ارسم نهر النيل نقطه عند كل نقطه تغير كده في المنتصف.
[13:38]اوقف الفيديو وارجع لكم بعد ما اكمل الخط، طيب دلوقتي انا جيت عند نقطه التقاطع هنا لان نهر النيل بيتكون من ثلاث اجزاء.
[13:45]نهر النيل وفرع دمياط، الفرع ده وفرع رشيد، فانا وصلت عند نقطه التلاقي اقوم ضاغط اف 2 في الكيبورد.
[13:53]ولو اف 2 ما اشتغلتش اضغط كليك يمين واختار فينش سكتش او فانكشن اف 2 من الكيبورد ذات نفسه.
[14:00]طيب عملت الجزء ده، ابدا اكمل الجزء اللي بعده، اقوم جاي واقف هو لاقط لي اند بوينت اخر نقطه من نهر النيل، اقوم جاي ضاغط وابدا اكمل رسم نهر النيل اللي نازل ده.
[14:13]اقول له اف 2 ومن هنا ادي نهايه النهر ابدا اكمل فرع دمياط.
[14:21]وصلت للنهايه هنا اتاكد ان انا لاقط نهايه خط الساحل واضغط واقول له كليك يمين فينش سكتش او اف 2 اهو هو كاتب لي الاختصار بتاعها.
[14:30]يبقى انا كده رسمت نهر النيل ورسمت خط الساحل، يتبقى عندي مين؟ الحدود الاداريه.
[14:36]ادي الحدود الاداريه بدءا نقطه مثلا من هنا، ارسم الحد الاداري بتاع البحيره.
[14:43]اهو.
[14:49]عند كل نقطه تغير بحط نقطه. يعني ايه كل نقطه تغير؟ كل ما يبقى الخط ماشي مستقيم.
[14:54]اطول طول الضلع بتاعي.
[15:01]هكمل بقيه الرسم ان انا ببدا من النقطه هنا مثلا.
[15:06]اهو بالشكل الخط بمشي عند كل نقطه تغير.
[15:17]و اقوم جاي قافل بالشكل ده هنا القط اخر نقطه واقول له اف 2.
[15:23]هكمل بقيه الخطوط وارجع لكم تاني، طيب انا دلوقتي خلصت رسم الخطوط اهي كلها عندي خط الساحل ونهر النيل، حتى لو نهر النيل كده عطيت له لون مميز خاص بيه عشان يبقى باين.
[15:32]خط الساحل، نهر النيل، الحدود الاداريه، ينقصني ايه؟ ارسم المسطحات المائيه وابدا ارسم المحافظات الداخليه ذات نفسها.
[15:42]طب دي هبدا ارسمها ازاي؟ نركز مع بعض انا هعمل ايه عشان ارسمها بصوره سليمه.
[15:47]مبدئيا حضرتك يعتبر يعتبر المحافظات زي محافظه البحيره دي هي مرسومه بالفعل او محدده، محدده بثلاث زهرات، ايه هم؟ خط ساحل، حدود اداريه ونهر النيل.
[16:01]طيب انا عندي اداه بتسهل عليا الشغل ان هي ما تخلينيش ارسم من الاول لا دي هتمشي او هتتعقب حاجه مرسومه بالفعل.
[16:10]ايه هي الاداه دي؟ الاداه بتسمى لو ضغطت على المحافظات عشان ابدا ارسمها.
[16:16]بدل ما انت بتستخدم حاجه اسمها سيجمنت سيجمنت يعني النقطه الثانيه الثالثه الرابعه خلصت اضغط اف 2 فيطلع لك الشكل بتاعك، لا.
[16:24]ده انا عندي حاجه هنا لو ضغطت على السهم ده اسمها تريس اداه التعقب.
[16:30]بتتعقب ايه؟ بتتعقب حاجه مرسومه بالفعل، هضغط عليها واقوم جاي بادي مثلا من النقطه دي.
[16:37]بصوا دلوقتي هحرك الماوس لو تلاحظوا في خط بيتعمل ماشي مع الحدود.
[16:47]اهو ضغطت كليك شمال عشان اوقفه.
[16:56]لو تلاحظوا انا ما خدتش وقت خالص في ان انا ارسم البحيره واعدي عن النقط مره ثانيه، كل اللي انا عملته ضغطت على تريس وبدات امشي الخط عليها، بعد كده هقول له اف 2.
[17:07]طيب نركز مع بعض هنا برضه هطبق نفس الفكره هضغط بدءا مثلا من هنا واقوم جاي لافف.
[17:15]الجزء ده اهو بحرك الماوس على الخط، ما بضغطش اي حاجه غير ان انا بضغط اول مره بس كليك شمال.
[17:22]وانا مختار امر تريس.
[17:26]وصلت لغايه هنا.
[17:29]اف 2، الجزء ده.
[17:34]هتلاقيني رسمتها كلها.
[17:39]من غير ما اخد وقت، الجزء ده، ما دام هي مرسومه بالفعل فهي الاداه بتتعقب.
[17:45]ما هو مرسوم.
[18:44]اسهل اداه في ان هي ترسم وزي ما قلت خطواتنا ترتيبيه ان انا ببدا برسم النقط.
[18:52]بعد كده ابدا برسم الخطوط، بعد كده ابدا برسم المساحات باداه ايه؟ باداه تريس.
[18:57]طيب ليه انا بخلي المساحات في الاخر؟ عشان هكون رسمت الخطوط فاقدر ان انا اقوم بعمليه تعقب ليها.
[19:05]فيبقى الموضوع بالنسبه لي الموضوع سهل وبسيط جدا وما فيهوش اي حاجه.
[19:10]بصوا وانا معاكم خدت دقيقتين تقريبا او دقيقه في ان انا ارسم المحافظات كلها.
[19:15]باقي عندي محافظه اخيره وهي محافظه ايه؟ محافظه اسكندريه، فاقوم جاي بادي بنفس الامر ادي المحافظات وادي تريس، ابدا نقطه من هنا واقوم جاي ماشي على الخط اتعقبه.
[19:28]اهو وصلت لغايه هنا، اقوم جاي ماشي على الخط اتعقبه.
[20:28]حتى من بعيد من غير ما اعمل زوم اوت او من غير ما اعمل زوم ان.
[20:35]اهو هوصل للنهايه.
[20:41]اقوم جاي ضاغط كليك شمال، طيب عايز احط نقطه هنا بقى ونقطه هنا عشان اكمل بقيه البحر لان البحر بادي من هنا وطالع لفوق مش لتحت.
[20:50]فلو ضغطت فوق كده مش هيحصل اي حاجه، لكن حتى بص هو لقط لي حاجه غريبه كده.
[20:56]فانا هعمل ايه؟ هضطر عملت سكيب، هقوم جاي ضاغط على سيجمنت واحط نقطه هنا.
[21:02]واحط نقطه هنا، اقول له اف 2، يبقى ادي الشكل بتاع البحر اتكون معايا وما فيهوش اي مشكله.
[21:09]يبقى انا دلوقتي قدرت ان انا ارسم المحافظات والانهار والبحر والمسطحات المائيه كلها بطريقه بسيطه وسهله.
[21:18]نيجي للجزء بتاع الخاص بالبحيرات ذات نفسها، فاقوم ماسك المسطحات المائيه وابدا اشف.
[21:29]البحيره موجوده ازاي؟ اعمل زوم ان كده، طبعا النقطه اللي بغلط فيها بضغط كنترول زد عشان ارجع عنها.
[21:37]اف 2، وادي بحيره ثانيه.
[21:43]طبعا في ادوات وفي اوامر كتيره جدا في عمليه الرسم لكن انا بحاول في الفيديو ده.
[21:51]ان انا اوصل للي لسه ما اشتغلش البرنامج ايه ابسط الادوات اللي انت ممكن تستخدمها.
[21:55]هظهر المحافظات مره ثانيه البحيرات مش باينه ليه؟ لانها تحت طبقه المحافظات اقوم ماسكها ومطلعها فوقيها هنا في الترتيب بتاع التيبو الكونتينتس.
[22:06]فلما طلعت المسطحات المائيه فوق المحافظات ظهرت بالشكل اللي حضراتكم شايفين.
[22:10]طيب في جزئيه اخيره عندنا ازاي ان انا ازود اسماء المحافظات عندي هنا؟
[22:16]فالخطوه دي اقوم جاي قافل اقول له ستوب ايديتنج يعني عايز اكتب على كل محافظه الاسم بتاعها.
[22:24]هبدا اخش او اضغط على الليير بتاعه المحافظات كليك يمين واقول له اوبن اتربيوت تيبل.
[22:30]بعد كده هضغط على السهم اللي عند التيبل اوبشن واقول له اد داتا، طيب اللي هيلاقي اد داتا مش متفعله فمعنى كده ان هو ما عملش ستوب ايديتنج.
[22:42]فاعمل اد داتا تاني جبتها ازاي؟ كليك يمين اوبن اتربيوت واقول له اد فيلد مش شغاله فلازم اعمل ستوب.
[22:46]واعمل اد فيلد باسم النيم ونوعه تكست وابدا ادخل بقى الاسماء دمنهور البحيره او دمنهور المنصوره شبين الكوم الحاجات دي كلها.
[22:54]تكتب فوق نيم وهنا تكست واقول له اوكي، فنزل لي قدام كل محافظه الاسم بتاعه، هبدا اكتب بقى الاسماء ازاي؟ ان انا اضغط على الادتور واقول له ستارت ايديتنج.
[23:05]بعد كده عشان ادخل الاسماء فاضغط على حاجه في شريط الادتور اسمه اتريبيوت.
[23:10]نبدا نضغط على المحافظه الاولى اهو النيم بتاعها اسمه ايه؟ الاسكندريه.
[23:17]المحافظه اللي بعد كده البحيره.
[23:22]المحافظه اللي بعد كده كفر الشيخ.
[23:29]المحافظه اللي بعد كده الغربيه.
[23:34]المحافظه اللي بعد كده المنوفيه.
[23:41]المحافظه اللي بعد كده القليوبيه.
[23:49]المحافظه اللي بعد كده الشرقيه، المحافظه دي ودي الاثنين دول مع بعض اسمهم الدقهليه، اقوم كاتب هنا دقهليه.
[24:06]وهنا دقهليه، هنا نفس النظام دقهليه، دي محافظه دمياط، وهنا دمياط.
[24:20]يبقى انا كده كتبت اسماء المحافظات كلها اللي موجوده عندي، طيب عايز اظهرها على الرسم فاضغط كليك يمين على الطبقه واقول له ليبل فيشر.
[24:28]فظهر عندي ارقام، ايه السبب؟ لان البرنامج مش قاري العمود اللي انت عامله جديد.
[24:34]هو جايب يعني لو ضغطت قلت له اوبن اتريبيوت تيبل الاسماء دي ظهرت بناء على ايه؟ على الشيب لينس.
[24:41]لو تلاحظوا كل رقم موجود قدام اللي احنا شايفينه ده فهو مظهر لي العمود ده، انا عايز اقول للبرنامج اظهر لي على الخريطه العمود ده.
[24:50]فاقولها له ازاي؟ عن طريق ان انا اضغط على الطبقه كليك يمين واقول له بروبرتيز اخش في الخصائص.
[24:56]بعد كده هروح لتاب اسم ليبل، مش انا ضغطت كليك يمين وقلت له ليبل فيتشر؟ يبقى الخاص بالتعديل على الاسماء هو الليبل فيتشر.
[25:03]اقوم جاي ضاغط على التاب اسمها ليبل.
[25:06]زي ما انا اتاكدت وشفت ان هو مظهر لي هنا الليبل فيلد من شيب لينز لا انا اقوم جاي فاتحها واقول له اظهر لي الاسماء اللي هو النيم، اقوم جاي مكبرها شويه اخليها 11 وليكن واقول له ابلاي اوكي.
[25:21]فكل محافظه هيظهر عليها الاسم اللي انا دخلته للبرنامج، طيب نيجي عند جزئيه كده بسيطه ان انا عندي الدقهليه مكتوب هنا دقهليه ومكتوب هنا دقهليه.
[25:30]من المفترض لو انا حبيت اخليهم حاجه واحده.
[25:34]يعني اسم واحد يظهر على الاثنين في النص، فابدا ان انا ادمج ده وادمج ده الاثنين مع بعض.
[25:38]ازاي؟ عن طريق ان انا هضغط على الدقهليه الجزء الاول بالسهم بتاع الادتور، بعد كده اضغط على الدقهليه وانا حاطط ايدي على الشفت عشان يقدر يعلمني الاثنين مع بعض.
[25:47]يبقى ايدك على الشفت زرار الشفت في الكيبورد واضغط على الدقهليه الجزء الاول والدقهليه الجزء الثاني.
[25:56]ومن قائمه ادتور اقوم جاي ضاغط على ميرج واقول له اوكي.
[26:01]راح دمج لي الاثنين اهم زي ما احنا شايفين، نفس الفكره هعملها في دمياط، ادي الجزء الاول وايدي على الشفت وادي الجزء الثاني، اقوم قايل له ميرج ويبدا يدمج لي الاثنين مع بعض.
[26:12]طبعا نفس الكلام هكرره على المدن ان انا ادخل لها الاسماء اضغط عليها كليك يمين واقول له اوبن داتا اوبن اتربيوت واقول له اد فيلد مش شغاله فلازم اعمل ستوب.
[26:24]واعمل اد فيلد باسم النيم ونوعه تكست وابدا ادخل بقى الاسماء الدمنهور البحيره او دمنهور المنصوره شبين الكوم الحاجات دي كلها.
[26:34]طيب الخطوه اللي بعد انا ما رسمت ودخلت قواعد البيانات بتاعتي، الخطوه الاخيره وهي عمليه الاخراج الفني.
[26:42]عمليه الاخراج الفني هتتم ازاي؟ ان انا هضغط على من تحت هنا في ايكونه اسمها داتا فيو، لا انا عايز الايكونه اللي جنبيها اللي هي لاي اوت فيو وهي الخاصه بالاخراج الفني.
[26:53]طيب في الاخراج الفني اول حاجه لو رجعنا للخريطه الرئيسيه بتاعتنا.
[26:58]هتلاقي ان هي كانت معموله بالعرض مش بالطول، وانا الصفحه عندي بتاعه الاخراج بالطول، طيب اعمل ايه هنا؟ هتقوم حضرتك رايح معدل حجم الصفحه واللي هي بالطول ولا بالعرض من فايل واقول له بيج اند برنت ست اب.
[27:12]واقوم جاي معلم على لاند سكيب وعلم على سكيل من تحت، اقوم قايل له اوكي.
[27:19]طيب بعد كده هتقوم جاي ضاغط على الخريطه اللي انت طلعتها، دي الورقه، وده المكان اللي هيظهر فيه الخريطه.
[27:25]اقوم جاي ساحبها كده شويه اكبرها واسيب مسافه من على الجنب لان انا لسه عندي في اطار واحداثيات، وهنا نفس المسافه.
[27:32]واكبر المسافه من فوق تبقى اكبر من اللي تحت، ليه؟ لان انا لسه عندي عنوان واطار واحداثيات، يبقى تسيب مسافه كبيره من فوق شويه نوعا ما مش مسافه كبيره قوي.
[27:45]ومن تحت مسافه صغيره ومن على الجنب ومن الشمال نفس المسافه.
[27:51]طيب الخطوه اللي بعد كده هي ايه؟ عشان اسنتر الخريطه في النص بالظبط، ما دام انت شغال على خريطه الدلتا اعمل نفس الخطوه اللي انا هوريها لك حاليا.
[27:59]كليك يمين على خريطه الدلتا واقول له زوم تو لير، فقرب لي عليها وجابها لي في النص بالظبط.
[28:06]بعد كده هتيجي هنا تضغط على حاجه اسمها فيكسد زوم ان مره، فيكسد زوم ان مره ثانيه، فيقوم مقرب لك على الخريطه بنفس المنظر اللي حضرتك شايفه.
[28:15]ممكن تاخد البان وتقوم جاي منزل الخريطه شويه تحت عشان تظهر البحر شويه يبقى في جزء ظهر فيه.
[28:23]يبقى انا ضغطت كليك يمين زوم تو لير، فيكسد زوم ان فيكسد زوم ان فجابها لي قدامي بالظبط.
[28:30]طيب الخطوه اللي بعد كده ابدا انزل العنوان بتاع الخريطه، انزل بقى العناصر الاساسيه ليها من انسيرت اقوم قايل له تايتل وهو العنوان هقول له خريطه محافظات الدلتا.
[28:44]اقوم قايل له اوكي. العنوان نزل، لو انا حبيت اكبره شويه فاقوم جاي منزل شريط اسمه درو كليك يمين في اي مكان فاضي وام نازل شريط اسمه درو.
[28:55]وانا معلم على العنوان اقوم جاي واقف على ال 16 اخليها وليكن 22 ده حجم الايه؟ العنوان اللي انا عايزه واطلعه فوق كده شويه.
[29:05]طيب ايه ثاني انا عايز اضيفه في الخريطه؟ عايز اضيف اتجاه الشمال من انسيرت نورث ارو اختار اي شكل من الاربعه دول واقول له اوكي.
[29:13]ما تحاولش تغير في حجمه، ولما تيجي تجيب اتجاه الشمال في الجنب كده بتاع الخريطه حاول تبقى المسافه اللي من هنا قد المسافه اللي من هنا عشان يبقى محطوط بشكل منسق ومرتب.
[29:25]ايه ثاني عايزين نضيفه؟ عايزين نضيف مقياس الرسم من انسيرت واقول له سكيل بار.
[29:30]ادور على حاجه اسمها سكيل بار 1 متريك، اقوم جاي نازل كده تحت شويه، هلاقيه اهو.
[29:39]سكيل بار 1 متريك، لان ده وحدات بتاعتنا فرنسيه مش انجليزيه، احنا ما بنشتغلش بالميل، بنشتغل بالكيلو متر.
[29:45]فاقوم جاي مختاره واقوم قايل له اوكي.
[29:48]راح جاي منزل لي المقياس بتاعي اهو مقياس الرسم اجيبه على جنب هنا كده.
[29:55]لكن كلمه كيلو متر كبيره عايز اعوض عنها بكي ام فاضغط دبل كليك على المقياس بتاعي.
[30:00]ومن التاب اللي اسمها سكيل اند يونتس اقوم كاتب كي ام.
[30:06]واقول له ابلاي اوكي.
[30:10]عايز اضيف المفتاح بتاع الخريطه، فاقول له انسيرت واقول له ليجن.
[30:15]هو ده المفتاح، اقوم عامله نكست.
[30:19]في الخطوه دي انا مش عايز كلمه تتكتب ليجن مش عايز اكتب مفتاح.
[30:23]امسحها واقول له نكست، حط اطار للخريطه من البوردر اختار الاطار ده واقول له نكست نكست فينش.
[30:30]نزل لي المفتاح اهو اقوم جاي جايبه في جنب الخريطه كده بالشكل اللي احنا شايفينه.
[30:37]ايه ثاني ناقص لي في الخريطه؟ ناقص لنا ان احنا ننزل شبكه الاحداثيات.
[30:42]هتنزل مش من الانسيرت، يعني كل اللي انا عمال اضيفه ده من قائمه انسيرت، لكن شبكه الاحداثيات هتنزل من فيو داتا فريم بروبرتيز، ما دام بقول شبكه احداثيات يبقى اخش على تاب اسمها جريد.
[30:54]هعمل نيو جريد واقول له نكست نكست نكست فينش، واقول له ابلاي اوكي.
[31:00]كده انا نزلت شبكه الاحداثيات بتاعتي زي ما حضراتكم شايفين.
[31:04]طيب الخطوه اللي بعد كده ان انا احط اطار للخريطه كلها، هعملها ازاي؟
[31:10]اقوم جاي معلم على الورقه كلها فاتح مستطيل كده، اقوم قايل له انسيرت واقول له نت لاين، يعني اضافه اطار خارجي.
[31:16]من هنا هختار شكل اطار يبقى مميز.
[31:20]واقوم قايل له اوكي. نزل لي الاطار كده، حضرتك خلي العنوان يبقى خارج الاطار.
[31:29]ولو الاطار خارج بره الصفحه خليه يخش جوه الصفحه، اهم حاجه ما يبقاش معدي الاحداثيات.
[31:36]يبقى حضرتك شايف الاطار اللي انا حطيته.
[31:40]يشمل الاحداثيات والخريطه، اما العنوان فهو خارج الخريطه.
[31:43]ايه اللي ناقص عندنا؟ ان انا اضيف للخريطه العنوان بتاع او نظام الاحداثيات بتاعتها.
[31:51]ازاي؟ عن طريق. فيو واقول له داتا فريم بروبرتيز، اروح للكوردينيت سيستم عشان اخد الكلمه بتاعه دبليو جي اس 84.
[32:00]اخذها كوبي، انا عملت الخطوه دي عشان اخد الكلام ده كوبي واسهل على نفسي.
[32:03]بعد كده اقوم قايل له انسيرت تكست.
[32:06]اللي انت عايز تضيفه كتابه، هي نزلت لي في النص، اعمل كنترول اي هيعلم لك على كلمه تكست، كنترول في يقوم حاطط الكلمه اللي انت عملتها.
[32:15]بعد كده اسحبها في اي مكان فاضي في الخريطه.
[32:19]طيب الخطوه اللي بعد كده.
[32:23]ان انا اطلع الخريطه كصوره، احفظها اعمل لها اكسبورت ماب.
[32:27]عن طريق فايل واقول له اكسبورت ماب.
[32:33]اختار المكان اللي هيتحفظ فيه الخريطه.
[32:36]اللي هو حاتم او تدريب نظم 2.
[32:40]مشروع الانتاج النهائي، هقول له خريطه الدلتا.
[32:53]اختار الصيغه تبقى جي بي جي او بي ان جي من تحت، والقيمه 500 في الفورمات لو هي مش ظاهره حضرتك هتضغط على السهم كده وتكتب 500 وتقول له سيف.
[33:02]هيبدا يحفظها لك، هتروح بعد كده للانتاج النهائي هتلاقي الخريطه بتاعتك النهائيه اللي احنا عمالين نشتغل عليها.
[33:11]كده الموضوع بسيط، انا عارف ان انا كنت بتكلم بسرعه لكن ده فيديو، حضرتك تقدر توقف الفيديو وتسرعه وتجريه، الفكره كلها بتتمثل ان انا اوريك الخريطه من اول ما مسكتها لغايه ما طلعناها كمنتج نهائي كان الموضوع عامل ازاي.
[33:25]في النهايه حضرتك هتضغط على فايل وتقول له سيف وتقفل المشروع بتاعك.
[33:32]وتروح تقوم ماسك الفولدر اللي احنا عملناه ده تاخده كوبي وتحطه على الاسطوانه وتبدا ان انت تسلمه، لو في اي حاجه مش واضحه او في اي حد عنده اي استفسار انا تحت امركم، والسلام عليكم ورحمه الله تعالى وبركاته.
