لا تكن "محترماً" دائماً..(السر النفسي لفرض الهيبة والسلطة 👑)

[0:00]ضحكوا عليك زمان وقالولك خليك طيب ومسالم ومطيع عشان الناس تحبك. رسموا لك صوره مثاليه للانسان الخلوق انه الشخص اللي بيمشي جنب الحيط، اللي ما بيعملش مشاكل، واللي دايماً بييجي على نفسه عشان يرضي غيره. بس الحقيقه المره اللي لازم تواجهها النهارده ان في قانون الغابه اللي احنا عايشين فيه ده، الشخص المسالم مش بيتسمى طيب، ده بيتسمى فريسه، وبيتسمى ضحيه جاهزه للاكل. في علم النفس التحليلي، كارل يونج قال جمله مرعبه وعبقريه في نفس الوقت، قال إن الانسان اللي مبيعرفش يأذي، مبيعرفش يكون خلوق، هو بس بيكون عاجز. فيه فرق ضخم جدا بين انك تكون ارنب مسالم لأن معندكش ضوافر ولا انياب تدافع بيها عن نفسك، وبين إنك تكون أسد، عندك القدره الكامله إنك تفترس وتدمر، بس بمزاجك واختيارك قررت تسيطر على قوتك دي وتخليها للوقت المناسب. الأولاني ده شخص ضعيف ومستباح، الثاني ده هو اللي بيتقال عليه صاحب الهيبه والشخصيه القويه. في الفيديو ده من قناه أبيض وأسود، مش جاي أقول لك اطلع أذي الناس، لأ، أنا جاي أعلمك فلسفه الوحش، إزاي تربي لنفسك أنياب مش عشان تعض بيها عمال على بطال، لكن عشان الناس تشوف الأنياب دي فتخاف تعضك انت. جاي اقول لك ليه لازم تتخلى عن شخصيه الرجل اللطيف أو النايس جاي، وتتبنى شخصيه الوحش المسيطر عشان تقدر تعيش بكرامه في عالم مبيحترمش غير الأقوياء. مشكلتنا الأزليه إننا بنخلط بين الطيبه والسذاجه، المجتمع برمج عقلك إنك لما تسكت عن حقك، وتبتسم ببلاده في وش اللي بيغلط فيك، وإنك تقول حاضر ونعم لكل حد، إن دي قمه الأخلاق. لكن الحقيقه إن التصرفات دي بتقلل من استحقاقك الذاتي، وبتبعت إشارات واضحه لكل الشخصيات السامه والمستغلين والنرجسيين إنك ارض مباحه، إنك شخص بلا حدود، ومفيش اي عقاب للي يتعدى عليك. خذها قاعده في حياتك، الاحترام مبيطلبش، الاحترام بينتزع، والناس غريزيا مابتعرفش تحترم الشخص اللي ملوش ضوافر، ومبتعملش حساب للشخص اللي مبيعرفش يقول كلمه لا بصوت عالي وواضح، الطيبة المفرطه دي بتتحول مع الوقت لنقمه، بتخليك تشيل هموم مش همومك، وتعيش حياه مش حياتك، بس عشان خايف تخسر ناس هما اصلا مش شايفينك. عشان تكون صاحب كاريزما حقيقيه وجذابه، لازم تكون عندك القدره على الأذى. ايوه زي ما سمعت، وماتتخضش من الكلمه، لازم تكون خطر. لازم اللي قدامك يكون قاري في لغه جسدك ونظره عينك، إنك تقدر ترد الصاع صاعين، وإن هدوءك ده هو هدوء القوي القادر، مش هدوء الضعيف المقهور. ودي القاعده الذهبيه في الثقه بالنفس وقوه الشخصيه، إنك تكون محارب في بستان أحسن ألف مره من إنك تكون بستاني غلبان في وسط حرب، لأن الحرب لما هتقوم، البستاني اول واحد هينداس، لكن المحارب هو اللي هيحمي نفسه ويحمي اللي بيحبهم. أول خطوه عمليه عشان تبدأ التحول ده وتصحي الوحش اللي جواك، هي إنك تبطل تتأسف على وجودك، بطل تقول اسف عمال على بطال، بطل تمشي وراسك في الارض واكتافك مايله، افرد ضهرك وبص في عين اللي بيكلمك بثبات وقوة. النظره دي لوحدها بتعمل إرهاب نفسي لأي حد بيفكر يتجاوز حدوده معاك، اتعلم فن الصمت اللي اتكلمنا عنه قبل كده، واتعلم فن الرفض، لما حد يطلب منك حاجه مش على هواك أو هتيجي على كرامتك، قوله لا. ومن غير ما تبرر، ومن غير ما تحس بالذنب، اللا بتاعتك دي هي اللي بترسم حدود مملكتك اللي ممنوع حد يقرب منها. ولو الكلام ده لمس وتر جواك، وحسيت إنك فعلاً محتاج تتغير وتسترد هيبتك اللي ضاعت بسبب الطيبه الزايده، يبقى انت مكانك هنا وسطنا، دوس دلوقتي حالاً على زرار اللايك عشان تثبت حضورك، واشترك في القناه لو لسه مش مشترك، لأننا هنا بنبني جيش من الأقوياء اللي بيفهموا ألاعيب النفس البشريه وبيعرفوا يتعاملوا معاها بذكاء. الخطوه الثانيه هي إنك تتقبل جانبك المظلم، متكبتش غضبك وتدفنه جواك لحد ما ينفجر في وشك أمراض نفسيه وجسديه، اعترف إن جواك جانب شرس، وتصالح معاه، ووظفه صح. استخدم شراستك دي في الشغل عشان تنجح وتكتسح المنافسين، استخدمها في الجيم عشان تبني جسم قوي، استخدمها في الدفاع عن حقك وحق أهلك، الغضب طاقه جباره لو سيطرت عليها هتوصلك للسما، ولو سيطرت هي عليك هتنزل بيك سابع أرض. افتكِر دايماً يا صديقي، إنك تكون شخص خطر بس منضبط، دي قمه الرجوله وقمه النضج، الطيبه من غير قوه سذاجه، والقوه من غير عقل طغيان، المعادله الصعبه اللي احنا بنحاول نحققها في أبيض وأسود هي التوازن، إنك تكون وحش كاسر وقت اللزوم، وإنسان راقي وقت السلم. ابدأ من النهارده، غير نبره صوتك، غير مشيتك، غير طريقه تفاعلك مع الناس، وشوف بنفسك إزاي نظرات الاستهتار هتتحول لنظرات احترام وتقدير، الناس بتخاف من المجهول، وبتاف من القوي، ومبتحبش الضعيف، اختار انت عايز تكون مين فيهم. مستني رأيكم في التعليقات.. ايه اكتر موقف طيبتك كانت سبب في أذيتك؟ سلام يا عبقري.