Bleach Episode 1 Explained in Hindi || Bleach Episode 1 Hindi RECAP.

[0:00]Hello Anime fans, aaj main explain karne wala hu Bleach anime ke first episode ko. Aur mera yakeen mano aapko iska pehla episode zaroor pasand aayega. Episode ke starting mein hume dikhaya jata hai ki bahut se spirits kisi jagah se nikal kar dharti pe aa rahi hoti hain. Tabhi hume ek ladki ko dikhaya jata hai, jo ek khambe par khadi hoti hai aur kehti hai, "Main strong spirit energy ko mehsoos kar rahi hu." Aur wahan se chali jaati hai. Ab hume is anime ke main character ko dikhaya jata hai, jiska naam Ichigo hai. Jo kuch ladko ko isliye maar raha hota hai, kyunki unhone ek rakhe hue flower pot ko neeche gira diya tha, jo us bachi ke liye rakha gaya tha, jo kuch dino pehle mar gayi thi. Wo ladke Ichigo ko batate hain ki humse skateboarding karte samay wo galti se gir gaya. Ichigo bolta hai, "Agar tum dobara yeh karoge, to main tumhe maar dunga, aur tumhara phool wahan pe pada hoga." Wo sabhi ladke wahan se bhag jaate hain. Ichigo us mari hui bachi ki aatma se bolta hai, "Wo bahut door ja chuke hain, ab wo wapas nahi aayenge, main kal naye phool lakar rakh dunga." Bachi ki aatma bolti hai, "Shukriya unhe bhagane ke liye, ab mujhe shanti milegi." Ichigo bolta hai, "Koi baat nahi, apna khayal rakhna." Phir Ichigo hume batata hai ki main Ichigo Kurosaki hu, 15 saal ka ek gussail ladka. Mere parivar ki dawai ki dukan hai. Kabhi koi marta hai to kabhi koi paida hota hai. Shayad us wajah se pata nahi kabse par main bhoot dekh sakta hu. Ab Ichigo ghar pahuch jaata hai. Tabhi uske father use laat marte hue kehte hain, "Tum late ho, pata hai na, hamesha dinner 7 baje hota hai." Ichigo bolta hai, "Aisa kaun apne bete ka swagat karta hai jisne ek ladki bhoot ki jaan bachai hai?" Ichigo ke father bolte hain, "Sirf tumhe bhoot dikhai deta hai, mujhe nahi, toh khud par garv kar rahe ho?" Ichigo bolta hai, "Main ye nahi chahta tha, main paidaishi hi aisa hu." Yuzu bolti hai, "Ab bas bhi karo aap dono, khana thanda ho raha hai." Karin bolti hai, "Jaane do Yuzu, thoda aur do." Ichigo bolta hai, "Aajkal ka kaunsa high school ka ladka 7 baje ghar aata hai?" Tabhi wahan ek dusra bhoot aa jaata hai. Ichigo kehta hai, "Kitni bhi koshish kar lu yeh bhoot jata hi nahi hai." Karin bolti hai, "Bichara Ichigo." Yuzu bolti hai, "Main unhe mehsoos kar sakti hu par dekh nahi sakti." Karin bolti hai, "Mujhe bhooto par vishwas nahi hai." Yuzu bolti hai, "Par tum toh unhe dekh sakti ho na Karin? Sirf papa hi nahi dekh pate." Karin bolti hai, "Main chahe unhe dekh pau ya nahi, mujhe vishwas nahi hai matlab nahi hai." Hume dikhaya jata hai ki Ichigo aur uske father abhi bhi lad rahe hote hain. Ichigo kehta hai, "Main sone ja raha hu." Karin bolti hai, "Yeh aapki galti hai papa." Uske father bolte hain, "Par kyu?" Ab Ichigo bed par let jata hai. Yuzu bolti hai, "Ichigo ka bura waqt chal raha hai." Karin bolti hai, "Ha, isse yaad aaya, aajkal usko kuch zyada hi bhoot dikhne lage hain." Unke father bolte hain, "Kya matlab woh tumse ye sab baat karta hai aur apne papa se nahi?" Karin bolti hai, "Karega bhi kyu? Aap 40 saal se zyada ke ho par abhi bhi bachho wali bate karte ho. Aise aadmi se kaun serious baat karega?" Unke father ek poster ke paas jaakar kehte hain, "Mummy mere bade karne mein kya galti kar di ki ab mujhe sab nafrat karte hain, main kya karu?" Karin bolti hai, "Sabse pehle toh yeh poster hatao, ajeeb sa hai." Hume agle din ka scene dikhaya jata hai. Jahan ek block doori pe Karakura station ke paas accident hua hota hai. Achanak se zameen hilne lagi aur bhukamp ki wajah se bahut sari building toot gayi. Agli scene mein hume Ichigo ko dikhaya jata hai, jahan Yuzu usse bolti hai, "Good morning Ichigo." Ichigo bolta hai, "Morning, papa kahan hain?" Karin bolti hai, "Kaam pe hain, shayad aaj nahi aayenge." Tabhi hume TV par usi accident ki news dikhai jati hai. Yuzu bolti hai, "Kya hua?" Ichigo bolta hai, "Humare ghar se kuch hi doori par yeh accident hua hai." Fir agle scene mein hume Ichigo ko accident wali jagah se school jaate dikhaya jata hai. Aur usne apne bag mein us bachi ki spirit ke liye kuch phool rakhe hote hain. Ichigo us spirit ko bulata hai, tabhi use kuch aawaz sunai deti hai. Ichigo aawaz ki taraf jata hai aur use wahan ek monster dikhai deta hai. Wahin par us bachi ki aatma bhi hoti hai, jo us monster se bachkar bhag rahi hoti hai, kyunki woh monster us bachi ke peeche pada hota hai. Ichigo bhi us bachi ke saath bhagta hai, aur bhagte bhagte woh bachi ki spirit gir jaati hai. Woh monster us bachi ko marne hi wala hota hai. Tabhi wahan woh ladki aakar, jo hume episode ki starting mein dikhai gayi thi, us monster ko maar deti hai aur wahan se chali jaati hai. Tabhi wahan kuch log aa jaate hain aur baat karne lagte hain ki akhir yahan ho kya raha hai? Itna bada blast kaise hua? Scene badalta hai aur hume Ichigo ko dikhaya jata hai, jo raat mein apne bed par letkar us accident ke bare mein soch raha hota hai. Aur kehta hai, "Pata nahi woh ladki kaun thi?" Tabhi wahan ek titli Ichigo ke room ki khidki se andar aa jaati hai aur us ladki mein badal jaati hai. Ichigo bolta hai, "Tum kaun ho?" Woh ladki us room mein aakar kuch dhoondne lagti hai. Ichigo kehta hai, "Tum kya chahti ho?" Ladki bolti hai, "Woh aas paas hai." Tabhi Ichigo use ek laat marta hai aur bolta hai, "Ki aas paas kaun hai?" Aur sach mein dosto, yeh scene mere liye toh bahut funny tha. Ichigo bolta hai, "Pehle din mein darati ho aur raat mein choron ki tarah ghar pe aati ho, tum akhir ho kaun?" Woh ladki bolti hai, "Tum mujhe dekh sakte ho? Ek minute, tabhi toh mujhe laat maar paye." Ichigo bolta hai, "Kya keh rahi ho? Main tumhe pura dekh sakta hu." Ladki bolti hai, "Tum hi wahan dopahar mein the na? Ajeeb hai, log mujhe nahi dekh sakte." Ichigo kehta hai, "Bakwas band karo!" Aur laat marne hi wala hota hai, tabhi woh ladki use gira deti hai. Ichigo kehta hai, "Mujhe gussa mat dilao." Ladki bolti hai, "Thik hai, main batati hu, main ek soul reaper hu." Hume fir se us bachi ki spirit ko dikhaya jata hai, jiske peeche koi pada hota hai. Ab scene badalta hai aur Ichigo bolta hai, "Achha toh tu soul reaper hai aur tum jis jagah se aayi ho uska naam Soul Society hai." "Buri aatma ko khatam karne matlab dopahar ko jo maine aatma dekhi woh shaitan tha, jisne us ladki par hamla kiya?" "Thik hai, tum par vishwas hai, aisa kuch bolunga yahi laga tha na?" Ladki bolti hai, "Tumhe vishwas nahi, jabki tum khud bhoot dekh sakte ho, fir soul reaper pe vishwas kyu nahi hai?" Ichigo kehta hai, "Bilkul nahi, kyunki maine aaj tak ek bhi soul reaper nahi dekha. Jise maine dekha hi nahi hai us par main vishwas kyun karu?" Ladki bolti hai, "Par ab toh mujhe dekh sakte ho?" Ichigo kehta hai, "Ha tum toh insan ho hi nahi, khud ko soul reaper bolna band karo, samjhi na choti bachi?" Tabhi woh ladki gussa hokar ek magic spell karti hai jisse Ichigo niche gir jata hai aur uth hi nahi pata. Ichigo bolta hai, "Yeh kya kiya mere saath?" Ladki bolti hai, "Tum hil nahi sakte, hai na? Yeh hai kido, ek upper level magic jo sirf hum jaise reaper hi kar sakte hain." "Main dikhne mein chhoti hu par tumse kai saal badi hu. Agar kisi aur jagah bolte toh wahin par mar deti, par mujhe insanon ko marne ka hukm nahi mila hai." Aur talwar nikal kar attack karti hai ek aatma par. Yeh wahi aatma hai jo aksar Ichigo ko apne ghar mein dikhai deti hai aur kal bhi dikhi thi. Woh aadmi bolta hai, "Please mujhe us duniya mein nahi jaana hai." Ladki bolti hai, "Daro mat, woh koi shaitanon ki duniya nahi hai. Yeh hai Soul Society, yahan tumhe shanti aur amal milega." Aur woh aatma wahan gayab ho jati hai. Ichigo puchta hai, "Unke saath kya hua?" Ladki bolti hai, "Maine unko Soul Society bhej diya, jisko tum log swarg kehte ho." "Yeh bhi Soul Reaper ka kaam hai. Main samjhati hu, taki tumhare jaise na samajh bhi samajh sake. Dhyaan se dekho, duniya mein do tarike ki aatma hain." Pehli jo aatma hai usko holes bolte hain, jo tum hamesha dekhte ho. Aur dusra hai Hollows, jo logon ko marte hain, chahe woh aatma ho ya zinda, unki aatma ko kaha jata hai. Woh shaitan hote hain, koi sawal? Ichigo bolta hai, "Ha, tumhari drawing kitni bekar hai!" Tabhi woh ladki Ichigo ke chehre pe mooch bana deti hai. Ichigo kehta hai, "Yeh tumne kya kar diya?" Ladki kehti hai, "Soul Reapers ke do kaam hote hain: achi aatma ko Soul Society tak pahucha dena, jaise maine abhi seal laga ke kiya. Aur dusra, Hollows ke andar se buri aatma nikal dena." Ichigo puchta hai, "Toh woh Hollow us ladki ke peeche kyu hai?" Ladki bolti hai, "Woh mujhe malum nahi, Hollows ke bare mein zyada jankari humare paas nahi hai." Hume ussi ladki ko dikhaya jata hai, jise woh Hollow marne wala hota hai, lekin tabhi woh ruk jata hai aur kehta hai, "Main ek swadisht aatma ko soongh sakta hu." Woh paas hi ek Soul Reaper ke saath hai aur wahan se jane lagta hai. Tabhi hume dikhaya jata hai ki Ichigo ko kuch aawaz sunai deti hai aur woh kehta hai, "Yeh kya hai?" Ladki bolti hai, "Pata nahi, shayad yahan ek Hollow ghoom raha hai." Ichigo use khatam karne ko bolta hai. Ladki bolti hai, "Nahi, asal mein main us Hollow ko mehsoos nahi kar pa rahi hu." Jaise ki koi zabardast takat mujhe rok rahi hai. Ichigo kehta hai, "Kya keh rahi ho? Kya woh rona tum sun nahi sakti? Yeh wahi Hollow hai na?" Ladki bolti hai, "Rone ki aawaz? Nahi toh." Tabhi use bhi woh aawaz sunai deti hai aur kehti hai, "Ha, yeh Hollow hi hai." Tabhi Yuzu ki chillane ki aawaz aati hai. Woh ladki daud ke kamre ke bahar jati hai aur kehti hai, "Kya takat hai is shaitan mein, mujhe yeh mehsoos kyu nahi hua?" Tabhi wahan Yuzu aati hai aur kamre ke bahar gir jati hai aur kehti hai, "Karin ko bacha lo." Woh ladki us Hollow ki taraf bhagti hai jahan us Hollow ne Karin ko pakad rakha tha. Tabhi wahan Ichigo bhi kaise bhi karke aa jata hai, jo ki uth bhi nahi pa raha tha. Ladki bolti hai, "Peeche hat jao." Lekin Ichigo dheere dheere karke uthne lagta hai. Ladki bolti hai, "Woh hil raha hai, mere high level magic ke baad bhi?" Ichigo Karin ko is halat mein dekh kar apne hath ko kholne ki koshish karta hai. Ladki bolti hai, "Aisa mat karo, koi bhi insan ise tod nahi sakta." "Agar zabardasti karoge toh tum mar bhi sakte ho." Lekin Ichigo uske magic ko todne lagta hai. Ladki bolti hai, "Ek aam insan isko kaise tod pa raha hai?" Aur Ichigo us magic ko todkar chair se us Hollow par hamla karne lagta hai, par Hollow Ichigo ko ek hath marke bahar fek deta hai aur kehta hai, "Dhoond liya tumhe!" Woh Ichigo par hamla karta hai par Ichigo bach jata hai. Tabhi woh ladki us Hollow ke pairon pe marke Karin ko chhuda leti hai aur woh Hollow gayab ho jata hai. Ab Ichigo Karin ko uthane lagta hai. Ladki kehti hai, "Itna ro mat, Hollow abhi tak tumhari behen ki aatma ko nahi kha paya hai." Ichigo bolta hai, "Tum sach bol rahi ho na?" Ladki bolti hai, "Ha, yeh Hollow woh aatma dhoond raha hai jisme bahut sari shaktiyan chuppi maujood hain." Ab samajh mein aaya, woh Hollow us ladki ke peeche nahi hai. Ichigo kehta hai, "Kya matlab?" Ladki bolti hai, "Kuch karan ki wajah se tumhari shakti Hollow ko apni taraf kheench rahi hai." Shayad tumhari takat tumhare sharir ke andar chupi hui hai, jo ek contract se bahar aa gayi jo tumne us ladki ki aatma se kiya tha. Agar chhote mein kahu, toh woh Hollow us ladki se tumhari aatma mehsoos kar raha tha. Woh sab tumhare peeche hain. Ichigo bolta hai, "Mere peeche?" Tabhi wahan fir se woh Hollow aa jata hai. Ladki Ichigo se bolti hai, "Tum peeche raho." Ichigo bolta hai, "Chup raho! Matlab us ladki par meri wajah se hamla hua, mere wajah se Karin aur Yuzu ki jaan khatre mein padi." Ichigo gusse mein us Hollow ke samne chala jata hai aur kehta hai, "Tum meri aatma chahte ho na, toh aa jao lekar dikhao!" Hollow Ichigo par hamla kar deta hai, lekin woh ladki beech mein aakar Ichigo ko bacha leti hai aur us Hollow ka daat tod deti hai. Par is cheez se woh ladki bhi ghayal ho jati hai aur niche gir jati hai aur kehti hai, "Tumhe pata hona chahiye ki tum us Hollow ke samne kuch bhi nahi ho." Ya fir tumne yeh socha ki agar woh tumhari aatma le lega toh sab theek ho jayega. Aise toh hum sab uska khana ban jayenge. Woh Hollow dard se cheekh raha hota hai. Ladki bolti hai, "Tumhe apne parivar ko bachana hai?" Ichigo kehta hai, "Ha, zaroor, koi rasta hai?" Ladki bolti hai, "Ab bas ek hi rasta hai. Is zanpakuto ko pakad ke beech mein khade ho jao aur main apni takat tumhe de dungi." Dosto yahan zanpakuto ka matlab talwar se hai. Pata nahi yeh kaam karega ya nahi, par filhal yahi ek rasta hai. Ichigo bolta hai, "Woh sword mujhe do, Soul Reaper." Ladki bolti hai, "Mera naam Soul Reaper nahi, Rukia Kuchiki hai." Woh Hollow un par hamla karne wala hota hai, tabhi Ichigo sword pakadkar bolta hai, "Mera naam Ichigo Kurosaki hai." Tabhi wahan bahut tez light chamakti hai aur agle hi pal mein Ichigo us Hollow ka ek hath kaat deta hai. Rukia bolti hai, "Aisa kaise ho sakta hai?" "Maine bas apni aadhi takat di aur usne puri le li? Akhir yeh hai kaun? Maine aaj tak kisi bhi insan mein itni takat hote hue nahi dekhi." Maine aaj tak kisi bhi insan ko khud se magic todte nahi dekha aur aaj tak maine kisi bhi Soul Reaper ka itna bada zanpakuto puri zindagi mein nahi dekha. Wahi hume Ichigo ko dikhaya jata hai, jo Hollow se kehta hai, "Ki tumhe mere parivar ko chot pahuchane ki saza zaroor milegi." Aur us Hollow ka sir beech se kaat deta hai, jisse woh Hollow mar jata hai aur gayab ho jata hai. Aur episode one yahin par end ho jata hai.