[0:00]لو انت يوتيوبر او كونتنت كرييتور وبتدور على سبونسر او مش بتعرف ازاي تتكلم مع السبونسر، الفيديو ده عشانك. النهارده هقول لك ازاي تكلم السبونسر، ازاي تعمل بريزنتيشن تعرض فيها مواهبك كلها على السبونسر
[0:15]وأخر حاجه لما يجيلك سبونسر هتتصرف ازاي. بس قبل ما نبتدي الفيديو انا حابب اعرفكم بنفسي الاول انا عمرو بشر ستريمر وبارتنر على تويتش بعمل لايف ستريمز تقريبًا كل يوم هناك على تويتش
[0:28]ويوتيوبر عندي جيمنج شانيل بنزل عليها فيديوهات ألعاب وفيديوهات ليها علاقه بالهاردوير والريفيوز واخيرا وليس اخرا ريفيور مع بيج جيمز ميكس البيج الأكبر في الشرق الأوسط اللي بتتكلم على أخبار الألعاب
[0:34]والحمد لله جات لي فرصة ان أنا اشتغل مع أكبر الشركات المصرية وشركات هاردوير عالمية هنا في مصر زي مثلًا شركات جيجابايت وسامسونج جيمنج مونيتورز وهايبر إكس واشتغلت مع شركات تانية مصرية بتنظم ايفينتات زي جيمرز لاونج وبي ام إي ايفينتس
[0:50]وأكبر سبونسر بصراحة جالي هو شركة المواصلات الاتصالات شركة وي
[0:54]وأنا عارف إن أنا مش أحسن حد ممكن يكلمكم على موضوع زي ده لكن أنا عندي خبرة بسيطة ممكن أقدمها لكم تفيدكم في بدايتكم ككونتنت كرييتورز أو يوتيوبرز
[1:01]فمن غير ما نضيع وقت أنزل أعمل لايك وسبسكرايب ويلا بينا نبتدي الفيديو
[1:05]بما إننا جيمنج كونتنت كرييتور في أغلب الأمثلة اللي أنا هتكلم عليها هتكون ليها علاقة بشركات الألعاب وبشركات الهاردوير لكن انت ككونتنت كرييتور ممكن تاخد الأمثلة دي وتطبقها في حالتك بعيد خالص عن الجيمنج
[1:17]النصايح كلها هتنطبق على جميع الكونتنت كرييتورز أول حاجة أنت محتاج تعملها قبل ما تبعت لأي سبونسر هو إن أنت تعرف انت إيه
[1:24]هل أنت مثلًا كاجوال جيمر؟ هل أنت ستريمر؟ هل أنت برو بلاير؟ بتعمل فيديوهات على التيك توك؟ بتحب تعمل تحديات؟
[1:31]خلي بالك إن نوع الكونتنت اللي أنت بتعمله مش هيفرق كتير لان كل كونتنت هتلاقي السبونسر بتاعه فانت ما تحصرش نفسك في حته واحده بس أهم حاجة تبقى عارف انت بتعمل إيه
[1:41]علشان لما تروح تكلم السبونسر تقول له أنا بعمل كذا كذا كذا وأدي أمثلة للفيديوهات واحد اتنين تلاتة يبقى عندك حاجة محددة تعرف توّريها للي قدامك وتقول له أنا بعمل الحاجة دي وأنا كويس فيها
[1:53]يعني مثلًا أنا على سبيل المثال بحب أقول في الأول خالص ان أنا ستريمر وبارتنر على تويتش بقول إن أنا ستريمر ده معناه إن أنا بتفاعل مع الجمهور ودايمًا في أودينس شايفني لايف بتكلم معاهم
[2:04]وبارتنر معناها ان أنا بستريم بصفة مستمرة وإن أنا واخد الموضوع جد مش إن أنا بستريم كل خمس ست سبع أيام مرة وخلاص على كده
[2:11]بقول إن أنا يوتيوبر لان دي حاجة أساسية أنا بعملها بعمل تلات أربع فيديوهات في الأسبوع فدي حاجة أساسية أنا بعملها وحاجة تانية بقول ان أنا ريفيور في بيج جيمز ميكس لان جيمز ميكس معروفين ان هم أكبر صفحة للألعاب في الشرق الأوسط وإن أنا أبقى شغال معاهم دي حاجة كبيرة جدا في السي في وإن أنا مصدر ثقة من شركات تانية كبيرة
[2:28]فعشان كده بحب أعرف نفسي بالطريقة دي وما بزودش وما بقللش
[2:32]الكام جملة اللي أنا قلتهم في الأول دول هم دول أول حاجة أنا ببعتهم في أي إيميل لأي شركة أنا عايز اتكلم معاها أو لما شركة تيجي تكلمني مثلًا دي أول حاجة أنا ببعتها لهم بحيث ان هو يبقى واخد نظرة عامة على الحاجة اللي أنا بعملها
[2:44]نيجي بقى لنقطة مهمة جدا جدا جدا ليه الشركة ممكن تجيلك أنا بصراحة شايف النقطة دي مهمة جدا وفي ناس ما بتركزش فيها هي بتبقى عايزة السبونسر وأنا عايز السبونسر يجي لي دلوقتي
[2:55]بس انت ما تبصش من الناحية التانية هو هيستفيد منك إيه؟ يعني مثلًا أنت عندك أرقام؟ عندك فيوز كويسة مثلًا؟ هل الناس مثلًا بتثق فيك؟ هل في أنت عندك ميزة مثلًا مش عند أي حد؟
[3:06]خلي بالك بقى إن المميزات دي مش هم اللي هيدوروا عليها أنت اللي المفروض تعرضها
[3:10]الصياعة ان انت تبيع لهم نفسك بشكل صح ولما بقولهم انت تبيع لهم نفسك هي مش بقلل منك هو ده بيزنس عرض وطلب انت عندك إيه تعرضه على اللي قدامك علشان هو يطلب منك ان انت تعمل كذا وكذا وكذا
[3:25]وهنا يجي دور البريزنتيشن بصوا يا جماعة ده أهم جزء في الفيديو فانتوا محتاجين تركزوا كويس جدا في الحتة دي
[3:30]بعد ما تبعت الراجل تقول له أنا ستريمر أو يوتيوبر وتبعته السوشيالز بتاعتك حط له في الأتاتشمنتس كده أو سيب له لينك في الآخر قول له دي بريزنتيشن أنا عاملها بشرحلك فيها الأنايليتكس بتاعتي
[3:41]وبوريك فيها كل حاجة على السوشيال ميديا بتاعتي وازاي اقدر أفيدك ككونتنت كرييتور ودلوقتي أنا هوريكم البريزنتيشن بتاعتي أنا ببعتها لشركات بالفعل وهشرح لكم فيها كل حاجة بالتفصيل
[3:52]بص البريزنتيشن مهمة جدا ولازم تبقى عاملها بستايل وبرواقة كده وبصياعة ما تعملهاش كروتة ما تستعجلش
[4:01]يفضل ما تاخدش تيمبليت وتحطها كوبي بيست لان ما بيبقاش شكلها حلو لو حد عرف ان انت واخد من حد يعني فاعمل بريزنتيشن بتاعتك اتعب عليها شوية واقول لك بالظبط تعمل ايه، اوكيه؟
[4:10]أول حاجة بكتب بشر بروبوزل وببقى حاطط في النص هنا اسم الشركة أو اللوجو بتاع الشركة ولوجو كويس بكواليتي نضيفة
[4:20]بس أنا طبعا شايله دلوقتي علشان يعني المفروض دي حاجات طبعا ما سرية ما بيني وبين الشركات فمش عايز احطها ما علينا يعني المهم بتحط لوجو الشركة هنا اللي أنت عايز تحطها
[4:26]بعد كده بتدخل على الانترودكشن بتعرف نفسك وزي ما قلت لك لازم الستايل بتاع البريزنتيشن يكون كويس أنا ده بالنسبة لي كويس فقشطة تمام
[4:33]أول حاجة بعرف نفسي أنا عندي 28 سنة ايجيبشان ستريمر دلوقتي أنا عندي 29 سنة بس ما علينا كونتنت كرييتور على مالتيبل سوشيال ميديا بلاتفورمز وطبعًا طبعًا البريزنتيشن يفضل تكون بالإنجليزي
[4:43]ولو أنت مش قد كده في الإنجليزي ده عادي جدا خلي حد يساعدك في حاجة زي كده خلي بالك إن ده بيزنس وأنت عايز تكلم شركة
[4:51]الشركة دي ممكن يكون رأس مالها ملايين الملايين فانت محتاج تكون ديسنت وراقي في تعاملك مع الشركة وتبين لهم ان انت مهتم فعلًا بالحاجات اللي هم هيعملوها تمام
[5:00]أنا شخصيًا حاطط هنا اليوتيوب الهيدر بتاع يوتيوب يعني والهيدر بتاع تويتش دول أهم حاجتين عندي أهم أتنين بلاتفورمز عندي يعني ساعتها كنت 62 ألف سبسكرايبر وهنا نفس الكلام بارتنر بريفيو على السوشيال ميديا بيقول إن أنا بعمل ستريمز بقالي سنتين ونص
[5:15]وإن أنا بقيت بقيت بارتنر في 2020 ونفس الكلام ان أنا بعمل ان أنا ديديكيتيد كونتنت كرييتور على اليوتيوب بقالي تسع شهور تقريبا بنزل كل يوم ده كان ساعتها يعني
[5:27]وبقول بردو ان بيشري أيز أكتف على التيك توك وانستجرام وفيسبوك بحاول ان أنا اتكلم بصيغة المجهول
[5:35]إن مش أنا اللي بكتب البريزنتيشن عشان تبان انها يعني نوعا ما بروفيشنال أكتر ان مثلًا بقول إيه ان بشر عنده كذا كذا كذا بشر عنده 28 سنة ان مش انا اللي كاتبها بس طبعا انا اللي كاتبها بس يعني بين ان مش انت اللي كاتبها تبان مور بروفيشنال تمام
[5:51]هنا استعرضت سريعا أنا بعمل إيه وأنا مين والكلام ده كله هتدخل على بريفيس كامبينز أند سبونسرز
[5:57]دي كامبينز أنا اشتغلت عليها قبل كده وفي حاجات منهم لسه شغاله لحد دلوقتي هو بيقول مثلًا ان أنا اشتغلت مع شركة وي واشتغلت مع شركة بي ام إي جلوبال أو بي ام إي ايفنتس في حملة سيف مود
[6:10]وبقول ان أنا نوبزة سريعة علشان في ناس ممكن بره مصر ما تبقاش عارفة مين شركة وي أو مين شركة بي ام اي بتكلم سريعا على الموضوع ده بقول ان شركة وي هي شركة اللي يعني نمبر ون انترنت سيرفيس بروفايدر هو احسن شبكة بتقدم النت في مصر وهي الشركة الأولى يعني
[6:24]وبعد كده بتكلم على السبونسر التاني اللي هو سامسونج جيمنج مونيتورز بقول ان أنا أول سبونسرد باي سامسونج جيمنج مونيتورز
[6:29]وان اوف ذا ليدنج نيمز في التيك انداستري يعني بتكلم عن الشركات اللي أنا اتعاملت معاها قبل كده وبقول نوبذة عنها وحاجه زي كده ما فيهاش سرية يعني الشركات كلها أو الناس بتتفرج عليك عارفة مين انت سبونسرد باي مين وكذا وكذا لكن
[6:44]مش الصح خالص خالص خالص ان انت تتكلم في أي تفاصيل من تفاصيل الديلز بتاعتك مع الناس دي
[6:50]يعني انت تقول آه انا اشتغلت مع سامسونج اشتغلت مع كذا لكن ما تقولش أنا اشتغلت معاهم بكام أو اشتغلت معاهم في إيه ده ما ينفعش
[6:56]أول حاجة زي ما قلت لكم أنا عرفت نفسي كستريمر في الأول في أول حاجة أحطها هي تويتش بقول إن أنا في اخر 30 يوم أنا عملت حوالي 25 ستريم
[7:07]وتقريبا 83 ساعة من الستريمينج ده بيبين إن أنا مش بستريم ساعة ساعتين في اليوم وخلاص على كده اوكيه
[7:14]البيك بتاعي كان 800 فيوز ده اعلى رقم وصلت له والافريج كان ساعتها 540 فيورز زي ما أنتم شايفين البروبوزل ده كان من أغسطس 2020 من فترة كبيرة لما كنت بعمل كاستمز فورت نايت والكلام ده كله
[7:27]فالفيوز كانت عالية وطبعًا بحط هنا الستاتس بتاعتي على تويتش بتشيل منها أي ريفينيو تمامًا أي أرقام انت بتكسبها فلوس مثلًا مكتوبة في الريفينيو لازم تتشال طبعًا عشان تبقى مور بروفيشنال
[7:39]بحط له الجزء ده في افريج فيوز في اللايف فيوز يونيك فيوز الحاجات دي كلها فدي حاجة بتوري الشخص اللي قدامك ان انت بتستريم وانت بتستريم بشكل ريجلر وتفاصيل الستريمز أنا جمعت له أنا بعمل إيه على تويتش في السلايد دي بس فالراجل جمع اه ده الراجل ده بيعمل ستريمز كتير
[8:00]بيعمل ستريمز فترات طويلة وعنده فيوز فدي أول بوينت أنت تكسبها عند الراجل
[8:05]بعد ما خلصنا كلامنا على تويتش دلوقتي هنتكلم على يوتيوب أكبر بلاتفورم عندي بس خلي بالك ان دايما الشركات بتبص للستريمر بفاليو أكبر أو بقيمة أكبر عن اليوتيوبر
[8:13]حتى لو اليوتيوبر عنده أرقام كبيرة جدا جدا جدا هو يعني 70 80 % هيجيلك عشان انت ستريمر فعشان كده حطيت تويتش قبل يوتيوب مع ان يوتيوب بلاتفورم أكبر بكتير عندي تمام
[8:22]المهم هنتكلم على يوتيوب ساعتها أنا كنت عامل أبلود ل 27 فيديو ويز ان افريج فيوز اوف 677 ألف فيوز في الشهر و أولموست 50 ألف اورز واتش
[8:33]خلي بالك ان انت دايما حط النقط الكويسة حتى لو مش أصح حاجة بمعنى
[8:40]أنا هنا كانت الفيوز عندي عالية تمام فأنا حطيت ان انا قلت مثلًا انا بعمل نص مليون فيوز في الشهر ده في شهر اغسطس 2020
[8:48]لو انا الفيوز عندي مش اعلى حاجة ممكن بحط الامبريشن ممكن بحط الأرقام العالية انا مش بضحك على الراجل انا بحط له الأرقام اللي هي فعلًا باينة ان هي عالية
[8:58]يعني انا بحط له فيوز بحط له امبريشن الحاجات اللي بتبين اه أنا عندي ريتش كويس ريتش مش وحش خالص
[9:07]وفي نفس الوقت مش بحط له ارقام غلط خلي بالك من النقطة دي مهمة جدا
[9:12]حاجة تانية انا بردو خدت بالي منها ان هي ممكن تكون صايعة شوية ان أنا بحط الديموجرافيك ديستربيوشن مش عارف اسمها ايه بس يعني اللي هو ايه؟ التوزيع الجغرافي بتاعي بمعنى إن انا عندي 75% من اللي بيتفرجوا عليا مصريين و20% أو 25% من الميدل إيست فده معناه ان أنا
[9:30]مش يوتيوبر مصري بس ده ممكن حضرتك لو اعلنت عندي البرودكت بتاعك يشوفوه ناس عرب ويهتموا بيه ناس عرب ناس من بره مصر فممكن نقطة زي دي تبقى نقطة جذب لبعض الناس
[9:40]ندخل على البلاتفورم اللي بعد كده هو انستجرام نفس الكلام بحط سكرين شوت من انستجرام بتاعي بالتفاصيل الفولورز والحاجات دي كلها وما بقولش أنا عندي كم فولور لان هو في الغالب
[9:51]مش هيهتموا أوي بالفولورز اللي عندك الا ناس قليلة بس ما علينا يعني مش هيهتموا أوي بالفولورز هم عايزين الريتش عايزين يعني فرحتي واحد عنده 100 ألف فولور وشاريهم ما ولا حاجة الريتش بتاعه زي الزفت
[10:02]فأنا بتكلم مثلًا ان أنا في اخر 30 يوم أنا عملت 34 بوست والافريج ريتش بتاعي او الامبرشنز كانت 170 ألف أو 171 ألف
[10:11]ال 34 بوست دي معناها ان انا بعمل بوست كل يوم أو بعمل بوست كتير ال 170 ألف معناها ان انا عندي ريتش عالي بالنسبة لعدد الفولورز بتوعي فده معناه كده ان انا عندي انجيجمنت عالي على انستجرام اوكيه
[10:24]ندخل على اللي بعد كده التيك توك كان ساعتها التيك توك انا لسه بادئ فالامبرشنز مش أقوى حاجة عندي
[10:32]فالتيك توك قلت ان أنا ابتديت من مارس 2020 عملت 20 فيديو في 30 يوم خلي بالك ان الحاجات دي كلها بتبقى بالنسبه ل 30 يوم فهو الراجل بيبص آه 20 فيديو في 30 يوم الراجل ده أكتف على الاكونت ده
[10:43]على انستجرام مثلا انا حاطت 34 في 30 يوم مع ان انا بنزل ساعات اكثر من بوست على اليوم التيك توك 20 الاكت ريتش في 28 دي
[10:52]بكتب الرقم ده بالظبط يعني بحب اكتب الرقم بالتفصيل مش مثلًا بقول مليون 200 ألف وخلاص علشان الراجل يبان ان أنا اه الرقم ده أكورت والرقم ده هو فعلا انا جايبه وعامله كوبي بيست من مكان مش بيحوره خالص
[11:03]فساعتها أنا كان عندي مليون و200 شوية امبريشنز أو فيوز يعني فده قشطة كده تماما اا هنا نفس الكلام بردو ديموغرافيك ديستربيوشن 85% مصريين والباقيين من بره بس قشطة التيك توك كده كده بيريتش في كل حتة فسيبك من ده
[11:20]الحوار ده مهم في اليوتيوب اكتر اوكيه بعد كده ندخل على الفيسبوك الفيسبوك ساعتها ما كنتش مهتم بيه أوي في الفترة دي بس كنت بنزل كتير نفس الكلام بقول له ان الفيسبوك ده لسه لسه بلاتفورم جديد عندي كاتب ان هو رايزينج بلاتفورم علشان ما عنديش عليه فولورز كتير
[11:35]بس بقول ان أنا بوست عليه كتير لأن أنا عايز أكبر بلاتفورم ده ونفس الكلام بحط له الريتش او الاناليتكس بيج الاناليتكس دي يا جماعة مهمة جدا جدا جدا في حتة زي كده
[11:46]وبقول له إن أنا عملت 34 بوست مع ان أنا بنزل اكتر من بوست على الساعات والريتش بتاعي 60 ألف تمام وبعد كده في الآخر خالص بقول له لينكس تو سوشيال ميديا أكاونتس دي لينكات السوشيال ميديا لو حضرتك حابب تتشيك كل واحد منهم
[11:55]بت يعني المفروض في كده حاجة في البريزنتيشن يعني اعملها يعني ان انت بتحط اللينك يوتيوب تويتش انستجرام تويتر تيك توك فيسبوك ولينك إن
[12:07]بعد ما تخلص الحاجات دي كلها بتحط الكونتاكتس علشان لو الشخص عايز يتواصل معاك
[12:11]طبعا أنا حاطت رقمي في العادي مش حاطط هنا بس عشان الفيديو ما علينا يعني الميل الاساسي بتاع الجيمنج بتاعي هو ده والالتميت ميل اللي هو الميل التاني هيبقوا موجود يعني لو حاجة عايز تبعت لي على ميل تاني يعني
[12:23]وده الموبايل نمبر لو حضرتك حابب تتصل بيا اوكيه دي كده سريعا البريزنتيشن اللي أنا ببعتها ببعتها لأي شركة
[12:33]ساعات ساعات بزود على البريزنتيشن دي مثلًا بس الكلام ده بتبقى في مرحلة متقدمة شوية ان هو خلاص احنا خلاص احنا بنفاينالايز الديل احنا اتفقنا على كل حاجة وهم هيشتغلوا معايا وخلاص هنتكلم في الديل بقى
[12:44]فأه انا هعملك كذا كذا كذا على التيك توك هعملك كذا كذا كذا على انستجرام هعملك كذا كذا كذا على اليوتيوب
[12:51]بس دي بتبقى كل ديل مختلف عن التاني فعشان كده مش هتكلم عليها بس هي دي البريزنتيشن اللي انا ببعت لها ببعتها لأي حد أنا عايز أتواصل معاه وده طبعا من وقت للتاني يفضل ان انت تعملها ابديت
[13:02]يعني أنا لو هبعت لشركة دلوقتي واحنا في شهر سبعة 2021 أكيد مش هبعتلهم بالأرقام دي لإن أنا أرقامي اتغيرت في حاجات قلت حاجات زادت فمش هبعتلهم الأرقام دي هبعتلهم أرقام تانية خالص
[13:12]بعد ما تبعت البريزنتيشن دي للراجل في الغالب في الغالب هيكلمك تاني علشان على الأقل يشكرك على المجهود اللي انت عامله على طريقة تقديمك للبريزنتيشن
[13:21]هيبقى فيه كونتاكت وحتى لو ما حصلش نصيب انه بقى فيه شغل ما بينكوا دلوقتي صدقني هيبقى فيه شغل قدام والكلام ده حصل معايا كتير اوكيه
[13:30]طيب افترضنا ان هو خلاص هتشتغل معاه والدنيا مشيت تمام وعملت ميتينج سوا على سوا في يعني قعدتوا مع بعض فعلًا أو اتكلمتوا مثلًا على أي حاجة
[13:40]خلاص الدنيا جميلة وكل حاجة يلا بينا نعمل الديل بص الفلوس مش كل حاجة
[13:45]بس ما ترخصش نفسك تمام بمعنى إيه؟ إن أنت اه اوكيه ممكن تقبل اوفر زي ده أول مرة
[13:52]يقولك احنا هنعمل كامبين وهتعملنا دعاية وهتحط لوجو كذا وكذا وكذا وكذا أول مره من غير فلوس ماشي مفيش مشاكل عشان انا عايز اشتغل معاكم تاني مرة اوكيه مفيش مشاكل عشان انا عايز امتيازات الشركة دي
[14:02]وإن انا ابقى اشتغلت مع شركة كبيرة والكلام ده كله تمام طبعا انت الكلام ده مش هتعمله غير مع شركة كبيرة عشان نبقى فاهمين بس
[14:10]تالت مرة قول له يعني لو قالك كده قول له الحاج بص معلش انا الشغل بتاعي في ايديتور بيشتغل معايا حتى لو انت معاكش ايديتور قول له كده انا معايا ايديتور شغال معايا
[14:20]وفي تكلفة انا بعملها للدعاية وفي تكلفة التصوير وتكلفة الحاجات دي كلها فأنا معلش أنا مش هقدر ان انا اكمل بالشكل ده الا لو في
[14:30]مقابل مادي أو مقابل أي حاجة للكمبين اللي احنا بنعملها
[14:34]انت كده مش غلطان انت كده صح انت كسبت نفسك وكسبت الشركة دي قدام لان هو هيعرف هو هيبقى شاف تعامله معاك تعامله محترم جدا وتعامل شيك وكل حاجة
[14:44]وقدمت شغل بروفيشنال وما رضيتش ان انت ترخص نفسك ان انا يا جماعة انا مش هقدر اشتغل طول عمري ببلاش عشان اسم الشركة ما هو اسم الشركة مهم اه بس انا برضه ليا اسم وانا بكبر
[14:53]فأنت كده حافظت على نفسك وحافظت على شغلك قدام مع الشركة دي ومع الشركات التانية لان خلي بالك الشركات كلها بتسمع في بعض
[15:00]لما شركة تعرف ان انت اشتغلت ببلاش مع شركة تانية هتقولك طب انت طالب مني فلوس ليه؟ ما انت اشتغلت مع الشركة دي ببلاش هو طبعا مش هيجي يقولك الكلام ده في وشك لكن هيجي يقولك الكلام ده بصيغة تانية اللي هو ايه؟
[15:13]لا احنا هنشتغل حاجة معاك مع بعض ببلاش ومش هيتكلم تاني بس هو عارف ان انت اشتغلت ببلاش مع كذا او اشتغلت برقم كذا مع حد تاني
[15:19]فرضًا جدلًا بقى ان انت خلاص الدنيا تمام وان الديل تم وخلاص زي الفل وتناقشت مع الراجل في تفاصيل الديل اللي احنا مش هندخل فيها لان زي ما قلت لكم كل ديل بيبقى مختلف مع الشركات التانية
[15:31]وخلاص اتفقتوا على مبلغ الراجل هيديه لك لازم تحط في اعتبارك لازم لازم لازم انك ما تاخدش الفلوس دي وتروح تجيب بيها ماك وبيتزا حضرتك
[15:40]كلم الحاجة مامتك أول حاجة خليها تدعي لك وتبارك لك ان انت جالك أول ديل سبونسر
[15:46]تاني حاجة لازم تشيل من 10 ل 15% من المبلغ اللي هيجيلك للدعاية والإعلان
[15:53]طبعا ما تتصدمش يعني مش كل الفلوس هتدخل في جيبك انت مثلًا عندك فيديو سبونسر هيجي لك في الفيديو مثلًا قول مثلا يا سيدي 10 آلاف
[16:00]انت هتاخد من 1000 ل 1000 ونص ممكن 2000 لو انت عايز تعمل بيهم دعاية طب يا بشر ده مش كتير لا يا معلم انت جالك 10 آلاف
[16:09]اعتبرهم ان هم جايين لك من الهوا تمام اصرف اصرف 2000 في الهوا علشان يجيلك هوا كتير تاني بقى يعني يعني فكر فيها
[16:17]الدعاية دي بتبقى عبارة عن إيه؟ سواء سبونسر على اليوتيوب سواء سبونسر على الفيسبوك سبونسر في أي نوع من أنواع البلاتفورمز
[16:26]ده بيعملك إيه بقى؟ بيعمل حاجتين أول حاجة بيجيب لك فيوز كويسة جدا على الاعلان ده
[16:32]حتى لو انت عندك اورجانيك فيوز دي حاجة حلوة هيبقى عندك اورجانيك وبايد فيوز يعني بدل ما الفيديو مثلًا يجيب 20 ألف لا هيجيب 50 ألف وهيجيب 60 ألف دي حاجة كويسة جدا
[16:41]تاني حاجة ان السبونسر هيشوف ان انت بتبذل مجهود وان انت بتصرف على المنتج بتاعه من الفلوس اللي هو مديها لك
[16:49]فهو من نفسه هيكون مبسوط حتى لو ما جاش قال لك الكلام ده هيقول لك اه الراجل مهتم ان الدعاية بتاعتي وان المنتج بتاعي يبقى ظاهر بشكل كويس
[16:56]وظاهر لناس كتير وبيدفع من الفلوس دي من غير ما يطلب فلوس دعاية لان في ناس بتطلب الكلام ده بس ماناش دعوه بالموضوع ده انت ما تطلبش فلوس الدعاية انت من الفلوس اللي بتجيلك بتصرف دعاية
[17:06]قد تعترض معايا أو قد تتفق معايا على حاجة زي كده لكن أنا شخصيًا بعمل حاجة زي كده
[17:12]حتى لو الفيديو جايب اورجانيك ريتش كويس جدا وأنا في الديل بتاعي أنا واخد فلوس من الشركة دي أنا بحط إعلانات من على على الفيديو ده
[17:22]وحتى خلي بالك حتى لو أنا مش واخد فلوس مادية يعني أنا واخد مثلًا برودكت أو شاشة مثلًا أنا بعمل لها دعاية من فلوسي لان الشاشة دي قيمة أنا لو بعتها دلوقتي هتجيب لي فلوس باخد 10% من القيمة دي واحطها في الإعلان
[17:37]سواء عجبك الموضوع ده او ما عجبكش حسيت ان هو صرف فلوس على الفاضي الدنيا بتمشي كده
[17:43]الشركات الكبيرة كلها بتمشي كده وخلي بالك ده بيزنس فانت محتاج تهتم بالبزنس بتاعك عشان يكبر
[17:49]اخر حاجة هتكلم عليها في فيديو النهار ده يا جماعة هو ان انت الحمد لله الكمبين اتعمل ونجح وجاب فيوز كويسة والسبونسر مبسوط وانت مبسوط والحجة مبسوطة وكل حاجة تمام
[18:01]هتعمل إيه بقى فاكر الصياعة اللي كانت في الأول بريزنتيشن هتعمل صياعة تانية هتاخد كل الأرقام اللي انت عملتها بالأنايليتكس وبالتفاصيل بكل حاجة
[18:10]التفاصيل اللي هي مش سرية التفاصيل بتاعتك بتاعت اليوتيوب الأرقام اللي انت جبتها وهتقوم حاطتها على البريزنتيشن ضايفها على البريزنتيشن
[18:20]تقول يا جماعة فاكرين الحاجات اللي أنا قلت لكوا عليها اللي هي وي وبي ام إي وسامسونج هتزودها عليهم وتقول يا جماعة أنا اشتغلت في الكامبين ده وكان عندي أرقام كذا وريتش كذا وكذا وكذا وكذا
[18:31]فلما تبعت البريزنتيشن دي للسبونسر تاني هيقولك آه ده اشتغل مع حد من المنافسين بتوعي طب انا عايز اشتغل مع الراجل ده
[18:39]ده اشتغل مثلًا مع شركة تانية وجاب أرقام كويسة آه يبقى الراجل ده مصدر ثقة فيبقى أنت نسبة القبول عندك زادت 30 40% لما اتبعت البريزنتيشن دي وصاحب يعني الراجل يبص على البريزنتيشن دي
[18:49]ويلاقي ان انت اشتغلت مع شركات وأسامي كبيرة في الغالب في الغالب نسبة قبولك بتزيد ل 30 40% والديل بيتم طبعا على حسب كل ديل بيبقى مختلف عن شركة لشركة
[19:00]وبكده يا جماعة يكون خلص الفيديو لو عجبكم الفيديو ماتنسوش تعملوا لايك ولو أول مرة طبعا في الشانيل اعمل سبسكرايب وشغل كده زرار الجرس علشان يوصلك كل النوتيفيكيشنز احنا بنعمل فيديوهات ألعاب كتير جدا وريفيوز ومن وقت للتاني بنعمل فيديوهات تعليمية
[19:11]وطبعا كل يوم تقريبًا لايف على تويتش هتلاقي اللينك تحت موجود في الديسكريبشن شكرا يا جماعة على كل السبورت وشكرا لمشاهدتك لحد دلوقتي في الفيديو سلام يا شباب
