[0:00]بسم الله والصلاه والسلام على رسول الله، اللهم علمنا ما ينفعنا وانفعنا بما علمتنا وزدنا علما يا رب العالمين يا الله. اهلا وسهلا بكم في أول محاضرة من محاضرات التسويق الالكتروني من الصفر حتى تكون إن شاء الله مؤهلاً للعمل بإذن الله تعالى. أحب أعرفكم بنفسي، معاكم أحمد حافظ، خبرة أكثر من ما شاء الله سبع سنوات من 2015 في مجال الديجيتال ماركتينج. وخبرة في الكونتنت كريشن من أول أيام المنتديات، أيام شباب كول، من الناس اللي حضرت المنتديات دي، سلك رود فور أرب، المنتديات اللي كانت غنية بالكونتنت. جاي النهاردة إن شاء الله تعالى عشان أشرح معاكم التسويق الالكتروني بدايةً من الصفر، اللي محدش يعرف يعني إيه عميل ويعني إيه منتج ويعني إيه خدمة، لحد ما نوصل إن شاء الله تعالى إن إحنا نوصل المنتج بتاعنا ده إن هو يتباع للعميل بتاعنا. الهدف بتاعنا من الكورس أنا حابب أشارك معاكم الهدف بتاعنا من الدورة دي هو تلات حاجات. أول حاجة إن احنا ننقل العلم بتاعنا اللي ربنا منّ علينا بيه لناس جديدة محتاجة تبدأ المجال أو محتاجة تبدأ شغل جديد كفريلانسر أو كفل تايم جوب. تاني حاجة إن احنا برضه نحضر ناس تكون فاهمة السوق وفاهمة التسويق الالكتروني وتقدر تشتغل وتحسن من جودة السوق الخاص بالتسويق الالكتروني. تالت حاجة برضه إن إحنا نساعد شوية الناس اللي دخلها مش ولا بد إنها تقدر تجيب دخل إضافي من خلال إنها تكون فريلانسر شغل. طيب. هنتكلم عن إيه في الكورس ده؟ هنتكلم في أول حاجة، أول مرحلة هتكون مرحلة نظرية شوية، هنتكلم فيها عن الديجيتال ماركتينج ويعني إيه ديجيتال ماركتينج ويعني إيه إنباوند ماركتينج. وإزاي تكتب محتوى، وإزاي تعرف يعني إيه وإزاي تعرف العميل بتاعك وتعرف صفاته وإزاي تقدر توصله وإيه هي الصفات بتاعته، بحيث إن إحنا نيجي نطبق على التولز سواء السوشيال ميديا أو بي بي سي كامبينز اللي هي جوجل ادز أو أي كامبينز تانية، إن إحنا عارفين إحنا بنتارجت مين وإحنا بنتكلم إزاي. طيب في المحاضرة دي هي هتكون أول محاضرة في المحاضرات النظرية وفيها هنتكلم عن الانباوند ماركتينج، والانباوند ماركتينج مش بس هنتكلم عليه، هنتكلم عن تفاصيله وهي حاجة اسمها الباير جيرني. والديموجرافيكس، ورابع نقطة هنتكلم عن البيهيفيرز والانترستس، وخامس نقطة هنتكلم عن احتياجات العميل أو الكاستومر نيدز، وسادس نقطة هنتكلم عن الباير بيرسونا واللي هي هتلم لنا ده كله. طيب أنا في البداية بعتذر عن المصطلحات الانجليزي كتير اللي هتكون في أول محاضرة، لكن هي حاجة لابد منها شوية لإن السوق كله بلا استثناء في الديجيتال ماركتينج هتلاقيه بيتكلم بالمصطلحات دي وهتكون محتاج تفهم المصطلحات دي بالإنجليزي معناها إيه. وفي نفس الوقت الموضوع مش أكاديمي، هو الموضوع إنك تفهمها وإزاي تطبقها وأنت شغال. هنبدأ بأول حاجة وهي الانباوند ماركتينج. الإنباوند ماركتينج أو خلينا نقوله بالمعنى الحرفي بتاعه هو عبارة عن بيزنس ميثودولوجي أو طريقة في البزنس بنتبعها عشان نقدر نكريت بيها فاليو أبل كونتنت. ونوصل بيها الخبرة بتاعتنا اللي هي أو الخبرات اللي هي من العميل بتاعي سواء كان عيادة أسنان أو محل، فأقدر أوصل له الخبرات بتاعته دي من خلال فاليو أبل كونتنت للعميل بتاعي. خلينا نقول بشكل أوضح شوية، الإنباوند ماركتينج هو عبارة عن التسويق داخل حدود الانترنت. هو في بداية التسويق في 2003 أو 2004 التسويق الالكتروني، من أيام ظهور التسويق من خلال جوجل، بعدها ظهر شوية مصطلحات كتير والناس بقت تروح يمين وشمال ومحدش بقى فاهم إزاي أسوق من خلال الانترنت الكبير ده. لحد ما في 2007 جه هاب سبوت أكاديمي وهي من أوائل الأكاديميات اللي بتعلم ديجيتال ماركتينج على في العالم كمان، هم اللي بدأوا طلعوا المصطلح ده الإنباوند ماركتينج أو التسويق داخلي. وهو عكس التسويق الخارجي، التسويق الخارجي دوت اللي هو خارج حدود الانترنت، اللي هو التسويق من خلال البوردز أو اللوحات اللي أنتم بتشوفوها، لو حد ماشي على الدائري، حد رايح على طريق سريع، بيبقى فيه لوحات، الفلايرز اللي بتتوزع بعد صلاة الجمعة، الفلايرز اللي بتبقى ملزوقة على على المحلات. هي دي الاوت باوند ماركتينج، عكسها هو الانباوند ماركتينج اللي هي الإعلانات اللي بتشوفها في كل حتة لما بتفتح اليوم السابع، تفتح المصري اليوم، تفتح اليوتيوب، تفتح السوشيال ميديا تلاقي إعلانات، هو ده الإنباوند ماركتينج ومش شرط تكون إعلانات ممكن تكون محتوى جذاب انتشر بشكل كبير. فاعمل تسويق فجاب عميل، فالعميل اشترى، فبقى اسمه إيه؟ الإنباوند ماركتينج، هو ده الفرق ما بين الإنباوند ماركتينج والاوت باوند ماركتينج. دلوقتي إحنا طبعا أنا سايب هنا، أنا هرفع المحاضرة دي بعد ما أخلص، أنا سايب ريفرنس لكل محاضرة لكل حاجة بنشرحها، تقدر تخش عليها وتقراها وتشوفها بشكل معمق. أنا هنا مش مهتم إنك أنت تبقى عارف تفاصيل التفاصيل بتاعت كل حاجة على قد ما أنا مهتم إنك تكون فاهم المصطلح وفاهم هو ماشي في إيه. ولو أنت عندك سؤال إحنا إن شاء الله بإذن الله تعالى في نهاية المحاضرة أو في نهاية سيكشن كبير هنقوم واخدين الأسئلة وبعدين بعد كده نكمل شرحنا إن شاء الله بحيث إن إحنا نوفر وقتي ووقتكم وما نقطعش التركيز. تمام، في الإنباوند ماركتينج إحنا عايزين نبص له بنظرتين، نظرة أول نظرة اللي هي نظرة البيزنس، وتاني نظرة هو نظرة العميل أو الكلاينت. وأنا هنا بكون في النص، أنا المسوق، أنا بكون ما بين العميل، ما بين آسف البيزنس وما بين العميل. وهنفترض هنا عندي مثال اللي هي عيادة الأسنان، أنت مثلا كده دخلت من البيت بعد يوم تعب كده من الشغل وقعدت وخدت دشك الجميل وصليت وجيت وهوب قعدت تتغدى. أول ما جيت اتغديت وجيت تأكل لقيت فيه ألم في بؤقك أو ألم في في أسنانك. بدأت تشوف إيه الألم دوت هو درس اللي وجعني ولا سنتي اللي وجعاني ولا جاي لي منين الوجع ده؟ بدأت تحدد الوجع كده شوية وبعدين بعدين بعد ما خلصت أكل وقعدت بدأت تدور على السبب أو إيه ممكن يكون السبب؟ حددت المشكلة اللي وجعاك فين؟ وبدأت تسيرش على جوجل أو بدأت تسيرش على فيسبوك أو بدأت تعمل تشاتينج مع أي حد من زمايلك.
[6:11]فبدأت تكون مهتم بموضوع الأسنان، شوية شوية لقيت فيه إعلان ظهر لك، الله طب ما أنا كنت لسه بتكلم بسيرش، هو ده التسويق مثلا من خلال السوشيال ميديا أو أو الخوارزميات جوجل قفشتك المهم أياً كان. أنت كنت مهتم موضوع الأسنان وهوب لقيت الإعلان بتاع أسنان ظهر قدامك. فهو ده عملية التسويق، شوية شوية وهوب مليت الإعلان، بدأت تشوف إعلان تاني، في التالت، في الرابع، عملت إنجيج أو تفاعلت مع الإعلان، بعت لهم رسالة، حجزت، روحت كشفت، خدت الدوا بتاعك، ربنا شفاك عليه، وهوب كتبت ريفيو جميل عن الدكتور على الصفحة بتاعته، هي دي بكل بساطة من أول ما أسنانك وجعتك لحد ما كتبت ريفيو عند الدكتور، هي دي العملية التسويقية. هو ده اللي هنتكلم عليه بالتفصيل دلوقتي من ناحية البيزنس ومن ناحية الكلاينت. أول حاجة من ناحية البيزنس سايد أنا عندي حاجة اسمها الإنباوند ميثودولوجي. أو يعني خلينا نقولها هي عجلة التسويق، شوية من ناحية البيزنس اسمها عجلة التسويق. أول حاجة بيكون فيها الاتراكت، إزاي أنا أجذب العميل بتاعي أو أجيبه ليا إزاي؟ فالاتراكت دوت أو اللي أنا أقول للعميل هاي أنا هنا أنا موجود دي بتكون ليها طرق كتير جداً جداً جداً. أولها وأشهرها وأكبرها هي الإعلانات، اللي أنا أعمل بوست أكون كاتب فيه البيانات اللي أنا عايز أوصله للعميل، عامل فيها تصميم كويس، وهوب أدفع عليه بالفيسبوك أو جوجل وصل الإعلان ده للناس اللي هي مهتمة بحاجات الأسنان، بعيادات الأسنان، أو بتدور على حاجة خاصة بالأسنان، ووصلتها وصل لي الإعلان ده. فدي أول حاجة في التولز اتراكت أدز، وممكن يكون فيديو، ممكن أكون أنا عملت إعلان زي مثلا الفيديوهات اللي إحنا بنشوفها اللي بيقول لك إزاي تغسل أسنانك بالطريقة الصحيحة، ويكون دكتور أسنان عامله وحاطه على البيدج عنده، وهوب اتعمل له بومينج بقى وصل لكل الناس. فأنا عملت له مثلا سيف مرة، فهقوم راجع للسيف بوست اللي أنا عملتها وأقوم داخل على الفيديو ده أو صفحة الدكتور وأقوم باعت له رسالة وحاجز عنده في العيادة، أو بلوج دكتور كاتب زي مثلا زي ما إحنا بنشوف دلوقتي أما بنكون بنسأل مثلا على جوجل مشكلة في الدرس الخلفي، هل ده ممكن تكون درس العقل ولا يكون درس تاني؟ فتلاقي فيه دكتور كاتب بلوج كده ويكون كاتب تحته اسمه ورقم تليفونه ورقم العيادة أو عنوان العيادة، فتقوم متصل وحاجز. فأيا كانت إيه التول اللي أنا جبت العميل بيها فدي اسمها في المرحلة بتاعتنا أو أول حاجة الاتراكت الاتراكت تولز أو الاتراكت ستيج أو المرحلة الأولى بتاعتي اللي هي جذب العميل. تاني مرحلة وهي الإنجيج، أو يعني إيه الإنجيج؟ يعني أخلي إزاي العميل دوت يتفاعل معايا أو العميل ده دلوقتي أقول له يعمل إيه؟ هو قرأ البوست بتاعك أو شاف أو شاف البيانات اللي أنت مديها له أو شاف النصايح اللي أنت بتقولها له. أيوه ما دام أنا شفت النصايح أو بعد ما شفت الإعلان أعمل إيه؟ فهنا بيجي حتة اسمها الكول تو اكشن اللي أنا أقول له كلمني على رقم التليفون، ابعت لي رسالة، أو سجل في الفورم دي وأنا أتواصل معاك، أو كلمني حالاً على رقم التليفون الأرضي واحجز مع العيادة بتاعتي. اللي هو بقول له الفعل، بزقه كده إن هو يعمل فعل، فدلوقتي أما أنا دخلت على البوست أو دخلت عند الدكتور مثلا لو في فيديو مثلا الدكتور بيشرح فيه إزاي تغسل سنك بالطريقة الصحيحة ومش كاتب كول تو اكشن في الآخر، اللي هو لو أنت بتواجهك أي مشكلة في أسنانك وعايز زيارة طبيب كلمني على رقمنا واحجز رقمنا في العيادة الفلانية. لو أنا مش كاتب الكول تو اكشن أو السطر ده الفيديو ما هو إلا فيديو تعليمي ومش أقدر أستفاد منه في السيلز بعد كده. فهي دي تاني حتة الإنجيج اللي أنا أولد من الإعلان أو من الفيديو أو إيا كان من الاتراكت تول أولد زبون إن هو يكون زبون جاي لي ويسجل معايا في الفورم. تالت مرحلة معايا في البيزنس من ناحية البيزنس سايد هي الديلايت. أنا دلوقتي خلاص أنا عميل جاي لي وجاي لي العيادة عندي وكشف، لقى في العيادة في رفاهيات أما باجي أقعد كده والدكتور بيعمل في أسناني ألاقي فيه شاشة قدامي شغالة عليها فيلم. ألاقي عندي العيادة شكلها نظيف، ريحتها نظيفة، الأدوات مجهزة، كل حاجة جميلة، السكرتيرة بتبتسم، السكرتيرة وأنا طالع بتقولي لو في أي مشكلة ابعت لنا يا فندم على الواتساب دوت قول لنا المشكلة فين، لو أنت عندك رأي في العيادة عايز نغير حاجة قولها لنا، الدكتور بيضحك الدكتور شكله كويس، المهم أنا انبسطت. أنا الزبون طالع مبسوط من العيادة، فروح أقول لأمي مثلا أما أروح أقعد مع أمي والله يا ماما أنا رحت النهاردة عند دكتور أسنان كانت عيادة حلوة جداً وزي الفل. قعدت مع واحد زميلي قلت له الكلمتين دول وهكذا، فأنا عملت بروموت للدكتور أو أنا حاجة اسمها الوورد اوف ماوث، وورد اوف ماوث. أنا رحت عملت دعاية للدكتور بمجرد بس أنا انبسطت من الخدمة أو رحت كتبت له ريفيو على الفيسبوك أو رحت كتبت ريفيو في في أي حتة في أي مكان في الانترنت أو دخلت عملت له كومنت على اليوتيوب. المهم اللي أنا عملت له حاجة اسمها الديلايت إن هو أنا كتبت ريفيو أو قلت ريفيو للدكتور إن هو راجل كويس. فبالتالي هتقوم العجلة راجعة تاني من اللي هو أنا طالما قلت كلمة كويسة، وهوب هيجذب زبون جديد، وبعد الزبون الجديد، وهوب هيعمل إنجيج جديد وهكذا وهكذا في العجلة دي. هو ده الشكل المثالي للانباوند ميثودولوجي من ناحية البيزنس سايد. أنا طالما نفذت العجلة دي فهي دي من ناحية فهي دي أفضل طريقة إن أنا أنفذها وأجذب بيها عميل للبيزنس بتاعي. شوية عشان الحتة دي معقدة فأنا هفتح دلوقتي اللي حد عنده سؤال يقدر يسأله دلوقتي.
[11:51]ها يا جماعة محدش عنده أسئلة ولا إيه؟ تمام. طيب الدنيا تمام، طب حد يقول لي حاجة، طب تمام ولا إيه بالظبط؟ تمام.
[12:06]تمام، نيجي بقى لليمة التانية وهي ناحية العميل أو ناحية الكلاينت. الباييرز جيرني، المفروض أنا دلوقتي فهمت ناحية البيزنس سايد خلاص أنا أجيب العميل إزاي؟ المفروض بقى أفهم من جانب العميل، العميل بيفكر في إيه؟ أو إيه الرحلة بتاعته اللي بيكون فيها لحد ما يوصل للبيزنس بتاعي. الباييرز جيرني من الآخر بتنقسم أو يعني هتلاقي فيها لو أنت كتبت بايرز جيرني دي كده على جوجل هتلاقي فيها خمسين ألف حاجة وفيها تفصيلات كتير وحاجات كتير. وهو الموديل أو الأوبتيمال موديل بتاعها هو تلات مراحل بالظبط. أويرنس ستيج، وكونسدريشن ستيج، والديسيشن ستيج، أنا آسف برضه أنا بقول مصطلحات باللغة الانجليزية لكنها والله واجبة وهتلاقي كتير بيتكلم بيها سواء على لينكدان أو أنت حتى لما تاخد شغل. الاويرنس ستيج اللي هو أول ما جيت آكل كده لقيت سناني وجعاني أو فيه حاجة بتوجعني، فأنت بتسأل هو إيه المشكلة اللي حصلت؟ يعني العميل بيبدأ يسأل إيه المشكلة اللي حصلت؟ تاني ستيج اللي هو أه ده فيه حتة في سناني اللي قدامي هي اللي بتوجعني، أنا حاسس بالوجع فيها، فأنا دلوقتي محتاج أدور على معلومة تفيدني إزاي أسكن المعلومة دي، فأنا مثلا أروح أقرأ مقال إن هو أه لو حطيت قرنفل الدنيا هتسكن، لو خدت كاتافلام مثلا الدنيا هتسكن شوية. خلاص أنا لقيت معلومة بس أنا محتاج برضه أزور دكتور أسنان، فأنا هبدأ كمان أدور على دكتور أسنان لو الموضوع استمر شوية وما سكنش ما جابش حاجة. فدي حتة الإدراك، أنا أدركت إن أنا عندي مشكلة في أسناني وأدركت برضه إن أنا محتاج أزور طبيب أو ألاقي حاجة تسكن لي العميل الألم ده دلوقتي. فروح لتالت نقطة على طول، اللي هو الديسيشن ستيج أنا خلاص هتواصل يعني مع عيادة من خلال فيسبوك، فأنا لما جيت دورت لقيت فيه عيادة اسمها عيادات المستقبل وعجبني شكلها وعجبني الصور بتاعتها خلاص أنا أخش أحجز معاهم معاد دلوقتي من خلال الصفحة بتاعتهم وأروح العيادة. فهي دي التلات مراحل اللي أنا بمر بيها أو اللي بيمر بيها العميل بتاعي قبل ما يجي يكلمني. اويرنس ستيج اللي هو حصل عنده مشكلة، تاني حاجة الكونسدريشن ستيج، إيه سبب المشكلة وأنا محتاج أعمل إيه عشان أحلها؟ تالت حاجة الديسيشن ستيج الحل اللي أنا أمسك دلوقتي وأخش بالحل على طول. فهي دي التلات مراحل بتاعت العميل، طيب العميل ده بيتميز بإيه؟ أو الكاستومر ده ليه صفات، صفاته بتكون إيه بالظبط؟ أول حاجة بيكون فيها الكاستومر سايد أو أو العميل بتاعي بيكون ليه اسمه دوت المميزات بتاعتها أو صفات بتاعته حاجات بديهي خالص، اللي هي أول حاجة الديموغرافيكس. ساكن فين؟ بيتكلم أنهي لغة؟ ميل ولا فيميل؟ اهتماماته إيه؟ بيحب يسافر، مع فلوس، الفئة بتاعته إيه الاجتماعية؟ هي دي حاجة اسمها الديموغرافيكس. هي عبارة عن الصفات الشخصية لأي شخص أو بتف أو أو بوصفه بشكل فعلي، أنا دلوقتي ما أعرفوش، أنا ما أعرفش أحمد ده صفاته إيه أو محمود ده صفاته إيه، لكن أنا هعرف إن أنا محتاج مين؟ شخص ساكن مثلا في مصر. أو خلينا نقول أكثر تحديداً الأول العيادة بتاعتي أنا ساكن في 6 أكتوبر، فأنا محتاج حد ساكن في 6 أكتوبر أو الشيخ زايد أو الحتت اللي حواليها والقريبة منها، بيتكلم اللغة العربية أو الانجليزية. يعني ممكن يكون شخص شوية تعليم عامل آسف في الفيسبوك بشكل باللغة الانجليزية فأنا محتاجه بيتكلم عربي أو بيتكلم لغة إنجليزية. تالت حاجة ميل أو فيميل الاتنين كده كده مش هيفرقوا معايا، لكن مثلا أما أكون أنا محل محلات ملابس حريمي فأكيد هختار مثلا فيميل. رابع حاجة لو أنا مثلا عيادة هاي كلاس شوية أو في أي بي وعندي تذكرتي غالية مثلا ممكن تكون 800 جنيه، ألف جنيه، وفي الأسعار دي خلاص أنا محتاج حد إيه كلاس؟ ممكن أختار مثلا حد معاه أيفون. هنيجي للتفاصيل بالظبط إزاي نختار إيه كلاس أو الكلام ده كله لما نيجي على الفيسبوك أو السوشيال ميديا أو جوجل ادز أو السوشيال ميديا بشكل تفصيلي. المهم إن هو الفئة العالية بتاعته، الفئة الاجتماعية بتاعته عاملة إزاي؟ هاي كلاس ولا كلاس اي، كلاس بي، كلاس سي، كلاس دي، أنا محتاج أنهي كلاس من من الأربعة دول عشان أوصل لهم؟ كذلك هو بيروح فين؟ بيسافر وبيجي على زايد، بيسافر أو بيجي على أكتوبر، كل التفاصيل دي بالظبط أنا بكون محتاجها. فهي دي حاجة اسمها الديموغرافيكس، صفات العميل بتاعي إيه؟ دي أول حاجة. تاني حاجة البيهيفير والإنترستس بتاعته. يعني إيه بيهيفير ويعني إيه إنترستس؟ البيهيفيرز اللي هي الطريقة اللي الشخص بيتصرف بيها أو بيعمل بها فعل اللي هي الاكشنز. ودي أكتر حاجة فيها بيكون موجودة جوه جوجل، أنا دلوقتي في جوجل لما بكون مثلاً خلاص أنا قررت أحجز عيادة وعايز دلوقتي دلوقتي أروح العيادة، فأقوم فاتح فأقوم فاتح جوجل كاتب إيه؟ عيادة في 6 أكتوبر أو أرقام عيادة في 6 أكتوبر، أقوم كاتب، فأنا خلاص أنا لقيت رقم، أقوم رايح على طول. ده شخص بيتصرف، هو شخص مش مهتم لا هو شخص داخل يتصرف على طول، عكس الانترستس، الانترستس اللي هو الكلاينت أو الكاستمر بتاعي بيدور على مواضيع خاصة بالأسنان، بيدور على مواضيع خاصة بالنصايح بتاعت الأسنان سواء في جوجل أو سواء في السوشيال ميديا. لكن ده بيكون أكترها جوه السوشيال ميديا، ليه؟ لإن السوشيال ميديا هي اللي بتقدر تعمل اتراكت، بتقدر تتبع الاهتمامات بتاعتك، إنما ما تقدرش تتبع البيهيفير أو دلوقتي بدأت تتتبعها شوية الخوارزميات اتطورت وبدأت تقدر تتتبع البيهيفير بتاعك وتعرف إنك بتتصرف ولا لأ، لكن الانترستس هي أكتر حاجة بتكون جوه السوشيال ميديا. السوشيال ميديا هي بتتبع الاهتمام بتاعك، سواء أنت كنت بتقرا مقال عن أسنان، بتسمع فيديو عن أسنان، فأنا لما اجي أتارجت بالإعلان بتاعي أو أكتب بوست بالإسنان، الفيسبوك بيهتم إن هو يوصلها للناس المهتمة بمواضيع الأسنان، عكس البيهيفير في البي بي سي كامبينز أو أو جوجل ادز كامبينز اللي هو ده شخص خلاص بيتصرف دلوقتي. ودخل يكتب دلوقتي فأنا لازم الإعلان بتاعي يكون مبوب، اللي هو أنا بدور على رقم عيادة تليفون بتاع الأسنان، فيكون الإعلان بتاعي كول أو اطلب رقم التليفون وأكتب تحت التعريف في العيادة، عيادة أسنان في 6 أكتوبر أو عيادة المستقبل 6 أكتوبر والعنوان بتاعها. فقط ليس إلّا، فده الفرق ما بين البيهيفير والفرق ما بين الإنترستس عشان لما نيجي تارجت نبقى فاهمين الفرق ما بين الاثنين. طيب، الحاجة الخامسة أو الحاجة آسف هتكون التالتة في في صفات العميل والخامسة في محاضرتنا هي الكاستومر نيدز. أنا محتاج أفهم قبل ما أكتب محتوى أو قبل ما أعمل إعلان، إيه المشكلة اللي أنا محتاج أحلها للعميل؟ أو إيه الخدمة اللي تناسب العميل بشكل صحيح؟ بمعنى إيه؟ دلوقتي أنت لما تروح تشتغل مع أي محل ملابس يجي يقول لك إيه؟ أجى أكلمه أقول له يا عم الحاج أنت إيه المميزات اللي عندك أو إيه المشكلة اللي أنت بتحلها للعميل بتاعك؟ يقول لك والله أنا مصاريف التوصيل الدليفري بتاعي سريع وأنا بفتح 24 ساعة وعندي ناس كويسين في الكلام، أيوه دي أساسيات أي بيزنس بيقدر يعملها.
[18:44]إيه بقى الحاجات اللي أنت المتميز بيها عن أي بيزنس تاني؟ يسكت، اااه رغم إن أنت هنا في المجال ده المفروض أو في أي بيزنس المفروض بتدور على حاجة اسمها البوينت اوف ديفرانس، وشوية هنجي لها هنجي لها في المحاضرة الجاية إن شاء الله. لكن خلينا نتكلم عنها بتفصيلة شوية دلوقتي عشان نفهم يعني إيه كاستومر نيدز. لو أنا فاتح محل ملابس إيه المشكلة أو إيه المانع إن أنا مثلا أتخصص في المقاسات الكبيرة أو المقاسات الاكس اكس لارج؟ إيه المشكلة؟ فأنا مثلا لما آجي أقول من مميزاتي، أنا والله متميز بالإكس إكس لارج، بس أنا عندي بقية الحاجات التانية يا جماعة عندي مقاسات تانية وعندي مش عارف إيه، لكن أنا متميز بالنقطة دي. طيب أما يكون مثلا مطعم، أنت بتتميز بإيه؟ ماكدونالدز أول ما يجي حد يسرت ماكدونالدز يجي الدليفري السريع 7 دقايق و8 دقايق دليفري، وبتحصل حتى في وسط البلد، فاللي هو هو بيتميز بكده. ده مشكلة أنت لقيت لها حل ووجهت بيها احتياجات العميل. ماكدونالدز مثلا بيوجه إيه؟ إن هو شخص جعان، هو مش فارق معاه بقى برجر أي حاجة، أغلب الناس ما بتبقاش فارق معاها وقت الجوع، إيه اللي هتاكله؟ على قد ما بيكون فارق معاها وقت الجوع امتى هيوصل، فهو ركز على الحتة دي ولبى احتياج من الكاستومر نيدز في الحتة دي حل لهم مشكلة فعلية. كذلك في الملابس برضه نفس الكلام، ممكن تكون أنت محل ملابس فاتح عادي لكن أنت بتقدم أسعار كويسة. فأنت هنا دلوقتي بتلبي احتياج طبقة كبيرة من الكلاينتس اللي أنا محتاج حاجة سعرها كويس، دي مشكلة أنت حلتها. وبالتالي هنا أنت بتكون خلاص أنت فهمت البيزنس إيه المشكلة اللي بيحلها محتاج تنقلها في المحتوى بتاعك. أنا شوية بربط الكلام بالمحتوى وبالمنتج لكن الكلام ما ينفعش يتفصل عن بعضه، وأما نيجي هنفصله وهنمسكه بشكل تفصيلي إن شاء الله. سادس حاجة معايا واللي تلم لي الكلام اللي إحنا قلناه ده كله هي الباير بيرسونا. البايير بيرسونا دي عبارة عن هي حاجة أنت بتحطها كده اسمها إيه؟ الأيديال كاستمر بتاعك أو الأوبتيمال كاستمر بتاعك أنا عايز العميل بتاعي شكله عامل إزاي أو صفاته عاملة إزاي؟ عشان أقدر أركز عليها وأقدر أوصل لها من خلال الكونتنت بتاعي ومن خلال لما أجى أدفع اعلانات بتاعتي أكون أنا متارجت بشكل صحيح وأكون كاتب محتوى بشكل صحيح. سواء أنا بقدم خدمة أو ببيع منتج، فيبقى كل حاجة ماشية مع بعضها. يبقى المنتج بتاعي أنا عارف هو بيلبي احتياج إيه أو أو إيه أو بيلبي الكاستمر نيد إيه، و صفات العميل بتاعي واحد اسمه إيه؟ ممكن يكون أساميهم إيه ما لناش دعوة بيها، أسألها دلوقتي في حتة تانية. ايه اللي صفاتها عاملة إزاي؟ ميل ولا فيميل؟ السن بتاعه، وايه وايه الكلام ده كله وأقوم حاطط الكريتيريا دي كلها مع بعضها بحيث أنا يكون عندي كل حاجة موحدة. فبالتالي لما أكتب محتوى أنا عارف أنا بكتب محتوى لمين، ولما أتارجت في إعلان أبقى عارف أنا بتارجت لمين.
[21:28]فهنا مثلا ده موقع خاص بالإيميل ماركتينج أو بيقدم خدمات الإيميل ماركتينج للناس أو الكلاينت بتاعه بيكون جاي محتاج حاجة تبعت إيميلات لعدد كبير من الناس وتقدر تقول له الإحصائيات بتاعة كم واحد فتح لي كم واحد فتح الإيميل اللي أنا بعته، الريش بتاعته قد إيه أو النسبة بتاعت الناس اللي فتحت قد إيه والنسبة بتاعت الناس اللي ما فتحتش قد إيه وهكذا. فهنا مثلا في الباير بيرسونا بتاعته بيكون محتاج يسأل الديموغرافيكس، السن قد إيه، الجيندر بتاعه، الايدجيوكيشن، الانكام ليفيل بتاعه، اللي هو وهكذا البيهيفير بتاعه بيتصرف إزاي؟ بيستخدم المنتجات إزاي؟ الانفورميشن اللي هو محتاجها عاملة إزاي؟ الجيوجرافيك هو ساكن فين؟ التحديات اللي اللي بيقابلها، اللي هي من الآخر اللي يحتاج اللي أنت محتاج تلبيه للعميل، هو عنده مشكلة إيه وأنت محتاج تحلها له؟ الانترستس اهتماماته عبارة عن إيه؟ الإيميل بريفرنس دي دي حاجة خاصة بيه هو. خلينا بعيد عنها شوية، تعال كده نشوف هو عملها إزاي؟ هنا الباير بيرسونا بتاعتها رقم واحد، أو الأوبتيمال، إدهلها اسم اسمها سارة، ديموغرافيك بتاعتها إن هو سنها 30 سنة. معاها بكالوريا أو بكالوريوس، الانكام ليفيل بتاعها ميدل كلاس اللي هي ممكن تكون كلاس بي. البيهيفير بتاعها بتحب التداول في البورصة أو عاملة سبسكربشن في فوربس، الاكشنز بتاعتها اللي هي بتعملها أو إن هي بتعمل ساين أب للبلوجز اللي ليها علاقة بنجاح الأعمال وهكذا. تالت حاجة الجيوجرافيك ده هي عايشة في أمريكا، الحاجات أو المشاكل اللي هي بتواجهها إن هي عايزة تقلل عدد الستاف بتاعها وت وتخلص كل حاجة بعدد صغير. وكمان عايزة تلاقي نيو تشانلز أو قنوات جديدة تقدر توصل بالبزنس بتاعها للعملاء بتوعها. تعالوا ناخد مثال تاني، دي واحدة أو ده آسف مطعم كوفي أو أو كوفي شوب صغيور كده فعمل الأوبتيمال أوبتيمال باير بيرسونا أو أوبتيمال بيرسونا للبير بيرسونا بتاعته. لواحدة حقيقية، واحدة بالفعل خد صفاتها وكتبها، فهتلاقي مثلا هنا كاتب تعريف عنها، سنها، الحالة بتاعتها إن هي مش متخرجة أو تحت سن التخرج. بتحب إيه، بتكره إيه، الكلام ده كله، أهداف بتاعتها، المفضلة هنا برضه هتلاقي كل بيزنس كده زي مثلا اللي إحنا هنا رجعنا للناس الخاصة بالإيميل. هنا بيقول لك إن هو مشاكل اللي بيواجه إيه في الإيميل بريفرنس وهكذا أو هو بيحتاج إيه؟ وهنا بيقول لك إيه اللي بيحتاجه في الكوفي بينز بتاعته أو المشروع القهوة بتاعته؟ هنا كذلك برضه في مثال بشكل توضيحي أكبر الباير بيرسونا تاني خلاص. هنا بيتكلم على الديموغرافيكس بتاعه اللي هو عندها 34 سنة، فيميل، متزوجة، عندها أطفال أو طفلين، اوبيريشنز مانجر ساكنة في مانشستر وهكذا. الفيفوريت ميديا بتاعتها السوشيال ميديا فيسبوك ولينكدان، الهوبز، الهواية بتاعتها وهكذا. فهي دي مثال تاني على الباير بيرسونا لحاجة تانية خاصة. هنا برضه مثال رابع هسيبكم تبقوا تشوفوه إن شاء الله في ال بي دي اف اللي أنا هرفعه أو البرزنتيشن اللي أنا هرفعها بإذن الله. خامس حاجة أو آخر حاجة أنا عايز أقولها اللي هي أو دي آخر حاجة هنقولها خالص اللي هي الإنباوند ماركتينج هو عبارة عن محتوى زائد كونتكست.
[25:09]يعني إيه الكونتكست؟ يعني أنت بتكريت الكونتنت بتاعك أو المحتوى بتاعك لمين؟ وهل هو مناسبه ولا لأ؟ الكونتكست تاني هو الجو المناسب أو الوقت المناسب للكاستمر بتاعك لما يوصل له المحتوى بتاعك.
[25:42]بدون كونتكست يبقى أنت الكونتنت بتاعك عبارة عن فوضى، حاجة ما لهاش أي ستين لازمة يعني حاجة كده بتظهر وأنت بتعمل في التايم لاين عمال تقلب كده، أنا بصيت على السنان مش عايز، بيقلب كده الإعلان بتاعك. فأنا مثلا دلوقتي أنا ساكن في القاهرة، وآسف أنا ساكن مثلا في المنوفية بشبين، وفيه محل عامل عروض في القاهرة في وسط البلد. وجاي والإعلان جايبني جايب عليا الإعلان، وأنا مثلا الأوفر هيخلص مثلا الساعة 8 مساءاً وأنا دلوقتي الساعة 6 وهو ظاهر لي، يا مجنون مين ده اللي أنا أروح له وسط البلد دلوقتي عشان آخد الأوفر؟ إن شاء الله ما حد خده، تمام؟ وكمان معندوش دليفري، فهو ليه يظهر الإعلان؟ فبالتالي ده نويز بالنسبة لي وكمان ويست اوف ماني يعني أنا دلوقتي بضيع الفلوس بتاعتي بتاعت الإعلان وهكذا. فهو لو الكونتنت مش مناسب، الكونتنت بتاعي عبارة عن نويز. الكونتنت الكونتكست بتاعي مش مناسب، الكونتنت بتاعي مالوش أي أهمية، وكل اللي قلناه ده مالوش أي أهمية. فبالتالي أنا محتاج أحدد باير بيرسونا كويس، أحدد صفات العميل بتاعي بشكل كويس. أفهم البيزنس بتاعي كويس، أفهم البيزنس بيحل بتاع مشاكل عاملة إزاي، أفهم العميل بتاعي كويس عشان أقدر أقدم محتوى مناسب فأقدر أجيب زبون من الآخر. أنا هنا كده خلصت المحاضرة بتاعتنا إن شاء الله، و دلوقتي هقدر أستقبل استفساراتكم لو لكم أي استفسار، اتفضلوا أنا معاكم فيه. ها يا جماعة محدش عنده أسئلة تانية طيب؟
[27:34]طيب الدنيا تمام، طب حد يقول لي أي حاجة، طب حد يزمر لي طيب، الناس كلها ساكتة كده. طيب تمام الحمد لله، طيب دلوقتي خلاص دي كانت آخر دي أول محاضرة، ودي المحاضرة التعريفية بالكورس بتاعنا. إن شاء الله في المحاضرة الجاية هنتكلم عن إيه؟ في المحاضرة الجاية هنتكلم عن المنتج، إزاي نفهم المنتج بتاعي، أنا دلوقتي لو حد جاي وقال لي يا أحمد أنا محتاج دلوقتي أنا معايا شوز حريمي أو أكثر من موديل ومحتاج أسوق له. أو حد تاني يقول لي أنا عندي محل ملابس ومحتاج أسوق له، أو خلينا نمسك في مثال العيادة بتاعة عيادة الأسنان ومحتاج أسوق لها، إزاي أفهم البيزنس ده؟ بالأخص كمان أنت راجل داخل على التسويق الالكتروني أنت هتحتك بكل حاجة في البيزنس، تقريباً أنت يعني أنا مرّ عليا أنواع بيزنس كتير يمكن يعدوا 80 80 مجال. كلهم بيبقوا مختلفين عن بعضهم، حتى في نفس المجال الواحد تلاقي واحد مختلف عن تاني إزاي أفهم ده؟ وإزاي أقدر أتجاوب معاه والكلام ده كله ده إن شاء الله بإذن الله تعالى هنبدا نتكلم عنه في المحاضرة الجاية، وفي المحاضرة اللي بعديها هيكون يعني لو قدرنا نخلصها في المحاضرة اللي بعديها فهيبقى دي نهاية المحاضرة بتاعتها هتكون نهاية المرحلة النظرية. وهنبدأ بعديها إن شاء الله في الفيسبوك تولز وازاي نفهم العميل والكلام ده كله. لكن في النهاية أنا يهمني المحاضرة دي هتكون مسجلة إن شاء الله ومرفوعة، لو حد فاته حاجة وعايز يراجعها فالمحاضرة دي هتترفع إن شاء الله على برايفيت بلاي ليست أو المحاضرة الأولى مش هتكون برايفيت. هتكون ببليك فتقدروا تشوفوها وتقدروا تتفاعلوا معاها بإذن الله تعالى. أما بعد كده بإذن الله لو أي حد أه في تاسك مهم جداً هبعت لكم إن شاء الله على على جروب الواتساب مهم جداً تعملوه، ومهم جداً اللي ما دخلش جروب الواتساب يخشوا عشان هقدر أتابع معاكم التاسكات بإذن الله تعالى وأقول لكم هقدر استلم منكم امتى. التاسك عبارة عن أنك هتعمل باير بيرسونا لأي عميل هتفترضه في دماغك أو خلينا نقول لو أنت مش في دماغك أي عميل، خلينا نقول أن أنت هتعمله لعيادة الأسنان، فأنت هتعمل باير بيرسونا وتوريها لي، تعملها بأي شكل، المهم تعملها بالفهم اللي أنت فهمته في المحاضرة، بحيث أن أنا أشوف مستوى فهم الناس وصل لفين، أو لو في مشكلة نقدر نشرحها بإذن الله تعالى. أنا كده خلصت، سبحانك اللهم وبحمدك، أشهد أن لا إله إلا أنت، استغفرك وأتوب إليك، وصلى الله وسلم على سيدنا محمد وعلى آله وصحبه أجمعين، والسلام عليكم ورحمة الله وبركاته.
