[0:00]ازاي تكون واثق من نفسك؟ والحقيقه احنا هنا لازم نعرف ايه هو المقصود بالثقه في النفس، الثقه بالنفس مش معناها ان حضرتك تخش بصدك ولا ان ردودك تكون جاهزه ولا انك بتعرف تتعامل في اي موقف مش ده المعيار، الثقه بالنفس ببساطه هي ايمان الواحد مننا بنفسه وبقيمه وبافكاره. عشان كده الثقه بالنفس هي فكره اصلا جوه الدماغ. البني ادم موجود في دماغه دايما افكار، ثبات الافكار دي واهتزازها بتحدد الى حد كبير ثقته بنفسه خصوصا لو افكار دي تجاه نفسه. بتتحركوا بارتباك او بثبات، فكره بتدعمك او بتكعبللك. حضرتك هتقول لي طيب ما الغبي واثق من نفسه وقيمه وافكاره، هقول لك ويل للعالم من غبي واثق من نفسه. او هو واثق من نفسه لو هنتكلم بقى بجد هو واثق من نفسه حد الحماقه بينما كلامنا هيكون في محاوله ان حضرتك تثق في نفسك حد الحكمه. عندنا 10 دروس لا يغنوك ابدا لا عن القرايه ولا عن التعلم ولا عن التطور لكنهم بيحملوا وجهه نظر ادعي بان هي تستحق التامل الدرس الاول. الدرس الاول بيقول ان الثقه بالنفس هي انك تكون انسان حقيقي راضي وممتن وفخور بما لديك. ممكن حضرتك ممكن حضرتك ما تكونوش عارفين انتم بتمتلكوا ايه فمهزوزين. مش عارفين ربنا وهبكم ايه فمرتبكين عشان كده. الانسان الواثق من نفسه الحقيقي لازم يقعد مع نفسه ويعمل لها جرد ويمسك نقط ضعفها ونقط قوتها ويراجعهم. ويكون فاهم وواعي ان ما فيش بني ادم مهما كان شاطر في كل حاجه، في جانب الانسان ده هو مغفل فيه. الذكي مش بيبين الجانب المغفل ده مش اكتر. بمعنى ان حضرتك لما تعرف نقاط قوتك هتستغلها. نقط ضعفك فاما هتعالجها لو ده ممكن او تخفيها تخفيها يعني ما تدخلش اختبارات بتظهر نقط ضعفك. وانت مش هتدعي دي نقطه مهمه، مش معنى انك هتخفيها انك هتتدعي ولا تكذب انت بتنقى بنفسك عما يمكن ان يظهر مناطق ضعفك مش من منطلق ان على راسك بطحه بتخفيها لا. انت يجب ان تكون مستعد للاعتراف باي مشكله عندك الا ان لم يكن هناك بد. خليني اضرب لك مثال بنفسي. انا مثلا عندي مشكله ان ذاكرتي ضعيفه في الحفظ بواجه صعوبه. عشان كده بخفي ده، لما باجي بستشهد بحديث او كلام لمفكر او حكيم انا ذاكرتي ما بتخلينيش احفظ النص بالظبط فيه ناس بسم الله ما شاء الله تلاقي يقعد يقول لك وفلان قال وفلان عاد والمفكر الفلاني انا ما اعرفش انا فاهم هو قال ايه لكني مش حافظ بالنص. ودي نقطه ضعف في اي واحد بيقدم محتوى للناس. عملت لنفسي طريقه بدخل فيها الحكمه دي او القول ده او الحديث ده بشكل ما بيظهرش اني مش حافظه فاقول لك مثلا ايه؟ سيدك النبي. في يوم من الايام عليه الصلاه والسلام دخل المسجد فلى واحد من الصحابه بيساله سؤال عادي منطقي ممكن اي حد يساله وام اكمل في الحكايه مش في الحديث. ولاني فاهمه بس مش حافظه فانت هتشوف ان صعب اكون مش عارف الحديث ومش حافظه كويس. بالعكس هتشوفني شاطر قدر يخليك تشوف الموقف حقيقي وواقعي وبيتحرك لكن الحقيقه ان دي نقطه ضعف عندي. بس بدل ما ترهقني دفعتني لطرح بديل غطى على نقطه الضعف تماما. بتلاقيني يقول لك من حكم العرب قال العرب قديما وانا عارف النهايه انه اللي قالها اه ممكن يبقى حاتم الطائي مش فاكر اسمه فخلاص حاتم الطائي من العرب فاقول لك ايه؟ قالت العرب قديما من امثال العرب وهكذا. الشاهد اللي عايز اقول لحضرتك اعرف نفسك اتعامل مع نقط قوتها وضعفها بالتطوير من جهه والاداره الذكيه من جهه اخرى. الدرس الثاني عشان حضرتك تكون واثق من نفسك اسمه احذر المقارنه. انا وانت بنعجب بناس كاريزمه فلان طلاقه علان الثبات وفن الرد عند س او ص. ده كله ما فيش فيه مشكله الافضل نجتهد نتعلم بيعملها ازاي مش ننبر بيها. ما نغرقش جواه ده غلط خلي بال حضرتك اسوا مدمر للثقه بالنفس هي المقارنه، يعني انت شايفني دلوقتي بتكلم، حضرتك شايفني بتكلم. فحكمك عليا ان انا جامد ليه؟ عشان انا بتكلم حلو. فتقوم تقارن نفسك كلها بميزه عندي ان انا بتكلم حلو. لكن انت مش شايفني بتكلم حلو وانت بتتكلم على قدك لا انت شايفني جامد وانت لانك اعلم بمشاكلك واعلم بنقط ضعفك فشايف نفسك على بعضك سيء. وده غلط وده مش صحيح وده ظلم ليك. لو قارنت نفسك كلك بيا كلي هتعرف اصل المشكله ولذلك. لازم تبني على شخصيتك انت اتعلم من س اتعلم من ص اتعلم من نون بس تفضل انت. ولو انت مش مالي عين نفسك فده في الغالب بسبب اما تجارب غير موفقه مريت بيها او تربيه وبيئه ضغطوا عليك او لانك ما تعرفش نفسك كويس. غلط جدا تقارن نفسك بشخص تقارن كلك اللي انت عارفه بما سمح ليك الاخر انك تعرفه عنه فتشوف الجاب كبير. حتى النجاح. ما تقارنش انجازاتك بانجازات حد. ما حدش اصلا يعرف النعمه من النقمه. قارن نفسك بنفسك دي المقارنه الوحيده المحموده، قارن نفسك المتعثره بصورتك اللي تتمناها لنفسك المتسقه مع ما تراه وتستحقه لنفسك. وعايز اقول لك على حاجه في كتابه قلق السعي الى مكانه للكاتب الان دو بوتون. بيقول لك ان المجتمع المجتمع اللي انت عايش فيه هيحطمك خصوصا لو كان مجتمع راسمالي قائم على تمجيد النجاح والاحتفاء بمظاهره. والضغط المستمر عليكم حصرتك بنماذج بتستفزك انك هتكون ناجح يا تنصاق. بيقول لك ان ده بيخلق عندك جواك صوره متدنيه للذات، طبيعه الانسان طبيعه اي انسان اي بني ادم مننا لو بصينا على لو قدر لنا ان نقرا شيء على جبينه فنلاقي مكتوب شوفني احترمني قدرني. طبيعه الانسان البحث عن كينونه ومكانه وقيمه وما حدش هيرحمك. وهيطلعوا لك طول الوقت نماذج للمحاكاه والمقارنه ويحسسوك بالوضاعه لو انت مش ماشي على مسطره المقارنه دي. ارجوك ما تعملش كده قارن نفسك بنسختك اللي تتمناها من نفسك، اي مقارنه ثانيه مدمره. الدرس الثالث علشان تكون واثق من نفسك. بيقول ان الثقه بالنفس تدريب وممارسه وتعلم مستمر. ايه هي الثقه بالنفس هي دي؟ تدريب وممارسه وتعلم مستمر، شوف. انا مش هقول لحضرتك ان لو بني ادم عمل حاجه فاي حد يعرف يعملها انا مش مؤمن بالكلام ده. دي فروقات بين الناس وفي استعداد نفسي في ابعاد لكل شخصيه بتحددها. لكني مؤمن ومؤمن جدا جدا ان لو عايز وعندك اصرار وادوات علشان تفعل شيء خلي بالك قلت اصرار وادوات يعني امكانيات. انك تعمل شيء يا اما هتقدر تعمله يا اما هتحط ادعائك على الاختبار هتقدر تقيمه كويس مش هتكون خسران هتجرب وتتمرن تعمل اللي انت شايفه يليق بيك. يا تنجح يا تعرف ان الطريق ده مش مناسب ليك او الطريقه دي مش مناسبه ليك وتشوف اللي بعده. لكن لو خايف تجرب ومرعوب تتقدم منطقي تفضل محلك سر. الثقه بالنفس تعليم وتدريب مستمر لا يوجد شيء ينضجنا مثل التجربه ولا يوجد شيء بيزيد من ثقتنا بنفسنا قد التدريب والمواجهه العمليه العقبه بس هي انك بتخاف تجرب لا تفشل فالفشل ده يعزز عندك الشعور بالفشل. والشعور بالارتباك ونظام الثقه بالنفس يزودها، فانت مش عايز تجرب. عشان ما تثبتش نفسك انك انت فاشل فثقتك ما تهزش اكتر لا طبعا. لا اصلا تعريفك الفشل غلط الفشل مش انك ما تتوفقش والا اكثر الناس نجاحا هيكون اكثرهم فشلا. الفشل انك تنكسر وترفع الرايه البيضاء. اما الوقعه الهدره الكعبه وحتى ضحك الشامتين والسخريه ده جزء من المشوار واستمتع بيه حتى لو كان صعب شويه. عارف ان الحاجات دي بتوجع، تعامل معاها زي الخدوش او الكسور اللي حصلت في جسمك مش دراعك اتكسر مره وجعك وقتها بس اتلم. وعدت وعلمتك حاجه نحفظه الثقه بالنفس تدريب ومعفره وده محتاج ودن مسدوده. مش بس عن كلام الناس لا وعن كلامك لنفسك اسمع وفكر في الكلمه دي هتلاقي والله ان هي كلمه السر. الدرس الرابع علشان تكون واثق من نفسك. احنا قلنا ان المقارنه عدو الثقه بالنفس الاول. العدو الثاني هو النقد القاسي. كلنا بنتخيل اننا لما نيجي على نفسنا فاحنا بنربيها. لا التخيل ده غلط مش دايما ده صح. بنتخيل ان لما بنقول لنفسنا عن نفسنا حاجه فده بيبقى حقيقي لان احنا اكتر ناس عارفين نفسنا. التجربه اثبتت ان ده كمان مش حقيقي واننا بنجلد نفسنا في تقييمنا لذاتنا ولما بنجرب بنكتشف ان احنا كنا غلط وحكمنا على نفسنا كان غلط ونقدنا على نفسنا كان قاسي.
[10:51]وحاول تتعامل بذكاء وبهدوء مع النقد القاسي اللي جاي كمان من الناس الثانيه. خلي بالك خلي بالك في حاجه اسمها نقد جائر اللي هو ايه؟ ايه النقد الجائر؟ هو نقد غير صحيح وغير موضوعي وده مرفوض شكلا وموضوعا واساسا وبناء. في بقى غير النقد الجائر ده اللي هو غلط وعايز يحطمك في نقد حقيقي بس قاسي ما بيراعيش لا ملابسات ولا حاطط الموقف في سياقه. نقد حقيقي لكنه قاسي في الغالب لا يخلو من مبالغه وتضخيم بيفترض بيدي احكام. انا يعني انا اه ضعيف في الحته دي والنقد هنا صحيح بس مش بالشكل ده. وعليه اولا ما تصدقش كل كلامك عن نفسك ولا كلام الناس عنك، صدق التجربه بعد ما تاخد باسبابها. والنقد مهم بنحترمه بناخد بيه بس لما يكون موضوعي وبيبن ما بيهدمش. ببساطه النقد الموضوعي هو اللي بيخلينا نتطور. يعني يقول لك انت غلط في دي وكان المفروض تعملها بطريقه مختلفه جرب تاني، ده نقد موضوعي. النقد القاسي بيعطلنا ويفقدنا الثقه في نفسنا، النقد الجائر بيحاول يحطمنا تماما ويبعدنا عن الطريق احفظ الثلاثه دول واعرف تفرق ما بينهم علشان تعرف توجههم. الدرس الخامس افهم صوتك الداخلي. علم النفس بيقول لك ان في ناس كتير ناجحه عايشه في اللي بيسموه متلازمه المحتال. بيكون هو ناجح بس مقتنع ان حتى لو لو فضل شويه في النجاح ده الناس هتكتشف ان نجاحه كان صدفه. وانه مش جامد ولا حاجه شايف نفسه محظوظ. جايه معاه كده. بيسموها ايه؟ متلازمه المحتال وحاسس ان هو في مكان مش بتاعه خدوا ايه؟ في غفله. فنلاقي نفسنا بدل ما نستثمر الخطوه الناجحه اللي احنا خطيناها بنخاف اكتر. ده صوت داخلي اللي بيحاول يشككنا حتى في انجازنا. صوت ثاني داخلي سلبي اللي هو التفكير الكارثي، في ناس عايشه دايما في التفكير الكارثي. يعني مخك يقعد يفترض اسوا السيناريوهات. وهو مش ممكن يحصل اه ممكن كل حاجه في الدنيا ممكن تحصل بس انت ساعتها هيحصل يا لهوي هعمل ايه واسوي ايه؟ تخش مشوار من القلق ترجع منه منهك ومهزوز. الحل ما دامت المشكله في دماغك يبقى الحل لازم يكون من دماغك. مقاومه الفكره بفكره انك تكرر على نفسك دايما ان التجربه تستحق وانك مش مطلوب منك تنجح طول الوقت. وانك هتتمرن وتاخد بالاسباب وتستعد وتسال ربنا سبحانه وتعالى التوفيق. واللي بره ايدك ما تشغلش بالك بيه. والتر كندي سنه 1961 عالم نفس طلع علينا بمصطلح اسمه نوسيبو ايفيكت. وسيبو ايفيكت تعريفه هو قدره العقل على خلق مرض حقيقي بناء على توقعات سلبيه. خلي بالكم بيقول ايه؟ ان الانسان ممكن يتعب تعب حقيقي يعني يحس بمغص حقيقي صداع حقيقي.
[14:17]بناء على فكره سلبيه. كان بيقول الفرضيه دي كعكس الفرضيه الثانيه عارفين انتوا تاثير الدواء الوهمي لما كانوا بييجوا يختبروا دواء كانوا بيجيبوا عينه بيودوا لبعضهم حبوب من من من الدواء اللي هم بيجربوه وناس ثانيه تاخد حبوب عاديه جدا ما لهاش عاديه جدا خلاص. شيكولاته عادي يعني ابلع ما فيش حاجه فكانوا بيتفاجئوا ان في ناس من اللي خدت الحبوب الثانيه خفت فعليا. خلاص. ربنا الدواء فيك مش حقيقي. وقتها قالوا لك ان المخ بيقنع الجسم ان الدنيا حلوه والحبايه دي خلصت كل حاجه. مش بيوهم الجسم. بيخف فعلا فسموه تاثير الدواء الوهمي مش التاثير الوهمي للدواء الوهمي لا تاثير الدواء الوهمي. وسيبه بقى عكسها اللي قالها الراجل وسيبه افيكت دي. يعني الانسان مننا ممكن يتدهور وضعه وتصيبه تاثيرات سلبيه حقيقيه لمجرد ان هو توقعها. وزي ما في مرضى خفوا بسبب ده وهمي في مرضى او ناس اصحاء تعبوا واصبحوا مرضى بجد لما قال لهم الدواء ده عرضوا الجانبي بيجيب حساسيه مثلا فتلاقي طالع له حبوب. مع انه خد سكر نبات. لكن النظريه دي بقى بتقول عباره مهمه جدا خلي بالك بتقول ان الدراسات وجدت ان الاشخاص الذين يعتقدون انهم يعانون من مشكله او حساسيه تجاه شيء ما حتى وان لم يكونوا كذلك قد يصابون باعراض تشبه اعراض الحساسيه الحقيقيه. ليه؟ لان المخ بيقوم بتنشيط المسارات العصبيه كما لو كان المرض حقيقي. النتيجه يسبب اعراض حقيقيه. سنه 2009 كليه الطب بجامعه هارفارد قالت عباره خطيره جدا بخصوص موضوع الدواء وتاثيره. اتمنى انك تكتبها على جنب لان هي هتفيدك بتقول ان الوعي بالاثار الجانبيه يزيد من احتماليه التعرض لها. حضرتك لما بتجيب دواء بتقرا النشره صح وده مهم صح. هم بيقولوا لك ان ممكن الاثار الجانبيه تجي لك لو كنت واعي بيها. ايه دخل الكلام ده بموضوع الثقه بالنفس؟ انه بيخلينا نتاكد من اهميه الشك في صوتك الداخلي السلبي ووضعه في الاختبار زي ما قلنا في النقطه اللي فاتت. ونتمرن عشان ننفي الاحساس او القناعه دي زي ما قلنا في النقطه اللي قبلها. العقل ممكن يخلق جنه وممكن يخلق نار، راقب نفسك وشوف بتقول لها ايه وانتم لوحدكوا علشان والله الموضوع ده مهم. الدرس السادس. تعلم الذكاء الاجتماعي. يعني ايه ذكاء اجتماعي؟ في عالم نفس امريكي اسمه جاردر، الراجل ده قال لك ببساطه في التمرينات قال لك يا جماعه حرام نقيم الناس على اساس نتائجهم في الدراسه. او الذكاء المعتمد المعتمد على على الاي كيو. معدل الذكاء ليه بتقول كده؟ قال لك لعيب الكوره بليه مثلا ممكن يبقى فاشل في المدرسه بس ذكي ذكاء حركي حريف. الموسيقار زي مودزرت مثلا ممكن ما يبقاش شاطر في العلوم والرياضه بس عنده ذكاء هو سماه موسيقي. ممكن تبقى مش شاطر في المدرسه وبتكره التعليم بس عندك قبول وبتعرف تدير نقاش وبتعرف تكتسب ثقه اللي قدامك. ده اسمه الذكاء الاجتماعي. كل انواع الذكاءات اللي قالها مساحه التطور فيها مش كبيره. يعني لو مش مولود ميسي مش هتبقى ميسي، لو مش مولود الشيخ المنشاوي مش هيبقى صوتك زيه، ولو مش مولود الاي كيو بتاعك عالي مش هتعرف تبقى عالم. لكن الذكاء الاجتماعي بقى ممكن تتعلمه وتتدرب عليه وتطوره ده قابل للتطور. طب ايه اهميه الذكاء الاجتماعي؟ ليه قلته مهم في الثقه بالنفس؟ جاردر نفسه العالم ده قال كلام مهم جدا قال ان كل انواع الذكاءات ممكن تتعطل او ما تاديش دورها لو صاحبها غبي اجتماعيا. وممكن تزيد نتائجها اضعاف لو صاحبها ذكي اجتماعيا يعني ممكن تبقى دكتور مهندس محامي راجل اعمال خلاص بس ما عندكش ذكاء اجتماعي اتام. فالناس بتقفل منك ما تعرفش تتعامل. على الجانب الاخر ممكن تبقى نص نص لا ذكاء ولا عبقريه ولا يعني بتفهم وهي طايره بس ذكي في فهم الناس وقادر انك تكسب حبهم. المهاره دي مهمه جدا جدا في البزنس لان هي ممكن تسد جاب فتلاقي ناس تفوقوا ما هماش عباقره بس ذكاء اجتماعي. ومهمه كمان في موضوع الثقه بالنفس. انا ان شاء الله هعمل حلقه عن الذكاء الاجتماعي بس انت المفروض ما تقفش على حلقه. ابحث ودور هتلاقي حاجات كتير مفيده وناس احسن مني ومتخصصين اكتر هيقدروا ان هم يعرفوك ما هو الذكاء الاجتماعي. وخلي بالك برده الذكاء الاجتماعي مش معناه الكاريزما. برضو عشان تبقى عارف انت داخل على ايه؟ انا مش عايزك تبقى كاريزما وكياده لا. ما لناش دعوه بالموضوع ده، الذكاء الاجتماعي هو في حقيقته ارشادات علشان تعرف تخبط على نفوس الناس صح. تخبط عليهم صح مع تغير امزجتهم ودوافعهم ومخاوفهم ومتطلعاتهم وبالتالي ما تصطدمش معاهم. تعرف الذكاء الاجتماعي انك تعرف ازاي ودي اهم نقطه هنتعلمها في الذكاء الاجتماعي ندير خلافنا مع الاخرين. دي نقطه مهمه جدا ان احنا ممكن نحول خلافاتنا مع الناس الى نقاط اتفاق لو عرفنا نديرها بشكل ذكي اجتماعيه. الدرس السابع اتعلم تسكت. السكوت مش ضعف خالص يا اخويا انت بتفكر ان الشخص اللي واثق من نفسه على طول عنده ردود وكلام لا خالص. اكثر الناس ثقه في انفسهم ما بيتكلموش كتير.
[20:17]اسمع اكتر ما تتكلم. تعلم تسال الجهل مش عيب على فكره بالمناسبه والمفروض ما يخليكش مهزوز الثقه بالنفس لا خالص. الجهل عمره ما كان عيب التعلم هو اللي عيب ادعاء المعرفه هو اللي عيب. واللي بيعملوه هم مش واثقين من نفسهم اللي واثق من نفسه يقول ما اعرفش عادي جدا يسكت ويسمع عادي جدا. تعلم تعتذر. تعلم تعتذر، الاعتذار مش ضعف واياك والادعاء. واللي عايز يعرفك على وضعك اهلا وسهلا اللي عايز اقوله لحضرتك ان الصمت فن ومجاهده اذ الكلام شهوه وكثيرا ما ورطنا بسبب لسان لم يلجم ورغبه في الظهور لم يكن لها داعي واستفزاز ردينا عليه لم يكن ابدا من الحكمه الرد عليه. الصمت وفنونه جزء من مهارات الذكاء الاجتماعي. لكني حبيت اوضحه بنقطه مستقله لنفي فكره ان اللي ساكت مش واثق من نفسه وان الثقه بالنفس ان يكون دايما كلامك حاضر ولسانك جاهز واستاذ في فنون الرد والقصف، كل ده كلام مش صح الواثق يعلم متى يتكلم وفيما يتكلم ومتى يسكت. الدرس التامن. في واحد واثق في العلم. واحد الانسان بيثق في العلم ولان هو متعلم فواثق من نفسه. وفي واحد ثقته من اسمه وعيلته، وفيه اللي ثقته من مركزه الاجتماعي. من غيرهم الناس دي من غير الحاجات اللي بيرتكزوا عليها ما يعرفوش يواجهوا الحياه انا بشوفهم كتير. مجرد ما يقلع البدله بيبقى قوي جدا وشكله واثق من نفسه لما بيقلع البدله ما بقاش واثق من نفسه يبقى انسان مهزوز. وبتتغير حسابات كتير في دماغه ودماغ الناس. نصيحتي ليك نصيحتي ليك استمد ثقتك من الله سبحانه وتعالى. وبالمناسبه دي مش كلمه بنتبارك فيها وان كان ذكر الله سبحانه وتعالى بركه في كل مكان وفي كل زمان وفي كل وقت. لكن انا انا بقصدها حقيقه الثقه في الله معناها ايه؟ يعني ايه اثق في الله؟ يعتق في حكمته في عدله في رحمته. شايف الثلاثه دول هم دول ثقتك، لو وثقت في الثلاثه دول في ربنا سبحانه وتعالى يبقى عندك ثقه في نفسك. حكمته ان كل شيء مخلوق بحكمه، عدله انه عدل سبحانه وتعالى واي عوج انت شايفه فالعوج ده حتى وان كان فيه ظلم باين بس ليه عدل عنده سبحانه وتعالى ورحمته انك تبقى عايش طول الوقت وانت مدرك ان الله سبحانه وتعالى رحيم رحيم رحيم بعباده مهما كانوا عصاه ومهما كانوا سيئين. ثقتك في ربنا وفي الثلاثه دول لو صدقتهم فعلا وامنت بيهم ما فيش حاجه في الدنيا هتقلقك ولا هتملى عينك. مش تمتم شفاي لا بيقين. فعلا انت لو بتثق في ربنا هتكدب فهمك ومش هتكدبه. بص يا صديقي احنا لوحدنا في الدنيا دي ضعاف ومحتاجين محتاجين ظهر مش مستخبى وراه لا نستمد منه القوه واليقين والثبات. ولا باس من ان نفر اليه على الفزع حتى نستكين، ثقه الانسان ان ربنا معاه. ربنا معاه بيحبه بيدبر له الخير جزء مهم في ثبات خطوتك وهدوءك واتزانك النفسي. ابني ثقتك في نفسك على اساس من ثقتك في ربنا سبحانه وتعالى وهتعرف ازاي المامات اتظبطت في عينيك وازاي حاجات كتير كبيره صغرت وازاي حاجات بسيطه بقت في عينيك غاليه. ثقتك في الله هتخليك عارف تسعر نفسك وكل اللي حواليك، الدرس التاسع الصبر. لما فكرت شويه لقيت جزء كبير من اهتزازنا جاي من عدم قدرتنا على الصبر. مرتبكين فيا فمش واثقين من نفسنا. وللاسف احنا بنفهم ان الصبر مرادف للتردد حاجه سلبيه. لا وخصوصا طبعا الناس كلها حوالينا بتجري وبتلحق والكلام ده فاحنا طول الوقت شايفين ان احنا متاخرين ف ف فده غلط. لا لا لا لا لا الواثق من نفسه بيعرف كويس الفرق بين التردد والصبر. فتلاقيه انسان متشائم عند التخطيط بيحط كل السيناريوهات السيئه يفكر يسد في الثغرات لكنه متفائل عند التنفيذ واذا عزمت فتوكل على الله. اه افكر من افكر بس مش لدرجه ان التفكير ومخاوفي تمنعني لا كويس انك تفكر في السيناريوهات السيئه وتحط لها مواجهه لكن بمجرد ما تبدا تشتغل شيل بقى الايه؟ كل السيناريوهات السيئه دي ويبقى عندك تفاؤل في الله سبحانه وتعالى. ليه بنفكر في السيناريوهات السيئه عشان نبقى عندنا رد فعل لو حصلت وما نتفاجئش وننحطم ونتكسر. ح على فكره حتى امي ربنا يديها الصحه كانت تقول لي كده ما تزغرتش قبل ما تتنصف. الواثق من نفسه فكر خد بالاسباب عزم نفذ وفي نفس الوقت عارف جدا قيمه الوقت في انضاج الطبخه وقادر ان هو يصبر. الدرس العاشر والاخير قول انا مش لاعب. عايز تبقى واثق من نفسك قول انا مش لاعب مش لاعب لعبه نمبر 1 ومش لاعب لعبه انستغرام ومش لاعب لعبه افعل التفضيل ومش لاعب لعبه المنافسه يصير البقاء مش لاعب. مش هرقص على لحنك ولا هميل على طبلتك. شوف ايه يبسطك شوف ايه يرضيك، شوف ايه يمك مرتاح واعمله.
[26:21]خلاص صعب. انجح مره، اكسر ده مره والمره يبقوا اثنين واحتفل بانتصاراتك الصغيره احتفي بانتصاراتك الصغيره حتى لو العالم كله ما شافهاش. اتعود تكافئ نفسك مش مهم ما تستناش الثناء من الاخرين كافئ نفسك ما دام العالم بيكافئ ناس تانيين. اسعد بانجازاتك وطبطب عليها وحبها، اوعى تستسلم لمعايير انت شايف انها ما تخلقتش عشانك. لا لا لا انت مطالب تثبت حاجه لحد ولا عايز تصنيف من حد انت انسان مسؤول بتدي دورك لكن المهم يكون دورك بجد وقع وامن بنفسك وتشكك في نفسك فالصوت السلبي اللي جاي منها كلنا الحقيقه بنقع وبنتعطر. وبنرجع نهدى ونبقى كويسين وياما طلعت مننا في وسط التعطره وفي وسط الارتباك رصاصات طايشه الاخطاء ممكنه وبعض الرصاصات الطيشه بتعدي الا لو واحده منها لبست هنا. اخر نصيحه حتى الاخطاء عايزه عقله.
