[0:00]Hello students, welcome to Magnet Brains. Hum jo apni book padha rahe hain aapko aroh bhag ek. To uska jo ab naya chapter hamare samne aaya hai, wo hai galta loha. Ye galta loha likhit hai Shekhar Joshi ji dwara. To Shekhar Joshi ne jo ye kahani likhi hai, is pe inhone kyu likhi? Kya karan hai? Kis cheez, kis vishay par likhi hai? Inhone likhi hui hai, matlab jo samaj mein jaatigat vibhajan kiya jata hai, jaati ke anusaar logo ko karyakushalta in sab cheezo ka vibhajan kiya jata hai us par ek vyangya kiya hai. Vyangya karte hue bataya hai ye cheez ki jo paramparagat vyavsaay apnaya jata hai, paramparagat vyavsaay ka matlab ye hota hai ki peedhiyo se jo vyavsaay chale aa raha hai, wahi vyavsaay apnaya jaye. To ek varg to wo dikhaya hai, dusra wo dikhaya hai ki jo achha sambhram varg hota hai, achha uchch varg hota hai, usmein bhi agar museebate aati hain to kis tarike se cheeze badalti hain. Unhe bhi wahi takneeki shiksha leni padti hai jo ki nimn jaati ke logo ki paramparagat vyavsaay tha. To yaha par dekhte hain, dono ka safar kaisa hota hai, lekin akhir mein aa ke dono apne aap ko ek hi jagah par paate hain. To ye kahani shuru hogi, fir ek ateet mein jayegi, ateet se fir vartaman mein aayegi, is tarike se ye chalegi. Pehle to ye kya chalegi, vartaman mein rahegi. Vartaman ke baad ye ateet mein yado mein chali jayegi, jo kuch pehle ghatit hua hai wo ghatit hoga, fir uske baad ye fir se vartaman samay mein aayegi. To isko padhna shuru karte hain Shekhar Joshi ji ne jo ye kahani hamare samne prastut kari hai. Galta loha kahani mein samaj ke jaatigat vibhajan par kayi koro se tippani ki gayi hai. Kayi kor matlab? Unhone bataya hai ki kayi kayi tarike se hota hai. Sirf ye vyavsaay ko le kar hi nahi hota, aap agar kahi schoolo mein bhi padh rahe hain ya kahi pe bhi ho raha hai to wo bhi aap par hai. Samaj mein to ho hi raha hai, aap kahi is gaav se nikal kar kahi bahar jate hain to aapko bhi waha par bhi yehi sab cheezo ka samna karna padta hai. Ye sab har tarike se har jagah har kshetra mein ho rahi pareshaniyo ko aap dekhenge ismein. Ye kahani lekhak ke lekhan mein arth ki gehraayi ko darshati hai. Ki usne likhi to ek kahani hai, lekin iske peeche chhupe uddesh ki gehraayi ko samjhane ke liye usne kitni achhi kahani likhi hai, ye bataya hai ismein.
[2:49]Ismein ek medhavi kintu nirdhan brahman yuvak mohan kin paristhitiyo ke chalte us manodasha tak pahunchta hai, jaha uske liye jaatiy abhiman bemani ho jata hai. Matlab wo ek uchch varg ka hota hai, lekin paristhitiyavash jaa ke aisi jagah pahunch jata hai jaha uske liye ye abhiman kisi bhi matlab ka nahi reh pata hai. Samajik vidhi-nishedho ko taak par rakh kar wo dhanram lohar ke aafer par baith hi baith hi nahi, uske kaam mein bhi apni kushalta dikhata hai. To samajik jo vidhi-nishedh hote hain, matlab samaj mein jin cheezo ki manayi hoti hai, kanoon hota hai ki uchch varg ka vyakti jo hai, wo nimn varg ke haan jaa ke baithega nahi, khayega nahi, pani nahi piyega, ye sab jo nishedh hote hain, un sabhi nishedho ko jo hai, Mohan alag kahi rakh deta hai. Aur ja kar ek lohar ke haan baithta hi nahi hai, apni karyakushalta bhi uske kamo mein dikhata hai. Mohan ka vyaktitva jaatigat adhar par nirmit jhoote bhayichare ki jagah mehnatkasho ke sachhe bhayichare ko prastavit karta pratit hota hai. Mano loha gal kar naya aakar le raha ho. Matlab Mohan jo hai na shuru se kya tha?
[4:26]Wo ek uchch jaati mein raha. Uchch jaati mein rehne ke karan wo usi tarike se raha, lekin uske sath aisi paristhitiya hui, wo aisi jagah pahuncha, aise kamo mein uljha ki waha par jaati ka koi matlab nahi tha. Aur laut kar fir jab wapas wo apne gaav aata hai to wo kya hota hai? Wo pighal kar tab kar ek loha ban chuka hota hai. Yaani ki ab wo sona nahi hai. Arthat wo ab wo jaati mein bandha hua vyakti nahi reh gaya hai. Mohan ke pita Vansheedhar ne jeevan bhar purohiti ki. Ab budhavastha mein unse kathin shram va vrat-upvaas nahi hota. Unhe Chandradutt ke yaha Rudri paath karne jana tha, parantu jane ki tabiyat nahi hai.
[5:10]Ab yaha se kahani shuru hoti hai. Mohan ke pita hain Vansheedhar, jo ek purohit hain. Purohit matlab dusro ke ghar jaa ke puja-paath karna ye sab cheeze unka karya hai. Lekin ab wo vriddh ho chuke hain, ab unse utna sab nahi hota. Ab unhe kaha jana tha? Chandradutt ke haan Rudri paath karne jana tha, lekin unki tabiyat thik nahi thi, unki ichha nahi thi waha jane ki. Mohan unka aashay samjha gaya, lekin pita ka anushthan kar pane mein wo kushhal nahi hai. Wo matlab to samajh raha tha ki wo nahi jaa payenge unko unke halat thik nahi hai, lekin wo paath wo nahi kar sakta, kyu ki wo usmein kushhal nahi hai, isliye wo kar nahi sakta hai. Pita ka bhar halka karne ke liye wo kheto ki or chala, lekin hasuye ki dhar kund ho chuki thi. Use apne dost Dhanram ki yaad aa gayi. Wo Dhanram lohar ki dukan par dhar lagwane pahuncha. Sorry.
[6:29]Unke haan chale jate hain dhar lagvane ke liye. To wo waha pahunch jata hai, uska dost jo hai wo lohar hota hai. Waha chala jata hai pahunchane ke liye. Dhanram uska sahpaathi tha. Ab sahpaathi matlab, school ka jo vidyalaya tha, usmein ye log sath padhte the. Dono bachpan ki yado mein kho gaye. Mohan ne Master Trilok Singh ke bare mein poochha.
[6:51]Ab jab Mohan aur Dhanram mile to unhe bachpan ki yadein aayen, yaad aa gayi. Bahut dino baad mile the. To bachpan mein kaise school mein kya-kya hota tha unhe yaad aaya. Fir unhe yaad aaya ki unka ek Master the, Trilok, Trilok Singh. To unke bare mein poochha ki bhai wo kaise hain? Dhanram ne bataya ki we pichle saal hi gujre the. Kyu ki Mohan bahar rehta tha to use gaav ke bare mein itna pata nahi tha to Mohan ne isliye Dhanram se poochha ki Master sahab kahan hain? To usne bataya ki wo pichle saal gujar gaye. Ab wo nahi rahe. Dono hans hans kar unki baatein karne lage. Mohan padhai va gaayan mein nipun tha. Wo Master ka chaheta shishya tha aur use poore school ka monitor bana rakha tha. We use kamjor bachho ko dand dene ka bhi adhikar dete the. Dhanram ne bhi Mohan se Master ke aadesh par dande khaye the. To ab kya tha? Trilok Nath ji ke bare mein jaise hi baat uthi to ye log purani batein yaad kar-kar ke khoob hasne lage. To unhe ye baat yaad aani shuru hui ki Mohan padhne aur gaayan mein, gana gane mein bahut zyada nipun tha. Sath hi jo hai apne Master ka chaheta bhi tha. To is karan use poore school ka monitor banaya tha aur monitor ko ek ye karya bhi diya tha ki jo bachhe kamjor hain ya kuch galat karya karte hain to unko dand dene ka kaam bhi Mohan ke upar dala gaya tha ki Mohan unko dand de sakta hai.
[8:12]To Dhanram un bachho mein se ek tha jinhe Mohan se dand prapt hua tha magar Master ji ke aadesh par Mohan se Dhanram ko dand prapt hua tha. Dhanram ne jo hai Dhanram ne Mohan se kafi dande khaye the. Dhanram uske prati sneh va aadar bhav rakhta tha. Uski aakhon mein ek sajag ki chamak thi. Dhanram Mohan ko apna pratidvandvi kyo nahi samjhta tha?
