24 March 2026

[0:00]Ae ALLAH tu Sabse Reham Karne wala Sabse Bada Ghafoor Hai. Hamare Saare Gunah Chahe Chote Ho Ya Bade Chhupe Ho Ya Khule Maaf Farma De. Humein Har Us Cheez Se Bacha Le Jo Teri Nafrat Ka Sabab Banti Hai. Aur Humein Har Us Amal Ki Taufiq De Jo Teri Mohabbat Ka Zariya Banti Hai. Ae ALLAH, Humein Apni Kitaab Quran Se Mohabbat Karne wala Bana. Uski Tilawat Karne Aur Us Par Amal Karne Ki Taufiq Ata Farma. Hamari Namaazon Mein Sacchai Aur Khushu Paida Kar. Ae ALLAH, Hamare Dilon Ko Tera Khauf Aur Teri Mohabbat Ata Kar. Hamari Zindagi Teri Ibaadat Mein Guzre Aur Humari Maut Tere Zikr Par Aaye. Ae ALLAH, Hamare Waliden Ko Salaamati De. Unki Rozi, Sehat Aur Umar Mein Barkat De. Agar Wo Is Duniya Se Ja Chuke Hain To Unki Qabr Ko Jannat Ke Baagon Mein Tabdeel Kar De. Unhe Azaab-E-Qabr Se Bacha. Unke Tamaam Gunah Maaf Kar Aur Unhe Jannatul Firdaus Mein Aala Muqaam Ata Kar. Ae ALLAH, Hamari Aulaad Ko Neq, Tera Farmaabardaar Aur Tere Deen Ka Sahara Banane wala Bana. Unhein Gumraahi Or Burai Se Bacha. Ae ALLAH, Jo Bimaar Hai Unhe Mukammal Shifa Ata Kar. Jo Pareshaan Hai Unki Pareshaaniya Dur Kar. Jo Karz Mein Doobe Hain Unke Karz Aada Karva. Jo Berozgaar Hai Unke Liye Halal Aur Barkat Wali Rozi Ke Darwaze Khol De. Ae ALLAH, Humein Is Duniya Ke Fitnon Se Mehfooz Farma. Humein Gunahon Se Door Rakh. Humari Aankhon, Kaanon, Zubaan Or Dil Ko Paak Rakh. Ae ALLAH, Qabr Ke Andheron Aur Azaab Se Humein Bacha. Qabr Ko Hamare Liye Aaraam Aur Sukoon Ki Jagah Bana. Hashr Ke Din Humein Sharmindagi Se Bacha. Humein Apne Saaye Mein Jagah De Jab Tere Saaye Ke Siwa Koi Saaya Na Hoga. Ae ALLAH, Humein Apne Pyaare Habeeb Muhammad صلی اللہ علیہ وسلم Ke Saath Jannatul Firdaus Mein Daakhil Kar. Humein Jahannam Se Hamesha Ke Liye Bacha Aur Humein Apne Deedaar Ki Lazzat Ata Kar. Aameen Ya Rabbul Aalmin.