[0:00]Okay, so agar tum apne YouTube video ke liye ek engaging script likh paate ho, to viewers tumhari video ko zyada der tak dekhenge, jisse video ka watch time, views and overall engagement 10X ho sakta hai. But agar ek achhe script likhne ke itne fayde hain, then it is also a very challenging task jismein most YouTubers ko bahut problem hoti hai. Koi achha intro nahi likh pata, kisi ki script bahut boring ho jati hai aur bahut log to script likhna start hi nahi kar paate. So welcome to the YouTube Script Masterclass. Ye ek detailed guide hai jismein mai step by step explain karunga ki tum YouTube videos ke liye ek engaging script kaise likh sakte ho from start to finish. Jisse audience tumhari video se chipak jayegi aur audience retention bhi bahut improve ho jayega. Agar tum ek complete beginner bhi ho jisne aaj tak ek bhi script nahi likhi hai, then is video ke baad you will be able to write scripts like a pro. Mai khud apne in videos ke example se tumhe bataunga ki maine inka script kaise likha aur finally kuchh pro tips bhi dunga about writing scripts. So let's begin.
[0:51]Okay, to agar tum kabhi script likhna start hi nahi kar paate ho, then uske piche ka ek main reason ye ho sakta hai ki tum kabhi research nahi karte. And bas directly word by word script likhna start kar dete ho, jo ki script likhne ka sahi tarika nahi hai. Kyunki tumhare samne koi set of information nahi hai jiske basis pe tum ideas generate kar paoge and script likh paoge. To research ke liye sabse pehla step hai ki tum decide karo ki tumhari video hai kis baare mein, yani video ka topic. Example: How to Write YouTube Titles with ChatGPT. Ab jo bhi topic rehta hai, mai sabse pehle use ek jagah copy ke upar likh deta hu like a heading and research ke liye I recommend ki tum ek diary ya ek copy ka use karo because research karte waqt tumhare man mein bahut saare ideas ayenge. To unhe like khud pen paper se likhoge to zyada achhe se express kar paoge. Video ka topic likhne ke baad, ab baari hai ki tum ek ek karke bullet points mein un sabhi subtopics ko likho jo tum apne video mein explain karne wale ho. Like mujhe apne video mein batana tha ki ChatGPT se titles kaise likhen. To maine socha ki usmein kin kin individual topics ko cover karna hai aur fir sabko ek ek karke likhte gaya. Like pehla tha ki kya ChatGPT se titles likhne se zyada views milenge? Dusra tha ki ChatGPT se titles likhen kaise, like prompts wagera kya hain. And teesra ho gaya ki un titles ko YouTube algorithm ke hisab se change kaise karen. To is type se tumhe main topic ke andar aane wale sabhi subtopics ko points mein mention karna hai. Similarly, meri Five Mistakes wali video mein bhi maine yahi kiya tha. Upar heading aur fir sabhi subtopics ko bullet points mein likhte gaya, like wrong niche, bad audio, poor branding, etcetera. Ab maine yahan jitne bhi points likhe hain, unke beech mein maine achha khasa space chhhod diya hai, taki mai in main points ke sub points likh saku. Like for example, Five Mistakes that YouTubers Make wali video ka first point hai Wrong Niche. Ab is point ke andar mujhe jo bhi explain karna hai, maine vo sub points mein likh diya. Like pehla sub point ho gaya, why YouTubers select wrong niche? Dusra sub point ho jayega ki wrong niche ke disadvantages kya hain? Teesra sub point ho jayega ki sahi niche select kaise karen? Aur is type se tumhare man mein jitne bhi important sub points aa rahe hain, vo likhte jao. Fir dekho, yahan jo second sub point hai, yani Disadvantages of Wrong Niche, to disadvantages kya hain? Of course koi ek disadvantage to hoga nahi to jitne bhi hain, vo sab maine likh diya like competition with big YouTubers, not getting video ideas, not enjoying the process, etcetera. To agar ek general format batau, to tumhe ek video idea lena hai, fir usmein jo main topics cover karna chahte ho, unhe points mein likhna hai. Fir un points ke bhi sub points likhna hai, aur like branches create karte jaoge tum isi type se. Okay, abhi mai is video ko edit kar raha tha and I thought ki tumhe dikhana chahiye ki actual mein jab mai research karta hu to vo kaisa dikhta hai. So video mein to sirf explanation ke liye simple sa animation type se dikha diya but jab tum khud copy mein likh ke apne se research karoge to bahut messy hoga. Bahut chizo ko kaatna padega, jo points hain unke alava bhi kuchh notes likhna padega, self reference ke liye to kuchh aisi dikhegi tumhari research. Itna karne par tumne samjho apni research ko ek structured format mein likh liya hai. Aur ab dekhna ki is research ke basis pe ek word by word script likhna kitna asan ho jayega. But agar tumhe sirf bullet points ke basis pe video banana hai to congratulations tumhara script ready hai. Okay, ab tak jo bhi humne likha vo tha research work. Ab baat karte hain ki actual script likhe kaise. To agar tumhe scripting ke baare mein thodi si basic knowledge pehle se hai to tumhe pata hoga ki ek YouTube script ke mainly teen hisse hote hain. Intro, beech ka content aur end mein CTA. Sabse important to of course beech ka content hai kyunki bhai agar value se nahi provide karoge video mein to kya fayda. But chahe tum content wala part kitna bhi achha likh lo agar intro hi kharab hai to video ko log starting mein hi chhod denge. And that is why script likhne mein let's say mujhe 10 ghante lagge, to un das mein se do teen ghante kabhi kabhi mai perfect intro likhne mein hi laga deta hu. To ek achha intro likhte samay tumhe man mein bas itna rakhna hai ki tum jo bhi likh rahe ho intro ke liye, use sun ke viewers ka man kare baaki ki video dekhne ka. This is called an intro hook. Ab ek achha intro hook tum bahut alag alag ways mein likh sakte ho so I'll tell you three of them. Number one, and my favorite, hook people by talking about their situation. Ismein basically tumhe sochna hai ki tum jo video bana rahe ho uski target audience kaun hai, matlab who. Aur fir sochna hai ki is video se tum unki kaun si problem ko solve kar rahe ho, matlab what. Ab tumhe is problem se related kuchh aisa bolna hai jisse us video ki target audience relate kar paye. For example, meri ek video hai Increase Subscribers on YouTube by doing this. Ab is video ki target audience hai YouTubers jinki problem hai ki unke subscribers nahi badh rahe hain. To maine is video ke intro mein kya likha hai vo tum khud sun lo. So tumhare sath bhi aisa hota hoga ki tum subah subah uthte ho aur tumhara subscriber account literally vaisa ka vaisa hi hai jaisa raat ko sote samay tha. Like literally raat bhar mein you got zero new subscribers. Ya fir usse bhi bura ki tumhare views to aa rahe hain but subscribers nahi badh rahe hain. So as you saw maine video ke shuruat mein hi kuchh aisa relatable bolne ka koshish kiya hai. And isse views ko lagta hoga ki kyunki mai unke problem ko janta hu, then mere paas us problem ka solution bhi hoga which hooks the viewer. Aisa hi same tumhe bahut YouTubers ke intro mein dekhne ko milega. Example ke liye Algrow ki community post wali video ko le lo. Is video ki target audience hai YouTubers aur unki query hai How to Use Community Posts.
[5:39]Ab dekho kaise in cheezon ko dhyan mein rakh ke kitni smartly is video ke intro mein viewers ke man mein ek emotion of fear create kiya gaya hai. So YouTube par 500 subscribers hote hi tumhe community tab mil jata hai but tum uska use kaise karte ho apni videos aise promote karne ke liye. But isse tumhare extra views to chhodo tumhare community tab ki reach bhi dead ho jayegi. To zaroori nahi hai ki har video mein tum viewer ki koi problem hi solve karoge. Example documentary bana rahe ho about a person to usmein kaun sa hi problem solve karna hoga tumko. In that case you can use hook number two, make them curious. Basically, tumhe viewers ko bilkul curious kar dena hai by creating a question in their mind. Example ke liye Dhruv Rathi ki theory of evolution wali video ko 28 seconds pe dekho. Species hoti hai homo sapiens ki bhi yaani insaan, lekin sawal ye uthta hai ki agar insaan bandron se aaye to aaj ke din bhi humen bandar kyu dekhne ko milte hain? Ye saare bandar, chimpanzees aur gorillas ye insano mein evolve kyu nahi ho gaye? Aise sawal aksar uthaye jate hain logon ke dwara. So as you saw Dhruv Rathi ne ek bahut hi badhiya question inspire kiya hai viewers ke mind mein jisse vo hook ho jaye. Hook number three, the story method. Agar logon ko hook karne ka sabse guaranteed method kuchh hai to vo hai by telling a story. Vo story ek real life incident ho sakti hai, koi fictional story ho sakti hai, kuchh bhi bas vo video ke topic se related hona chahiye. So again, aisa koi fixed formula nahi hota hai intro likhne ka jo tumhe like follow karna hi hai. But maine abhi jo bhi methods tumhe bataaye hain, un sab mein ek cheez common hai and that is viewer ka attention grab karna. Unhe intrigue karna ya unke man mein koi emotion create karna, like fear, anger or urgency. Achha ek aur baat ki intro tum jaisa bhi likho make sure ki it is always under 90 seconds and ideally under 30 seconds. After you have written the intro hook, now it's time ki tum beech ka hissa yani content likho. Ab kyunki humne research ek jagah pehle hi kar liya hai to baaki ka script likhna bahut asaan hoga. Kyunki hamare paas points pehle se hain bas use elaborate karna baaki hai. So points ko kaise elaborate karna hai uske liye hum is video ka example lenge jo ki hai Five Mistakes New YouTubers Make. Ab is video mein point number two hai bad audio aur uske sub points ko bhi maine likh rakha hai dekho. To ab ise actual word by word script ke form mein likhte hain. So tum dekh rahe ho ki first sub point hai ki audio is the most important thing for YouTube to mai like directly hi bolna start kar sakta tha ki dosto audio kharab hai to use jaldi fix karo because audio is important. But again, vo bahut boring ho jata aur like mai jo message viewers ko dena chahta tha uska impact unke upar nahi hota. To dekho maine kaise is point ko start kiya hai. Ek new YouTuber ko apne starting ke days mein bahut saari cheezon pe work karna hota hai jaise lighting ho gaya, audio ho gaya, camera quality, editing aur bhi bahut kuchh. But agar tum mujhse puchhoge ki inme se sabse zyada important kya hai to mai bolunga audio. To tum dekh rahe ho ki ismein bhi maine same cheez ko hi bola hai but ekdam se directly start nahi kar diya. Pehle ek story introduce kiya hai fir apne point ko rakha hai. Achha ab bata diya hai ki audio important hai to second sub point mein batana padega ki kyu important hai right? To yahan pe maine vo bhi explain kar diya hai ki koi bhi viewer ek low quality video jiski editing bhi kuchh khaas nahi hai use pura dekh sakta hai if the audio is good whereas the reverse is not true. And finally sub point three hai how to fix bad audio to ise bhi maine explain kiya hai. Like maine viewer ki taraf se bola hai ki bhai mere paas to mic bhi nahi hai mai achhi audio kaise record karu? Aur fir yahan pe explain kar diya hai ki bina mic ke achhi audio kaise record kar sakte hain. Tum chaho to video ko pause karke padh sakte ho. To is type se tumhe like har point ko elaborate karte jana hai on the basis of your research aur haan ekdam se tumhare paas perfect lines nahi aa jayenge man mein ki kya likhna hai especially if you are a beginner. To thoda patience to chahiye hoga. Also ye jo main scripting karte hain isse tum koi digital jagah karo like mai apne phone ke notes app mein likhta hu. Isse agar tumhe baad mein koi line change karna hoga to tum bahut aaram se kar paoge. Achha ab ye jo bhi char paanch main points tum explain karte ho try karo ki inke beech mein ek connection ho. Isse tumhari storytelling bahut improve ho jayegi. Like mai jab How to Write Titles with ChatGPT wali video bana raha tha to usmein do points hain. ChatGPT se titles likhen kaise aur dusra hai ki un titles mein kya changes karen taki YouTube algorithm ke hisab se vo ek achha title ho jaye. To maine in dono points ko connect karne ke liye kya likha hai dekho. Ab step one mein tumhe title to mil gayi but question ye hai ki kya tumhe us title ko use karna chahiye bhi ki nahi? Yahi pe aati hai step two altering the raw title. To isse fayda ye hota hai ki viewer ke upar meri video ka jo message hai uska zyada impact hota hai. And of course audience retention to badhega hi. So try karo ki kabhi bhi koi new point ke bare mein baat karne wale ho to uske pehle wale point se related kuchh question viewer ke dimag mein create kar do jiska answer unhe next point mein hi milega. Is tarah se you can connect different points. After you have written the content part finally bach jata hai CTA yani call to action. Matlab koi action jo tum chahte ho ki viewer le towards your channel after watching your video. Like CTA ka sabse simple example hai viewers ko video like karne ke liye bolna ya channel subscribe karne ke liye bolna ya koi comment karne ke liye bhi bol sakte ho. To ye sab to tum kar hi sakte ho but sabse badhiya agar koi call to action hai YouTube pe to vo hai logon ko apni koi aur video dekhne ke liye bolna by using end screens. To apne script mein end screen ko smartly incorporate karne ke liye tumhe viewers ko ek reason dena hoga uspe click karne ka. So tum jis bhi topic pe video bana rahe ho us topic se milta hua apne channel ka koi aur video dhundho aur socho ki kya likh sakte hain aisa jisse tum viewers ko us dusre wale video pe bhej sako. Example meri channel ki video increase subscribers on YouTube by doing this. Is video mein maine char tips diye hain about increasing subscribers. Aur video ke end mein likha hai, achha ye to the char tips jinse tum apne subscribers grow sakte ho but what if tumhare channel pe views hi nahi aa rahe hain? Aise mein chances hain ki tum bhi kuchh common mistakes kar rahe ho jo har new YouTuber karta hai. In mistakes ko janna hai to screen pe jo video hai uspe click karo. Aur fir screen pe maine apni five mistakes wali video ko end screen mein daal diya hai. To is type se tumhe smartly sochna hai ki current video se related aisa kya bol sakte ho jiska relation tumhare channel ki koi aur video se ho aur fir tum vahan pe end screens ka use kar sakte ho. Okay to tumne script likhna to seekh liya ab baat karte hain kuchh important points ki jo tumhe script likhne mein bahut help karenge. Pehla hai use the right language to connect with your audience. Script likhte samay tum jin words ka use kar rahe ho ya jis language ka use kar rahe ho make sure ki vo tumhari target audience ke liye suitable ho. Like mai janta hu ki meri target audience mostly young log hain, isliye mai light and friendly words ka use karta hu and also I write my script in a mix of Hindi and English because I think meri target audience use sabse badhiya se relate kar paati hai. Dusra hai be disciplined. Jab hum script likhte hain to bahut baar hamare man mein sahi ideas ya sahi words nahi aate hain. To aise mein zyada tar log pareshan ho ke procrastinate karne lagte hain like Instagram khol ke reels dekhne lagte hain etcetera. To vo nahi karna hai tumhe. You have to decide a time for writing the script aur fir us samay tumhe distract nahi hona hai. Agar ideas nahi bhi aa rahe hain, words nahi bhi aa rahe hain script likhne ke liye to bhi you have to sit and think. Jitni der ek topic ke bare mein sochoge baith ke utna hi tumhara brain us topic se related ideas generate karega. To focus bahut important hai. Ek baar focused ho jaoge starting mein to uske baad you will achieve a flow state jismein ideas generate karna bahut asaan hoga tumhare liye. Number three, take your time and avoid perfectionism. Dekho, I'm sure ki tum log mein se bahut saare complete beginners honge jinhone aaj se pehle koi script nahi likha hoga. Mujhe yaad hai do teen saal pehle jab maine apna pehla word to word script likha tha to mujhe like char paanch din lag gaye the sirf paanch minute ki video ka script likhne mein. Mai nahi bol raha hu ki tumhe bhi lagenge but haan starting mein sabko problem hoti hai so take your time and also avoid perfectionism. Number four, focus on the first half more than the second half. Agar koi viewer tumhari video dekhna start kar deta hai ek baar aur video ka first half dekh leta hai to baaki ka hissa yani second half mein viewer ka attention grab karne ke liye tumhe zyada kuchh nahi karna padega. Kyunki views ko hook karne ki asli mehnat starting mein hi lagti hai. Once a viewer is halfway through the video agar tumhari video utni engaging nahi bhi hai tabhi most people jo vahan tak aaye hain vo video ko pura dekhenge. So mai ye nahi bol raha hu ki second half mein kuchh bhi likh do. I'm just saying ki script ke first half mein tumhara focus zyada hona chahiye. Alright so yahan tak aa gaye ho to comment kar dena scripting is now fun and video pasand aayi to like kar dena. Also agar tum meri jaisi editing detail mein sikhna chahte ho then screen pe jo video hai uspe click karo. Tumse vahin milunga. Bye.
