[0:09]ازيكم يا بنات عاملين ايه؟ أنا منة دكتورة صيدلانية مهتمة بمجال السكين كير وكل منتجات العناية بالبشرة وعندي يعني خبرة صغيرة كده بما إني بشرتي دهنية وابتديت طبعًا اهتم بيها من زمان. فأشوف بقى فيديوز كتير وأتابع يوتيوبرز وفلوجرز أجرب ماسكات أروح لدكاترة. يعني ابتديت كده ادخل الكلية، أفهم أكتر، عالجت بشرتي بنفسي. طبعًا اتحسنت بنسبة كبيرة بس يعني أخر سنة دي ابتديت بقى أعمل فيها شوية ما بقاش فيه روتين كان سنة ثقيلة شوية. بس ومجرد ما خلصت قررت ثاني أن أبدأ من الصفر وهأبدأ معاكم الروتين اللي أنا استعملته خلال الشهر اللي فات ده وقد إيه فعلًا فرق جدًا جدًا في بشرتي. أنا بصراحة ما رضيتش أجيب برودكت يعني بتاعة البراندات زي فارماسيز ولاروش والكلام ده كله لأن هي تبقى أسعارها عالية شوية. أنا يهمني أكثر البنات بتوع الثانوي البنات بتوع الكلية طلبة اللي لسه بيدرسوا عايزاهم يهتموا ببشرتهم بمنتجات رخيصة ويقدروا يجيبوها. وفي نفس الوقت هنعمل يعني بها نتيجة كويسة مناسبة بالنسبة للأسعار اللي استعملتها، لو حابين تعرفوا الروتين اللي أنا الروتين اللي أنا مشيت عليه تابعوني خلال الفيديو ده. أول خطوة بالنسبة لنا هي خطوة تنظيف البشرة. طبعًا إحنا عارفين كلنا الغسولات وأسعارها بتبقى غالية شوية فممكن نستعمل صابون. أنا استعملت صابونة سينوبار زي ما انتم شايفين كده. الصابونة دي 10 جنيه بس يعني كويسة هي يعني مش واو قوي مش بتمنع أن الحبوب تظهر. هي كويسة ما ظهرتليش حبوب كثيرة جديدة قصدي لو حد بيستخدم صابونة ثانية مثلًا زي ناتشوري زي ترايتاكت في أنواع كثير ثانية ممكن تستخدموها تبقى كويسة برده. لو حد حابب يستخدم غسول عندنا في برده غسولات أسعارها متوسطة عندنا السينوبار ده ب 60 جنيه تقريبًا عندنا ناتشوري ب 50 كل دول للبشرة الدهنية وأسعارهم مناسبة جدًا. كمان مع خطوة الغسول إحنا المفروض نستخدم حاجة تزود حاجة تنظف أكثر حاجة تشيل أي جلد ميت على الوش. ممكن نستخدم فرشة زي دي أنا كنت شارياها زمان تقريبًا من أوريفليم حاجة زي كده. أو مثلًا نستخدم الفلينج باد كل دي حاجات بتساعد أن الغسول يشتغل أكثر أني أشيل أي جلد ميت من على وشي أثناء فترة ما أنا بأغسل وشي. طيب الخطوة بعد ما غسلنا وشنا محتاجين نشيل الماية دي طب هنشيلها بإيه؟ إياكوا يا بنات تستخدموا فوطة بجد بجد الفوطة دي من أكثر الحاجات اللي بتبوظ البشرة. أول حاجة بتبقى ناشفة شوية فبتعمل التهابات وكده ثاني حاجة أنت ما بتغسليش الفوطة بتاعتك بعد كل مرة تستعمليها. فبالتالي لو في مرة مثلا نشفتي بيها وشك كان في حباية عندك انتقلت يعني المرة اللي بعديها تيجي تنشفيها تنتقلي مكان ثاني فهتزود معاكِ الحبوب. طيب هنعمل إيه؟ بسيطة خالص يعني نستخدم المناديل منديل نعمل كده بيه بعد ما نخلص ونشف بيه حاجة بتبقى جنتل كده على البشرة مش بتلهبها مش بتهيجها في نفس الوقت خلاص هنرميه ومش هتعملي أي التهاب تاني ولا هتنقلي أي حبوب. طيب بعد خطوة التنظيف ما عملناها محتاجين بقى نقفل المسام بتاعتنا. طبعًا معروف البشرة الدهنية مسامها دائمًا بتبقى واسعة وكمان خطوة التنظيف ساعتها بتتفتح فيها المسام فلازم نقفلها. في تونرز كثير من براندات كثير قوي بس طبعًا بيبقوا غاليين شوية فالطبعًا أغلب البنات بتلجأ للبديل اللي هو ماء الورد. أنا بصراحة استعملت أنواع كثيرة من العطار من ماركات يعني ما عجبتنيش بصراحة ما كنتش حاسة أني بحط ماء. ما كنتش حاسة بتأثير واو يعني لحد ما جربت ماية الورد من نيفيرتاري. هي ب 20 جنيه بس هي بصراحة يعني حلوة جدًا جدًا من أول مرة استعملتها حسيت بفرق بينها وبين أي ماية ورد ثاني استعملتها. فعلًا بحسها بتقفل المسام بحسها بعد فترة بتنظف البشرة بتبقى ليها دور حلو جدًا بجد. طيب لو إحنا خارجين الصبح ما تنسوش يا بنات مهم جدًا جدًا خطوة الصن بلوك بيحمي بشرتك بجد من غير الصن بلوك البشرة بت بتاسدأ جدًا. الشمس فعليًا تأثير ضر جدًا على البشرة بصراحة ما فيش طبعًا إحنا عارفين في صن بلوك رخيص والحاجة دي ما ينفعش نستخص فيها. لو استخصنا فيها هيقلب بشرة دهنية بزيادة هيبوظ بشرتك أكثر ويطلع فيها حبوب أكثر أشهر الماركات لاروش وفارماسيرز. في ناس بتستريح مع بايو ديرما وفي ناس بتستريح مع أفين طيب عايزين يعني أقل حاجة للبشرة الدهنية كويسة شفت عليها رفيوهات كويسة جدًا. بوباي أنا بصراحة ما استعملتوش وبصراحة الفترة دي أنا ما باستعملش صن بلوك لأن الشغل بتاعي أو الصيدلية جنب البيت. فأنا مش باستعمل صن بلوك الفترة دي بس بجد ما ينفعش تخرجي من غيرها ما ينفعش تخرجي خالص من غير صن بلوك. أبسط حاجة هو بوباي بوباي ده تقريبًا براند مصري ب 100 جنيه فده يعني يعتبر على قد الإيد شوية ونقدر نجيبه. فأنا دلوقتي عايزة الفترة دي على قد ما تقدري يا بنات ريحوا بشرتكم من أي ميك أب من أي فاونديشن بالذات الفاونديشن بالذات كريمات البشرة. إحنا في فترة حر صيف جدًا وبشرتك بتعرق المسام بتتفتح الميك أب ده بيدخل جوه المسام بتاعتك وبيبوظها. فحاولوا حاولوا على قد ما تقدروا تحبوا بشرتكم زي ما هي حتى لو فيها حبوب حتى لو فيها أي آثار. بس بجد لو قعدت فترة كبيرة من غير أي ميك أب خلي بشرتكم تتنفس هتحسوا فعلًا بفرق. لو مضطرين يعني قوي شوية أنك تحطوا حاجة بس توحد لون البشرة ممكن تستعملوا كريم طبي بيبي كريم يكون فيه مثلًا صن بلوك أو حاجة. أنا كنت باستعمل فترة الدراسة الكريم ده من فارماسيرز ده كويس جدًا الكفاريدج بتاعته يعني حلوة قوي. بأقدر استعملها بالنهار وبالليل هاعمل لكم ريفيو بالتفصيل عنه بصراحة يعني أكثر كريم حبيته في حياتي ما كانش بيسيح بشرتي ما كانش بيعرق ده هو بجد حاجة تحفة جدًا. بعد ما خلصنا فترة النهار عايزين ندخل لليل. هأتكلم عن كريم يعني هو البريمو في الفترة دي هو كان أكثر حاجة لها تأثير معي وهو كريم ترايتوسبوت. طيب الكريم ده في ناس كثيرة أكيد هتتخض لما تشوفه هو عمل مشاكل لبنات كثيرة في ناس بيحرق لها بشرتها. هو مشكلته أن هو قوي مش أي بشرة تستحمله بس لو بشرة بجد استحملته هتشوفوا معي يعني نتائج رهيبة. أنا بشرتي دهنية بزيادة فمعروف البشرة الدهنية قوي دي بتقدر تتحمل الحاجات الشديدة ما بتبقاش حساسة قوي. فأنا جربته هو فيه ثلاث مكونات مهمة جدًا فيه أول حاجة الهيدروكينون الهيدروكينون ده المسؤول عن أن هو يشيل التصبغات يمنع الميلانين يشيل أثار الحبوب. ثاني مكون فيه هو التريتينوين التريتينوين ده فيتامين إي ده كويس جدًا بيحاول بيقلل السيبم اللي هو الإفرازات بتاعت البشرة. بيشيل أي مثلًا جلد ميت أو كده علشان يخلي ما فيش ترسبات تتراكم في البشرة ما تطلعش رؤوس بيضاء أو الحبوب اللي تبقى تحت الجلد دي. فهو كويس جدًا، ثالث مكون فيه وهو اللي فيه قلق منه شوية اللي هو الهيدروكورتيزون. ده نوع من أنواع الكورتيزون بيبقى خفيف شوية وده أنواع الكورتيزون بيبقى موجود فيه عشان يقلل بس أي التهاب بيعمله المكونين الثانيين. طيب الكريم ده لو استعملناه أول خطوة قبل ما نستعمله لازم نجربه على حتة صغيرة جدًا من بشرتنا. حطيه كده مثلا على أي جنب كده من البشرة لمدة نص ساعة قبل ما ننام والنور مقفول ونغسل وشنا لمدة يومين.
[7:25]بعد كده مثلا نخليه ساعة ممكن بعد فترة شوية أو لو حد مثلا بشرته مستحملة كويس جدًا أنا كنت بانام بيه طول الليل عادي ما فيش مشكلة. طيب الكريم ده لو استعملناه مش هنستعمله أكثر من أسبوعين بسبب بسيط نسبة الهيدروكورتيزون اللي فيه مش عايزينها تقعد فترة أطول من كده عشان ما تمتصش الوش. أو بتعمل مشاكل ثانية كثير إحنا في غنى عنها فهو أسبوعين كويس جدًا هيبتدي يقشر معك عشان يشيل أي آثار. الصبح ممكن تستعملي البانثينول كمرطب أو ممكن تستعملي السيترا بانثين ده برده مرطب كويس جدًا سواء ده أو ده. عشان بيقلل أي التهابات وكده الصبح يبقى فترة الصبح بيبقى كويس جدًا. طيب دلوقتي حد مش عايز يغامر وأن هو يجرب يستخدم الترايتوسبوت. أو مثلا جربه ما لاقاهوش كويس معه ممكن نستخدم كريمات تقشير ثانية يكون فيها تريتينوين لوحده. عندنا مثلا الأكني فري ده برده كويس عندنا الأدابالين عندنا الأزاديرم عندنا الأكرتين كل دي كريمات نقدر نستخدمها بدل الترايتوسبوت. بتبقى يعني التأثير بتاعي أعلى شوية وما فيهاش هيدروكورتيزون يعني أخف شوية على البشرة اللي هي مش مستحملة. وقلنا وزي ما قلنا يا بنات الصبح هنستعمل دائمًا بانثينول أو أي كريم مرطب نكون مستريحة ليه عشان يضيع الالتهاب ده من بشرتها. طيب كده خلصنا الروتين اليومي محتاجين بقى نتكلم عن الروتين الأسبوعي يعني في حاجات هنعملها كل أسبوع مرتين في الأسبوع هنتكلم عنها دلوقتي.
