[0:00]القصه الحقيقيه لمسلسل حكايه نرجس اغرب قضيه خطف اطفال حصلت في عهد مبارك عزيزه الشيطانه خطفت ثلاث اطفال وبقت امهم وفي النهايه انتحرت ولبست واحد من الاطفال دول الجريمه تبدا الحكايه في 2014 لما كان في شاب اسمه اسلام بيتخانق مع ابوه الحاج جمعه ووسط الخناقه اسلام بقى مستغرب ازاي ده ابويا وليه بيعاملني بالقسوه دي وراح اسلام ووسط الخناقه قرر يصارح ابوه وقاله انا شاكك انك مش ابويا لازم نعمل تحليل DNA فرد عليه ابوه وقاله انا ابوك وعشان كده خدتك من عزيزه اللي خطفتك لكن تعالى نعمل التحليل وفعلا راحوا الاثنين بيعملوا تحليل اثبات نسب وفضل اسلام عايش قبل ظهور النتيجه في قلق وخوف ورعب انه يرجع تاني بلا عائله وفجاه ظهرت النتيجه واتحقق الكابوس جمعه ما طلعش ابوه وقتها اسلام قرر يكتب على الفيسبوك قصته عشان يظهر اهله وفعلا كلموا ناس كتير ابنهم اتخطف في الثمانيات اسلام وقتها عمل حوالي 56 تحليل ولا واحد فيهم طلع صح لغايه ما قرر يدور على الست اللي خطفته عزيزه وقعد يدور عليها لغايه ما لقاها وكل شويه يروح لها عشان يعرف مين ابوه وامه اللي خطفتهم منه وهي ترفض لغايه ما في يوم اسلام راح لها الشقه وكانت مريضه بالسرطان وقتها وقعد يقول لها انتي خلاص هتقابلي رب كريم لازم تقولي مين ابويا ومين امي انا امك اللي ربيتك وانت صغير انتي مش بتخلفي اصلا وخطفتيني وانا صغير لكن عزيزه برضه اصرت انها امه انتي مش امي مين اهلي لازم تتكلمي كفايه وفجاه وهم بيتكلموا عزيزه جريت على البلكونه ونطت من فوق وماتت في الحال وقتها حصلت حاجه ما حدش يتوقعها قبل ما اقول لك حصل ايه خليني احكي لك القصه من اولها ودي القصه الحقيقيه لمسلسل نرجس الحكايه ان في ست اسمها عزيزه كانت متجوزه واهل جوزها كانوا بيعايروها بالخلفه لانها ما كانتش بتخلف لغايه ما جوزها زهق وطلقها فضلت عزيزه نفسيتها تعبانه وعندها عقده الخلفه لدرجه ان في اقوال انها كانت بتشتغل مع عصابه متخصصه في خطف الاطفال وكانوا بيبيعوا الطفل الواحد ب 5000 جنيه وده اللي خلى عزيزه تفكر انها تحل العقده بجريمه من جرايمها وفعلا اتجوزت واحد بيحبها واتجوزها رغم ان اهله حذره منه وقالوا له دي عقر لكنه صمم اتجوزها ولما اتجوزوا طلبت منه عزيزه انه ينفذ معاها خطه عشان ترد على الناس اللي كانوا بيعايروها وعملوا لها عقده وبداوا تنفيذ الخطه عزيزه عملت انها حامل وحطت قماش في بطنها وقالت للناس انها حامل وكل شهر بطنها بتكبر والقماش بيزيد وفي الشهر 9 راحت مستشفى وعملت شخصيه موظفه في جهه تابعه لوزاره الصحه لانها كانت محترفه في الخطف وحاطه عينيها على حضانه من الحضانات واول ما الوقت بقى مناسب خطفت طفل من الحضانه وجريت بيه وما حدش حس بيها والطفل ده كان اسلام بطل قصتنا عزيزه رجعت باسلام بالليل وما حدش شافها وعملت نفسها هي وجوزها واخت جوزها انها بتولد وبتصوت والناس كلها عرفت ان عزيزه بتولد وبقى عندها طفل اسمه اسلام مرت الايام وعزيزه طمعت اكتر عقدتها اتحلت لكنها لسه عايزه اكتر فقررت مع جوزها تخطف طفل ثاني وفعلا قررت ده بنفس الخطه حاطت قماش في بطنها وعملت نفسها حامل وفي الشهر ال 9 بدات تدور على طفل ثاني وقررت تلف في الاسواق لغايه ما لقت ست معاها طفل صغير لسه مولود اتعرفت عليها وقالت لها انها من التامينات الاجتماعيه والست كانت غلبانه ومحتاجه فلوس عزيزه اقنعتها انها تصرف ليها اعانه وخدت منها البطاقه وعملت نفسها بتسجل بياناتها وادتها 100 جنيه الست طبعا ما صدقتش نفسها ان معاها فلوس ووثقت في عزيزه عدى يومين وراحت عزيزه لها البيت وقالت لها احنا محتاجين ورق وشهاده ميلاد الطفل عشان نصرف لك مكافاه ثاني الشهر الجاي الست دخلت تجيب لها شهاده ميلاد الطفل وعزيزه كانت قاعده في البيت مع الطفل وفي ثواني عزيزه خطفت الطفل وجريت بيه والطفل ده سميته هشام وعملت له شهاده ميلاد مزوره تسكت يا عزيزه لا بعد كام سنه طمعت اكتر وعايزه طفل ثالث العقده خلاص بتتحل والناس شايفاها ام الولاد فقررت نفس الخطه والمره دي بقى رجعت العريش بلدها وباعت بيتها عشان تروح مكان ما حدش يعرفها فيه وراحت العريش ودخلت وحده صحيه وخطفت الطفل وسميته محمد وعملت له شهاده ميلاد المره دي بقى ام الطفل ما كانتش غلبانه زي الاثنين الثانيين راحت عملت محضر في القسم وبهدلت الدنيا ومن حظ الام دي ان في ست اسمها شمع كانت تعرف عزيزه وزاره العريش وقابلت بالصدفه عزيزه واول ما شافتها معاها الثلاث عيال استغربت وقالت لها انتي جبتي الطفل الثالث ده ازاي في وقت قصير وبعدين احنا عارفين انتي عقر لانها كانت تعرف خلفياتها لما واجهت عزيزه لقتها ارتبكت فشكت فيها وخافت شمعه ان امهات الاطفال دول بيعيشوا بحزن طول عمرهم على عيالهم فراحت عملت بلاغ في قسم الشرطه والشرطه كان عندها بلاغ اصلا من ام طفل اتسرق ابنها فدخلت الشرطه وعملت كبسه على عزيزه واول ما شافوها مسكوا فيها والشرطه حققت مع عزيزه واكتشفت ان الثلاث اطفال مش ولادها وبالضغط عليها هي وجوزها واخته قالت عزيزه مين ام هشام ومين ام محمد وطبعا دي كانت معروفه
[5:39]لكن في القسم بقى فضلت الطفل اسلام مش عارف مين امه وعزيزه مصره ما تقولش حاجه وبيحكي اسلام وبيقول انا وقفت وانا صغير لقيت العسكري بيقول لي يا ابني روح لعزيزه يمكن تصعب عليها وتقول لك مين ابوك ومين امك وكان وقتها اسلام عنده 11 سنه وفعلا راح لعزيزه راحت قالت له يا ابني انت اول فرحتي وانت ابني ومش هقول لحد انت ابن مين وفي سنه 1992 اتحبست عزيزه واتحكم عليها بسبع سنين سجن بتهمه خطف اطفال حديث الولاده وجوزها واخته اتحكم عليهم بخمس سنين بتهمه التزوير والمشاركه في جريمه الخطف وبقى اسلام يتبناه ناس محترمين وقتها لفتره صغيره لغايه ما يظهر اهله الحقيقيين لغايه ما ظهر واحد اسمه الحاج جمعه وراح المديريه وقدم اوراق يثبت ان ابنه مخطوف في نفس الوقت اللي اسلام فيه اتخطف فراحوا وجهوا جمعه بعزيزه اللي قالت اه ده ابوه وده ابو اسلام فاستلم جمعه اسلام وعاش معاه 22 سنه اسلام كان فاكر ان ده ابوه ودي عيلته لكن المشاكل زي ما قلت لك في المقدمه كانت كبيره جدا بين الحاج جمعه واسلام واسلام بيقول انا كنت حاسس ان دول مش اهلي ولا دول ابويا لغايه ما صممت اني اعمل تحليل DNA واكتشفت الحقيقه وده سنه 2014 وظهر وقتها في لقاءات كتير مع الاعلاميه منى الشاذلي والاعلاميه منى العراقي وكلهم تبنوا قضيه اسلام وكان عايز يوصل لاهله ولما طلع اسلام في اللقاءات التلفزيونيه عرف مكان عزيزه وبقى في برامج بتواجهه بيها وده كان شيء غريب جدا لغايه ما حصلت المواجهه الاخيره اللي بره عدسات البرامج وعزيزه انتحرت وقتها وتمسك اسلام بتهمه قتلها لكن اهل المنطقه شهدوا انهم شافوا عزيزه وهي بتنط من البلكونه نهايه شيطانه اصرت تعيش وتموت شيطانه في النهايه القصه دي لو بصيت لها بزاويه مختلفه زاويه انسانيه هتلاقي في اسئله بسيطه جدا ممكن تزرع عقده كبيره في حياه حد يعني مثلا لما تقول لواحده هنفرح بعيالك امتى او اتاخرت ليه في الخلفه حتى لو سؤالك كان بسيط فده ممكن يغير حياه انسان ويمكن يخليه يلوم نفسه على حاجه عمره ما كان بايديه ساعات كلمه صغيره بتقولها وتمشي لكن تفضل جوه حد ثاني سنين طويله تكبر وتحول لجرح او عقده وقصه عزيزه بدل ما هي قصه واحده نلاقي 100000 عزيزه بتحل عقدتها على جثث الاخرين في النهايه هل شايف ان عزيزه ضحيه عقده وتنمر اللي حواليها ولا انها شيطانه فعلا ودمرت حياه انسان بريء ولو عايزني اكمل قصص جرايم ولغزها وازاي الشرطه حلتها قولوا لي في التعليقات كمل وقولوا لنا كمان بتتابعوا ايه مسلسلات في رمضان شاركنا بارائكم في التعليقات لو عجبك الفيديو اعمل لايك وشير وتابعونا على صفحتنا على الفيسبوك وقناتنا على اليوتيوب وقناتنا على التيك توك
