[0:00]فإلى الأحداث اللي فاتت كنا شفنا رحله ونج مع البحاره واللي كانت رحله خطيره جدا ومعظم البحاره اساسا ماتوا فيها. ولكن في المقابل ونج كان اكتشف جزيره جديده والجزيره دي كان فيها فاكهه نادره وكمان كنوز كتير. بعد كده ونج كان قدر يرجع مع البحاره لعند يان وكان عرفه بكل حاجه وكمان بكل الكنوز والفاكهه اللي هم لقوها. ساعتها يان كان زعل جدا على البحاره اللي ماتوا بس في نفس الوقت هو كان متحمس للاستكشاف الجديد ده. لانه لما يروح بس للجزيره اللي ونج اكتشفها فهيقدر يجيب كنوز ويتطور بشكل اسرع. بعد مرور شويه من الوقت بيرجع ونج من ثاني لعند يان وبيدي له خريطه البحر والجزر وبيكون مكتوب عليها قاره الامل. بيشكر يان البحاره كلهم على جهدهم وتضحياتهم وبعدها بيطلع لهوبا وبيقول له استعد احنا هناخد النهارده اجازه وبكره عندنا شغل مهم. كالعاده الوقت بيمر لحد ما الليل بيجي وبنشوف كل اعضاء الفصيل بيتجمعوا عند الميناء. بيبقوا ساعتها واقفين قدام نصب تذكاري لتخليد ذكرى البحاره الشجعان اللي ماتوا وضحوا بنفسهم. وبالفعل بيبقى مكتوب اسامي كل الاشخاص اللي ماتوا حتى تاريخ موتهم. البحاره اللي نجوا وقتها بيبقوا عمالين بيعيطوا لانهم كانوا شافوا موت اخواتهم حرفيا بعيونهم. بيعدي اليوم ده على هذا الحال وعلى الحزن بس ولكن في ثاني يوم هم بيعملوا ترابيزات كبيره جدا وبيجهزوا وليمه احتفالا برجوع البحاره الباقيين. كلهم بيبقوا بياكلوا وهم مبسوطين جدا وساعتها يام بيبقى واقف في اسور وبيفكر في القاره الجديده دي. ولانه عرف من معلومات ونج ان كان حصل مجزره ما بين البشر والاشباح هناك فبيبقى متاكد انه هيبقى فيه احجار وكنوز مدهشه جدا المفروض ياخذهم. المشكله الكبيره بقى بتكمن هنا في بحر العاصفه لانه بحر خطير جدا وهيموت بسببه عدد كبير شبه المره اللي فاتت. بيحاول يفكر في حل وبيجي في باله انه يعمل نفق كبير تحت البحر لكن ساعتها لازم يعمل حسابه ان الضغط تحت هيكون كبير جدا. وكذلك وارد برده ان الاشباح اللي تحت دي تدمر النفق. بيقول لنفسه انا مش هخسر حاجه لو جربت يعني وفعلا بيكرر يجرب وبيجيب ويه عشان هو اللي يحفر النفق. وبيستغرب من ان يان عاوزه يحفر نفق هنا ومش بيبقى فاهم لان كل اللي قدامه بحر. بيحاول يان يفهمه ان النفق ده تحت البحر فبيسكت شويه كده ولما ان بيبدا يغري بالاكل هو بيتحمس وبيوافق وبينط على طول عشان يحفر. وبمرور الوقت الحفره بتنتهي ويان بيضبطها عشان تكون قويه اكتر وبيجهز حتى مصعد فيها وبينزل للقاع بتاعها. وي ساعتها بيكون عمال بيحفر لقدام ويان بيرص الانابيب النحاسيه بتاعته في النفق ده وبيحط دعامات كويسه جدا وبيشرف على الحفره بنفسه عشان النفق ما ينهار في اي لحظه ويموت. الساعات بتعدي اكتر واكتر وكل اللي كان حاصل ان يان بياكل وي عشان يخليه يحمسه اكتر وكان بيشرف على الحفره وبيحط الدعامات دايما. في النهايه وي بيجيب اخره وبيتعب فيان بيقول له خلاص كفايه جدا كده النهارده وبيرجعوا عشان يرتاحوا تاني. وبدون تضييع وقت وفي ثاني يوم هم بيتحركوا من جديد عشان يكملوا في النفق. اثناء ما هم كانوا رايحين تاني كده يام بيتفاجئ ان شيوه رجع لنقطه الحراسه من جديد وبيلاحظ ان فعلا شكله دلوقتي اتغير. شيوه من شهر تقريبا كان غادر نقطه الحراسه عشان ينفذ مهمه القتل اللي كان عاوزه يعملها من الاول. فبيبدا يان يكلمه في الوقت الحاضر وبيقول له من الواضح ان انت كويس جدا حاليا. بيرد شيوه وبيقول له طبيعي لان انا خلاص حزمت الشخص اللي كنت لازم اهزمه. في الاثناء دي يان بيلغي كل الصلاحيات اللي كان مديها لشيوه وبيروح ويهمس لركس وبيقول له انا عاوزك تتاكد ان ده شيوه فعلا مش حد مزيف تاني. فبيسمع ركس الكلام وبيقول له حاضر وفي النهايه يان بيستاذن عشان يمشي وشيوه بينحني ليه. ويان بيقول له مرحبا بك برجوعك لنقطه الحراسه. لما يان بيمشي بقى بنلاقي الجنود بيحاصروا شيوه وركس وشون بيقفوا من بعيد وبيراقبوا كل اللي بيحصل ده وبيتناقشوا مع بعض. بيتكلم شون مع ركس وبيفهمنا الموضوع اكتر وبيقول المفروض ان شيوه راح اساسا عشان يقاتل نفسه. وعشان يقدر يقاتل نفسه فهو بيروح لمكان منعزل تماما وبيخرج كل الطاقه السلبيه اللي جواه لحد ما بيصنع نسخه مظلمه منه وبيتقاتلوا مع بعض بشراسه. ولو شيوه قدر يفوز على النسخه المظلمه دي فهو بيتطور بشكل كبير جدا. بس حاليا انا قلقان لان ما فيش اي ملامح بتدل على مشاعر شيوه الداخليه. شيوه بيبقى مستغرب من الموضوع وبيحاول ان هو يتكلم عشان يوضح موقفه وانه كويس يعني. وكذلك شون بيفضل يناقشه وهم الاثنين بيتكلموا مع بعض. وفي نفس الاثناء دي بننتقل بالمشهد لعند ديسك واللي بيكون راكب الحصان بتاعه عمال بيلف في الشوارع لدوريات امنيه. بيبص على الناس والتعاملات اللي ما بينهم وبيفضل يسمع الكلام. وبيتفاجئ وقتها بسيده جميله جدا لابسه فستان مدهش ومعاها اثنين مرافقين فبيبص عليهم كويس جدا وبيتفاجئ ان العجوز اللي مع البنت دي عندها 179 سنه. فورا ديسك بينطلق لشارع جانبي وبيببعت رساله طارئه ليان وبيقول له انا لقيت شخص عمره 179 سنه. بنكتشف ان ديسك هنا بيكون عرف العمر بسبب كنز التنين اللي معاه وده بيخليه يقدر يتعرف على عمر الكائنات الحيه بمجرد ما بيبص لهم. نرجع مره تانيه بقى لعند العجوز واللي بيبص حواليه كويس وبيشاور وبيقول للبننت دي امرنا خلاص انكشف. بتقول له البنت ازاي يعني انت عرفت منين فالعجوز بيقول لها اللي اسمه ديسك ده غير مسار الدوريه بتاعته بشكل مفاجئ بمجرد ما شافنا. بتضحك البنت وبتقول له ممكن يبقى غير مسار دوريته عادي جدا من غير ما يبقى انكشفنا يعني. وبتفهمه ان عادي اصلا لو امرهم انكشف لانه مهمتهم الاساسيه هي معرفه يان. بيقول لها العجوز معاكي حق احنا كده كده محتاجين نتقرب من يان اكتر وبعدها هم الاثنين بيتحركوا وبيكملوا التسوق اللي كانوا بيعملوه. نرجع مره تانيه بقى لعند يان نفسه واللي بيبقى موجود في الميناء وبيطبطب على ويه وبيعفه انه طول النفق لحد دلوقتي وصل ل 30 كيلو. بيقول لنفسه اداء وي كويس جدا بس لو انا لقيت زوجه لويه كمان فكده هي هتساعده وهيحفروا احسن بكتير. بعدها بيفحص النفق اللي اتبنى وبيقول ان النفق لحد دلوقتي صامد وما فيش اي هجمات حصلت عليه. بس بيبقى قلقان انه ممكن يدمر في موسم المطر لكن بيقول مش مهم والمهم دلوقتي ان احنا نخلص النفق ده عشان بس نجيب الاحجار والكنوز اللي على الجهه الثانيه. بعد كده بقى وبسبب خبر الراجل العجوز الكبير في السن ده يان بيتحرك وبيتجمع مع هوبا الوشون وشيوه. بيقول له هوبل وشيوه انا عاوزكم تيجوا معايا حالا اما بالنسبه لشون فانت تتحول لظل وراقب المكان كله كويس وانت متخفي. وبعد شويه يان بيقابل السيده والعجوز وبيرحب بيهم فالسيده دي بتتفاجئ ان تم كشفهم فعلا. بتفضل تمدح في يان وفي كل اللي عمله الفتره اللي فاتت وبتقول له انا ما توقعتش انك تكون صغير جدا كده في السن. بعدها العجوز نفسه بيتقدم وبينحني له وبيقول له باختصار كده احنا من عيله ين ومش عاوزين اي شر او حاجه احنا بس جايين نشوف الشخص اللي اسمه يان اللي قدر يعمل انجازات رهيبه. بيقول له يان تمام وبيضيف في الغرفه وبيصب لهم شاي حتى وبعدها بيدردش مع العجوز وبيقول له السيده مش بتتكلم. ومن هنا الكلام بيفضل يستمر بينهم وبين بعض والعجوز بيقول له احنا للاسف مش قادرين نحمي الناس فعشان كده انعزلنا بحيث ما نحسش باي ذنب. بيتفاجئ يام من الفلسفه الغريبه بتاعته دي وبيساله عن المعلومات اللي هو يعرفها بما انه عايش بقاله كتير. بيرد العجوز وبيقول له المفروض الليل الابدي والاشباح يختفوا فجاه ولكن بعد عدد من السنين هيرجعوا تاني. فبيشرب يان الشاي ويفضل يفكر في الموضوع ده شويه وبعدها بيغير الكلام وبيساله عن سبب قدومه لهنا. بيقول له العجوز باختصار كده احنا بس عاوزين نبني محل مش اكتر فبيستغرب يان من انهم ازاي عاوزين يبنوا محل وفي نفس الوقت هم متخفيين اساسا عن الناس. بس في النهايه بيسمح لهم يعملوا اللي هم عاوزينه عادي ولكن يفضلوا تحت المراقبه. في الاخر بقى يان بيمشي من المكان وهوبل بيكلمه وبيقول له انت ليه ما سالتش البنت والعجوز دول عن اعمارهم. بيرد يان عليه وبيقول له الاعمار بالنسبه لي مجرد شيء وهمي وما لهاش اي لازمه اساسا. وبيعرفوا ان فصيل العجوز ده منعزل تماما وما لهمش دعوه باي حد فعشان كده ما فيش منهم خطر. بعد كده بيرجع يان يكمل اللي بيعمله بقى وبياخد ويه وبيروحوا لحفره النفق وهناك وي بيفضل يحفر بسرعه رهيبه. بينط يان وراه وبيفكر انه يبقى يزود ويه بمعدات ممكن تنفعه لكن بعدها بيشيل الفكره دي من راسه طالما الموضوع ماشي كويس لحد دلوقتي. وبعد شويه من الوقت ولما بيحفروا حبه حلوين يان بيحس بالوحده المطلقه والظلام التام وسط الحفره. مع انهم اساسا بيكونوا لسه بالنهار فعشان كده يان بيفهم انهم راحوا لبعيد وبيروحوا بيبص على الخريطه عشان يعرف باقي قد ايه. بعدها بيرجع ويساعده وي شويه ولما بيخلص النهارده بيرتاح وبيقول بالمتوسط ده احنا محتاجين حوالي شهرين عشان نوصل بس للجزيره. وفي الحقيقه في خلال الشهرين دول ما فيش اي حاجه بيحصل والشهرين بيعدوا بسلام تماما. بيضحك يان لانه اخيرا بيكون انتهى من بناء النفق وبيكون مبسوط جدا عشان نجح في كل التحديات اللي قدامه والنفق بيبقى ثابت كويس قوي. بياخد بقى شويه من رجاله الموثوقين وبيركب القصر اللي عمل له خط في النفق ده. وبنعرف ان القطر ده بيبقى نهايه المرحله الاولى في النفق بالنسبه ليان. وبرده بيبقى راكب معاهم فوق القطر وفورا القطر ده بينطلق بسرعه وسط النفق المظلم ويام بيبقى طافي نار الشبح ساعتها. وبعد شويه القطر بينط بره الكهف وبيقوم على قمه جبل موجود في جزيره. بيطلع يان فوق الجبل ده وبيبص على البحر وبيقول انا مش مصدق اخيرا دلوقتي وصلت لجزيره الامل. بيلمح يان برده بحر العاصفه موجود واللي بيبقى فوقه سحابه سوده نازل منها صواعق كتير جدا. بيحاول وقتها يشوف المدينه اللي موجوده ولكن من الرؤيه مش بيعرف. بعد كده بيبص للجزيره اللي هو فيها بقى وبيلاقيها مليانه بكنوز وخير وثمار كتيره من فاكهه راس القرد. بيفرح يان جدا لان بالفاكهه دي هيقدر اخيرا يتطور الاسوار بعد ما كان فاكر انها مهمه مستحيله. بيقول ممتاز دلوقتي بعد التطور اللي هيحصل ما حدش ابدا هيفكر يخترق نقطه الحراسه بتاعتي. لانها خلاص هتبقى محاطه باصوار من المستوى السابع ومدافع ماكس وكمان مدافع جويه. بعد كده بيتمشى يان مع هوبل واللي معاه وبيشاور لهم على الحدائق وبيبقوا منبهرين جدا بمنظرها. بيقول لهم يان مستنيين ايه روحوا دلوقتي يلا جمعوا الفاكهه وكل الكنوز فكلهم بينطلقوا بحماس شديد جدا. اما بالنسبه ليان فهو بيرجع من تاني لحافه الجبل وبيقول انا عارف كويس ان اتبع مخلصين جدا. لكن في نفس الوقت انا مش عاوز خبر الوصول للقاره الجديده بالقطر ينتشر وسط الناس في المدن الثانيه فعشان كده انا هخلي العمال يقعدوا هنا فتره معينه. في الاثناء دي ديسك بينزل للشط وبيقول انا ما كنتش مصدق ابدا خبر وصول البحاره لجزيره في قاره تانيه غير لما وصلت هنا وشفت بنفسي. وقتها وهو ماشي بيدوس على حاجه لازجه فبيرفع رجله وبيلاقي ان الحاجه دي لونها احمر. بيمسكها وبيبص كويس وبيقول تقريبا انا درست الحاجه دي قبل كده وفجاه بيستوعب الحاجه دي لانها بتكون اعشاب البحر اللي يان بيدور عليها بقاله فتره ومش لاقيها. ديسك تقريبا هنا بيكون لقى حوالي 8 من الاعشاب فبينده على طول باعلى صوته على يان عشان يبلغه بالخبر الحلو جدا ده. للاسف يان بيكون بعيد وموجود عند النفق فمش بيسمع اساسا صوت ديسكو واصلا هو بيبقى حاضن جنين جبلي قافل المكان ده فبيخزنه. وقتها بيلاقي هوبل عمال بينادي له فبيروح له وبيقول له انت عاوز ايه. بيطلب هوبل يجي معاه حالا لانه لقى حاجه وبيوديه عند نهر الميه فيه صافيه جدا. بيبص يان في المكان وبيلاقي ان في صخور ووسطها ازهار فبيرككز جامد جدا على الازهار دي وعلى تفاصيلها وبيعف ان دي تبقى ازهار اللوتس الثلجيه. بيقوم وهو فرحان جدا وبيقول قبل كده زهره واحده بس كانت هي السبب في تخطيط سري وحروب كثيره ودلوقتي انا قدامي حوالي 13. يان بيكون حذر فبيكرر ما يقطفش من الزهور دي حاليا غير بس لما يجيب ادوات تبريد بدل ما يقطفهم ويبوظهم كلهم اثناء النقل. وده طبعا لانه المسافه بينه وما بين المستودع مسافه كبيره وفي خلال المسافه دي ممكن الزهور تبوظ. على الجهه الثانيه بقى ديسك بيكون حاطط اعشاب البحر في وعاء وبيروح وبيعف يان بالانجاز الرهيب ده. بيقول له برده انا عارف ان الاعشاب دي لازم تتحط في ملح عشان يتم الحفاظ عليها. وانا بقى استبدلت الملح بالميه المالحه اللي جايه من البحر نفسه. بيبص يان على الاعشاب كويس وبيشكر ديسك وبيقول له اكتشاف الجزيره دي يعتبر اعظم اكتشاف في الفتره الاخيره بالنسبه لنا. الفصيل كله بيرجع يكمل استكشاف ووانج وديسك بيتمشوا مع بعض وسط الغابه. بيلاحظوا وقتها فعلا ان ما فيش اي كائنات حيه موجوده هنا. ولكن فجاه هم بيسمعوا دوشه في المكان وبيلمحوا خيالات بتتحرك بسرعه وسط الاشجار. ديسك بيسحب سيفه وبيببعت رساله فوريه عشان يبلغ ان تقريبا في خطر موجود هنا. الخيالات دي بتظهر معانا بقى واللي بيطلعوا عباره عن قطيع من القرود المتوحشه وبيعملوا اصوات مخيفه في المكان وبيتحركوا بسرعه لحد ما بيحاصروا ديسكو ووانج مع بعض. الاثنين وقتها بيتفاجئوا انهم بقوا محاصرين كده باعداد كبيره جدا من الكرده. بيحاولوا هم الاثنين يتجهزوا للهجوم وبيخوفوا الكرده شويه وديسك بيقول انا اتدربت كويس جدا الفتره اللي فاتت وما بقتش ضعيف وزي ما قدرت انجه من الاشباح هانجو برده النهارده. في اللحظه دي ملك القرود بيدي اشاره وبيصرخ بصوت عالي فاللي معاه بيسمعوا الكلام وبيهجموا بسرعه وكل ما قرد بيقرب منهم ديسك بيضرب بسيفه وبيقدر يطيره. المشكله الكبرى هنا ان اعدادهم كانت كبيره جدا وحتى في قرد بيقدر يخدش ايد ديسك بمخلبه. بيمر الوقت على الحال ده وديسك ووانج بيتعبوا جدا من كتر القطات اللي بيدخلوها. ده حتى بيبقوا حاسين ان الكرده مش عاوزين يقتلوهم اساسا دلوقتي بل عاوزين يتسلوا عليهم شويه مش اكتر ويعذبوهم. اعداد الكرده حاليا بقت اكتر بكتير جدا من الاول وديسك شكله منهار وشفايفه بقى لونها ازرق من كتر الدم اللي فقده في القتال. وكذلك برده وانج بيبقى نفس الوضع تقريبا. بس فجاه بتحصل في المكان هزه ارضيه قويه جدا وكل اللي موجودين سواء بشر او كرده بيستغربوا منها. ديسك بيحس بالامل وبيبص جنبه وبيبتسم وبيرمي سلاحه وبيرفع ايده وهو عمال بيشاور. المشهد بقى كالاتي الاشجار اللي موجوده كان عمال بيتم ازالتها والفضل في ده طبعا كان راجع لويه اللي بيظهر وهو ماشي في الغابه بشكل مرعب جدا. حرفيا كان بيجري في خط مستقيم وهو مش همه الاشجار لانه كان عمال بيدمرها. ولما بيوصل يان بينزل من فوق وهو بيزقر بصوت قوي جدا وبيبدا يخبط في الارض جامد والاشجار فالكرود اللي كانت فوق بتقع على طول. بيرتاح ديسك من الموقف ده وكلهم بيبصوا للي بيحصل وهم متفاجئين جدا لانهم بيلاقوا الكرود كلها عمالين بيهربوا وبيكونوا مرعوبين قوي من وي. ويه بقى مش بيسيبهم وبيكرر يطاردهم لحد ما بيلمح الزعيم بتاعهم وبيستهدفوا. الزعيم ده بيحاول يخش في اتجاهات مختلفه وطرق ضيقه لكن وي بيكون اسرع بكتير وقوته بتخليه يطير اي شجره كانت قدامه. وبعد شويه بيقدر يمسك الزعيم ده وبيحطه في بقه وبيرجع بيه لعند يان وهو سايبه حي. بيطبطب يان عليه وبيقول كويس قوي ان انا جبته معايا عشان المواقف اللي زي كده. بعدها بيفكر وبيقول فعلا افضل حل للتعامل مع الوحوش دي هو احضار وحش اقوى منهم لان دايما الاضعف بشكل تلقائي هيبعد عن الاقوى. في اللحظه دي ديسك وانج بيشكروا يان على الانقاذ وبيقولوا له احنا خلاص كنا هنموت. فبيقول لهم يان من الواضح ان الجزيره هنا خطيره جدا ومحدش عارف احنا ممكن نصادف فيها ايه بعد كده. بيلتفت بعدها على الزعيم واللي بيكون مرعوب جدا فيان بيقول لويه انا عاوزك تخلي الزعيم ده يجمع كل القرود اللي موجوده. بيسمع وي كلامه وبيشيله في بقه وبياخده على جنب وبنعرف هنا ان خطه يان بتبقى كالاتي هي السيطره على القرود اللي موجوده عن طريق اخضاع الزعيم. وعشان كده هو مش بيكون عاوز يقتل الزعيم ده لانه ببساطه لو مات هيجي زعيم تاني مكانه. بيفكر اكتر وبيتذكر الثمار اللي في المكان فبيستنتج ان غالبا الكرود هاجمتهم عشان شايفين ان البشر غزاه وجايين ياخدوا الاكل بتاعهم.
[15:45]وللسبب ده احسن حل ان انا اجيب لهم اكل ارخص ويفضلوا عايشين. بعد شويه من الوقت بنشوف وي بيرجع ليان ومعاه زعيم الكرده واللي بيكون ماشي متردد كده وفي ايده دبوس فرخه. بيتواصل وي مع يان وبيعفه ان كل حاجه تمام يعني فبيفهم من التواصل ده ان وي استخدم اسلوب المكافاه. ولما الزعيم سمع الكلام اللي وي كان عاوزه فاداله دبوس الفرخه يعني كمكافاه. بيلاحظ يان برده ان الزعيم ده بياكل دبوس الفرخه وهو مبسوط جدا فبيفهم ان دبابيس الفراخ احسن بالنسبه لهم من الفاكهه نفسها. بعد كده يان بيطلب من وي بقى يسال الزعيم اذا كانوا بيتغذوا على فاكهه راس القرد بس ولا في غيرها كمان وكذلك يسالوا عن اخبار الجزيره دي واذا كان في بشر غيرهم هنا. بيكلم وي الزعيم فعلا وبيساله فبيرد الزعيم ويفضل يعمل حركات غريبه كده وهو بيتكلم. وبعد شويه من الوقت بنلاقي يان بيتمشى في الغابه وبيعف من كلام الزعيم ان القرود اساسا ما شافوش بشر هنا قبل كده. فبيتعجب يان جدا وبيقول طب مين اللي زرع الاشجار دي هل ممكن يبقوا بشر من زمان ولا القرود نفسهم هم اللي اتعلموا الزراعه. بيعرف برده من معلومات الزعيم ان القرود ما كانتش بتاكل غير الفاكهه دي وثمره واحده من الفاكهه بتكفي قرد لمده يوم. على الجهه الثانيه بقى زعيم القرود بيطلع صوت عالي عشان ينفذ الطلب اللي وي كان عاوزه وهو ان وي يبقى الزعيم مكانه. ساعتها القرود بتطلع وبتتجمع حوالين وي وبيقفوا في طابور قدامه بالظبط لانه يبقى الزعيم الجديد. وهنا وي بيبدا يدي لكل واحد منهم دبوس فرخه فالكرود بتنبسط جدا وبياخدوا الدبوس ده. قال في الوقت ده بيستغرب ويندهش من ان تم السيطره على الكرود كلها حرفيا. وبينتبه كمان ان وي حاليا ادى امر فالكرود كلها اتحركت عشان تنفذ كلامه. بيقول له يان ممتاز قوي انا جه في بالي دلوقتي فكره ان انا ابني جناح عندي خاص للوحوش بس وانت اللي هتكون القائد بتاعهم. وبيحس يان ساعتها بالمنظر ده وفي المستقبل فنقطه الحراسه بتاعته هتضم وحوش كثيره جدا. في اللحظه دي بنكتشف ان القرود خدت اوامر بانها تقطف كل الثمار اللي موجوده وتجيبها عشان يان ياخدها يعني. اما بالنسبه ليان نفسه فبيكرر يركب القطر ويرجع للميناء على ما القرود تكون خلصت. بالفعل بعد شويه بيوصل للميناء بالليل وبيععمل شره خاصه بقائد جناح الوحوش وبيديها للتمساح وي. فوي بيفرح قوي من كده ويفضل يرقص. بيكرر يان يرتاح بقى دلوقتي ويروح ينام. وبعد كده ولما ثاني يوم بيجي بيقوم وبيشوف مخططات الانفاق اللي تحت البحر لانه خلص المرحله الاولى بس ولسه في مراحل ثانيه المفروض يعملها عشان يكمل. بيشوف برده انها هتبقى فكره كويسه لو عملوا نقطه حراسه جديده في الجزيره هنا عشان يسهلوا عمليه نقل الكنوز. فبيعرف ركس بالموضوع ده وانه عاوز مجموعه من البشر تبقى بتشرف على كل العمليات اللي هتبقى في الجزيره. وكمان بيقول له انا عاوز اعمل ابراج اشاره تحت الارض عشان نقدر نتواصل مع الناس اللي هتبقى في الجزيره واحنا بعيد. ركس ما بيكونش واثق وبيقول له طب خلينا ناجل الامور دي شويه. لكن يام بيطمنوا ان كل حاجه هتكون تمام وبيعفوا ان الرسائل العاديه بتاخد وقت طويل جدا في حين ان الخطه دي هتوفر وقت كبير بالنسبه لهم. مباشره بيبدا يان في خطه ابراج الاشاره وبيخلي وي يحفر جوه النفق ده بشكل راسي عشان يعمل مساحه يحط فيها الابراج. وبعد كده هو بيبلغ هوبل وركس بالتطورات دي كلها وبيقول لهم انا عاوزكم تديروا المدينه كويس لان انا انشغلت جامد عنها الفتره اللي فاتت بس انا واثق ان انتم هتديها بشكل ممتاز. ولما بيخلص امور الحاليه بيركب بقى القطر وبيغادر المدينه عشان يرجع من تاني للجزيره اللي كان فيها. لما بيرجع يان بيلاقي ان القرود جمعوا الثمار ومجهزينها للنقل على طول. بيكونوا ساعتها بعد ما خلصوا واقفين وعاوزين ياكلوا بس فوي بيتحرك بسرعه وبيجهز في طابور وبيبدا يدي لهم واحد ورا الثاني الاكل. القرود بيفرحوا قوي وبياخدوا الاكل وبيدوا ياكلوا فيه بشكل مباشر. اما بالنسبه ليان فهو بيحمل الفاكهه في القطر وبيخلي وي يكمل في عمليه الحفر. ومن هنا الاحداث بتنتقل معانا لعند مكان مختلف تماما. المكان هناك وضعه بيبقى صعب جدا وبنشوف اسوار ضخمه شبه المشهد اللي كان حاصل قبل كده من 800 سنه في صور فاصل بين البحر والمدينه. بيبقى في جنود كتير برده وكلهم تقريبا مصابين والور هنا بيبقى بيفصل بين الناس وبين جبال من جثث الاشباح. في الاثناء دي البوابه نفسها بتتفتح فالناس بتجري بسرعه لجمع كل الاحجار اللي موجوده بره من جثث الاشباح. الور اللي موجود ده بيبقى رهيب بقى لانه بيبقى منيع وارتفاعه 50 متر ومتغطي بالكامل بالدم. اللي موجودين في المدينه دي كانوا عمالين بيتحركوا بسرعه وكان في منهم عمالين بيصلحوا اي جزء مدمر في السور. وكان في غيرهم برده بيصلحوا المدافع بالاحجار اللي بيجيبوها وبيبقى في حوالي 100000 شخص شغال في السور بس. وقتها بنشوف برده راجل عجوز كده لابس درع بيجري على شاب موجود وبيقول له انت ليه قاعد هنا بدل ما تظبط مخططات الاسوار عشان الهجمات قوتها عماله بتزيد اكتر. بيسكت الشاب شويه وبيبص على نمل بيتحرك قدامه وكانوا بانيين عش فبيقول النمل دايما بيحاول يبذل كل جهده عشان يبنوا العش اللي هيحميهم من اي اعداء. بس بعد كده الشاب بيدمر العش ده وبيقول من الواضح ان احنا كمان مفكرين نفسنا اقوياء زي النمل كده ومحميي. لكن في الواقع احنا نعتبر نمل برده بالنسبه للاشباح اللي اقوى مننا. بيسكت العجوز شويه وبعد كده بيشاور للشاب ده وبيقول له على فكره النمل صلح العش بتاعه. احنا ايوه ممكن نبقى نمل بالنسبه للاشباح بس لازم تعرف ان مهما الاسوار والدفاعات اتكسرت لازم دايما نصلحها ونعيش في سلام على طول. احنا هنا في العالم كله القوه الاكبر وحاليا بنواجه اعظم خطر موجود ولو احنا سقطنا فما حدش هيقدر يوقف الاشباح دي ابدا. بيلتفت الشاب وبيبص للبحر وبيقول في حاجه مضايقاني جدا احنا حاليا بنحاول نحمي كل البلاد اللي ورانا. لكن في المقابل البلاد دي مش بتساعدنا خالص ولما بنطلب منهم اي حاجه هم بيرفضوا على طول. بيرد العجوز عليه وبيقول له ركز معايا احنا هنا مش مدينه ولا حتى من مكان واحد. احنا بس اتجمعنا كلنا تحت رايه منظمه الليل الابدي. والمنظمه دي هي اللي بتتصرف في الموارد اما اللي على الاسوار فعباره عن جنود ما لهمش دعوه بطلب موارد من البلاد الثانيه. بيكون العجوز قلقان هنا من حاجه وهي ان الاشباح بقت اذكى بكتير وخطوط الدفاع عماله بتتدمر بشكل مرعب. والتدميرات دي فهي بتكلف المنظمه موارد كتيره جدا وخلاص حاليا الموارد بقت اقل بكتير من الاول. بيقول للشاب فوق كده الوقت ده مش وقت الكلام عن الاخلاق احنا لازم نركز على الدفاع وصيانه الاسوار لاننا اكبر قوه موجوده وسقوطنا معناه سقوط البشريه بالكامل. بيسمع الشاب الكلام ويفضل باصص على البحر وبيحاول يفكر في اي حل للوضع اليائس ده. وبيجي في باله ان هم ينسحبوا ويعملوا دفاعات ورا ولكن بيرفض الفكره دي لان اي دفاعات تانيه هتكون اضعف بكتير جدا من اللي هنا. وعلى الرغم من ان الخطه تنفع مع الاشباح اللي جوه القاره ولكن اشباح البحر المرعبه مستحيل حد يقف قدامها. وفعلا لو السور اتدمر فحرفيا الاشباح دي هتكتسح العالم بالكامل. بيطبطب العجوز جدا لانه بيبقى متاكد ان كده كده هيجي اليوم والدفاعات كلها تقع. بيقول للشاب في الاصل المفروض القاره دي كان معمول عليها تشكيل لحمايتها من كل الاشباح. ولكن مع مرور الزمن في مناطق كثيره بقت ضعيفه والاشباح استغلوا الثغرات في التشكيل وبداوا منها الغزو. وعشان كده فالبشر بقوا بيركزوا ان هم يعملوا دفاعات عند الثغرات اللي بقت بتظهر. بيسال الشاب هنا على خط دفاع جيان جي بي اللي بيحميها شخص واحد حاليا. بيرد العجوز وبيقول له للاسف الشخص ده واللي هو الراجل العظيم اختفى ولكنه عامل تشكيل منع الاشباح تماما من انها تاخذوا المنطقه. بس الفكره هنا ان التشكيل هيتدمر بعد اربع سنوات بالظبط وقتها لو الشخص الغامض ما رجعش المنطقه هتبعت قوات لهناك. بيقول في الواقع انا كان نفسي بس العالم كله يكون مسالم. فبيبص له الشاب ده وبيضحك وبيقول له ما فيش حد هنا بيهتم بينا اساسا سواء عشنا او حتى متنا. وبمجرد ما خط الدفاع بتاعنا ده يسقط فالبشر كلهم هينقرضوا وهيبدا عصر الاشباح. بيبص العجوز للسماء وبعدها بيبتسم وبيقول مش مهم اي حاجه لكن المهم بس ان احنا نقدر نصمد ونقاتل. في الاثناء دي بيقاطع كلامهم بقى جندي بيجري ناحيه العجوز وبيقول له يا قائد الناس في سهل كانتو هربوا كلهم وخدوا الاحجار والكنوز معاهم. بيستغرب العجوز وبيقول سهل كانتو ده المفروض الناس في كويسين وبيدافعوا عن البشر. لكن من الواضح كده ان هم سمعوا اشاعات خلتهم يغيروا موقفهم. في اللحظه دي برده بتظهر في المكان سفينه غريبه كده طائره وكلها دفاعات واسلحه. السفينه بتقف عند السور وبينزل منها راجل مفتول العضلات وبيخرج شارط هويه. بيسال وقتها عن كل اللي مشوا وهربوا وبيقول انا مش هسيبهم وهبدهم حالا وساعتها بتخرج منه هاله قاتله. بدون ما نعرف اللي بيحصل بقى بنرجع من تاني للمدينه والقطر السريع بيكون شغال باستمرار وعمال بيجيب الكنوز من الجزيره لحد المدينه هنا. قطارات التجاره كلها كانت شغاله برده وللسبب ده المدينه كانت اتطورت بسرعه اكبر من الاول. بنعرف برده ان يان خلاص بنى نقطه الحراسه المؤقته على الجزيره وده عشان الناس يقدروا يقعدوا هناك لفتره معينه لو حابين. اما بالنسبه للتمساح وي فهو لسه بيبقى عمال بيحفر وبيظبط الانفاق. ولما الوقت بيمر والليل بيقرب على الجزيره يان بيلاقي ان بحر العاصفه بقى هايج اكتر بكتير جدا من الاول. بيحس ان الوضع مش تمام ابدا لانه بيلمح برده اعداد ضخمه من الاشباح اللي في البحر ده. هوبل بيشوف برده نفس المشهد وبيقول من الواضح كده ان البحر هيفضل يكبر اكتر واكتر لحد ما يغزوا العالم بالكامل. بيقول له يان كلامك صح ده احتمال وارد جدا فعلا. فبيغير هوبل الموضوع وبيقول له على حسب معلومات ونج احنا حاسين ان الاشباح في البحر عمالين بيتعذبوا ومش عارفين يخرجوا ابدا بره حدود البحر حاليا. بيخمن يان من الكلام ده ان غالبا كده البحر عباره عن تشكيل دفاعي حميهم من اشباح البحر اللي موجودين دلوقتي. لانه فعلا لحد اللحظه دي ما شافش اي اشباح من البحر بتهاجم عليهم مع انهم كانوا اقوى اشباح موجودين. بيرد هوبل عليه وبيقول لنفسه اشباح البحر مرعبه فعلا ولو هي خرجت من البحر فمصير العالم كله هيكون الهلاك. بعد كده يان بيشرب الشاي بتاعه وبيفكر يعمل برج سماء جديد عند بحر العاصفه عشان يمتص الصواعق اللانهائيه اللي موجوده دي. لكنه للاسف بيحس ان الصواعق اقوى من تحمل البرج وغالبا هتدمره. بعد كده بتمر شهور وكل حاجه كانت تمام وموسم المطر الجديد بيقرب اكتر واكتر. الحفر في النفق ساعتها كان لسه مستمر لكنه كان ابطا بكتير لان التكوينات الصخريه على العمق ده كانت صلبه جدا. تقريبا هم بيكونوا وصلوا تحت بحر العاصفه مباشره وقتها بتظهر تشكيلات سحريه في المكان. بيزعق يان لويه وبيقول له اوعى تحفر هنا وحاول تكمل حفر بعيد عن التشكيلات دي. وعلى الحال ده هم بيفضلوا يغيروا اتجاه الحفر كل شويه لما بيلاقوا تشكيل موجود. بيقول يان لنفسه انا لازم اكون حذر جدا ان انا ما اكسرش اي تشكيل من دول لان لو ده حصل فغالبا اشباح البحر كلها هتتحرر. وبيتخيل بقى لما الاشباح دي تتحرر وانها هتدمر نقطه الحراسه بتاعته وحتى العالم كله. الوقت بيمر معانا وتقريبا ويه بيكون انهى منطقه التشكيلات دي فبيضرب ضربه كده وبيتفاجئ ان الصخور حاليا بقت اقل صلابه وبيفرح جدا بالموضوع ده وبيعف يان. بيبص يان على الخريطه وبيقول بالمنظر ده احنا عدينا بحر العاصفه خلاص بسلام. والمره دي بقى هدفنا هو القاره الجديده اللي لازم نروحها. وبيواصل حفر وبيحفر بشكل راسي لحد ما بيطلع فوق هو ويان. لما يان بيطلع بيستخدم النظام وبيبني صور ضخم وبيوصله لحد المستوى السادس بشكل فوري وبيملا الصور ده بالكامل بالمدافع. بعدها بيبص حواليه وبيلاقي المكان مليان باحجار اشباح كتيره فبيقول لنفسه الاحجار دي دليل ان ما حدش جيل المكان اساسا عشان يجمعها وبرده بيشوف شويه هياكل كده لكائنات مختلفه. بيطلع بعدها فوق الصور اللي بناه وهو حاسس بهدوء مش طبيعي خالص وبعدها بيبص قدامه فبينصدم من المنظر لان الاراضي بتبقى مليانه بهياكل ميته. يان مش بيبقى قادر يستوعب الاعداد اللي ماتت دي كلها وحتى بيشوف انقاض وصوار دفاعيه متكسره وبيلاقي ان هم سبع اسوار من المستوى السادس. كذلك بينتبه ان في هيكل شبح كامل موجود برده في المكان فبينصدم جدا لان حجم الشبح ده حوالي 10 متر. بيكمل ماشي وبيقول غالبا اللي حصل في المنطقه هنا نفس اللي حصل مع السيد الخالد بالضبط. وبيفهم من المنظر ان موسم المطر اللي كان حضره المره اللي فاتت كان يعتبر لعب عيال بالنسبه لموسم المطر اللي شايف اثاره قدامه دلوقتي. بعد كده بيتقدم وبيلمس اسوار تانيه موجوده عشان يحاول يفحصها. وبيتفاجئ ساعتها من النتيجه لانه بيكتشف ان الاسوار اللي سقطت دي برده تقريبا من المستوى الثامن او حتى التاسع حرفيا. بيقوم فوق الصور وبيبص كويس وبيقول ان دايما الاسوار الاماميه بتكون ضعيفه وبما ان اسوار المستوى التاسع دي هي الاماميه فغالبا في وراء اسوار من المستوى العاشر او حاجه. وقتها هو بيصاب بالاحباط جدا لان اسوار المستوى العاشر حرفيا وقعت خلاص. فمش بيبقى قادر يفهم ازاي اعلى مستوى للاسوار ما قدرش يتحمل والاشباح خلصت عليه. بيكمل مشي وتفكير كده وبيتساءل اذا كان في مستويات اعلى من العاشر للااسوار ولا ايه لكنه مش بيلاقي فيه اي اجابه. وهنا هو بيبعت رساله للي شغالين معاه بزياده الاعمال وبيامر ان هم يوسعوا نقطه الحراسه المؤقته الجديده دي. بعد كده بننتقل بالمشهد بقى لعند هوبل واللي بيبقى مجمع كل القرود وبيدي لهم الاكل. بيقول لهم كلوا كويس قوي وبيعف الزعيم بتاعهم ان لسه قدامهم طريق طويل. الزعيم هنا بيقلق بس هوبل بيقول له ما تخافش انا هخليكم تشتغلوا بس في مكان جديد فبيتحمس الزعيم وبيكون مبسوط للرحله الجديده. بنروح برده لعند نقطه الحراسه نفسها وبنشوف ونج بيبقى بيجهز فريقه وبيسجلهم معاه عشان دول رايحين مع بعض رحله للعالم الجديد. بيتكلم ركس وبيسال ونج وهو قلقان اذا كانت الرحله دي خطيره ولا ايه فوانج بيضحك وبيقول له العالم اللي احنا فيه كل حاجه خطيره اساسا لكن المره دي الخطر مش كبير قوي. بيقول له ركس تمام بس لو احنا واجهنا خطر اثناء رجوعنا اهم حاجه ان احنا بس نرجع احياء. بيرد ونج وبيقول له بلاش الكلام المتشائم ده لان بسببك انا حاسس اني رايح للموت. بعد كده ونج والفريق بقى بيركبوا القطر واللي بيتحرك بيهم على طول والسكه الحديد بتنزل لتحت وبينزلوا لعند النفق السفلي الجديد. بينطلقوا وبيعدوا من جنب التشكيلات وبيروحوا لحد نقطه الحراسه بتاعت العالم الجديد.
