[0:00]بعد ما نرمي كل الكتب في النهر هنخش على المجلات على طول، هناك العظيم قائدنا تعرف إن جسم الإنسان البالغ فيه 206 عظمة؟ أنت بتعمل إيه؟ أنت راكب يا ابني، يا نهارك أسود، مين اللي علمك القراية؟ عادي يا قائد تسليه يعني أنا أصلا كنت عايز أسألك هو إحنا ليه بنرمي الكتب كده حرام يعني؟ حرام؟ أنت يعني عشان قريت لك كلمتين هتبقى أذكى مني؟ معلش والله ما أقصدش خالص أنا بس بقول يعني أنا هحرق كتب بغداد كلها عشان يفهموا إننا مجانين وإن ما فيش حاجة هتوقفنا الهرب، عاملين فيها مثقفين وعندهم علم وشايفين نفسهم طب وإحنا هنستفيد إيه لما نرمي الكتب في المية؟ هادمر حضارتهم، قوتهم الخشنة وكمان الناعمة يا قائد، الناس كده في المستقبل هتقول علينا حيوانات متوحشة وجيش من الجهلة ولا بتجيب الكلام ده منين أكيد من أعداء الناس الشيوعيين اللي بيعرفوا يقروا زيك فكرني أعدامكم لما نرجع أنا بس بصراحة فارق معايا شكلك قدام التاريخ ماله شكلي يعني؟ قائد، قوي، عنيف، جبار، زي زي ما هو لو إحنا بنقرأ كان زماننا عرفنا أمثلة ولا ولا ولا مش مهم أصلا التاريخ المهم الناس تعرف إن هولاكو المغوار اللي جاي من الغرب مسيطر على العالم كله من الشرق إحنا جايين من الشرق يا جدع انت الإحراج حضرتك مش لازم تقرأ بنفسك كل حاجة ممكن تجيب حد يقرأ لك ممكن تقول لحد زيي عشان بس ما تحرجش نفسك كده آه عندك حق طب نعمل إيه بقى؟ نطلع الكتب بالميه؟ لا لا خلاص معظمها غرق ومولعنا في الباقي بس ممكن لما نوصل مصر نجيب كتب ثاني طيب طيب طب أبتدي إيه في القراية بقى ترشح لي إيه؟ لو ليك في الروايات أرشح لك أحمد مراد ومحمد صادق والرائع أحمد خالد توفيق الله يرحمه أنت إيه الكتاب اللي بتقراه ده؟ الكتاب ده الدحيح ما وراء الكواليس رائع ما وراء الكواليس إيه طب بالنسبة لي صحيح بقى في حد واقف وراء بيمليك ولا هو بيبقى عارف المعلومات دي لوحده؟ والله لسه ما وصلتش للحته دي في الكتاب بس أنا في الشابتر بتاع داس السم في العسل هتفاجئ إزاي بس؟
[2:17]أعزائي المشاهدين صلوا على النبي صلى الله عليه وسلم، أهلا بكم في حلقة جديدة من برنامج الدحيح، أعزائي المشاهدين الجميل خليني آخذك لمشهد مرعب، الشمس بتشرق على ضفة نهر جاري نور الشمس اللي عادة بيجي مع الصباح والعصافير اللي بتزقزق يجي على المشهد ده عشان ينوره ويكشف لنا على كابوس، النهر يا عزيزي لونه أحمر، لون الدم على سطح الميه بنشوف الجثث طافية ريحة العفونة اللي طالعة منها والغراب اللي بتأكل في الجيفة بتقول إن الجثث دي موجودة هنا من أيام موجودة لإن ما حدش فكر يقرب ليها يشوفها ينقذها يمكن ما حدش قرب للجثث دي لإن لو جيت بصيت حواليك في المدينة لتجدها فاضية عزيزي المشاهد الجميل إحنا دلوقتي في مدينة أشباح، مدينة تقريبا ما فيهاش إنسان ما فيش أي علامة بتقول إن هنا كان فيه بشر غير تلال الجثث تلال متساوية في كل مكان وكأن اللي قتل الجثث دي كلها كان بيرصها كأنها بضاعة كانت زي ما تقول كده بيجمعهم بنظام معين عشان ما يسدوش الطريق بنفضل يا عزيزي ماشيين في الطريق كده شوية لحد ما بنلاقي راجل مسكين راجل بيجري بيأس وبيطارده مجموعة من جنود لابسين جنود الحيوانات مطاردينه كانوا بيعملوا كل حاجة في شكلهم عشان يبانوا وحوش، يبانوا همج مطاردينه دول في ايديهم سيوف وعلى ظهرهم شايلين قفف مليانة من كنوز المدينة الغنية اللي لسه ناهبينها الناجي الوحيد هنا هو أقصر أهل المدينة حظا بيطارد دلوقتي من هؤلاء الوحوش بيصرخ وبيطلب مساعدة بس مش عارف هو بيطلبها منين هو متأكد إن ما فيش مدد جاي لإن ببساطة المدينة ومن عليها اتمسحوا والشاهد الوحيد على كل ده على بعد لحظات من الموت الجنود يا عزيزي اللي حكيت لك عنهم بيوصلوا لفريستهم أخيرا وبالرغم إن الراجل ده قعد يتوسل لهم يا جماعة ارحموني إلا إن الجنود بيشقوا جسمه وبيقطعوه في لحظات الراجل بيموت وبيتقطع الغريب يا عزيزي إن الراجل ده لم يكن مقاتل ولا حتى معه سيف يعني لم يكن مصدر تهديد لهم اطلاقا وهم ما كانوش شايفين فيه عدو أو حتى أسير ولا حتى إنسان هم كانوا شايفينه شيء كانوا شايفين أشلائه أدوات لو جيت يا عزيزي بصيت على دافعهم في القتل هتلاقيهم مش عايزين ينتقموا أو ينكلوا به ولا يثبتوا أي حاجة كانوا عايزين يا عزيزي عظمه يستخدم كدعامة عشان يقدروا يشيلوا بعظم هذا الرجل أقفف الكنوز اللي على ظهرهم كأنه شجرة بيقطعوا منها خشب بنكمل يا عزيزي الطريق وبنقابل اثنين جنود ثانيين لابسين برده زي الوحوش بيدخلوا زقاق جاي منه صوت صريخ وعياط مكتوم كأنه صوت عياط أطفال بيدخلوا يا عزيزي الزقاق بيلاقوا 40 طفل بيتترعشوا قدامهم الملامح اتكشف، الجنود بيسألوهم عن أمهاتهم بيعرفوا بعد كده إن الأمهات كلها ماتت وقتها الجنود دول بتظهر في عينيهم الشفقة تجاه هؤلاء الأطفال وبهوء وبرحمة بيخرجوا يا عزيزي سيوفهم وبمنتهى الرحمة بيقتلوا الأطفال بأقصى سرعة ممكنة عشان الأطفال دي ما تتعذبش وما يعيشوش في حياة مليانة بالمحناية بجد يا عزيزي كانوا بيعتبروا فعلهم ده رحمة بالأطفال شايفين إن موتهم بهذه الوحشية وهذه الطريقة أرحم من إنهم يعيشوا في عالم من غير أب ولا أم المدينة اللي بحكي لك عنها بقت أشبه بمقبرة جماعية سكانها الجثث وريحة الموت موجودة في كل زاوية فيها إحنا دلوقتي يا عزيزي في شوارع مدينة بغداد شهر سفر 656 هجريا لو مش شايف اللي بيحصل يا عزيزي فأحب أقول لك إن المغول دخلوا بغداد في زمن الخلافة العباسية الدولة العباسية في عزها وفي أوج قوتها وفي أقصى أزمنة الاتساع كانت بالشكل اللي قدامك ده واحدة من أعظم دول العالم القديم بتمتد من نهر السند للمغرب الأقصى لو حد مع الفدادين دي يروح يقعد رجلي على رجل في وش ترامب ولكن الدولة العباسية زيها زي أي إمبراطورية عملاقة نقطة قوتها نقطة تضعفها وهو الاتساع عظمتها بتكشف مشاكلها إزاي ممكن خلافة تسيطر على الجزء الواسع ده من العالم لمدة أكثر من خمس قرون هي يا عزيزي زي ما أنت عارف السيطرة دي لم تستمر كثيرا يا دوبك بعد قرنين ضعفت السلطة العباسية وبدأ تتقطع لأكثر من نفوذ أجنبي، أنت عارف عزيز الدول اللي جت ولقب الخليفة اللي أصبح طيف شرف كل دولة جديدة بتقوم تاخذ الخليفة كده أونجاجيه تعالى أعترف بي، ناديلك على المنبر ونرجعوا مكانه ثاني كانت طريقة الدولة العباسية في النجاة وقت التسلط الأجنبي ده إن هم يعترفوا مؤقتا باللي معاه القوة دي الوقت لحد ما يجي حد أقوى منه ويشيله يعني مثلا في سنة 334 هجريا جم الجماعة البوهيين بأصولهم الفارسية وسيطروا عليهم ولكن بعدها بحوالي 100 سنة البوهيين يريحوا فورماتهم وقعت، جه مكانهم مين؟ الأتراك السلاجقة بنغير طرابيش، اللي يقدر يعتني يتفضل إحنا كده كده قاعدين مع عامل الدولة العباسية بتيجي بعد كده سنة 590 هجريا بعد حوالي 150 سنة من دخول السلاجقة السلاجقة بيريحوا وبيجي مكانهم الدولة الخوارزمية ورأس آخر سلطان من السلاجقة طغرل اتقدمت للخليفة العباسي الناصر لدين الله في بغداد أبو أحمد أنا عندي سؤال من صالح ربنا وأنت واخذني معاك سحبني في الكلام ليه كل الدول دي بتيجي وتمشي والخليفة العباسي بيفضل موجود؟ ليه ما فيش دولة منهم راحت تسقط كرسي الخليفة العباسي بشكل كامل؟ هل دي حاجة من القوة الأجنبية أم لقوة شخصية الخليفة العباسي؟ الحقيقة يا عزيزي الخليفة العباسي لم تكن قوته في شخصيته إطلاقا وارجع لحلقة المماليك هتلاقيه شنطة سامسونايت رايح جاي مع الأمراء الخليفة العباسي حتى في أضعف حالاته لم يكن مهم كشخص وإنما أهميته كانت في رمزيته كرسي الخلافة له مكانة دينية وسياسية بيرمز لوحدة المسلمين في كل أقطار الأمة حدود الدولة العباسية اللي عرضتها لك في الخريطة وحد هنا يا عزيزي الدنيا حلوة نحن أمام خلافة أه نعم ضعيفة أه نعم رمزية بس زي ما تقول ماسكة نفسها شوية بتدهن فولترين وبتعاون نفسها بس بتمشي صحيح هناك رمزية روحية بتجمع الملايين وبتدي شرعية بس برده يا عزيزي هناك هشاشة بتنخر في الدولة كرسي على حد تعبير الضميته مخوخ ويفضل يا عزيزي الوضع كده لحد ما بتحصل الكارثة عزيزي انسى بقى كل السلاجقة والأيوبيين والخوارزميين كل دول كيوت الكارثة بتحصل لما بتظهر قوة جديدة على مسرح التاريخ قوة جبارة تدعى المغول، حاكم جنكيز خان بيظهر في آسيا وبيسيطر على الصين دي جملة يا عزيزي خبرية شايف يا عزيزي جملة يسيطر على الصين سهلة إزاي فعل مضارع حرف جر اسم مجرور على الواقع مش محتاج أقول لك يسيطر على الصين دي حاجة كبيرة جدا جنكيز خان يا عزيزي كان ممكن يقعد معلم كده يشرب شاي شينجل مينج ويضرب نودلز تشيكن سويت أند ساور وخلاص عمل إنجاز حياته لمدة 1000 سنة ما حدش هيعرف يعلى عليه واللي يعرف يجي للصين يجي خلاص يا معلم أنت عملتها، أنجزت أمك فخورة بيك تقاعد لا لا أنا عايز أوسع وأحكم العالم بقول لك إيه اللي بيحصل في الشرق الأوسط ده عاجبني لإن حاسس أنا خلاص الشرق الأقصى ده لم يعد ميأسي المغول يتوسعوا غربا زي ما أنتم شايفين على الخريطة بسم الله ما شاء الله عيل في كي جي 2 بيلون لحد ما يكتسحوا بلاد ما وراء النهر وشوف الدول الخوارزمية كده قوم قايل لك الدول دي تلزمني هسقطها أبو حميد ثانية واحدة لو سمحت نزل الخريطة دي أنا عايز أسألك سؤال مهم مش أنت لسه قائل لي إن الخوارزميين دول أعداء العباسيين؟ إذا إذا إذا من مصلحة العباسيين إن المغول ييجوا يخلصوهم من الخوارزميين المحتلين أول يا عزيزي ما تخاطبش فريق الجرافيكس من غير ما ترجع لي وأنت يا ابني أنت وهو نزل الخريطة دي أنا عايزين نشرح بص يا عزيزي على الخريطة الخوارزميين بالرغم من عداوتهم مع العباسيين إلا إنهم كانوا بيمثلوا سد جغرافي منيع حاجز بين العباسيين وطوفان المغول القادم أوكرانيا لغرب أوروبا صف عساكر في رقعة الشطرنج اللي بيموتوا في الأول دول ولكن يا عزيزي إن كثير من العباسيين كانوا فرحانين زيك بالضبط أخيرا خلصنا من خطر الخوارزميين ولكن يا عزيزي إحنا طبعا في مرحلة معينة في التاريخ نعرف بيتم استدالهم بمين هم ما كانوش قارئين اللي هيحصل التاريخ يا عزيزي بننقل لك الكلام ده من خلال حاكم دمشق اللي حذر وقتها وقال ما كان الخوارزمي إلا مثل السد الذي بيننا وبين ياجوج ومأجوج شايف يا عزيزي شلت السد بقى البس في شهر رجب سنة 655 هجريا الخليفة العباسي المستعصم بيستقبل رسالة عبارة عن تهديد ووعيد من القائد هولاكو وده يا عزيزي هولاكو كان معسكر في حتة اسمها همزان دي كانت على بعد حوالي 370 ميل من بغداد التهديد كان كالتالي المستعصم عايزك تشيل من مدينتك السلاح تماما وتحضره لي كده بحيث إن أنا آخذه منك وأعرف إن أنتم منزوعي السلاح ده الأوبشن الأولاني الأوبشن الثاني خلي السلاح عندك بس هاجي ما يبقاش عندكم مدينة هاجي أدمركم وأخرب المدينة وبرده آخذ السلاح وبيختم هولاكو رسالته بيقول لا تخطئ الشمس بنور الشمعة أوعى تفتكر إن إحنا عشان جايين من بعيد فالنور هيفضل صغير كده نور الشمعة اللي أنت شايفه ده هيبقى شمس شمس هتحرق وتكتسح كل إمبراطوريتك اللي حصل يا عزيزي إن للأسف أو ما نعرفش يعني المستعصم ما اتعظش من اللي حصل في الخوارزميين وما سمعش الكلام ويرد على هولاكو بيقول له أيها الشاب الحدث المتمني قصر العمر ومن ظن نفسه وإنه متغلبا على جميع العالم مختار بيومين من الإقبال كيف يمكن أن تتحكم في النجم وتقيده بمعنى يعني يعني أنت يالا اللي مولود امبارح الظهر وفرحان باليومين بتوعك اللي عمال تحتل وتاخذوا فيهم زي ما أنت شايف نفسك شمس أنا شايف نفسي نجم وما فيش نجوم هيكتفها جيش أو غزو طبعا عزيزي الخطاب بليغ جدا بغض النظر عن الدقة الفلكية إلا إنه هولاكو شاف الخطاب وعرف هو هيعمل إيه بالضبط عارف يا عزيزي إن إحنا لما بنتحكي لنا على سقوط بغداد في المدرسة أو في الكتب بيظهر دايما المغول في الأحداث باعتبارهم قوة جاية من بره قوة جديدة على التاريخ قوة مستحدثة زي بالضبط ما المستعصم وصف هولاكو ولكن الحقيقة اللي إحنا ما نعرفهاش غير كده خالص هجمات المغول كانت بادئة على الدولة العباسية بمجرد ما سيطروا على الدولة الخوارزمية من تقريبا سنة 618 من أيام عهد الخليفة الناصر تحولت يا عزيزي الدولة العباسية وقتها لدارس بقت تقريبا كل سنة بيطلع غرب المغول على الدولة العباسية وفضلت مستمرة كده قبل سقوط بغداد بحوالي ربع قرن المغول كانوا بيقربوا جدا لدرجة إن بعض الأحيان كان يقول لك إن هم وصلوا لبعض الأماكن جغرافيا تبعد 8 أيام عن بغداد 8 أيام ماشية عزيزي ده قليل المستعصم في رسالته كان بيقول إنه لو شاور بس لو عمل كده للمدن الإسلامية اللي حوليه كان جمع الشتات أنا أصحابي نصهم رجاله ونصهم خياله أعمل بس كده أهو رهن إشارتي وعلى حد تعبيره قال حتى إذا حلت ساعة الانتقام جففوا مياه البحر يا هولاكو يا كلب طبعا يا عزيزي مش محتاج أقول لك أنت أكيد شفت حلقة المغول لكن كل ده كان يعني بيوصف ب طقطة حنك آخر حاجة بتقولها في الخناقة وأنت لسه بوعيك تغمض تلاقي نفسك عندك ذهان تغمض كمان مرة تلاقي نفسك في المستشفى في اتنين مربطين تغمض كمان صوت الشيخ المنشاوي جاي من بعيد ده آخر ربع في العزاء بتاعك بغض النظر يا عزيزي عن الهزار الخلافة العباسية بالرغم من رمزيتها الروحية اللي كلمتك عنها إلا إنها كانت في قلب مدن ودويلات متقسمة جدا كل حتة غيرانة أصلا في مشاكلها وأنت عامل الخليفة مش جايبنا في مشوار سهل أنت عايزنا نحارب معاك المغول حقيقة الأمر يا عزيزي زي ما قلت لك إن الخلافة لم تكن إلا مجرد حاجة رمزية حقيقة الأمر أنت لو كنت طلبت المدد من الناس كانوا يقولوا لك تعال ساعدنا أنت إحنا مشاكلنا أسهل بكثير من مشاكلك خليني أحكي لك عن هجوم المغول على مدينة أربيل اللي حصل سنة 618 هجريا أمير أربيل طلب المدد من الخليفة العباسي فهنا يا عزيزي الخليفة الناصر راح بعث له 800 جندي وبخليه الباقي عشانك يعني ممكن تحتاجهم بعد كده في المستقبل خلاص الشغل مع المغول دي وخليهم عندك يلا يا عم خليني يا عزيزي أفاجئك وأفاجئ الخليفة الناصر وأفاجئ التاريخ إن أمير أربيل عشان وقتها بس يقوم الحرب كان محتاج رأسمال مش أقل من 10000 جندي لكن يا عزيزي الخليفة الناصر كان عارف إن ده عدد قليل ولكنه اكتفى به وقال له أكمل لك الباقي دعوات بجد يا عزيزي دعا الناس إن هم يقنطوا في الصلاة ويدعوا على المغول في كتابه رياح الشرق دراسة تاريخية شاملة في الاحتلال المغولي للعراق بيقول الدكتور فتحي سالم إن الخلفاء العباسيين المتأخرين زي الناصر والظاهر والمستنصر كان أكشوالي أكشوالي عندهم وقت كفاية إن هم يشوفوا طوفان المغول بيقرب عليهم يهجمهم ويختبر قوتهم وبدل ما كانوا يكتفوا بدور السلطة الرمزية ده لا ده كان عندهم فرصة إن هم يلحقوا وينقذوا الموقف يعملوا قيادة عسكرية تقدر تقف قدام المغول بس الخلافة العباسية للأسف بدل ما تعمل جيش قوي يوحد سلطتها ويخليها تضم الممالك اللي حواليها اللي عمالة تدهوا منها دي اعتمدت على إنها وقت الخطر هتفتح باب النفير والجهاد المماليك اللي حواليها هتيجي أكيد بشكل تطوعي واختياري عشان تساعدنا أمام المغول اللي بيحصل يا عزيزي إن اللي بيلبي هذا النداء هم جنود قدامى مش محتاج يا عزيزي أقول لك إن ده عشان متفائل جدا اعتماد الخلافة الضعيف جدا على المماليك اللي حواليها وخذلان هذه الممالك وقت الحاجة خلى بعض الأمراء مش بس يستسلموا قدام المغول لا دول يتحولوا إلى أعوان ليهم بنشوف مثلا حد زي مين؟ بدر الدين لؤلؤ أتابك الموصل الراجل أول ما شاف المغول نزل حب على ايديهم أنتوا ترتاحوا وتاخذوا واجبكم وأنا اللي هانزل أجمع الضرايب ليكم بقى هو اللي يروح يجمع لهم الضرايب من أمراء الشام بقى محصل مش بس كده وهناك برده صلاح الدين يوسف حاكم دمشق الراجل ده كان بيترعب من المغول جدا وفي نفس سنة غزو بغداد كان بيبعت ابنه بهدايا لهولاكو عشان يساعده في حربه ضد المماليك تخيل يا عزيزي كل ده بيحصل وأنت الخليفة العباسي المستعصم بيراهن على أن المسلمين اللي حواليه في المدن هييجوا لا يمكن يسيبوا رمز الخلافة يسقط عشان كده يا عزيزي كان مجمد قلبه على هولاكو في هذه الرسالة هذا البيت محكم للغاية وسيبقى إلى يوم القيامة المشكلة يا عزيزي إن عادة إحنا بنقع في فخ إننا نشوف التاريخ كلحظات والتاريخ حقيقته أنه سنين عقود قرون ما فيش حاجة تقدر تبص لها على أنها وان تايم لحظة سقوط المغول لبغداد لحظة انهيار الخلافة العباسية لم تكن لحظة دخول المغول وإنما هي سنين من التراكمات مسامير كتير على مر التاريخ بتدقه في نعش الدولة العباسية وعلى الرغم من بلاغة الخليفة العباسي وتصريحاته اللي قال مثيرة للجدل إلا إن يا عزيزي حقيقة الأمر وده اللي بحاول أشرعه لك الوضع كان أوريدي مزري قبل دخول بغداد كل حاجة كانت منهارة الدولة الخوارزمية سقطت والإسماعيليين هولاكو بسم الله ما شاء الله سحقهم الموت استيكة وهم حروف زي ما شفت في حلقة الحشاشين هولاكو دمر قلعة ألموت تماما أما بقايا السلاجقة فبرده دخلوا في تبعية المغول أما بقى في مصر فالأيوبيين وبعدهم المماليك كانوا مشغولين بنزاعاتهم السياسية وأنت مش غريب وعارف اللي حصل بعد نجم الدين أيوب الخلافة العباسية مش بس كانت متجهة ناحية السقوط لا ده جيش هولاكو اللي جاي علينا على الدولة العباسية دولة المسلمين موجود في قوته ناس مننا اختاروا إن هم يبقوا مع الغزاة بدر الدين لؤلؤ لسه حكيت لك عنه قرر يمد المغول بالسلاح وفرقة من 1000 مقاتل بقيادة ابنه اللي هو خده الود يموت عشانكم دي يا عزيزي أقصى درجات الإخلاص في الخيانة خائن مخلص وهناك يا عزيزي طريقة لسرد التاريخ زي ما أنا عملت كده دول قامت ودول سقطت لمت لك خمس قرون كده في خمس دقايق بس الحقيقة هناك طريقة تانية لسرد التاريخ على حسب الكاتبة الحائزة على جائزة نوبل سفيتلانا ألكسفيتش بتقول أحيانا لا نحتاج أن نحكي تاريخ حرب وإنما تاريخ الإنسان في هذه الحرب التاريخ يا عزيزي مش بس هولاكو والمستعصم والناصر التاريخ يا عزيزي ليس تاريخ القادة التاريخ أوسع وأشمل من كده كل جثه ما لهاش لا اسم ولا معالم شفناها في الضحايا بتوع سقوط بغداد مشهد اللي حكيت لك عنه في الأول كل واحد من دول هو جزء من التاريخ اللي حكيت لك نظرة واسعة جدا بزوم أوت فاللي يا عزيزي نحاول نعمل حاجة جديدة شوية إن إحنا هنحاول نبص على المواطنين الناس العاديين نعمل زوم ان على المواطنين البسطاء في العصر العباسي مش مهم نعرف اسمه بس المهم إن هو كان عايش في بغداد وعلى بعد وقت صغير جدا عشان يشهد هذه الليلة الموعودة ليلة سقوط بغداد زي ما قلت لك يا عزيزي البروباجاندا بتاعة المستعصم كان إحنا جامدين وأقويا ويوم ما يدخلوا علينا هيلاقوا رجالة وهنتجمع مع حلفائنا وهنكسرهم بس لما تيجي تعمل هذا الزوم ان اللي بقول لك عليه هتلاقي إن الشعب مش شايف كده السكان العاديين في الشوارع والأسواق كانوا مش عارفين بس كانوا متأكدين إن كل ده كلام خناقات لا يوجد شك أن هناك ضعف وتفكك في قصر الخلافة المستعصم بعض المصادر بتوصفه بانه راجل متدين وعفيف ودي صفات جميلة جدا لو كان متقدم لبنت خالتي ولكن إن الخليفة العباسي خليفة المسلمين يبقى ضعيف الرأي وما لوش هيبة إذا هو غير مؤهل للخلافة في ظل خطر وجودي ضعف شخصية المستعصم ده خلاها لعبة في ايد وزرائه وتحديدا جبهتين مهمين في هذه القصة الجبهة الأولى بيقودها مجاهد الدين أيبك الدويدار ده مقدم جيش العراق وكان معاه القائد العسكري سليمان شاه دي جبهة الاتنين دول جبهة الناحية التانية في جبهة تانية بيقودها وزير الخليفة مؤيد الدين بن العلقمي وده يا عزيزي كان الصراع في البلاط والمفروض إن هو مش موجود عند المواطن العادي الحقيقة يا عزيزي إن المستعصم الخليفة هيسايد مع العلقمي هيروح مع الجبهة التانية وهنا الجبهة الأولى اللي هي بتاعة الدويدار وسليمان شاه هيحسوا إن نفوذهم بيقل هيسكتوا لا الدويدار هيعمل دوشة هينشر لصوص ويطلقهم في بغداد هيهدد الأمن وينشر الفوضى بين الناس وهنا المستعصم بيقوم يسويتش سايدز بيحول من العلقمي ويميل ناحية الدويدار أنا آسف يا عم دويدار كان ساعات الشيطان معلش وبيقوم المستعصم يأمر أن يذكر اسم الدويدار في الخطبة بعد اسم الخليفة كل الأكشن ده يا عزيزي بيوريك أن هناك لخبطة وهناك ما يسفر عن القشة الأخيرة في حياة صعبة عاشها سكان بغداد الحياة صعبة يا عزيزي واللخبطة والخوف من اللصوص والحاكم المتقلب اللي إحنا مش فاهمينه لم يكن بس صعوبة سياسية بالنسبة للمواطن الدولة مش بس كانت مفككة على المستوى السياسي يحصل تقلبات هنا الراجل يميل هنا يروح هنا يبقى فيه لصوص في الشوارع ولكن أيضا كانت على المستوى الاقتصادي والحكمة الشهيرة تقول لك عد قلبي ولا تعد الناتج القومي المحلي بقى يجيب مشاكل في الموازنة العامة، حقيقة يا عزيزي خليني أقول لك في هذا الوقت ثروتها كانت معتمدة على الزراعة ولكن الدولة في هذا الوقت اتابعت سياسة معروفة باسم التضمين الدولة كانت بتدي الأرض لواحد غني أو واحد من كبار رجال الدولة مقابل مبلغ بيدفعه لخزينة الخلافة وبعدها الراجل ده هو اللي يتولى جمع الضرايب من الفلاحين مقاول بيخلص شغلانة اللي حصل هنا يا عزيزي بالبلدي كده إن الدولة سلمت الفقراء للأغنياء والأغنياء ما راحموش راحوا رافعين الضرايب على الفلاحين ووصلت في بعض السنين ل10 أضعاف الضريبة العادية إحنا كده يا عزيزي اتكلمنا عن الكوارث السياسية والكوارث الاقتصادية
[29:16]نيجي بقى للكوارث الطبيعية الوضع ما كانش مستحمل بغداد كانت بيوتها غرقانة ومحاصيلها مدمرة دجلة والفرات كانوا بسم الله ما شاء الله شادين حيلهم وهاتك يا فيضان آخر فيضان حصل كان سنتين قبل غزو المغول لبغداد طب أبو حميد لو الزراعة فيها مشكلة نحاول للتجارة نأمبرت ونإكسبورت الحقيقة يا عزيزي إن أنت لو بصيت لبره حدود الدولة هتلاقي القوافل معرضة للخطر وده ليه لإن المغول ببساطة كانوا مسيطرين على كل الأماكن اللي حوالين مدن الخلافة كل ده يا عزيزي قوم واللي بيحصل في مصر والشام قوم ثاني الأمراء جوه مدورينها في بعض وعاملين ماتش رويل رامبل كل دي يا عزيزي حاجات خلت بغداد مشغولة عن الخطر اللي ممكن يبيدها طب أبو حميد أنا حاسس إن اللي أنت بتقوله ده إن دي كلها خلطة انهيار الدول ناقصها بس حاجة واحدة بس لو هناك بس يحطوا فتنة طائفية حرب أهلية انقسام داخلي يبقى ممتاز يبقى كده المسرح جاهز باستضافة فرقة المسرح كده المسرح جاهز لدخول المغول أنت بتقول إيه يا عزيزي بالفعل بيحصل فتنة بين السنة والشيعة سنة 655 قبل دخول المغول بسنة واحدة أصبح يا عزيزي هناك كمان فوق كل اللي بيحصل ده توترات بين السنة والشيعة وناس بتقتل مش بس كده يا عزيزي جيش المستعصم زي ما كان مولهلها العسكريا وآخره يحل انقسامات داخلية إلا إن كمان البادجت كانت واقعة ما فيش ميزانية الجنود ما كانوش بيقبضوا مرتبات كويسة لدرجة إن بعض الجنود سابوا الشغل في الجيش في بغداد وراح يشتغل فريلانسات مع أمراء جايين لي بس جوب أوفر بالمماليك البحرية في مصر ست شهور ورجع بكل اللي بحكيه لك ده يا عزيزي عايزك بقى آخذك من إيدك ونطلع على قصر المستعصم بعد الكلمتين الحراقين اللي قالهم لهولاكو دول الراجل قعد يفكر هنعمل إيه عشان نواجه المغول الكلام سهل إنما الفعل قصة تانية المستعصم يا عزيزي كان محتار هل يهاود هولاكو ولا يحاربه؟ نسلم السلاح ولا نمسك السلاح؟ الجبهة الأولى زي ما قلت لك جبهة الدويدار قالت له المقاومة يجب أن نواجه هولاكو أعز شيء للرجل الشجاع أن يموت وسط القتال ده كانت ناحية الناحية الثانية جبهة الوزير الثاني بن العلقمي شاف إن مهوادة هولاكو هي الطريقة الوحيدة للنجاح حتى لو اضطرينا نبعث له هدايا ونقول اسمه في الخطبة كده يعني ربنا يوفق الخليفة، ربنا يحفظ الخليفة ساعتها ممكن ننجو زي ما العباسيين نجوا من نفوذ الأجنبي اللي جاي عليهم قبل كده الموجة لما تبقى عالية بنهدي اللعب زي اللي حصل مع البوهيين والسلاجقة كثير من المؤرخين زي المقريزي وابن خلدون كانوا بيعتبروا الرأي ده مش مجرد سياسة متحفظة ولا ذكاء وإنما خيانة، فكرة الاستسلام والخضوع لهذا الوحش أشبه بالخيانة والحقيقة إن بعض المؤرخين بترصد إن كان فيه رسايل بين المغول وابن العلقمي اللي هو الحليف في الثاني اللي هو الجبهة الثانية لو تفتكر المستعصم جبهة اللي هي بتاعة الحمامات، الصقور والحمامات الدويدار هم الصقور اللي عايزين يواجهوا، الحمامات دول بتوع السلام يعني مصطلح شائع في السياسة الأمريكية المؤرخين دول بيقولوا إن كان هناك تواصل بين ابن العلقمي وبين المغول قبل حتى ما يوصلوا لبغداد وخصوصا لو تفتكر على حسب المصادر إنه كان مشحون ضد الخليفة لما سابه وراح للدويدار اللي حصل يا عزيزي إن المستعصم هيعمل حلة وسط، حل غريب جدا أنا موافق الدويدار في ضرورة المقاومة ولكن بقى اسمع دي اللي هيجهز الجيش ابن العلقمي أنا في الدهاء السياسي راس بيوتين ماكيافيلي على أقل تقدير، ما قعدش غير مع دول وعلى حسب بعض الروايات كما تتوقع فالعلقمي تباطأ في جمع الجنود وأسقط الآلاف منهم من مستحقات الديوان بالبلدي كده راح مسرحهم وراح أقنع المستعصم اللي كان مشهور بالبخل إن يا ريس فلوس الجنود دي إحنا ممكن نستفيد بيها اسمع كلامي ممكن نسترد بيهم هولاكو وقت اللزوم هنراضي هولاكو بقرشين ويرجع بلده ابن العلقمي كمان سمع المستعصم الكلام اللي بيحبه واللي يريح الميزانية قال يا عم الخليفة اطلب تلاقي 30 مليون فدائي مستحيل يا عم الخليفة لما نطلب من الأمراء اللي حوالينا هيسيبونا صعب يا عزيزي إن إحنا نعرف هل ده كان توفير بالفعل في النفقات ولا خيانة؟ بس الأكيد جيش الخلافة اللي كان في بداية حكم المستعصم قوامه من 100000 فارس أصبح خمس 20000 خليني أقول لك يا عزيزي إن جنود كثير من قلة المرتبات بقوا يلفوا في شوارع بغداد يشحتوا بدل ما يستعدوا للحرب ويجهزوا نفسهم ده غير عدد كبير ثاني منهم ساب الجيش وهرب من المدينة أصلا فإحنا في موقف أقل ما يقال عنه أنه مزري إحنا في وضع إليسا نازلة فيه بآخر الشتا أجواء حزينة لو بصينا يا عزيزي على جغرافيا بغداد هنلاقي إن أبو جعفر المنصور أتم بناء هذه العاصمة العظيمة سنة 149 هجريا في صورة دايرة مركزها القصر ده يا عزيزي تصور مثالي لمدينة فيها كل بيت قريب لقصر الخليفة مش بس كده القرب مش بحبه بس كمان مهم عشان الخليفة يبقى شايفه ولكن اللي حصل بعد كده إن المدينة بدأت تتوسع وبرده فضلت تتدهور عبر السنين قبل غزو المغول بنلاقي بغداد الشرقية فيها مقر الخلافة ومؤسسات الخلافة وقصور الوزراء والأمراء عشان كده كل سكان بغداد كانوا شايفين الجيش بيتمركز عشان يحمي إيه؟ الشرق المشكلة بقى هنا يا عزيزي إن هولاكو كان مجهز خطة الغزو أذكى بكثير من جيش بسيط بيحميني مركز السلطة هولاكو كان حاطط تشكيلة الماتش كلها مهاجمين بس أنت قواتك كانت 100000 بقت 20000 أنا قواتي 120000 ست مرات جيشك أشوفك بتدافع وتلعب على الكرات الثابتة ما أشوفكش في نص الملعب هولاكو هنا بيقرر يقسم جيشه إلى ثلاثة أقسام قسم هيطلع على أربيل والموصل عشان يحاصر بغداد من الغرب والقسم بقى اللي موجود في قلبه هولاكو هيحاصر بغداد من الشرق وزي ما أنت شايف على الخريطة كده فيه قسم أخير جاي من خوزستان وبكده تتحاصر المدينة من كل الاتجاهات قوات هولاكو اصطدمت بكل قوات الخليفة اللي جاية من الشرق لكن يا عزيزي الجيش بتاع بغداد كان بيحمي المنطقة الشرقية اللي فيها القصر والمؤسسات وده كان هولاكو متوقعه اللي بيحصل بقى بعد كده إن هولاكو بيقوم قائل ألو قوات اللي موجودة في الغرب بعد اذنكم معلش ممكن نعدي نهر دجلة ونهاجم بغداد من الغرب الحركة دي خليني أقول لك خلت قوات الخليفة تتراجع من غير قتال ليه ما هي عايزة تلحق تجري تأمن جبهة الغرب اللي لم تكن مؤمنة تقريبا خالص أنت في الآخر كل اللي معاك 20000 شاحنهم وفي هولاكو جاي من الشرق وقواته الثانية عبرت دجلة وجاية لك من الغرب لا شك إن المعركة كانت أكبر من قوة الجيش عشان كده الناس تدخلت بنشوف مثلا سكان تكريت بيقطعوا جسر كان عامله بدر الدين لؤلؤ حاكم الموصل عشان المغول يعدوا فوق نهر دجلة وبرغم يا عزيزي من إن السكان تدخلوا ولكن المغول برده كانوا منظمين بطريقة مرعبة كان معاهم مهندسين وناس متخصصة في التغلب على هذه المشاكل وده على عكس مصادر كتير بتقول عليهم إن هم قوة همجية المغول في 24 ساعة بس قدروا يعملوا جسر بالأوارب ويعدوا ويوصلوا للغرب إلا إنهم كانوا بيجهزوا الحرب كاملة من سنين مونكو خان قائد إمبراطورية المغول قبل ما يحرك هولاكو كان مجهزه بألف خبير في الحرب كان فيه مهندسين صينيين موجودين ضمن خبراء الجيش قدروا يشوفوا سد مايه موجود في موقع استراتيجي وراء القوات بتاعة المسلمين وحساباتهم كده عرفوا إن إحنا كل اللي محتاجينه إن إحنا نكسر السد ده وبالفعل يا عزيزي أول ما بيضربوا في السد الميه هي اللي بتكتسح قوات المسلمين على حسب بعض المصادر فيه 12000 واحد ماتوا بس بالحركة دي دي يا عزيزي بص اللي عدناها فيه اللي لم يستدل عليهم فيه ناس غرقت وما لقيناش جثثهم 10 محرم الصبح كل حاجة اتشقلبت كل حتة من قوات الخلافة بقت في ناحية اللي بيهرب من هنا واللي بيعوم من هنا حالة من التشذر المستعصم دويدار وزير المستعصم اللي كان بيحث على إن إحنا نحارب والمقاومة يا ريس وكده نجا من هذه المعارك بأعجوبة ورجع بغداد عشان بعد خمس أيام نشوف قوات المغول مسيطرة على الضفة الغربية بالكامل في خمس أيام، المغول نجحوا بسبب تنظيمهم واستخدامهم لخبراء موجودين مع الجيش ودي للأسف نفس الحاجات المستعصم ما عملهاش وخسر لحد دلوقتي الجزء الغربي من بغداد هنا يا عزيزي مش محتاج أقول لك الرعب بدأ يخش في صدور سكان بغداد وبتحصل موجة نزوح عملاقة من الغرب إلى الشرق وهنا تحول المركبية وجدافين الأوارب إلى ملوك الناس اللي هتعدينا من الغرب للشرق اللي هتعدينا من هولاكو الناس دي أصبحت بأهمية الحلاقين يوم الوقفة الناس بقت تجري عليهم تديهم كل حاجة غالية وثمينة معاهم للأسف يا عزيزي للأسف هم كانوا فاكرين إن هم بيهربوا من النار بيعدوا من ناحية مش أمان في الغرب لناحية أمان في الشرق ما كانوش يعرفوا إن هم كانوا بيهربوا من النار للجحيم اللي بيحصل يا عزيزي إن هولاكو بيوصل إلى أسوار بغداد الشرقية بدون مقاومة لو تفتكر جيش المسلمين كان انسحب من هناك راح ينقذ بغداد الغربية القوات بتاعة المغول اللي اتمركزت في الغرب كانت واقفة بتمنع أي إمداد يجي للمسلمين من ناحية نهر دجلة وبالمرة بيمنعوا هروب أي حد من الشرق للغرب اتعمل عليهم كماشة ساندوتش عرض الدبل تشيكن هولاكو وبكده بغداد الشرقية بتتحاصر من كل الاتجاهات
[43:08]مات الآلاف من السكان والنازحين كانوا مرعوبين بيترعشوا قاعدين عمالين شايفين جيش هولاكو بيحوم حوالين المدينة زي سمكة القرش في فيلم الفك المفترس بيبصوا على جيش هولاكو وهو عمال بيتحرك مستني ينقض على فريسته جيش هولاكو كان عمال يعمل أسوار ترابية ويحفر خنادق ويعمل أكوام من الأنقاض بيهيأ ويظبط ساحة المعركة تجهيز كامل لسلاح كابوسي لناس محاصرين جيشهم فقد 12000 واحد بالميه مش بس كده ده الراجل كان عمال يجهز قاذفات ومجانيق مونكو خان كان مجهز هولاكو بآلات بترمي حجارة ومواد مشتعلة من بعيد ده غير يا عزيزي حاجة زي كده الماشين جان بتاع الأقواس بتضرب ثلاثة أقواس مرة واحدة والسهم منهم طوله يعادل 2 متر تقل المغول في الهجوم وصبرهم كان جزء من حربهم النفسية عشان يدمروا معنويات الناس المتحاصرة وهي بتتفرج عليهم وكمان عشان يجهزوا المجانيق بأتقل ذخيرة ممكنة راحوا لحد جبل حمرين في شمال بغداد مسيرة يا عزيزي 3 أيام راحوا ويجيبوا حجارة عملاقة من هناك هيعملوا بها إيه هيحطوها في المجانيق ويرموها هنعمل إبادة بأدوات محلية معركتنا واي فاي من بعيد حقيقة الأمر إن المغول كانوا عباقرة في استهداف المدن لإن اللي هم بيعملوه من بره ده إن هم يقعدوا يرموا حجارة ورماح كان كافي جدا إن هو يدمر معنويات سكان بغداد وكل ده إيه قبل ما يحاولوا حتى يدخلوا مش بس كده اتفاجئ سكان بغداد بآلاف الأسهم الغريبة أسهم نازلة عليهم زي ما تكون مطر أسهم المغول بعضها بيكون براس فضي فلما ده بيترمي مع الهوا بيعمل صوت صفارة جامدة مرعبة صفارة بتزلزل الروح اللي بيسمعها السهام دي كمان كانت شايلة رسايل بتطلب من السكان إن هم يستسلموا الأسهم المرعبة دي مش عشان بس تقتلهم لا عشان تضغطهم نفسيا إن هم يستسلموا بتديهم وعد بالأمان وتقول لهم ليتأكد القضاة والعلماء والشيوخ والشيعة والتجار وكل من لا يحمل سلاح ضدنا إننا سنصون حياتهم يوم 23 محرم هولاكو أمر ببداية الهجوم عشان يفاجئ سكان بغداد والسما وهي بتمطر حجارة عملاقة سهام ونخيل بتترمي عليهم أسهم ورماح جحيم كامل قبل حتى ما يشوفوا جندي مغولي واحد عشان يا عزيزي في خلال ست أيام بس ينجح المغول إن هم يسيطروا على الأسوار الشرقية لبغداد في الوقت ده يا عزيزي الدويدار فاكر الوزير بتاع الخليفة حاول يقنع الخليفة إنه يهرب للغرب ولكن يا عزيزي الخليفة بيرفض إن هو يروح للغرب طب ما جدع يا أبو حميد ده معناه إن هو راجل شجاع وعايز يحارب لحد آخر لحظة ويفضل مع شعبه يا عزيزي ما تستعجلش هنا الهروب مش جبن الدويدار كان وزير ذكي عارف رمزية الخليفة وإن مسار الأحداث باللي إحنا بنشوفه ده هيؤدي إلى استسلامه لو الخليفة وقع الحرب هتخلص فكان مهم إن الخليفة ده يهرب عشان ما نبقاش خسرنا الدويدار مع الوقت كان يأسي من حالة تردد الخليفة في إنه يهرب من الشرق وقرر يا عزيزي إن هو هيهرب لوحده ولكنه بيتفاجئ بقوات هولاكو عاملين جسرين على نهر دجلة شمال وجنوب بغداد محاوطين المكان وناصبين مجانيق فحتى الهروب ما عادش أوبشن حتى يا عزيزي الخليفة لما حاول يتواصل مع هولاكو ويقول له فاكر وقت ما كنت في همزان وبعثت لي أنا دلوقتي عايز أتفاوض هنا هولاكو بيرد عليه ويقول له العرض ده كان زمان انسى أنا زمان طلبت منك تبعث لي وزيرك ابن العلقمي ورفضت دلوقتي أنا عايز ابن العلقمي وسليمان شاه والدويدار ذات نفسه القايمة اللي بتخش بيها الماتشات دي كلها تلزمني هولاكو يا عزيزي ما كانش غبي كان عارف إن سكان بغداد روحهم المعنوية بتدمر كل لحظة فكل اللي محتاجه في الوقت ده إن هو يقضي على رؤوس المقاومة وتحديدا دويدار وسليمان شاه المستعصم برده كان عارف إن من غير سليمان والدويدار ما فيش أي أمل فهنا الخليفة المستعصم هيبعت أكثر من وفد لهولاكو على راس كل وفد فيهم واحد من عياله اللي هو أهو أنا ببعت لك ولادي خليني أتفاوض بقى خليني الموضوع يسلك هولاكو يا عزيزي بيشوف ده وبيفضل عند شروطه ويفضل يا عزيزي الوضع كده لحد سنة 656 هجريا لما سليمان شاه والدويدار القادة بتوع الخليفة بتوع المقاومة يلا أكشن يلا نحارب بيستسلموا لهولاكو هدية بيكونوا يا عزيزي متوقعين إن هولاكو هينكل بيهم هيحطهم على مجانيق ويرميهم على بغداد إلا إنهم بيتفاجئوا الراجل بيرحب بيهم وبيعملهم كويس جدا بيأمنهم على نفسهم بيكرمهم بدبلوماسية عشان يا جماعة أنا حقن الدماء مش كفاية بقى ده مش بس كده ده كمان هيفرج عنهم ويرجعهم بغداد عشان يرجعوا بكل أتباعهم وجنودهم ويجوا تاني لمعسكرهم وساعتها يمكن بقى يبقى في شروط أفضل للتفاوض وإنهاء الحرب ولكن يا عزيزي كما توقعت بمجرد ما راحوا ورجعوا تاني هولاكو راح سحب كلامه وأمر جيوشه بتصفية الكل عطيتك الأمان وخدته منك تاني هولاكو يا عزيزي بعد هذه الحركة كان بيؤكد لسكان بغداد وللخليفة إنه هيعمل أي حاجة عشان يستسلموا وعشان يحبطهم عشان يقول لهم اللي بيحموك أهم موتى هولاكو بيقوم باعت راس سليمان شاه والدويدار لتابعه المخلص وخائنه المطيع بدر الدين لؤلؤ هيعمل إيه هيعلقها في الموصل اختار الموصل بالذات عشان في الطريق للموصل كل مدينة وكل ولاية ما خضعتش تشوف المنظر ده ما هو مصير من يقاوم المغول ادي خيرة مقاتلين العاصمة بتوعكم جثث رؤوسها متعلقة على الرماح الوضع يا عزيزي في بغداد كان عمال يزداد رعبا يوم بعد يوم الناس بتستخبى في أي حتة بتدخل بيوتها وتقفل على نفسها وما تخرجش الناس الثانية كانت بتستخبى في بيار الميه وفيران الحمامات بعضهم هرب واستخبى في الجبال أي مكان يحميهم من ايد المغول بعض السكان كمان كانوا بيتوسلوا لكبار المدينة عشان يروحوا لهولاكو ويستسمحوه إلا إن ما كانش فيه فايدة هولاكو هيدخل بغداد يعني هيدخل بغداد بل يا عزيزي واسمع دي الناس اللي راحت تطلب الأمان من هولاكو ما رجعوش فأنت هتحارب هتموت هتستسلم هتموت هتهرب هولاكو هيلاقيك وهتموت الخليفة المستعصم بيشوف ده وبيحس بحالة من الانهزام والفشل أسامي كتير من الأسلاف حافظت على هيبة هذه الدولة كان أكيد شعور قاسي جدا وهو بيشهد انهيار هذه الدولة العظيمة في ظل حكمه دلوقتي أنا مجرد رجل عجوز في مدينة محاصرة ما عرفتش أحافظ على اللي عامله كل أسلافي المستعصم يا عزيزي فقد السيطرة بالكامل لا عارف يمنع الناس تهرب ولا عارف يخلي الناس تحارب ولا قادر حتى يمنع الوفود اللي رايحة تطلب الأمان من هولاكو المشكلة يا عزيزي حتى لما فكر إنه ممكن يستسلم زي ما قلت لك شاف إن هولاكو بيقتل اللي بيروحوا له فقرر إن استسلامه يبقى الحل الأخير عشان يوقف المذبحة عشان يا عزيزي نشوف بعدها بأيام يوم 4 سفر 656 هجريا الخليفة يا عزيزي بيسلم نفسه هو وأولاده ومعاهم 3000 من كبار وعلماء الدولة و سبمت في واحدة من مراسلات هولاكو المستعصم هولاكو كان بيتوعده بيقول له لو كنت متخفيا في السماء أو في الأرض فسوف أنزلك من الفلك الدوار وسألقيك من علايائك إلى أسفل ولن أدعك حيا في مملكتك يعني هاولع فيك أنت ومدينتك في الوضع ده يا عزيزي حط مكانك مكان المستعصم راح لهولاكو مسلم نفسك بعد هذا الوعيد مش بس كده أنت عمال تسيبه له في المراسلات القديمة ورافض تستسلم الخليفة المستعصم متوقع إن هولاكو أول ما هيشوفه هيذبحه على الرمح جنب إخواتك وبعتك على بدر الدين غريب يا عزيزي إن هولاكو رحب بالمستعصم واداله الأمان وبيستضيفه في خيمته في معسكر كتبها وبنشوف يا عزيزي الخليفة بيختفي جوه الخيمة سكان بغداد يا عزيزي قاعدين في حالة من التوتر والترقب إيه اللي هيحصل للخليفة بعد ما استسلم؟ بيلاقوا يا عزيزي بعد كده منادي الخليفة بيلف الطرق كلها يا أهل بغداد الكرام الخليفة لسه عايش ما ماتش مش بس كده ده كمان بعت لكم تعليمات المنادي بينادي الناس بأمر الخليفة إن اللي معاه سلاح يرميه المستعصم بيقول لكم ما تخافوش اخرجوا من المخابئ اللي حصل هنا يا عزيزي إن هولاكو كان أقنع المستعصم إنه خلاص ما عادش محتاج حاجة تانية ما عنديش هنا أي مصلحة إني أخون عهدي معاك أنت خلاص سلمت نفسك إحنا بس محتاجين منك خدمة أخيرة صغيرة عايزين نعمل تعداد للناس عشان نشوف احتياجات المدينة وسكانها بعد الحصار ما يتفك يعمل لنا عملية هاند أوفر سلمنا الشغل نعرف إحنا بنحتل مين طبعا يا عزيزي بعد ما شفت أكثر من 600 حلقة من هذا البرنامج مش محتاج أقول لك إن كل الكلام ده كان هجايص هولاكو أدى المستعصم نفس القفا هو هو هولاكو كان بيخدع حد بائس قرر إن هو يستغل استسلام الخليفة في إنه يستدرك بعض من شعب بغداد ستات وشيوخ وعيال زي ما تقول كده ما صدقوا سمعوا حاجة تطمنهم من الخليفة خلاص يا جماعة ولي الأمر بنفسه بيضمن لنا الأمان وخرجوا راحوا لمعسكر هولاكو ما كانوش يا عزيزي يعرفوا إن خروجهم ده ما كانش خروج من بغداد خروجهم يا عزيزي كان لهلاكهم قوات هولاكو كانت في الانتظار وتمت عملية إبادة جماعية بالسيوف بعدها يا عزيزي بتتهدم أسوار بغداد وهولاكو بيأمر قواته في الشرق والغرب إن هم يدخلوا بتبدأ هنا يا عزيزي واحدة من أبشع الليالي في تاريخ هذه المنطقة ليلة سقوط بغداد
