King vs Avengers DOOMSDAY | Biggest Clash of 2026

[0:00]Avengers Doomsday Marvel ki abhi tak ki sabse biggest movie, jo ki release ho rahi hai 18 December 2026 ko. Aur iske ek hafte baad aa rahi hai SRK ki King movie, jo ki bhai release ho rahi hai 24 December ko. Ab sidhe to par dekhe to SRK ki King movie Avengers Doomsday ke sath clash kar rahi hai. But kya in dono movie ka koi comparison banta hai chalo dekhte hain. Sabse pehle King ka budget kuch 350 crore bataya ja raha hai. Wahi Doomsday ka budget bataya ja raha hai 1 billion US dollar jo ki Indian currency mein hote hain 8300 crore. Yaani jitna Doomsday ka budget hai utne mein 20 se 25 King movie ban jayengi. Ab ye cheez dikha kar main King movie ki koi insult nahi kar raha. Shahrukh Khan ki bhi ek legacy hai jo unhe world richest superstar banati hai aur main khud SRK ka bahut bada fan hun. But SRK is bar kar rahe hain world ki sabse biggest movie ke sath clash. Aur ye karne ke liye bhi jigra lagta hai jo yahan aapko SRK ke siva kahin nahi dekhne ko milega. But is baat ko bhi nahi jutlaya ja sakta India mein bhale King ka palla bhari ho lekin worldwide mein Avengers Doomsday hi rule karne wali hai. Ha mana ki SRK ki movie global market mein acha karti hain lekin ye kehna galat nahi hoga worldwide jitna market Marvel ki movies ka hai. Uske aas pass SRK ki koi bhi movie nahi hai anyway India ki koi bhi movie nahi hai. Aur aapko shayad pata ho jitna hamare yahan ki super hit film mein lifetime collection karti hai. Utna Marvel ki movies day one mein hi kama chuki hoti hai. Well India ki sabse zyada kamai karne wali film hai Dangal jisne worldwide 2050 crore kamaye the. Aur is movie ko Marvel Universe ki sabse lowest movie se compare kare tab bhi wo movie isse aage nikal jayegi. Aur wo movie hai The Incredible Hulk jo ki 2008 mein aayi thi aur is movie ne kamaye the pure 2200 crore. Ab aap khud socho Marvel Universe ki sabse lowest movie India ki sabse zyada kamai karne wali film se aage hai. Aur main Indian cinema ki koi disrespect nahi kar raha jo fact hai vahi bata raha hun. Dekha jaye to Marvel walo ki movies duniya bhar mein rule karti hain aur India mein bhi Marvel ki movies acha khasa collection kar leti hain. Marvel ki top five movies utha lete hain jisne India mein highest collection kiya hai. To number five par aati hai Captain America Civil War jisne India mein kamaye the 110 crore. Number four par aati hai Avenger Age of Ultron jisne kamaye the 112 crore. Phir number three par aati hai Spider-Man No Way Home jisne kamaye the 214 crore. Iske baad aati hai number two par Avenger Infinity War aur is movie ne kamaye the 227 crore. And number one par aati hai Avengers Endgame jisne kamaye the India mein 440 crore. Na keval India mein balki is movie ne pure world mein acha khasa collection kiya tha aur ban gayi thi world ki second highest collection karne wali film. Jisne lagbhag 2.79 billion US dollar ka collection kiya tha. Aur ise Indian currency mein convert kare to hote hain 25000 crore. Ab aapke man mein bhi aaya hoga world ki sabse highest kamai karne wali film kaun si hai? To tension mat lo main bata deta hun duniya mein sabse zyada paisa kamane wali film hai James Cameron ki Avatar. Jisne worldwide collection kiya 2.92 billion US dollar ka. Ab tum ise Google kar lena Indian currency mein kitne hote hain aur mujhe comment mein bata dena. Well King movie ka bhi kafi joron se hype hai India mein aur IMDB ki website par Most Hyped mein King number one par rank kar rahi hai. Ab sawal ye hai ki SRK King movie ko Doomsday ke sath release kar rahe hain. Kya isme koi marketing strategy ka use kiya gaya hai aur ye baat to main bhi manta hun SRK marketing ke Raja hain. Last time jab unki Zero movie flop hui thi tab unhone industry se kuch samay ke liye break liya tha. Phir unhone bade project par kaam kiya jiske baad Pathan Jawan jaisi film lekar aaye. Jin movie ne box office par tabar tod kamai ki anyway SRK King movie lekar aaye hain. Aur main is movie se expect kar raha tha ki ye movie 1000 se 1200 crore aram se kar legi. Ki tabhi iski date announce ki jati hai jo ki hai 24 December 2026. Ab iske che din pehle release ho rahi hai Marvel ki sabse badi movie Avengers Doomsday. Jaisa ki maine aapko bataya Marvel ki movies ka kitna craze hai duniya bhar mein. Inki movies acha khasa collection karti hain pure world mein. Ab SRK King movie ke sath clash kar rahe hain Doomsday se. Anjam kya hoga ye to pata nahi baki mujhe pehle lag raha tha ki King movie aram se 1000 se 1200 crore kama legi. Lekin ab lag raha hai ki King shayad hi ab 700 crore kama paye. But fir bhi King 700 crore kama leti hai apne budget ka double tab bhi ye movie hit ho jayegi. But bhai Shahrukh Khan ne apna ek aisa aura bana liya hai ki unki movie jab tak 1000 crore cross na kar le. Tab tak lagta hi nahi ki unki movie hit ya super hit hui hai. Jaise last time unki Dunki movie aayi thi jisne kuch 400 ya 450 crore kamaye the. But Shahrukh Khan ke aura ki wajah se us movie ko average mana gaya. Ab aap khud socho bhai SRK ki kya legacy hai jo unhe dusre actors se alag banati hai. Well aap King versus Avengers Doomsday mein se kisko support kar rahe ho zara batao comment mein.