[0:00]Anti-BJP aur anti-government content is time peak pe hai aur kafi content creators plus kuch farzi influencers is samay is cheez ka daba ke fayda utha rahe hain.
[0:08]Poori baat ko dhyan se samjhna. Tumne clearly notice kiya hoga ki BJP ke khilaf bolna aaj ke time pe ek safe exit hai viral hone ka.
[0:14]In farzi influencers ko pata chal gaya hai ki negativity dhadlle se bikti hai aur algorithm is time pe anti-government videos ko khatarnak push de raha hai.
[0:21]Isliye...yeh high-time hai ki tum kisi bhi influencer ko, including me, blindly follow karne ki bajay uski har agli video ke saath khud ka dimaag laga ke yeh notice karte jao ki uske character mein kitni honesty hai?
[0:31]Kya wo sach mein isliye aawaz utha raha hai ki use yeh desh wapas sone ki chidiya banana hai?
[0:35]Kya wo sach mein India ko America aur China se aage dekhna chahta hai ya phir bas tumhara kuttiya kaat ke apni nai gaadi ki EMI bharna chahta hai?
[0:41]Kyunki aaj kal internet par "revolutionary" banna sabse sasta dhandha ban gaya hai!
[0:45]Thoda sa gussa dikhao, do char sarkari schemes ki dhajjiyan udaao aur boom, bas ban gaye tum janta ke masiha.
[0:50]Jabki sachai yeh hai ki 90% anti-government influencers sirf tumhare gusse ko monetize kar rahe hain.
[0:55]Maximum chatra netaon ki tarah yeh unnecessarily chilla rahe hain kyuki inhein pata hai ki tum sunoge.
[0:59]Kyunki aisa kaise ho sakta hai ki agar koi banda government ko blindly follow kare toh wo Andhbhakt hai...lekin agar koi banda, influencer ko blindly follow kare, toh woh Andhbhakt nahi hai?
[1:07]Hamesha check karo ki desh ki baat karte waqt us influencer ke chehre pe chinta hai ya bas wo script padh raha hai?
[1:12]Kya wo galat ko galat aur sahi ko sahi bolta hai ya phir sirf ek hi side ko nishana banata hai?
[1:16]Kyunki tum yeh jo screen pe kranti dekh rahe ho na, 90% cases mein yeh kranti nahi sirf engagement farming ho rahi hai.
[1:21]Desh mein ho rahe galat ke khilaaf toh awaaz hum sabko uthaani hi hai...lekin awaaz uthaane walon ki neeyat par nazar rakhna bhi hadd se jyada zaroori hai!
