إستراتجية الإستعمار للقضاء على الثورة|باك2026🙌🏼🔥

[0:00]اهلا وسهلا، مرحبا بكم في حلقة جديدة من برنامج مختصر، اليوم راح نتعرفوا على استراتيجية الاستعمار الفرنسي او بالاحرى رد فعل الاستعمار الفرنسي على الثورة الجزائرية. قبل ما نبداو لا فيديو تاع اليوم راني بزاف زعفانة منكم، لانه شحال من خطرة وانا ندير في برنامج مختصر وفيديوهات على اليوتيوب واني نتعب جدا جدا على المحتوى. وفريق العمل راهو يتعب كثير على المونتاج وعلى التصوير، لكن ماراكمش تديرولنا في ابوني ماراكمش تنشروا في المحتوى. ف بليز ماذا بيا لو كان ديرولنا ابوني، تفعلوا الجرس، تخليولنا تعليقات جميلة وتبارطاجيوا هكا باش نتشجع أنا وندير فيديوهات أكثر وأكثر. ولما لا وين ما ندير فيديو ولا ديرولنا كابتش دي كرون ولا تحطوها عندكم انستغرام وتاغيوني أنا راح نحاول نرجع لكم كامل كامل هذاك لو طاغ. راح نبداو أولا استراتيجية الاستعمار الفرنسي، فرنسا كانت عندها كيما الجزائر نفس الخطة داخليا وخارجيا وسياسيا وعسكريا ثاني. رايحين نبداو أولا شنو هي الخطة اللي دارتها فرنسا في الجزائر عسكريا، أول حاجة عسكريا زيادة عدد وعتاد الجيش الفرنسي في الجزائر. بمعنى أنه فرنسا واش دارت في دزاير راحت ضاعفت الجيش الفرنسي تاعها في الجزائر باش تقدر تتغلب علينا. اثنين إقامة محتشدات ومناطق محرمة لعزل الثورة، واش معناها محتشدات؟ هي عبارة عن مراكز لتعذيب الشعب الجزائري وعزل المدنيين، والمناطق المحرمة هي مناطق جزائرية لكن حرمتها فرنسا علينا مثل الأوراس. ممنوع نسكنوا فيها ولا نعديو على جبالها ولا حتى الحدود تاعها. ثلاثة اتباع فرنسا سياسة القمع والاضطهاد، فرنسا في الجزائر ما استعملتش أسلوب الحوار وأسلوب الاحتواء. اعتمدت على أسلوب التقتيل والقمع والاضطهاد والحرق وكل الأنواع التعذيب والتجويع. وأخيرا الاستنجاد بحلف شمال الأطلسي، فرنسا كانت طلبت المساعدة من حلف الناتو اللي هو حلف عسكري أمريكي أجنبي باش يساعدها في الجيش وغير ذلك. سياسيا داخليا، أول حاجة دارتها فرنسا انشاء القوة الثالثة اللي هما العملاء، هي طبقة برجوازية عميلة في الجزائر. استعملتها فرنسا كبديل عن الثورة، هما جزائريين بصح يخدموا لصالح فرنسا. تخيلوا الولاد لو كان هاد الطبقة ما كانتش موجودة في الجزائر، في رأيكم أنتم واش من عام كنا راح نجيبوا الاستقلال لولا هاد القوة الثالثة؟ خليولنا رأيكم في التعليقات، كذلك سياسيا واش دارت لنا فرنسا داخل الجزائر؟ الاعلان عن مشروع جاك سوستال عام 1955، بالنسبة الى الوالي العام الفرنسي في الجزائر سوستال. دارلنا مشروع سماه على روحه عام 1955، كذلك الاعلان عن مشروع قسنطينة الاغرائي 1958. هو مشروع داروه شارل ديغول في مدينة قسنطينة باش يغري به الشعب الجزائري. الاعلان عن سلم الشجعان عام 1958، واش معناها سلم الشجعان أو ما يعرف بسلم الأبطال؟ معناه دي غول دارلنا خدعة ومناورة من خلالها أراد أن يراوغ الجزائريين وبالأخص الثوار. وين قالهم أعطيوني السلاح نعطيكم لا ليبرتي، لكن الثوار رفضوا هذه الفكرة خاطر على بالهم بلي دي غول راهو يراوغ فيهم ويغري فيهم بهذا المشروع وهو مشروع ماهوش حقيقي. يعني أكيد دي غول في هذه الحالة كان راح يدي السلاح بصح ما يسلمش الحرية للثوار. كذلك اصدار دستور الجزائر عام 1958، اللي دار دستور الجزائر هو الرئيس الفرنسي شارل ديغول. مؤسس فكرة الجزائر فرنسية، وهذا الدستور يخدم مصالح الفرنسيين، وين يقول باللي اللغة الفرنسية هي الأولى والعربية هي الثانية. تحويل المساجد الى كنائس الى غير ذلك من المواد، وبالتالي هذا الدستور يعتبر الجزائر فرنسية. كذلك من بين المشاريع اللي دارتها فرنسا في الجزائر سياسيا مشروع فصل الصحراء عن الشمال. فرنسا اعتبرت أنه الصحراء لا تنتمي الى الشمال فجابتلنا المشروع تاع فصل الصحراء عن الشمال، يعني جزأت البلد. الصحراء وحدها والشمال وحدها، وما تنساوش بلي الصحراء راهي تزخر بالثروات كيما البترول، وبالتالي فرنسا اعتبرتها أنها لا تنتمي ولا تتجزأ عن الشمال. كذلك مشروع تقرير مصير الشعب الجزائري بشروط وقف القتال، بشار ديغول كان جاب فكرة تاع تقرير المصير. أنه يديروا انتخابات عند خروج نتائج الانتخابات شارل راح يزور نتائج على أساس أنه حنا قلنا لا للاستقلال وقلنا بلي فرنسا تقعد معانا. على المستوى الخارجي عسكريا، أول استراتيجية دارتها فرنسا المشاركة في العدوان الثلاثي على مصر. العدوان الثلاثي هذا فيه ثلاث دول اسرائيل، فرنسا وبريطانيا. هادوا الدول في ثلاثة كانوا يستولاو على مصر، علاش؟ لأنه مصر قدمت الدعم للقضية الجزائرية. كيما على بالنا بلي جمال عبد الناصر راهو ناصر القضية الجزائرية، وفرنسا هنا باش تنتقم واش دارت؟ راحت شاركت في العدوان ضد مصر باش تنتقم منها، هنا تولي أي دولة ما تقدرش تقدم لنا مساعدات لخاطر راح يصرى فيها واش صرى على مصر وين تهجموا عليها ثلاث دول. اثنين قصف ساقية سيدي يوسف بتونس، الجزائريين كانوا يجيبوا السلاح من تونس. فرنسا واش دارت؟ راحت قصفت هذيك الساقية باش تعزلنا عن الخارج وما نقدروش نجيبوا السلاح من تونس. انشاء خط شال وموريس في حدود تونسية ومغربية، خط شال وموريس هي خطوط مكهربة ملغمة أنشأتها فرنسا في حدود التونسية والمغربية. بقيادة الجنرال شال وموريس، وهاد الخطوط دارتها فرنسا بهدف عزل الجزائريين عن الخارج. يعني حنا كي نجيو راح نجيبوا سلاح من الخارج، وين منعديو على هاد الأسلاك الشائكة راحين نتكهربوا ونموتوا. اصدار قانون حق المتابعة في الخارج، فرنسا دارت قانون بلي عندها الحق أنها تتابع الجزائريين حتى خارج البلد. هكا باش تضمن السيطرة عليهم في الداخل وفي الخارج، والقرصنة الجوية لقادة الثورة. أحمد بن بلة، حسين آيت أحمد، محمد خيضر وغيرها من الشخصيات اللي راحوا يمثلوا الثورة في الخارج. هذوك كي يخرجوا للخارج، فرنسا واش دارت؟ جابت الطيارة وخطفت القادة تاع الوفد الخارجي. هكا باش ما يمثلوش الثورة وباش ما يأثروش على الرأي العام. خارجيا سياسيا أو ما تعرف بالدبلوماسيا، أول حاجة دارتها الاستعمار تشويه صورة الثورة دوليا على أساس أنها ثورة جياع. التعجيل باستقلال 20 دولة، فرنسا راحت مدت الاستقلال 20 دولة غير باش تتفرغ للجزائر. رفض طرح القضية الجزائرية في المحافل الدولية، فرنسا رفضت أنها تعترف بالقضية الجزائرية في المحافل الدولية هكا باش ما يكسبوش الدعم من الخارج. هذه هي استراتيجيات ووسائل ومخططات الاستعمار الفرنسي للقضاء على الثورة، لكن فرنسا ما نجحتش المشاريع تاعها خاصة المشاريع اللي دارتها ديغول. وبالتالي أجبرت فرنسا ديغول على الاعتراف بالاستقلال اللي راح نشوفوها ان شاء الله في الجزء الثاني من هذا الدرس. الآن رايحين نروحوا الى عنصر بزاف محفز وإيجابي اللي هو مظاهر نجاح الثورة الجزائرية وفشل المخططات الاستعمارية. يعني رايحين نروحوا نشوفوا الدلائل على نجاح الثورة الجزائرية، أول دليل اعتراف هيئة الأمم المتحدة بحق الجزائريين في تقرير المصير. هذا الشيء عطانا قوة وعطانا دافع للاستقلال، رضوخ فرنسا للتفاوض. بمعنى أن فرنسا هنا استسلمت للتفاوض، من بين المظاهر فشل مخططات شال وموريس اللي كانت في الحدود التونسية والمغربية. سقوط حكومات فرنسا السبع، كثرة نجاحات الثورات داخليا وخارجيا وتوالي، الآن رايحين نروحوا الى عنصر المفاوضات واتفاقيات الاستقلال. حبيت نذكركم بلي المفاوضات هي صيغة دبلوماسية تكون عبارة عن لقاءات سرية ولا علنية للوصول الى حل في أزمة ما. وهاد المفاوضات كانت بين لافلان اللي هو الممثل الوحيد للشعب وكانت بين فرنسا. رايحين نروحوا نشوفوا شنو هي أسباب قبول جبهة التحرير الوطني للمفاوضات. أولا مواثيق الثورة التي تنص على الاستقلال، حرص الشعب الجزائري على الوحدة الوطنية. طول فترة الثورة والخسائر المادية والبشرية اللي تعرضنا لها الجزائر. تخيلوا شحال من عام استعمرتنا فرنسا، قبول فرنسا جبهة التحرير الوطني كممثل وحيد للشعب الجزائري. نشوفوا شنو هي أسباب قبول فرنسا للتفاوض، شنو هي الدوافع والعوامل اللي خلات فرنسا أنها تقبل أنها تدخل معنا في مفاوضات. واحد قوة الثورة وشموليتها، اثنين ضغط الرأي العام الدولي بعد نجاح الحكومة الجزائرية المؤقتة في كسب التعاطف. ثلاثة ضغط الرأي العام الفرنسي، أربعة انتقال الثورة الى الخارج. لو لم تنتقل الثورة الى الخارج منظن أننا نوصل الى هذا النجاحات تاع الثورة وتواليها. الخسائر المادية والبشرية لفرنسا، هذه هي أسباب وعوامل قبول فرنسا وجبهة التحرير الوطني للتفاوض. كيفاش كانت مبادئ فرنسا وجبهة التحرير الوطني في التفاوض؟ رايحين نبداو أولا بمبادئ فرنسا. فرنسا واش قالت في المفاوضات؟ تجزئة الجزائر عرقيا ودينيا. بالمقابل جبهة التحرير الوطني واش قالت؟ وحدة الأمة الجزائرية. فرنسا تقول فصل الصحراء عن الجزائر، جبهة التحرير الوطني تقول وحدة التراب الوطني. فرنسا تقول الحكم الذاتي، يعني ولاية لي ولاية ليكم. جبهة التحرير الوطني تقول الاستقلال التام وتحقيق السيادة. يعني الولايات كامل لينا ونحقوا للسيادة الوطنية، فرنسا تقول الهدنة بين الطرفين. يعني نوقف القتال لمدة زمنية ونعاود نولي، جبهة التحرير الوطني تقول وقف اطلاق النار. معناها توقيف كل العمليات العسكرية نهائيا، فرنسا تقول الطاولة المستديرة. معناها كل خطرة شكون لي يحكم الجزائر، جبهة التحرير الوطني تقول لا لا. جبهة التحرير الوطني هي الممثل الوحيد ولي يتحكم في الشعب الجزائري. أرغمت ديغول على الاعتراف باستقلال الجزائر، هنا اعترفت فرنسا باستقلال الجزائر وسقطت كل الحكومات وفشلت كل المشاريع الفرنسية. الى هنا ينتهي لقائي بكم استودعكم الله، السلام عليكم.