[0:00]اليوم قررت اني احول لعبه اونلي اب الى لعبه جوال. ثواني، انت ما تعرف لعبه اونلي اب؟
[0:30]لعبه اونلي اب هي لعبه من نوع الريج جيم وهدف هذه الالعاب الوحيد انها تخليك تكسر اي شيء قدامك. من طاولات وكيبوردات وحتى شاشات، لعبه اونلي اب واللي هدفها انك تحاول توصل لاعلى شيء فوق في اللعبه واللي ممكن بسبب خطا بسيط تطيح الى البدايه موجوده فقط لاجهزه البي سي او الكمبيوتر. وفوق كذا مدفوعه وما هي مجانيه، فقررت اني اكون شخص طيب اليوم وانشر المحبه والصداقه واعيد صناعه هذه اللعبه بنفسي واحولها للجوالات. واخليكم تقدروا تلعبوها بشكل مجاني، واكيد قاعد اسوي هذا الشيء عشان طيب جدا. ولكن عشان تسوي نسخه من اونلي اب لازم اننا نجرب اونلي اب، وعلى طول رحت عشان احمل اللعبه واكتشفت انها مدفوعه. وانا للاسف ما عندي اي نوع من العملات في محفظتي، فرحت على طول وسحبت فلوس اليوتيوب لاني يوتيوبر مره غني، واكتشفت انه الشيء الوحيد اللي اقدر اشتريه فيها سندوتش جبنه. فقررت اني احمل اللعبه من مواقع مشبوهه وحفظت الفلوس لوقت اخر، وطبعا المواقع المشبوهه هذه امنه جدا، المهم انه اللعبه صارت عندنا وبعد تجربه خفيفه اتضح انه اللعبه ما تنفع لي. مو عشان نوب لا لا ترى اقدر اختمها لو ابغى يعني المهم اخذت المعلومات اللي احتاجها من اللعبه وحطيت اللعبه على جنب لوقت اخر، وثواني معقوله يكون عندنا لعبه بدون شخصيه. نعم قررت اني ابدع واوريكم مهاراتي اللي طورتها في الفتره الماضيه في تصميم مجسمات 3D. صار طياره. وبعد شغل ساعتين واخيرا سويت الشيء اللي شايفه قدامك، واللي طلع حلو بشهاده اكثر من 300 شخص الا خوينه هذا. والحمد لله بما اني اتقبل الانتقادات واتقبل كل الاراء هنا في القناه حاب اقول لك شكرا على رايك الجميل. وعلى طول سحبت الموديل ورميته في لعبتنا مع لمسه جميله وخفيفه من انيميشنات موقع مكسيمو. وحاب اوقف هنا يا عزيزي المشاهد واقول لك انه الشيء اللي شايفه قدامك هو السبب في معاناه طويله وتخريب بفكره المقطع كامل. فخليكم متابع لنهايه المقطع عشان تعرف ايش اللي صار، ولكن في شيء مهم جدا نسيناه واللي راح يكون احد اهم الاشياء في لعبتنا واللي هو التسلق. لانه لو ما في تسلق غالبا بعد اول خمس دقائق من لعبه اللعبه راح ترسل جاسوس عشان يقتلني. فاستعملت مهاراتي الفنيه والبرمجيه وسويت اسوا ميكانيك تسلق ممكن تشوفه في لعبه على وجه الارض. ولكن خمنوا ايش حرفيا بعد ما خلصته كنت جدا فرحان لدرجه اني نزلت عنه بتويتر واعجب المتابعين. وت ثواني ما انتم متابعيني في تويتر انا اتعب وانزل تسريبات واشتغل وفي النهايه ما حد يتابعني. حتى الان تقدم اللعبه ممتاز صح؟ امم انا عارف عزيزي المشاهد انك تفشت من هذه الذبه ولكن حاب اقول لك انه لا. باقي مشاكل انه اللاعب يصير سبايدر مان فجاه ومشاكل الكاميرا المقلوبه ومشاكل الشكل القبيح، بس اكيد راح احلها يعني بعدين يعني اكيد. اوكي خلاص والله طولت، بعد ما سوينا التسلق نحتاج اشياء عشان نتسلق عليها، يعني منطقيا بتصنع تسلق عشان تقعد تجري ولا ايش؟ ولكن قررت اني اضيع كم ساعه من عمري في محاوله اني اسوي اونلاين في لعبتي، وطبعا هذه كانت فكره يزن الذكيه جدا واللي بسببها المقطع طول عشان ينزل لكم. وطبعا في النهايه ولله الحمد قدرت اني ازبط الاونلاين، وقدرت اني ادخل مع نفسي واختبر الاونلاين كويس. ولكن اتوقع اني نسيت بعض المشاكل مثل البورت فوروردينج واللاج والاجهزه الضعيفه والاختراقات والهاكينج والفلوس والمناخ وطبقه الاوزون. المهم خلي هذه المعاناه لوقت اخر ولمقطع اخر ان شاء الله، وبنركز الان على لعبتنا اللطيفه حاليا. واذا تبغوني اسوي لعبه اونلاين اكتبوا لي في الكومنتات تحت وطبعا ما راح اسويها، بعد ما اضفت شويه اشياء رهيبه جدا على لعبتي واللي خلت اللعبه جميله. ام ثواني ايوه ايوه، جميله جدا. رحت اجمع اشياء عشان نبني فيها الماب، وزي ما احنا عارفين في لعبه اونلي اب الماب عباره عن تشكيله اشياء عشوائيه جدا ما لها اي دخل في بعض ابدا. يعني تبغى مواسير ولا اطفال ولا حتى الموناليزا، ايش جاب امها هنا؟ فجمعت كم استت عشوائي من استتات كياني الرهيبه وبدات ارمي وابني فيها الماب، واللي ما اعرف ليش لكنه اخذ وقت مره طويل. وبعد ما سويت شويه من الماب حسيت انه ناشف، يعني كذا ما فيه اي حياه، مجرد مكعبات برتقاليه ومباني طايره. حسيت لازم يكون في شيء زي كذا بس يا اخي ماني عارف ايش هو يعني.
[4:32]يب قررت اني اضيف خوينا القرصان واللي راح يفيدك اذا كلمته يعطيك دبل جنب. بس يا احمد لعبه اونلي اب ما فيها دبل جنب، يا حبيبي قلنا بنحولها للجوال مو بننسخها بالضبط لازم احط لمساتي الفنيه. وسالتكم بعدها في منتدى اليوتيوب عن اسم نحط الخويين القرصان وما شاء الله جاء فوق ال1000 تعليق. فقررت اني ما اخذ ولا اسم واخلي حسام يختار اسم. اقعد ايش سمي القرصان؟
[4:57]اسم لوفي
[5:01]لوفي من بين كل الاسماء المبتكره جاب اسم اكثر قرصان معروف في العالم. بس اهم شيء رحبوا بلوفي لايت.
[5:10]وبكذا يكون زبطنا المكان الاول وكملت بناء الماب بعدها واضفت هذا المكان الثلجي واللي بيكون فيه الرجل الثلجي هذا. واللي بيحذرك ان القطعه الزرقاء هذه هي جليد واللي راح تزحلقك وتخليك تطيح من الماب. عشان يضيف جو حلو للعبه وعشان اخليكم تن جلطوا اكثر يعني. واخيرا سويت طورين للعب واحد صعب وواحد سهل والفرق بينهم انه سهل في تشيك بوينت واللي هي هذه الاعلام. واللي اذا اخذتها راح تقدر انك اذا طحت ترجع من عندها ثلاث مرات، وبعدها اذا طحت المره الرابعه راح تتابع اعلان بسيط عشان تاخذ ثلاث محاولات اخرى. يب حطيت فيها اعلانات يا اخوان انا لازم اكل وكذا تابعوا الاعلانات الله يخليكم. وبعد التعديلات والتحسينات طلبت من الرسام العظيم شير وود يرسم لي صوره للعبه ورسم لي الماستر بيس هذه. يا اخوان شوفوا الجمال. وطبعا استخدمتها في كل مكان حتى ثمنيل هذا المقطع، ولكني يا عزيزي المشاهد ليس كل ما يتمنى المرء يدركه ان شاء الله قلتها صحيح. وم كل شيء في هذه الحياه بيمشي بسهوله وبالذات مع الشخص اللي قدامكم، وللاسف واجهتني مشكله جدا كبيره وخلتني اكره المشروع هذا كله. كشخص طبيعي بعد ما كملت لعبتي واختبرتها على جوالي وحليت اغلب المشاكل اللي كانت موجوده. وابغاك تركز معايا على كلمه اختبرتها بنفسي، يعني ما صارت عندي اي مشاكل فيها. وفوق كذا اعطيتها اخواني واصحابي واختبروها وما حد صارت له اي مشكله كبيره، سويت اكسبورت للعبه وسويت صفحه جديده على جوجل بلاي وانا مبسوط جدا بالشغل اللي سويته. وبدات اعبي المعلومات ورفعت ملف اللعبه عليها وانتظرت جوجل بلاي انهم يسوا لها مراجعه عشان اللعبه تنزل للناس. وطبعا كنت جدا فرحان وما كان في اي مشاكل وكنت العب وانا مبسوط، وبعد ثلاث ايام تقريبا جاني القبول الخاص باللعبه. وكذا تكون اللعبه اكتملت ونزلت للناس وصار الكل يقدر يلعبها، بس قلت في نفسي قبل لا انزل المقطع خليني اعطيها المتابعين في سيرفر الدسكورد عشان يجربوها. يمكن يعني تطلع كم مشكله واحلها عشان يساعدوني في المشاكل يعني. طبعا رابط سيرفر الدسكورد بيكون تحت في الوصف اذا حاب تدخل معنا عشان تجرب الالعاب قبل الكل وفي فعاليات كثير فحياك الله هناك. وهنا كانت الصدمه بداوا المتابعين يرسلوا لي صور ومقاطع غريبه من داخل اللعبه. بعضهم شخصيه اللاعب صار شكلها جدا غريب وبعضهم اللعبه معلقه عنده والانالوج يضرب يمين يسار. وبعضهم الشخصيه صارت تختفي عنده اصلا. وما واجهت اي رد واحد ايجابي على اللعبه، وصراحه انصدمت من رده الفعل السلبيه هذه. ما توقعت انه بتصير هذه المشاكل كلها والسبب اني انا مختبرها بنفسي، ومختبرها كمان في اكثر من مجموعه اجهزه مختلفه. وما واجهت ولا ربع المشاكل اللي صارت للمتابعين، فقلت ما في مشكله وحمدت ربي اني خليت المتابعين يجربوها قبل لا انزل لكم هذا المقطع. لان حرفيا اذا نزلتها وانا ما اختبرتها كانت حتصير كارثه لكم، وبدات اني احل المشاكل مشكله وراء مشكله. زي مثلا مشكله التعليق القوي في بعض الاجهزه الضعيفه والقويه، والسبب كان اني مسوي شادر غيوم للسماء واللي معطي شكل حلو لكن كان جدا قوي على اجهزه الجوال. فاضطريت اني اشيله والحمد لله زبطت المشكله، ولكن اكبر مشكله كانت موجوده واللي للان انا ما لقيت لها حل انه في بعض الاجهزه اذا دخلت ولعبت اللعبه اول مره بتكون عندك اللعبه شغاله بشكل ممتاز. ولكن اذا قفلت اللعبه ورجعت شغلتها بتصير عندك اشياء فضائيه غريبه، وحتى انه الشخصيه تختفي في بعض الاحيان واللعبه تصير حرفيا ما تلعب. بس اللي كنت مستغرب منه واللي كنت متاكد منه انه هذه المشكله مو مني والسبب انه في بعض الاجهزه اللعبه تكون شغاله كويس وفي بعضها لا. فقعدت ابحث اكثر عن المشكله وتعبت المتابعين صراحه معايا وهم يجربوا نسخه وراء نسخه، واكثر شخص تعب معايا صراحه يزن يعطيه الف عافيه. واحده الاكتشافات اللي اكتشفتها وانا قاعد مع يزن انه المشاكل تصير في نوع معين من الجوالات. وبنوع معين ما اقصد انه سامسونج او ايفون او هواوي، في كل جوال في نوع معين من التبسيت او شريحه التعريف. وفي الجوالات انواع كثير واشهرها سناب دراجون اذا سمعت فيه من قبل، والمشكله اللي في لعبتي ما تصير الا في الاجهزه اللي حقها الشيبسيت مو سناب دراجون. يعني اذا كان جوالك مثلا الجوال اللي انت شايفه قدامك وطلع نوع الشيبسيت زي هذا الجوال اكسوس او اي نوع ثاني غير سناب دراجون. غالبا راح تصير عندك المشكله هذه، بس معقول يعني كذا؟ كل شغلي اللي سويته في الايام الماضيه راح يتخرب بسبب شيء انا ما لي دخل فيه، مو معقول يا اخي اكيد في حل لهذه المشكله.
[8:59]جربت انواع كثيره من صيغه 3D على شخصيتي، وقعدت ارسلها الخوينا تايجوز واللي كانت عنده المشكله موجوده في جواله. والصراحه وقف معايا وتحملني وساعدني كثير مع انه النت كان عنده خربان دائما، فاتمنى تروحوا لقناته على اليوتيوب وتشتركوا فيها وتتابعوا مقاطعه. وبعد التجارب اكتشفت انه الصيغه الوحيده اللي ما كانت تصير فيها مشاكل هي صيغه الاو بي جي. وما عليكم مو لازم تفهموا انواع الصيغ لكن اهم شيء انها هي اللي اشتغلت، يعني كذا لقيت حل المشكله. بس غير صيغه الملف للملف اللي ما تصير فيه مشاكل وخلاص. عزيزي المشاهد انا علمتك في رحلتنا في هذه القناه انه ما في شيء يمشي زي ما تبغاه، صيغه الاو بي جي تطلع بدون انيميشنات. يعني ما تنفع في اللعبه وهي الصيغه الوحيده اللي ما فيها انيميشنات، انا هنا في هذه اللحظه وصلت لحدي. ورحت ورفعت مشكله على الجيت هب حق المحرك اللي شغال عليه واللي هو محرك جودوت، وفصلت المشكله بتفصيل ممل جدا. وعادي تحملت هذا الوقت كله بس عشان ما انزل لكم لعبه خربانه وتكون لعبه جميله تستمتعوا فيها. وتخيلوا معايا ايش صار رد علي احد مطورين المحرك يعني احد الاشخاص اللي صنعوا هذا المحرك اللي انا سويت فيه اللعبه. يعني هو الشخص الاكيد اللي راح الاقي عنده الحل واخيرا، لذا للاسف المشكله راح تاخذ وقت الى ما تنحل.
[10:07]الحمد لله على كل حال يا اخوان سويت كل شيء انا اقدر عليه صراحه. حاولت وبحثت ودورت على مدار اسبوع كامل ولكن للاسف ما لقيت اي حل للمشكله. وما لقيت اي احد واجهته من قبل او اقدر اني استفسر منه، وما لقيت الا حلين لهذه المشكله اقدر اطبقهم وارجع فيهم الموجود. اذا كانت المشكله تصير عندك في جوالك روح على اعدادات اللعبه في جهازك، وبعدها اضغط على مسح البيانات او كلير داتا. وبكذا اذا رجعت للعبه بتلاقيها رجعت زي ما هي وبتقدر تلعبها، لكن اذا ما فيك حل تسوي هذه الطريقه كل مره تطلع فيها من اللعبه وترجع تدخل. حطيت لكم هذا الزر في الصفحه الرئيسيه حق اللعبه واللي من خلاله بتفتح لكم صفحه تقدروا من خلالها تفعلوا الشخصيه الغبيه هذه. وطبعا هذه الشخصيه بصيغه الاو بي جي يعني ما بتختفي عندكم ان شاء الله الى ما المحرك يصلحوا مشكلتهم الغبيه ونشوف لها حل. اتمنى اتمنى انكم تجربوا اللعبه من الرابط اللي تحت في الوصف وتحاولوا ايضا تسووا سبيد ران للعبه. لاني اضفت عداد تقدروا تشغلوه من قائمه التوقيف او البوز مينيو وبيحسب لكم وقت المحاوله حقكم. وايضا ولله الحمد قدرت اني اضيف اللعبه على موقع سبيدران.كوم اشهر موقع لمحبين السبيد ران. فيعني ابغاكم كلكم تروحوا تصوروا سبيد ران حقكم وترفعوه على الموقع وتتنافسوا مع بعض، وطبعا هذا الرقم اللي قدرت انا اوصل فيه وهذا اسرع شيء عندي فاتحداكم انكم تعدوني. ويمكن حتى اوزع جوائز ان شاء الله لاعلى ناس فعشان تعرف اذا فزت او لا تابعني على تويتر او اكس من الرابط اللي تحت في الوصف. ويعني المشاكل اللي ذكرتها فقط لاجهزه الجوال فاذا كان عندك بي سي العب نسخه البي سي ما فيها اي مشاكل ولله الحمد. ودائما تصير هذه المشاكل في اجهزه الجوال بسبب انه اجهزه الجوال ضعيفه، ولكن الحمد لله قدرنا اننا نسوي اللي نقدر عليه. المشروع هذا تعبني مره فاتمنى تقدروا التعب بنشر المقطع واللايك، واعطوني رايكم عن اللعبه والمقطع تحت في الكومنتات. وحاب اقول في نهايه المقطع جمله واحده، جودوت الله ياخذ محرككم الخربان.
