[0:00]بسم الاب والابن والروح القدس الاله الواحد امين. لو انا فاكر صح كلمنا عن ربنا صانع الخيرات واتكلمنا عن ربنا ضابط الكل والنهارده هنتكلم على صفه من صفات ربنا. بس الاول هعمل مقدمه صغيره وبعدين اتكلم على الصفه. اوقات الانسان لما يجي يقعد يحاسب نفسه بدل ما يحاسب نفسه وهو قاعد مع ربنا الحنين اللي مستني التوبه يقعد يحاسب نفسه في جلسه مع الشيطان يعني الشيطان يبقى قاعد. ويخش في حوار يحبطه ويضايقه. فتجي تفكر انك تتوب تلاقي القعده بايخه قوي. يعني تلاقي الشيطان بيقول لك كده ما فيش فايده. فاكر الخطيه المحبوبه دي مش ممكن تتوب عنها. انت بتحبها ده انت اللي بتسعى ليها وتدور عليها. وانت اللي دائما ترطق ودانك ليها علشان كده اهو الخطيه دي عمرك ما هتقدري تبطليها. او يجي لك لخطيه ثانيه مش محبوبه كارهها بس مهزوم منها. فيقول لك ما فيش فايده برده انت كم مره قلتها لاب اعترافك ده انت بتقولها يا راجل لاب اعترافك من وانت في ثانيه اعدادي. ودلوقتي انت ثانيه خريجين يعني يعني سنين طويله وما فيش فايده. خطيه محبوبه مش عارف تبطلها وخطيه مهزوم منها وممسوك بيها مش بقول لك ما فيش فايده. بلاش يا حبيبي الخطيه المهزوم منها او الخطيه المحبوبه انا اقول لك على خطيه ثالثه ايه هي طبعك الرديء. طبعك الرديء طول عمرك مندفع ما تعرفش تمسك لسانك. وطول عمرك اللي يتقال لك بعد ثلاث دقائق تكوني قلتي للناس كلها. وطول عمرك غياره طبع طبع طبع سمعت 100 وعظ عن المحبه التي لا تطلب بل نفسها واول ما اعرف واحده اتميزت عني في حاجه الاقي وشي احمر وفضحني واتوترت من جوه وحتى لو عملت بضحك بضحك بهستيريا انا مش طبيعيه انا برتجف من الغيره اللي انا فيها دي. ده انت يا ابني هتروح مني فين يا خطيه محبوبه يا خطيه مهزوم منها يا طبع رادي ما انا بقول لكم من الاخر ريحوا الاباء الكهنه. هو يعني استغلال الاباء الكهنه ما انت كده كده مش هتتغير ومش هتتحسن. اقعد كده وبط جنبي. انا بقى عايز اقرا لكم حته من سفر ارميا قبل ما اتكلم عن الصفه اللي هتكلم عنها في ربنا. فارميا 18 وانا اعتقد عرفت خلاص انا هقول ايه مكتوب الشاهد ده الكلام الذي سار الى ارميا من الرب. قم انزل الى بيت الفخاري وهناك اسمعك كلامي. فنزلت الى بيت الفخاري واذ هو يصنع عملا على الدولاب عارفين الدولاب اللي هو ايه قرص من الخشب. وفي رجل كده عارفين المكنه الخياطه بتاع الستات زمان بيخلي القرص اللي عامل زي اللي كنت بصلي من شويه عليه كده يلف بسرعه فبيتحط عليه الطين. فسد الوعاء الذي كان يصنعه يعني هو عاوز يعمل وعاء. يعمل قله يعمل زهريه يعمل طبق يعمل فنجان ما هو الفخار يطلع منه كل حاجه يطلع من الطواجن اي حاجه. فعاد ففسد الوعاء الذي كان يصنعه من الطين بيد الفخاري فعاد وعمله وعاء اخر كما يحسن في عينيه. كما حسنه في عيني الفخاري ان يصنعه فصار ليا كلام الرب اما استطيع ان اصنع بكم كهذا الفخاري يا بيت اسرائيل يقول الرب. بعد ما ربنا جاب ارميا وقال له انزل هو قال له انزل ليه لان الفخاري دائما بيته يبقى عند الهضبه اللي فيها نهر لانه بياخد من الطينه السوداء اللي على شواطئ النهر لازم تكون طينه مبلوله قوي علشان يقدر يشكلها فكل الفخاريه كده ما ساكنين في حته عاليه ساكنين في حته عارفين الطمي بتاع النهر هو ده اللي بيتعمل منه الفخار. فالفخاري وهو شغال الوعاء لخبط يعني هو عاوز يعمل حاجه في فكره لخبطت منه مش لخبطت منه نتيجه سوء اداء لا نتيجه خلل في الطينه يمكن الطينه كان فيها زلطه كان فيها شقفه كان فيها ترابه كان فيها رمله عجيبه فمشيتش بسثلي بسهوله في ايد الفخاري فباظت.
[5:20]فالفخاري ابتدى يعملها من اول وجديد كما يحسن في عينيه الفخاري وفي الاخر طلعت حاجه حلوه. علشان كده النهارده عاوز بعد ما كلمتكم عن ضابط الكل وصانع الخيرات عايز اكلمكم عن الفخار الاعظم. اللي يقدر يخرج من الجاف حلاوه.
[5:48]تعالوا نتكلم النهارده من خلال شويه نقط. النقطه الاولانيه مهما كنت انت محبط لما انت بتحبط ومتضايق قوي قوي قوي. وفاقد الرجاء في كل حاجه واسالك انت اسمك ايه مايكل اقول لك اخبارك مع ربنا ايه تقول لي زي الطين. بتختصرها يعني فتقول لي مطيم بطين اقول لك هايل تقول لي بقول لك طين وتقول لي هايل اقول لك اصل الفخاري ما بيشتغلش الا مع الطين. لان الفخاري الحلو بتاعنا قال ما جئت ادعو ابرار بن خطاء الى التوبه. فلو انت شايف نفسك طين اطمن لانه هو يقدر من الطين يعمل اناء للكرامه. لان الزهريه اللي ممكن تتباع ب 15 و16 في ناس بتقعد تحف وانتيكات تلاقي عنده زهريه كده ما تفهمش يعني. اتعملت من طين والفخاري اللي عملها اجاد صناعتها قوي فاذا كنت انت يائس ونفسك شايف نفسك طين. اعرف كده ان ربنا ما يشتغلش مع الطين عشان كده لما ربنا نزل ما نزلش في اثينا بتوع الفلاسفه اللي بيتكلموا في المنطق وبقى يحكي لهم الاقانيم والثالوث والفداء والاله والتجسد.
[7:18]اختار جهال العالم وشويه صيادين ريحتهم زفره قال اصل انا بشتغل مع الناس دي اطلع منهم رسل وقديسين وشهداء. هتشوفوا منهم العجب اتعلموا ازاي يقولوا الكلام اللي انا بقوله ده ويجيبوا المسكونه كلها لمملكتي. تختار صيادين يا رب استنضف طب خد رمله تعمل منها ازاز انتوا عارفين السيليكون بتاع الرمل يعمل الازاز حتى الازاز شفاف وجميل انا عاوز طين واشتغل بيه واطلع اواني ما حدش يعيب عليها بعد كده. عشان كده كان شغل المسيح كله مع الخطاه في واحده كانت مطينه بطين بجد اللي مطينه بطين دي كانت متجوزه خمس رجاله. شوفوا سمعه ست متجوزه خمس رجاله صوروا معانا واحده في الكنيسه متجوزه خمس رجاله يعني واحد ورا واحد ورا واحد ورا واحد ده بقى اللي عايشه معاه. اساسا مش جوزها بوي فريند يعني مقضينها زي ما بيقولوا الشباب بلغه الشباب مقضين دي مطينه بطين ولا مش مطينه بطين. تتصور المسيح الفخاري يقعد معاها على البير يطلع منها خادمه تكرز بيه وتقول لهم المسيح اللي مستنينه اليهود انا شفته. فخرجوا على كلامها وقالوا له لم نعد نؤمن بسبب كلامك عشان انت قبلتينا بيه ياه كرزه تجيب قريه بحالها للمسيح تؤمن به ست بتاعه خمس رجاله اه ما انا بقول لك انا اقدر اطلع من الطين من امراه سمريه اطلع منها زهريه حلوه قوي. انت شايف نفسك مطين بطين انا بس يهمني انك تكون واثق ان انا الفخاري اللي اقدر اغير فيك واعمل فيك اللي انت ما تصدقوش في نفسك. في واحده بقى مطينه بطين اكثر من اللي كانت مطينه بطين. دي بقى اسمها المجدليه دي كان فيها سبع شياطين منهم شيطان نجاسه يعني كانت سيرتها السامريه احسن شويه. المجدليه دي تبقى مرافقه لغايه الصليب وتصير خادمه وكارزه مريم المجدليه اول واحده والظلام لازال باقي.
[9:51]ست مش راجل بشنب شايل سلاح تسيب المدينه وتروح للمدافن علشان متشوقه تشوف يسوع المدفون. ما عرفتش تنام من كتر الحب فقامت له الله الله الله يا رب دي كانت زنيه دي كانت فيها سبع ارواح نجسه. ايوه بس جات للفخاري اللي قدر يخرج من مريم اللي كانت ملعب للشياطين بما فيهم شيطان النجاسه اناء للقداسه تشهد بحب ما حدش شافه للمسيح. ده انت بتاع الطين بجد انا بقول لك انا الفخاري بتاع الطين. انا مش الالماظ بتاع الالماظ لا ولا بتاع الذهب ولا بتاع الفضه انا بتاع الطين لان ده لا معنى روحي. لما تبقى محبط وتقول انا زي الطين. اوعى تفقد رجاءك انه يخرج من الاكل اكلا ومن الجافي حلاوه زي السمريه وزي المجدليه. عشان كده افتكر دايما الايه زك العشار زك العشار زك العشار ده ايه راجل بتاع فلوس ومرتشي. وعدو لليهود لانه هو يهودي بس بيشتغل عند الرومان المسيح يخش بيته. يقول انت برده ابن لابراهيم فالناس كلها شايفاه ما تتعش رايح تتعشى عند واحد مطين بطين. يقول لهم استنوا بس لما الفخاري يخش بيت زك العشار المرابي اللي كان بيبلغ الناس و والى اخره. لما انا دخلت بيته لانه ابن الابراهيم اتبع وعوض الناس اربعه اضعاف ما فيش حد يقدر يعمل من الطين اللي بالشكل ده قديس في العطاء. اسمه زك الا انا انا الفخاري فلما انت تكون الدنيا شايف نفسك اسوا حد واسوا خطيه وانت وصفت نفسك انك انت طين. انا بقول لك الفخاري يقدر يعمل منك زهريه للكرامه. الا اذا انت اصرت انك تكون اناء للهوان انت حر بس المسيح قادر وعشان كده زي ما كلمتكم على صانع الخيرات ورب الكل كنت لازم اكلمكم على المسيح القادر على التغيير لانه الفخاري.
[12:33]النقطه الثانيه يبقى النقطه الاولانيه ان الفخاري شغلته مع مين مع الطين لما انت تقول انا نظيف الحمد لله مش مطين يقول لك يا ابني انت شايف نفسك بر ماليش دعوه انا شغلتي شغلتي الطين. فيا بخته اللي حاسس انه مطيم بطين بس بدل ما يقعد الشيطان يقول له انت ما فيش فايده فيك يقول له لا انا رايح للفخاري. قال لي يخرج من الجافي حلاوه عارفين جافي يعني ايه رمه الرمه الميته هيطلع منها عسل ابيض ده اللي حصل مع شمشون لو تفتكروا لما كان ماشي وشاف.
[13:13]اثنين لما الفخار والطين في ايدينه ما داش الشكل اللي هو عاوزه اتقالت ايه قال لك ايه عاد وعمله يعني ايه عاد وعمله يعني ميزه الفخاري بتاعنا انه ما بيزهقش مننا.
[13:35]يعني انا انا لو الفخاري ده وعندي الطين كتير ولقيت بتاعه لوحت مني مره ولوحت مني ماسك الطينه رميها. واجيب طينه ثانيه بقى تكون احلى شويه قال لك لا عاد وعمله يعني ايه عاد وعمله يعني مسيحي ما بيزهقش مني. كل حته طين غاليه عليه قوي فما بيرميهاش بسهوله احنا بنرمي الناس اللي تعبانه وبنرمي الناس اللي قرفانه بلغه البشر يعني وبنرمي الناس السميه واحد كان بيقول ايه سامه الشخصيات السامه. نرمي لكن في واحد يقول لك لا هعمله تاني ومش هسيبه في النقطه الثالثه كما يحسن في عينيه بس الاول مش هسيبه معنى كده ايه. ان حتى لو انت طينه عوجت في ايده مره واثنين هيفضل وراك. فاكرين المثل بتاع اصحاب الساعه الخامسه ال11 ل 5 مساء 11 ايه هو الراجل ما كانش محتاج بس كان عارف ان في ناس مستنيه مش لاقيه. فعاد لسوق العمال وقال لهم تعالوا كرمي هيفضل يحاول معاك المسيح قال كده اذا كنتم وانتم اشرار نستطيع ان نعطي اولادنا عطايا حسنه.
[15:10]في حد بيزهق من ابنه ابني بليد في الحساب اجيب له برتقانه واقسم له خمس فصوص اقول له خدنا فصين وباقي ثلاث فصوص واجيب له خمس تفاحات اقول له اصل التفاحه مش عارف واعمل له تفاحه ايه والولد مش فاهم. اقول له معلش هنجيب ثاني اجيب له خمس ترمسات واجيب له سبع حبات دره اقول له بابا مش فاهم عمركم شفتوا اب اقول لامه كده بقول لك ايه بكره تسحبي الورق بتاعه المدرسه ودي له فوطه صفراء يجيب ذهب وفي في اشاره زحمه بفوطه صفراء. هيجيب لنا دهب الولد ده مش نافع في العلاج في اب بيعمل كده فاذا كان الاب بالغنزه البشريه بتاعته بيجيب مدرس ويجيب حاجه اسمها شادو تيتشر وم يجيب مش عارف مين ولو الولد بيتنطط في الفصل يقول على عنده ويهددي ووديه للدكتور نفسي بيتعب قوي يا حبيبي عشان بس يقول لك بس ياخد ابتدائيه يعني يخش ان شاء الله بلاش قديس بس يخش. يفضل يدع معاه يدع معاه فاذا كنا واحنا اشرار نستطيع ان نعطي اولادنا عطايا حسنه فكان بالحرير الفخاري عاد وصنعه. بطرس انكر فعاد وعاتبه في لبس لخبط في الكلام فعاد ووجهه اما معك هذا الزمان يا فلوبوس وتقول ارنا الاب من راني قد الاب لان انا في الاب والاب في تصوروا انا مكان المسيح بس انا مش الفخاري الاعظم بقى انا بشر يعني وانت خزلني شفت معجزاتي وشفتني بعمل بعمل بعمل بعمل وبعدين بتقول وشفتني لسه مقوم العازر قد انك وبعدين بقى بسلمكم التسليم الاخير وبغسل الرجلين وبقول لكم العظه الختاميه في يوحنا 14 فبقول ابي اعظم مني مره وانت ترد تقول ارنا الاب وكفانه. عارفين يعني ايه حته اسلوب ده بيتكلم المسيح بيقول له ارنا الاب وكفانا يعني ايه يعني هات من الاخر ووريني الاب. ارنا الاب وكفانه خلاص انا لو الفخاري امسك الطينه دي ما اعرفش اعمل فيها ايه. ارميها في المزابل يقول لك لا عاد وعمله اما معك هذا الزمان يا فلوبوس وتقول ارنا الاب معقوله برده يا فلوبوس. واحده ثانيه برده لفت معاه غلط على الدولاب واحد بيكذب 10 تلاميذ شافوا المسيح بعد القيامه.
[18:01]يا حبيبي ده بطرس بيقول لك شوف يوحنا بيقول لك شوف فيلوبس بيقول لك شوف متى بيقول لك شوف كلنا شفناه 10 ده احنا ثلاثه احنا نكذب عليك ما حصلتش اذا ما احطش صباعي في ايده انا بقى لو مكانه ده ده ينفع تلميذ ده يشهد ليا ده بيشك في امتي زي اللي قبليها ورميها في المزابل وشوف لي طينه جديده لكن المسيح عاد لتوما وعمله. قال له حط صباعك وحط ايدك في جرحي ربي والهي قال يعني مش هرميك مش هرميك حتى لو انت تستاهل الرمي مش هرميك لان كل واحد فيكم طينه غاليه قوي حبها قبل ما يخلق الملائكه شافك باسمك وعرفك بشكلك قبل الدهور كلها لان ربنا ما عندوش حاضر وماضي ومستقبل. ازاي يرمي طينه غاليه ده الطينه دي لما عكت الدنيا نزل شال خطيتها وطلع على الصليب عشان يقول انا مرميش طيني بالسهل.
[19:17]وانت تياس وتقول ما فيش فايده فيا يا اخي عاده عاد وصنعه طب صنعه ايه بقى دي النقطه الثالثه كما حسن ان يصنعه.
[19:44]اتاري ان كل واحد فينا ليه شكل وليه رساله ربنا مستنيه منها فعاد وصنعه كما حسنه زي ما هو كان عاوز ومستني منه. احنا ما اتخلقناش صدفه انت اتخلقت بشكل وشخصيه علشان ليك رساله فلما بوظت الدنيا انا عاد وصنعه كما يحسن في علاه الا اذا انت رفضت بقى لان ربنا بيحترم حريه الانسان لو رفض. هقول لكم على حاجتين تفهموها عشان تفهموا ربنا شايفنا ازاي في اثنين كانوا ماشيين على جبل في صخره كده بارزه من الجبل. فواحد بيقول للثاني شاف الصخره دي قال له اه قال له شايف ايه قال له بروز صخره بارزه من جبل هو انا شايف ايه قال له انا شايف حاجه ثانيه قال له شايف ايه قال له شايف تمثال عظيم لموسى النبي اللي قال كده مين مايكل انجلو. اثنين ماشيين بصوا لصخره فواحد شايف انها صخره والتاني شايف انها موسى النبي اهو ربنا كده الناس قد تكون شايفه فيك صخره لا قيمه لها بس انا شايف اقدر اخرج منك موسى النبي. مايكل انجلو برده بيتقال عليه حاجه حلوه ده انا بقول لكم على فرقه فكره الفنان الخلاق الذي يصنع ربنا بقى مش صنع ده ربنا صنع الوجود كله بما فيهم انا وانتم.
[21:30]في كان في امبراطور بيفتتحوا له كنيسه وجايبين مش فاكر في اي دوله في اوروبا بس شاحنين الازاز الملون الازاز الملون هيحطه مثلا زي الشبابيك دي اللي احنا حطينا عارف الشبابيك اللي انا بشاور عليها هتلاقي في ازازه خضراء وازازه بنفسجيه موف يمكن مش باينه قوي لكن لو انت بصيت هتلاقي الالوان دي موجوده. ده اسمه ازاز ملون الواح فكانوا ناويين يلقوا الكنيسه انه يحطوا الازاز الملون ده الالواح دي كلها ايه علشان يعملوا بيها الشبابيك تدخل اضواء جوه الكنيسه اصفر واخضر واحمر وازرق منظر مبج قوي ما كانش في دماغهم اكثر من كده. ايه اللي حصل اللي حصل ان الازاز ده وهم بيفضوه من المراكب وبيدخلوه الكنيسه اتدش كله وتكسر والامبراطور جاي كمان ثلاث اربع ايام هنعمل ايه.
[22:42]واحد بس بص الازاز المتكسر ده وابتسم قال لهم هعمل صوره بالازاز المعشق والحمه بالصدير او الرصاص السايح لرب المجد يسوع وشيلها الست العذراء مريم
[23:04]ايفر الايقونه كانت ايه انا مش فاكر بس عمل حته ايقونه بالازاز المعشق بكل الالوان لان هو كان يقدر على اللي ما حدش يقدر عليه في شغل الازاز ودي كانت اول مره يعملها بس عنده التنت فاذا كان المخلوق اللي اسمه مايكل انجلو من ازاز بودره عمل ايقونه رائعه الا يقدر الفخاري الذي جبلك وانت طين ان يصنع منك انيه للكرامه. ليه تياس يا حبيبي وليه تفقد رجاءك بسبب خطيتك يقدر يغسلك ويشطبك وينظفك ويجلسك مع رؤساء شعبه. امن امن بالفخاري امن بالفخاري اللي كل مره انت تتناول جسده الحقيقي ودمه الحقيقي بتتنقل نقله في حياتك الروحيه حتى لو انت مش حاسس بس يكون عندك ايمان وعندك رغبه وعندك ثقه في فاعليه جسد ودمه. انا طولت عليكم انا اتكلمت على ثلاث حاجات في الفخاري واحد بتاع الطين اثنين عاد ثلاثه كما يحسن. يعني هو شايفني في صوره ما احنا بنشكر ربنا انه جميل كده ونشكر ربنا انه النهارده بعد ما اكلم الضابط الكل صنا نكلم عنه كفخاري طيب السؤال بقى انا مطلوب مني ايه عشان وقتنا في خمس دقائق هخلص انا مطلوب مني ايه.
[24:50]نمره واحد اوعى تفقد رجاءك في نفسك مهما كان شكلك او ريحتك او خطيتك لان حتى لو كنت ابن ضال انفقت كل عيشه ابوك السماوي على الزواني. وجاي بريحه الخنزير هو الفخاري الوحيد اللي يقدر يغير شكلك ويغير صفاتك ويغير مكانك في كنسته. اوعى تياس طول ما فيك نفس وبتقول اذكرني يا رب ما جئت في ملكوتك انا الفخاري اخرج من طينه الحرامي المغتصب اللص اليمين اقطع الطريق قديس يخش الفردوس انا اقدر السؤال انت عاوز لان الطين ما بتقدرش تقول اه ولا لا بس مشكلتي انا في حريه ارادتي ان انا ممكن اقول لربنا انا مش عاجبني الطريق بتاعك تقيل عليا الطريق بتاعك مين قال لك ان انا عاوز ابقى اناء للكرامه لكن لو انت عندك شهوه انك تحيا حياه القداسه حتى لو انت في حاله الطين اوعى تياس لانه هو الوحيد القادر انه يخرج من الطين قداسه امن ببساطه ان ده المسيح الهي اللي مات علشاني نمره واحد اوعى تفقد رجاءك نمره اثنين خليك مع ربنا ايه لين بلاش تبقى شريك مشاكس بلاش تبقى شريك مخالف يا ابني اسمع الكلام لا ما تقول انا شخصيه مستقله انا شخصيه قويه طب اوكي اوكي بس في الاخر هتخش ايه بسبب كبرياءك الجحيم فربنا قال لك لا انا داخلك في فرن ما يكسرش الحديد قال الحديد هبعت لك واحد وهو طالع روحي تتسحب مني وانا بسمع رجلي على السلم هتقولي ازاي عايز انفصل جالي بانك اتاك سيبوكم من المبالغه اللي انا بتكلم فيها لان ما حدش هيقبل كده طبعا لكن فرضا بقى الفرن بتاعك شريك حياتك عايز اخش الفرن.
[31:36]ما يلزمنيش ده فرن سخن قوي قوي قوي انا عايز افضل مدلع طب هتخسر ابديتك طب خش الفرن شويه هتظبط فيك الاتضاع والاحتمال ويعلمك الصلاه ده انت كنت بتخلي الناس كلها تعيطي تعيط الناس كلها اخيرا جه واحد خلك تعيطي تجرب لي كنت بتعمليه في الناس يا مفتريات تقبلي الفرن ده. لا لا اول ما تفتكر رجائك حتى لو انت طين بس انا هدخلك فرن يعني طب الفرن ده قد ايه كده عايزه اطمن يقول لك من واحد لواحد يفرق وكل اوان وكل يعني كل انيه وليها سواها يعني علشان يوسف يطلع يوسف احتاج 12 سنه في الفرن.
[32:48]12 سنه في السجن واتقفل عليا وشغلوا النار اه فرن عن فرن يفرق بس برده طلع يوسف الصديق شوف كم اصحاح اتكتب عنه في سفر التكوين من صفحه 37 لغايه اخر اصحاح 37 لغايه اخر السفر كله يوسف. حكايه يوسف يوسف يوسف يوسف كان بعد عنكم عنده شويه زلط في الطين بتاعه هيلخبط الاناء فكان لازم يتنظف كويس قوي فالفرن بتاعه اخد 12 سنه مش مش بقول لك كده انك هتاخد هتدخل فرن 12 سنه لا ربنا عارف انك انت بتلسع من الكبريت مش هدخلك فرن بس يعني بيقول لك استحمل معايا شويه. ليه انتي متجرفته ودلوعه وبسبب عكرك ودلعك وكبرياءك عايز تتجوزي واحد يقول لك حاضر لو ادهنا لك واحد يقول لك حاضر لو اللي يقول لك حاضر ايه اللي هيحصل فيكي هتهدي هتتهد يعني لا اللي هيحصل هتفرعني اكتر وانت المدير العام قائد اوكي اوكي بس في الاخر هتخش ايه بسبب كبرياءك الجحيم. فربنا قال لك لا انا داخلك في فرن ما يكسرش الحديد قال الحديد هبعت لك واحد وهو طالع روحي تتسحب مني وانا بسمع رجلي على السلم هتقولي ازاي عايز انفصل جالي بانك اتاك سيبوكم من المبالغه اللي انا بتكلم فيها لان ما حدش هيقبل كده طبعا لكن فرضا بقى الفرن بتاعك شريك حياتك عايز اخش الفرن ما يلزمنيش ده فرن سخن قوي قوي قوي انا عايز افضل مدلع طب هتخسري ابديتك طب خشي الفرن شويه هتظبط فيك الاتضاع والاحتمال ويعلمك الصلاه ده انت كنت بتخلي الناس كلها تعيطي تعيطي الناس كلها اخيرا جه واحد خلك تعيطي تجربي كنت بتعمليه في الناس يا مفتريا تقبلي الفرن ده لا ده الفرن بتاعك انت انت بقى دلوعه ماما بقى تاكلي ايه يا حبيبي تعشى ايه يا حبيبي شوفي يا ماما اخواتي ياكلوا ايه مش مهم اخواتك على انهم ما قالوا انت تاكلي ايه يا حبيبي انت ماما بقى لا لا ده كان عندكم النهارده لا في مدرسه ثانيه خالص ده كان عهد قديم يا حبيبي احنا في العهد الجديد الاشياء العتيقه قد مضت كله صار جديدا انا جايبه لك مريله سيبوكم من الضحك بس اوقات كثيره قوي قوي ارجعوا بقى للفكره الروحيه ان انا اساسا رافض الفرن الفرن ده ممكن يكون مدير بايخ بس هيعلمك ضبط النفس والانفعال ممكن تكون صديقه وسقف فيها وقالت كل اللي انت قلتيه لها للناس كلها بس اتعلمت احنا بقينا من كتر دلعنا عاوزين ربنا بتاع دليفري بيطبطب ويدلع وبس لكن عمرك ما هتبقى انيه للكرامه من غير ما تخش الفرن فلابد ان لا تفقد رجاءك لانك لو انت طين زي السامريه هيعمل منك كارز لكن لازم تكون لين وتتعلم في حياتك تقول حاضر ده انا حتى لو اب اعترافي قال لي حاجه وانا مش مقتنعه بيها ما بقولوش حاضر اقول له حاضر ليه مش حاسس بايه ده انا قفلنا الفرن من بابه لا يا اولاد عشان اكون واقعي معاكم ومادخدعكوش الحياه الروحيه فيها افران عشان مش هنستوي من غير فرن العجينه اللي الست بتعملها اللي فيها الفانيليا والبيكنج باودر والدقيق والبيض والسكر نيه كده لذيذه كنا اوقات نلحس البواقي واحنا عيال لما كانت ماما تعمل في البيت الكيكه بس لو اكلتها نيه بطنك هتتوجع انت لازم تكونها ايه وعشان الكيكه تبقى مستويه وتبقى تورته بعد كده لازم تخش ايه فلما ربنا يحب يعمل منك من عجينه نيه تورته اقبل فكره الفرن لان احنا عند اول باب الفرن ما يتفتح اول واحد بنقلب عليه الفخاري نفسه. اتمنى ان الرساله تكون وصلت احنا بنشكر ربنا انه فخاري ويعود ويصنعنا بجوده اعلى لو احنا خاضعين لو احنا قابلين فكره الفرن بس اهم ما في الموضوع مهما كان حياتي مطينه بطين اعرف انك انت شغلك عند الفخاري الذي قال ما جئت ادعو ابرار بل خطاء الى التوبه فربنا هيخلي من موسى الاسود قديس ومن مريم المصري قديس ومن اللص اليمين ليه مكان في الفردوس لالهنا كل مجد وكرامه الان والى الابد امين.
