دخل شراكة مع صديق له بالغنم وانصدم منه | فهد البشاره

[0:00]السلام عليكم، اهلا وسهلا، كيف حالكم يا احباب؟ عساكم دائما تكونوا بخير وصحة وعافية وسعادة، قولوا آمين، وقولوا آمين. عسى الله يحفظكم ويوفقكم ويسعدكم الرحمن في الدنيا والاخره ويرزقكم الرحمن أضعاف ما تتمنون ويحقق لكم كل أمانيكم وزياده، قولوا آمين، اللهم آمين. وصلوا على النبي عشان نبدأ مع بعض نسمع هذه القصة اللي أنا مصدوم منها، مصدوم والله العظيم مصدوم من هذه القصة. لدرجة إن أنا يعني قلت هذا فعلا يعني هذا الشيء موجود وحصل ولا شنو ما أدري؟ اسمعوا يا أخوان اسمعوا، الله يرحم لي والديكم، بطلوا مخكم معاي وقلبكم معاي واسمعوا معاي هذه القصة. هذا واحد ينقال له عبد الله، القصة في الكويت، القصة في الكويت ويحدثني فيها هذا الشخص يعني هو اللي قال لي القصة. هو اللي قال لي القصة مو ماخذها من أحد ثاني، هو اللي قال لي القصة بالكامل وقصته هو. قال لي أنا فهد بقول لك اسمي وبقول لك قصتي واذكرها للناس بس بدون ذكر العائلة، قلت له أبشر تم على هالخشم. قال أنا اسمي عبدالله، أنا الحمد لله أموري طيبة، الحال ميسور اللهم لك الحمد. موظف وأعيل أسرتي، الحمد لله أموري طيبة وعندي عيالي وحرمتي وأموري جميلة جدا وطيبة اللهم لك الحمد. ما أقول لك أنا غني، لا أنا مثل ما يقولون من الطبقة الكادحة اللي موظف وعندي وظيفتي اللهم لك الحمد ينزل لي راتب والحمد لله مستورة. يقول أنا اللهم لك الحمد عندي مزرعة وحاط لي يعني بعض الحيوانات في المزرعة وأزرع مني وأزرع من، اللهم لك الحمد أموري طيبة. وأطلع مع الأهل أروح المزرعة وننام هناك ونستأنس والحمد لله كل شيء جميل وأموري طيبة. يقول في يوم من الأيام سمعت أحد الناس يتكلم عن الغنم، الغنم في صنف ومعرف أيش والأمور هذه. وخلي أروح أشوف ورحت شفت وحسيت إنه أنعجبت بهذه الهواية، هواية الغنم والصنف وأدخل فيها مسابقات، يقول شيء حلو وجميل. يقول فعلا سبحان الله كان دش بهذه الهواية وأروح وأشتري لي غنم وبأسعار أسعار غالية ومستمتع. يقول فعلا فعلا مستمتع وأنا بهذه الهواية، يقول خاصة لما أهد الغنم قدامي عندي في المزرعة الكبيرة والغنم يسرحون ويروحون ويناقزون ويلعبون. ويركضون والله يعني سكينة وراحة ما بعدها راحة، ما بعدها راحة. يقول سبحان الله هنا عرفت ليش كل الأنبياء كانوا يرعون الغنم، يقول أكيد يعني الله سبحانه وتعالى له حكمة من هذا الموضوع. لكن الأنبياء كانوا يرعون الغنم ويسرحون بالغنم لأنه فيها راحة وسكينة، فيها راحة وسكينة. يقول طبعاً دشيت بهذا المجال والحمد لله وقمت أنتج من هنا وأشتري من هنا وأبيع من هنا وأنتج من هنا وأبيع وأشتري وأموري طيبة. اللهم لك الحمد وكل شيء تمام التمام، تمام التمام، أنا ما مو ماخذ يعني الغنم كبزنس، لا. أنا ماخذه كهواية كان أنا أريح مخي وأطفي مخي لما أروح المزرعة هناك وأشوفهم اللهم لك الحمد أموري طيبة. خليت لهم راعي يرعاهم هناك ويقابلهم وكل شيء تمام التمام. يقول في يوم من الأيام رحت مجلس إحنا نقول يعني بالكويت ديوانية. يقول قعدت مع الأصدقاء وأغلب اللي موجودين ما أعرفهم يعني شخصيا، بس تبارك الرحمن كلهم عندهم بزنس. الكل يعني أقل واحد فيهم عنده بزنسين أقل واحد هذا بيت النازل وكلهم تبارك الرحمن شايفين خير وأهل خير. المواتر اللي واقفه برا بالديوانية تبارك الرحمن ما يقل الموتر واحد عن 30 ألف دينار كويتي، يقول تبارك الرحمن لا إله إلا الله. يقول يعني إلا أنا أنا يعني ما أقول لك أفقرهم لا يعني إلا أنا أقلهم ماديا، الحمد لله عندي فلوس لكن أنا أقلهم ماديا. يقول ما بين السوالف كل واحد قاعد يسولف من صوب، اللي يسولف عن البزنس تبعه واللي يسولف عن هواياته واللي يسولف عن ما أعرف أيش اللي صار في يومه وأيش اللي صار في حياته. فواحد من الشباب اللي أنا رايح له يعني ديوانيته كان يقول عاد أقول لكم يا جماعة الخير عبدالله أخونا تبارك الرحمن عنده غنم. يسمونه غنم الصنف يعني يدش فيه مسابقات وأموره طيبة وما شاء الله تبارك الرحمن يشتريهم بجيام. وقاعد ما نشوفه كله بالمزرعة هناك قاعد ومرتاح ومستريح وساعات أروح له طلع عليه تبارك الرحمن ومكانه طيب وجميل جدا. يقول جزاه الله خير قاعد يمدحني كان يطمر واحد واحد من الشباب، يقول هذا يمكن ثاني مرة أشوفه ما أمل عليه. بس يعني بيني وبينه سلام عليكم السلام، كان يقول لي أخوي يعني عبدالله شنو الوضع الغنم سوق الغنم شنو؟ يقول والله سوق الغنم جميل وفي مربح وبزنسه اللي بيدش فيه تراه هو فيه مربح كبير وفيه مخاطر وفيه يعني كل بزنس له مخاطره، كل بزنس له صعوباته وكل بزنس له الريسك اللي فيه. لكن أنا مو حاط هالغنم عشان بزنس، أنا حاطهم عشان راسي أروح أطفي مخي بمزرعتي هناك وأنا أسرح مع هالغنم والحمد لله أموري طيبة. هذا الشخص اللي عنده الغنم مثل ما قلنا ايش اسمه؟ اسمه عبدالله، وهذاك الشخص اللي قاعد يسأله عن الغنم ايش اسمه؟ اللي ثاني مرة تقريبا يشوفه ما يمون عليه اسمه محمد. فقال محمد حق عبدالله قال له عبدالله أخوي عبدالله يعني أنا أستأذنك هل في مجال في يوم من الأيام أورك المزرعة ودي أطلع على هذا البزنس. كان يقول أنا تبارك الرحمن يعني أخوي عبدالله أنا تبارك الرحمن يعني راع بزنس راعي يعني رجل أعمال.

[5:27]الحمد لله اللهم لك الحمد عندي محل هناك، عندي مطعم هنا، عندي كراج هناك وعندي ما أعرف ايش هنا وعندي وعندي وعندي اللهم لك الحمد. يعني ربك رزقني فقمت أخذ من الله سبحانه وتعالى رازقني أقطع هنا مبلغ أقطع هنا مبلغ أقطع هنا مبلغ والحمد لله. فقال خلي أشوف يعني اللي عندك أنت على وعسى ممكن أفيدك وتفيدني ونستفيد من بعض نستفيد من خبراتنا. قال له أبد الساعة المباركة ومكانك ومحلك حياك الله. يقول فعلا تواعدنا بعد ثلاث أربع أيام وياني هذا الشخص المزرعة. يقول عبدالله يوم ما يعني ياني المزرعة قعد معاي هذا محمد وريت المزرعة وحزتها كانت شوية شتوية وشبيت الحطب وقعدنا مقابل النار اللهم لك الحمد. المزرعة شرحة وكبيرة وسيعة وهديت الغنم قدامنا وقاعد يشوفهم ويسرحون ويروحون ويناقزون ويطامرون. يقول فجأة كان أشوفه يسكت، يقول والله يعني أنا قاعد أشوف الغنم تبعي حلالي قاعد أشوفه وأشوفه ولا هو راح بعيد بعيد بعيد بعيد. فسكت سكت يمكن قاعد يفكر بموضوع أنا خليني أهي بحلالي أشوف هذا أيش فيها هذه ما فيها هذه الأمور طيبة ما أمور طيبة. يقول مرت عشر دقائق ربع ساعة ثلث ساعة يقول أنا أمسك تلفوني لا طالعني ولا شيء. يقول أشوفه بعيد بعيد، كان أقول له أخوي محمد وين رحت؟ وين وصلت بالتفكير؟ كان يطالعني يقول لي تصدق أخوي أخوي عبدالله يقول أقسم بالله العظيم. أقسم بالله العظيم إن أول مرة أول مرة من سنين طويلة أنا لاهي بتجارتي وأشغالي. يقول والله أول مرة إني ما أمسك تلفوني ولا أتكلم وأقعد مرتاح. وذهني راح بعيد وخيالي راح بعيد بهالمزرعة وما بين هالغنم تبارك الرحمن عسى الله يهنيك. يقول والله أنت من وين جيتني من وين من وين الله سبحانه وتعالى حطك في طريقي من وين. قال له الله يرحم لي والديك أبيك تدليني على هالطريق، قال أنا ما أعرف بالغنم. بس حسيت إن هنا أنا راحتي، يقول والله العظيم حسيت إن أنا مرتاح، قل لا إله إلا الله لا إله إلا الله.

[8:06]قال له أخوي عبدالله هل في مانع بأني أنا أدش معاك كبارتنر شريك بغنمك هذا؟ قال له بس يا ابن الحلال أنا غنمي غالي، أنا شاري صنف وبعدين أنا مو داش ه تجارة، قال له لا تدش ه تجارة. قال أنا بأدش معاك بأدش معاك احسب لي الحسبة كم وأدش معاك بمبلغ تبي أدش بعشرة بالمئة 20 بالمئة 50 بالمئة والله يقول ما عندي أي مشكلة. بس يقول أدش أدش بالمكان اللي شفته أنا فيه راحتي، كان يقول لي زين أخوي يعني ما خلي أكون معاك صريح يعني. أنت ما تعرفني عدل، أول مرة تجيني المزرعة ويوم بالديوانية أو يعني يمكن ثاني أو ثالث مرة أشوفك فيها ولا تمن علي ولا أمن عليك. شلون بتعطيني مبلغ وقدره وتأمن فيني شلون من وين يت هالثقة من وين يت ه الأمان، يقول له ما أدري. يقول والله ما أدري ما أدري ما أدري بس أنا يعني إحساسي يقول إنك أنت محل الثقة. وإحساسي يقول إن أنا وصلت حق بر الأمان وإحساسي يقول إني أنا بمكان أنا في مرتاح. فالله يرحم لي والديك شوف لي الأسعار كم اللي عندك أنت الغنم اللي شاريه أنت كم وقول لي. وأنا مستعد حتى 50 بالمئة أدش معاك فيها، قال له والله يا أخوي راح تدفع؟ قال له أدفع أيش المشكلة؟ قال له عندي عندي والله عندي قلت لك اللهم لك الحمد أنا رجل أعمال وعندي تجارتي وعندي اللهم لك الحمد فلوس. عندي فلوس الحمد لله لا تحاتي لا تحاتي لا تحاتي أبدا، قال له تم أبشر، أنا أحسب لك إياها عطني بس هاليومين، قال له مو هاليومين الحين الحين وأنا وياك قاعدين هنا خل نخلص الموضوع. خل على قولتهم دام الطار حامي نطقه حامي، خل نخلص الموضوع دام النار حارة خل نخلص. قال له أبشر قال له شوف أنا شاري هذه بالسعر الفلاني هذا بالسعر الفلاني هذا بالسعر الفلاني هذا هذا هذا. المهم قال تقريبا 50 بالمئة أنك أنت تدش معاي شريك 50 بالمئة راح تدفع ما يقارب 50 ألف دينار كويتي. والله سعر مو شوي، وقال أنا تبارك الرحمن يعني من زمان به الهواية و يعني وأشتري وأبيع وأشتري وأبيع. بين فترة وفترة أبيع بين فترة وفترة أجمع لي مبلغ بسيط كذي وأشتري قال له أبد أنا تحت أمرك والأمور طيبة. 50 ألف 50 ألف تبي زود قال له لا، قال له أتعبك حلالك تبي زود والله العظيم إن الحلال والفلوس كلها تحت رجلك. قلت له تبي زود أعطيك زود، قال لا 50 ألف، قال أبشر تم، قال تم. قال له عطني هاليومين والمبلغ بحسابك على طول بحسابك على طول على طول، واعتبرني معاك شريك. قال له اسمعني ما أبي أعرف عنهم شيء أنا واثق فيك واللي تبيه سوه أنت محل النفس ومحلل. والمزرعة مزرعتك والحلال هذا حلالك والغنم غنمك سو اللي تبيه، يا كنت أش تبي تبيعه بيعه. ياك ما أعرف أيش سو تشتري شيء قول لي ترى يا فلان نشتري شيء بهالسعر الفلاني، تبي أدفعه بالكامل تبي نص بالنص كيفك أنا معاك وباللي تآمر فيه. قال توكلنا على الله، قال عبدالله يقول حق هذا محمد اللي اللي دش معه شريك قال بس اسمعني يا أخوي. الدنيا حياتي ومات وهذا لي يعني فلوس وأنا عندي عيال وأنت عندك عيال. هذول أمانة، قال راح أجيب ورقة وقلم نكتب ونوقع نسخة عندي ونسخة عندك. إذا أنت موافق فنتوكل على الله، إذا أنت مو موافق فأنا آسف ما أقدر. قال لأن هذه أمانة برقبتي، قال أثق تماما بأن صحيح أنت ما تعرف بالحلال، صحيح أنك أنت ما تعرف بالغنم. بس أنا عارف وأدري شنو هذول وثق تماما بأن يعني الحلال بإيدي أمينة، قال توكلنا على الله. قال أبد ما في أي مشكلة في سالفة الورقة والقلم ونوقع وكل شيء تمام ونحاصل كل شيء كيفك. الشيء اللي يريحك سوه، يقول فعلا جبت ورقة وقلم وكتبنا ووقعنا وعلى بركة الله دشينا شراكة مع بعض بالغنم. يقول صار بين فترة وفترة هذا صاحبي محمد قام يجيني المزرعة بين فترة وفترة، بالشهر مرتين يجيني يرتاح ما يسأل عن الغنم. يقول بس يشوفهم، بس يشوفهم تبارك الرحمن آه ما شاء الله هذه أنتجت هذه سوت هذه حطت هذه. يقول ما يسألني أبدا معطيني الخيط والمخيط سو اللي تبيه، يقول فجأة بعد فترة هذا صاحبي محمد شريكي بالغنم يقول اختفى. اختفى اختفى فعلا، يقول أدق عليه ما يرد، أرسل له رسالة ما يرد أو يرد علي متاخر يقول لي معلش يا أخوي يعني عطني شوي وأتصل عليك وهذا وجه الضيف. يرجع يدق علي ولا يرد علي، أنا مزعله بشيء شاف علي شيء، كنت ما ما أذكر إني أنا سويت شيء. هذا حلاله موجود تبارك الرحمن وأنا دايره وبالحفظ والصون، يقول يمكن عنده مشاكل لا سمح الله والله ما أدري. يقول ومرت الأيام، يقول الأيام طويلة مرت ولا يرد علي ولا شيء ولا ولا شيء. ولا حتى يعني يدق يسأل عن حلاله، حلالك يدق يسأل عنه، يقول والله ولا شيء. يقول خليته خليته هو مأمني يعني وأنا داير بالي على الحلال والأمور طيبة ما أبي منه شيء. يقول فجأة كان يجيني اتصال منه أنت يا محمد، السلام عليكم أخوي عبدالله يعطيك العافية كيف حالك ما كيف حالك الحمد لله الأمور طيبة. قال له اليوم موجود أنت في المزرعة؟ قال له موجود، قال له بأجيك اليوم، قال له أنت طيب؟ قال له أنا طيب وبأحسن حال بس بأجيك اليوم إن شاء الله المزرعة، قال له حياك الله. وفعلا ياه للمزرعة، قال له شوف أخوي عبدالله، إن شاء الله إن أنا أ مون عليك وأنت ت مون علي. ويعلم الله إن أنا سعيد ومستانس بهذه الشراكة الجميلة الطيبة. وما شاء الله تبارك الرحمن عسى الله يهنيك ويرزقك ويحفظك ويزيدك من خيره وفضله. قال له شوف أنا من زمان في بالي هذا الموضوع ودي أفاتحك فيه لكن جاي الوقت المناسب، قال عسى ما شر ايش فيك؟ الحين هذا عبدالله في ظنه إن هذا يبي فلوسه، بس الحلال موجود يعني وحرام إني أنا أبيع الحين. حرام قاعد ننتج إحنا ونكاثر تبارك الرحمن، قال اسمع يا أخوي عبدالله أنا أدري أنك أنت تبارك الرحمن متولع بالحلال وحاب الحلال وداير بالك عليه. وساعات أنت تنام بالأيام هنا في المزرعة عشان بس الحلال وعشان وقت الأولاد وما أعرف أيش فتبارك الرحمن أهنيك أهنيك على حرصك وعلى إتقانك وعلى صبرك وعلى كل شيء. والله العظيم فعلا أنت محل الثقة ومحل يعني إن الإنسان يأمن فيك والله العظيم، يقول والله لو أنت مو متزوج والله لو أنت مو متزوج وعندي بنت وهذه البنت على وجه زواج، يقول والله العظيم أزوجك إياها وأنا مغمض عيني. ومرتاح ومطمن لأني أدري أنت شنو أمين وصادق وكل شيء جميل والله، والله والله وما يعني ما أكذب عليك أو ما أبالغ ولا بحرف ولا بكلمة. قال طيب أخوي محمد تراك خرعتني أيش السالفة؟ عسى ما شر، قال له شوف شفت الحلال اللي موجود عندك؟ قال له أي نعم، قال له هذا حلالك، قال له جزاك الله خير وحلالك، قال له لا هذا حلالك. قال له طيب يعني يعني تبي فلوسه، قال له لا ما أبي فلوسه ما أبي فلوسه، قال له أبد ما أبي فلوسه. قال لي شفت المبلغ اللي أنا حطيته معاك وتبارك الرحمن كبرته أنت الحلال وكثرته وشريت يمكن بالمبلغ الزيادة وما أعرف أيش. قال له ست المبلغ هذا حلال عليك، يقول والله العظيم احنا يعني نشتي الرجل بأفعاله وبأمانته وبمسؤوليته. أنت إنسان عظيم جدا يا عبدالله، قال بس أخوي محمد يعني شلون الحلال علي؟ ما ما ما يصير، قال يا ابن الحلال أنا هذه الصنعة ما هي صنبعتي. قال له طيب بس أنا قاعد أدير أنت مالك شغل أنت بين فترة وفترة تجيك فلوس إذا كان في بيعات إذا كان في ربح وما أعرف أيش يجيك بين فترة وفترة وأنت قاعد بمكانك ومالك شغل. قال له هذه المشكلة أنا أنا قاعد بمكاني ومالي شغل وأنت اللي قاعد تحرث الأرض، قال أنا ما أرضاها يا أخوي. ما أرضاها، قال له خلاص أشتغل معاي، قال له ما أعرف ما أعرف لو أعرف أشتغل معاك بس ما أعرف. بس اسمعني يا عبدالله اسمعني، قل لا إله إلا الله لا إله إلا الله، قال والله العظيم دينار واحد ما يجيني والفلوس والحلال كلهم حلالك وحلال عليك. قال لهم ها كان يطلع لي ورقة أي ورقة ورقة التوقيع يوم وقعوا العقد أنا عقد شراكة وإن الحلال بيني وبينك، قال هذا الورقة، كان ييشقها. قال لي ما بيني وبينك أوراق ولا هم يحزنون والحلال حلالك، عسى الله يبارك لك ويزيدك من خيره وفضله. قال له يا محمد أنت تدري كم دافع؟ أنت دافع 50 ألف دينار كويتي مو 50 دينار أو 50 فلس. 50 ألف دينار كويتي تدري شنو يعني هذا حلال عيالك؟ قال أبد الأمور طيبة ومحلل وعسى الله يبارك لك. بس أنا أطلب منك طلب بسيط إن لا تحرمنا من الوصل، أنا أبي أوصلك أبي أوصل لك أبي أوصل معاك. أنت إنسان نادر جدا وبين فترة وفترة ب أمرك المزرعة وأشوف حلالك اللهم بارك وإن شاء الله أشوفك دائما بأحسن حال وأفضل المربين اللي موجودين في السوق. تمام؟ قال بعد تمام أيش أسوي يعني؟ الأمور طيبة، جزاك الله خير وما قصرت وما أعرف أيش. وسكر منه السلام عليكم وعليكم السلام، يقول ومرت الأيام، مرت الأيام بسرعة بسرعة بسرعة. يقول تبارك الرحمن عندي الغنم قام يزيد وقمت أبيع وأشتري ولا إله إلا الله واسمي معروف بالسوق سوق الغنم الصنف اسمي معروف لا إله إلا الله. يقول أنا اللي كنت على قد حالي على طرق المعاش، يقول والله العظيم الله سبحانه وتعالى بسبة بسبة الله سبحانه وتعالى ومن ثم بسبة هالغنم. أنا اقتنيت صرت غني، لا إله إلا الله، قال لي والله لو أقول لك يعني كم عندي بحسابي الحين بسبة الغنم يقول والله تنصدم. شريت لي بيت شريت لي مزرعة ثانية وعندي مشاريع سويتها اللهم لك الحمد اللهم لك الحمد، بسبه الله سبحانه وتعالى. ومو بس هالغنم حتى هذاك الرجل صديقي محمد اللي يأمر فيني وآمن بشغلي وآمن وأوثق فيني وأعطاني ذاك المبلغ وآخر شيء قال لي حلالا بلالا عليك وعليك بالعافية. قلت ترى هذا الشيء يرجع له، يقول والله العظيم أدعي له الليل والنهار أن الله سبحانه وتعالى يفتحها عليه ويرزقه من واسع فضله يا رب العالمين. يقول مرت الأيام، يقول لما جتنا سنة 2020 اللي هي سنة الكورونا. يقول بسنة الكورونا صار شيء مخيف جدا جدا، يقول إن الغنم ارتفع سعره بشكل مخيف. كان اللهم لك الحمد أنا اقتنيت من قبل لا تجي كورونا، ولما يت كورونا في ناس تضررت فعلا. ولكن أنا سبحان الله استفدت استفدت، في عندي حلال قمت أبيع لحم الناس تأخذه حق بيوتها لحم وتذبحه وتاكله. في حلال لا تبارك الرحمن والصنف ارتفع سعره دبلات، اللهم لك الحمد والأمور طيبة لا إله إلا الله. يقول بكورونا طبعا صار في حظر تجول من الساعة الفلانية للساعة الفلانية بالأمور اللي يسمح في الواحد يطلع. يقول أنا أروح أخلص أشغالي في المزرعة أودي علف الغنم أشوف الصبيان والعمال شنو عندهم أودي معاشات وإلى آخره. يقول ذاك اليوم طرى في بالي ديوانية الربع، ديوانية الربع ها تذكروها الديوانية اللي قلناها أول القصة المجلس. يقول كان أمرهم بوقت ما في حظر، طبعا إحنا عندنا في الكويت سووا حظر سووا حظر من الساعة تقريبا 6 إلى الساعة 6 6 المغرب إلى 6 الصبح. وساعة في حظر كلي ما حد يطلع من بيته بسبه كورونا طبعا وأتوقع أغلب الدول سوت الحظر هذا. يقول كان أمر وين؟ كان أمر المجلس هذا، المهم يقول مريت هذا المجلس مريت الديوانية قعدت مع الربع مع الشباب. يقول الأغلب موجودين، يقول صاحبي محمد مو موجود، وصاحبي محمد يعني من ذاك اليوم كان يجيني فترة وفترة وبعدين قطع عني واختفى ولهي في شغله وأنا لهيت صراحة في شغلي. فصراحة فقدته في المجلس فقدته في الديوانية فسالت عنه، قلت يا جماعة الخير محمد صاحبنا وينه؟ وينه؟ قال له وين محمد الله يعينه، قال عسى ما شر، قال له شنو أنت مو عايش معانا؟ قال له بلا بس أيش السالفة؟ أيش في محمد؟ أنا من زمان يعني خبري عنه، قال له شوف يا طويل العمر محمد مثل ما أنت عارف عنده تبارك الرحمن مشاريع كثيرة. قال محمد أغلب مشاريعه سكرها خسر، خسارته كبيرة جدا وصار مديون والديانة طالبه والله يكون بعونه. ومحمد حاله حال أغلب الناس والتجار وأصحاب المشاريع اللي يتهم الجائحة اللي هي جائحة كورونا. في ناس خسروا في ناس يا دوب خطت تكاليفها، في ناس سكرت مشاريعها، والله العظيم في ناس يعني مثل محمد صارت مديونة حق ناس. فهذا عبدالله قال أفا أفا أفا كل هذا يصير وأنا ما أدري، قال والله ما أدري. يقول طلعت من الديوانية يقول أنا متكدر، يقول والله متكدر على صاحبي محمد. قال هذا الرجل تبارك الرحمن عنده خير الحين يصير مديون وهذا الرجل تبارك الرحمن من بعد الله سبحانه وتعالى. يعني هو له الفضل علي من بعد الله سبحانه وتعالى لأني أنا توسعت بالغنم وبالحلال اللهم بارك و أنا الله سبحانه وتعالى أغناني. ويش خبر أيش أسوي؟ قال سبحان الله سبحان الله أبرق كان يأخذ تليفونه ويدق على محمد. ألو السلام عليكم وعليكم السلام محمد كيف حالك ما كيف حالك؟ الحمد لله الأمور طيبة، قال له يا أخوي مشتاق لك، أنا مشتاق لك أيش رايك تيجي المزرعة؟ قال له أبد والله عاد فعلا محتاج إني أنا أجيك المزرعة محتاج إني أنا أطفي مخي عندك في المزرعة يا عبدالله. قال له الساعة المباركة تعال متى اليوم إذا ودك اليوم تجيني أو بكرة بالكثير، قال له خلاص خلها بكرة. قال له فعلا بكرة عندك، وفعلا صار بكرة ومحمد وعبدالله توعدوا في المزرعة، ولما جاي محمد حق عبدالله عبدالله حضن محمد. كان يقول له أفا يا أخوي، أفا أفا يصير فيك كذي وأنا ما عندي علم، أفا قال له ايش فيك عسى ما شر؟ قال له شنو عسى ما شر؟ قال له أنت خسران بمشاريعك وأغلب مشاريعك أنت خسرت فيها وبعتها. والديانة تطلبك يقولون عسى ما شر أنا أخوك موجود ما تبلغني، قال الحمد لله يا رجل الحمد لله. هذا خير الله سبحانه وتعالى له خيره وله خيرك، كل شيء من الله سبحانه وتعالى هو اللي يعطينا وهو اللي يأخذ الحمد لله. أهم شيء أنت شلون؟ قال له والله أنا طيب دامي شفتك، واسمع قبل فترة أنت قلت لي عن شغله أنا دينار واحد ما يجيني منك صح؟ قال له عدل، قال أقسم بالله العظيم، هذا عبدالله يقول حق محمد، قال أقسم بالله العظيم واللي رفع السماوات كلها. أقسم بالله العظيم شفت هالحلال كله، كله راح ينباع وراح أعطيك الفلوس بالكامل، قال يا ابن الحلال أيش فيك؟ قال له والله العظيم إن هالغنم كله راح ينباع إذا أنت رفضت أنك أنت تأخذ أطلبني. قال له شنو أطلبك؟ قال اسمع أنا بعطيك فلوس وهذه الفلوس ما هي مني هذه الفلوس حلالك. هذه حلالك أنت وتبارك الرحمن اللهم لك الحمد، بعد الله سبحانه وتعالى الفضل يعود لك أنت. أنت اللي خليتني أكبر مشروعي هذا بالغنم وأنت اللي خليتني أستغني بعد الله سبحانه وتعالى. والحين تطيح بأزمة وأنا أسمع وما أسوي شيء؟ والله عيب، والله عيب علي وما هي على رجال. قال اسمعني من بكرة إن شاء الله راح أحول لك مبلغ راح أروح البنك وأحول لك مبلغ وهذا المبلغ هو حقك بالكامل. والله العظيم هذا حقك بالكامل وما راح ينقص منا دينار ولا راح يجيني منك دينار، ولا تعتبره سلف ولا هو شيء. هذا حقك أنت، شفت هالغنم اللي تشوفه هذا كله؟ الغنم هذا كله هذا مو بس حلالي هذا في يوم من الأيام كان كذلك حلالك أنت. فيا الوقت إن حلالك هذا أنت تشوف خيره ويها الوقت إني أنا أرجع لك بعض الشيء من الجميل اللي أنت تجملت فيه علي. قال له ما بينا جماله، قال له بس الأمور طيبة وخلصنا، قال له جزاك الله خير ورحم الله والديك وهذا العشاء. وفعلا أنا لما قلت لك إنك أنت صادق وأمين وأوثقت فيك وأنت يعني راعي المسؤولية وأنت راعي الهقوة كلها. يقول والله العظيم ما خيب ظني فيك أبدا، أحسنت فيك الظن وظني في محله وثقت فيك وثقتي في محلها. جزاك الله خير ورحم الله والديك، يقول قعد عندي أنا محمد شوي وبتالي مشى، يقول طبعا محمد ما قلت له أنا كم المبلغ اللي راح أحوله. يمكن في ظنه إن راح أرجع له راس ماله 50 ألف، يقول لكن تبارك الرحمن الحلال اللي عندي يفوق النص مليون دينار كويتي اللهم لك الحمد. ف يقول رحت البنك الصبح كان أعطيهم رقم حساب محمد، يقول عندي رقم حساب لأني قبل كنت بين فترة وفترة أحول له. يعني بعت بيعه النص بالنص أحول له، كذي، يقول كان أروح البنك وأدش على مدير البنك أعطيك العافية حياك الله. قال له لو سمحت أنا عندي حوالة كبيرة وأبي أحولها حق الحساب هذا، قال له أبشر تم، كم الحوالة؟ قال له أبي أحول ربع مليون دينار كويتي 250 ألف دينار. قال له تبي تحولهم مرة وحدة حق هذا الحساب؟ قال له أي نعم، قال له ليش؟ قال له حق الرجل هذا. قال له الله يرحم لي والديك حول المبلغ الأمور طيبة، يقول طبعا سالني بعض الأسئلة لان المبلغ عود، سالني بعض الأسئلة وجاوبته وأمورنا طيبة. يقول فعلا حولت له المبلغ، يقول بعد كم ساعة؟ كان يتصل علي يتصل علي وهو مثل ما يقولون شلون أقولها. وهو يشاهق من البكاء، يقول يبكي أنت أيش سويت بنفسك؟ لا يكون بعت حلالك كله ولا لا؟ يقول والله قام يبكي يقول كانه طفل قاعد يبكي، قال اسمعني، يقول لا إله إلا الله يا محمد، قلت له هذا شيء من لا شيء. قلت له هذا حلالك هذا حلالك اللهم لك الحمد وما هو ألا حلالك يا أخوي، أنت وقفت معاي في يوم من الأيام وخليتني تبارك الرحمن أعيش بحياة ما كنت متصورها ولا كنت متخيلها. الحين أنت بأزمة أخليك؟ والله ما أخليك وهذا الحلال حلالك عسى الله يبارك لك ويزيدك من خيره وفضله، السلام عليكم وعليكم السلام. يقول طبعا من ذاك اليوم لليومك هذا يا فهد، طبعا صاحب القصة عبدالله يقول إياها، يقول من ذاك اليوم لليومك هذا. ومحمد هو أعز أعز أعز وأقرب أصدقائي، والله العظيم. يعرف عني كل أسراري وأعرف عنه كل أسراره وأزماته وأزماتي وكل شيء، يقول وأبشرك الغنم اللي عندي لا إله إلا الله. ربك بارك لي فيهم وزيادة وأعطاني من خيره وفضل الله اللهم لك الحمد، يقول والله العظيم أنا قايل لك هذه القصة فيك تنشرها حق الناس. أبيك تنشرها حق الناس بأن الخير اللي أنت تسويه ما يضيع عند الله سبحانه وتعالى. واللي يسوي لك الخير في يوم من الأيام لا تنساه لا تنساه من دعواتك ولا تنساه من خيرك إذا أنت تبارك الرحمن الله سبحانه وتعالى أغناك وأعطاك من خيره الواسع. وفي يوم من الأيام هذا الشخص ممكن يكون محتاج لك، هذه القصة تعلمنا وفاء الأصدقاء، تعلمنا الثقة، تعلمنا أشياء كثيرة. يا ليت يا ليت كل شخص عنده شخص مثل محمد ومثل عبدالله يا ليت والله العظيم كان الدنيا دائما تكون بخير والدنيا بخير اللهم لك الحمد. وفي مثل محمد وفي مثل عبدالله كثيرين والله العظيم كثيرين، عسى الله سبحانه وتعالى يوفقنا لكل ما يحبه ويرضاه ويسعدنا ويسعدكم الرحمن في الدنيا والاخره. وصلوا على النبي ولا تنسوني يا أحباب الاشتراك في القناة تفعلون جرس التنبيهات واللايك والشير واكتبوا كومنت شنو استفدتوا من هذه القصة وانشروا هذه القصة الله يرحم لي والديكم. عسى الله سبحانه وتعالى يحفظكم يا أحباب ونشوفكم على خير أستودعكم الله الذي لا تضيع ودائعه سبحانك اللهم وبحمدك أشهد أن لا إله إلا أنت أستغفرك وأتوب إليك السلام عليكم وفي أمان الله.