[0:00]قطع 40 قطعه واقاموا علاقه غير شرعيه في وجود جثه جوزها، جبروت انا كل اللي بحكيه لك ده كده ناس مش طبيعيه، الدنيا بتتشقلب معاه بقى راسا عن عقب بظهور سيد ابن عمه، مش عارفه عدد اللقاءات اللي جمعت ما بينها وبين سيد، تخيل.
[0:23]اهلا بكم في حلقه جديده من بودكاست الاشقاء، هنكلمكم النهارده عن جريمه خلف الابواب المغلقه، جريمه تم مش بسبب انتقام واضح ولا بسبب خناقه، جريمه بسبب علاقه سريه نشات بين سيده وبين عشقها قرروا هنا ان هم يخلصوا على الزوج، الشيطان تدخل بين الاثنين وزين لهم الحرام حلال وقرروا ان هم يقتلوا الزوج بصوره بشعه جدا، تعالوا اعرفوا معنا التفاصيل. ازيك يا محمد؟ اهلا بك يا وائل. انا فاكر يا محمد القضيه دي انت كنت اشتغلتها كده من فتره كان فيها تفاصيل كتير جدا، ايه بقى الموضوع بيبتدي منين؟ صحيح انت ذكرت دلوقتي بتقول احد الاشخاص، خد بالك للاسف الشديد هو يعني مش احد الاشخاص ولا حاجه ده ده من اقرب المقربين ليه. تخيل ان المتهم ده قريبه وفي نفس الوقت المجني عليه جابه يساعده ويفتح له باب رزق وعمل معاه كده. توصل بيه لخيانه اثناء غيابه عن البيت وانه كمان يخطط لقتله بالصوره البشعه اللي احنا بصدها في القضيه النهارده. القضيه بتبتدي منين بالظبط يعني بدايتها حصلت ازاي؟ اا البدايه ياسر المجني عليه ده من احدى محافظات الصعيد اتجوز في 2011 من السيده تدعى فاطمه والعلاقه بينهم كانت جيده جدا وسكنهم هناك في صعيد مصر. وبعدين الراجل ده بيشتغل في المقاولات مقاول انفار بيجيب العماله الخاصه باعمال التشطيبات والكلام ده كله، كان شغال زي ما هو في صعيد مصر وبعدين لم يرزق بالخلفه لحد سبع سنين، يعني قعد سبع سنين من الجواز ده ما يخلفش.
[2:18]زوجته ما بتخلفش، وانت عارف بقى المجتمع عندنا في صعيد مصر يعني بيزنوا عليه طب شوف اتجوز جوازه ثانيه الكلام ده كله فضل متمسك بفاطمه هو بيحبها و وقال على الحلوه والمره احنا مع بعض. وهصبر لحد ما ربنا كرمهم هم الاثنين بعد سبع سنين بحسن انجبت زوجته طفل سموه حسن. انتقلوا للقاهره بعد ما فتح شغل ربنا فتح عليه فتح شغل خد مقاولات تشطيبات في العاصمه الاداريه وجم انتقلوا هنا من اول 2016 اقاموا بقى في القاهره اقام في مدينه بدر خد شقه في مدينه بدر انت فاهم القصه بدر والعاصمه الاداريه دي اقرب مكان لسه. كان السكن الاجتماعي تقريبا كان السكن بتاع بدر اه وعاش هناك حياه كويسه جدا مافيش اي مشاكل بينهم وبين بعض طبعا الامور هديت لما خلفوا خلفوا حسن. يحصل الدنيا بتتشقلب معاه بقى راسا عن عقب بظهور سيد ابن عمه شخص جديد بيخش للعيله دي الاسره البسيطه خالص دي. ابن عمه اسمه سيد عنده 25 سنه بيشتغل في الرخام عامل رخام اتصل بابن عمه شوف لي شغلانه عندك في القاهره تعال يا سيد خده زيه زي الناس اللي بيدخلوا معاه في الشغل العمال وبدا يروح يشتغل معاه في شغله. ياسر كان بيجي مثلا محتاج معدات ولا حاجات من الشقه عنده كان طبعا حاطط الشقه بتاعه القاهره عامل فيها يعني زي مخزن كده للمعدات بتاعته واوراقه وحاجته والشقه الاساسيه اللي هي في صعيد مصر دي يعني اساسيه. بينزلها زيارات، وبرده فاتح الشقه الثانيه دي يعني سكن ليه ولاولاده لاسرته يعني وعامل فيها زي مخزن كده لادواته وحاجته زي ما قلنا، كان بيبعت سيد يروح يجيب حاجات مثلا يقابل زوجته زوجته تجهز له حاجات ياخدها يوديها لايه لمكان الشغل. من هنا بدات تنشا العلاقه الشيطانيه ما بين سيد وما بين فاطمه زوجه ياسر. مافيش اي شكوك ياسر ما بيشكش فيه خالص مديله الامان وكان بيعتمد عليه اعتماد كبير في الشغل برده، طبعا هو قريب منه وشاب برده وعنده 25 سنه كان بيتحرك كتير وبيقديله حاجته والكلام ده كله في الشغل.
[4:55]في مره مع الثانيه طبعا هو عشان يروح لفاطمه عرفه طبعا دي زوجته وكذا وجاله البيت مره واثنين عزموا على الغداء والكلام ده كله معاه جايبه معاه بالشوت تعال يا ياسر معايا، تعال يا سيد معايا ياسر اليوم واخد رايحين يتغدوا مع بعض، خلاص بقت العلاقه اسريه وامان.
[5:14]واحنا من عيله واحده، هنا بتحصل بتنشا العلاقه دي بياخدوا ارقام بعض سيد وفاطمه وبيتواصلوا مع بعض. فاطمه بتقول في اعترافاتها ان حصل خلافات بينها وبين ياسر بتدور حول يعني حقوقها الشرعيه ان هو ياسر ماكانش بيعطيها حقوقها الشرعيه ده في اعترافاتها، فبتقول انا يعني لجات لاسرتي اشتكت لهم وان هو بيسافر كتير وملخوم في الشغل بتاعه. وما بيدينيش حقي الشرعيه، فكانوا بيردوا عليا يقولوا لها حافظي على بيتك وعلى ابنك وحافظي على البيت بتاعك، طبعا الكلام ده كلامها هي مش مصدق يعني احنا بنقول يا جماعه ده كلامها في التحقيقات. تدي مبررات ده مش كلام محمد الكريتي يعني عشان بس ايه الناس ما تفتكرش ان احنا بنقول مبرر ليها تعمل الفعل اللي هو كذا انت اشتغلتها فهي موجوده في نص التحقيقات اه في نص تحقيقاتها بتقول كده تمام. وبعدين العلاقه دي بتتطور لمده سنه بيتصلوا ببعض بالتليفون تحكي له بقى تقول له ياسر عمل معا كذا ده عامل معايا كذا هو بقى مطيباتي بقى اللي هو بقى بالليل كده تيجي تكلمه ده ياسر عامل معايا كذا كذا لا طب اصبري طب خلي بالك مش عارف ايه الدخله بقى اللي هي الدخله الحنينه اللي في الاول دي. ايوه يقعد يمدح لك في في جوزها اللي هي بتشتكي منه خد بالك يعني في الاول كده وبيخد منها معلومات وياخد منها معلومات ويبتدي بقى يبتدي بقى ينقض بقى المخطط بتاعه يشتغل ودمغه تشتغل ان هو بقى يبتدي يعكس بقى.
[7:08]وبتستمر سنه الاتصالات دي ما بين الاثنين سيد وفاطمه وبعد كده بيجي في يوم سيد بيفاجئها كانت قايله له انا قاعده في البيت وطبعا هو عارف ان ياسر موجود في الشغل راح على البيت على طول وفاجئها بالزياره. هي بتقول انا رفضت اقابله وكده الح عليها قال لها لا طب انا بس انا جاي اقعد معاكي شويه وهمشي وبتاع طبعا اجتمع اثنين مع بعضهم الشيطان تحصل ايه علاقه غير شرعيه بين سعيد وبين فاطمه. ودي كانت اول علاقه وهي بتقول العلاقه دي كانت من سنتين قبل الجريمه. بدايتها من سنتين علاقه مره في الثانيه لدرجه انه مش عارفه عدد المرات يعني هي بتقول في في تحقيقات النيابه مش عارفه عدد اللقاءات اللي جمعت ما بينها وما بين سيد تخيل. انا كنت فاكر يا محمد انت كنت نشرت حاجه ان في في الوقت ده كنت انت بتقول ان ابنها الصغير كانت بتنزله يلعب تحت في الوقت ده اللي هو كان بيجيلها سيد وقت ما بيجيلها سيد كان معاها حسن كان عنده حوالي خمس سنين كانت بتنزله يلعب مع الاطفال في الشارع وبيطلع لها سيد عشان برده ما ياخدش باله ان سيد عنده وخد بالك برده هو كان يعني سيد كان من فتره للثانيه زي ما قلت لك كان بيجي ياخد معدات وحاجات فهو بيتردد على البيت. ويعتبر ايه يعني في الولد بيعتبره عمه مثلا في الدرجه فما كانش فيه يعني ان حسن يقدر يكشف الجريمه لانه طفل صغير برده مهما راح ولا جه عنده خمس سنين. فاستمرت العلاقه دي لدرجه كمان وصلت لشقتها شقه الزوجيه الاساسيه اللي في الصعيد تخيل ان سيد كان بيروح لها هناك. وبتستمر الامور كده ما بينهم لمده سنتين سنتين ااا يعني مغفله طبعا الزوج وسيد رايح جاي بياكل في عرق وشق الراجل اللي شغال معاه. وطبعا بيخونوا لمده سنتين بعد السنتين بيكرر سيد انه يخلصوا من ياسر بالقتل. ودي المشكله انه قعد يحرضها كتير ان هي تحاول تتطلق وتحاول تسيب البيت والكلام ده كله هي بقى في الاخر خالص بتقول ان انا قلت له ان انا هرب معاك. يعني خلينا نهرب سوا كانت رافضه فكره القتل في البدايه رافضه فكره القتل بس عايزه ايه قالت لك نهرب، ف سيد قال لها لا مش هينفع الهرب احنا عايزين نخلص من القصه دي وانت هتورثي وابنك وبتاع ونعيش حياه فل.
[10:04]والدنيا هتبقى مستقره وانا هقول لك نعمل الموضوع ده ازاي، ازاي يا محمد تم التخطيط للجريمه وتنفيذها بالظبط؟ خططوا للجريمه دي في تاريخ 25/12 2023. من يوم 25 خلاص عايزين يخلصوا من ياسر خدوا قرار محاوله الهرب فشلت محاولات كثيره جدا تعمل مشاكل معا عشان الطلاق تفشل، ياسر متمسك بها جدا احنا قلنا في الاول رفض يتجوز عليها. بعد سبع سنين رفض يتجوز عليها فقعدت تخترع له في حاجات يعني تضايقه والكلام ده كله عشان يحصل طلاق طبعا كمان بقى انجبت طفل فهو عايز يحافظ على الاسره دي. فرفض الطلاق خدوا القرار يوم 25/12 ان هم يصفوا القصه دي خالص فراح قعد معاها سيد وقال لها احنا هنعمل واحد انين لاه. واحد انين تلاته دي قال لها في ليله راس السنه يوم 31 هتجيبي طبعا انتم بتحتفلوا بليله راس السنه مع بعض هتعملي له عشوه حلوه وتحطي فيها اقراس منومه. قالت له هجيبها منين؟ قال لها هجيب لك من الصيدليه جاب لها شريط اقراص منومه من الصيدليه وادها لفاطمه، فاطمه قالت له طب استخدمه ازاي؟ قال لها تحطي تطحني قرصين وتحطيهم على الاكل. عملت كده بالفعل عملت العشوه وحطت القرصين على العشاء وخلهم ياسر ما هي ماكلتش معاه طبعا ماكلتش هي من الطبق اللي عامله له قدمت له طبق وهم وابنها طبقين. وبعد ما كان ياسر طبعا تقل شويه فقال لها انا حاسس ان انا دايخ عايز اخش انام، فهو نايم بقى بيندح عليها يا فاطمه الحقيني انا الدنيا بتلف بيا، خد بالك التاثير بدا يعني، عمل مفعول. عمل مفعول بس ما تخضش زي ما هم كانوا مخططين، فراحت جريت عليه لقيت لسه طبعا صاحي هو طبعا الثاني قال لها ايه اول ما ينام اتصل علي.
[12:14]فاسر منامش قال لها انا دايخ قامت رايحه جايبه كوبايه ميه وقالت له ده انت ضغطك عالي قامت مدياه له ايه قرص منوم تاني خدت كده كام قرص؟ اتنين اتنين في الاكل وواحد خدته بال خدته بالمايه شربه طب ما يعرفش ده ايه هو نايم مدروخ قالت له خد ده هيظبط لك حبايه الضغط دي. شرب القرص ونام شويه لسه هتتصل بسيد لقيت ايه بيصحى تاني، قامت مدياه له قرصين قعدت تدي له في اقراص وطبعا خلاص بقى هو مدروخ هو مش مش مدرك بقى خالص بيعمل ايه. اديت له سبع اقراص المجمل سبع اقراص مخدره اتنين في الاكل وخمسه اديتهم له كده عن طريق الفم، طبعا سبع اقراص خلاص دول قضوا عليه خالص، نوموه خالص، تاكدت نام 100%، قامت متصله بسيد. خلاص ياسر نام قال لها خدي حسن وانزلي الشارع مالكيش دعوه باي حاجه، سابت الباب موارب سنه وخدت بعضها ونزلت طلع سيد قعد ثلث ساعه لنص ساعه الا خمس دقاق يموت في مين؟ في ياسر ونايم.
[13:31]بعد ما خلص رن عليها موته ازاي بس يا محمد بالخنق مسكه عادي يخنق فيه، يخنق يخنق فيه لحد اما خلاه فصل خالص. وبعدين قام مغطيه بقى خالص اتصل عليها قال لها ايه اطلعي، طلعت كان حسن معاه، قال لها خلاص الموضوع خلص ما تقلقيش الموضوع خلص بكل برود اعصاب. كانه قتل فرخه وابن عمه ورئيسه في الشغل واللي فتح له باب رزق، قتله كده وقفل الباب الاوضه وطلع قاعد بره في الصاله قال لها انزلي حسن الشارع، فافتكرت ان حسن ممكن يشوف ابوه وهو مقتول وبتاع تقول لك نزلته الشارع واخدها من ايديها ودخل الاوضه الثانيه. واقاموا علاقه غير شرعيه في وجود جثه جوزها متخيل بص الجبروت والفجر لدرجه ايه؟ خدها من ايديها ودخل بيها الاوضه واقاموا علاقه غير شرعيه وبعد كده خرجوا طبعا قالت له طب خلص من الجثه ازاي؟ قال لها انا تعبان دلوقتي. دخل دخل الحمام خد شاور وطلع للصاله مدد على الكنبه كده ونام هياخد راحته دلوقتي نام شوف جبروت انا كل اللي هحكيه لك ده كده ناس مش طبيعيه. ولا عيطت ولا زعلت ولا اي حاجه ولا اي حاجه، نزلت جابت حسن من تحت وهي كمان دخلت اوضتها نامت وسيد ده نايم في في الصاله نامت جنب الاوضه اللي فيها الجثه اه وجوزها القتيل نايم على طبعا مزجع على السرير ومتغطي، وقال له باب الاوضه مقفول عليها عشان حسن ما يخشش عليها. صحي حسن بالليل ابوه فين بيصرخ قالت له في الشغل وهيجي بكره بعت عمك سيد هنا معانا عشان رايح معانا مشوار الصبح، تاني يوم من الجريمه بيصحى سيد هنعمل ايه؟ بتقول له هنعمل ايه؟ قال لها خلاص احنا النهارده بقى نظبط الدنيا وهبتدي اقول لك انا الخطه اللي انا راسمها ما تخرجش الميه. تنزلي تجيبي لنا كيلو شنط كبيره سودا وشوف لنا سكينه عدله السكينه اللي عندك تعبانه خالص انا عايز سكينه حاميه تشتري سكينه جديده وعايزين فلوس بس كاش عشان نظبط امورنا، نزلت راحت على البوسته سحبت فلوس 6000 جنيه. وراحت جابت اكياس وجابت له غداء وطلعت عملت غداء وهو جوه في الاوضه وهي في المطبخ سحب الجثه للحمام ودخل قفل على نفسه الحمام وابتدى تقطيع وحسن الطفل الصغير ده. صحي من النوم نزلوا الشارع وهم الاثنين موجودين في الشقه هو شغال تقطيع قعد يقطع يقطع ويعبي في الاكياس، قطع 40 قطعه وبقى يحط شنطه جوه شنطه ويقفل ويلزق. وخلص التقطيع ده كله وركنهم في الاوضه تاني رجعهم بقى الاوضه وهو بعد ما خلصوا لقوا واحد من اللي هم بتوع المنظفات بيعدي في الشارع بينده على المنظفات قال لها انزلي هاتي كلور. هاتي لنا 2 رتل كلور خام عشان بس نوضب الدنيا جابت الكلور ووضب الحمام والشقه والمكان بقى الملابس غسلوا الهدوم واخدوا هدوم وهو بقى طبعا حطوها هي كمان في شنطه، الشنطه ال11 دي كان فيها ملابسهم. وبداوا بقى عايزين يتخلصوا من الشنط دي ونزلت قال لها ترمي كل شنطه في في مكان بس مش كل يوم هنرميهم نزلوا يوزعوا بقى الاكياس دي قال لها مش هينفع ننزلهم كلهم في يوم واحد عشان ما حدش يكتشف موضوعنا احنا هنرميهم المعتاد كل يوم شنطتين نخلص منهم كده ايه على اربع خمس ايام نكون خلصنا منهم. وبالفعل بداوا يعملوا كده هي نزلت بشنطتين وهو نزل بشنطه رموهم في مقالب القمامه، وبعد كده رجعوا على الشقه كانت هي عامله الاكل وندت لحسن وطلع حسن ياكل معاهم والامور طبيعيه. وبعد ما خلصوا اكل نزلت حسن الشارع ومارسوا العلاقه ورجعوا تاني يمارسوا العلاقه في وجود ايه؟ الجثه لسه ده لسه باقي الجثث الجثه مش ما خلصوش منه. يعدي اليوم الثالث ويعملوا نفس القصه يكملوا بقى باقي الاكياس يتخلصوا من الاكياس كلها وهنا بعد ما بيتخلصوا من الاكياس كلها بيقول لها انزلي على الاسم اعملي محضر تغيب وبالفعل تنزل تعمل محضر تغيب باسم زوجها. وتاخد صورته وتقول لهم ده مريض نفسي، راحت بلغت في اسم بدر ان جوزها مريض نفسي ومتغيب من البيت بقاله ثلاث ايام ومش مش عارفين راح فين، كان المقدم محمد ابو العطري لسه فحص الوقت ده. كان بالضبط كده وفريق البحث قعد يشتغل على التغيب وكان ساعتها اللواء نبيل سليم كان مدير مباحث القاهره والمقدم محمد ابو العطا طبعا نزلوا يفحصوا كاميرات ويشوفوا ايه القصه ايه الموضوع ده.
[19:14]طبعا ثلاث ايام، هنا اخوه جه يسال عليه بيسال زوجته فين ياسر ما بيروحش الشغل ما بيجيش تليفوناته مقفوله ايه القصه ايه الموضوع؟ وبعدين عربيته مركونه. فريق البحث لعربيته مركونه في الجراش قدام البيت فاخوه شك في مراته اخوه لما قعد يتكلم مع مراته قالت له ده كذا قال لها مريض نفسي ايه وتعب نفسي امتى والكلام ده كله فقال لضباط المباحث قال المقدم محمد ابو العطا قال له لا ده ما فيش حاجه اخويا سليم والراجل المقاول في الحته الفلانيه وكذا وكذا وكذا وانا شاكك في زوجته. طبعا عشان كان فيه خلافات حاسه ما بينهم فاخوه طبعا قال لك ايه؟ قال لك وارد ان زوجته يكون ورا ليها يد في الموضوع هنا اجهزه البحث من اول يوم استجوبوا الزوجه بس مافيش اتهامات ليها. لما جوه يفحصوا الكاميرات لقوا انه هو دخل البيت وما خرجش، دخل بعربيته وما خرجش من اول الفحص كده. تعالى يبقى القصه فين؟ في البيت شويه بيلاقوا مين؟ داخل البيت سيد بيروحوا يجيبوا سيد ده شغل بحث بقى يلاقوا الشنط نازله بقى المفاجاه كاميرات في الشارع تجيب الشنط وهي نازله وهنا في نفس التوقيت احد النباشين اللي هم بيبقوا في بفتشوا كده في القمامه لقى شنطه من الشنط اللي فيها اجزاء من المجني عليه. بلغ الاجهزه الامنيه اجهزه الامنيه بتلاقي الاجزاء وابتدي تجمع خيوط القضيه وبتجيب بقى سيد وبتجيب الاخت فاطمه دي وبتناقشوا مع بعض وبيعترفوا بجريمتهم من اول معرفتهم من سنتين والعلاقه الغير شرعيه ولدرجه زي ما قلت لك بتقول بتقول لهم في التحقيقات انا معرفش هو كان بيجي لي قد ايه انا سنتين رايح جاي عليا. مش مره ولا الثانيه ولا الكلام ده كله وطبعا مره زي 100 مره ولكن كمان بتضيف كمان ان هي كمان كان بيسافر لها البلد وفي شقه الزوجيه وبيع عمل كده وتخلصوا من ياسر عشان يخلوا لهم الجو هم فاكرين ان هم كده خلاص الحياه ضحكت لهم ولكن من بعد الخلاص منه وابتدا خلاص كل شيء ينكشف ولحد ما اجهزه الامن جمعت كل الخيوط وتواجهه بكل طبعا الادله واعداد الجريمه ولقوا كمان يشوفوا هم نضفوا الشقه بالكلور. المعمل الجنائي ما بيخليش س يعني وراء كل جريمه لازم يبقى في ثغره بس وكشف القدر القصه بتاعتنا دي، الاحكام بقى اللي خدوه ايه؟ في التحقيقات اعترفوا تفصيليا من اول العلاقه لاخرها. ومثلوا الجريمه ومثلوا الجريمه ويجوا قدام القاضي في المحكمه يعني هم في في تحريات المباحث اعترفوا راحوا تحقيقات النيابه اعترفوا تفصيليا وبالتالي النيابه بتاخدهم يمثلوا الجريمه راحوا قدام المحكمه خد بالك بقى واحده واقفه والثاني واقف تقول لك لا انا ما كنتش قصده ما كنتش قصده اقتله. انا ضربته ضربه ما موتهوش هي بتقول فاطمه دي بتقول بعد ما خضنا انا دخلت اساعد سيد وضربته ضربه ما موتهوش اثناء نظر القضيه في المحكمه وقفت فاطمه طبعا وسيد قدام القاضي كل واحد عايز يلبسها للثاني. يعني هم فاكرين ايه بعد بقى اعترافاتهم ودي هنيجي قدام القاضي انا اقول هو اللي قتل وده يقول لك هي اللي قتلت فهي بتقول لك ايه انا حطيت له المنوم بس وسيد اللي جه خلص وسيد يقول لك لا ده هي شريكتي واحنا خططنا مع بعض وهي كمان لما انا لما انا ضربته هي كمان دخلت ضربت بقوا يرموا ايه؟ الاتهامات على بعض.
[24:25]علاقه سريه نشات بين الزوجه وبين العشيق كانت نهايتها زي ما حضراتكم شفتوا حبل المشنقه اللي في انتظار سيد وفي انتظار فاطمه ودي كانت تفاصيل حلقه النهارده نلقاكم في حلقه جديده سلام الله عليكم.
