How Wireless Charging ⚡ Actually Works? No Cable Needed! #shorts

[0:00]Wireless charging mein current hawa mein travel nahi karta hai phir bhi phone charge kaise ho jata hai? Dekho is process mein do prakar ki coils use hoti hain. Pehli transmitter coil jo charging pad mein hoti hai aur dusri receiver coil jo smartphone mein hoti hai. Jab hum charging pad ke adapter ko electric board mein lagate hain to ye adapter AC ko DC mein convert karke charging pad ko DC power deta hai. Lekin charging pad mein jo transmitter coil hoti hai isko chahiye AC jiske liye isme ek inverter circuit laga hota hai jo DC ko high frequency AC mein convert karta hai. Ab yaha asli game shuru hota hai. Jaise hi transmitter coil mein AC supply jati hai to coil ke charo taraf ek electromagnetic field banti hai. Aur jaise hi aap apne smartphone ko is charging pad par rakhte hain to isme lagi receiver coil transmitter coil ki magnetic field ke andar aa jati hai aur phir is magnetic field ko catch karti hai jisse turant coil mein current paida hone lagta hai. Lekin jo current is coil mein paida hota hai wo hota hai AC aur jo smartphone ki battery ko chahiye wo hota hai DC. Iske liye smartphone mein ek system hota hai jo AC ko DC mein convert karta hai jise rectification kehte hain. Aur ab bas AC DC mein convert hote hi phone charge hone lagta hai.