IGNOU Assignment Important Submission Tips June 2026 : IN गलतियों से बचें | ( Must Watch )

[0:00]Hello everyone. Dosto Ignou ke jo Regional Center Delhi 3 ke student hain, inke assignment submission ka process shuru ho gaya hai. Humne detail video in bachcho ke liye bana di hai, aapko description box mein link mil jaayega aap us video ko zarur dekhen. Ab ye jo video hai is video mein hum baat karenge jo Ignou ke aur bhi student hain aur bhi alag alag centers ke, unke assignment submission kab se honge aur kaise honge. Dekhiye jo RC Delhi 3 hai pichle kuch samay se hi kaafi jaldi assignment submission ka link provide kar deta hai. Aur RC Delhi 3 jo hai wo ek centralized link provide karta hai kaafi samay se, jismein koi bhi study center ho RC Delhi 3 ke andar aane wala unko assignment online hi jama karne hote hain. Lekin iska ye matlab nahi hai ki jo baaki regional center ke student hain, unke bhi assignment online jama honge. Aaj main video record kar raha hu around 19 February ko, to jo RC Delhi 2 ya RC Delhi 1 ya kisi aur Delhi ke bahar ke bhi regional center ke student hain. Unse meri ye request hai ki aapka jo regional center hai uski website check karte rahe. I know is waqt kaafi regional center ki website khul nahi rahi hai, to intezaar karein, koshish karein ki Wi-Fi se nahi mobile data se apni jo site hai wo khol kar dekhen. To aapko guidelines jo hai aane wale samay mein mil jaayengi. Jo ye Google Form ki instruction maine bataayi hain, agar maan lijiye in future aapka jo assignment hai RC Delhi 1 ka ya 2 ka ya kisi aur bhi center ka wo online jama hota hai. To bhi aap is Google Form ko apni understanding ke liye samajh sakte hain. Jaise for example PDF kaise banani hai. PDF ka size agar badha hai to usko reduce kaise karna hai? PDF ka naam kaise rakhna hai? Ye sab cheezein ismein mention hain aap jaa ke isko padh sakte ho. Jaise ye PDF ka naam rakhne ka format hai ise aap dekh sakte ho. Ya aap ye samajh sakte ho ki ek baar jo assignment aap jama kar rahe ho usmein ek assignment ki ek hi PDF banegi. Yaani ki maan lijiye aapke program ke andar paanch subject hain, to paanch alag alag PDF aapko banani hain. Doosri baat aap ye samajh sakte ho ki iske andar ye jo format diya hua hai, jo RC Delhi 1 ya 2 ke bachche hain unka bhi jo front page hoga uska same format hoga. To aapko ye cheezein pata honi chahiye ki ye saari details main apne front page mein likhni hai. Agar aapne koi aur front page laga diya, koi baat nahi, par usmein Ignou ki branding yaani ki Ignou ka logo wagera hona chahiye, aur jo detail ismein puchi ja rahi hai wo honi chahiye. Haa ye jo hai above information is cross checked aur detail if the same assignment has been submitted anywhere else also. Ye dono point agar nahi bhi honge to bhi chal jaayega. Baaki ke jo point hain wo sab aapke usmein hone chahiye. Doosri baat hamaari ye hai ki jo date of submission hai kai baar kya hota hai hum maan lijiye 20 taarikh maine date of submission daal di, lekin us date ko main submit nahi kar paaya. Maine 21 ko, 22 ko ya even chaar paanch din ke baad submit kara, to usmein koi problem nahi hoti. Assignment ke regarding jo aap logon ki query aa rahi hai ki sir hamara question paper nahi aaya. Aap apne regional center ko mail daalo, jaise ye jo aap log email ID dekh rahe ho ye RC Delhi 3 ki hai. Koi bhi regional center ho Ignou ka sabki email ID isi format mein hoti hai. Bas yahaan pe RC Delhi 3 likha hai agar aap Delhi 2 ho to yahaan pe 2 kar dena, 1 ho to 1 kar dena, ya RC Patna ho, RC Jaipur ho to us hisaab se kar dena. Aage wahi aayega @ignou.ac.in. Samajh gaye? To ye cheezein hain agar aapka question paper aapko still nahi mil raha to yahan par aap mail daal sakte hain. Samajh gaye? Aur doosri baat ismein aapko ye bhi samajhni hai ki jo assignment ka format hota hai, dekho pehla jo page hota hai wo to cover page hota hai jo maine abhi aapko kuch seconds pehle dikhaya. Dusre page mein Ignou ka ID card hota hai aur teesre page mein valid assignment question paper hota hai. Ab agar aapke assignment offline mode mein jama ho rahe hain tab to koi sochne ki jarurat hi nahi hai ki teeno jo cheezein hain uska print out hi aapko lagana hai. Lekin agar aapke assignment online jama ho rahe hain, jaise ki RC Delhi 3 ke student ke ho rahe hain, to us condition mein ID card aur question paper ka aap screenshot bhi laga sakte ho crop karke. Aur jo aapka front page hai, ye to aapko print out nikalwa ke manually cheezein usmein likhkar to hi aapko lagana hoga, ji haan. Chahe assignment online mode mein ho rahe hon ya offline mode mein ho rahe hon, jo front page hota hai uska print out hi lagta hai kyunki usmein jo details hain wo aapko manually khud hi likhni padti hain. To in cheezon ka aapko dhyaan rakhna hai. Dusri baat assignment jo hain handwritten banane hote hain, typed assignment nahi chalenge, theek hai. Aur yahan pe prefer kiya jaata hai ki aap A4 size sheet use karein. Prefer ye kara ja raha hai ki aap both side pe likhein yaani ki ye zaroori nahi hai ki aap single side line rule wali ya plain ya both side line rule wali use karein. Aapki marzi hai koi bhi format aap sheet ka use kar sakte hain, theek hai. Ye kuch basic instruction hain jo main is video mein aap sabhi student ko samjhane aaya tha. Baaki agar aapke assignment offline jama honge to us condition mein assignment ki file bahut zaroori hoti hai. Main purchasing link laga dunga aap wo file purchase kar sakte ho, kyunki Ignou jo hai plastic wali file, gatte wali file accept nahi karta. Wo paper file accept karta hai jiska paper ki quality thodi si thick hoti hai. Zyada mota bhi na ho bas moderate quality ho wahi Ignou accept karta hai baaki aur koi bhi file jo hoti hai wo accept Ignou nahi karta. To in cheezon ko aapko samajhna hai baaki assignment submission ki jo last date filhaal ke liye 31 March hai, lekin 101% isko 30 April tak further extend kara jaayega. To agar aapki abhi guidelines nahi aayi hain, koi baat nahi aap assignment bana lijiye filhaal, guidelines jab aayengi to us hisaab se jama kar dijiyega, theek hai. Yahi kuch important cheezein jo hain hum assignment submission ke regarding is video mein discuss karne aaye the. Thank you.