[0:00]وانا اتفرج على ايبادي ومبسوطه بوقتي، سمعت باب غرفه امي ينفتح. قمت وانا مستغربه مستحيل امي وابوي يصحون هالوقت، طلعت من غرفتي الا واشوف امي قدامي. قلت وين بتروحين؟ قالت بسوي لي عشاء خفيف تبين؟ قلت ما تعشيتي يا يمه. قالت لا ما اكلت شيء انشغلت وما قدرت انام من الجوع خفت ينزل السكر فيني. قلت بسم الله عليك يا يمه خلاص ارتاحي وانا بسوي عشاك. قامت تضحك قالت لا والله نامي بس انا بنزل بعد شوي اسوي لي. قلت اللي ودك يا يمه ما اقدر اقول شيء، دخلت غرفتي اكمل الفيلم اللي انا قاعد اشوفه بالاي باد. بعد ربع ساعه تقريبا الا واسمع صوت مواعين قويه تطيح. بسم الله الرحمن الرحيم، قمت على حيلي بسرعه وفتحت باب غرفتي. ونادي يمه يمه الا اسمع امي بالمطبخ تصرخ. واخواني صغار قاموا معي نركض تحت، واناظر لا اله الا الله امي تنزف.
[0:58]الغور والكبرياء احيانا يضيع حياتك او بالاصح مو احيانا الا اكيد بيضيع حياتك. وانا انصحك من هذا الشيء مهما كانت مكانتك ومهما غرتك الدنيا بمتاحها. قصتنا لليوم يا عزيزي المشاهد واقعيه ومرعبه ومن العيار الثقيل. هذا يوزر سنابي عندك طال عمرك، شرفني هناك وخلي عيونك الحلوه تتابع يومياتي. الحلقه هذه يا عزيزي المشاهد برعايه شركه اكس ام. والعرض هالمره مختلف ومخصوص لشهر رمضان، كل اللي عليك تدخل الموقع وتسجل حسابك وتسوي توثيق بسيط. اول ما تدخل بتستلم اول بونص، البونص يعني مال اكثر عشان تحمي نفسك اذا السوق كان ضدك. او فلوس اكثر عشان تستفيد من صفقات اكبر، اما بالنسبه لعرض رمضان لو تتداول بس اثنين لوت. بيفتح لك بونص جديد وبهالحركه بتقدر توصل لحد 52,500 دولار. واسبوعيا بونص تداول وبكل مره بتتداول فيها بتربح بونص من جديد عاد مثل ما قلت لك وعليك الحسبه. طيب وش بتداول يا فارس؟ تتداول اصول مختاره، يعني مثل الذهب والكريبتو والفضه. وتجمع بونص بعد بونص لين ما توصل للحد الاقصى من البونص مثل ما قلت لك. بس اسمعني زين التداول عالم مليان فرص لكنه مليان مخاطر بعد. والمنصه اللي انا استخدمها مرخصه دوليا ومرخصه في دبي وبتعطي دروس تداول مجانيه على صفحتها. وترا يمديك تبدا من الرابط بحساب ديمو او بمبلغ بسيط ويزيد مع البونص. والقرار دايم يرجع لك بعد البحث والتعلم، ما في ربح مضمون وانتبه قبل اي خطوه لا بد انك تدرسها اكثر من مره. للحين تتفرج استفيد من عرض رمضان وابدا التداول بعد التفكير والدراسه. رابط المنصه بالوصف طال عمرك لا تتردد بعد ما تفكر والحين خلونا ندخل بقصتنا. صاحبه القصه تقول انا ريما عمري 26 سنه. خلونا نرجع خمس سنوات وراء عشان اعلمكم مين انا وتحديدا بعمر ال 21 سنه. انسانه بعمر الزهور اجتماعيه جدا، عائلتنا مكونه من سبع اشخاص. انا وامي وابوي وثلاث اخوان اصغر مني واختي الكبيره هند، اختي هند اكبر مني بسنه واحده. وعلاقتي بهند مرعبه مره من قوتها تفهمني وافهمها بشكل دايم. من ناحيه شخصيتي انا اجتماعيه مثل ما قلت لكم وعلاقاتي كبيره وقويه وخاصه ان مجالي بالدراسه هو اللي مساعدني اني انا اكون كذا. لاني داخله تخصص يهتم بالجمهور ويهتم بالعلاقات بشكل عام وكنت متوقعه ان له تاثير قوي على حياتي. روتيني عباره عن غرفتي اي نعم مثل ما سمعت غرفتي انا اعشق القعده بغرفتي طوال اليوم. ومخصصه ايام للطلعه مع صديقاتي واختي اختي تمون على صديقاتي كلهم. متعرفه عليهم من ايام المتوسط علاقتنا ببعض قويه مره ومثل ما تعرفون اللي شد العلاقه اكثر حاليا. هي طلعاتنا المستمره بكل ويكند يا نتتقهوه يا نتجمع ببيت واحده مننا بيوم من الايام وتحديدا قبل خمس سنوات. وكان وقتها الصباح عندي فاينل بالكليه بعد كم ساعه وخاصه اني باخر ترم واتخرج باذن الله. كنت شاده حيلي مره وماخذه بعض المواد صيفي عشان اخلص الكليه باسرع وقت. الفاينل هذا كان الصعب وكنت اذاكر له من فتره طويله، المهم دخلت علي هند بغرفتي وانا اذاكر. قالت ريما عندي لك مشروع نار ويدخل ذهب، قلت وش المشروع؟ قالت انتي اول شيء قفلي الايباد وركزي معي، قلت هند مو من جدك يرحم امك اختباري بعد كم ساعه. وهو اللي يحدد مصيري اذا انا بتخرج ولا لا خليها بعدين، قالت يا بنت اسمعيني لحظه عشان ما تطير الفكره من راسي. قلت يلا اوكي بركز قالت اول شيء نفتح حساب بالسوشيال ميديا ونخليهم مصورات زواجات. وحبه حبه بتدخلين بعالم التصوير، خاصه انك انتي مبدعه بالتصوير وعندك نظره يا ريما. ونخلي مثلا على كل زواج ناخذ منهم 3000 ريال، وتعرفين انتي الزواجات كل ويكند ما شاء الله. قلت ما عجبتني تراها مسؤوليه لا تورطيني مع الناس، قالت ما عليك بنتساعد. قلت طيب والاغراض كيف بننقل الاغراض شلون؟ قالت ما عليك يا بنت الحلال السواق بيساعدنا يشيل معنا الاغراض وينزلها للقاعه وقتها. قلت طيب والتسويق كيف تقولين موضوعها عندك؟ قالت انا بعلمك ايش بسوي، قلت يلا علميني، قالت انا اطلع مع السواق واروح لمكان دعايه واعلان. واخليهم يسوون لنا بزنس كارد ويطبعون فيه رقم جوالي وعاد وقتها نبدا نوزع، قلت اوكي مو مشكله بس نوزع على مين؟ هنا هند وقفت لحظه، قالت اي والله نعطي مين هذه المشكله، قلت الموضوع مو بسيط يا هند الله يعافيك اطلعي خليني اكمل مذاكره. قالت خلاص نتناقش بعد اختبارك زين، المهم طلعت هند وعدت الساعات وانا احاول افهم لكن للاسف ما فهمت. رحت مع سواقنا للكليه ودخلت قاعه الاختبار وانا متوتره بدا اختباري وانا اناظر بالاسئله. يا الله مو من جدها الدكتوره، حاطه اسئله معقده بشكل مو طبيعي. حاولت احل السؤال الاول وكنت شاكه باجابتي واروح السؤال اللي بعده والاختبار جلدني جلد. طلعت من الاختبار وانا شايله هم الدنيا كلها، اتصلت على السواق وينك؟ قال انا موجود برا انتظرك، قلت يلا زين واطلع واركب معاه. وخليته يوديني اقرب مطعم فطور عند بيتنا، اخذت فطوري ورحت للبيت عشان اكل. يوم وصلت للبيت بدلت ملابسي وقعدت بالصاله، شوي الا انت تجي قالت ها بشري كيف الاختبار؟ قلت مثل وجهك، قالت يعني ما شاء الله فل مارك، قلت وانت الثقه من وين جبتيها ما شاء الله. جبت العيد انا بالاختبار، قالت بذمتك، قلت اقسم بالله جبت العيد. قالت ما عليه خلي اكمل موضوعنا الحين، قلت هند الله يسعدك ما لي نفس شيء. خليها بعدين وانتي تدرين اني على وجه تخرج اصلا، كيف بيكون لي نفس اشتغل وانا ما تخرجت؟ قالت متى تطلع النتائج طيب؟ قلت ما ادري يمكن بعد اسبوعين ولا ثلاث. قالت بدعي لك ليل ونهار ما راح انساك من، قلت شكرا تعالي كلي معي. افطرنا مع بعض وعدت الايام ونسيت الموضوع، الا واصحى صباح يوم الاحد بعد اسبوعين بالضبط. فتحت جوالي الا القى جروب الشعبه فيه رسائل كثيره، قلت بس الله يستر الدرجات طلعت. وادخل اشوف وانا متوتره واتنافض، اناظر الا والله نجحت على الحافه. شفتوا لو انقص نص درجه حملت الماده حرفيا، يا ربي لك الحمد واسجد شكر. واطلع من غرفتي اركض رايح هند واطق الباب بقوه افتح الباب وتفتح الباب الا وجهها مفقع من النوم. قلت ابشرك نجحت وهي تناظرني مستغربه، قلت يا مجنونه نجحت هي انت ايش فيك؟ قالت ممتاز خلاص اعطيني اوراقك عشان اوظفك عندي بالغرفه. ايش اسوي لك يعني يا ريما مصحتيني من النوم الحين عشان تقولي لي نجحت؟ قلت اقول قومي نطلع نتقهوى نستانس نننبسط نسوي اي شيء، قالت اقسم بالله يا ريما لو ما توخرين عن وجهي الحين لا اخليك تفقدين شعور الفرحه. حسيت اني قروشتها بزياده فخليتها تكمل نومتها وانا رحت لغرفتي. عدت الساعات وصحت هند العصر مع اهلي ووقتها انا اللي بطبخ ومروقه لابعد درجه. قايمه من بدري ومجهزه اغراض الكبسه كامله، الا واسمع امي تناديني وهي فوق. وانزل الاغراض من يدي واطلع فوق بسرعه، واحضن امي بقوه واقول لها باركي لي باركي لي. قالت مبروك على وش هو؟ قلت تخرجت الحمد لله، قالت انتي صادقه، قلت والله العظيم تخرجت. قالت ما شاء الله الف الف مبروك يا بنتي وقامت تحضني، قالت يبي لها كيكه اليوم ان شاء الله نحتفل فيك. وانا اضحك واح بالراسها قالت قامت اختك، قلت اي سمعتها قايمه، قالت يلا تجهزوا، قلت ليه وين بنروح؟ قالت بنروح نزور بنت خالتك توها والده بالمستشفى يا اللي ما تدرون يا قاطعين الوصل. قلت يما قاعده اطبخ تزورينها الحين الله يعافيك اصبري على الاقل لين بعد المغرب. قالت خلاص انا بروح لها وانتي انجزي امورك وخلي اخوانك اهم شيء ياكلون زين. قلت ابشري ونزلت للمطبخ اكمل الطبخه واخواني ميتين من الجوع ينتظرون حضره جنابها اخلص الطبخه. عدت الساعات وسويت لكم ذيك الكبسه اللي ما تخطر على بال احد، واحنا جالسين على الغداء الا امي توها جايه من عند بنت خالتي. وقامت تاكل معنا لقمتين وخلصنا الحمد لله، خليت هند اللي تغسل المواعين لانه طبيعي انا اللي طبخت. المهم عدت الايام بدون ما اقدم على وظيفه وبدون ما اسوي اي شيء حرفيا. قبل لا اعلمكم الحدث اللي صار لازم اعلمكم شخصيه امي بشكل تفصيلي اكثر. امي انسانه حنونه وطيبه معنا مره بشكل مو طبيعي، رغم انها كبيره بالعمر شوي مو مره يعني كبيره شوي. لكن هي اللي تحب تنظف البيت وهي اللي تهتم بكل البيت حرفيا حتى الملابس. ومن ناحيه المواعين ومن ناحيه الطبخ ومن كل شيء، احنا نبي نساعدها لكن هي ترفض. طبعا انا وهند حريصين على ادويتها اللي تاخذها والادويه اللي تاخذها بشكل مستمر هي حبوب الضغط والسكر. لانه امي مهمله نفسها شوي من هذا الجانب، الحين عرفت شخصيه امي اكثر. المهم مالكم بالطويله وبيوم من الايام وبالفتره هذيك كنت سهرانه ولا نمت. كان وقتها الساعه 12 ونص بالليل تقريبا، ما يعتبر اني سهرت لان تو الليل بدا اصلا. وانا اتفرج على ايبادي ومبسوطه بوقتي، سمعت باب غرفه امي ينفتح. قمت وانا مستغربه مستحيل امي وابوي يصحون هالوقت، طلعت من غرفتي الا واشوف امي قدامي. قلت وين بتروحين؟ قالت بسوي لي عشاء خفيف تبين، قلت ما تعشيتي يا يمه. قالت لا ما اكلت شيء انشغلت وما قدرت انام من الجوع خفت ينزل السكر فيني. قلت بسم الله عليك يا يمه خلاص ارتاحي وانا بسوي عشاك، قالت اختك هند وينها؟ قلت نايمه ليه؟ قالت اسال بس، قلت لا يكون تبين هند اللي تسوي وانا لا. قامت تضحك قالت لا والله نامي بس انا بنزل بعد شوي اسوي لي، قلت اللي ودك يا يمه ما اقدر اقول شيء. دخلت غرفتي اكمل الفيلم اللي انا قاعد اشوفه بالاي باد، بعد ربع ساعه تقريبا الا واسمع صوت مواعين قويه تطيح. بسم الله الرحمن الرحيم واركض فوق بسرعه واطق الباب هند هند وتفتح الباب بسرعه وهي ميته من الخوف. قلت الحقي علينا امي طاحت تحت ونركض ننزل نشوفها لا اله الا الله. قلت هند روحي نادي ابوي بسرعه وراحت هند فوق وانا اناظر بامي وهي ماسكه الجرح اللي براسها. وابي احط يدي على الجرح عشان اوقف الدم وهي تصرخ وخري وخري، قلت ويش صار يا يمه دقيقه تكفين. الا وتنزل هند تقول ما في، قلت وش اللي ما في؟ قالت ابوي مو موجود، قلت دقي على الاسعاف اخلصي. قالت طيب والسواق لمن نروح معاه، قلت يا بنت السواق نايم الله يرحم امك اخلصي دقي. وتتصل على الاسعاف وتشرح لهم الحاله وانا اروح اخذ منشفه من المطبخ والف راس امي فيها. قلت هند اركضي فوق جيبي عباتي بسرعه، وتطلع فوق بسرعه تجيب عبايتي وانا انتظر. قلت كلمتي الاسعاف؟ قالت والله كلمتهم الا ويرن جوال هند، وتركض تتفاهم معهم بالحوش وتفتح لهم الباب. ويدخل الفريق الطبي كله قال وخري وخري وخري، ويجلسون عندها السلام عليكم يا خاله. الا امي تون وتصرخ من الالم ومو قادره تستوعب، قلت يا يمه جاوبيهم قالت اسكتي وخري عن وجهي. قاموا يشيكون الضغط ويشيكون كل شيء ولفوا راسها بشاش واخذوها على السرير الناقل داخل الاسعاف. وانا اقول لهم لحظه بجي معكم لحظه وهند تناظرني تقول لا تخليني، قلت مجنونه انتي. اقعدي عند اخواني اصبري بجي، واركب مع الاسعاف وطيران على المستشفى، حرفيا كان صوت الاسعاف باذني وكنت اسمعه بشكل عالي نفس ما انت تسمع الحين. ويوم وصلنا الا ويدخلونها على الطوارئ بسرعه ويشرحون الحاله ويسوون لها اشعه على طول. يبون يتاكدون في نزيف بالراس ولا لا، وانا على اعصابي وهند كل شوي تتصل علي. يوم رديت عليها تقول اخوي راكان قاعد يصيح، قلت خليه لين تنشف دموعه. مو بوقت الله يرحم امك لو في شيء بعلمك، قالت علمني وش يسوون الحين طيب؟ قلت يتاكدون في نزيف ولا لا يا امي اصبري وقفلت منها الا وبعد عشر دقائق. شفت الدكتور وقلت له بشر قال ما نقدر نتاكد الحين تاخذ وقت شوي، قلت يعني كم ابي اعرف؟ قال ما عليك يا بنت الحلال اذكري الله دقائق بسيطه ان شاء الله، وانا ادور بالطوارئ ادور ادور ادور واستغفر ربي كل شوي. شوي الا يرن جوالي واناظر الا ابوي، يا الله وش اقول له، وارد عليه وانا برا عند باب الطوارئ. قال ايش صار على امك انت وبين المستشفى؟ قلت بالمستشفى الفلاني، قال ايش صار عليها؟ قلت طاحت من المطبخ ولا ادري وش صار، قال ليه ما كلمتوني ليه تتصرفون من انفسكم؟ قلت يبا انت بعيد مو بالبيت تبين نخلي امنا تنزف، قال طيب يلا جاي ويقفل من عندي. الا ويلفت انتباهي عامل ينظف وانا وقتها معي علبه مويه جديده وبارده، الا وادي العامل اقول له لو سمحت. ويناظرني قلت تفضل واعطيته المويه الا واشوف الابتسامه على وجهه ويتشكر مني. وشرب المويه قدامي وانا دخلت المستشفى، بعدها بربع ساعه تقريبا ابوي جاء وقعد يكلم الدكاتره. وبدا يفهم الحاله كل شوي يقول لا حول ولا قوه الا بالله، قلت يبا وش اللي صار علمني وش فيه؟ قال يتاكدون يا بنتي، قلت يبا كل ما سالتك قلت لي يتاكدون، علمني يا يبا وش الموضوع؟ قال الحمد لله ما في نزيف بس الجرح عميق مره وقاعدين يخيطونه، قلت طيب يعني خلاص الموضوع كذا بسيط بس؟ قال لا طبعا فيها كسر بالحوض، قلت احه، قال اي والله للاسف كسر مضاعف بالحوض ويعيقها عن المشي. واروح عند الدكتور على طول قلت يا دكتور صدق امي فيها كسر؟ قال اي نعم الله يكون بعونها يا رب. قلت طيب بتسوي لها عمليه ولا وش هو ابي افهم؟ قال القرار قراركم لانها فيها ضغط وسكر اصلا. وضغطها غير مستقر فبيعقني على العمليه، وغير عن كذا الوالده كبيره في العمر فصعب العظم ينبر. قلت معلش ابي افهم القرار قرارنا من ناحيه ايش؟ قال لازم يكون في تدخل جراحي عاجل. عشان نحل المشكله بمسامير ومثبتات للحوض، القرار قراركم اقصد من ناحيه الرفض. قلت وش ممكن يصير يعني لو رفضنا؟ قال الرفض بيسبب مشاكل في الصدر وتقرحات بسبب القعده الطويله. وبتصير غير قادره على المشي نهائيا، يعني لازم تقوون قلبكم ويكون افضل، سكتت ورحت عند ابوي. قلت بتخليها تسوي عمليه؟ قال امك خوافه خوافه ما تبي اي عمليه تسويها. قلت يا يبا مو على كيفها لازم ننجز الموضوع وخاصه ان الحمد لله ما فيها نزيف. قال اي خلاص بنسوي العمليه ان شاء الله، المهم الا ابوي يوقع ان العمليه خلاص بتصير بكره الصبح ان شاء الله. يعني بعد كم ساعه اقصد، ويتاكدون من وضعها بشكل كامل، وانا ضايق صدري الا وجا الدكتور عندنا. قال معليش بخاطري كلام ودي اقوله، قال ابوي تفضل، قال اولا ما شاء الله لا قوه الا بالله. الجرح اللي براسها والطيحه اللي طاحتها، غالبا تتسبب بنزيف داخلي، بعيد الشر عن امكم. سبحان الله ابي اعرف وش اللي منع النزيف لان الفريق الطبي كله مستغرب. اقسم لكم بالله انه بلحظتها كاني شفت بخيالي العامل اللي اعطيته المويه، واسجد شكر في الارض قدام الدكتور. ويوم قمت قلت الصدقه يا دكتور، قال سبحان الله واعذروني على السؤال والحمد لله على سلامه الوالده ومشى. عدت الايام وامي سوت العمليه ابشركم لكن الحين ما صارت تمشي الا بالموت حرفيا. وبيوم من الايام كنا جالسين على سفره الغداء مع ابوي وامي قاعده بالكنب. واحنا كلنا بالارض لكن امي ما تقدر تتحرك كثير، هنا ابوي اناظر امي قال لها اسمعيني. انا اليوم بروح مكتب استقدام بجيب عامله بالبيت تساعدك لازم تكون المعامله معك بشكل اقوى. امي هنا عصبت قالت لا وريما وهند وش يسوون؟ انا هنا قلت اي والله يبا اكيد ان احنا بنساعدها ما يحتاج عامله، قال افهموني كل واحده منكم مشغوله بحياتها ويومها. وكل واحده فيكم نومها يجيب المرض، اللي تصحى اخر الليل واللي تصحى الفجر. العامله مهمه مره تساعدك لو بغيتي شيء، المهم احنا ساكتين ما نقدر نقول شيء. بعد ما خلص ابوي الغداء راح الغرفتها وانا وهند تقابلنا في المطبخ وان لازم صدق عامله. وقعدنا نقسم المهام بيني وبين هند واحده تمسك المواعين، وواحده تمسك غسيل الملابس. ويوم انا اطبخ ويوم هي تطبخ ومشيت الحياه على هذه التقسيمه الى ان بيوم من الايام وتحديدا بعد شهر ونص. ابوي دخل البيت العصر وهي ينادين اه هند ريما انزلوا تحت. هند كانت نايمه وانا نزلت بسرعه الا ابوي قال علميها، قلت ما شاء الله. وقعدت اناظر بالعامله واقول لها هاي ابي اوضح لها ان انا انسانه مسالمه. وهي تناظرني باستغراب، المهم سالتها تتكلمين عربي، ابوي قال اقول انطم ما تعرف تتكلم ولا حرف. المهم تعاملوا معها وضبطوا الموضوع اهم شيء علموه ان التركيز ما يكون على البيت، ابي التركيز يكون على امكم واهم شيء تقوم بدري. عشان امك احيانا تبي احد يساعدها بالقومه وبالنومه، قلت ابشر وافتح جوالي وادخل الترجمه. واقعد اترجم كل كلمه ابي اقولها حرفيا وهي قاعده تقرا، وسالتها وش اسمك؟ قالت جاكلين، قلت ونعم والله، وبديت اوريها البيت واوريها غرفتها بالدور الثالث. وبديت ارتاح لها بشكل لطيف مره، صارت تعرف وش اللي لها وش اللي عليها. وامي بغرفتها ما لها خلق تقابل احد من الالم اللي تعاني منه، بتقولون لي هل امك بدات بالعلاج الطبيعي؟ بقول لكم ان اول ما خلصت العمليه باسبوع ونص تقريبا رحنا وودينها لموعدها اللي بالعلاج الطبيعي. ومن اول تمرين بسيط صرخت امي صرخه وبعدها حرمت هالعلاج، وصارت مهمله نفسها مره وكل ما لا يصير المشي عندها اصعب. ونفسيتها صارت اسوا بشكل ملحوظ ما لها خلق احد ولا تبي تقابل احد نهائيا. بالايام الاولى حقت العامله دخلت علي هند بغرفتها، قالت اسمعيني تذكرين يوم اكلمك عن مشروعنا؟ قلت اي مشروع، قالت ذاك المشروع ايش فيك نسيتي التصوير اقصد، قلت اي اذكر قالت طيب الحين فرصتنا. قلت ليه فرصتنا؟ قالت العامله بتساعدنا، والسواق بيساعدنا بشل الاغراض والعامله بتنزل الاغراض لين القاعه اذا كانت القاعه حقت حريم. قلت من جدك انتي ما نقدر والله العامله هذه لامي بس، لكن خلونا نبدا بالمشروع اليوم. وانا اليوم بفتح الحسابات بجوالي كل برنامج بسوي حسابه وبخليه نفس اسم الحساب، قالت اي هذا اهم شيء عشان لنا عرف. ويدرون لو في خصومات على باقات التصوير او غيرها، قلت طيب ترا يبي لنا ميزانيه للتسويق اذا تدرين. لانه مو بالسهل الناس بتعرفك يا هند، قالت ما عليك انا الحين بروح اكلم ابوي، قلت ابوي موجود. قالت اي بغرفتها، قلت اصبري بجي معك ونكلمه مع بعض، المهم رحنا مع بعض عند ابوي. قلنا له السلام عليكم يبا، قال وعليكم السلام انتم ما تجون مع بعض الا وراكم بلا. اخلصوا علي وش فيكم ترى اللي فيني مكفيني، قلت عسى خير يبا. قال ما تشوفين العامله اليوم منزله من غرفتها؟ قلت طيب، قال امك هاوشتها وتعامله معها سيء. قلت يبا لازم تفهم هي ان امي وضعها صعب مره وانه لازم تتماشى معها وتتعاون. قال انا اللي اقول لها ولا انتم، قلت خلاص بنكلمها ما عليك لكن عندنا موضوع اهم. قال تكلموا وش عندكم يلا، قلت يبا احنا نبي نفتح مشروع تصوير والمشروع هذا يدخل ذهب يعني باذن الله. نصور منتجات ونص والمصور عروض ونبدا نترزق الله يعني، قال ممتاز وش تبون يعني الله يوفقكم. قلت لا يا يبا نبي راس مال، هنا ابوي قام يضحك، قال ما شاء الله كم تبون يعني؟ انا هنا اناظر بهند وهند تناظر فيني، قلت تكلمي يلا انا قلت كل شيء الا هند تناظر ابوي. قالت نبي نشوف كم الاسعار ونعلمك الفاتوره كلها عشان تجي تدفع، قال ما شاء الله حتى طريقه تعاملكم يعني تعامل شركات. شايفيني قاعد على بنك انا، انا هنا سكت وضاق صدري قال خلاص، ما لكم الا اللي يجيب لكم كل شيء ان شاء الله. بس روحوا اليوم مع السواق وتبحثوا عن الاسعار، لا تشترون كل شيء غالي وعلموني كم وانا بحول لك يا هند. على طول قمت وحبيت راس ابوي من الفرحه، قال قبل لا تطلعون روحوا تتفاهموا مع العامله. خلوها ترضى عشان اوافق ادفع لكم، قلنا له ابشر، طلعنا مع بعض انا وهند للدور الثالث. ونطق الباب على العامله ولا ما ترد، ونطق مره ثانيه وتفصل هي بلغتها وكانها تسبنا او انها وش الازعاج. المهم فتحت الباب وهي معصبه قلنا لها معلش والمشكله ما في ولا واحده مننا تعرف تتكلم انجليزي. كل واحده فينا خايفه وماسكه ضحكتها، وافتح جوالي وانا ارجف واكتب بالترجمه. نعتذر عما بدر عن والدتنا اليوم، وخليها تقرا الترجمه، قالت اوكي وتقفل الباب بقوه. قعدت اناظر بهند قلت وجع ايش فيها ذي؟ وارجع اطق الباب وتفتح الباب بسرعه وتاخذ جوالي مني. وتحول اللغه وتقعد تكتب كتبت كلام طويل تقول فيه انا هنا للتنظيف وليس لاكون حارس شخصي. والدتكم تعاملها سيء جدا، واخذ الجوال منها واقعد اكتب لها نعتذر منك وان ما لك الا رضاك يا بنت الاجواد. وان لازم تتفهمين ان امنا مسويه عمليه حسيت انها بدات تتفهم واخذت الجوال مني وقامت تكتب انها تحتاج عشر دقائق. وبتتنزل تكمل تنظيف ومساعده لامي، المهم اروح اكلم السواق عشان نتجه لمحل التصوير. المهم يوم ركبنا معه الا قالت لي هند يلا سو الحسابات، وبديت اسوي بالانستا حساب وبالسناب حساب وبكل مكان حرفيا. وخليت الشكل جامد طلع عند هند اصلا الهويه كامله، يعني مضبوطه اسم المشروع. ومضبوطه صوره العرض واللوجو وكل شيء جاهز حرفيا، بعد ما سويت الحسابات وصار كل شيء جاهز عندنا. وصلنا اقرب محل للتصوير والمعدات ونزلنا نسال ونشوف ان كيف نبدا الموضوع. واختار لنا الموظف كل المعدات اللي احنا نحتاجها وكانت الفاتوره هي الصدمه حرفيا. كانت بسعر فوق ال 30000 والمشكله هذا السعر بعد الخصم، باقي ورانا تسويق باقي ورانا اكثر من شيء. المهم اتصلت على ابوي وعلمته بالسعر وكل شيء، ابوي سكت وقال لا حول ولا قوه الا بالله. يعني وش اسوي انا؟ قلت يبا اذا ما تقدر عادي، قال الكلام مو هنا الكلام اني اعرفكم زين. اسبوع واحد وتقطون كل الاغراض بالبيت لكن انا بعطيكم لكن ابيكم ترجعونها لي. طبعا انا حاطه المكالمه سبيكر واختي تسمع انصدمنا من كلمه ابوي قلنا يبا شلون نرجعها لك؟ قال ما عليه ما ابيها بوقت معين، او تدرون بعطيكم سنه كامله تجمعون لي المبلغ. وترجعون لي الفلوس كامله من ربحكم عشان تحسون بالمسؤوليه، قلت من جدك والله يبا. قال اي والله من جدي، قلت خلاص ابشر وقفلت من ابوي ووصلتني الحواله والحمد لله شرينا كل اللي نبيه. واول ما رجعنا للبيت بدينا التسويق والشغل وصرنا نوثق لنفسنا ونعلن لنفسنا اننا احنا مصورات زواجات. وابشركم صار شغلنا معروف وشهر اكثر بمده لا تزيد عن خمس شهور، انا صرت انسانه اعشق السناب واوثق في يومياتي. واقعد اصور ان اليوم عندنا جلسه تصوير واني اليوم جاهزه للشغل كله وبديت انطلق لكن اختي ما كانت تبي تمسك الحسابات كلها. بيوم من الايام وبذيك الفتره تواصلوا معي شركه ميك اب ان احنا نبي نتصل عليك، اعطيتهم رقمي واتصلوا علي. قالوا السلام عليكم نبي نستفسر، قلت تفضلوا، قالوا الاخت ريما معنا صح؟ قلت اي نعم صحيح. قالوا ما شاء الله عليك احنا نتابع يومياتك باستمرار ونشوف شغلك انتي واختك الله يوفقكم. وبصراحه نحتاج ان احنا نعلن منتجاتنا عندكم ودنا نعرف كم قيمه الاعلان عندك الله يعافيك. قلت ابشروا باذن الله بس ارسلوا لي صور المنتجات وارسلوا لي الشركه كامله وتفاصيلها وتصاريحها وانا برد لكم بالواتس ان شاء الله باسرع وقت. قالوا ممتاز شكرا لك ننتظر ردك، المهم قفلت من عنده واروح عند هند بسرعه. واشرح لها الموضوع كامل وتحمست معي، اساسا انا الحين عندي متابعين بالسناب يمكن تقريبا 190 الف. وبذاك الوقت اعتبر اني انا مشهوره لكن ما كانت عندي نجمه التوثيق، المهم ما لكم بالطويله. سالت هند قلت ايش رايك كم نعطيهم السعر؟ قالت على حسب اول لازم نشوف الاعلان متى؟ لانه يوم الخميس والجمعه عندنا زواجين يعني في تصوير وضغط كبير علينا. قلت كم اعطيه السعر؟ قالت اسمعيني شوفي انتي كذا ولا كذا اصلا بتربحين من التصوير ان شاء الله صح؟ هل بتفرق معك لو تكنسل الاعلان؟ قلت والله الصدق لا، قالت خلاص وانتي تشوفين نفسك قويه مره بالسناب صح؟ قلت اي والله قويه الحمد لله، قالت اصفقيه بمبلغ لا يقل عن 50000، قلت والله، قالت اي والله. قلت يلا اوكي برسل له وادخل على الواتس وادخل المحادثه واكلمهم بعد ما شفت التصاريح كامله. واعطيهم ان المبلغ 50000 وقالوا ما شاء الله ممتاز توقعنا سعرك اغلى ومن هالكلام. وان شكرا لك وعلى تعاملك وان بنتعامل معك اكثر من مره، انا هنا انجنيت من الفرحه. وان الدنيا كيف تغيرت الحمد لله ووافقت ووقعت على العقد على طول وتحول لي المبلغ. ووصلتني المنتجات بعدها بكم يوم وصورت الاعلان، ويوم الجمعه ووقت التصوير اللي انا كنت اصوره للعرس. جوالي ما كان معي وممنوع اني انا ادخله اصلا لكن انا اخذت بريك من التصوير لمده 10 دقائق تقريبا. ابي اطلع عند البوابه عشان اخذ الجوال واشوف مين اتصل الا والقى اكثر من رساله بالواتس وكلها طلبات اعلانات. وقتها رحت عند هند وعطيتها خبر، قلت لازم نقفل مشروعنا هذا، قالت ليه من جدك؟ قلت قاعدين ندخل ذهب من الاعلانات خلاص، قالت زياده الخير خيرين ايش عندك؟ ضحكت وكملنا شغلنا على اكمل وجه ويوم رجعت للبيت ابي ارد على الاعلانات اللي عندي. ومستحيل اني انساهم كان عندي اعلان للسدر واعلان ميك اب وكان في اعلان عطور. وكنت اصور يومياتي خاصه الصباح وبديت اتميز باعلاناتي للميك اب وصار عندي هوس اتعلم اكثر الموضوع. صرت ابي اصير ميك اب ارتيست ان شاء الله اني نطقت الاسم صح يعني انسانه تشتغل ميك اب للناس. تواصلت مع واحده بذيك الايام كانت محترفه وان ابيها تعلمني كيف ابدا الشغل وكان فار التجارب للاسف هي اختي هند. وكنت اتعلم عليها واستمرت مع البنت لمده ثلاث شهور وكنت اعطيها مبلغ، ووقفنا البزنس حق التصوير. ورجعنا راس مال ابوي من زمان، بيوم من الايام بديت اصور شغلي بالميك اب وصرت مو بس انسانه تعلن. صرت اصور البنات اللي يرضون للتصوير اللي انا اسوي لهم ميك اب وصار هذا مشروعي بعد الله. وهند قررت انها تكمل المشروع لكن بطريقه ثانيه جابت مصورات يمسكون مشروع التصوير حقنا. وصرنا احنا ناخذ بالنسبه بمقابل المنتجات اللي احنا معطينهم للبنات، حياتنا تغيرت يا اخوان 180 درجه. لكن من بعد هذا كله خلوني اعلمكم وش صار، واتمنى تمسك راسك يا عزيزي المشاهد وتكون جاهز للاحداث كامله. بيوم من الايام وبعد فتره طويله صحيت صباح يوم من ايام الاسبوع. ابي اشوف مشاهداتي كم توصل بما اني انا ترند حاليا، كانت توصل في بحر ال 350 الف مشاهده. كنت مبسوطه على ضغط الاعلانات اللي عندي، وضغط البنات اللي تكون عندها حفله تخرج. واللي تكون عندها عرس واللي تكون عندها حفله عائليه ويبون اللي اسوي لهم ميك اب. صرت محترفه محترفه بشكل جنوني ولله الحمد، يا اني ادخل من الميك اب اللي انا اسويه. او ادخل من الاعلانات فكنت مدخله خير الحمد لله وصرت معروفه اكثر لكن لا زلت موثقه. ولا يهمني التوثيق دام ان الخير ماشي زي اللوز الحمد لله، فذيك الفتره القويه بالنسبه لي كنت اشوف هند متضايقه. ولا كنت ادري وش فيها وش تمر فيه، قلت خلوني اتجاهلها اليوم الاول ورحت اشيك وضعها اليوم الثاني صار اسوا وتجاهلتها. لكن اليوم الثالث كان اليوم الاقوى، كل ما لها تزيد فيها الكابه حسيت ان الموضوع زاد عن حده شوي. رحت عند هند بغرفتها وكان اخر الليل، طقيت الباب ودخلت عليها، قالت ايش فيك تطقين الباب بقوه؟ قلت ايش فيك بسم الله، قالت امي نايمه ثاني شيء لو انا نايمه بتخرشيني زي كذا؟ قلت يا بنت الحلال ابيك بموضوع، قالت نعم ايش فيك؟ قلت انتي اللي وش فيك الحين؟ وايش تحسين فيه ليه وضعك متغير كذا؟ قالت طفشت، قلت من وش هو طفشتي؟ قالت زهقت، قلت من وش هو زهقتي؟ قالت لا وظيفه ولا شيء، قلت طيب ومشروع التصوير؟ قالت صح انك اعطيتيني المشروع كامل لكن تراه ما يدخل ذهب نفس ما كنا احنا ماسكينها. الشيء الثاني انا فكرت خلاص قلت وش فكرتي؟ قالت ما ابي اكلم البنات اللي ماسكين المشروع حقنا. وابيع عليهم الاغراض كلها يشترونها وانا ابي اشتغل معاك يا ريما، قلت طيب حياك الله اشتغلي معي. بكره اشرح لك الميك اب كله، قالت لا ابي اشتهر، قلت انتي ما تحبين الشهره اصلا يا هند، قالت الا ابي اسوي يومياتي. واجرب وضعي وانت تسوقي لي، قلت خلاص هم يعرفونك اصلا بس ترى ما راح احط بسنابي ان هذا حساب اختي ويلا ضيفوها لا بحط حسابك على كل مره تطلعين معي فيها عشان الناس تبدا تضيفك صدق وكانك انتي ما تهمه للشهره. وانتي شدي حيلك اكثر وانا بساعدك لا تشيلين هم، هنا هند عدلت جلستها قالت والله، قلت اي والله اكيد ما عليك. قالت طيب وش اصور، قلت صوري يومياتك نفسي بس المشكله وش بيكون محتواك؟ قالت عادي بشوف لي اي محتوى، قلت لا اسمعيني جزء من سناباتي تكون هي نفس سناباتك يكون هذا احسن. يعني تكمله الميك اب حق العميله اللي ترضى بالتصوير اللي انا اسوي لهم ميك اب، تكون التكمله هذه عندك وبدايه السنابات عندي عشان المتابعين نفسهم يتحمسون. وما عليك يا هند انت شخصيتك كوميديه اصلا الناس بتحبك، قالت والله هذا شورك، قلت اي والله يلا سوي حساب. قالت لا بحسابي هذا نفسه، قلت بكيفك اللي تشوفينه خلاص تم، طبعا بالنسبه لاهلي كلهم موافقيننا. وابوي موافقنا ولا احد عنده مشكله لانه فعلا اصلا انا محتواي نظيف ومحترم مره. عدت الايام وهند تصور وانا انشر حسابها يوم ورا يوم وبديت اجيب لها اعلانات. وبدت تعلن وتصور وتوثق تغيرت حياه هند بشكل افضل وبفتره بسيطه خلال شهر ونص تقريبا ما شاء الله. بيوم من الايام وبهذيك الفتره صحيت من النوم على صرخه مستحيل انساها. صراخ صراخ قوي يا اخوان والصرخ هذا من امي بسم الله الرحمن الرحيم، فتحت باب غرفتي انا دي امي يما يما. رجع لي نفس السيناريو اللي انا تخيلته بالضبط نفس ما جاء على بالك تذكرت امي يوم انها طاحت في المطبخ. الا والقى باب غرفه امي مفتوح واسمع امي تصرخ وهي منسدحه على السرير قالت العامله هذه انا ما ابيها. قلت ايش فيك يا يمه ايش صاير بسم الله، قالت قليله الحياه اللي جت تقومني تمسكني مع المكان اللي يوجعني. واكثر من مره اقول لها وكل ما زادت صرختي والالم اللي انا اعاني منه تزيد وتشد اكثر. هذه مجرمه مجرمه الله ينتقم منها وتقعد تكحكح امي واقول يمه اذكري الله فيك ضغط يرحم امك اذكري الله. قالت ودوها ودوها الحين، قلت يا يما اخر الليل شلون نوديها، قلت وين هي فيه هي الحين؟ قالت توني متصله عليها عشان تصحيني لدوره المياه لكن ليتني وريتك طريقتها. حسبي الله عليها ونعم الوكيل، حسبي الله عليكم كلكم ولا واحده فيكم سنعه ممكن تقوم بواجبي. ويش سويت لكم انا عشان تقطوني على العامله كذا، قلت يمه انا قلت لك ذاك اليوم انا اللي بساعدك. لكن ابوي كان رافض مره وهو اللي جاب العامله، قالت ووديها مع السواق الحين للمطار. الحين، قلت يمه لازم تذاكر ولازم امور كثيره، قلت ما اقدر اتصرف انا ابوي اللي يتصرف. قالت ابوك مسافر حسبي الله عليه معكم، قلت يمه اذكر الله بكره ان شاء الله انجز الموضوع. الا هند تطلع معصبه من الصراخ وانه طار نومها، قالت ايش فيكم عسى خير؟ قلت امي معصبه عشان العامله، الا امي تتكلم قالت الحين يا قليله الادب انتي اكبر واحده. ما تبين تساعدين امك ولا عندك قرار ولا عندك شخصيه تتبينها لي، امحق تربيه حسبي الله عليكم واحده ورا الثانيه. الا هند تتكلم قالت اسمعيني اسمعيني، انا انسانه مشغوله مره، وجدولي مزدحم لابعد درجه. وبصراحه ما اني فاضيه اني انا اصحى من نومي واخرب نومي عشان اصحي واحده تبي تروح للحمام. وبعدها ارجع اكمل نومتي المتقطعه، انا حياتي بصراحه مسؤوله عنها وترى ما قصرنا معك يا يمه. جبنا لك العامله هذه وخلاص، يعني المفروض البيت يكون هدوء بصراحه، الواحد ما يعرف ينام هالفتره اقسم بالله. انا اناظر بهند قلت انتي من جدك تتكلمين كذا، امي ساكته ومنصدمه من كلام هند. وتجي امي تتكلم قالت عيدي عيدي كلامك ما سمعتها، عيدي كلامك اذا فيك خير، هند ساكته ما تبي تتكلم. قالت والله انكم دراما كلكم انا بروح انام احسن لي، امي تناظرها باحتقار وترجع تناظرني امي قالت روحي غرفتك يا ريما روحي. قلت لا بنام عندك عشان لا بغيتي شيء، قالت ما ابي شيء الله ياخذ امانته ويفكني منكم روحي نامي بغرفتك. حسيت اني ثقيله عليكم، حسيت ان ما حد فيكم يبيني اكون موجوده بالبيت. قلت يمه يرحم امك ما له داعي الكلام اللي قاعده تقولينه، خلاص بجيب فراشي وانام عندك واذا بغيتي اي شيء صحيني. قالت انت سمعتي هند وش قالت؟ قلت سمعت كل شيء ما عليك، قالت امي الا بسالك بالحي القيوم. انا قصرت معكم بشيء، الا وتنزل دمعه امي، قلت يا يمه والله انك ما قصرتي بشيء والله. قالت ما اعطيتكم كل اهتمامي يوم كبرت هجرتوني وقطيتوني على العامله. انا وش سويت لكم عشان تسوون ذا كله؟ قلت يا يمه اقسم بايات الله انك ما سويتي شيء. وما عليك حقك باخذه والله لا اخليها تعتذر، قالت لا لا لا الله يسعدك. ما بيها تعتذر ولا ابي اشوف رقعه وجهها لا هي ولا هالعامله يا ريما انا احتاج ارتاح هالفتره. يعني عشاني تعبانه كل واحد فيكم بدا يستقوي علي، قلت يمه انتي فيك ضغط وسكر الله يسعدك. يا يمه ارتاحي لا يرتفع فيك الضغط، قالت الا خليه يرتفع انتم تدرون عني اذا يرتفع ولا نزل اصلا. كل واحده فيكم مشغوله بحياتها، اي ما اقول الا الله يهنيكم بس لكن تذكروا ان الدنيا هذه كلها ايام معدوده. اليوم انا معكم بكره انا تحت الارض، بيفيدكم الندم وقتها او وقتها ما راح تندمون وتنسوني. انا هنا ضاقت فيني الدنيا ورحت لين عند امي وحبيت راسها وغطيتها وساعدتها انها تنام. قلت لحظه يا يمه لحظه الله يخليك دقيقه وبجيك وقلبي خفقاني يدق بقوه. واروح وادخل وافتح غرفه هند وافتح الانوار، قالت خير خير ان شاء الله، قلت اسمعيني الكلام اللي سمعته منك وتقولينها لامي ممكن افهم وش اللي غيرك؟ قالت اسمعيني انتي لو شفتك فاتحه الباب كذا مره ثانيه اقسم بالله لا اكسر يدك تفهمين؟ قلت مو عشان كذا انا جايه هذا كلام تقولين لامي ثاني شيء وش فيها لو قمتي انتي وساعدتي امي؟ قالت ريما اطلعي برا ابي انام بكره عندي اعلان، مو ناقصه اصحى وانا تعبانه اطلعي برا. ازعجتيني ترى انتي وامك اطلعي وقفل الباب، قلت شلون ربي بيوفقك بشغلك. اقسم بايات الله لو ادري ان الشهره بتغيرك كذا وجلال الله كان خليتك انسانه ما حد يعرفك. اخ يا وجع قلبي الشهره تغيرك على اهلك يا هند، قالت اقول لك اطلعي برا وقف لي الباب. ولو اسمع واحد يصرخ فيكم اقسم بالله لا اطلع واسكن برا لحالي، قلت يلا قومي. قومي وريني شطارتك يلا، روحي اسكني برا والله لاعلم ابوي عليك، قالت تحسبيني بهتم يعني؟ حياتي وانا حره فيها، شفت اللي براسي هذا اسوي اللي ابي فيه، ما قدرت امسك نفسي ورحت عند امي على طول. تكلمت وعلمت امي بالموضوع كله وليتني ما تكلمت، قالت ناديها الحين، واروح عند هند قلت امي تبيك. قالت اقول لك فارق انتي وامي وقفل الباب، قلت ذي امي احترمي نفسك، اقسم بايات الله لو ما تقومين الحين من مكانك. وجلال الله لا اسوي النون وما يعلموني يا هند، اجي عندها وامسكها، قلت اسمعيني زين. انا ما ابي اشترك في جريمه فيك قومي اخلصي روحي شوفي امي وش تبي منك، وتقوم وهي معصبه وتدخل على امي. قالت امي ودك تعيشين لحالك بالظاهر صح، قالت هند ولو ابي اقول لك ابي اعيش لحالي ايش بتسوين؟ قالت بدعمك وانا من اول الداعمين تبين تطلعين بهالوقت؟ قالت اي بطلع بهالوقت ايش عندكم؟ وانا اناظرها مستغربه ايش جاها البنت؟ هي انسحرت ولا وش جاها ايش في امها كذا؟ قالت امي طيب يلا خذي اغراضك واطلعي وهند ساكته، الا امي تصرخ قالت اطلعي الحين. يلا وريني شطارتك يا بنت الشوارع، اطلعي من البيت ويش تنتظرين؟ اقول لك شيء يا هند انتي والشر اللي فوق صرتوا بعيوني كلكم بنظره واحده. فارقوا عن وجهي يلا وتحسبيني بنساك من الدعاء والله وت الله ما راح انساك، واذا ما اخذت حقي بالدنيا منك. ربي بياخذه منك باليوم اللي بنتتقابل فيه انا واياك عند رب العالمين، روحي شيلي عفشك يلا فارقيني وريني شطارتك. وتطلع من الغرفه معصبه وتروح للغرفه وانا قعدت عند امي لين غفت عيونها، بعد ساعه تقريبا رحت لهند بغرفتها. الا وهي تفتح جوالها وتطلب سواق يجيها، قلت وين بتروحين انتي ابي افهم يعني ابوي لو درى وش بتقولين له؟ قالت قولي اللي تبين وانت اسمعيني لا اشوف منك اتصال ولا اشوف منك شيء فاهمه، قلت وين بتسكنين علمني؟ قالت ما لك علاقه اسكن ما اسكن مثل ما طردتوني من بيتنا ما يحق لكم تعرفون انا وين بروح. قلت واخواني يا مجنونه ايش بتقولين لهم؟ انتي مين اللي غاسل مخك ابي افهم، قالت الله يعافيك ما يفرق معي الكلام هذا كله وما احتاج كلام اكثر لانه راسي بينفجر. اخوانك تصرفي معهم، امك تصرفي معها، ابوك تصرفي معه، انا بسوي اللي ابيه وبزيدك من الشعر بيت. انا ما اظن اني بعيش هنا اصلا بطلع برا، قلت اوه يعني بتهجرين مره واحده، قالت بهجر وبتمشى بسكن بالشارع بسكن على رصيف ما حد له دخل فيني ممتاز؟ واخذت شنطه مو كبيره مره وطلعت من البيت وانا الحقها لين الحوش، وين بتروحين ابي افهم؟ الا وتركب مع احد السواقين التوصيل واطلع فوق لغرفتي ابي البس عبايتي عشان اشوف والحقها. او على الاقل اكلم الرجال ما يتحرك، وانزل من الدرج بسرعه وافتح باب الشارع الا وهي راحت. اتصلت على ابوي على طول الا جوالها مقفل، رحت اركض عند امي قلت يمه هند راحت راحت. قالت خليها انا ابيها تروح، قلت وش اللي ابيها تروح؟ قالت تفهمين كلامي ولا لا؟ قلت لك البنت هذه انا ما ابيها بالبيت، قلت وابوي ايش نقول له؟ واخواني ايش نقول لهم؟ قالت انا اساسا شايفه عليها موقف الاسبوع اللي راح ومن الاسبوع اللي راح وانا عارفه انها هي ما هي بنتي. لانها لو بنتي صدق كان ما سويت الشيء وانا نايمه، قلت يمه وش سوت؟ قالت اقسم بالله ما اتكلم، قلت يمه علمني، قالت انا حلفت بالله ما اتكلم، قالت لي هي علمتك وش سوت؟ قلت لا ما علمتني، قالت طبيعي ما راح تعلمك لكن مو هذا موضوعنا، قلت يمه وش اللي مو هذا موضوعنا وش سوت علمني؟ قالت والله ما راح اتكلم، لكن قسما بمن احل القسم اني ما راح اسامحها ليوم الدين. قلت طيب ابوي وش نقول له؟ قالت ابوك لو قلت له الصدق بيوقف معي لانه درى عن الموضوع وانا حلفت بالله انه ما يسوي شيء. عشان كذا بيوقف معي الحين، ويدري ان طردتها من البيت هي القرار الصح، قلت يا يما هذه بنت ما هي برجل. شلون نطردها من البيت كذا الله يرحم امك، قالت خليها تتادب وما ردها بترجع لبيتها. قلت يمه البنت بتضيع اقسم بالله، لا تنسين ان شهرتها صارت قويه مره الحين، حياتها ما راح توقف وتعلن وبتنبسط وبتجيها فلوس يا يمه. البنت لا تضيع بتشوه سمعتنا اقسم بالله، قالت اقول لك خليها ولا ترسلين لها حرف واحد. اقسم بالله ما اسامحك ولا احلل لك لو ترسلين لها شيء، انا هنا دموعي نزلت ولا ادري وش اسوي. قالت اسمعيني بكره تروحين للمكتب، ابوك بيرسل لك عنوان المكتب اللي تروحين له. تاخذين العامله معك وتسفرينها، شوفي وش الطريقه اللي يتفاهم معك ابوك فيها انا ما ادري كيف. لكن العامله ذي انا ما ابيها بالبيت، قلت يمه انتي مستوعبه ايش قاعده تسوين؟ قالت الحمد لله مستوعبه انتم اللي مو مستوعبين ايش قاعدين تسوون فيني، حسيت ان قلبي يلا ينبض من المواقف اللي قاعده تصير. نمت ذاك اليوم وانا ما ادري هند وين راحت، صحيت العصر من التعب اللي انا فيه. الا امي صاحيه ومروقه مره مع العامله، قلت ها يا يمه وديها، قالت لا خلاص رضيت عنها. انا هنا شكيت ان امي تتخذ قرارات بدون انتباه، قلت طيب يا يمه ترى هند راحت، قالت لا تجيبين طاريها. ما تفهمين انتي ولا لازم اشرح كل شوي، قلت الا فهمت خلاص ابشر، عدت الايام. وابوي درى بالموضوع وخلاها على راحتها لكن كنا نراقب سناباتها وكنا نراقب طريقتها بالميك اب. وطريقه اعلاناتها وطلعت فعلا مسافره لدوله ثانيه واستقرت هناك وترجع شوي وتستقر هناك وترجع شوي. انا وقفت شغلي كله ووقفت مشاريع اللي كنت اشتغل فيها، سنابي وحذفته ولا صرت اصور شيء واختفيت عن العالم كله. لكن اختي لا زالت توثق يومياتها وتصور الى يومكم هذا، اللي انا بيوم من الايام اشهرتها وزدت متابعينها. جحدتني انا واهلي كلنا بيوم واحد، صدق من قال ان الشهره سلاح ذو حدين، يا اما تستخدمها لشيء يفيدك. او شيء يضرك انت واهلك ما اقول الا حسبي الله ونعم الوكيل، عدت السنين كلها والبنت ما شفناها لهالحين. ما تبروا منها اهلي لكن منتظرين رجعتها وبالمناسبه ترى الموضوع عند خالاتي وعماتي. ان احنا مصرحين لها انها هي تعلن وتشوف شغلها مو معناته انها هي ما تجي واحنا ما نشوفها. امي حاليا تعبانه مره والعامله قررت انها هي اللي تسافر لانها ما صارت تتحمل موضوع امي. صرت انا اللي مع امي بشكل مستمر واساعدها باستمرار ولله الحمد، رسالتي الوحيده اللي ابي اقولها. اذا انتي شفتي القصه هذه يا هند ترى امي تعبانه مره وعلى كلام الاطباء انها على اسابيعها الاخيره. الاعمار بيد الله ولا نقدر نقول شيء لكن وضعها الطبي سيء مره وترا ابوي جاه مرض السكر يا هند. والسبب كله من التفكير فيك، اذا كنتي تشوفين القصه وعرفت اللي صار حاليا، اتمنى بس لو ترجعين تعتذرين لامي. ما نبيك تعتذرين لنا كلنا، ابيك تعتذرين لامي لا اكثر ولا اقل، وابشرك ترى اخواني كلهم يحسبون ان انتي عندك وظيفه وانك انتي استقريتي بعيد عنا. وبكل مره يقولون نبي نكلمها احنا نقول تعبانه ما تقدر، المهم اتمنى انك تعتذرين لامي وتجين لانها بدات تنسى ما صارت تعرفني بشكل طبيعي. الزهايمر سيطر عليها للاسف يا هند، انا سالتكم بالله العلي العظيم ان ما حد فيكم يتبحث ويحاول يعرف مين هي اختي. ولا ابي احد فيكم يضرها او يقرب منها، لا تضرون احد لانه بكل قصه تدخلون على احد المشاهير وتتوقعون انه هو المشهور المقصود. وبالاخير ما يطلع هو اساسا، لذلك لا تتدخلون باي مشهوره او تضرونها، كل اللي ابيه منكم. تكتبون رساله توصلون لها هند اللي الشهره غير تفكيرها للاسوا للاسف، من ذيك الحادثه الى يومكم هذا واحنا ما شفناها. نشوف يومياتها لا اكثر ولا اقل للتذكير واتمنى تركزون على كلامي، جميع الاسماء المذكوره بالقصه وهميه. اكتبوا نصائحكم ورسائلكم تجاه هند لعل القصه توصل لها وترجع لنا بالسلامه. او لا ترجع لنا على الاقل تعتذر لامي بس، والله العظيم كلنا مسامحينها بس نتمنى رجوعها باسرع وقت. مو عشان خواطرنا عشان خاطر امي والله العظيم ما احتاج نصائح تجاه حياتي الشخصيه. وان كملي شغلك وكملي شهرتك ما احتاج هذا الكلام نهائيا، ممكن اني اتوظف مستقبلا واعيش حياتي بخير باذن الله. لكن اللي بوصل لكم اياه ترى هند انسانه تعشق السوشيال ميديا وانا عندي ثقه بالله ان القصه هذه بتوصل لها. عشان كذا انا متاكده انها بتشوف تعليقاتكم كلكم، فلا تبخل علينا انك تكتب رسالتك تجاه هند. بالاول والاخير لا تغركم الدنيا على اهاليكم وحافظوا على صلاتكم واذكاركم لانها هي اللي تبعد الافكار السيئه عنكم. الله يحفظنا واياكم يا رب العالمين ودعواتكم لامي بالشفاء العاجل الله يسعدكم، في الختام اتمنى ان القصه عجبتكم ونالت على رضاك يا عزيزي المشاهد. وانا اسف جدا على الاطاله، رابط منصه اكس ام موجوده بالوصف، لا تتردد انك تسجل بعد ما تفكر وتخطط صح. هذا رابط سنابي طال عمرك شرفني هناك وضيفني والاهم من هذا كله لا تنسى تعطيني لايك وشير وكومنت خفيف لطيف يحفزني اني انزل اكثر. واهم شيء لا تنسى تشترك بالقناه وتفعل الجرس عشان يكون عندك خبر لما انزل قصه جديده اشوفك على خير.
