طاسة كبدة الحاتي , الكبدة بالبصل 🧅 🌶 احلي بكتيييير

[0:00]لو جربتوا تعملوا الكبده بالطريقه دي مش هتغيروها وهتعتمدوها مش هتعملوا غيرها بعد كده. عندي كيلو من الكبده البقري متقطع مكعبات صغيره بالشكل ده. قطعت عليه حوالي اربع او خمس بصلات صغيرين. انا بحب عموما البصل الابيض اكثر في الطبيخ بس ما كانش عندي

[0:23]فخدت وحدتين من البصل الاحمر وبرضه طلع كلهم طعمهم حلو. بقطع كل الخضار مكعبات صغيره خالص عشان انا عايزه كمان خصوصا البصل يكرمل كده ويديني طعم والحاجه تذوب بسرعه عشان الكبده اصلا مش بتحتاج سوا. جهزت البصل وعندي كمان فلفل احمر رومي، ده مش حراق بس يعني عامل زي الرومي بس ده بيبقى صغير شويه وفي تذكيره بسيطه وعندي كمان شويه من الفلفل الاخضر الحامي. عندي ليمونه كبيره زي ما انتم شايفين كده حبتين او ثلاثه صغيرين من الطماطم وحوالي 10 فصوص من الثوم هقول لكم هنعمل بيهم ايه. قطعت كل حاجه صغيره بالشكل ده. وكده تمام الخضار جاهز عندي. تعالوا بقى نحضر التتبيله اللي هنعمل بيها الكبده. عندي حوالي 10 فصوص من الثوم، هحط عليهم شويه من الفلفل الاخضر اللي احنا قطعناهم، خدت نصهم تقريبا. عصير ليمونه كبيره ومعلقه كبيره من الخل ورشه بسيطه من الملح وطبعا اساسي انتم عارفين معلقه صغيره من هريسه الشطه هسيب لكم اللينك بتاعها تحت الفيديو للناس اللي ما شافتش الطريقه بتاعتها. هضرب كل الكلام ده مع بعض في الخلاط يبقى يعني خليط خشن بالشكل ده. زي ما بيضربوا كده في الهون بس انا بعمله في الخلاط يبقى بالشكل اللي انتم شايفينه ده ما بيبقاش ناعم قوي يبقى يعني وسط كده. في طاسه بقى على نار عاليه جدا هحط معلقتين كبار من الزيت او حوالي ثلاث معالق وهننزل الاول بالبصل علشان نكرمله. في العادي احنا بننزل بالكبده عشان نديها صدمه المره دي هننزل بالبصل الاول علشان يتكرمل ويسكر كده ويدي طعم الكبده. وهنتبل برشه بسيطه من الملح يعني نص معلقه صغيره ومعلقه صغيره من بهارات الكبده ومعلقه صغيره من الكمون.

[2:16]ايوه انا بحب احط كمون على الكبده وبحب احطه على كل حاجه. بهارات الكبده فيها كزبره وفيها يعني تشكيله كده من البهارات هتلاقوها عند العطار او اكياس السوبر ماركت بتدي طعم تحفه. احنا عملناها قبل كده برده في الكبده اللي احنا عملناها عملنا عملنا انواع كبده كتير يعني. بوسع في نص الطاسه الحركه بتاعتنا كتير بيسالوني ليه بتعملي الحركه دي وهحط معلقتين من الخليط اللي احنا عملناه اللي هي التتبيله بتاعه الكبده. انا بحب اوسع نص الطاسه علشان خاطر الحاجه تنزل تاخذ سخونيه الطاسه تاخذ صدمه من الطاسه نفسها فما تنزلش على الحاجه اللي موجوده فما تتحمرش كده بيساعد الثومه انها تتحمر اسرع. بقلبها الاول في النص وبعد كده بقلب كله مع بعضه خلاص البصله دبلت والثوم ريحته تطلع هننزل بقى على طول بالكبده وهنا مش بتهدي النار خالص كل ده على نار عاليه. بقلب الكبده مع الكلام ده كله كده لحد لما تبتدي تدخل في السوا. وهتلاقوا كده لونها اتغير والريحه بدات تظهر يعني ثلاث اربع دقايق مش اكتر من كده الكبده مش بتحتاج سوا وبعد كده هنزل بباقي الخلطه احنا خدنا معلقتين هننزل بباقي الخلطه كلها نيه كده وهقلبها مع الكبده. طبعا انتم متخيلين هنا الريحه عامله ازاي خلاص بقت تشكشك ودخلت كده في السوا هننزل عليها بكل الخضار اللي احنا عملناه الطماطم والفلفل اللي احنا كنا مقطعينهم في الاول وهنقلبهم ومش هنسيبها كتير. دقيقتين ثلاثه كمان وهنقفل عليها وخلاص كده هي جاهزه معانا. خطوه اخيره ارش عليها رشه بسيطه من بهارات الكبده اللي قلت لكم عليها الرشه الاخيره دي بتدي بقى طعم تحفه وبتدي كده نكهه اقوى وتقليبه كمان وخلاص كده. بعمل ايه جنب الكبده بحمر شويه بطاطس ومخلل وطبعا اساسي طحينه سواء هتتاكل مع رز او عيش فينو يعني بحب اعمل كده جنبها شويه حاجات. الخطوه بقى اللي هتاخد الكبده دي في حته ثانيه خالص بكون مسخنه كده حته فحمه على البوتاجاز بحطها في الكبده وبنزل عليها بمعلقه صغيره من السمنه بوطيها وبسيبها 10 دقائق. بيطلع طعمها تحفه وبتبقى عامله زي الكبده الحاتي بالظبط بس معموله في البيت بقى وعارفين الكبده مصدرها وطعمها فوق الروعه. الكبده بالبصل احلى كتير من الكبده اللي هي بالثوم بس اللي احنا بنعملها الاثنين حلوين بس دي كان طعمها تحفه بجد. حلوه جدا جدا حتى ولادي اللي مش بياكلوا كبده عجبتهم واكلوا منها شويه. متاكده ان شاء الله ان انتم لو جربتوها بالطريقه دي هتعجبكم وهشوفكم على خير في فيديو جديد ووصفه جديده.