[0:35]ويا مرحبا ويا اهلا فيكم من بيتي الجديد اهلا وسهلا نورتوني الفيديو هذا يعني كيف بدي احكي لكم مزيج من المشاعر مختلط بين الفرح بين السعاده وبين كثير امور فحبيت اشارككم خطوه بخطوه وهون بنقدر بنحكي اول فنجان قهوه في بيتي الجديد طبعا البيت انا استلمته شوي بده ترميم بده يعني مش ترميم بده شويه شغل فحبيت اشارككم شويه هاي الامور كيف بديت في هذا البيت من الصفر وكيف بدي اخليه جنه فاللهم اجعله منزلا مباركا عامرا بالذكر والقران اللهم حصن هذا البيت من كل سوء وشر ولا تجعله منزلا للعصيان
[1:39]وبين الكركبه وبين الفوضى وبين الدهان يوجد احلام صغيره عم تبنى وبتكبر وهون بناتي وبنات اخوي قاعدات بيلعبوا فحبيت هيك اصور لكم البيت قبل طبعا هي غرفه بدنا نظبطها شوفوا لي كيف الرطوبه وكيف الدهان رايح حكيت لا لازم تترتب وتصير هيك كيف انا ما بحب والحلو بالبيت الجديد انه هو بعماره اهلي يعني انا واهلي جيران انا والقمر جيران انه حد اهلي وهيك احسن وامان فكثير مبسوطه وهون بصور لكم الكراتين اللي فيها قزاز للنقل وهيك فشوفوا لي كيف الفوضى شوفوا لي كيف الشغل اللي اشتغلناه هون بلشنا نحف الدهان من الدهان مقشر الحيطان الدهان مقشر فهيك بلشنا يعني صورت لكم خطوه بخطوه شوفوا لي كيف بحال الغرفه يرثى لها
[3:04]ويا صباح الخير ويا صباح السعاده من يوم جديد طبعا هذا اليوم هو يوم الجمعه متوجهين لعزبه اهلي في قريه رابا بدنا نروح هيك عائله في بعضها بدنا نسوي صاجيه فحبيت اصور لكم الاجواء الطبيعه والربيع وطبعا طول الطريق بتلفت يمين شمال وبشوف الخضار والجمال بقول سبحان الخالق خلق فابدع سبحان الله جد يعني راحه نفسيه السماء صافيه اللي غيوم صافيه الخضار جد جد بسم الله ما شاء الله راحه نفسيه وهون احنا حاليا تقريبا حد الجامعه الامريكيه شوفوا لي بسم الله ما شاء الله الاجواء جد خياليه حابه اتشكركم على الكلام اللطيف بالفيديو الماضي حاولت ارد على التعليقات والتعليقات البعضها مثل ما عارفين يعني مشغوله في نقل البيت فشكرا لكم لكل شخص كتب لي تعليق حلو وفي بعض الصبايا حذروا بالفيديو الماضي حكوا لي انه انت رح تنقلي على بيت جديد نعم صحيح صح كلامكم حاولت هيك المح لكم اكم من فيديو انه بيت جديد ليش ما بصور في بيتي ففي صبايا والله شطورين وحذروا وهون احنا حاليا كنا في مفرق الزبابده متوجهين على قريه رابا شوفوا لي بس الجمال والخضار والجبل كيف ما شاء الله بسم الله ما شاء الله جد لوحه فنيه سبحان الخالق سبحان الله مهما بردت الروح ومهما هطلت الامطار ومهما ازدادت العواصف سوء راح يجي ربيع لقلبك ويخليك تزهر من اول وجديد يعني مثال حي لانه بعدنا بعد العسر يسر مهما اجت الشتويه واجا المطر كثير واجا الفيضانات واجا البرد جد يبرد هيك القلوب واجت عواصف غريبه عجيبه بعد كل هذا كله راح يجي لك الربيع الدافي اللي راح يخليك تزهر وترجع من اول وجديد تبلش على رجليك وتحمد الله وتشكره ان بعد العسر يسر سبحان الله كيف وهون وصلنا لقريه رابا شوفوا لي بسم الله ما شاء الله هيك قريه هادئه اهلها طيبين كثير بحبها انا صراحه هي الارض بتقع بين رابا وجلكموس عالم ثاني هون انا هون بنسى حالي جد يعني انا بستجمع طاقتي وهيك يعني كيف بدي اشرح لكم الطاقه السلبيه بتطلع مني هون هواء نقي طبيعه ما في ازعاج ما في ناس كثير فجد هي الحياه اللي انا بدي اياها وهون اول ما وصلنا بلشوا يقطعوا الحطب على شان بدنا نعمل الصاجيه على حطب وهون بنوتي بيلعبوا وهون حبيت امشي كان شوي ببرد كنت لابسه هيك شيء خفيف بس الهواء نقي حسيت اني رجعت لتوازني فكرت كثير درست شويه اشياء في حياتي وانبسطت جد بهذا المشوار طبعا هون شوفوا كيف حطينا الحطب وحطينا فحم وكمان الغصون الشجر اللي الصغيره على شان بس نولع النار كله مع بعضه هيك يتجمر يتولع شوفوا كمان هيك بسم الله ما شاء الله هون لا بد من الاشياء الزاكيه وقت ما انتظار الاكل انا هون كنت باكل شيبس فلسطيني او من مصنع القسراوي كثير زاكي وبس شوفوا لي هذا المنظر ما في ولا بني ادم هيك بس هدوء هدوء وصوت الطبيعه راحه نفسيه هون بعد ما غسلنا الصاجيه منيح والحطب تجمر عندنا او تولع وما بعرف شو بحكوا خلص صار جاهز هون بنحط الصاجيه تسخن على الاخر بنضيف عليها زيت زيتون شوفوا لي طبعا ماما الله يرضى عليها على شان ما تخلينا ننشغل في هذا اليوم كانت محضره كل شيء من البيت يعني البصل كانت مقطعته جوانح وحاطته على جنب الفلفل الحلو الفلفل الرومي كانت مقطعته نفس الشيء الثوم نفس الشيء فيعني بس كل شيء موجود بس نحطه في الصاجيه ما نتغلب ابدا حكت انه هذا اليوم بس نضلنا هيك نستمتع بالاجواء وبس بالتصوير وهيك الله يسعد لي قلبها ماما وهون كنا ناسيين المعلقات الخشب على شان نحرك فيهم الصاجيه فحطينا اول شيء بصل جوانح والثوم وهون بلشنا نسقط عليهم الفلفل الرومي وهيك بنحركهم منيح احكوا لي انتم بتحبوا اجواء الطبيعيه بالطبيعه ولا بتفضلوا الكافيهات والم منتزهات وهون بس حسينا انه الخضار ذابوا عندنا من نبلش نحط عليهم ملح وشويه من البهار اللي بتحبوه وبتقلبوهم منيح على شان ما ينحركوا لانه هذا مو غاز عشان نوطي الحراره ونعلي الحراره فبس شوفوا لي يعني جد جد الريحه لو توصلكم الخضار هيك مع زيت الزيتون نكهه خطيره وهون بعدين بنصير بنحط عليهم اللحمه اللي بدنا اياها طبعا هون ضفنا احنا حبش وبنقلبهم منيح وحطينا كمان فلفل حار بنكون هيك مشرحين ومن الجنب على شان نكهته تنزل وهون بلشنا نحرك بالعود الشجر هيك كيف يعني كل شيء طبيعي
[9:17]شوفوا لي بس كيف الريحه توصلكم بس وهون كمان ردينا ضفنا شويه ملح وشويه من البهار فوق اللحمه وشويه من المي على شان ينطبخوا براحتهم وما ينحركوا وكمان هون ضفنا بابريكا فيكم تحطوا بابريكا حاره او بابريكا حلوه الخيار بيرجع لكم المهم الاصناف اللي انتم بتحبوها بتضيفوها
[9:47]شوفوا لي بسم الله ما شاء الله جد كثير انبسطنا في هذا اليوم وهون يعني شفنا انه بدها شويه ملح وضفنا عليها وبعد هذه الخطوه من نبلش انضبط المكان للقاعده على شان يبلش افتراس الاكل وهون اجيت اذوق الاكل انه استوى ولا لا وكانت ماما الله يرضى عليها عامله لنا بطاطا مقليه من البيت وجد جد ما شاء الله الاجواء العائليه لا تفوتوا ولا دقيقه منها جد كل ما يصح لكم مشوار مع عائلتكم مع حبايبكم ما تحكوا انه مشغولين او بعدين او يوم ثاني لا تخلوا اللحظات الحلوه تروح من عندكم
[10:35]واستمتعوا في كل لحظه في حياتكم وهون كمان اجينا نعمل قهوه على الفحم اذكى قهوه بالحياه نكهه غير شكل الحمد لله الحمد لله حمدا كثيرا طيبا مباركا ما تنسوا تحمدوا الله على النعم الموجوده بين ايديكم فاحمدوا الله في السراء وكمان في الضراء فالحمد لله حمدا كثيرا طيبا
[11:12]وبعد فتره من الزمن حطينا بريك الشاي بدنا نعمل زهورات طبعا الزهورات عباره عن نعناع والروزماري اللي هو شو بنحكي له احنا حصى اللبان شوفوا لي هالقمحات بسم الله ما شاء الله جد حسيت حالي اني انا كيف بدي احكي لكم بروسيا بسويسرا جد بسم الله ما شاء الله هي المنطقه كثير كثير كثير بحبها
[11:45]واكيد يعني لازم يقهروني ويخربوا لي التصوير بس مع ذلك عادي مستمرين سبحان الله كيف الرحله مع العائله والطلعات بتغير الجو وتخلينا هيك نشحن طاقه وانا جد لازمنا هذه الطاقه ليش لانه نقله بالبيت بتعرفوا نقله بالبيت مش مش بالسهل وزائد هذا البيت بده شغل كمان يعني بده دهان وهيك تنظيف فالموضوع اكسترا تعب شوفوا لي هون ما شاء الله الخروب انا من الناس اللي بتحب عصير الخروب رمضان شوفوا لي بسم الله ما شاء الله هيك هو لساته اخضر بس يصير لونه بني يعني هيك نشف واستوى بتنشف وبتسووا عصير كثير كثير طيب بسم الله ما شاء الله اللهم زد وبارك يا الله وهون اتوقع انه هي اسمها الجعده النبات الجعده هيك مر كثير كثير مفيد وهون بنكمل جولتنا في الاراضي اللي حد عزبه اهلي
[13:37]وهون جيران اهلي بالعزبه كانوا مربيين بط فاجينا نتفرج عليه شو هو بسم الله ما شاء الله وادي بنتفاجئ انه الغنم اللي عندهم صافنين فينا فكان هيك جو يعني كيف احكي لكم منظر كثير عفوي وكثير ضحكنا انه يعني انه مين هذول وين جايين فجد يعني والله مشوار من العمر كثير كثير انبسطنا والبطات كثير حلوين بسم الله ما شاء الله يعني رحله متنوعه بين الحيوانات وبين الطبيعه وبين الجو الحلو فالحمد لله وما بنطلب الا الامن والامان والاستقرار فاللهم دم علينا الامن والامان والاستقرار وابعد عنا كل مكروه يا الله وكمان من التعليقات بالفيديو الماضي انه رغد اشتقنا لروتيناتك في بيتك اشتقنا لتصويرك في بيتك فان شاء الله بس هيك اخلص الشغل البيت اللي في ايدي بيتي الجديد
[14:55]وبصير التصوير احلى واحلى لانه هون في ميزات في هذا البيت ما موجوده في هذاك البيت يعني في اشياء حلوه حنعملها في هذا البيت والتصوير راح يكون احلى فانتظروني في احلى فلوكات واحلى فيديوهات واحلى روتينات ويسعد لي قلبكم يا رب وكمان ونحن بنتفتل شفنا صقر شكله شايف فريسه او شايف حيه شايف شيء ضله هيك معلق في السماء وحبيت هيك اصوره كيف سبحان الله وهون بينتهي مشوارنا الجميل الحمد لله ونرجع للبيت بسهر في البيت الجديد او بنحكي لها اول سهره في البيت الجديد كانت ماما هيك عامله لنا صينيه وهون يوم جديد بلشنا تمعجن بدنا نمعجن الحيطان على شان الرطوبه وهون ساره صاحي وهي شوي هيك شوي نعسانه وبتحكي لكم باي حبيت في كل تفصيله في هذا البيت انه اكون انا موجوده واشوف كيف بينعمل حرفيا الصنع في كل حب يعني شوفوا لي هون بيكون في اشياء بالاطار او بالحائط بدها معجن تمعجن يعني فبنبلش نصل بنضبط يعني كيف بدي احكي لكم اي رطوبه اي خدوش في الحيط كلها بتروح بتترمم شوفوا لي كيف بسم الله ما شاء الله طبعا الحلو بالموضوع انه اخوي هو اللي كان بيعمل كل شيء في ايده فهذا الشيء سمح لي انه انا اقدر اصور يعني ما في عمال ما في شيء بس اخوي فشوفوا لي كيف هون الرطوبه اللي بالحيط اللي كان منظرها كثير مؤذي وما مريح للعين كله معجننا شوفوا لازم بلش هيك ينشف لثاني يوم من نبلش نشتغل فيه لبين ما هو اخوي بيمعجن الحيطان انا كنت بشوف فيديو اليوتيوب اللي عملته اختي شوفوا لي بسم الله ما شاء الله طبعا ابدعت ابدعت جدا ما توقعتها صراحه تطلع كل هالابداع فعلا انها اختي وفعلا انها يعني نسخه عني بحب الناس الحلوه اللي بتحب تشاركنا تفاصيل السعاده وتفاصيل الحلوه في يومنا دائما رافقوا الاصدقاء اللي بخلوكم كثير مبسوطين والكثير فرحانين وابتعدوا عن الاشخاص السلبيين اللي بخلوكم مكتئبين يعني رافق الحلو بتحلو يعني فعلا مثال حي جدا اذا انت رافقت شخص دائما بيشكي ودائما بيبكي ودائما هموم الدنيا فيه فهذا الشيء بيأثر عليك سلبا دائما رافق الشخص اللي بخليك تنبسط ومبسوط وفرحان وهون صاحباتنا الله يسعد القلبهم هيك اتفقنا هذا اليوم انه نطلع نسوي كل وحده تسوي الصنف وتجيبه معها على شان هيك نلتم وننبسط والاحاديث الحلوه فهون بس احكي لكم عن طعم الفتتشيني قد ايش بشهي قد ايش كريمي سلم ايديها جد جد ابدعت واليلانجي شغل ام الروور رهيب فكثير كثير انبسطنا
[17:59]جد رافقوا الحلو بتحلو ويسعد لي اياهم صاحبات الحلوات اللي بيصنعوا لنا ذكريات حلوه جد كثير كثير كثير انبسطنا وهون بعرفكم على ليو ليو ليو العاقل الشطور الله يسعد قلبه كيف هيك قاعد وعاقل وهون اكيد بنسوي احلى وازكى فنجان قهوه مع الرفقه الحلوه وهون كمان كانت صاحبتنا عامله كيك يعني شو كيك كيك رهيب جد ما حدا يعمل كيك من بعدها طعمه جد لهلا في تمي يسلم ايديها حبيبه قلبي ام الوليد كثير طيب وهون كنت بضحك على اختي وصاحبتها انه كل ما تيجي تصوره لقطه بتطلع بالصوره فهي عصبت بتحكي لها خلص مشان الله كل لقطه بصورها بتطلعي لي وحتى نزلت عليها فيديو شورت فكثير كثير انبسطنا وان شاء الله انه حنعيدها في الايام ونحن في بالصحه وعافيه والله مهدي بالنا وكمان يا صبايا كل ما صح لكم هيك طلعات اطلعوا غيروا جو انبسطوا وابعدوا عن اي شيء بزعلكم
[19:21]وهون بعد يوم طويل وبعد مشوار طويل وشحننا طاقتنا رجعنا والاطفيل في كامل طاقتهم بدهم يلعبوا وطبعا هذا البيت الجديد في برنده لسه بدها شويه تضبيطات فحطيت للبنات العاب على شان يلعبوا وهون نزلت عند ماما وشفتها بتعمل مخلل الملفوف فحكيت لها استني بدي اصور لمتابعيني كانت عامله ملفوف احمر وجزر وشمندر وثومه وفلفل حار وكانت ترش عليهم ملح وسكر كمان وكانت سالقه الملفوف طبعا اغلب الاشياء الموجوده هون المكونات من حديقه ماما
[20:06]فشوفوا لي بسم الله ما شاء الله يعني الملفوف الاحمر الملفوف الاخضر كله من حديقه ماما هيك شوفوا يعني حاولت اطبق لكم وانا بصور وطبعا صعب التصوير والشغل طبعا هيك بنكون سالقين الملفوف وقايمين الضلع هسه صعب الضلع نلفه وهو هيك وبنسكرها من الجهتين من جهه اليمين من جهه الشمال كيف الدوالي
[20:34]الجهتين بتكون مسكره نفس الشيء وهون اجت ماما تلفها وتوريكم كيف طريقه عملها بنحط الحشوه المناسبه بقلب الملفوف منشيل الضلع وبنلفها ايوه هيك بالضبط مثل ما ماما عملتها وبنجيب عندنا الشيء اللي بدنا نحط فيه المخلل ويحاولوا هيك رصوهم منيح على شان يضلهم مرتبين وكمان ضافت للحشوه خل وفيكو تحطوا ملح ليمون كيف انتم بتحبوا صراحه المخلل هذا كثير زاكي كثير كثير زاكي جد جربوه وما حتندموا وهون كمان بهي العصريه كان اخوي خلص بلش بده يدهن
[21:18]حبيت اصور لكم كل شيء خطوه بخطوه وهون المعجون اللي عملناها للحيط زي ما حكيت لكم اول الفيديو بلشنا نحتها شوفوا لي كيف الارض والشغل الدهان شيء مش طبيعي يعني قعدت يمكن ثلاث ساعات وانا بنظف بعد كل هاي الورشه هون قبل ما نبلش دهان يعني الشيء اللي بنحاول نغطيه نغطيه كيف احكي لكم الشبابيك كمان وبلشنا نحكي بسم الله الرحمن الرحيم وندهن الحيطان وطبعا كان هذا الوجه الاول للحيطان ندهنهم شوفوا لي انا اخترت اللون الابيض بحس خلص الالوان هذول ما بحبهم يعني حتى اللون الاوف وايت ببيتي القديم والالوان الكريمي حسيت خلص راح موضتها فحبيت اللون الابيض يكون للبيت اللي انا بدي اسكن فيه حاليا المهم بالفيديو السابق كنت جد بعز انشغالي وحتى ما منتجت لكم صوت الصدى اذا انتبهتوا وانا بمنتج في صوت صدى كنت هيك يعني هو بيشتغل اخوي وانا قاعده كباله حكيت له اصبر بدي امج وانزل الفيديو اشتقت لتعليقات متابعيني الحلوه وجد انا بعد هذا الفيديو كثير متوقعه تعليقات حلوه منكم الله يسعد لي قلبكم هو هون شوفوا لي اول طبقه دهان للسقف بس ينشف نبلش ندهن كمان الطبقه الثانيه وكمان هون بلشنا ندهن الحيطان شوفوا لي بسم الله ما شاء الله هذا الوجه الاول
[22:58]وبس ينشف من نحط الوجه الثاني اوقات الحيطان يعني ما بيستجيب يعني بنعمل وجه ثالث رابع حسب بس هون وجهين وكان خلص بجنن وجه وجه البياض الناصع شوفوا لي هون بعد ورشه الشغل بعد الدهان شوفوا لي الغرفه كيف كانت يعني شيء واو جد يعني بتعرفوا الدهان بيكون على الارض لازم ينحت ولازم يتنظف على الاخر ولازم الدهان ينشف فحكيت بسم الله الرحمن الرحيم وبلشت شغل طبعا ما قدرت اصور لكم التفاصيل واجينا لاحلى فقره فقره المطبخ وضب اشياء المطبخ هون قبل بيوم مثل ما صورت لكم الغرفه كيف كانت والبيت شطفت البيت كاملا وصراحه خلص النتيجه النهائيه لانه كنت كثير تعبانه فما صح لي اني اصور لكم اياه فبس عوضت لكم اياه بفقره المطبخ شوفوا حتكون جزئين هذا الجزء الاول ترتيب المطبخ الجزء الثاني بالفيديو الجاي ان شاء الله تعالى بس احكوا لي كيف الفيديو كان اليوم يعني تعليقاتكم بتهمني جدا جدا وهون حبيت احط اشياء المطبخ القزاز وطبعا قبل ما احط اي قطعه كاز وال مكان نظيف 100% ليفت ونشفته قبل في وقت ويعني حاطين كل شيء على نظافه
[24:49]ويا الله يا صبايا لو تشوفوا تعب ومعاناه النكل قد ايش التنظيف بعد الدهان وبعد الورشات قد ايش صعب وبس انه اساسا هذا البيت انا قاعده فيه بشكل مؤقت يعني بعد فتره راح انتقل لبيتي الجديد بيت جديد يعني بنا جديد وبس صبايا لهون بكون خلص فيديو لهذا اليوم بتمنى انه عجبكم ما تنسوني من اللايك والاشتراك بحبكم كثير سلام
