د.كريم علي | 10 أسرار… تغيّر حالتك النفسية فورًا !

[0:00]السلام عليكم ورحمه الله وبركاته، الاستريس والاكتئاب والامراض النفسيه منتشره بشكل غير طبيعي. 2030 هيبقى سبب الوفاه الاول هي امراض الاكتئاب، النهارده هنتكلم على صفاء الذهن. ازاي تفصل بره عن جوه؟ ازاي ما يبقاش عندك اكتئاب، ما يبقاش عندك عصبيه، ما تشيلش هم بكره، تعيش اللحظه؟ هقول لكم تكنيكات انا بستخدمها على طول على طول تخليني هادي، على طول تخليني في حاله ريلاكس، على طول مهتم بصحتي النفسيه اللي ليها اثر جامد قوي على صحتي الجسديه. حلقه مهمه قوي، انشروها لكل الناس، ازاي اشعر بصفاء الذهن مهما كانت الظروف، مستعدين؟ يلا بينا. اهم علاقه في الكون بعد علاقتك بربنا علاقتك مع اللي واقف قدامك في المرايه، ارجع لللحظه، استمتع بما اوتيت، اترك اللي مش موجود واللي بعيد واللي مش قادر اسيطر عليه. المستمر منتصر. اهلا بكم انا لو عندي اكتئاب وعندي مشاكل نفسيه ايه اللي هيحصل؟ 60 ل 80% من المشاكل الصحيه اللي احنا بنشوفها في اجسامنا ترتبط بامراض نفسيه اكتئاب او عصبيه او قلق او خوف او او او. فتخيلوا لو انا معتني بصحتي النفسيه ايه اللي هيحصل؟ نسبه السرطانات تقل، الجلطات وامراض القلب تقل مقاومه الانسولين ان جسمك يحبس ميه او يحبس دهون، ان النوم يتحسن، ان الامراض المناعيه تتحسن. كل ده ان انا عملت صفاء ذهن وحاله نفسيه هاديه فيعني نتائج غير متوقعه من حاجات بسيطه قوي عاوزكم تجربوا اللي انا هقوله بالضبط وبعد اسبوع او اسبوعين هتحس ان انت شخص مختلف تماما. نبدا الخطوات. اول حاجه التنفس وما ادراك التنفس، احنا بنتنفس بربع الرئه. هحط لكم رابط حلقه التنفس وتكنيكات التنفس وقد ايه بامهف عمل ثوره في العالم عن طريقه التنفس. هتقولي النهارده جديد يا دكتور هقول لكم طريقه سهله قوي لما انت تبقى متعصب او خايف من حاجه او حاسس بستريس عالي او حاسس نبضات قلبك عاليه او حاسس ان ضغطك هيعلى، اعمل اللي انا هقوله. اعمل تنفس المربع، يعني ايه؟ يعني 4 4 4 4، اربعه اسحب نفس بكل رئتك اربع مرات. واكتم اربعه جوه، واحد 2 3، اربعه يعني ايه؟ يعني ما يوازي اربع حركات بالايد، دي معنى كلمه اربعه، يبقى انا سحبت 1 وكتمت وطلعت في اربعه وسكت خالص اربعه. يبقى انا عملت تنفس مربع. لو عملته اربع وخمس مرات ورا بعض الجهاز الباراسيمباوي بيشتغل يعني ايه؟ يعني الهدوء، المناعه، التكاثر، الهضم، ان انا اقفل السيمباسيتيك اللي هو بيعمل ستريس. وعسر هضم ومناعه بايظه وعدم نوم فانا فتحت جهاز الباراسيمباتيك بتاع الراحه واقفلت السيمباساتيك اللي هو بيعمل عصبيه جاست بمجرد التنفس. التنفس هو حياه لما تزود اكسجين جسمك جسمك يقول الدنيا تمام. لما تزود اكسجين مخك يعرف يحكم صح ويعرف كنترول ستريس صح ويعرف يقدر الموقف صح. لما تدي اكسجين لجسمك كله ما بقاش في ستريس يعرف ان الدنيا تمام الميتابوليزم بتاعه يبقى احسن. حتى حرق الدهون عشان نكون عارفين جزء كبير قوي 75% من دهوننا بتتحرق عن طريق ثاني اكسيد الكربون يعني حتى التنفس يحرق دهونك. النقطه الاولى عشان يحدث صفاء ذهن وهدوء في جسمك ومنع الاكتئاب والستريس تنفس صح. نمره اثنين بودي سكين ميديتيشن، يعني ايه؟ مشكله كبيره قوي ان جسمك او مخك بيعمل افكار اوفر ثينكينج بيتعصب بيقلق لما ما يكونش عنده معلومات كافيه. يعني ايه ما عندوش معلومات كافيه؟ يعني مش بيفكر في جسمك. سهله قوي ان الاكتئاب يروح والقلق يروح وتحس بصفاء ذهن ومايندفولنس جامده قوي لما تربط مخك بجسمك، يعني ايه؟ يعني اقعد في مكان هادي خالص، شغل قران خفيف اللي انت تحبه او موسيقى هاديه زي ما انت بتحب او حتى صوت زي ما انا قاعد دلوقتي عصافير ومنظر طبيعي. واقفل عينك خالص في مكان مريح وحس بجسمك، اعمل اسكان. خلي مخك يشعر بوشك و ريحيه، مناخيرك، شفايف، الرقبه، الصدر، الذراعات. شوف لو في اي الم، في اي حاجه مشدوده رخيها، في اي حاجه فيها بتديك اشاره في مشكله هنا. حس ان انت بترخيها، بتحس ان انت انا حاسس بالمكان ده، حس ان انت بتودي له دم زياده، بتتنفس كويس صدرك، بطنك، رجليك لغايه صوابع رجلك. لما تعمل السخان ده جسمك بيدي اشاره لمخك انا موجود، مخك مجرد ما مسك الاشاره عمل كونكشن بين المخ والتفكير والجسم بيقول انا انا ان كنترول. انا حاكم كل حاجه، اهدى مش لازم نفكر زياده، اهدى مش لازم ابقى متعصب، اهدى مش لازم ابقى ستريس عشان الرجل فين؟ الايد فين؟ الاعضاء كويسه ولا لا؟ في مشكله جاي لي ولا لا؟ في خطر قريب ولا لا؟ فانك تعمل الاسكان ده لمده كل يوم خمس دقائق غمض عينك واشعر بجسمك، حاجه مالهاش اي دعوه باي حاجه غير الفسيولوجي بتاع الجسم. فمارس ده كتير انك تعمل اسكان لجسمك بمخك هيفرق كتير قوي وده لما احنا بنقول للناس من اهم قواعد الحياه. انا هنا والان بي هير، انا هنا والان دي يعني اتكلمت عليها كتير قوي على قناه الدكتور كريم علي. الحاجات اللي تخليك تستمتع بالحياه ومنعتك تبقى تمام وتستمتع بكل حاجاتك زي ما اقول كمان شويه انك تبقى هنا. لو انت مش حاسس بجسمك عمرك ما هتبقى هنا هتبقى في البيت في الشغل في شكل العربيات. يبقى خايف من المستقبل، ندمان على اللي حصل امبارح، ندمان على الفرصه اللي فاتت انت مش هنا. حس بجسمك، ارجع في اللحظه هتوصل الى صفاء ذهني وبعد عن الاكتئاب وقلق غير موجود. النقطه اللي بعد كده وانا بستخدمها كتير ومفيده بشكل غير طبيعي في تغيير قلقك واكتئابك وصعوبه الحياه انك تبقى هادئ ريلاكس خالص. جربوا التمرين ده، اسمه 5 4 3 2 1. او مايندفل اوبزرفيشن، انا بعمل حاجات بترجعني للحظه، يعني ايه؟ اول حاجه خمس حاجات اشاهدها، انا دلوقتي شايف ايه؟ شايف كاميرا، شايف شجر، شايف قلم، شايف ايدي، شايف البنطلون، خمس حاجات انا بشوفها. اربعه، اربع حاجات اشعر بيها، انا دلوقتي حاسس ان الهواء نظيف، حاسس ان انا سعيد، حاسس ان انا نعم ربنا كتير، حاسس ببريشيشن او بامتنان، حاسس باطمئنان ان ربنا معايا، حاسس ان انا شبعان. فانا جبت نفسي اربع حاجات حاسسها دلوقتي. ثلاثه، ثلاث حاجات بسمعها، استخدم اذنك، انا دلوقتي سامع صوت عصافير، صوت اشجار، صوت عصفور جديد، فانا رجعت بالاذن بتاعتي سمعت ثلاث حاجات. اثنين شامم، انا شامم ايه دلوقتي؟ شامم هوا نظيف وشامم ريحه الكلور بتاعه المايه اللي جنبي. فانا بقيت هنا واستخدمت حاسه الشم فانا كده اثنين لحاسه الشم. واحد المس، المس اي حاجه، انا لابس قلم، لابس تيشرت، لابس وشي فانا كده عملت 5 4 3 2 1، رجعت كل حواسي لتلك اللحظه. خلاصه المايندفلنس او صفاء الذهن او استرخائك انك تبقى هنا، كل اللي انا بعمله ده عشان تبقى هنا. فتخيل انا رجعت باحساسي رجعت بحاسه الشم بالذوق بالسمع لما تعمل التمرين ده مره في اليوم الكونكشن بتاع مخك وجسمك بيزيد. الستريس بيروح بعيد عنك خالص وبتبقى في وقت في صفاء في حته ثانيه خالص جربوه واكتبوا لي في التعليق تحت انتم حسيتوا بايه. نمره اربعه مايندفلنس ليفنج، يعني ايه؟ لما تيجي تتمشى ثلث ساعه اللي بنعملها كل يوم ما تسرحش ما تبصش في موبايل خليك هنا. انا حاسس بجسمي حاسس بالعرق، انا هنا موجود. الاهم من دي الايتنج، فليين امر قراني ما مش هتهرب منه. فلينظر الانسان الى طعامه. بص لاكلك، يعني ايه ابص لاكلك يعني خليك هنا، انت بتخلص الاكل والحلويات وازازه الكولا وانت ما حسيتش باي حاجه. موبايلك في ايدك او بتكلم زمايلك او بتتفرج على التلفزيون انت بتعاكس امر قراني. فانت خليك هنا وانت بتاكل، عارف يعني ايه لما تبقى هنا حاسس بطعم الاكل، حاسس بالملح اللي في الاكل، حاسس بالحاجه الحلوه، حاسس بطعم الرز، حاسس بطعم الفواكه، مستمتع بكل دقيقه. احنا بناكل بدون استمتاع انتم تخيلوا في ناس بيبقوا في العلاقه الزوجيه في دماغه في حته ثانيه مش حاسس باي حاجه. فانت حياتنا لما تحولت لاوتو بايلوت زاد الاكتئاب وزاد القلق وزادت الامراض النفسيه والامراض الجسديه. لو سمحت خليك هنا وانت ماشي، خليك هنا وانت بتكلم مراتك او مامتك او زميلك في الشغل، خليك هنا وانت بتاكل، خليك هنا وانت قاعد ما بتعملش اي حاجه بس خليك هنا، خليك هنا، هنا احسن من اي مكان ثاني جربوه وقولوا لي. نمره خمسه ن والقلم وما يسطرون، انتم مش مدركين الاف العمليات الحيويه في المخ بتحصل وانا بكتب بالقلم. لما انا بكتب انا متضايق من ايه؟ انا عاوز ايه؟ انا بحب ايه؟ انا نفسي في ايه؟ انا ايه اللي بكرهه؟ انا ايه اللي بحبه؟ انا ايه اللي عاوزه؟ قانون كوني بيتفاعل بالكتابه غير الموبايل وغير الكمبيوتر. بيشغل اجزاء كثيره جدا جدا في المخ يمكن تصل ل 10000 اشاره عصبيه او من القلم انما على الكمبيوتر يمكن 400 او 500 اشاره عصبيه او على الموبايل. اكتبه اكتبه قبل ما تناموا احسن حاجات في اليوم، اكتبوا الصبح اهم حاجات هتعملها في اليوم، اكتبوا اول السنه احلامك او اهدافك ما عندناش احلام، عندنا اهداف واجبه التحقيق هي مساله وقت. اكتب شعور مضايقك، ابعت رساله لحد انت حزين منه. ايه ابعت رساله مسامحه لناس ضايقتك، حياتك بتتغير اللي ما يعرفش سر الكتابه وسر الالم بعيد قوي قوي قوي عن الصفاء الذهني والسلام النفسي. نمره سته بي كايند يعني ايه؟ بالراحه على نفسك، الظروف صعبه بالراحه على نفسك، حد ضايقك، الدنيا صعبه عليك، عندك مشاكل مش عارف تحلها. غلطت غلطه كبيره، ندمان على حد سبته او حد اذيته بي كايند. اهم علاقه في الكون بعد علاقتك بربنا علاقتك مع اللي واقف قدامك في المرايه. ده اللي مستحملك، ده اللي معاك في الخير والشر، ده اللي معاك في اوقات الوحده والخلوه، ده اللي بيقول لك تعمل ايه لما تنوم. فبي كايند يور سلف، خليك مع نفسك حنين طيب، غلطه اتعلمنا منها، نجاح الحمد لله، ازاي نروح لخطوه ثانيه. حد ظلمك صدقني هيجي لك حقك في يوم من الايام لغايه عندك. ظلمت حد ابعت له تسامح، حاول تصلح، حاول تبقى تعتذر، الاعتذار قوه، الاعتراف بالخطا قوه. ولكن في الخلاصه طول ما انت الناس اللي بتجلد الذات بعيد قوي عن السلام النفسي. الناس اللي بتجلد الذات بعيد قوي عن الصحه قريبين قوي من الامراض، الناس اللي بتخلي مشاعر سيئه جواها بيتحول لاستريس يتحول لمواد كيماويه. يقراها الجسم يتحول الى امراض، بي كايند يور سلف، ربنا رحيم كريم ودود معاك. فانت بالتالي ارق مع نفسك ما فيش حاجه تستاهل، بي كايند يعني مهما كان الظرف اللي انت بتمر بيه. النقطه اللي بعد كده نقطه في الاكل في التغذيه في النجاح في العلاقات كونسيستنس استمر. استمر، ما تعملش مايندفلنس يوم وتقول ما حصلش حاجه، ما تعملش تنفس خمس دقائق وما حصلش حاجه. الكون كله قانون الاستمراريه، حتى ربنا خلق الارض او الدنيا في ست ايام كان ممكن يعملها في ثانيه في دقيقه كن فيكون، استمر ويوم ورا يوم. خطوه صغيره خطوه صغيره لو انت مش مستمر في اي طريق لن تصل لاخره، لابد من الاستمراريه. الناس يقولوا لي اسرار النجاح، اسرار الصحه، اسرار الشباب ما فيش اسرار. في الفورملا دي الناس كلها عارفاها بطل تاكل سكر بطل تاكل خبز، العب رياضه، نام كل الناس عارفاها، امال ايه اللي الناس مش بتوصله؟ استمراريه، مش اي حد ينزل يروح الجيم هو تعبان، مش اي حد لما قدامه بيتزا يقول لا مش هاكل، مش اي حد لما يكون عنده سهره حلوه يدخل ينام، مش اي حد لما تبقى قدامه شيشه او خمره يقول لك لا انا بحافظ على صحتي، مش اي حد يكون حد توكسيك في حياته، مرتبط بيه قوي يقول له انا مش هقدر اكمل لان السلام النفسي اهم. استمراريه، استمراريتك في اي حاجه توصل بك الى النجاح، خدوا كلمه كده دايما انا حافظها من وانا صغير المستمر منتصر. الخطوه الاخيره دور على كوميونتي. سيدنا محمد صلى الله عليه وسلم قعد 13 سنه في مكه، حرب وناس بتكرهه، وناس بتعتدي عليه و و و. كام الصحابه كانوا كام؟ 70 80 واحد تخيلوا في 13 سنه. ما بقاش ينفع، لازم يعمل كوميونتي، كوميونتي ايمان، كوميونتي شبه بعض، كوميونتي ناس بتفكر نفس التفكير، كوميونتي ناس نفس الاخلاقيات، كوميونتي ناس نفس الاحلام راح المدينه. قعد 10 سنين حجه الوداع كان فيها 100000 بني ادم متدركين 70 و100000 او انتشرت في الجزيره العربيه كلها او في العالم كله. اعمل كوميونتي، دور على المتشابهين طول ما انت قاعد في كوميونتي مش بتاعتك، ناس فقراء هتفضل فقير، ناس مريضه نفسيا هتفضل مريض، ناس بتبص لغيرها وبتحسد غيرها و وبتحاد احلام غيرها هتنزل لتحت. دور على الناس اللي بتدور على الصحه النفسيه، السلام النفسي، الاحلام التي تصنع واقع، الناس الطموحين، الناس اللي عندهم احلام تغير العالم. الناس اللي متصلين بروحهم ومتصلين بربنا، اللي انت هتعمله في 20 سنه لوحدك هتعمله في سنه واحده وسط ناس متشابهين. عشان كده انا عملت عائله فكر تاني، كوميونتي فكر تاني، لما تكون في اي حته هتلاقي الكلام اتفتح ناس متشابهه، بيتكلموا على نفس ضرر السكر على اهميه الملح اللي مش مقرر على ترك الالبان على النوم بدري، نفس الكوميونتي، نفس الكلام. كلام بيبقى الذ، كلام بيبقى متشابهين يزود طاقه وبتدي رساله العقل اللاواعي ما انا مش لوحدي، ما في ناس زيي، انا صح. الكوميونتي بيديك علاقه رابط جامد قوي نفسي انت صح كمل. وما ادراكم ما الرساله دي لما تكمل بتوصل بيها لاماكن بعيده جدا، الجروبات اللي شبه بعض بتوصل لابعد ابعد ابعد مما تكون بادي لوحدك. وزي ما بنقول في اللغه العربيه لا ياكل الذئب الا الغنم القاسيه اللي ماشيه لوحدها. تجمعات حتى الغنم ما يقدرش عليها الذئب، ما بالك بانسان مكرم. ده اللي انا حاولت اوصله النهارده ازاي نصل الى ان احنا نبقى هنا والان ان انا اتقي امراض كثيره جسديه بسلام نفسي. ارجع للحظه، استمتع بما اوتيت، اترك اللي مش موجود واللي بعيد واللي مش قادر اسيطر عليه واستمتع بما انا فيه الان بكثير من الامتنان بكثير من الحمد بكثير من الشكر. وتاكدوا خلال وقت قليل قوي بعد سلامك نفسي ده سوف ياتي اليك كل شيء شبهك في السلام والحب ونشر الخير وترك النفع وترك الاثر. يا رب تكون حلقه مفيده شيروها لكل من يحتاج ذلك السلام النفسي انا كريم علي وفي الاخر وما توفيقي الا بالله عليه توكلت ويه السلام عليكم في حفظ الله.