[0:07]بسم الله الرحمن الرحيم، السلام عليكم ورحمه الله وبركاته. النهارده هنشرح برنامج ادوب ستريتور سي سي 2017. طبعا ادوبي ستريتور هو من شركه ادوبي، الشركه الرائده في مجال الجرافيك ومن اشهر برامجها المعروفه للجميع برنامج ادوبي فوتوشوب. وطبعا في ادوبي ديزاين و ادوبي بريمير و افتر افكتس بس احنا النهارده هنتكلم على الستريتور. برنامج الستريتور الاول خلينا اعرف ايه هو الستريتور، البرنامج ده عباره عن ايه؟ الستريتور هو برنامج رسم وتلوين ولكنه يتعامل بنظام الفيكتور غير برنامج الفوتوشوب اللي يتعامل بنظام البكسل. طيب يعني ايه نظام الفيكتور؟ الفيكتور هو نوع من انواع الرسم في فن الجرافيكس، يسمى رسم المتجهات، يتصف بانه دقيق جدا. يتعامل بنظام معادلات رقميه يحدد عن طريق نقاط الانكور (Anchor Points) ويحفظ غالبا بالصيغه المتداوله والمعرفه في اغلب برامج الرسومات وهي: EPS، وتستخدم اداه القلم كاداه اساسيه للفيكتور عامه والفيكتور الحقيقي يصنع برامج الفيكتور ومن اشهرها عالميا برنامج Adobe Illustrator و Corel Draw.
[1:28]طبعا من اشهر البرامج في عالم الفيكتور اللي بتنتج الفيكتور برنامج الادوبي ستريتور اللي احنا هنشرحه النهارده وبرنامج الكورل درو. الكورل درو برنامج قوي جدا، وبرنامج مشهور جدا في الفيكتور بس يمكن الستريتور انا بفضله اكتر عن الكورل لانه بيبقى فيه تكامل ما بينه وما بين برامج الادوبي اللي هي الفوتوشوب والان ديزاين وبريمير والافتر افكت، يعني لو انت شغال على مجموعه الادوبي هتلاقي الموضوع سهل ولذيذ ما بين البرامج دي كلها مع بعض ان انت تقدر تصدر تعمل اكسبورت او امبورت ما بين البرامج بمنتهى السلاسه والسهوله. طبعا البرنامج دقيق جدا في الرسم، بحيث ان انت تقدر تكبر او تصغر اي عنصر فيه من عناصر الفيكتور اللي انت بتنشاها عن طريقه الى احجام خياليه من غير ما تتاثر بالتكبير والتصغير، دايما بتحافظ على الحواف بتاعتها بتبقى ناعمه ودقيقه مقارنه بالعناصر البيكسل او اللي معموله على الفوتوشوب. طيب زي ما اتكلمنا على الفيكتور خلينا نتكلم على البيكسل شويه. يعتبر عنصر اساسي ويمثل وحده قياس الصوره ويعني البيكسل هو العنصر الاصغر في الصوره الرقميه وهو على شكل نقطه او مستطيل صغير، اي ان مجموعه من البيكسلات في سطح ثنائي الابعاد، تشكل الصوره الرقميه (Digital). من اشهر طبعا انتاجات او البرامج اللي بتشتغل بنظام البيكسل، برنامج الكورل فوتو بينت وبرنامج الادوبي فوتوشوب، الغني عن التعريف. طيب برضه لحد دلوقتي ما عرفناش ايه الفرق ما بينها اوي فخلينا نقول ان البيكسل او برامج البيكسل او الراستر، الراستر عباره عن شكل او صوره بتتكون من عدد من البيكسل هي المسؤوله عن درجه لقاء الصوره (Resolution). بس مشكله البرامج دي اللي بتعمل بالراستر ان هي بتتاثر بالتكبير والتصغير، يعني لو اللوجو عندك او العنصر كان صغير وجيت تكبره، سواء لوجو او صوره بيتاثر بالتكبير جدا و بيفقد جودته.
[3:50]وده هنشوفه طبعا دلوقتي بشكل عملي على برنامج الفوتوشوب وبرنامج الستريتور. طبعا من اشهر الصيغ الراستر هي صيغه البي اس دي، صيغه التيف، صيغه الجيبك، البي ان جي. اما بالنسبه للفيكتور هو عباره عن شكل او عنصر يتكون من خطوط ونقاط تسمى (Anchor Point) له حواف ناعمه ودقيقه ولا يتاثر بالتكبير او التصغير، يعني مهما كبرنا او صغرناه ما بيتاثرش اطلاقا، بيفضل محافظ على جودته. من اشهر الصيغ بتاعته او الامتزادات بتاعته امتزاد الاي اي اللي هو برنامج الستريتور امتزاد الاي بي اس والبي دي اف وامتزاد السي دي ار اللي هو برنامج الكورل درو والاس في جي. ايه هي استخدامات الستريتور؟ يعني الستريتور هنستخدمه في ايه؟ هنستفيد منه بإيه؟ يعني في ناس كثيره او السؤال المعتاد على طول ايه الفرق ما بينه وما بين البرنامج الفوتوشوب؟ انا دلوقتي مصمم او راجل شغال على برنامج الفوتوشوب ومستفيد منه جدا ومحترف، ايه اللي يخليني اتعلم الستريتور واضيع وقت فيه؟ زي ما قولنا طبعا البرنامجين من شركه واحده اللي هي شركه ادوبي فمستحيل الشركه هتعمل برنامجين منافسين لبعض. هما الاتنين بيكملوا بعض، البرنامجين بيكملوا بعض مش منافسين لبعض، لان ده بيتعامل بالفيكتور زي ما قولنا وده بيتعامل بالبكسل. طيب برضه انا مش فاهم حاجه ايه الفيكتور والبكسل وهستفيد منه بإيه وهعمل بيه ايه؟ الستريتور احنا بنستخدمه في تصميم الشعارات بنستخدمه في جميع انواع المطبوعات زي الفلايرز، رولاب، فولدرز. بنستخدمه كمان في تصميم المنيوهات، بروشور بنستخدمه في العلب الورقيه، في شنط الورقيه، في الكروت، ليتر هيد، أظرف في تطبيقات الموبايل، في البوسترز. بنستخدمه كمان في رسم الخرايط وفي الانفوجرافيك، يعني زي ما احنا شايفين قدامنا خريطه زي دي عشان تيجي تعملها على برنامج الفوتوشوب هتبقى مزعجه جدا جدا جدا ومتعبه جدا وهتاخد وقت كبير جدا وفي الاخر مش هتطلع بالنتيجه اللي انت عايزها اطلاقا. لان لو كبرنا على الخريطه هنا هنلاقي في حاجات دقيقه جدا وتفاصيل كثيره جدا، في طبعا خرايط اصعب من دي بكتير يعني دي تعتبر حاجه بسيطه او حاجه سهله. كمان الستريتور بن بنستخدمه في تصميمات صفحات الويب بالكامل تقدر تعملها على برنامج الستريتور افضل من الفوتوشوب بكثير. كمان تقدر تكتب عليه بال تستخدمه في الكتابه بالخط الحر، ودي بتستخدم فيها اداه البين تول ودي ان شاء الله هنشوفها فيما بعد. كمان الستريتور بنستخدمه ان انت تعمل ايكونات. الايكون بتاع الويب ممتاز جدا جدا. طيب المهم احنا كده خلصنا الشرح بشكل نظري، في ناس كثيره مش فاهمه لسه لحد الان ايه هو الفرق ما بين الفيكتور وفرق ما بين البيكسل. فخلينا نروح بشكل عملي عشان تكون المعلومه توصل بشكل اسهل بكثير. لو فتحنا دلوقتي برنامج الستريتور ده برنامج الستريتور اللي انا فاتحه، احنا عندنا هنا لوجو. اللوجو هنا معمول بالشكل فيكتور وهنا راستر اللي هو البيكسل. طيب انت اول ما عينك تقع على اللوجو ده هتقول ايه الفرق؟ ما فيش فرق ما بينهم، بس لو خلينا نكبر لو كبرنا بالشكل ده هنلاقي ان اللوجو اللي معمول بالفيكتور على برنامج الستريتور زي ما احنا شايفين مهما كبرنا اللوجو محافظ على جودته. الحواف بتاعه ناعمه ما فيش اي بكسله نضيف كلير نضيف جدا زي ما انتم شايفين سواء في التكست او في في اللوجو نفسه هنا، الايكون اللي عنده.
[7:40]طيب خلينا نروح لل اللوجو اللي معمول بالراستر. اول ما بنكبر عليه زي ما احنا شايفين كل ما بنكبر بيبدا الشكل يفقد جودته، وبتظهر البيكسلات اللي احنا بنتكلم عليها اللي هو البيكسل عباره عن زي ما قلنا مربعات، مربعات جنب بعض. كل ما المربعات دي زادت اللي هي عدد البيكسلات كل ما بتزيد الشكل بيبقى احسن وجوده الصوره بتبقى افضل. حتى كلمه بيكسل دي اكيد كلكم سمعتوها لو رحت تشتري موبايل دلوقتي بيقول لك الموبايل ده الكاميرا بتاعته كام ميجا بيكسل. كل ما العدد بيزيد بتلاقي سعر الموبايل بيزيد لان البيكسل بتاعه دي هي اللي بتتحكم في جوده الصوره.
[8:26]كل ما البيكسل بيزيد كل ما جوده الصوره او اللوجو او العنصر بيبقى افضل. فزي ما احنا شايفين كل ما بنكبر هنا على الشعار زي ما احنا شايفين بيبتدي يفقد الجوده بتاعته، بتبتدي البيكسلات بتاعته. كل بيكسل من دي هي المسؤوله عن تكوين العنصر اللي قدامنا. طيب خلينا نروح برضه شيء عملي اكتر ونشوف على الفوتوشوب الموضوع ده عامل ازاي هيكون شكله. هنا لو جبنا نفس اللوجو، اللوجو ده طبعا انا جبته كوبي بيست حطيته على الفوتوشوب، الشكل ده لسه مازال زي ما هو جوه الفوتوشوب بس محافظ على ان هو فيكتور. طيب هناخد منه نسخه تحت. تمام ونحول النسخه دي لراستر. لاحظنا دلوقتي ان النسخه دي راستر اللي فوق والنسخه اللي تحت دي نسخه لسه ما زالت فيكتور. حتى علامه السمارت اوبجيكت على اللاير موجود زي ما هي كده هنمسك اللايرين ونبتدي نصغرهم بالشكل ده. اوكي، نعمل انتر هنفترض ان الشعار عندنا الناس اللي بتتكلم تقول طب ما انا ممكن اصمم الشعار على الفوتوشوب، انا ليه اصممه على الستريتور؟ لانك مطالب ان انت كل ما تعمل حجم معين للتصميم على الفوتوشوب هتضطر تغير حجم اللوجو، يعني هترسم اللوجو من اول وجديد. يعني لو بتعمل بزنس كارد لازم الشعار بتاعك تعمله على مقاس البزنس كارد جه بعد كده العميل طلب منك ان هو عايز يعمل لوحه او يعمل بورد كبير. هتضطر ترسم اللوجو من اول وجديد على مقاس البورد عشان ما بكسلش معاك يعني هنفترض ان احنا دلوقتي شغالين في مقاس البزنس كارد وده اللوجو بتاعنا. جينا حبينا نكبر اللوجو عشان نعمله نحطه على بورد كبير مترين 10 متر 5 متر، فبالتالي لو جينا كبرناه وعملنا انتر لو كبرنا شويه هنلاحظ ان اللوجو بتاعنا اللي فوق الفيكتور لسه محافظ على جودته زي ما هو لانه لسه فيكتور.
[10:48]اما تحت بدا يفقد جودته تماما زي ما انتم شايفين وطبعا ده احنا بنتكلم عليه ان الشكل البيكسل بيتاثر بالتكبير والتصغير. فبالتالي يا جماعه اي حد عايز يشتغل لوجو لازم يكون على برنامج فيكتور سواء برنامج الستريتور اللي احنا بنتكلم عليه النهارده او برنامج الكورل درو، اي برنامج فيكتور. الشعار مستحيل يتعمل برنامج الفوتوشوب في ناس كثيره بلاقيها بتصمم الشعار على الفوتوشوب وده غلط كبير جدا. الشعار لازم يكون على برنامج فيكتور حتى لو شفت اي اعلان لمسابقه عن تصميم شعار هتلاقيهم بيطلبوا ان الشعار يبقى بصيغه اي اي لا يتاثر بالتكبير والتصغير. يعني ما ينفعش نعمل لوجو على برنامج الفوتوشوب تمام؟ طيب ليه احنا اخترنا اساسا الستريتور ونتكلم عليه ما اخترناش برنامج تاني؟ الستريتور الميزه اللي فيه لو انت راجل هتشتغل بشكل عملي في السوق. فبالتالي هتنزل وكاله دعايه واعلان هتلاقي ان كل اللي شغالين جنبك او حواليك او زمايلك شغالين على برامج الادوبي. فبالتالي لازم يبقى في لينك ما بينكم، انت هتعمل حاجه زميلك هيكملها انت هتعمل جزء وهو هيعمل جزء لازم يبقى في تكامل ما بينكم. فعشان كده برنامج الستريتور من البرامج المهمه جدا جدا اللي انت تتعلمها لو انت راجل عايز تبقى مصمم جرافيك او تنزل تشتغل في سوق العمل. او شغل تجاري بشكل عام يعني، انما لو انت هتعمل حاجه بسيطه وترفعها على الويب او على النت او على الفيس يبقى مش هتفرق معاك فوتوشوب او الستريتور مش فارقه. انا بتكلم بالشكل العملي لو انت راجل هتبقى مصمم جرافيك وهتنزل تشتغل في السوق في سوق العمل فلازم تبقى عندك درايه ببرنامج الستريتور. برنامج مهم جدا جدا برنامج اساسي جدا جدا، لازم لازم تبقى تبقى متقنه ومتعلمه. لو انت مش شغال عليه تاكد ان انت يبقى ناقصك حاجات كثيره جدا ان انت تبقى مصمم جرافيك. بكده نكون انتهينا من اول درس من دروسنا وعرفنا ايه هو الستريتور، بنستخدمه في ايه؟ ايه الفرق ما بينه وما بين الفوتوشوب. ان شاء الله في الدروس الجايه باذن الله هنبتدي نشرح برنامج الستريتور ونشوف واجهه البرنامج ونخش جواه ونشرح اكتر عنه يعني ان شاء الله.
[13:09]شكرا وكده انتهينا من الدرس بتاعنا، لو عجبك الدرس وعجبك محتوى الفيديو بتاعي يا ريت تعمل اشتراك في القناه وتعمل لايك، والسلام عليكم ورحمه الله.
