[0:00]Aaj baat karni hai slaves paida karne wali factoryon ke baare mein. Agar aapko nahin maloom woh factoryaan kaisi hoti hain toh zara main aapko outline, blueprint dikha deta hoon. Hota is tarah se hai ke subah subah, jaanvaron ko uthaya jaata hai 6 baje ke kareeb 7 baje. Aur unko uthane ka purpose yeh bataya jaata hai ki tumne kuch seekhna hai toh utho apni neend se. Phir unko le jaaya jaata hai ek jagah pe, ek transportation system ke tehat. Aur unko jahaan pahunchate hain wahaan par unki tarah ke bahut se aur jaanvar aaye hote hain. Aur unhone kapde bhi ek tarah ke pehne hote hain, aur sabka rang bhi ek hota hai. Total discipline hota hai, uniformity hoti hai aur woh jis tarah bheed bakriyaan ek, jab unko band karte hain na farm mein chaaron taraf se toh woh line mein aa jaati hain. Us tarah line mein lag ke woh enter hote hain is factory ke andar, aur phir factory ka jo malik hota hai, woh saamne khada hota hai, unhe kehta hai, line mein khade ho jao. Sab line mein khade ho jaate hain yoon seedhe ho ke na. Phir unko ek tune sunayi jaati hai aur kaha jaata hai ke yeh woh raag hai jo tumne saari zindagi alaapna hai, kyunki tum is tune ko sunne ke liye yahaan paida hue the, so you have to be proud of it. Ki tum kahin aur paida nahin hue, yahaan hue ho. Usko National Anthem kehte hain. Usse bhi jaanvar discipline ka sabaq seekhta hai. Aur us dauraan agar woh left right ho, line tode, apni line se bahar aa jaye, shor kare, mazak kare, toh sab ke saamne us jaanvar ko mara jaata hai yeh batane ke liye ki hum authority hain aur tum ghulam ho aur tum yahaan sirf baat maan ne aaye ho. Phir us jaanvar ko dabbo ki tarah ke kamron mein, us assembly se utha ke bhejte hain, jo ki bilkul ek factory ki tarah hoti hai. Khidkiyaan hoti hain chand aur dabbe bane hote hain saare na, aur wahaan furniture aisa pada hota hai ke jo jaanvar ko haankne wala saamne khada hota hai na malik, uski har ek jaanvar ke chehre pe nigaah padti ho. Aisa furniture banaya hota hai, khuli khuli jagah banai hoti hai. Ke har jaanvar ka face nazar aaye ke woh kya kar raha hai, woh naak kar raha hai haan mein ya woh kisi aur se baat toh nahin kar raha, ya woh apni soch mein gum toh nahin hai. Isi liye surveillance karne ke liye har waqt jo master hai woh aapki aankhon ke andar dekh raha hai. Aur aap khauf ka shikar hain ki main zara sa left right hua, main ne apni kisi natural instinct ko follow karna shuru kar diya, ya main kuch imaginate karne laga. Aur ek dum se master ne koi baat ki, jaanvar ko jawab na aaya, toh phir woh jo malik hai, woh aapki bench ke paas aayega aur danda uske haath mein hoga. Aur woh sab ke saamne izzat bhi utaar dega aapki aur aapko abuse bhi karega aur woh nishaan aapki soul se kabhi jayenge nahin, beshak aap jitne marzi bade ho jaye. Aur phir ek aisa jaanvar jo excited tha, jo creative tha, jo kuch karne ke qabil tha, uski abilities ko 80% delete kar ke ek docile, ek obedient, aur ek weak aur ek fickle jaanvar paida kiya jaata hai is factory se. Aur pata hai is factory ka naam kya hai? Schools. Aaj baat karni hai schools ki aur is cheez ki kis tarah schools creative abilities ko destroy karte hain aur kis tarah se surveillance center ka kaam lete hain in schoolon se. Agar aapko lagta hai ki main yeh saari kahaani suna raha hoon toh main aapko thoda hamesha ki tarah theoretically establish kar deta hoon baat ko. Noam Chomsky, jo ke American linguist aur theorist hain, woh kehte hain ke jo schools hain, the role of schools for the most part is to train people for obedience and conformity, not education. Schoolon ka role yeh hai ki aapko obedient banaya jaye, baat man'na seekhne ke qabil banaya jaye aur conformity yani ki jo sab kar rahe hain, main ne woh karna hai. Agar yeh baat bata di hai sab ne haan kaha, main bhi haan kahunga, jis rang ka sabne libaas pehna hai, main bhi wohi rang pehnunga. Yeh sikhane ke liye schools khulte hain, is liye nahin ke aapko bada insaan banaya jaye. Uske baad Mark Twain, bade mashhoor writer hain, woh kehte hain, I never let schooling interfere with my education. Main ne apni taleem ke andar kabhi bhi aur meri jo seekhi hui abilities hain uske andar main ne schools ko kabhi interfere nahin hone diya. Ke schools ka koi role nahin hai us mein. Albert Einstein ki baat kar lete hain, mashhoor azeem scientist, school dropout tha. Aur usne kaha ki meri intellectual abilities ka main koi credit schools ko nahin deta, jo main ne seekha hai us mein schools ka koi bada part nahin hai, kyunki schools mein fear ki base pe knowledge ko transmit karte hain. Aur fear woh cheez hoti hai jis jo tamam human capabilities jo hoti hain na unko neutralize kar ke destroy kar deti hai. Khauf ke under kuch seekh nahin paata insaan kabhi bhi, woh sirf obedience seekhta hai, ilm hasil nahin karta. Toh yeh hai ji factory model of schooling jis ki hum aaj baat kar rahe hain. Aur agar hum iski evolution ki baat karein ki yeh yahaan tak pahuncha kaise hai, uske baad mein baat karenge iski implications kya hoti hain aur hal kya hai. Toh Martin Luther jinhe main bahut praise karta hoon, jab unhone dekha ki Catholic Church jo hai, woh bachchon ko brainwash kar raha hai badi early stage pe, toh unhone kaha ki koi aur compulsory education ki schooling honi chahiye jahaan par riyasat yeh lazim kar de ki bachche ne yahaan aa ke zaroor padhna hai. Toh wahaan se compulsory education ka idea modern daur mein aata hai, pehle bhi tha yeh waise toh, Sparta ke andar bhi exist karta tha. Kyunki jo Spartans the, woh kehte yeh the ke humne apni jo ek marshal race banani hai, ek qaum banani hai, toh uske liye woh Maaon se bachche cheen ke le aaya karte the. Ki yeh jo Spartan mard hain, inko humne warriors mein convert karna hai, isliye early stage pe pakadna hai inko, brainwash karna hai. Toh modern world mein Martin Luther se start hota hai aur phir German State woh seekh jaati hai, aur purpose toh yeh tha ki modern learning wahaan par di jaati thoda different agenda dete bachchon ko. Dena agenda hi tha woh bhi, free, freedom nahin thi. Toh woh ji exercise karne ke liye phir 18th century mein compulsory education ho gayi school level ke upar, aur phir Americans ne bhi wahin se seekha aur is tarah ke factory model of schooling ko jo hai na, promote kiya. Toh basically yeh jo model tha, iska hamesha se jo purpose tha na, woh aapko creative abilities ko empower karna tha hi nahin. Yeh bade poets paida karna, yeh azeem jo hai na woh, falsafi paida karna, philosophers paida karna, azeem scientists paida karna, iske liye yeh institute tha hi nahin. Iska pehla, first and foremost jo role hai na, woh yehi hai ke to teach respect for authority and uniformity. Ke authority aapko jo keh rahi hai uski baat sunna sikhate hain yahaan pe aapko bas. Aur thoda sa 20-30% aapko beech mein knowledge ka tadka laga ke kehte hain ke hum toh aapko sikha rahe hain. Aur sikhate yeh hain ki memorize karte hain jo aapko milta hai, usko rat lo, yaad kar lo aur saal ke end ke upar ek answer sheet ke upar vomit kar do ja ke. Is this education? Main agar apni baat karoon toh main ne kabhi school level ke upar jo seekha main koi credit nahin deta apni thinking ka usko. In fact it was traumatic to see such brute control, ki aap ja rahe hain subah uth ke, aapko kuch nahin pata wahaan pe ke itni harshly treat kyun kar rahe hain log aapko, theek hai? Uske baad mein 2-3 baje tak aap wahin baithe hue hain, repeatedly aapke saath yeh mazak kiya ja raha hai education ka jahaan pe aap part hi nahin le rahe. Sirf ek entity khadi hui hai, woh bata rahi hai kya sahi hai, kya galat hai. Ek do baje aap ghar jaate hain aur uske baad mein khana khaate hain, thoda sa rest karte hain aur uske baad mein coaching ka time ho jaata hai, academy ka time ho jaata hai. Phir aap wahaan jaate hain, wahaan time spend karte hain, exhaust ho ke apni nerves ko destroy kar ke, aap sochen ke ek early 12-13 saal ka bachcha ya usse bhi chhota bachcha. Ya 14-15 saal ka bachcha, itna burden utha ke gadhe ki tarah kitaaben apne upar laad ke chal raha hai aur usko naam diya hua hai taleem hasil karne ka aap ne. Toh phir usse yeh dimaag paida hote hain jo servility, jo servitude aur jo slavishness ko glorify karte hain, jinko critical thinking ki ABC ka nahin pata, jo resistance ko jaante nahin hain, jo revolution ke khwab se darte hain. Yeh dimaag badi mehnat se taiyaar hote hain. Carl Sagan jo physicist tha, mashhoor scientist tha. Usne kaha tha, jab main pehli doosri class mein jaata hoon, toh mujhe creative minds milte hain bachchon ke, jo bade bade sawaal existential question karte hain, ki hum yahaan par kya kar rahe hain. Yeh ghaas green kyun hoti hai, aasmaan neela kyun hota hai? Woh kehta hai, jab main 8th ya 10th standard ke bachchon ke paas jaata hoon, toh main dekhta hoon ki woh curiosity aur woh questioning khatam ho chuki hai. Kyun hota hai aisa? Kyunki un saalon ke darmiyaan aapki creative abilities ko destroy karna school ka purpose hai.
[10:17]Aur isi wajah se aisi qaumein taiyaar hoti hain jo ghulam dar ghulam hoti hain, jin ke zehnon mein sawaal toh uthta hi nahin hai, unhe jawab kahan se kisi cheez ka aana, agar sawaal hi nahin aa raha. Toh yeh cheez hai ke humne hamesha se socha yeh hai ki schooling hum bachchon ko isliye dete hain ki woh kuch seekh saken, main bhi yeh baat karta hoon ke out of school children ko schoolon mein jaana chahiye. Lekin baat yeh hai ki aap jo slavishness wahaan pe sikhate hain na, uske alternative bhi ho sakte hain. Kya ho sakte hain? Finland ki baat karta hoon main, ki Finland mein ek hafte mein 20 hours ki schooling ka law hai. Yaani ki chaar ghante ka school ek hafte mein paanch din, chaar ghante bas. Koi homework nahin, bachcha wahaan par aayega, brainstorm karega topics ke baare mein discussions hongi. Aur ek playful mahol ke andar creative abilities ko furnish kiya jayega. Toh 20 hours ka week hota hai, aur uske alawa parents se paise lena allowed nahin hai Finland ke andar. Aur agar koi school paise leta hai usko band kar dete hain. Toh woh kehte hain ke education is not a commodity, theek hai, jo yahaan pe gali gali mein bik rahi hai, jiska jo dil kar raha hai, feesen bator raha hai. Aur aage se harshly treat kar raha hai bachchon ko, illusion banayi hui hai knowledge ki, lekin sirf operation hai. Uske alawa ji regular exam hote hain Finland ke andar lekin results public nahin hote, aur na hi schoolon ki ranking banai jaati hai. Kyun? Because they believe in the process of learning not on the process of humiliating your subjects. Ke aap sab ke saamne bachche ko khada karein aur usko zalil karein ke tum toh fail ho gaye ho, tumhare itne kam marks aaye hain, woh tumse achcha hai. It's not a race, every person is a different personality, it's a, it's a different subject. Aap tamam jaanvaron ko ek line mein khada kar ke kehte ho ke darakht pe chadh ke dikha do, toh degree tumhare haath mein aa jayegi. Isi liye aise mind nikalte hain jo ke mis-placed hain, jo sirf education lene ki jo raseed hai na, fees ada karne ki raseed, use degree kehte hain jo. Woh seene pe chipka ke phir rahe hain, dimaag khaali hain unke. Toh yeh agar hum dekhen, teachers pe invest karte hain woh Finland wale, aur paanch languages bolna almost lazmi hota hai teacher ke liye wahaan pe. Itni itni languages ka knowledge wahaan par diya jaata hai. Toh baat yeh hai ki hamare yahaan par agar hum apne muaashre ke andar schoolon ko dekhen, toh woh sirf aur sirf control exercise karne ki ek habit hai jo bachchon ko sikhane ke liye aap unko school chhod kar aate hain. Ke unke tamam sawaal zehnon mein jo hain woh mar jayein, kis tarah torture karte ho bachchon ko, ke education dande ke zor pe, punishment ke saaye mein kuch seekh sakta hai insaan? Mujhe aaj tak kisi ne nahin kaha ki foreign baith ke Nietzsche ki philosophy padho aur mujhe sham ko sunao. Ya kisi aur philosopher ko padho, kyunki mera passion hai woh. Mujhe kisi dande chadi ki zaroorat nahin hai usko padhne ke liye, lekin jo mujhe danddon ke zor pe padhaya gaya, mujhe uski ABC bhi yaad nahin hai aaj. Uski wajah yeh hai ke knowledge tamam tar knowledge self-doubt se, inquiry se, inquisitiveness se, curiosity se nikalta hai, fear se nahin nikalta, fear se knowledge destroy hota hai. Toh waqt aa chuka hai ki humne yeh sanatorium khole hue hain jo ke factoryaan hain bachchon ko oppress karne ki, un pe control exercise karne ki aur unko mazeed dumb banane ki. In factoryon ko hum reform karein. Ek toh aadhi population school se bahar baithi hui hai, jo school mein ja rahi hai uska bhi yeh hashar kar rahe ho, ki badi badi universities tak log pahunch jaate hain, PhDs kar lete hain, creative ability zero hoti hai. Abhi recently Pakistan ka ilaqa hai Mardan, wahaan ek bachchi ne 1100 mein se 1100 number liye hain. Bahut se college ke bachchon ko main ne dekha hai jo topper the na, baad mein radical extremist ban gaye. Theek hai, gale kaatne ki baatein karte hain baad mein, aur hazaar marks se 990 aa rahe hain, 995 aa rahe hain. 1100 marks hain toh 1100 mein se 1095 aa rahe hain. Itne ambar lage hue hain toppers ke lekin creativity kahan hai? Kidhar hain bade dimaag? Kidhar hain bade thinkers, bade philosophers, bade scientists? Kahan gaya sab? Kyunki modern education ne itna daba diya hai insaan ki creative aur critical abilities ko ke woh aap itna brainwash ho chuke hain ki aapko bhool hi gaya hai. Ki education fear ke saaye mein nahin aati, education woh hoti hai jo ke doubt se emerge karti hai. So this is why hamari sub-continent ki societies bade dimaagon se deprive hoti ja rahi hain, kyunki wahaan education ek animal farm ki tarah hai. Aur uske central jo doctrine hai na uska, Michel Foucault ki kitaab padh lijiye aap, Discipline and Punish bahut zabardast kitaab hai. Us mein woh kehta hai ke schools ka jo central theme hai, woh hai surveillance. Har waqt nazar rakho bachchon ke upar ke woh ek tarah se behave karein, baat maanein, sar jhukayein, counter questioning na karein, taaki ghulamon ki ek aisi force paida ho ke riyasat sukoon se unke upar rule kare. Aur woh kahein zindabad aur zindabad bas, zindabad ke alawa unke munh se kuch na nikal paye. Toh is ghulami ko bahar phenkiye apne dimaagon se, unlearn kijiye jo school ne drama diya hai aapko. Aazad insaan baniye aur reform ki baat kijiye taaki aapke bachche jo hain na, woh aazad soch saken, zindabad ke alawa bhi koi baat karein. Thank you.
