[0:00]ف 2022 في مجلة اسمها رولينج ستون كانت عاملة كامبين لمغني اسمه هاري ستايلز.
[0:06]والكامبين دي حصل عليها مشاكل كتير والناس كتير قوي قعدت تشتم في المجلة وكان حوار يعني.
[0:10]والموضوع ده كله حصل لان هم كانوا كاتبين في الصورة ان هاري ستايلز وهو ملك البوب الجديد.
[0:15]ناس كتير طلعت انتقدت المجلة وان هم ازاي يقولوا كده وده غير اصلا ان كمان عيلة مايكل جاكسون طلعت وقالت ان مفيش حد يقدر ياخد لقب ملك البوب وان المعروف ان هو بتاع مايكل جاكسون بس يعني مفيش حد ينفع ياخده اصلا.
[0:26]وعموما المجلة ما كانتش أول مرة تعمل كده.
[0:30]يعني مثلا هم عملوها في سنة 2003 وكتبوا ان المغني جاستن تمبرليك هو ملك البوب وحصل برده ساعتها حوارات يعني.
[0:36]عموما انت هتسمع اللقب ده بيتقال دايما على مايكل جاكسون لان هي معروفة من ساعة مايكل جاكسون طلع ان هو ملك البوب.
[0:42]بس الغريب بقى انك لو جيت تبص على قائمة أحسن 100 مغني على مدار التاريخ هتتوقع طبعا ان مايكل جاكسون هيبقى رقم 1 او 2 أو حتى من التوب 10 بملك البوب يعني.
[0:53]لكن هتتصدم هتلاقي ان مايكل جاكسون مش من أول 10 ولا 20 ولا حتى 50.
[0:59]هتلاقي مايكل جاكسون في المركز ال 86. طيب ما تيجي كده نشوف مين الناس اللي أعلى منه. هتلاقي عندك بيونسيه وأديل في المركز ال 22 أريانا جراندي في المركز ال 43 وأخيرا أم كلثوم في المركز ال 61.
[1:10]يجي بقى في دماغك سؤال هل من الطبيعي ان مايكل جاكسون ملك البوب صاحب أكثر حضور جماهيري في تاريخ الحفلات كلها يكون في المركز ال 86 ومغنيين تانيين ممكن يكونوا مش أقوى تأثيريا من مايكل جاكسون في مراكز أحسن؟
[1:23]طب ليه؟ مايكل جاكسون كان له منافسين كتير. وغالبا أصلا التصنيف ده بنسبة كبيرة مش حقيقي لان الثمانينات كان فيها مغنيين كتير قوي جامدين عندك مثلا مادونا برنس ويتني هيوستن الأسماء دي كانوا هم ممكن يتقال عليهم عتاولة الثمانينات.
[1:37]عايز اقول لك ان مثلا مادونا دي كانت أيقونة للفاشون في التسعينات.
[1:41]حرفيا مادونا ما كانش في بنت في التسعينات مش متأثرة بشكلها ولبسها والستايل بتاعها.
[1:45]يعني كانت مثلا لو لبست جلافز معين في كليب كانت الناس كلها تاني يوم بتروح تشتريه.
[1:51]وده غير باقي المغنيين اللي لو قعدت اشرح لك كانوا قد إيه مؤثرين الفيديو مش هيخلص.
[1:55]تخيل بقى ان كل دول كان التوب بتاعهم مايكل جاكسون برده.
[2:08]طيب ازاي بقى مايكل جاكسون قدر يحافظ على النجاح ده رغم كل التحديات دي وكل المنافسين دول.
[2:14]ازاي مايكل جاكسون قدر يحافظ على لقب ملك البوب حتى وهو ميت مفيش حد عارف ياخده منه.
[2:19]الموضوع ده وراء قصة. والقصة دي كانت في أوائل الثمانينات. ممكن نقول على الفترة دي انها كانت أقوى حقبة تنافسية ما بين المغنيين في التاريخ.
[2:38]من أوائل الخمسينات لحد الثمانينات كده كان عندنا عصر اسمه العصر الذهبي للموسيقى.
[2:43]وده خلي بالك سبب من الأسباب اللي مخلي قائمة أفضل 100 مغني على مدار التاريخ أغلبهم من الناس القديمة.
[2:49]الحقبة دي كان فيها أعلى ليفل من الابداع والكرتيفيتي اللي طلعت في الموسيقى في التاريخ كله.
[2:54]شفت الناس اللي كانوا في المراكز الأولى اللي أغلبنا تقريبا ما يعرفهمش دول أهو الناس دول بقى اللي حطوا معايير للصوت في الغنى.
[3:01]يعني هم دول اللي سهلوا عليا وعليك دلوقتي اننا نفرق ما بين واحد صوته حلو وواحد صوته وحش.
[3:06]خلونا نفرق مين عنده موهبة ومين لا.
[3:09]بشكل بسيط جدا يعني هم دول اللي عملوا للموسيقى قوانين.
[3:20]وبرده الحقبة دي كان فيها أعلى ليفل من المغنيين وقتها فده كان سبب كافي ان كلهم ينافسوا بعض.
[3:26]كل واحد فيهم كان عايز يفرض نفسه على التاني كله عايز يبقى ملك نوع المزيكا اللي هو بيغنيها.
[3:31]طيب عايزك تركز معايا شوية في الحتة اللي جاية دي عشان لو ما فهمتهاش ممكن ما تفهمش حاجة طول الفيديو أصلا.
[3:36]من أول الخمسينات وانت طالع كان في مغنيين مسكوا المجال بدري شوية.
[3:40]ممكن نقول عليهم ان هم اللي بدأوا العصر الذهبي.
[3:44]المغنيين دول كان أهم حاجة عندهم ان مفيش حد جديد يجي ويطلع عليهم.
[3:49]بس زي ما في مغنيين بدأت العصر الذهبي ده في مغنيين جم بعديهم بشوية.
[3:53]ممكن نسميهم المغنيين اللي جم في النص ودول عفروا شوية عشان كان لازم يتميزوا عن المغنيين اللي اوريدي جامدين.
[3:59]وفي برده مغنيين اللي هم جم في آخر العصر الذهبي ودول اللي جم قفلوها بقى وانهوا الحقبة دي وبدأوا نيو ويف جديدة اصلا.
[4:06]سيبك من الناس اللي في الآخر هنتكلم عليهم في آخر الفيديو.
[4:09]كان في خناقة كبيرة قوي ما بين الناس اللي بدأت العصر الذهبي والناس اللي جم في النص.
[4:14]عندك مثلا من المغنيين اللي بدأت الجيل الذهبي ده كان البوس أو الكبير بتاع الفترة دي نجم الخمسينات الفيس بريسلي.
[4:28]ممكن يكون الاسم أو الصوت ده عدى عليك قبل كده لان الفيس بريسلي كان هو ده ملك البوب والروك اند رول قبل ما مايكل جاكسون يجي.
[4:35]وبيتقال أصلا ان لقب ملك البوب بتاع مايكل جاكسون استوحى بسببه.
[4:38]الفس بريسلي كان السبب في طفرة كبيرة وكان عامل نيو ويف عالية قوي قوي قوي في الموسيقى في الوقت ده وبرده عشان مايكل جاكسون كان طالع بعديه على طول.
[4:45]من أول سنة 56 لحد أواخر الستينات كده بريسلي كان مسيطر على المراكز الأولى في الموسيقى وكان نجم الشاشات في السينما.
[4:59]وسط البيج بتاعة بريسلي بقى كان بيتولد واحد هيجي يسيطر على الموسيقى مايكل جاكسون اللي اتولد في سنة 58.
[5:04]وبعدها بيظهر لنا طفل عنده ست سنين بيغني في فرقة صوته عالمي.
[5:16]لغاية لما وصلنا لسنة 69.
[5:19]ساعتها اسم مايكل جاكسون بدأ يظهر في الساحة والفرقة اللي كان بيغني فيها بدأت تاخد جواز.
[5:23]وكل ده ومايكل لسه عنده 11 سنة. وبدأ شوية شوية مايكل يستغل عن الفرقة بتاعته وينزل أغاني منفردة ليه يعني أغاني بتاعته هو.
[5:37]ساعتها الناس كلها كانت بتشاور على مايكل جاكسون وبتقول ان الولد الصغير ده هو اللي هيسيطر على الموسيقى خلاص يعني.
[5:43]دي حاجة الناس كلها متوقعاها فكانت الموهبة باينه للكل الناس.
[5:46]لحد لما وصلنا لبدايات نجاح مايكل جاكسون وكان بدأ يتشهر كده.
[5:50]ساعتها بقى الفيس بريسلي كان بيخلص كده في الكارير بتاعه خلاص.
[5:54]لكن كان دايما بيتقال ان الفيس بريسلي ما كانش بيحب مزيكة مايكل جاكسون وده بسبب ان اتقال له كتير انه يعمل معاه تعاونات لكن هو كان بيرفض.
[6:02]لكن يعني عموما ما حصلش حورات كتير بسبب ان الفيس بريسلي مات تقريبا قبل ما مايكل جاكسون يوصل للبيك بتاعته أصلا لان هو مات في سنة 77 وفي الوقت ده كان جاكسون لسه بيبدأ الويفا بتاعته.
[6:17]وفي وسط القصة دي بقى المغنيين بتوع بداية العصر الذهبي كانوا بيقولوا ان مايكل جاكسون مش جامد وكل واحد فيهم بيقول ان هو أجدع منه.
[6:24]بس كده كده كل المغنيين دول كانوا خلاص يعني بيشطبوا وكان باين انهم كده كده هيسلموا الراية لمايكل عشان هو اللي هياكل بقى العصر يعني هو اللي هيكمل عليهم.
[6:33]عندك مثلا أهم واحد فيهم وده اللي كان بيخبط شوية في مايكل جاكسون بس بشكل غير مباشر كان جيمس براون.
[6:39]بص انت ممكن ما تكونش تعرف الاسم ده أو الشكل ده عموما بس انت أكيد تعرف الأغنية دي.
[6:52]جيمس براون كان ملقب بملك السول لأنه كان تقريبا أقوى حد بيعمل مزيكة سول في الوقت ده.
[6:57]كان أكثر مغني من أوائل العصر الذهبي اللي هي كانت في الخمسينات اللي كانت علاقته بمايكل جاكسون تبان انها تمام ومفيهاش حاجة في الوقت ده لكن هو كان دايما بيقول ان مايكل ما يستحقش الضجة اللي هي معمولة عليه يعني.
[7:08]وده بسبب ان مايكل جاكسون كان راقصه قريب قوي من جيمس براون فلما مايكل جاكسون بدأ يتشير والناس تحبه براون قال ان هو بيسرق الرقص بتاعه وانه بيقلده في الرقص.
[7:17]لدرجة ان في اشاعات ساعتها طلعت كانت بتقول ان مايكل سرق منه رقصة المون ووك.
[7:22]بس الكلام ساعتها كان عادي يعني ما كانش يبان أصلا ان الاتنين في ما بينهم منافسة.
[7:27]لان الاتنين اصلا كانوا مختلفين في نوع المزيكة اللي بيقدموها فهو اوريدي ما كانش في ما بينهم منافسة أساسا.
[7:33]لكن كان دايما كل شوية يطلع كلام ان جيمس براون بيقول ان مايكل بيقلده وان اشمعنى هو خد النجاح ده كله مع اني بعرف ارقص أحسن منه والكلام ده.
[7:41]لغاية بقى ما وصلنا في الآخر ان جيمس براون خلاص اقتنع ان هو مش بينافس مايكل جاكسون اصلا عشان ساعتها مايكل جاكسون كان محبوب بشكل رهيب يعني.
[7:50]ولما جت له أقرب فرصة ان هو يثبت ان مفيش حورات كانت الفرصة دي في حفلة كان هو ومايكل جاكسون فيها.
[7:55]هو دعا مايكل جاكسون ان هو يطلع يغني يعني حتة من عنده.
[8:03]لو انت بقى اتفرجت على الفيديو بتاع الحفلة دي هتلاقي براون بيصر ان في واحد تاني موجود برده في الحفلة ان هو كمان يطلع يغني.
[8:10]الواحد ده بقى هو برنس أكبر منافس لمايكل جاكسون في تاريخه.
[8:22]طيب خلينا أقول لك ان انا دلوقتي بدأنا نتكلم في أواخر السبعينات كده ودي بقى الفترة اللي هي في النص في الفترة دي خلاص المغنيين اللي انا قلت لك عليهم ان هم جم في النص بدأت نيو ويف جديدة على الناس اللي بدأوا العصر اللي هم بتوع الخمسينات.
[8:35]لان خلاص بقى كان اللي من الخمسينات دول منهم اللي مات ومنهم اللي خلاص اتنسى مع الويف الجديدة اللي طلعت ومنهم اللي مكمل بس في أواخر الصف يعني اللي هو بيتسمع من الناس اللي هي بتحبه بس يعني فاهم.
[8:45]في الوقت ده بقى بيظهر جيل جديد كامل عايز يسمع نوع جديد من المزيكا.
[8:49]خلاص مزيكة الديسكو القديمة بدأت تقدم عليه ما بقاش عايز يسمعها.
[8:52]في الوقت ده بقى كله كان عايز يثبت نفسه كله عايز يبقى هو المغني الجديد بتاع الجيل اللي طالع ده.
[8:57]وفي الوقت ده تحديدا بنشوف أقوى فترة تنافسية ما بين اتنين مغنيين في تاريخ الموسيقى برنس ومايكل جاكسون.
[9:09]برنس ومايكل جاكسون الاتنين اتولدوا في نفس السنة سنة 58 وهم الاتنين طلعوا للشهرة مع بعض.
[9:16]الاثنين كانوا مؤثرين بشكل كبير قوي في الموسيقى كانوا تقريبا هم الاثنين كبار المجال وأكثر اتنين موهوبين في الساحة.
[9:20]ومن أكثر الحاجات اللي كانوا واكلين بيها ساحة الموسيقى ان هم الاتنين كانوا جامدين قوي في صناعة الفيديو كليب.
[9:26]برنس كان جامد قوي ومشهور بانه بيعزف على الجيتار فكان بيطلع كتير قوي في الكليبات يغني وهو بيعزف على الجيتار.
[9:32]ومايكل طبعا كان لا خلاف عليه في الرقص فهم اللي فهموا أهمية الفيديو كليب شوية واستخدموه لمصلحتهم.
[9:38]رغم ان الموضوع يعني ما كانش سهل ساعتها زي دلوقتي بالذات ان هم الاتنين كانوا سمر وبدون ما نخش في تفاصيل الموضوع ده يعني عشان أنا اتكلمت عليها قبل كده في فيديو مايكل جاكسون الاولاني لو عايز تعرف القصة دي يعني أنصحك ان انت تشوفه يعني هيعجبك قوي.
[9:49]بس المهم عشان نخرج يعني من الحتة دي مستفيدين تقدر تقول ان عموما مايكل جاكسون كان رقم واحد وبرنس كان رقم اتنين.
[9:56]يعني من الآخر مايكل جاكسون كان دايما سابق برنس بخطوة الموضوع ده كان مضايق برنس قوي وكان دايما بيحاول ان هو يشيل الفكرة دي يعني هو عايز يشيل الفكرة دي من دماغ الناس وعايز هو اللي يبقى رقم واحد.
[10:07]بس كان دايما بيفشل في الموضوع ده. الحوارات ما بينه وما بين مايكل جاكسون بدأت بالضبط في سنة 82 لما الاتنين اتحطوا قصاد بعض وعملوا ألبومات في نفس السنة.
[10:15]برنس ساعتها كان عارف باخبار ان مايكل جاكسون هينزل ألبوم ثريلر فعمل ساعتها ألبوم اسمه 1999.
[10:21]الالبوم ده كان جامد وعجب الناس جدا لكن برنس ما كانش يعرف حجم وقوة ألبوم ثريلر.
[10:26]ولما نزل الالبومين قصاد بعض فعليا ألبوم ثريلر كسر الدنيا.
[10:35]برنس بقى لما حصل كده ادها أول غاطس ولما مذيع سأله في لقاء مين اللي كسب في المنافسة يعني ما بينك انت ومايكل جاكسون.
[10:43]قال له مايكل مش فايتر اصلا بالنسبة لي مايكل ده لافر والكلام يعني بما معناه ان مايكل مش مقاتل يعني مايكل ده شخص حبوب يعني بالآخر.
[10:52]ومايكل مش مقاتل هو عاشق.
[10:57]مايكل بقى في الفترة دي كان شايف ان طالما أنا وبرنس جامدين ليه ما نفسش بعض.
[11:00]طب ليه ما يبقاش في تعاون أحسن يعني؟
[11:03]واقترح ساعتها على برنس ان هم يعملوا فيتشر مع بعض.
[11:06]ما جالهوش رد ساعتها من برنس والموضوع اتقفل لكن كان معروف في الاعلام ان مايكل طلب من برنس ان هو يعمل معاه تعاون لكن الموضوع ما كملش يعني.
[11:13]هم الاتنين المنافسة ما بينهم زادت جدا على مين هو ملك البوب بتاع جيلهم.
[11:18]وبالرغم ان مايكل جاكسون عرف ان برنس رفض ان هو يعمل معاه فيتشر أو تعاونات يعني بس جاكسون كان دايما بيحاول وكل شوية يتقال ان هم هيعملوا مع بعض أغنية وكده لكن ما بتحصلش في الآخر.
[11:28]الموضوع بقى وصل لأعلى ليفل في الحفلة بتاعة جيمس براون اللي أنا كنت لسه حكيت لك عليها من شوية دي.
[11:34]ساعتها بقى جيمس براون كان بيحاول ان هو يحط الاتنين قصاد بعض.
[11:37]هتلاقيه طلب من مايكل جاكسون ان هو يطلع ويعمل شو يعني.
[11:40]ساعتها مايكل طلع وغنى وعمل حركة المون ووك بتاعته والناس سقفوا وفرحت بيه جدا.
[11:51]لكن اللي الناس استغربته هتلاحظ ان مايكل جاكسون قال حاجة لجيمس في ودنه بعدها على طول جيمس قال لبرنس ان هو يطلع.
[11:58]في كلام اتقال ان اصلا مايكل هو اللي طلب من جيمس ان هو يطلع برنس ويحطه في أمر واقع.
[12:03]برنس بقى لما طلع بعدها كان واضح جدا ان هو عايز يعلي على مايكل جاكسون بأي شكل هو كان طالع يتحدى مايكل جاكسون فاهم.
[12:10]ساعتها جيمس براون كان بيدي المايك لبرنس على أساس ان هو هيغني يعني.
[12:15]لكن ساعتها برنس كان عارف ان مش أحسن حل ان هو يتحدى جاكسون في الصوت فقرر ان هو يتحدى مايكل جاكسون في حاجة هو ما بيعرفش يعملها.
[12:22]قام أول حاجة عملها جاب الجيتار وقعد يعزف عليه ودي الحاجة اللي مايكل جاكسون مش بيعرف يعملها.
[12:32]بعدها بقى وقف وخلع التيشرت وعمل لقطة يعني.
[12:35]بس للأسف فرحته ما كملتش لان هو وهو نازل من على المسرح كان في عمود والعمود ده يعني هو زينة بلاستيك فاهم خفيف.
[12:43]هو اتهيا له بقى ان العمود ده ثابت فجيه يمسك فيه فاكتشف ان هو اصلا بلاستيك فخده وقام واقع.
[12:51]برنس بعد الموقف ده حس بالاهانة وكان متدمر جدا وخرج من المسرح بسرعة.
[12:55]لدرجة ان في كلام اتقال ان هو حاول يخبط مايكل جاكسون بعربيته بعد الحفلة.
[13:06]الدنيا كملت على برنس وكان يوم عن التاني بيثبت للناس ان هو هيفضل رقم 2 وان مايكل جاكسون أعلى منه.
[13:11]فاكر لما قلت لك ان هم الاتنين نزلوا ألبومات في نفس السنة بالظبط برنس ساعتها خسر المنافسة دي.
[13:18]لانه ما كانش يعرف ان ألبوم مايكل جاكسون ثريلر هيعدي كل الحواجز وهيبقى الالبوم الأعلى مبيعا في التاريخ.
[13:24]مايكل جاكسون في الفترة دي كان وصل للبيك بتاعته وما كانش حد قادر ان هو ينافسه أصلا.
[13:32]فجاء القدر ان هم الاتنين يتحطوا في منافسة مباشرة قصاد بعض على نفس الجوائز في حفلة جرامي.
[13:39]ساعتها برنس ما خدش أي جوائز واكتفى بس ان هو يقعد ويتفرج على مايكل جاكسون وهو بيعمل رقم قياسي لأكثر مغني ياخد جوائز جرامي في الوقت ده.
[13:49]مايكل جاكسون ساعتها أخد 8 جوائز جرامي.
[14:35]وفي الفترة دي بقى هم الاتنين قعدوا متعادلين لمدة سنتين يعني كان ده عمال يطلع على ده وده عمال يطلع على ده.
[14:41]ساعتها مايكل جاكسون كان بيعمل ألبوم جديد اسمه باد.
[14:49]وهو كان عايز في الالبوم الجديد ده ان هو يعمل فيتشر مع برنس وساعتها مايكل جاكسون بعت مدير أعماله لبرنس عشان يقترح عليه الموضوع.
[14:56]برنس قال له تمام خلاص موافق لان هم كده كده ساعتها كانوا متعادلين وهو كان عارف برده ان مش من مصلحته ان هو يفضل ينافس في مايكل جاكسون فوافق.
[15:05]لكن حصلت حاجة لما مايكل جاكسون بعت لبرنس كلمات الأغنية برنس قال له لا أنا مش هعمل ده.
[15:10]وده بسبب ان الأغنية في أولها جملة Your butt is mine ودي معناها بص هكتبها لك هنا أحسن.
[15:17]فهو ساعتها كان معترض على الجملة دي قوي يعني لان هو ساعتها لو قالها هتتاخد ان هو بيقولها على مايكل جاكسون ولو كان مايكل ساعتها هو اللي قالها كانت هتتقال ان هي بتتقال على برنس.
[15:27]السطر الاول من الاغنية هو مؤخرتك لي. قلت من سيقول ذلك لمن؟ لأنك هتبان انك بتقولها ليا ولو أنا هتبان اني بقولها ليك.
[15:35]فهو قال له هنغير الكلمات يا إما مش هعمل.
[15:38]ساعتها مايكل جاكسون حس بقى ان هو بيتأمر عليه ورفض ان هو يغير الجملة وقام عاملها لوحده.
[15:44]وطبعا على عكس ما يعوز برنس الأغنية تكسر الدنيا والالبوم كله يضرب.
[15:50]بدأت بعدها المنافسة تهدى ومايكل جاكسون كان بدأ يرجع واحدة واحدة يبقى رقم واحد وبرنس بقى بيرجع تاني ان هو يبقى البديل بتاع مايكل جاكسون.
[15:58]لغاية لما تقريبا المنافسة انتهت في 1989 واتحسم الجدال في مين هو رقم واحد.
[16:05]هو مايكل جاكسون هو أفضل مغني وراقص على الاطلاق.
[16:09]مايكل جاكسون في الوقت ده كان في أجمد فترات الكاريرو كلها.
[16:13]أكثر مغني واخد جوائز جرامي في الوقت ده منزل ألبومين في خلال خمس سنين مكسرين الدنيا.
[16:18]وفي الوقت ده من السنة كان رايح يستلم جايزة لكن بتحصل أكثر حاجة فاصلة في حياة مايكل جاكسون.
[16:24]في وقت تقديم الجوائز كان في ست بتقول أسامي المغنيين اللي هم كسبوا الجوايز وكده وهي بقى كانت بتدي الجايزة لمايكل جاكسون.
[16:31]قدمته بان هو ملك البوب الحقيقي مايكل جاكسون ومن اللحظة دي مايكل جاكسون رسميا بقى صاحب اللقب لحد يومنا ده.
[16:34]الملك البوب.
[16:44]الناس كلها بقت شايفة ان هو ملك البوب واعتبروه نجم الجيل.
[16:48]في الحفلات بقى وعلى اليوفوت وكل حاجة هتلاقي اللقب ده ولغاية يومنا ده اللقب بتاع مايكل جاكسون ومحدش عارف ياخده منه.
[16:55]ومن اللحظة دي بتنتهي المنافسة ما بينهم وبيرضى برنس بالأمر الواقع ان مايكل جاكسون هو ملك البوب والروك اند رول.
[17:09]كان لا شك على ان مايكل جاكسون وبرنس اتنين حرفيا غيروا في شكل الموسيقى.
[17:13]لكن لكل الزمن الوقت بتاعه ونوع المزيكا بتاعته.
[17:16]من أول كده الألفينات بدأ يطلع مغنيين زي بيونسيه وريانا وإيمنيم وقبلها في التسعينات مايكل جاكسون كان في منافسة قعدت أكثر من سبع سنين مع مادونا اصلا وكان في تحديات كتير قوي مع بعض.
[17:28]يعني اصلا مايكل جاكسون ومادونا حكايتهم حرفيا لو قعدت أحكيها هتقعد فيديو ممكن نص ساعة لو انتوا عجبكوا الفيديو ده ممكن أبقى اعمل لكوا فيديو تاني على موضوع مايكل جاكسون ومادونا.
[17:36]المهم مايكل جاكسون كان بيحاول ان هو يواكب النيو ويف اللي كانت طالعة دي وعلى قد ما قدر كان بينافسهم يعني.
[17:42]لو بصيت حواليك هتلاقي أصلا مغنيين كتير لغاية دلوقتي متأثرين بمايكل جاكسون بيلي أيليش مثلا لما قلدت الدخلة بتاعته في الحفلة.
[17:52]زويكن مثلا وتأثره بالواضح بمايكل جاكسون لدرجة ان هو في كريرو عمل كفر لمايكل جاكسون اصلا.
[18:08]ممكن برده نبقى نتكلم عن موضوع ذا ويكيند وازاي ان هو اتأثر بالمزيكا بتاعته يعني عشان الموضوع هنا كبير برده.
[18:14]مايكل جاكسون ممكن يكون حرفيا نقعد نتكلم عليه لحد الصبح.
[18:17]أنا عموما عملت الفيديو ده عشان في ناس كتير قوي كتبت لي كومنتات في الفيديو اللي انا عملته على مايكل جاكسون ان هما عايزين جزء تاني وكده.
[18:24]وأنا اصلا بحب قوي الحاجات القديمة والتاريخية دي الصراحة. اكتبوا لي في الكومنتات أفكار بتحكي عن قصص زي دي لو انت في قصة معينة او حاجة عايزني اتكلم عليها اكتب لي في الكومنتات.
[18:33]وأنا 100% ان شاء الله هبص عليها. ما تنساش تقول لي رأيك في الفيديو وتقول لي عايزني اتكلم عن مايكل جاكسون تاني ولا لا يعني حاسس ان ده تاني فيديو أعمله فمش عارف اصلا ممكن اعمل حاجة تالتة ولا لا.
[18:41]وبرده تعمل سبسكرايب عشان تشوف كل جديد وده الانستجرام بتاعي لو عايز تعمل لي فولو ونبقى أصحاب يعني.
[18:47]تمام. كان معاكم عبدالله لالا سلام.
