[0:07]Urang tuo. Urang tuo ambo imbau Tapi sungguh pun urang tuo ambo imbau Sipaik nyo bana ateh sagalo Angku niniak mamak Nan duduak sabalah kamudia tu,a Baru Baa rupo nyo dek ambo Kok bisiak alah kadangaran Kok sorak alah kalampauan Alah kadatangan parudiangan Ambo baliak dek silang sapangka Dek ambo sekedar kato baru nan bajawek Rundiangan balum bakumbalikan Istirahat bapintak Janji batibokan kabakeh inyo Dek inyo alah bananti Dek ambo itu pulo nan bapaiyokan Bakeh urang tuo.. Satu kato kabajawek Kaduo rundiangan kabapulangan Katigo kandak nan kamagiah Iyo ambo ibahkan bakeh urang tuo Baa pulang nyo urang tuo Ambo disiko lah samo didalam Sakian bana dari ambo.. Lah sampai tuak.. Jikok mananga kato datuak tadi Iyolah kato sabana nyo Lah luruih jalan nan batampuah Lah apa kaji dek baulang Sajak dulu sampai kini Kan iyo baitu ndak.. Baa jikok dek ambo... Padi masak jaguang maupiah Pukek manganai anak kabau Tadi cameh lo ambo dak kabuliah Kini lah dapek lo mangko karisau Sabauk baa dek bak itu... Kok dijujuang indak tajujuang Kok dipikuak indak tapikua Bak nasakah untuang ambo Bak bilalang sianjuang jomgkek Kok dijujuang kapalo luncuanga Kok dipikua bau kok runtuah Tapi baalah mangato kan nyo Bajak lah tasorong kailaban Pasangan lah lakek pado kuduak Bia di,insuik insuik nan bak samuik Di dayuang dayuang bak salindik Supayo katoko dak bansua Baa ruponyo dek datuak tadi Mah alah kadatangan Parudiangan pulo baliak Baa rupo nyo dek datuak Sekedar kato baru nan bajawek Rudiangan balun bakumbalikan Istirahat batibokan bake inyo Dek inyo alah bananti Dek datuak itu pulo nan Bapaiyokan bakeh ambo Satu kato nan kamanjawek Kaduo rudiangan nan kabapulangan Katigo karandak nan kama,agiah Baibah bakeh ambo Baa pulang nyo ambo Datuak lah samo didalam Kan iyo bak itu buni nyo tadi.. Baa rupo nyo dek ambo tuak Ambo tarik dulu kato jo mupakaik Dielo jo parundiangan Untuak mancari golek nan sagolek Umpamo picak nan salayang Mananti pulo datuak sakutiko Kabaa pulo dek datuak tu,a Lah sampai urang tuo Baa rupo nyo dek urang tuo Mah nanang saribu aka Pikia palito hati Janji kaganti padang kato kato Dapek surang dibulati Dapek baduo dipaduo Dapek basamo dipaiyokan Dek urang tuo ado baduo jo batigo Kabatarik buninyo kato jo mupakaik Kabaelo jo barundiangan Untuak mancari golek nan sagolek Umpamo picak nan salayang Mananti ambo sakutiko Kabaa pulo dek ambo Kan iyo bak itu buninyo tadi.. Baa ruponyo dek ambo urang tuo Dek ambo supayo manyauak Dinanjanih mahelo dinansalasai Dak tibo golek dinandata Iyo rancak urang tuo paiyokan dulu Mananti ambo sakutiko Kalau bak itu Ambo paiyokan dulu tuak..
[3:01]Tuak..kembali parudiangan tuak Dibaliak baliak bak mamangang Diulang ulang bak manyapuah Dikaji awa nan bakianyo Tempo diawanyo tadi Kan iyo datuak maantakan Parudiangan bakeh ambo Baa ruponyo dek ambo Mamancuang indak sakali putuih Mangauk indak sakali kameh Mangabek indak sakali arek Nan ateh ambo duduak sahampanan Tagak sapamatang Saganjuah suruik sajamba makan Alah bakaantian kito tantang itu Baa nyolai dek ambo kini.. Alah sapanjang tali Sapanjang banteang Sakiro tubuah sakiro bayang bayang Alah ambo paiyokan Ilie jo mudiak lauk jo daghek Kini lah saciok lo nan bak ayam Sadantiang lo nan bak basi Tajun kaaia lah samo lunak Tajun kabatu lah samo kareh Aratinyo bana tantang itu Lah sapakaik lo kami sabalah kamari Tantang kato kamanjawek Kaduo rudiangan bakumbalikan Katigo kaandak nan kamaagiah Kasilang sapangka Ambo ibah kan bakeh datuak Baa pulang nyo datuak Kami disiko lah samo didalam Lah sampai urang tuo.. Baa rupo nyo dek urang tuo Alah sapanjang tali Sapanjang banteang Sakiro tubuah sakiro bayang bayang Alah paiyokan ilie jo mudiak Lauk jo daghek Kini lah saciok lo nan bak ayam Sadantiang lo nan bak basi Tajun kaaia lah samo lunak Tajun kabatu lah samo kareh Aratinyo bana tantang itu Lah sapakaik lo urang tuo Nan sabalah kamudia tu,a Kok tantang kato kamanjawek Kaduo rudiangan bakumbalikan Kasilang sapangka Baibah kan bakeh ambo Baa pulang nyo Ambo Urang tuo lah samo didalam Kan iyo bak itu buninyo tadi Baa rupo nyo dek ambo urang tuo Satantang kato nan kamanjawek Kaduo rundiangan bakumbalikan Ado juo nanmarumik nanmarusuah Setia panjang manjalani Kaduo untuang manyudai Angan angan mabaok sansai Sansai mambaok badan hilang Cameh juo ambo nanka,anyuik Tagamang juo nan jatuah Maa ruponyo tantang itu.. Pajak dibadan diri ambo Kak umuah baru sataun jaguan Darah baru satampuak pinang Tinggi dek ueh balun lai cucuik Gapuak dek lamak Baru nan batanguang Aka kurang pangalaman balun Mah adih badalia banasakah Kato bamisa basentilan Lakek sapatah baibaraik Nasakah urang balayia Kok iyo urang tuo tatompang Jo biduak baru jolong sudah Hari rancak angin salasai Tarang bulan tarang cuaco Papucuak haru dilancar kan iyolah sampai badan kakualo Akan tetapi kok tatompang urang tuo Jo biduak usang laia lah cabiak Baciuk cando limbubu Baputa bakaik ditangah tangah Ilie dak tantu kadituju Mudiak dak tantu kadiadang Alamaik kakaram badan dilautan Kabaa sipaik badan diri Aratinyo bana tantang itu Ancik urang tuo biduak nangkodonyo Sipaik manompang badan ambo
[5:38]Lah sampai tuak.. Baa ruponyo dek datuak Satantang kato kamanjawek Kaduo rudiangan bakumbalikan Katigo kaandak nan kamaagiah Kasilang sapangka Baibahkan pulo bakeh ambo Sabauk baa dek baitu.. Piak dibadan diri datuak Mah adih badalia banasakah Kato bamisa basentilan Lakek sapatah baibaraik Nasakah urang balayia Kok iyo tatompang ambo Jo biduak baru jolong sudah Hari rancak angin salasai Tarang bulan tarang cuaco Papucuak haru dilancar kan iyolah kasampai badan kakualo Akan tetapi kok tatompang ambo Jo biduak usang laia lah cabiak Baciuk cando limbubu Baputa bakaik ditangah tangah Ilie dak tantu kadituju Mudiak dak tantu kadiadang Kabaa sipaik badan diri Aratinyo bana tantang itu Ancik ambo biduak nangkodonyo Samo manompang badan datuak Kan iyo bak itu buninyo tadi.. Baa rupo nyo dek ambo tuak.. Mah raminyo balai padang sago Rami dek anak sarang gagak Saketek aram ambo kapicayo Sabauk datuak basumpah Sadang galak Sabauk baa dek bak itu Piak dibadan diri ambo kadibaco Mah adih badalia banasakah Kato bamisa basentilan Lakek sapatah baibaraik Nasakah untuang ambo Sajarah lamo ado mangatokan Manih tapainyo rang kalampaian Pasia paneh tampek marokok Kamudiak haru katungalan Ditangah biduran sati Kamuniang sadalan lalu Kakida jalan kabarangan Nareh bapadang biriak biriak Sinan teren nan tasambuang Taruih kapasa sungai limau Samaso jamatan balun kuduang Sabaluun sisipik bakuaso Simancuang dulu nan manjajah Kalau mandanga pituah dinantuo Mah sampai kini manjadi sajarah Lamak sala nyo rang cimparuah Sate tasabuik ujuang batuang Rujak baduang dikampuang paneh Mangkuak putiah disungai kasai Gulai paku kan iyo dikuraitaji Dadiah tasabuik pakandangan Sasak katupek nyo rang sicicin Lamang baminyak mudiak padang Sumareh gadang sungai sariak Lamak masak nyo rang sampan Tumah elok sanduaknyo rang sikapak Lembak nan dari pado itu.. Kincia ungku saliah tumah Di ambuakapua talatak Arah ilie padang sago Nampak raminyo lapau bengke Kailie nagari ampek jiriak Tamasuak kampuang rang sikilia Rasonyo sulik bana dek ambo Kamalapua tumah tuak Sabauk birian jo kilantan Bana tumah nan sadang lago Lah maklum jenyeh Dek ambo ayam kate Mancaliak kawan jo kakilah mangaretek Kok kunun sapai lago pulo tigo aia Nan marumik nan marusuah dek ambo tuak Kok indak tantang titiak nan batampuah Asiang angek asiang bapalilik Lain anguak lain ilalah Ibarak balan jo katitiran Sakutu nan lai sagayo kok indak Aratinyo bana tantang itu Kok tantang kato kamanjawek Kaduo rundiangan bakumbalikan Kumbalikan lah dek datuak Baa kumbali nyo datuak Ambo lah samo didalam
[9:28]Lah sampai urang tuo.. Kini bak itulah urang tuo Malin malin dipingang tabiang Dipancuang anak tanjuang mutuah Dibawok urang kabalero Papilin indak kunjuang sariang Bategang indak kunjuang putuih Sinan juo katibo nyo Dari padang kapadang panjang Kakida jalan kataniket Sinan ranahnyo tujuah koto Pado dirantang namuahnyo panjang Elok dipunta daknyo sinket Singket sakiro kapaguno Baa rupo nyo dek urang tuo Kok senteang lai kababilai Kurang lai kabatukuak Lamah lai kabatau Dek ambo iyolah sanang dalam hati Sajuak dalam kiro kiro Kalau bak itu ambo cubo cubo Mamulangan parudianganko Uang tuo,a..
