[0:00]طيب هنبدا منهجنا إن شاء الله اللي هو شامل شهادتين شهادة السي سي ان ايه 200 301 وشهادة الإنكور اللي هي 350 401. هنخش في المهم على طول وهنحاول نلم كده الأجزاء النظرية والعملية بس استحملوني بس أول فيديوهين هنتكلم على أجزاء ممكن تكون نظرية بس هي في غاية الأهمية. هنتكلم في المواضيع بتاعتنا على أول حاجة أنواع الشبكات وبعد كده هنتكلم على إزاي نوصل شبكة بسيطة أي حد يقدر يوصلها حتى الناس اللي في البيت اللي مش هيدرسوا شبكات لازم يبقوا ملمين بالجزء ده. وهيعتبر إضافة بالنسبة لهم كلهم إزاي يوصل شبكة صغيرة حتى شبكة في البيت، شبكة في معمل كمبيوتر، شبكة في سايبر يعني إيه شبكة وطرق توصيلها. ده اللي إحنا هنتكلم عليه إن شاء الله بالتفصيل فكرة الشبكات إن إحنا لازم نخلي الأجهزة تتكلم بعض. علشان الأجهزة تتكلم بعض إحنا لازم نوصل شبكة صغيرة في الأول الشبكة الصغيرة دي. صغيرة في المساحة لكن مش صغيرة في عدد الأجهزة ممكن المساحة اللي إحنا بنتكلم عليها دي تشيل جهازين وممكن تشيل ألف جهاز المهم إن الأجهزة دي كلها أخرها تتكلم بعض. لو الأجهزة هتتكلم بعض يبقى إحنا بنتكلم على حاجة اسمها لان لوكال أريا نت وورك أو شبكة داخلية. ما دام الأجهزة هتتكلم بعض بس طب الأجهزة دي بقى أنا عايزها تتكلم حد على الإنترنت تتكلم لان ثانية في دولة ثانية في مكان ثاني. كده هنخلي اللان بتاعتنا تتوصل بحاجة اسمها الوان اللي هي مبدئيا هنقول عليها الإنترنت. دي فكرة الشبكات يبقى إحنا لازم ندرس بصورة أساسية في الأول اللان اللوكال أريا نت وورك واللي زي ما قلنا اسمها شبكة داخلية. ممكن تكون مكونة من جهازين أو ممكن تكون مكونة من مليون جهاز بس هي في النهاية مقتصرة على مكان صغير أو مكان لامم الأجهزة دي كلها في منطقة واحدة وقادرين يكلموا بعض لكن مش قادرين يكلموا أي حد ثاني على مستوى العالم. اللي هي زي شبكة البيت أول ما بتوصل الشبكة الإنترنت عندك في البيت بتجيب الراوتر بتاع الاي دي اس ال وبتوصل بيه أجهزة الكمبيوتر اللي عندك في البيت سواء الموبايلات سواء جهاز كمبيوتر لاب توب ديسك توب كده أنت عامل لان بين الأجهزة دي الأجهزة دي تقدر تتكلم بعض. كده اسمها لان مجرد ما الأجهزة بتاعتك الراوتر اللمبة بتاعته تثبت ويطلع على الإنترنت أنت كده طلعت الأجهزة بتاعتك على الوان اللي هي الإنترنت يقدروا يكلموا أي حد في العالم. بداية في أي شركة لازم الأول ننجح في توصيل الأجهزة داخليا يعني لازم نأسس لان وبالتالي دي حاجة إجبارية وحاجة أساسية وده علشان يحصل أنت محتاج ثلاث حاجات كهارد وير. أنت محتاج جهاز كمبيوتر أو أجهزة كمبيوتر حسب العدد زي ما قلنا ومحتاج سويتش والسويتش ده هنشوف شكله هنعرف فكرته إيه ومحتاج كابلات توصل أجهزة الكمبيوتر بالسويتش. بالنسبة للكابلات ودي حاجة كده هنقولها بصورة سريعة الكابلات اللي عندي نوعين أساسيين هم اللي هتشوفهم في أي مؤسسة. في نوع منهم كمان هو الأكثر شيوعا وهو الدارج نوع اسمه اليو تي بي أو الانشيلد تويستد بير. الكابل اللي هو كابل اللان اللي بيتباع في السوق أو كابل الشبكة الكابل ده لما أنت تيجي تقشره بتلاقيه عبارة عن ثمان فرد. كل فردة ليها دور بس في فرد منه بتقوم بضعف الدور يعني في فردة للإرسال. لو أنت زودت معاها فردة ثانية الاثنين بيبقوا إرسال فبيقدروا ينقلوا البيانات بسرعة أكبر علشان كده بتلاقي في كابل بيقول لك ده بينقل 10 ميجا بس في كابل ثاني يقول لك ده بينقل 100 ميجا وهكذا. فحتة إن الفرد دي تساعد بعض ده بيأثر أو بيزود سرعة نقل البيانات المهم إن كل الفرد ليها ألوان ثابتة وليها شكل ثابت بس بتختلف في جودة النحاس وبتختلف في. لو قشرت الكابل هتلاقيهم ملفوفين حوالين بعض لأن ده كل أما زاد كل العصرة دي أما زادت كل ما سرعة نقل البيانات كانت أسرع وأعلى. فالعصرة دي لو حد أخذ باله هنشوفها في الصور مع بعض إن كل لما الكابل كان أسرع كل لما كان التويست علشان كده اسمها تويستد بيرز الأزواج الملتفة أو المعصورة. فهي دي فكرة كابل التويستد بير وطبعا ليه طريقة توصيل بس الألوان بتاعته ثابتة سواء كان الكابل البطيء السريع الأسرع وهكذا. إيه فكرة الألوان إن الطرف لو اتقطع واتشال منه الكونيكتور بتاعه بنقدر بمنتهى البساطة نجيب كونيكتور جديد ونوصله بنفس ترتيب الألوان مش هقعد أمشي ورا كل فردة وأشوف الفردة دي ترتيبها الكام من الناحية الثانية. وأقوم أوصل الأولانية زيها لا أنا عارف إن الكابل ده موصل بين جهازين جهاز كمبيوتر وسويتش فهو ليه ترتيب ألوان معينة ثابتة تتحفظ. بقطع وأرج من جديد أو أوصل الكونيكتور من جديد بمنتهى البساطة لما هنيجي بقى لحاجة زي. كابل النوع الثاني معنا اللي هو كابل الفايبر اوبتكس كابل الفايبر اوبتكس هو كابل الألياف الضوئية والكابل ده مصمم خصيصا علشان ينقل البيانات بسرعة الضوء.
[5:10]الكابل مش معمول علشان يوصل أجهزة الكمبيوتر العادية ده معمول للأجهزة الخادمة وكلمة أجهزة خادمة نقصد بها راوتر، سويتش، سيرفر. دي أكثر أجهزة خادمة هتشوفها في أي شركة الأجهزة دي محتاجة نقل بيانات بسرعة عالية لأن الأجهزة دي بتخدم على كذا جهاز وكذا جهاز في الشركة بيحتاجها وبالتالي بيبقى في لود هائل عليها. فالفتحات العادية في الأجهزة دي سرعتها ما تستحملش ناس كثير أنا عايز فتحة أسرع بكثير عشان كده الأجهزة الخادمة دي دائما بتجيء مجهزة بفتحات فايبر. فتحة الفايبر بنقدر نوصل بها كابلات فايبر فبتقدر تنقل البيانات بسرعة عالية جدا لا تقل عن 10 جيجا بير سكند دلوقتي. 10 جيجا يعني تقريبا أنت بتتكلم في 10 أضعاف أفضل كابل موجود. ده الفتحة الواحدة فإحنا هنحتاج سرعة زي دي للأجهزة الخادمة الحاجه الثانية إن كابلات الفايبر معموله علشان تنقل البيانات لمسافات طويلة لأن كابل اليو تي بي فاكرينه الكابل الأولاني اللي هو الأكثر شيوعا. ده مسافته القصوى 100 متر وبعد كده الإشارة بتقطع وبالتالي زي ما قلنا هو مصمم لللان مصمم لتوصيل الشبكات الداخلية اللي في نطاق 100 متر بس لكن أكثر من كده وعايز أربط فروع ببعض. هنحتاج كابل زي كابل الفايبر كابل الفايبر بيبدأ من 500 متر وصولا لغاية 80 كيلو متر علشان كده بيربط دول ببعض. كابل الفايبر في منه نوعين المالتي مود والسنجل مود. المالتي مود هم في الشكل شبه بعض وكابل الفايبر عبارة عن شعرة عارفين الخيط بتاع السنارة بتاع الصيد ده هو بالظبط زيه بس خيط السنارة بيبقى نايلون الفايبر بيبقى إزاز. هو شبه الخيط بالظبط مش هتعرف تفرقهم الشعرة الواحدة دي هي اللي بتقوم شركة وممكن تقوم دولة كمان. الشعرة الواحدة دي بيمشي فيها الضوء في النص علشان كده هي مخرمة في النص. سمك الفتحة دي يا إما 62 ميكرون يا إما حوالي 9 ميكرون 62 ميكرون يعني عريضة ده اسمه المالتي مود. طب العريضة أحسن ولا الرفيعة خالص التسعة ميكرون ده العريضة هتشتت الضوء هتخلي في فراغ كبير الضوء بيفضل يخبط في الجدار على ما بيوصل لهدفه فبيتشتت منه جزء كبير فأخره يقطع مسافة 500 متر ده المالتي مود. الفتحة الرفيعة الضوء بيمشي فيها ما عندهوش فرصة يخبط في أي جدار ولا يتشتت فبيضطر يمشي مسافات أطول فبيقطع بالكيلو متر ده السنجل مود عشان كده السنجل مود أفضل. طرق توصيلهم ما لناش دعوة بيها خالص إحنا بس عايزين نعرف معلومات عامة عن كابل الفايبر وكابل الفايبر أول مرة ينزل معنا في أي منهج شبكات في العالم. كابل الفايبر دائما الناس بتدرسه في مناهج الاتصالات أول مرة في العالم في مناهج الشبكات ينزل معلومات عن كابل الفايبر في منهج السي سي ان 200 301 الجديد. بس معلومات نظرية كلها كابل الفايبر بيبقى ليه كونيكتور بيتوصل بيه الكونيكتور ده اسمه اس سي أو اف سي أو ال سي. في كونيكتور أخرى بس أنا اتكلمت على الأشهر الكونيكتورز دي كلها ما بتفرقش في حاجة ما بتفرقش في حاجة عمليا يعني أو بمعنى أصح. لو أنت اتكلمت على كونيكتورز كلهم واحد لكن في فروقات طفيفة يفهمها الناس بتوع الاتصالات. عامة كابل الفايبر أنا ما بوصلوش أنا بشتريه جاهز زي ما هو بالكونيكتور بتاعه بيبقى اسمه باتش كورد. كابل الفايبر الباتش كورد الكابل الجاهز لا بوصله ولا بأعمل بيه أي حاجة أنا بأطلعه من الكيس بتاعه الطرفين أو اثنين كونيكتورز راكبين ومأمول لهم ترمينيشن كل اللي علي أوصل كابل في السويتش الأولاني وكابل في السويتش الثاني أو كابل في الراوتر واوصله الناحية الثانية بالسويتش. المهم إنه كابل جاهز بيركب في الفتحات بتاعته بصورة جاهزة على طول ده كل اللي أنا بأعمله في كابل الفايبر لا بوصله بإيدي زي كابل اليو تي بي هنشوف مع بعض ولا أي حاجة أنا كل اللي علي أطلعه من الكيس بتاعه وأوصله مباشرة.
[9:16]كده توصل معايا كابل الفايبر وجاهز للشغل غير كابل اليو تي بي أنا هاعمل له ترابل شوت أنا هاعمل له صيانة لو حصل فيه مشكلة. هاقطع وأرج من جديد أو أوصل الكونيكتور من جديد فدي بصورة سريعة كده أنواع الكابلات اللي إحنا هنحتاجها في شغلنا طبعا. معانا جزء خاص بتوصيل كابل اليو تي بي امتى أوصل كابل يو تي بي وإيه أنواع التوصيلات بتاعته وطرق توصيله ده هنشوفه دلوقتي.
