Sir Homi J Bhabha’s Game Plan (3D) by Professor Of How

[0:00]Socho 1950s mein jab log mitti ke chulhe par khana bana rahe the, tab ek banda 70-80 saal aage ki soch raha tha. Ye koi aur nahi Sir Homi J. Bhabha hi hain, jinhone 1950s main hi samajh liya tha ki duniya uranium ke peeche bhaagegi, par India ke paas wo nahi hai. Isliye unhone ek aisa rasta chuna jo duniya mein kisi ne socha tak nahi tha. ProfessorOfHow ko follow karke 3D animation ki madad se pehli baat to ye samjho ki nuclear energy sirf bomb banane ke liye nahi, balki desh chalane ke liye bhi bahut zaruri hai. Dikat ye hai ki duniya ke paas uranium hai, par India ke paas bahut kam hai, sirf 2%. Lekin hamare paas Kerala, Tamil Nadu aur Andhra Pradesh ke samundar kinare beaches par thorium ka khazana hai. Puri duniya ka 25% se bhi zyada. Ab problem ye thi ki thorium se seedha bijli nahi banti. Use pehle activate karna padta hai aur isliye hi Sir Homi J. Bhabha ne India ka three stage nuclear program banaya. Ye ek relay race jaisa hai, jahan ek stage ka kachra, yani ki fuel, agli stage ka khana banta hai. Pehli stage mein hum thoda sa uranium jalate hain, jisse bijli milti hai aur byproduct mein nikalta hai, Plutonium. Ab asli magic shuru hota hai stage 2 mein, jise fast breeder reactor kehte hain wo Kalpakkam wala, Ye itna shaana reactor hai ki jitna fuel ye khata hai usse zyada paida kar deta hai. Jab stage 2 se dher sara fuel mil jayega tab hum stage 3 mein thorium ka istemaal karenge. Thorium ko is machine mein daal kar hum uranium 233 banayenge, jo itni power dega ki India agle 700-800 saal tak bina ruke chalta rahega. Basically hum mitti yani thorium se sona, yani energy nikalne ki technique ka istemaal kar rahe hain. In short, Sir Homi J. Bhabha ne is desh ko nuclear autonomy ka raasta dikhaya. Agar Bhabha ne woh 3 stage nuclear plan nahi banaya hota, toh aaj hum fuel ke liye doosre deshon se bheekh maang rahe hote.