[0:00]هو الكلاود ده بقى هيلغي المجال بتاع الاي تي اصلا مش هيبقى فيه سيستم ادمن يعني طب مش هيبقى فيه ديفيلوبر؟ طب مش هيبقى فيه نيت وورك طب ده الكلاود ده هيقعدنا في بيوتنا طب الدنيا هتبقى ماشيه إزاي؟ طب الوضع هيبقى إيه؟
[0:13]طب إحنا قلقانين إحنا خايفين نخش مجال الكلاود ده أصلا عشان هم كتير جدا قالوا لنا إن هو صعب المجال صعب جدا جدا جدا والمجال حديث أوي وبتاع، لأ هو أولا لا هو صعب
[0:25]والمجال مش قصة حديث أو حاجة الناس شغالة فيه من زمان جدا هنتكلم مع بعض في الكورس ده بمنتهى البساطة وبمنتهى الوضوح
[0:34]وهيبقى بشكل أسبوعي في حلقة سيشن أو اتنين أو تلاتة على حسب الوقت اللي هيبقى فاضي يعني ونبدأ نتكلم مع بعض فيه
[0:41]ومعانا في الكومنتس أي طلبات أي استفسارات هنكون مع بعض ونتابع مع بعض الكورس بشكل دوري
[0:48]المهم بس حضرتك تكون مركز مفضي نفسك تماما الفيديو مش هيكون طويل الفيديوهات ماكسيمم الناس برضه عارفة أن الفيديوهات بتاعتي بتكون تقريبا عشرة 15 دقيقة
[0:59]بس مطلوب من حضرتك التركيز التام ويبقى معاك ورقة وقلم وتدوكمنت الحاجات دي كلها وتسجل ما يبقاش قاعد أنت مجرد بتتفرج وبس
[1:08]السلام عليكم ورحمة الله وبركاته ازيكم يا شباب أخباركم إيه أهلا بكم في حلقة جديدة وإنترو لكورس جديد على القناة هنا معانا
[1:18]الكورس النهاردة هنتكلم على الكلاود فاندمنتالز أساسيات مجال الكلاود والتطبيق هيكون على مايكروسوفت إيجر
[1:29]طبعا كلنا بنسمع على كلمة كلاود كلاود كلاود
[1:33]الحقيقة هو مش مجال جديد يعني هو المجال قديم جدا بس تعالوا مع بعض كده نبدأ نشوف إيه هو الكلاود يعني إيه كلمة كلاود كومبيوتينج أصلا اللي هي بالعربي الحوسبة السحابية
[1:46]وخصوصا أن كمان أن المحتوى العربي في الحتة بتاعت الكلاود كومبيوتينج دي تحديدا مايكروسوفت إيجر ضعيف شوية فطبعا بدأ كان فيه طلبات أن أنا أنزل الكورس دوت بشكل كامل أو بشكل مبسط على الانترنت على اليوتيوب شانيل
[2:02]وطبعا الكورس ده بشكل مجاني كامل للجميع ومتاح للجميع
[2:09]كمان مهم أوي بس في الحتة بتاعتنا شوية لازم عايزك تبقى مركز فيها الناس اللي بتاخد معايا كورسات عارفة القصة دي
[2:15]النطق بتاع الكلمة يعني أنت لما بتيجي تشوف فيديو أو بتاخد كورس بتاع أول لما تلاقي حد بيقولك كلاود دي كلاود دي ما تكملش الكورس على طول هو كلاود يعني النطق مهم جدا جدا جدا
[2:34]يلا بسم الله نبدأ نتوكل على الله ونبدأ نتكلم في الانترودكشن أو المقدمة بتاعت كورس الكلاود أو الكلاود فاندمنتالز مايكروسوفت إيجر
[2:46]الحقيقة أول كام سيشن كده هيبقى الكلام بشكل عام عن المفهوم بتاع الكلاود
[2:54]يعني مش شرط تكون أنت رايح لمايكروسوفت إيجر أو أمازون اي دبليو اس أو جوجل كلاود أو أي حاجة من الكلاود سيرفس بروفايدرز دول الكلام هيبقى بشكل عام لأن الكلاود هو مفهوم عام
[3:08]طيب هي جت منين فكرة كلمة كلاود دي أصلا طب تعالوا كده ناخد الموضوع بشكل مبسط شوية عشان نقدر نفهم يعني إيه كلاود
[3:19]أنا عشان يبقى عندي داتا سنتر خاصة بي يعني إيه داتا سنتر يعني مكان مجهز فيه كهربا وفيه سيرفرات وفيه سويتشات وفيه السيرفرات بتاعتي والسيرفرات بتاعتي عليها الداتا وعليها الابليكيشن بتاعتي وكل ده
[3:34]مطلوب مني أن أنا هيكون شاري المكان دوت المكان ده مجهز بشكل كامل تكييفات والتكييفات فيه كهرباء وكذا مصدر للكهرباء
[3:44]وتأسيسات كتيرة جدا جدا جدا جدا عشان يبقى عندي الداتا سنتر بتاعتي طب أنا شركة صغيرة مثلا دلوقتي أنا الشركة بتاعتي كلها 100 موظف وأنا شغال في دورين
[3:55]عشان أعمل ابليكيشن وأبيعه وأسوقه وأعمل الليلة دي بتاعتي دي كلها فأنا محتاج يبقى عندي داتا سنتر فهاخد مكان فهجهز مكان فمحتاج يبقى عندي اي تي سيستم ادمنستريتورز كتير واي تي نت وورك ادمنستريتورز كتير طب وبعدين هتصرف إزاي؟
[4:10]فهنا ظهر مفهوم فكرة الكلاود أن أنت بدل ما يبقى عندك المكان بتاعك أنت هتأجر الخدمة
[4:19]هتأجر الخدمة مش هتنشيئها من أول وجديد يعني إيه برضه يا باشمهندس إحنا كده بدأنا نتوه لا ولا هتبقى تبدأ تتوه ولا حاجة
[4:27]بالظبط خدها الفرق أن أنت بتبني شقة بتبني شقتك بطوب ورمل وزلط واسمنت وكذا ولا أنت هتأجرها أو هتشتريها جاهزة
[4:39]هي دي الفكرة بمنتهى البساطة فكرة الكلاود بدل ما يبقى عندي السيرفرات بتاعتي بدل ما يبقى عندي كل حاجة أون بريم أون بريم كلمة أون بريم هنسمعها كتير
[4:50]يعني عندي في المكان متواجدة عندي وأنت اللي متحمل مسؤوليتها كلها لا إحنا هنأجر هنروح لمايكروسوفت أنا عايز دلوقتي مثلا يا جماعة أجيب سيرفر
[5:00]السيرفر ده هيبقى عليه سيكوال سيرفر داتا بيز والناس هتبدأ تأكسزها من أكثر من مكان
[5:06]الطبيعي بشكل طبيعي أي اي تي هنعمل إيه هنيجي نقول أدي السيرفر تكلفته مثلا 200 ألف جنيه
[5:14]طب السيرفر اللي إحنا هنجيبه ده هنحطه فين؟ مش هنرميه كده مثلا في الأوضة عند البواب مثلا لأ فلازم يبقى في مكان مجهز فيه تكييف
[5:22]كمان لازم يبقى فيه نتورك قوية موجودة فيه لازم كمان يبقى محمي بشكل قوي جدا هنحط قدامه مثلا فاير وورل هنحط أنتي فايروس على السيرفر هنعمل نحمي الموضوع ده نأمنه إزاي؟
[5:36]كل ده أنت اللي متحمل المسؤولية أنت هتاخد الليلة دي كلها لو حصل أي داون تايم أنت اللي مسئول فيه اه نيجي بقى للداون تايم
[5:47]طب أنا جبت سيرفر واحد طب أنا هبكم الكلام ده إزاي؟
[5:52]هعمل سيرفر تاني جديد عشان يبقى عليه نفس الداتا دي هاخد منه كابي هجيب توينز ليه ودي تكلفة تانية زيادة
[6:00]الكلاود بقى بيقولك لا يا فندم أنت مش مطالب خالص خالص أن أنت يبقى عندك كل التجهيزات دي
[6:06]إحنا هنروح لأي سيرفس بروفايدر عند مايكروسوفت مثلا وهنتكلم الكلام ده بالتفصيل في الكورس
[6:12]هقولهم يا جماعة أنا محتاج جهاز 8 جيجا رام الهارد ديسك 128
[6:18]وأنا اللي هاإنستول الابليكيشن بتاعي عليه متاح الكلام ده اه متاح الكلام ده دي حاجة اسمها انفرستراكشر از ا سيرفس أي دبل أي اس وهنتكلم برضه على الكلام ده بالتفصيل قدام
[6:30]طب أنا مش عايز أنا ما ليش خبرة في الادمنستريشن خالص أنا ما اعرفش حاجة في الادمنستريشن أنا بعمل ويب سايت وعايز أعمله ببلش ويب سايت هيكلم داتا بيز وعايز أعمله ببلش هنروح لحاجة اسمها بلاتفورم از ا سيرفس يعني إيه بلاتفورم
[6:43]عملنا الويب سايت بعد ما خلصنا الويب سايت رايت كليك ببلش هنببلش الابليكيشن ويشتغل على طول
[6:49]النوع الثالث حاجة اسمها سوفت ووير از ا سيرفس اللي هي الساس، الساس ده يعني ابليكيشن موجود أنت بتستخدمه بس بالظبط زي إيه؟ زي الإيميل أنت متاح ليك أن أنت تستخدمه بدون ما يكون ليك ريسبونسابيلتي على أي
[7:16]هل الموضوع بقى صعب للتنفيذ يعني أن الموضوع صعب ننفذه؟ يعني أنا الكلام اللي أنت بتقوله يا باشمهندس ده كلام جميل وكل حاجة بس أنا حاسس أن الحوار كبير فيه
[7:26]فيه عوق في الموضوع وهنقعد وانفرستراكشر از ا سيرفس وأي اس وساس وباس والموضوع صعب يعني ولا أي حاجة
[7:34]الموضوع بمنتهى البساطة بتكريت اكونت على مايكروسوفت إيجر أو على أمازون اي دبليو اس الاكونت ده بيبقى ليك سبسكربشن
[7:42]جوه السبسكربشن ده بتبدأ تكريت الماشينز لما نيجي نشوفها عشان تعمل مكنة سيرفر على الاايجر مثلا بيس اوف كيك دقيقتين تلات دقائق بيبقى عندك سيرفر جاهز بتريموت عليه بتشتغل عليه بتحط عليه الداتا بتاعتك
[7:55]موضوع بسيط بس هو محتاج تركيز وفي شوية تفاصيل كتيرة هنبدأ مع بعض واحدة واحدة مش عايزك تستعجل على نفسك في الموضوع إحنا هنمشي مع بعض ستب باي ستب
[8:05]واحدة واحدة وهنشوف إزاي وأنت ما لكش دعوة بأي حاجة خالص هنبدأ إزاي نكريت اكونت ونبدأ ندخل نكريت فيرتوال ماشين جوه السبسكربشن بتاعنا ونقفلها إزاي ونفتحها إزاي
[8:16]وطريقة الحساب إزاي؟ عشان ما تعدش عليا كتير لأن أنا الكلام ده دلوقتي المكنة أنت هتتحاسب عليها بالدقيقة وبالثانية
[8:26]طيب إيه الاستفادة بقى مثلا من موضوع الكلاود ده؟ برضه ليها سيشن كبيرة قدام بس أنا بتكلم بشكل عام كده هيليكوبتر فيو عن الموضوع عشان تبقى مستوعب إحنا رايحين لفين ورايحين نعمل إيه
[8:36]هنفترض مثلا حضرتك أن أنت عندك ابليكيشن بيرن بشكل مستمر لمدة أربع أيام في الشهر مرتبات مثلا عشان أحسب المرتبات بتاعتي أنا محتاج ابليكيشن هيرن وهيحسب الكالكوليشن بتاعت المرتبات
[8:50]عندي 50 ألف موظف عشان أعملهم الكالكوليشن فالكالكوليشن دي بعملها على السيرفر اللي عندي اللي هو راماته 64 جيجا رام بتاخد سي مثلا الابليكيشن بتاخد 12 ساعة حسابات وضرائب وبتاع
[9:04]فبتاخد كومبيوتينج باور كبير رامات وبياخد بروسيسنج كتير جدا على البروسيسور
[9:10]ففي حاجة حاجة من الاتنين يا حضرتك هتجيب سيرفر تاني برامات أعلى بداتا أعلى أو هتزود السيرفر الموجود وفي كلتا الحالتين أنت هتدفع كوست بإيدك
[9:21]طب إيه المانع بقى أن أنا ككلاود أنا بعرض عليك أن أنت عندك الفليكسابيلتي أن أنت تعمل سكيل اب وسكيل اوت سكيل اب وسكيل اوت يعني إيه؟
[9:34]الابليكيشن ده بيرن على سيرفر أنت مأجره على الكلاود دلوقتي راماته 32 جيجا رام وشغال طول الشهر تمام وزي الفل
[9:40]لكن في آخر ثلاث أيام من كل شهر أو آخر أربع أيام من كل شهر اللي فيها الاحتسابات بتاعت المرتبات على طول مستمرة بشكل مستمر الرامات اللي هي 32 دي أنا هخليها 256
[9:53]أنت متخيل؟ لا ده أنا هخليها 512 جيجا رام
[9:59]بدل ما هو واخد السيرفر واخد 4 كور أنا هديله 32 كور
[10:06]فالمرتبات أو الكالكوليشن اللي بيتم على السيرفر وبياخد مثلا 12 ساعة هيتم في نص ساعة
[10:13]أنت شفت أنت وفرت وقت قد إيه؟ وفرت تايم قد إيه؟ الفكرة بس مش في كده ده الفكرة أن أنت كمان أن أنت خلصت الحسابات وكل حاجة تمام وجوا الناس بتوع المالية أو الناس بتوع الاتش ار البايرول وهم بيراجعوا طل طلعوا مشكلة
[10:25]فهنضطر نحذف كل الداتا دي ونعملها ريكالكوليشن من جديد
[10:29]في الوضع الطبيعي بتاعنا لأ ده إحنا لازم يا باشمهندس 12 ساعة على المرتبات دي تخلص لأ لا لا لا ولا يهمك ولا أي حاجة
[10:36]أنت راماتك كام يا عم على الكلاود 256 أنت عايز تخلص إيه؟ نص الوقت؟ خلاص تمام زي الفل
[10:42]رايت كليك بالظبط كده هتعدل بدل 256 هتبقى 512 وكمان بتتحاسب على الوقت اللي أنت عليت فيه بس الداتا دي
[10:52]كمان فايدة من فوايد الكلاود أنا عندي ويب سايت بيحصل عليه ترافيك بشكل ما في وقت معين من اليوم
[10:59]يعني أنا عندي ويب سايت بيجي مثلا الساعة 2 الضهر بيبقى فيه ترافيك عالي جدا جدا جدا عليه فالسيرفر بيداون زي مثلا نتيجة الثانوية العامة لما بتحصل أو الكلام ده
[11:09]ففي سكيل اب وسكيل داون سكيل اب وسكيل اوت سكيل اب وسكيل اوت يعني إيه؟ أنا ممكن أزود السيرفر ده
[11:18]ومش بس أزوده بس أزود الرامات بتاعته لا ده أنا هحط كمان أكثر من فيرتوال ماشين جنبي بحيث أن هم يشتغلوا مع بعض فالترافيك العالي ده يتقسم عليهم
[11:26]طب أنا لازم أقعد أعمل الكلام ده بإيدي لا ده كمان ده الكلاود هنشوف الكلام ده هنشوف حاجات حلوة جدا في الكورس بعد كده أن الموضوع هيتم بشكل أوتوماتيك اللي هو إيه؟
[11:34]أنا هقوله هديله كده كومنتس سواء من الجي يو اي أو هنكتب سكريبت بال بال جي سون لما استهلاك البروسيسور يوصل ل 75% افتح مكنة جديدة
[11:45]لما الرامات تستهلك منها 80% افتح مكنة جديدة أو عليلي السكيل بتاعي بشكل أوتوماتيكي أنت مش هتحط ايدك في أي حاجة
[11:55]كل الكلام اللي أنا عمال بقوله ده يا جماعة الموضوع بسيط وسهل بس هو محتاج التركيز أنا بتكلم بشكل مفصل شوية في الانترودكشن عشان تبقى أنت مستوعب إحنا رايحين على فين
[12:08]يبقى الكلاود كومبيوتينج هو مش مجال صعب ولا حاجة الموضوع مش صعب الموضوع سهل وبسيط ولكن محتاج شغل ومذاكرة وتدور كتير
[12:17]النقطة المهمة في الموضوع أن أنت ما تخافشي من المجال خش بقلب جامد الموضوع بسيط الموضوع ممتع جدا جدا جدا يا جماعة إلى أقصى درجة
[12:28]الموضوع ممتع جدا جدا والله العظيم فعلا يعني أنا بقالي فترة شغال في الحتة بتاعت الكلاود الموضوع ممتع يعني وكل شهر فيه جديد ومايكروسوفت وأمازون وبيخبطوا في بعض وكل واحد رايح لسكة الكلاود
[12:41]فيه تفاصيل كتيرة جدا هنتكلم فيها في أثناء الكورس وزي ما اتفقنا ومتعودين مع بعض كل حاجة هنعملها هنطبق عليها
[12:48]يمكن في أول كام سيشن في الكورس كده المواضيع بيبقى بشكل مفاهيم عامة وهنبدأ نشوف إيه فوايد الكلاود وإيه مميزات الكلاود
[12:56]وكمان السكيورتي على الكلاود الداتا دي ده ده ده ده كونسيرن بيجي عند ناس كتيرة جدا اللي هو إيه ده يا لهوي الداتا بتاعتي هتبقى فوق على في الجو كده لا هي مش الفكرة كده مش فكرة كلاود جاية من فكرة أن هي فوق السحابة لا أنت أنت
[13:09]عامل هوستنج أو أنت مأجر السيرفس دي في مكان تاني بس مش تحت ايدك لكن أنت ليك الفل اوثوريتي عليها
[13:17]وزي ما قلنا في عندنا ثلاث أنواع من الكلاود سيرفس عندنا سوفت وير از ا سيرفس وعندنا بلاتفورم از ا سيرفس وانفرستراكشر از ا سيرفس وكل الكلام ده هنجيله بالتفصيل
[13:29]دي كانت مقدمة بشكل بسيط عن الكورس أو المجال بتاع الكلاود عموما الكلام اللي أنا بقوله ده هينطبق على مايكروسوفت إيجر
[13:40]وهينطبق على أمازون اي دبليو اس وعلى جوجل كلاود والحاجات التانية الكتيرة زي ديجيتال اوشن يعني في كلاود سيرفس بروفايدرز كتيرة جدا جدا جدا
[13:50]الكلام اللي إحنا بنتكلم فيه ده بينطبق على ده وبينطبق على ده وبينطبق على ده
[13:55]دي كانت المقدمة بتاعت الكلاود كومبيوتينج الكورس بتاع مايكروسوفت إيجر فاندمنتالز الأساسيات بتاعت مايكروسوفت إيجر
[14:03]حضرتك مطلوب من حضرتك أن أنت تتابع معانا باقي السيشنز باقي الكورسات تابع بشكل مستمر اعمل سبسكرايب في القناة اعمل اشتراك في القناة بتاعتنا
[14:14]اعمل تفعيل للتنبيهات عشان يوصلك كل الجديد إن شاء الله بإذن الله بإذن رب العالمين
[14:20]هنعمل الكورس ده بشكل كامل وإحنا دلوقتي في مرحلة الفاندمنتالز الكورس بتاع الأساسيات اللي هو اي زد 900 أو اي زد 900 بعد كده هنتكلم بشكل أدفانسد شوية
[14:31]في حاجات أدفانسد هنتكلم في الترافيكس إزاي نقسمه وإزاي نوزعه كل حاجة في الحتة بتاعت الكلاود إن شاء الله بإذن رب العالمين هنحاول نغطيها مع بعض وأي استفسار أنا تحت أمركم
[14:42]كل حاجة اكتبوها تحت في الكومنتس وسائل التواصل بتاعتي هتلاقيها موجودة تحت في الكومنتس وزي ما قلتلكم تاني الكورس مجاني بشكل كامل
[14:52]نسأل الله أن ينفعنا بما علمنا ويتقبل منا ومنكم والسلام عليكم ورحمة الله وبركاته
