[0:04]خلينا نبدا من التغريده اللي غردتها في تويتر بخصوص هذه الحلقه كتبت اليوم راح اصور حلقه لدوباميكافين وكالعاده ابغاك تشاركني يا صديقي العسل في صناعتها. فطرحت سؤال الى هذه اللحظه جاء عليه 1350 جواب. السؤال يقول لو جاك شيك على بياض شيك مفتوح قالوا لك اكتب فيه المبلغ اللي يخطر على بالك وشبيك لبيك راح يجيك المبلغ. كم راح تكتب في هذا الشيك؟ سؤال وجهناه في تويتر وبرضو اعطيك المساحه انك تعلمني جوابك في التعليقات. بس ضروري تختار جواب حتى لو ما كتبته في التعليقات قولها في راسك مو مشكله بس اختار جواب. كم المبلغ اللي راح تكتبه في هذا الشيك المفتوح؟ الان على بال ما تفكر انت في جواب او تكتب الجواب خلني اقول لك هذه القصه الطريفه اللي حصلت لي انا من ارض الواقع. واللي بالضبط او نوعا ما بشكل جدا قريب تتكلم عن موضوع هذا الكتاب الخطير جدا. بس اني كنت في ثالث متوسط اولى ثانوي ثاني ثانوي وكنت جالس مع احد اقرباء الوالده. شخص مرموق وموسوعي ورجل دين هو لكنه يقرا من كل بحر ومطلع اطلاع واسع. ولا عنده تزمت للامانه او قيود او حدود يبحث عن الحكمه اينما وجدت. والحكمه ضاله المؤمن يا صديقي العسل المهم فكنا نسولف كذا في حوارات مختلفه المهم انه سالني وش التخصص اللي راح تدخله يا ناصر في الجامعه. قلت والله العظيم اني الى حد الان ما حددت فعلا يعني ما كنت محدد وش التخصص اللي انا ابغاه. قلت انا في بالي هندسه بترول وبرضو في بالي الهندسه المدنيه والمعماريه احبها. لكن امي تقول لي يا ناصر ادخل شريعه فاحتمال كبير ادخل شريعه ركز معي هو رجل دين او يصنف رجل متدين يعني ما احب التصنيفات هذه كلنا ان شاء الله اهل دين لكن. قال لي لا يا ناصر لا تدخل شريعه قلت انا وات ليه ما تدخل شريعه ليه؟ قال لان الدين موجود ومحفوظ ولا راح يروح ان شاء الله. بتعلمه في اي سن وفي اي عمر تلقاه في الكتب تلقاه في المحاضرات تلقاه في الدروس التعليميه تلقاه عند الشيوخ عند العلماء بتلقاه في كل مكان. تقدر تحصل عليه والله حافظ لنا هذا الدين ولله الحمد فتعلم دين يعني ما قال لي لا تتعلم دين قال لا قال تعلم الدين وفي الجامعه خذ لك تخصص دنيوي شيء تخدم فيه الانسانيه. وبكذا تكون جمعت ما بين الدنيا والاخره الله يسعدك الله يسعدك يا ابو عبد الله لان انسى هذا الجواب ما حييت. ابو عبد الله يمكن ما قابلته انا من ذيك الايام تقريبا الا مرتين الله يشفيه ويعافيه ان شاء الله ولكن يمكن هو ما يدري اني فعلا درست الدين لمده خمس سنوات من بعد الجامعه. فجمعت ما بين تخصص دنيوي يا صديقي العسل وان شاء الله يا رب شيء ينفعنا للاخره. الشاهد في هذه القصه انه استطرد قال لي على سبيل المثال ليه ما تتعلم شيء عن علم الطاقه. ركزوا هذا الكلام تقريبا في 2008 و 2009 في هذه الحدود ويتكلم عن علم الطاقه. قال لي يا ناصر علم الطاقه مو جديد لكن مؤخرا كذا بداوا الناس يركزون عليه اكثر وبداوا يدرسونه اكثر. وقال لي قال لي الى حد الان ما في دراسات ثابته وموثوقه عن علم الطاقه شوف وعي هذا الانسان ولكنه علم مثير للاهتمام. قلت حلو بس وش هو علم الطاقه شوف المثال يا صديقي العسل اللي جاوبني عليه عشان تعرف ان الرجل عارف علم الطاقه الصحيح او عنده اطلاع عن علم الطاقه الواقعي المنطقي الطبيعي مش الخزعبلات اللي نسمعها اليوم مع كامل الاسف. قال لي بعطيك مثال تعرف مضمار السباق اللي في استاد الملك فهد مضمار الجري حق العاب القوه او الاولمبياد. قلت له ايه اعرف المضمار قال لو قلنا لك يا ناصر اقطع هذا المضمار جريا حاول تركض في هذا المضمار كم لفه تقدر تكملها؟ ركض تخيل جري. قلت لا والله مضمار كبير الصراحه لكن باعتبار اني العب كوره يوميا ولياقتي ان شاء الله كويسه فبقول بخلص لفه لفتين بالكثير مره يعني جري لفتين بالكثير. قال مره قلت مره قال ولو شجعناك وكانت امك موجوده وعائلتنا وكان سباق مثلا عالمي يلا وبحضور شخصيات مرموقه مثلا. قلت يا يا يعني باكمل اللفه الثالثه ان شاء الله قال هذا اقصاك قلت والله هذا اللي اتوقع اقصاي خلاص بلهث. قال لو قلنا لك يلا عليها مليون ريال بس كمل لفه رابعه بتكمل قلت والله غالبا ايه بكمل يس اكيد بكمل ان شاء الله بحاول يعني ان شاء الله لو اني ازحف بس بكملها. لكن اذا كملتها خلاص هذا هذا اقصاي والله لو يقولون 10 مليون ما اتوقع اني بقدر اكمل ان طاقه جسمي ما تتحمل. قال لي حلو لما تكمل اللفه الرابعه تخيل معي اننا اطلقنا عليك اسد. انا بخاف من الكلب اسد يا صديقي العسل وش رايك يا ناصر بتوقف تقول والله هذا حدي ولا بتركض وبتحاول تنجو بحياتك مو شرط تكمل لفه كامله بس اهم شيء انك تركض. قلت اكيد بركض بنحاش بحاول انجو مليون بالميه قال هذا يا ناصر جزء من علم الطاقه انه الانسان غالبا تكون فيه طاقه كامنه. ما تطلع الا في مواقف معينه من ضمنها على سبيل المثال محاوله النجاه غريزه البقاء في حاله الخطر تطلع منك طاقه رهيبه وعجيبه وتستغرب منها. وقد تتشكل هذه الطاقه مثلا في الدفاع عن النفس بتطلع فيك قوه عجيبه او مثلا انك تكون منهك ومنهار وفي نفس الوقت لما يحصل الخطر جسمك يدفع ماده الادرينالين بقوه وتبدا تطلع الطاقه الكامنه هذه. وهو يقول لي هذا الكلام تذكرت موقف حصل مع عقيل اخوي وولد جارنا ولد جارنا اسرع من عقيل اخوي بمراحل وعقيل اخوي يصنف من الشخصيات البطيئه ايامنا. فكانوا رايحين للبقاله او السوبر ماركت وكانوا صغار وقتها وهم راجعين لحقهم راعي سياره. اصلا الحي هذاك كارثي يا صديقي الجميل المهم هم يشرحون لنا الموقف بعد ما وصلوا ويقول ولد جارنا لما قررنا ننحاش للبيت او نركض للبيت ما قدرت الحق عقيل اخوك من سرعته تخيلوا. فجاه عقيل اخوي صار اسرع من ماجد هذه يمكن تكون طاقه كامنه. ديفيد جاز بدا مقدمه هذا الكتاب يتكلم عن هذا الموضوع نوعا ما ويسال سؤال يقول هل انت تعرف نفسك. هل انت عارف مين انت اصلا وش القدرات اللي ممكن تسويها ايش الطاقه اللي انت تملكها ايش الاشياء اللي ممكن تنجزها في الحياه. هل تعتقد ان انت اللي قاعد تسويها الحين او اللي سويتها قبل هو اقصى شيء ممكن تسويه اذا كنت تعتقد انك تعرف نفسك وتعرف كل القدرات اللي موجوده فيك مثل ما يقول ادم جرانت في السلسله اللي راحت. ين اعد التفكير اليوم راح اثبت لك انك قادر على انك تسوي اي شيء في هذه الحياه وانك تقدر تحقق اي شيء في هذه الحياه. شوف يا صديقي العسل كتاب ديفيد ز كان مي اللي راح نشرحها اليوم ما يتكلم عن علم الطاقه ابدا ابدا. بل على العكس واقعي 100% ويتكلم في هذا الكتاب عن قصه حياته المريره جدا فعلا الادمي هذا عاش حياه صعبه صعبه للغايه. وقاعد يقول من حياتي الصعبه تعلمت شيء عظيم جدا الف هذا الكتاب عشان يعلمنا وش اللي تعلمه. سلسله فتاكه يا صديقي العسل فتاكه هذا هو الجزء الاول من كتاب كانت مي او لا يمكنك ايذائي. للمؤلف ديفيد ز وكذا حاط عنوان صغير في الكتاب انا ما فهمته وش يقصد بهذا العنوان الا بعدين كاتب ماستر يور مايند احكم السيطره على عقلك. وهذه هي من اعظم الدروس اللي تعلمتها من ديفيد ز جهز كوب قهوه محترم وعليه الكلام ويلا نستمتع.
[7:42]القهوه المستخدمه في هذا الفيديو يا صديقي العسل هي قهوه كولومبيا من خط الجبل. في الجامعه ما في ماده اسمها مايكروسوفت اوفيس ولا في ماده اسمها ادوبي وفي كثير من التخصصات ما يعلمونك انه ادوات مايكروسوفت من اهم الاشياء اللي بتستخدمها في حياتك المهنيه. والادوبي بالنسبه للمصممين هي اهم الادوات اللي المفروض يدرسونها دورات مثل هذه ومهارات مثل هذه الناس تحطها في السي في يحطونها في السيره الذاتيه اذا هم فعلا ماهرين فيها. وممكن يتوظفون بسببها فعشان كذا دائما اذكرك باهميه انه يكون عندك واحده من هذه المهارات وين ممكن اتعلمها يا ناصر؟ برضو دائما اقول لك منصه ينفع بتنفعك كثير. في هذه المجالات وفي مجالات كثير غيرها اي مجال ممكن يخطر على بالك صدقني احتمال كبير تلقاها عندهم منصه فيها اكثر من 250 دوره بسعر اشتراك واحد فقط سنوي. لا ودوراتهم قاعده تزيد برضو قاعدين يضيفون دورات زياده في شتى المجالات حتى في اللغه يعني على سبيل المثال عندهم في التصوير في التسويق الرسم اللغات ومجالات كثيره يصعب حصرها. ينفع حاطين خصم 50% راح تاخذ الاشتراك بنص القيمه فرصه جدا ما تتعوض كود الخصم 50 وساري مفعوله لين 20 سبتمبر الحق ما تلحق. واذا انت من الناس اللي توك تشوف الحلقه بعد ما عدت المده كود دوباميكافين دوب راح يكون ساري المفعول دائما وبيعطيك خصم ممتاز بس ترى خصم ال 50 احلى فالحق على العرض رابط ينفع موجود في الوصف. اهلا بك يا صديقي العسل في قناه دوباميكافين حيث القهوه والموسيقى والكتاب معك اخوك ناصر العقيل اهلا وسهلا تشرفنا. بغض النظر عن الجواب يا صديقي العسل اللي جاوبته بخصوص الشيك راح اسالك ليش ما اخذت ضعف هذا المبلغ. واذا قلت لي باخذ الضعف بقول لك ليه ما تاخذ 10 اضعاف واذا قلت لي باخذ 10 اضعاف بقول لك ليه ما تاخذ 100 وهكذا دواليك. يعني على سبيل المثال اذا اخترت مليون بقول لك 10 مليون مو باحسن واذا قلت 10 بقول لك ليه ما اخذت مليار او 10 مليار واذا قلت 10 مليار بقول لك 1000 مليار وهكذا لين نوصل للعدد جوجل. لان في ناس ما تعرف وش هو العدد جوجل جوجل هو عدد يعني واحد وجنبه 100 صفر. فلو قلت ابغى جوجل بقول لك ليه ما اخذت 10 جوجل طب خليها 100 جوجل ولا 1000 وهكذا. اللي صاير هنا يا صديقي العسل هو ان عقلك محدود التفكير ومصمم على انه يكون محدود. ليش لان هذا الكون محدود وكل شيء في هذا الكون لا يمارس الا محدود فهو شيء ايجابي وشيء سلبي في نفس الوقت. شوف موضوع ان كل شيء في الحياه لا يمارس الا مقيد هذا موضوع كبير جدا. يعني لو بشرحها لك بالتفصيل وانا ادري انها بتاثر على حياتك جدا لانها اليه تفكير مهمه بحتاج حلقه كامله حرفيا. فبالتالي بس خلني بعطيك كذا الفكره بشكل عام يعني كل شيء في الحياه انت تسويه يا صديقي العسل ما تقدر تسويه بحريه مطلقه. لازم يكون مقيد يعني مثلا تقول ابغى اروح من البيت للمول لازم تتقيد بقوانين سير المرور. لما بتسافر من دوله لدوله لازم تتقيد بانظمه الدخول للمطار الدخول للطياره الوصول للدوله وهكذا. لما تجي تلبس لازم تحدد لون التيشيرت او نوع التيشيرت او كم تيشيرت بتلبس ممكن تطلع بقطعه او قطعتين او ثلاث اللي تبغى. لكن في النهايه لازم تحدد لان كل شيء في هذه الحياه لا يمارس الا مقيد. فلو كنت مثلي لما كنت انا في بدايه العشرينات افكر انه ابغى حريه مطلقه ما في شيء اسمه حريه مطلقه في حريه في نطاق معين. في النهايه لازم تكون هي محدوده كون عجيب كون مصمم بشكل جدا عجيب مزدوج تلقى فيه الاضداد والمتناقضات موجوده مع بعض وعايشه مع بعض شيء غريب فالحريه مقيده في نفس الوقت. المهم ما علينا من الجانب الايجابي الجانب السلبي هو ان عقلك حط حدود معينه لقدراتك. فبالتالي اللي يبغى يوصله ديفيد ز هو انك لازم تفهم انه عندك قدرات كامنه لا تكاد توصف. وقاعد يقول لازم تعيد تشكيل اسلاك الدماغ صلح الاسلاك اللي في دماغك اللي اقنعتك ان هذه هي حدود قدراتك. بعضنا ممكن يقول والله ما اقدر اسبح بعضنا ممكن يقول اخاف من المرتفعات بعضنا ممكن يقول اخاف من الطياره اخاف من الظلام. ما اقدر اكل اكثر من وجبتين في اليوم ما اقدر اشرب اكثر من لترين في اليوم ما اقدر انام اكثر من ثلاث او اربع ساعات. ناصر لا تقنعني ما اقدر اداوم واكمل دراستي واروح للنادي في نفس الوقت. ناصر لا تقنعني ما اقدر انام في الليل يا اخي ما اقدر ما اقدر انام قبل الساعه 12 في الليل او هذه الجمله الشهيره ما اقدر اصحى الساعه 6 او 5 الصباح. ما اقدر ما اقدر ما اقدر هذا هو اللي قاعد يتكلم عنه ديفيد ز قاعد يقول لك دماغك مسيطر عليك وتحتاج تعيد تشكيل اسلاك دماغك. عشان كذا انا ما اؤمن بشيء اسمه تحفيز يقول الموتيفيشن شيء موجود حقيقي وفي ناس كثير عايشه عليه. حفزني عشان اسوي كذا حفزني عشان انجز الشغله الفلانيه حفزني عشان اصنع المستحيل في حياتي خصوصا لما تكون حياتك صعبه اسمع اسمع كل ما كانت ظروف حياتك صعبه كل ما كانت قيود عقلك عليك اقوى وتحتاج الى تحفيز. فعشان كذا يقول هو انا ما اؤمن في التحفيز ليش يا ديفيد يقول لان التحفيز بيخليني اسوي الشغله لاني تحفزت وانا ابغى اسوي الشغله لان عقلي يبغى يسوي الشغله ومقتنع انه يقدر يلتزم فيها. ابى اروح النادي كل يوم من دون سماعات اغاني عشان تعرف قديش هذا الادمي غريب فعلا جوز يروح للنادي من دون سماعات اغاني انا اكتب اذا نسيت سماعاتي هو لا. يقول انا اتمرن من دون سماعات اغاني ليه لاني طول الوقت قاعد اتكلم مع عقلي كل ما قال لي يا ديفيد انت ما تقدر اقول له اقدر هذه هي عصاره هذا الكتاب. لكن بعلمك قدام في التفاصيل كيف جوز وصل لهذه الفكره وصدقني ما راح تفهمها لين اقول لك القصه. في بعض الاحداث يا صديقي العسل ما تقدر تفهمها لين تشوف القصه او السرد او البناء ابى اعطيك مثال واحد من اصدقائي عزيز على قلبي اسمه مصعب هلا ابو فيصل قال لي يا ناصر في لقطتين سينمائيه عظيمه ابغاك تشوفها. واحده في مسلسل ووكينج ديد والثانيه في مسلسل بريكنج باد الان لقطه ووكينج ديد ما وراني اياها لاني كنت اتابع ووكينج ديد فقال لي لما توصل للقطه بتعرفها. فتابعت انا سيزون 1 سيزون 2 سيزون 3 جت اللقطه وكانت فعلا اسطوريه. ولا تزال عالقه في ذهني ومشاعرها عالقه في ذهني قويه قويه بكل ما تحمل كلمه معنى لدرجه اني دقيت عليه وقلت له تعال احنا كنا ساكنين مع بعض في نفس المبنى في الجامعه. وش هذه اللقطه؟ وش هذه العظمه يا مصعب قال لي شفت قلت طيب في لقطه ثانيه من مسلسل بريكنج باد ابغاك تشوفها. قلت انا لا ما تابعت بريكنج باد وصراحه موقفه ولا ابغى اتابعه حتى لو بتابعه ما راح اتابعه الحين يعني. قال لي طيب اوريك اللقطه قلت اي يلا وريني وراني اللقطه ما تاثرت فيها بقوه اوكي التمثيل فيها كان رهيب بس ما حسيت فيها بشيء ما كان في مشاعر. ليش لان اللقطه هذه جت في الموسم الرابع وكان المفروض اني اتابع احداث القصه وبناء الشخصيه لين اوصل لهذه اللقطه لما ينفجر احس بقوتها. وفعلا اللقطه قويه لدرجه انها تشوفها منتشره في برامج التواصل الاجتماعي الى هذا اليوم اللقطه جايه في 2012 والى اليوم الناس برامج التواصل الاجتماعي يحطونها لانها فعلا لقطه عظيمه. لكن كيف تستوعبها؟ لازم تمشي مع بناء القصه هذا اللي سواه ديفيد جوز في هذا الكتاب تكلم عن معاناه تكلم عن الالم اللي كان يعيشه. شيء رهيب فعلا اول اربع شباتر من هذا الكتاب كانت قسوه ومعناه بكل ما تحمل الكلمه من معنى وما تبقى من الكتاب بعد ما هو عرف هذا السر البسيط اللي غير حياته الى الابد. ونرجع ونقول اي تغيير قوي ينبع من هنا ماستر يور مايند ديفيد يقول مره نادوني في الام اي تي وكان في بنل يعني زي الجلسه كذا حقت مناقشه ومحادثه وامام طلاب الجامعه. فيقول كان في بروفيسور يقولوا كان موضوع النقاش في هذه الجلسه هي المتال تافنس او صلابه العقل اوه يا هذا الموضوع كم نحتاج اليه في هذا الزمن. لاني من وجهه نظري صرنا جدا دلوعين المهم يقول في بروفيسور تكلم عن الجينيتك ليمتيشنز الحدود الجينيه. وقال ان لكل انسان حدود جينيه جيناتك على سبيل المثال ممكن ما تقدر تخليك تسبق بولت اسرع رجل في العالم. هذه حدود جينات ممكن ما تخلي صوتك اجمل من صوت اديل ولا اقوى من صوت مايكل جاكسن وممكن ما تكون اقوى من ارنولد شجنر. حدود جينات يعني حدود جينات فيقول انا كنت ساكت وماني مقتنع بالكلام اللي هو يقوله ومو عاجبني الكلام ابدا ولكن لاني ماني متعلم ولست جامعي وجالس بين الجامعيين ومع بروفيسور. فما حبيت افتح فمي لاني بالنسبه لي اصنف اغباهم لكني ما كنت مقتنع ابدا بالكلام اللي هو يقوله يقول لين في واحد من الطلاب لاحظ النظره على وجهي نظره التسليكه وطرح علي سؤال وش رايك في هذا الكلام يا ديفيد. فيقول التفت على البروفيسور واضطريت اجاوب قلت لا انا تقريبا اتفق معاك بكلامك لكن لازم نحط 1% استثناء ان الكلام هذا لا ينطبق على الكل. طبعا هنا انا يا صديقي العسل ما اتفق مع ديفيد ز ابدا فعلا في حدود جينيه لكن للمهارات لا توجد حدود. يعني على سبيل المثال كره القدم تقدر تتعدى فيها كريستيانو وميسي لانها مش جينات هي مهارات من اعظم اللعيبه في التاريخ زين الدين زيدان وكذلك من اعظم اللعيبه في التاريخ ليونيل ميسي. القدرات الجينيه بين الاثنين هائله جدا ميسي اسرع ميسي اخف لكن في نفس الوقت زيدان يصنف من التوب 3 او التوب 5 لان المهارات ما لها حدود. وهذا هو اللي يقصده ديفيد ترى عموما قال للبروفيسور في 1% استثناء وبعدين ذكر هذا الاقتباس العظيم للفيلسوف هيراكلوس وهو فيلسوف يوناني. كان يتكلم عن انواع الاشخاص في الجيش في المعركه فقال من كل 100 شخص في الجيش 10 لا ينبغي ان يكونون متواجدين هنا على الاطلاق. و 80 منهم مجرد بيادق يعني جايين عشان يموتون ويستخدمون كدرع اصلا بقى لنا 10 تسعه من هؤلاء العشره مقاتلين حقيقيين. ومحظوظين جدا انهم موجودين معانا وواحد فقط من كل هذول ال100 هو المحارب 100 شخص ما فيه الا محارب واحد. وتسعه مقاتلين حقيقيين 80 بيادق و10 المفروض ما يكونون موجودين في الجيش اصلا فيستطرد ز ويقول هل عندك استعداد يا صديقي العسل انك تكون هذا الواحد وتخوض حرب مع عقلك وتعيد برمجته تحاول تكسر كل القيود اللي هو حاطها. صديقي العسل الكلمه هذه جدا جدا جدا خطيره وانت عارف يا صديقي العسل لكل حرب توجد بقايا واثار. الحرب العالميه الثانيه انا من كم يوم قاعد اتابع مقطع عن شخصين اتوقع انهم اثنين المانيين كانوا يروحون يبحثون عن بقايا الحرب العالميه الثانيه. وكانوا في الرمل ياخذونه ويفلترونه كذا ويطلعون باجات عسكريه ورتب وفلاتر حق دخان واشياء كثيره بقايا حرب وفي سراديب وفي خنادق وفي اشياء للاغتيالات وفي اشياء كثير موجوده. من الحرب العالميه الثانيه ومن الحرب العالميه الاولى برضو حرب عالميه اولى مين يا عمي من التاريخ كامل توجد بقايا الحرب اثار الحرب نقدر نشوفها اليوم. فديفيد ز دخل حرب ضد عقله وتحول من ديفيد ز هذا الى ديفيد ز هذا الان كل الناس تعتقد ان ديفيد ز شخص رياضي هو يقول يقول يعتقدون اني رياضي. لدرجه انه في احد اللقاءات مع جو روجن في بودكاست جو روجن ساله قال له هل معك مدرب شخصي؟ ركز معي يعني جو روجن قاعد يساله يقول له يا اخي جسمك رهيب وهيئتك جدا رهيبه وطبيعي فمين المدرب الشخصي اللي معاك او هل عندك مدرب شخصي ولا انت من نفسك كذا قاعد تتمرن وعارف كيف تتمرن. شوفوا الجواب الصادم شوفوا الجواب الصادم يا صديقي الجميل قال له لا لا لا اي مدرب شخصي الفكره وما فيها هي اني دخلت في حرب مع عقلي. واللي تشوفه ظاهر امامك الان هي اثار هذه الحرب يا ساتر يا ساتر يا عمق الكلمه يا ساتر. شوف انا قرات الكتاب وتابعت هذا اللقاء بعد ما قريت الكتاب صدقني انه اثار انتباهي لنقطه خطيره وبعدها فهمت ان الرجال كل اللي سواه وتكلم عنه في الكتاب مو عشان يبغى يحقق الانجازات. وتوني استوعب عنوان هذاك الباب اللي قال فيه اذكر على ما اذكر ان الانجازات ما هي هي الهدف اصلا.
[20:36]توني استوعب الان ولاني استوعبت ان شاء الله وانا اشرح لك القصه في الاجزاء القادمه بعلمك هو ليش سوى كذا في كل جزئيه احنا نتكلم عنها فيسال ديفيد ز سؤال وسؤال خطير يقول لك هل انت مستعد على ان تخوض حرب مع عقلك. ولو قررت انك تدخل هذه الحرب وتنتصر او حتى لو ما تنتصر اثار وبقايا هذه الحرب راح تكون مذهله بالنسبه لك. خلنا من الجزء القادم نشرح القصه من طفولته لين لهذا المستوى اللي وصله اليوم وكيف ممكن نتخلص من قيود هذا العقل يا صديقي الجميل اللي اقنعك ان في اشياء كثيره انت ما تقدر تسويها في الحياه. حلقه قادمه جدا دسمه استعد ولا تنسى ان من دون دعمك بعد الله ما قدرت اوصل لاحد فبالتالي شارك هذا المقطع مع من تحب صدقني السلسله راح تعجبك باذن الله. انتهت جرعه دوباميكافين لهذا اليوم يا صديقي الجميل القاك الاسبوع القادم بحلقه اكثر من رائعه باذن الله شكرا لحسن الاستماع وشكرا دائما على وقتك اللي ما يقدر بثمن سلام عليكم.
