Don't Start Animation Channel || Until You Know This // Earning Reveal

[0:00]Don't start animation channel in 2025. Nahi, ye koi clickbait video nahi hai. But main aisa kyu bol raha hu? Main toh khud hi animation sikhata hu na. Matlab main khud ke pair pe kulhadi mar raha hu? Nahi, main aap log ke pair pe kulhadi lagne se bacha raha hu. Toh agar aap 2025 mein apna animation channel banane ka soch rahe ho ya phir aapka already ek animation channel hai. Toh ye video aapko end tak zarur dekhni chahiye. Kayi baar video end tak dekhne ka fayda bhi ho jata hai. Toh sabse pehle toh aap socho aap animation channel kyu banana chahte ho? Toh main aapke samne teen scenario rakh deta hu. Aap dekh lena aap kiske under aate ho. Toh first views and paise ke karke, second aapka interest and passion hai animation mein. Third aapka interest toh hai animation mein but sath hi sath aapko paise bhi chahiye. So jo sirf views and paise ke liye animation channel banana chahte hain unhe main apni YouTube ki earning dikha deta hu. And main poori earning bilkul detail mein dikhaunga month ki, year ki, last six month ki. And maine kaun si video se kitna earn kiya hai sab kuch bilkul detail mein bataunga. Jo ki baaki YouTuber bilkul bhi nahi batate hain. But main aap log ke sath bilkul transparent rehna chahta hu and main chahta hu ki aap koi bhi galat decision na le. Toh earning dekhne ke baad aap log ko ek clear idea ho jayega ki aapko animation community mein aana chahiye ya nahi. Toh yaha pe aa chuka hu main apne Y.T studio mein and main ek baar aapko refresh karke dikha deta hu ki ye real hai edited nahi hai. Toh jaisa ki aap dekh sakte ho mere monthly views hai 3.4 lakh matlab 3 lakh 40,000 and mera watch time bhi aap dekh sakte ho. And filhal ke liye main earning ko blur karta hu, earning main aapko baad mein dikhata hu. Toh yaha pe hum simply analytics pe click kar lete hain. And jo ab hum chalte hain apne earning wale section pe. Toh yaha pe aap dekh sakte ho meri monthly earning 6K ke around hai. And main ise refresh karke bhi aap log ko dikha deta hu and ispe click karke dikha deta hu. Toh aap yaha pe dekh sakte ho mere daily ki earning 200 ke around hoti hai. Kis din 200 se niche jaati hai kis din 200 se jyada jaati hai. And yaha pe main aap log ko pichle six month ki bhi earning dikha deta hu. Toh jaise ki aap yaha pe dekh sakte ho inme se sirf ek month mein hi mera $100 cross hua tha. Usse pehle aaj tak mera kabhi $100 ek month mein kabhi nahi hua hai. Meri earning aane mein do mahine se bhi zyada lag jate hain. Aur ye 6K earning tak pahuchne mein mujhe dhai saal se bhi zyada ka time lag gaya. Agar ye dhai saal main kahin aur deta toh bahut hi achha earn kar raha hota abhi. Toh jo sirf views and paise ke liye animation channel banana chahte hain unhe toh mera personal suggestion yahi rahega ki mat hi banao. Toh ab kuch log soch rahe honge ki asli earning toh sponsorship se hoti hai. So of course sponsorship se kafi achi earning hoti hai but tutorial channel ke liye toh utni zyada achi earning nahi hoti hai. Because mujhe zyada tar AI wale ke sponsors milte hain and AI khud ek new startup hota hai toh wo zyada paise invest nahi karte hain apne marketing mein. Wahi jo animation channel hote hain unhe badhiya badhiya brand ke sponsor milte hain jo ki zyada se zyada paisa unhe pay karne ke liye taiyar rehte hain. Toh of course sponsor channel walon ko achi earning hoti hogi but yaha pe tutorial channel ko toh bhai sponsorship se bhi utni achi earning nahi hoti hai. And I know abhi aap log bahut zyada demotivate ho gaye hoge because koi bhi apne passion aur interest ko without money kab tak hi follow kar sakta hai. Toh ab dekho mera motive aap log ko demotivate karna nahi tha. Mera motive bas aap log ko ek sahi path dikhana tha jo ki abhi tak maine dikhaya nahi hai. Toh ab aate hain hum apne video ke main point pe. Don't start animation channel, start learning animation. Nahi samjhe, ruko samjhata hu. Toh dekho maine apne YouTube channel ki earning toh aap log ko reveal kar di. But main isse kayi zyada apne animation ke skill se earn kar leta hu for working for companies and clients. Toh dekho aap apne animation channel ko toh grow kar sakte ho, kisi ki video ko trace karke ya phir anime ko trace karke. Ya kahin se kuch cheeze copy karke, but isse aap log ko animation nahi aayega. But market mein asli demand toh animators ki hoti hai. Aur wahi agar aap logo ne animation ki skill acche se seekh li phir aap bahut acha earn kar sakte ho. Seriously main apne personal experience se bata raha hu ye. Mere haathon se lakhon ke, lakhon ke nahi bhi toh kam se kam 70-80 thousand ke project mere haathon se nikle hain just because of my skill. Because mere ko utne next level anime level ka animation banane nahi aata hai. Jis karke wo project mere haathon se nikal jate the. But mere paas jitna bhi animation ka skill hai usse main bahut achha khasa earn kar leta hu. Toh dekho poore video ka conclusion yahi nikalta hai ki aap apne animation channel ko grow karne ke peeche mat bhago. Aap sirf apna animation skill ko grow karo. Daily animation ki practice karo. Bas aap ek baar animation skill seekh gaye na, phir aapka channel toh grow hoga hi hoga uske alava aap bahut sare paise bhi earn kar paoge. Toh aap bas learning ke upar focus karo, daily practice karo, animation skill ko apne badhao. And sirf views and paise ke peeche bilkul bhi mat bhago. Toh dekho mujhe bhi pata hai comment mein kafi sare log bolenge bhai client kaise milta hai, hume bhi batao, hume bhi work karna hai. Toh dekho iske upar main kabhi aur video bana dunga. But abhi filhal ke liye bas aap animation skill seekhne pe focus karo. Because mere ko bhi kayi baar bahut zyada paison ki zaroorat hoti thi. Main sochta tha mujhe bhi client work mil jaye. But mujhe nahi milte the. Because mere paas utni skill thi hi nahi ki mere ko client work mile. So agar aap log bhi chahe jitna marzi koshish kar lo agar aap log ke paas skill nahi hai toh aapko client nahi milenge. And agar aap log ke paas skill hoga toh client definitely milenge. But uske liye aap log ko apne work ko showcase karna hoga. Wo sab kaise karte hai, wo sab kisi aur video mein hum cover karenge. Aur kuch log toh mere se itne inspired ho jate hain ya phir shayad mere views se itne zyada inspired ho jate hain ki wo bhi tutorial channel start kar dete hain. Jabki unko bilkul bhi animation nahi aata hota hai. Meri character ko log trace karke karte hain. Toh dekho shayad is tarike se tum log views and subscribers toh gain kar loge. But isse tum bilkul bhi earn nahi kar paoge jab tak tumhare paas animation skill hai hi nahi. Mujhe bhi animation karte hue dhai saal se zyada ho gaya hai. But dhai saal mein jitni mere ko animation aa jani chahiye thi utni bilkul bhi nahi aati hai. Because mera zyada tar time scripting, voice over, editing in sab mein chala jata hai jis karke main utni zyada practice bhi nahi kar pa raha hu. Jis karke main apni skill ko zyada speed se badha bhi nahi pa raha hu. Toh abhi aap log ke paas badhiya opportunity hai, aap log apne skill ko enhance karo. And dekho ye sab main usliye nahi bol raha hu ki competition badhega tutorial field mein. Mere ko bhai competition se koi matlab hi nahi hai. Tum log ko banana hai tutorial tum log bana sakte ho. But baad mein tum log ko reality jab pata lagegi tab tum log regret karoge. And ek aur main extra tip aap log ko de deta hu ki kabhi bhi aap ek cheez pe dependent mat rehna. Aur mana main YouTube se acha earn nahi karta hu but mere teen char aur earning sources hain. And iske alava sath hi sath main study bhi kar raha hu. Aur maine animation ke alava aur bhi skills seekh rakhe hain jaise ki video editing, thumbnail designing, script writing, research. And iske alava main business ki study sath hi sath kar raha hu. Toh agar aage chal ke aap dekhte ho ki main koi business start karta hu toh bilkul bhi hairan mat hona. Don't worry animation toh main aap log ko free mein hi sikhaunga. Toh dekho conclusion yahi nikalta hai ki animation mein bahut badhiya scope hai, tum log bahut acche paise bhi earn kar sakte ho. Bas aap log ko sirf aur sirf views and paise ke peeche nahi bhagna hai, aap log ko bas skill seekhne ke upar focus karna hai. Aur skill seekhne ke liye aap log ko bahut sare channels mil jayenge. Aur mere channel pe bhi aap log ko kafi sari videos mil jayengi but wo kafi basic videos hoti hain. Toh aap YouTube pe thoda research kar sakte ho, aap log ko kafi acche acche advanced videos bhi mil jayengi. Toh bas aap animation seekho. Mere channel se seekho, kisi aur ke channel se seekho ya jahan marzi se seekho. Bas aap animation seekhne ke upar focus karo. Bas aap focus karo ki aap YouTube pe jo video upload kar rahe ho. Next video aapki usse achi quality ki honi chahiye. That's it. Toh I hope aap log ko meri baatein samajh aayi hongi. Agar aap log meri baaton se agree karte ho toh comment mein agree type kar dena. Baaki aap log ne video yahan tak dekha toh thank you so much. And agar aap log ko is video se koi bhi thodi si bhi value mili hai kuch seekhne ko mila hai toh please is video ko like kar dena. Aur like se bhi zyada ek cheez mujhe kafi zyada motivate karta hai aap log ke comments. Waise aksar main aisi videos banata nahi hu main simple normal tutorials upload karta hu. Toh agar aap log ko tutorial dekhna pasand hai aur animation seekhna hai toh aap mere channel ko subscribe kar sakte ho. And waise aksar main apne videos mein videos ko share karne ke liye nahi bolta hu but aap chaho toh is video ko share bhi kar sakte ho. Baaki aap log ko next video kaun se topic pe chahiye please comment karke zarur batana. Baaki dosto milte hain next video mein till then bye take care.