[0:00]السلام عليكم اهلا وسهلا احيانا تسمع قصص تقول هل فعلا هذه القصص حقيقيه؟ هذا يشبه بالمستحيل هذه معجزه من الله سبحانه وتعالى هل فعلا في ناس عايشين بيننا حصلت معاهم هذه القصص اقول لك نعم. في ناس فعلا قالوا لنا هذه القصص وواجب علينا ان احنا ننقل هذه القصص بحيث ان تعم الفائده باذن الله والناس تاخذ هذه القصص عبره. فاليوم انا يا لكم قصه جميله جدا بس قبل لا اقول لكم القصه اقول لكم يا احباب لا تنسون متابعتي في هذه القناه. قناه اخوكم اتشرف جدا لا تنسون الاشتراك تفعلون جرس التنبيهات اللايك والشير وتكتبون تعليق حلو بعد ما ننتهي من هذه القصه شنو استفدتوا من هذه القصه. وفي شيء مهم جدا تحت هذا الفيديو انا حاط لكم كل الروابط الخاصه في حساباتي السناب والتيك توك والانستغرام فاتشرف بمتابعتكم. والحين نبدا مع بعض القصه هذه القصه حصلت في السعوديه وهذا الرجل في يوم من الايام سافر الى الاردن بسيارته. عنده بعض الاشغال هناك وهو مع صديق له وهذا صديق له اردني مهندس اردني موجود في الاردن. فردوا مره ثانيه لما خلصوا شغلهم ردوا من الاردن وراحوا وين راحوا حايل. هم عندهم بعض الاجتماعات وبعض الامور اللي يبون يخلصونها بحايل وكل واحد جايب سيارته. فلما وصلوا حايل كل واحد استاجر له غرفه وقعدوا فيها وناموا فيها. فلما ي وقت الليل هذا الشخص السعودي حس بضيقه. يقول لا اله الا الله كان جبال حايل كلها واقعه على قلبي. يقول ضيقه ضيقه ما يعلم فيها الا الله سبحانه وتعالى. يقول حاولت اطلع برا في الشارع اتمشى يقول والله ضايقه معي خلاص استعسرت معي. خلاص كان كل الابواب غلقت في وجهي الحين انا ودي ارجع لمنطقتي لكن ما اقدر معي هذا الاردني واحنا جايين عندنا شغل بحاي نبي نخلصه نبي نخلص امورنا نبي نخلص البزنس اللي احنا عندنا. فيقول تعوذت من ابليس ورجعت مره ثانيه غرفتي قعدت على سريري. انسدحت اتقلب يمين يسار ابي انام ماني قادر. فيقول بس خلاص ماني قادر يقول استقرت وقررت اني انا بطلع الحين من مكاني من حايل وبروح وين؟ بروح عنيزه بروح القصيم خلاص. زين وخويك اللي جاي من الاردن يقول هذا خويي بطلع انا ولما امسك الخط بدز له رساله. وان شاء الله انه هو بيقدر ظروفي بيعذرني الحين انا ما ابي الا بيتي وابي حرمتي وعيالي يقول كان قلبي ناغزني ان فيهم شيء. يقول وفعلا ومسك الخط يقول لا اله الا الله ما بقى ذكر ما قلته ما بقى ايه في القران ما قريتها. يقول الى الان انا ضايق الى الان احس اني انا مقموت ماني قادر اتنفس يقول ساعات اوقف بنص الطريق ابطل الشباك ابطل الدريشه ابي اتنفس هواء نقي يقول والله ضايقه معي. يقول على هذه الحال لما اللهم لك الحمد وصلت القصيم وصلت بيتي دشيت بيتي وحرمتي وعيالي امورهم طيبه وكل شيء تمام التمام. يقول خذيت لي شاور ودشيت غرفتي ابي انام يقول ابي انام ماني قادر. كل ما الضيقه تزيد وتزيد وتزيد يقول لا حول ولا قوه فيقول قال حق حرمته اني انا بطلع بتمشى بالسياره شوي. ابتنفس هواء نقي وبصلي الفجر بالمسجد وبعدين اجي البيت مره ثانيه تمام تمام يقول فعلا خذيت سيارتي وقمت اتمشى حزتها نص الليل الساعه اثنتين اثنتين ونص بالليل. الشوارع كلها هاديه وظلمه وما في اي بشر ما في ناس يقول وانا اتمشى بسيارتي يقول طبعا سيارتي موديل السنه. فل اوبشن ما فيها اي خراب موديل السنه توني اطلعها من الوكاله فيقول انا قاعد اتمشى ضاق صدري اكثر يقول خلاص خلاص ما قدرت اتنفس يقول اتنفس ماني قادر يقول بطلت الشباك وكان حزتها برد. وح علينا شتاء والساعه اثنتين بالليل فبرد البرد يقول انا طبعا وقفت بنص الشارع وسكرت سيارتي كنت بتنفس بتنفس لما خلاص ضاقت فيني قلت قررت اني انا اروح المستشفى. يقول مثل ما قلت لكم السياره موديل السنه جديده ما فيها اي خراب ما فيها شيء امورها جدا طيبه فيقول جيت اشغل السياره ما تشتغل. اشغل السياره ما تشتغل يمين يسار ما تشتغل يقول انا بحال الحين يرثى عليها وبنص الليل والشارع فاضي ما في احد يقول وضع سيء سيء لابعد حد. يقول التفت يمين يسار ولا اشوف ولا في مسجد عند اول الشارع هناك يقول نزلت من سيارتي قفلت السياره السياره ما تشتغل ورحت للمسجد يقول اقعد بالمسجد لما ياذن الفجر بعد شو اسوي. اصلي ركعتين اقرا لي كم ايه من القران بقعد للفجر وبعدين يحلها الله سبحانه وتعالى يقول فعلا رحت للمسجد ودشيت المسجد المسجد فاضي. يقول لما دشيت المسجد لقيت في واحد قاعد في السطره الاولى. بيده مصحف قاعد يقرا يقرا قران فيقول انا دشيت المسجد صليت لي ركعتين خلصت سلمت ولا اشوف هذا الانسان ساجد. بروحه بالمسجد وبنص الليل لا هي حزه صلاه ما ادري ايش السالفه. يقول انا احس بتعب احس يعني قلبي قام دقاته قامت تزيد وقامت تصير سريعه. قلبي قام يلقع ما ادري شنو السالفه فيقول رحت له شوي شوي وبالله قاعد امشي يقول خلاص قلبي بيوقف يقول رحت له شوي شوي السلام عليكم وعليكم السلام. ولا شخص من الجنسيه السودانيه تفضل اسى ما شاء قال له ما عليك امر انا سيارتي خربانه برا وكنت بروح للمستشفى. واحس قلبي تعبان جدا وقلبي يعني نبضاته سريعه. احس بشيء غريب معك سياره قال اي نعم معي سياره قال اذا ممكن يعني يا زول توديني المستشفى واكون لك شاكر. كان يقول له لا فا عليك الناس للناس تعال معي وفعلا ركب مع الزول السياره وراحوا بطريقهم للمستشفى. يقول الغريب بالموضوع شنو الغريب اني انا اول ما ركبت مع الزول السياره. وحركنا شوي يقول نبض القلب قام يصير طبيعي. وقمت اتنفس عادي. بشوي شوي احس ان انا اموري طيبه. فيقول سالته قلت له بس العفو يا زول انت يعني جالس في المسجد تدري الساعه كم الان. الساعه تقريبا اثنتين ونص ثلاث وباقي وقت طويل يعني على صلاه الفجر. شنو اللي خلاك تجلس في المسجد فقال له هذا السوداني قال انا عندي مشكله لكن انا مشكلتي ان شاء الله انها هينه. فجيت المسجد اذكر الله سبحانه وتعالى واقرا بعض الايات وصليت وادعو الله سبحانه وتعالى ان الله سبحانه وتعالى يفرج عني ويفرج عن كل المسلمين يا رب العالمين. هذا الانسان السعودي قال حق السوداني قال له شنو مشكلتك. تقول انت عندي مشكله شنو مشكلتك قال انا مشكلتي صحيه قال انا تعبت ورحت للمستشفى وسويت بعض الفحوصات. وقالوا لي الاطباء ان احتمال كبير احتمال كبير جدا يكون عندك ورم في الراس. ولازم تسوي اشعه مو اي اشعه والاشعه اللي بسويها مكلفه جدا وما عندي فلوس اني انا اسوي هذه الاشعه. حاولت ادبر يمين ويسار ما قدرت فيقول في المستشفى قالوا لي في شخص ممكن انه يساعدك. هذا الانسان هو رئيس قسم الاشعه الدكتور فلان الفلاني. فممكن لما توصل له وتكلمه ممكن انه هو يساعدك ويسوي لك الاشعه فاعطوني اسمه واعطوني رقمه يقول اتصل عليه من مده جهازه كله مسكر واذا مو مسكر ما يرد علي. ما ادري شنو الموضوع صراحه فقال له هذا الشخص قال ممكن تعطيني الورقه اشوف شنو الاسم ورقم منو ممكن انا اعرفه قال له ابشر قال يطلعه الورقه تفضل هذه الورقه. بطل الورقه هذا الانسان السعودي كان ينصدم قال له انت متاكد من الاسم قال اي نعم متاكد من الاسم. قال يا زول انت لما رحت المستشفى رحت المستشفى الفلانيه اللي موجوده في المكان الفلاني قال اي نعم قال يا زول انت تدري اللي بالورقه منو قال والله ما اعرف منو. ما اعرف منو بس احاول اني انا اتصل عليه ما يرد علي احاول اني اتصل عليه جهازه مسكر مغلق. ما ادري منو الله سبحانه وتعالى ان شاء الله يدبرها لي. قال يا زول هذا الدكتور اللي مكتوب لك اسمه ورقمه هذا انا انا الدكتور فلان الفلاني وانا رئيس قسم الاشعه في المستشفى الفلانيه. قال انت تمزح معي قال لا والله ما امزح معاك انا الدكتور انا هذا الدكتور طلع له بطاقته المدنيه الاثبات قال له شوف الاثبات الاسم منو مو نفس الاسم المطابق قال اي نعم قال هذا رقم تليفوني. يقول انا كنت في الاردن عشان كذا جهازي كان مسكر لما انت كنت تتصل علي ورديت مره ثانيه حايل وكان حاشني ضيقه حاشني شيء سبحان الله اول مره يحوشني. فكانت تجيني اتصالات وما كنت اقدر ارد ولا ابي ارد اني انا بحاله ما كان يعلم فيها الا الله سبحانه وتعالى وما ادري شنو كان وضعي ما ادري شنو كانت صحتي يعني ما ادري ايش السالفه. فقال لها اسالك بالله يا زول شنو انت كنت تقول حق الله سبحانه وتعالى فقال ما كنت اقول شيء معين كنت ادعي الله سبحانه وتعالى انه يا رب دبرني فاني لا احسن التدبير. يا رب سخر لي الارض ومن عليها يا رب سخر لي من عبادك الصالحين يا رب يا رب شافني وعافني يا رب يقول قمت ادعي ادعيه كثيره. قال يا زول تدري انت بدعائك الله سبحانه وتعالى شنو سوى فيني قال انا كنت في الاردن بدعائك الله سبحانه وتعالى خلاني اروح حايل واجلس بحايل وبفراشي ما اقدر انام واتقلب بفراشي يمين ويسار. واطلع من فراشي واجي ليه هنا وتخترب سيارتي عند هذا المسجد وادش المسجد والقاك انت. قال انت بدعائك تدري شنو فعلت. الله سبحانه وتعالى جرني لك جر انت ممكن اتصلت كان جهازي مغلق. انت ممكن اتصلت انا ما رديت عليك فالله سبحانه وتعالى جعل هذا الموضوع كله يتم عشان الله سبحانه وتعالى يجيبني عندك وجه بوجه وتعطيني هذه الورقه وانصدم وانصعق ان هذه الورقه اللي مكتوب فيها الاسم هذا اسمي ورقمي وانت تبيني انا. والله سبحانه وتعالى ساقني لك ويا ابني لك تعال معي انا الحمد لله الحين ما فيني اي شيء انا دريت الحين رقعه القلب ودرت الحين انا المصيبه اللي انا كنت فيها والضيقه اللي انا كنت فيها كل هذا عشان انا اجيك. قالها مش معي قالها وين قالها مش معي المستشفى يقول بهالوقت بهالي قال امشي الحين المستشفى يقول ونروح المستشفى الفلاني وادخل قسم الاشعه انا رئيس قسم الاشعه بالكامل انا الدكتور فلان الفلاني. يقول فعلا واسوي له اشعه وتطلع النتائج وفعلا يطلع عنده ورم لكن ورم حميد ونسوي له العمليه ونستصل الورم هذا الحميد وكل هذا بالمجان. يقول بالمجان ما خذيت منه ريال واحد بالمجان الله سبحانه وتعالى اللي خلاني من هناك من الاردن اروح حايل اروح عنيزه القصيم بعدين اجي للمكان في المسجد والله سبحانه وتعالى ساقني له ما ساقني العبث. ما ساقني لعبث الله سبحانه وتعالى ساقني لا عشان اساعده ويقول والحمد لله هذا الزول الحين عايش حياته ومتهني اللهم لك الحمد. قصه انتهت القصه خلصت لكن المعاني اللي فيها الكثيره ما انتهت هذه القصه تبين لنا شنو مدى فعاليه الدعاء. سهام الليل شنو ممكن يسوي الدعاء بحياه الانسان شنو ممكن الله سبحانه وتعالى يدبر لك ويدبر لك امور كثيره انت ما تدري عنها. لكن هذه قاعد تصير كلها خلف الكواليس مثل ما يقولون انت ما تدري عنها هذا الزول السوداني ما يدري ان هذا الدكتور هو موجود. بالاردن ومن ثم راح حايل ومن ثم راح القصيم ومن ثم جاء المسجد سياره اخر موديل اختربت عند المسجد عشان يدش ويلقى هذا الزول. مو وقت صلاه ولا شيء دعاء دعاء غير. غير اشياء كثيره بالدعاء فعرفتوا ليش لما احنا نقول عليكم بالدعاء عليكم بسهم الليل. والله العظيم لما تدعي الله سبحانه وتعالى بقلب صادق مؤمن واثق الله سبحانه وتعالى راح يستجيب. والله العظيم راح يستجيب باذن الله راح يستجيب راح يستجيب راح يستجيب باذن الله كنت معكم انا اخوكم فهد بشاره يا احباب لا تنسون الاشتراك في القناه وتفعلون جرس التنبيهات واللايك والشير اكتبوا الكومنت اللي قلت لكم عنه في الاول.
[12:20]اكتبوا شنو استفدتوا من هذه القصه عشان نقراها مع بعض نقرا الكومنتات مع بعض وباذن الله نستفيد كلنا. استودعكم الله الذي لا تضيع ودائعه نشوفكم في قصص ثانيه ومواضيع ثانيه سبحانك اللهم وبحمدك اشهد ان لا اله الا انت استغفرك واتوب اليك في امان الله السلام عليكم.
